پشاور: جمعیت علمائے اسلام (جے یو آئی )رہنما سردار علی خان نے تحریک انصاف پارلیمنٹیرین(پی ٹی آئی پی) میں شمولیت کا فیصلہ کرلیا –
باغی ٹی وی: ذرائع کے مطابق سردار علی خان کے حامیوں نے کہا ہے کہ جب سردار علی خان نے جے یو آئی میں شمولیت اختیار کی تھی تو حلقے کے عوام کی خدمت کا سلسلہ جاری رکھنے کیلئے انہیں حلقے کا ٹکٹ دینے کا وعدہ کیا گیا تھا مگر قیادت اس پر قائم نہ رہی،سردار علی خان کے ساتھ حلقے کے تمام حامی بھی جلد ہی ایک جلسے میں پی ٹی آئی پی میں شمولیت کا اعلان کریں گے۔
اسلام آباد: جماعت اسلامی کے سابق ایم پی اے ڈاکٹر اقبال فنا جمعیت علما اسلام میں شامل ہوگئے ہیں ۔
باغی ٹی وی: ڈاکٹر اقبال فنا کا کہنا ہے کہ علاقے کے بہترین مفاد اور دوستوں سے مشاورت کے بعد جے یو آئی میں شمولیت اختیار کی۔قبل ازیں سابق ایم این اے نور عالم خان نے جے یو آئی میں شامل ہوئے نور عالم خان کی رہائش گاہ پر جے یو آئی کے صوبائی امیر سینیٹر مولانا عطا الرحمان کی مشترکہ پریس کانفرنس میں نور عالم خان جنے ے یو آئی میں باضابطہ طور پر شمولیت کا اعلان کیا-
جے یو آئی کے صوبائی امیر مولانا عطاالرحمن اور دیگر قائدین کے ساتھ پارٹی میں شامل ہونے کا اعلان کردیا ، سنیٹر مولانا عطاء الرحمان نے کہا کہ نور عالم خان اور ان کے پورے خاندان کو جے یو آئی میں خوش آمدید کہتا ہوں،جے یو آئی کو حکومت بنانے سے کوئی نہیں روک سکتا-
نور عالمہ خان کا کہنا تھا کہ جمعیت کیساتھ پہلے بھی بہتر تعلقات تھے ہمیشہ ملک کی بقا کی بات کی ہے، مولانہ فضل الرحمان جو کہتا ہے وہ سچ ثابت ہوتا ہے، جے یو آئی کی قیادت کا گھر آنے پر مشکور ہوں، نجے یو آئی قیادت کیساتھ پہلے سے ہی اچھے دوستانہ مراسم ہیں، مولانا فضل الرحمان کی سیاسی بصیرت کا ہر کوئی قائل ہے، مولانا فضل الرحمان کی قائدانہ صلاحیت سے متاثر ہوکر جمیعت میں شامل ہوا، جے یو آئی نے سخت سے سخت حالات میں بھی کبھی کوئی گملا بھی نہیں توڑا، میں اور میری تمام فیملی اور دوست جے یو آئی میں شمولیت کا اعلان کرتا ہوں جیل میں لاڈلے کو دیسی مرغ اور ورزش کی مشینیں تک فراہم کی گئی ہیں، چیف جسٹس سے درخواست ہے کہ تمام قیدیوں کو یکساں حقوق دیئے جائیں-
دوسری جانب پی ٹی آئی کے سابق ایم پی اے محمد فہیم پی ٹی آئی پارلیمنٹرین میں شامل ہوگئے ہیں،محمد فہیم نے کہا کہ خیبرپختونخوا کے لیے پرویز خٹک نے کام کیے ہیں ،خیبرپختونخوا میں ترقی کے تسلسل کو جاری رکھنے کیلئے پی ٹی آئی پارلیمنٹیرین میں شمولیت اختیار کی۔
پرویز خٹک نے اس موقع پر کہا کہ الیکشن مہم جاری ہے ، اپنا پیغام لوگوں کو پہنچا رہےہیں ہم نے صرف حکومت نہیں کی اداروں کو بھی ٹھیک کیا ہے،ضم شدہ اضلاع کے ساتھ بہت زیادتی ہوئی،الیکشن کے بعد اور بھی لوگ پارٹی میں شامل ہو رہے ہیں،کافی سیٹوں پر ہمارے دوست آزاد الیکشن لڑ رہے ہیں۔
اسلام آباد: جمعیت علمائے اسلام (ف) کے رہنما مولانا عبدالغفورحیدری کا کہنا ہے کہ پاکستان تحریک انصاف اپیل میں جائے گی تو انہیں بلے کا انتخابی نشان مل جائے گا،جبکہ ن لیگ سے کچھ لو اورکچھ دو کی بنیاد پربات ہوگی-
باغی ٹی وی : جے یو آئی ایف کے رہنما عبدالغفورحیدری نے ایک بیان میں کہا کہ کیا بانی پی ٹی آئی کوپھر سے ہم پر مسلط کیا جائے گا؟ تمام ترتحفظات کے باوجود الیکشن میں جارہے ہیں، پی ٹی آئی اپیل میں جائے گی تو بلا مل جائے گا، ن لیگ سے کچھ لو اورکچھ دو کی بنیاد پربات ہوگی، پیپلزپارٹی جانتی ہے سندھ میں متبادل قوت جے یو آئی ہے۔
گزشتہ روز نوشہرہ میں ورکرز کنونشن سے خطاب کرتے ہوئے پرویز خٹک نےکہا کہ پی ٹی آئی کی پارٹی ماضی کا حصہ بن جائے گی، کیونکہ ماضی میں جن پارٹیوں نے ملکی اداروں کے خلاف نفرت کی سیاست کی و ہ پارٹیاں یا تو ختم ہوگئیں یا وہ پارٹیاں صرف صوبے یا ضلع کی پارٹی بن کر رہ گئیں تبدیلی خان کی تبد یلی کے غبارے سے ہوا نکل چکی ہے، نہ بلا رہا اور نہ بلے سے کھیلنے والا کھلاڑی، الیکشن کمیشن نے بلےکے نشان کو ختم کردیا،8 فروی کو پاکستان تحریک انصاف کا نام و نشان بھی باقی نہیں رہےگا بانی پی ٹی آئی اصل میں آصف علی زرداری اور نواز شریف سے بھی دو ہاتھ آگے تھے، تبدیلی اور احتساب تو بس ایک ٹوپی ڈرامہ تھا، اصل میں تو وہ خود کرپشن کے کنگ تھے۔
واضح رہے کہ ملک میں 8 فروری 2024 کو عام انتخابات ہونے جا رہے ہیں جب کہ چند روز قبل الیکشن کمیشن نے آئین کے مطابق الیکشن نہ کروانے پر پی ٹی آئی کے انٹرا پارٹی الیکشن کو کالعدم قرار دیتے ہوئے ان سے بلے کا نشان بھی واپس لے لیا تھا جس کے بعد پاکستان تحریک انصاف نے الیکشن کمیشن کے فیصلے کے خلاف عدالت سے رجوع کرنے کا اعلان کر رکھا ہے۔
پیپلز پارٹی کے سیکرٹری اطلاعات فیصل کریم کنڈی اور فتح اللہ میان خیل نے کاغذات نامزدگی جمع کرا دیئے۔
اس موقع پر فیصل کریم کنڈی کا کہنا تھا کہ مولانا فضل الرحمان جب ہارنے کا خطرہ ہو تو کسی دوسرے حلقے سے کاغذات جمع کراتے ہیں،پیپلز پارٹی اور تحریک انصاف کا سیاسی مخالف ایک ہے آئیں مل کر مشترکہ مخالف کو شکست دیں، پیپلز پارٹی کے مقامی اتحاد قائم کرنے کی وجہ سے مولانا فضل الرحمان بلوچستان سے الیکشن لڑ رہے ہیں،انکو خطرہ نظر آ رہا ہے کہ وہ یہاں سے ہار جائیں گے،ہم عوام تک پہنچیں گے، پیپلز پارٹی کا پیغام پہنچائیں گے،ہمیں امیدہے کہ کامیابی ملے گی،پی ٹی آئی کی لیڈر شپ کے ساتھ اختلافات ہوں گے لیکن ہم ورکر کے لئے قدر کرتے ہیں،ورکر ہمیشہ قربانی دیتاہے،انکو کہتے ہیں کہ آئیں پیپلز پارٹی کے امیدوار کو سپورٹ کریں،ہمارا سیاسی مخالف ایک ہے آئیں ملکر اسے شکست دیں اور پاکستان کو ترقی کی راہ پر ڈالیں
لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری
عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟
الیکشن کمیشن کو تمام شکایات پر فوری ایکشن لیکر حل کرنے کا حکم
کاغذات نامزدگی جمع کرانے کے وقت میں 2 دن کا اضافہ
ن لیگ کے محسن رانجھا نے پی ٹی آئی والوں پر پرچہ کٹوا دیا .
نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں
اسلام آباد: جمیعت علمائے اسلام ف (جے یو آئی) کے سینیٹر کامران مرتضیٰ نے چیف الیکشن کمیشنر سے کاغذات نامزدگی کی وصولی کے دن بڑھانے کا مطالبہ کردیا۔
باغی ٹی وی : اس حوالے سے سینیٹر کامران مرتضیٰ نے چیف الیکشن کمشنر سکندر سلطان راجہ کو درخواست لکھی ،درخواست میں کامران مرتضیٰ نے لکھا کہ سپریم کورٹ کے حکم پر الیکشن کمیشن کی جانب سے عام انتخابات کا شیڈول جاری کیا گیا، سیاسی جماعتوں نے الیکشن کیلئے قومی اور صوبائی سطح پر امیدواروں کو پارٹی ٹکٹ تقسیم کرنے ہیں، کاغذات نامزدگی کی وصولی کے لیے تین دن کا اضافہ کیا جائے، البتہ سکروٹنی کے وقت کو 7 دن سے کم کر کے چار دن کیا جاسکتا ہے جس سے پولنگ 8 فروری کو کرانا ممکن ہوگا۔
درخواست میں کہا گیا کہ جے یو آئی ف کو انتخابات کی تاریخ اور دیگر الیکشن شیڈول کے مراحل پر کوئی اعتراض نہیں، الیکشن ایکٹ کے سیکشن 58 کے تحت الیکشن کمیشن شیڈول کے اندر ردوبدل کرسکتا ہے کاغذات نامزدگی کے وقت میں اضافہ جے یو آئی ف کے لیے بطور سیاسی جماعت باعث اطمینان ہوگا اور اس کا وقت بڑھانے سے سیاسی جماعتوں کو بہتر امیدواروں کے چناؤ میں بھی آسانی ہوگی۔
واضح رہے کہ عام انتخابات میں حصہ لینے کیلئے کاغذات نامزدگی حاصل کرنے اور جمع کروانے کا سلسلہ آج سے شروع ہو گیا ہے امیدوار 20 سے 22 دسمبر تک کاغذات نامزدگی جمع کروا سکتے ہیں، ان کی ابتدائی فہرست 23 دسمبر کو جاری ہوگی جب کہ کاغذات نامزدگی کی اسکروٹنی 24 سے 30 دسمبر تک ہوگی،جبکہ 13 جنوری کو امیدواروں کو انتخابی نشانات الاٹ کیے جائیں گے، عام انتخابات کے لیے پولنگ 8 فروری کو ہوگی، گزشتہ روز این اے 194 لاڑکانہ سے بلاول بھٹو زرداری کے لیےکاغذات نامزدگی حاصل کیے گئے جب کہ سربراہ استحکام پاکستان پارٹی جہانگیر ترین کے لیے 3حلقوں سے کاغذاتِ نامزدگی لیے گئے۔
لاہور: جمعیت علمائے اسلام ( جے یو آئی) کے رہنما راشد محمود سومرو نے پارٹی ہدایت پر لاڑکانہ سے پیپلزپارٹی کے چیئرمین بلاول بھٹو زرداری کے خلاف الیکشن لڑنے کا اعلان کردیا۔
باغی ٹی وی : اس حوالے سے راشد محمود سومرو کا کہنا تھاکہ پارٹی نے کہا ہے بلاول بھٹو زرداری کے خلاف لاڑکانہ سے میں الیکشن لڑو ں تاثردیا گیا ہے سندھ میں ون مین شو ہے کوئی دوسری جماعت کامیاب نہیں ہوسکتی،دھاندلی کے خلاف ایسی تحریک چلائیں گے جو حکومت کو ہلا دے گی، جے یو آئی روز اول سے سندھ میں عوام کی بھلائی کے کام انجام دیتی رہی ہے۔
دوسری جانب ترجمان پیپلزپارٹی فیصل کریم کنڈی نے کہا کہ ڈی آئی خان کے عوام کی خواہش ہے مولانا فضل الرحمان کو دوسری بار بھی شکست دوں، مولانا فضل الرحمان این اے 44 سے انتخاب لڑے تو انہیں دوسری بار شکست دوں گا، مولانا فضل الرحمان شکست سے بچنے کے لئے انتخابات سے بھاگ رہے تھے،مولانا فضل الرحمان نے معیشت، سردی اور امن و امان کے بہانے بنائے تھے۔
بعد ازاں فیصل کریم کنڈی کے مولانا فضل الرحمان کو الیکشن ہرانے کے بیان پر جے یوآئی نے ردعمل دیا،ترجمان جے یو آئی اسلم غوری نے کہا کہ جمہوریت کو بہترین انتقام قرار دینے والے اب بیساکھیوں کی تلاش میں مارے مارے پھر رہے ہیں،ایک صوبہ سنبھالا نہیں جا رہا ،ملک سنبھالنے کے خواب دیکھ رہے ہیں،پی پی نہ تین میں ہے نہ تیرہ میں ، سندھ میں دی جانے والی ڈوز کا اثر کے پی میں ظاہر ہورہا ہے ،انتخابات جیسے جیسے قریب آئیں گے ،پی پی کی تکلیف دیکھنے لائق ہوگی ، زرداری اینڈ کمپنی نے پندرہ سال سندھ کو لوٹا ،پی پی ،پی ٹی آئی کی بی ٹیم بن گئی ہے ۔
واضح رہے کہ رہے کہ 2018 کے عام انتخابات میں بھی لاڑکانہ سے قومی اسمبلی کی نشست این اے 200 سے بلاول بھٹو زرداری رکن منتخب ہوئے تھے اور انہوں نے راشد محمود سومرو کو شکست دی تھی۔ راشد محمود سومرو 50 ہزار ووٹ لے کر دوسرے نمبر پر آئے تھے۔
ادھر جے یو آئی سے سیٹ ایڈجسٹمنٹ کے لیے 3 سیاسی جماعتوں نے رابطہ کیا ہے، صوبائی ترجمان جے یو آئی عبدالجلیل جان کے مطابق سیٹ ایڈجسٹمنٹ کے معاملے پر عوامی نیشنل، قومی وطن پارٹی اور پیپلزپارٹی نے رابطہ کیا ہے تینوں جماعتوں کے ساتھ کل علیحدہ علیحدہ مذاکرات ہوں گے ، جے یو آئی مذاکراتی کمیٹی کے مسلم لیگ ن سے مذاکرات کے 2 دور ہوچکے ہیں،تمام سیاسی جماعتوں سے مذاکرات کے لیے دروازے کھلے ہیں۔
کاٹلنگ: جمعیت علمائے اسلام (ف) کے سربراہ مولانا فضل الرحمان نے کہا ہے کہ مدرسے کے شاگرد کو مارنے پر شور مچانے والے فلسطین میں ظلم پر خاموش ہیں۔
باغی ٹی وی: مردان کی تحصیل کاٹلنگ کے علاقے بابوزئی میں تکمیل حفظ قرآن کی تقریب سے خطاب کرتے ہوئے انہوں نے کہا کہ مدارس کے خلاف ہر سازش کو ناکام بنادیں گے، ہم نے مدرسے میں جو کچھ سیکھاہے، ہم ان پر کھڑے ہیں اور کھڑے رہیں گے، ہمارے اکابرین نے ملک کیلئے قربانیاں دیں، مگر ان کی کردار کشی کی گئی۔
مدرسے کا استاد اگر شاگرد کو مارے تو انسانی حقوق کے علم بردار آسمان سر پر اٹھا دیتے ہیں مگر فلسطین میں ظلم پر سب خاموش ہیں،دنیا فلسطین کی نسل کشی کا تماشہ دیکھ رہی ہےصیہونی قوتیں جو فلسطینیوں کےساتھ کر رہے ہیں اس پر پوری انسانیت شرمندہ ہے، اقوام متحدہ سلامتی کونسل بنیادی انسانی حقوق کی تنظیمیں سب ناکام ہوگئی ہیں، ہم انسانی حقوق کے تحفظ کے ضامن ہیں ، معیشت کی بحالی کاعزم رکھتے ہیں، جمیعت علما اسلام بندوق کی سیاست پر یقین نہیں رکھتی۔
مولانا فضل الرحمان نے کہا کہ عالمی اداروں اور معاہدوں کے ذریعے ہمیں غلام بنایا ہوا ہے، ہماری سیاست پر اقوام متحدہ سمیت عالمی اداروں کا قبضہ ہے، انسانی حقوق کی عالمی تنظیمیں ہمارے فیصلے کرتی ہیں جس سے ہمارا اپنے آئین و قانون غیرمو ثر ہوجاتا ہے، معیشت کو ورلڈ بینک کنٹرول کررہا ہے، ہمارے دفاع کو عالمی معاہدات کے تحت کنٹرول کیا جارہا ہے، پاکستان کے پاس ایٹم بم ہے مگر اس کا اختیار ہمارے پاس نہیں۔
اسلام آباد: برٹش ہائی کمشنر جین میریٹ، پولیٹیکل سیکرٹری سیم فلیچر کی جے یو آئی سربراہ مولانا فضل الرحمان کی رہائش گاہ آمد ہوئی
انہوں نے مولانا فضل الرحمان سے ملاقات کی،ملاقات کے دوران باہمی دلچسپی کے امور پر بات چیت کی گئی، افغانستان اور انڈیا کے ساتھ پاکستان کے تعلقات پر گفتگو کی گئی،افغانستان میں خواتین کی تعلیم سمیت افغان مہاجرین کی واپسی پر تبادلہ خیال کیا گیا،
برطانوی ہائی کمشنر نے افغانستان میں خواتین کی تعلیم کے حوالے سے مولانا فضل الرحمان سے تعاون کی اپیل کی،مولانا فضل الرحمان نے عالمی برادری کو افغانستان کے ساتھ تعلقات بہتر بنانے اور معاملات باہمی افہام و تفہیم سے حل کرنے کا مشورہ دیا اور کہا کہ مغرب اور اسلام کے درمیان ثقافتی تقسیم کو تسلیم کیا جائے ۔خواتین کی تعلیم کے حامی ہیں لیکن افغانستان کے اسلامی اور پشتون پس منظر کو سامنے رکھتے ہوئے وہاں کی حکومت خواتین کی تعلیم کے لئے ماحول بنا رہے ہیں ۔افغانستان میں امن وامان کے قیام میں بتدریج بہتری آرہی ہے ،امن وامان کے قیام کے ساتھ ساتھ یہ مسائل بھی حل ہونگے ۔افغانستان میں خواتین اور بچوں کی تعلیم پر پریشان ہونے والوں کو غزہ کی خواتین اور بچوں کی طرف توجہ دینی چاہیے جہاں انسانی حقوق پامال ہورہے ہیں ۔غزہ میں چار ہزار خواتین ،چھ ہزار بچے اور بیس ہزار عام شہریوں کو بموں کے ذریعے شہید کیا گیا ۔مغرب پھر بھی اسرائیل کی حمایت کررہا ہے ۔مغرب اپنے روئے پر نظر ثانی کرے ۔امن کے نام پر غزہ میں قتل عام بند اور انسانی حقوق کی خلاف ورزی بند کی جائے ۔
مولانا فضل الرحمان نے خواتین کی تعلیم کی اہمیت اور ضرورت پر زور دیا اور کہا کہ یہاں اسلامی مقامی اور پشتون روایات اور ثقافت کو ملحوظ خاطر رکھنا ضروری ہے۔اس موقع پر رہنما جےیوآئی حافظ حمداللہ، جلال الدین ایڈووکیٹ اور مفتی ابرار موجود تھے ۔
آئے روز وزیراعظم کو اتار دیا جائےتو پھر ملک کیسے چلے گا ،نواز شریف
قصے،کہانیاں سن رہے ہیں،یہ کردار تھا ان لوگوں کا،نواز شریف کا عمران خان پر طنز
خاور مانیکا کے انٹرویو پر نواز شریف کا ردعمل
سات منٹ پورے نہیں ہوئے اور میاں صاحب کو ریلیف مل گیا،شہلا رضا کی تنقید
پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج
نواز شریف کے خصوصی طیارے میں جھگڑا،سامان غائب ہونے کی بھی اطلاعات
اسلام آباد: جمعیت علمائے اسلام (جے یو آئی) کے رہنما حافظ حمد اللہ نے کہا ہے کہ آئندہ الیکشن میں اکثریت پیپلزپارٹی کی ہو یا ن لیگ کی پاکستان کے صدر مولانا فضل الرحمان بنیں گے۔
باغی ٹی وی : نجی ٹی وی کے پروگرام میں گفتگو کرتے ہوئے حافظ حمد اللہ کا کہنا تھاکہ جب 10 جماعتوں پر مشتمل پاکستان ڈیموکریٹک موومنٹ (پی ڈی ایم) بنی تو صدارت مولانا فضل الرحمان کو دی گئی، الیکشن میں اکثریت پیپلزپارٹی کی ہو یا ن لیگ کی پاکستان کے صدر مولانا فضل الرحمان بنیں گےمولانا فضل الرحمان پی ڈی ایم کے صدربن سکتے ہیں تو صدرمملکت بھی بن سکتے ہیں۔
پی پی اور ن لیگ سے متعلق حافظ حمد اللہ کا کہنا تھاکہ باپ اوربیٹے، باپ اوربیٹی کی بلوچستان پرنظر ہے دیکھتے ہیں اس کا کیا نتیجہ نکلتا ہےہمارا اصل مسئلہ پی ٹی آئی کے ایجنڈے سے تھا، ہمارا پی ٹی آئی کے ساتھ اتحاد نہیں ہوسکتا، کیا پی ٹی آئی میں گوہرخان کے علاوہ کوئی اوردیرینہ کارکن نہیں تھا؟ ابھی سندھ میں ہم جی ڈی اے کےساتھ ہیں پی ٹی آئی اس کا حصہ نہیں۔
قبل ازیں مولانا فضل الرحمان کا کہنا تھا کہ اقتدار ملتا ہے تو صاحب اقتدار ہو کر ہر شہری کے حق کا تحفظ کرنا ہے،ہم نے سیاست کرتے ہوئے دینی اور مذہبی شناخت کو برقرار رکھا ہے، ہم نے ان رویوں کو اپنایا ہے جس میں فرقہ واریت کی گنجائش نہیں، میرے ملک کے سکھ، عیسائی، ہندو کا بھی مجھ پر حق ہے۔
ملتان میں گفتگو کرتے ہوئے جے یو آئی کے رہنما مولانا عبدالغفور حیدری کا کہنا تھا کہ ہم نے سیاسی جماعتوں کے کردار کو دیکھا ہے، ملک میں بے روزگاری اور غربت کا خاتمہ نہ ہوسکا جمعیت علماء اسلام ہمیشہ جزوی طور پر حکومت میں رہی ہے، ہماری جماعت کے کسی شخص پر آج تک کرپشن کا الزام نہیں لگا۔ مولانا فضل الرحمان نے قوم کو ایک فتنے سے نجات دلائی۔
چیئرمین پی ٹی آئی پارلیمنٹیرینز پرویز خٹک کا کہنا ہے کہ لگتا ہے ن لیگ اور جے یو آئی میں اتحاد ہوگا، پی ٹی آئی پی کی مختلف اضلاع میں مختلف سیاسی جماعتوں کیساتھ سیٹ ایڈجسمنٹ کی بات چیت جاری ہے۔
باغی ٹی وی : پرویز خٹک نے پریس کانفرنس کرتے ہوئے کہا کہ پارٹی میں شامل ہونے والوں کا شکریہ ادا کرتا ہوں، محمد بشیر کو پارٹی میں خوش آمدید کہتا ہوں، محمد بشیر سے پرانا تعلق ہے اور عرصے سے اکٹھے چل رہے ہیں اس ملک میں 75 سال سے حکومتیں رہیں، مہنگائی اور بے روزگاری میں لیے گئے قرضوں کا بوجھ بھی عوام پر ڈالا گیا ہے ، باری باری کرسی کے لیے حکمران بننے والے مہنگائی لا کر قیمتیں بڑھا رہے ہیں ہم نے کیوں ترقی نہیں کی؟ کیوں ہمیں انصاف نہیں ملا؟ کیوں بیروزگاری ہورہی ہے؟ ان لوگوں کو ہم بار بار آزما چکے ہیں۔
انہوں نے کہا کہ دنیا آگے نکل گئی اور ہم پیچھے جارہے ہیں، دنیا میں ہماری حیثیت ختم ہوگئی ہے، ہم قرضوں سے بھر گئے ہیں، کسی کے پاس کوئی پالیسی نہیں کہ سرمایہ کاری کیسے آئے گی، اس ملک میں بڑی بیماری اور کینسر قرضہ ہے، قرضہ واپس کرنے کیلئے دوبارہ قرضہ لینا پڑرہا ہے۔
پرویز خٹک نے کہا کہ اللہ کرے پاکستان میں ایماندار لیڈر آئے اور قرضوں سے جان چھڑائے، میں نہیں دیکھ رہا کہ کسی کے پاس ایسی پالیسی ہے کہ ملک ترقی کرے گا، میں مختلف پارٹیوں کے ساتھ مختلف ضلعوں میں سیٹ ایڈجسٹمنٹ کروں گا، دوسری پارٹیوں کے ساتھ سیٹ ایڈجسٹمنٹ کی بات چیت چل رہی ہے، جلد رزلٹ سامنے آجائے گا۔
پرویز خٹک کا کہنا تھا کہ سابقہ حکمرانوں نے آئی ایم ایف سے قرضے لیے، آئی ایم ایف ہمارا ہمدرد نہیں، ہم سے سود سمیت پیسے واپس لیتے ہیں، وفاق میں اچھے وزیر اعظم کو آنا چاہیے جو ملک سے مخلص ہو، ملک قرضوں میں ڈوبا ہوا ہے،سوچنا ہوگا کہ ہمارا مجرم کون ہے۔
پرویز خٹک کا کہنا تھا کہ وہ خود فی الوقت میں وزیراعظم کے نہیں وزیر اعلیٰ کے امیدوار ہیں لگ رہاہے کہ ہمارے صوبے میں مسلم لیگ ن اور جے یو آئی کا اتحاد ہو جائے گا،پی ٹی آئی پی کی مختلف اضلاع میں مختلف سیاسی جماعتوں کیساتھ سیٹ ایڈجسمنٹ کی بات چیت جاری ہے۔