Tag: حکومت

چئیرمین قائمہ کمیٹی داخلہ سینیٹر رحمان ملک نے سرکاری ملازمین پر تشدد اور گرفتاری کی شدید مذمت کا اظہار کیا ہے-

سینیٹر رحمان ملک نے سرکاری ملازمین پر تشدد اور گرفتاری پر بیان دیتے ہوئے کہا کہ سرکاری ملازمین کے پرامن احتجاج پر حکومتی تشدد قابل مذمت اور افسوس ہے- سرکاری ملازمین کے مطالبات سن کر معاملہ باہمی افہام و تفہیم کیساتھ حل کرنا چاہئے- سرکاری ملازمین ہماری سوسائٹی کا پسا ہوا طبقہ ہے- سرکاری ملازمین کا اپنے مطالبات کے لئے پرامن احتجاج جائز ہے- لاٹھی چارج و گرفتاریوں کی بجائے سرکاری ملازمین کے ساتھ شفقت کا برتاؤ کیا جائے- گرفتار سرکاری ملازمین کو جلد رہا کیا جائے اور انکے مطالبات پورے کئے جائے-

نیپرا کی جانب سے بجلی کی قیمت میں اضافہ پر شیری رحمان کا بیان سامنے آگیا-

شیری رحمان  نے بجلی کی اضافی قیمتوں پر اظہار خیال کرتے ہوئے کہا کہ نیپرا نے بجلی کی قیمت میں 1 روپیہ 53 پیسے فی یونٹ اضافہ کیا ہے- تباہی سرکار کے پاس عوام کو مہنگائی کے علاوہ دینے کو کچھ نہیں- مہنگی بجلی کی وجہ ماضی کے منصوبے نہیں حکومت کی نالائقی ہے- 

توانائی کا گردشی قرضہ 2300 ارب روپے سے زیادہ ہو چکا ہے- تباہی سرکار ہر ماہ فیول ایڈجسٹمنٹ کی مد میں عوام پر اربوں روپے کا بوجھ ڈال رہی- حکومت ملازمین کی تنخواہ نہیں بڑھا سکتی تو قیمتیں کیسے بٹھائی جا رہی؟ ملازمین تنخواہ بڑھانے کا مطالبہ کریں تو ان پر لاٹھی چارج کی جاتی- لیکن آئے روز بجلی، گیس اور پیٹرول کی قیمتوں میں اضافہ کیا جاتا- نیپرا عوام دشمن نوٹیفکیشن واپس لے-

جماعت اسلامی آج کے روز مردان میں جلسہ عام کر رہی ہے- جماعت اسلامی کے مردان کے اس جلسہ عام کی تیاریاں مکمل کر لی گئی ہیں- جماعت اسلامی کے ارکان کا کہنا ہے کہ جماعت اسلامی حقیقی اپوزیشن کا کردار ادا کر رہی ہے – جماعت اسلامی وزیر اعظم کو مہنگائی کے خلاف یوٹرن لینے پر مجبور کرے گی -عالمی ادارے بھی کرپشن میں ترقی کی تصدیق کر رہے ہیں – مردان میں ہونے والا یہ جلسہ حکومت کی نا اہلی ، مہنگائی ، بے روزگاری ، کرپشن کے خلاف کیا جارہا ہے- حکومت کی نا اہلی کے خلاف جاری تحریک کا یہ آٹھواں جلسہ ہے –

25 دسمبر کو گوجرانوالہ سے حکومت کے خلاف تحریک کے دوسرے فیز کا آغاز کیا گیا تھا – جلسے میں لوگوں کی آمد کا سلسلہ شروع ہو گیا ہے- پنڈال کو جھنڈوں اور بینروں سے سجایا گیا ہے – امیر جماعت اسلامی سینیٹر سراج الحق سوپہر تین بجے کے بعد خصوصی خطاب کریں گے اور عوام کے سامنے آئندہ کے لائحہ عمل کا اعلان کریں گے -امیر جماعت اسلامی کے پی سینیٹر مشتاق احمد خان اور دیگر قائدین بھی خطاب کریں گے-

سینیٹ اجلاس 

سینیٹ اجلاس میں شیری رحمان کا کہنا تھا کہ انتخابات میں شفافیت پر کسی کو اعتراض نہیں ہے- اس سارے عمل میں شراکت داری کی ضرورت ہے- وزیراعظم اور حکومت پارلیمان کو اعتماد میں لیتے تو ہم میثاق جمہوریت سے آگے جاتے- میثاق جمہوریت کے 70 فیصد فیصلوں پر پیپلز پارٹی حکومت نے عمل کیا-

ہم سینیٹ انتخابات میں شفافیت چاہتے ہیں- لیکن آپ عجلت میں فیصلے نہیں لے سکتے- ان کے ایم پی ایز ان کے قابو میں نہیں ہیں- ایک طرف معاملہ عدالت میں ہے دوسری طرف آپ ترمیم  لا رہے ہیں- یہ قومی اسمبلی کو تباہ کر کے سینیٹ کو تباہ کرنا چاہتے ہیں- صدر بائیڈن نے اپنی تقریر میں 11 بار اتحاد کی بات کی- یہاں یہ کہتے ہم ان سے این آر او مانگ رہے- جس کے پاس دو تہائی اکثریت نہیں وہ یہ بل کیسے لا رہے ہیں-