Baaghi TV

Tag: خاتون

  • اسلام آباد؛ پارک میں خاتون کو ہراساں کرنے والا ملزم گرفتار

    اسلام آباد؛ پارک میں خاتون کو ہراساں کرنے والا ملزم گرفتار

    اسلام آباد کے ایک پارک میں خاتون کو ہراساں کرنے والا ملزم گرفتار کرلیا گیا ہے جبکہ سوشل میڈیا پر ایف 9 پارک سے منسوب ایک ویڈیو وائرل ہے جس میں دیکھا جا سکتا ہے کہ ملزم خاتون کے سامنے نازیبا حرکات کر رہا ہے۔ اسلام آباد پولیس کی جانب سے جاری اعلامیہ کے مطابق ملزم پر خاتون کے سامنے نازیبا حرکات پر مقدمہ درج کرلیا گیا اور مقدمہ اسلام آباد پولیس نے سرکار کی مدعیت میں درج کیا ہے۔


    پولیس کا کہنا ہے کہ چہل قدمی کے دوران ملزم نے خاتون کا پیچھا کیا، ملزم نے خاتون کو نازیبا الفاظ کہے اور چھونے کی کوشش کی۔ پولیس کے مطابق خاتون سے رابطے میں ہیں اور ملزم کی تلاش کر رہے ہیں، ملزم کی گرفتاری کیلئے تمام تر ذرائع استعمال کررہے ہیں۔ دوسری پولیس نے ملزم کی گرفتاری کیلئے عوام سے مدد کی اپیل کی اور کہا کہ عوام سے گزارش ہے کسی کو ملزم کے بارے معلومات ہوں تو فوری پولیس کو بتائے۔
    مزید یہ بھی پڑھیں؛
    بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
    آئی سی سی ورلڈ کپ سے پہلے دوسرا بڑا اپ سیٹ ہو گیا
    عمران خان کیخلاف مقدمات کی تفصیلات فراہمی تک کاروائی روکی جائے، وکیل
    یونان کشتی حادثہ کے بعد کاروائیاں،35 انسانی سمگلرز گرفتار
    نومئی واقعات،خواتین کا فوجی عدالتوں میں ٹرائل نہیں ہو گا
    سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
    پولیس کے مطابق اطلاع دہندہ کا نام صیغہ راز میں رکھا جائے گا اور اسے نقد انعام سے نوازا جائے گا۔ تاہم خیال رہے کہ گزشتہ دنوں کراچی کے علاقے گلستان جوہر میں گلی سے گزرتی لڑکی پر نوجوان کے جنسی حملے کی سی سی ٹی وی ویڈیو سامنے آئی تھی۔ پولیس نے لڑکی کو ہراساں کرنےکا مقدمہ سرکار کی مدعیت میں درج کیا ہے۔

  • خاتون کو ہراساں کرنے والا اسلامک سینٹر کا ڈائریکٹر گرفتار

    خاتون کو ہراساں کرنے والا اسلامک سینٹر کا ڈائریکٹر گرفتار

    ایف آئی اے سائبر کرائم سرکل ایبٹ آباد نے خاتون کو جنسی طور پر ہراساں کرنے پر اسلامک سینٹر کے سربراہ کو گرفتار کر لیا ہے۔ ایف آئی اے سائبر کرائم سرکل ایبٹ آباد نے متاثرہ خاتون کی شکایت پر کارروائی کر تے ہوئے بلیک میلنگ اور جنسی طور پر ہراساں کرنے والے ملزم زاہد اقبال کو ایبٹ آباد سے گرفتار کیا ہے،

    ملزم زاہد اقبال کے بارے میں کہا گیا ہے کہ وہ وفاقی دارالحکومت اسلام آباد کے پوش ایریا میں واقع اسلامک سینٹر کا ڈائریکٹر ہے، ایف آئی اے کے مطابق ملزم زاہد اقبال شکایت کنندہ خاتون کی فحش تصاویراورویڈیوز نشر کرنے اور بلیک میل کرنے میں ملوث تھا

    ملزم نے متاثرہ خاتون کی نازیبا تصاویراور ویڈیوز واٹس ایپ کے ذریعے شیئر کیں، ملزم زاہد اقبال نے نازیبا تصاویر و ویڈیوز کی آڑ میں متاثرہ کو دھمکیاں دیں اور خاتون کو شادی کا جھانسہ دے کر قابل اعتراض مواد حاصل کیا،ملزم کے موبائل کے فرانزک تجزیے سے متاثرہ خاتون کی متعدد نازیبا ویڈیوزبرآمد ہوئیں۔ ابتدائی تفتیش کے مطابق ملزم گزشتہ 9 ماہ سے شکایت کنندہ کو ہراساں کر رہا تھا،ملزم کو ضمانت قبل از گرفتاری خارج ہونے پر گرفتار کیا گیا،ملزم کے خلاف پیکا ایکٹ کے تحت مقدمہ درج تھا

    ترجمان ایف آئی اے کا کہنا ہے کہ بلیک میلنگ کے لئے ملزم نے اپنے, رشتہ داروں و دیگر افراد کے نام پر جاری موبائل سمز استعمال کیا تھا جبکہ مزید تفتیش جاری ہے

    :ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

    عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

    تحریک عدم اعتماد کا خوف،وزیراعظم آزاد کشمیر کی پارلیمانی سیکرٹریز سمیت تمام ممبران اسمبلی پر گاڑیوں کی نوازشات

    سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی 

  • ناجائز تعلقات کا راز افشاں ہونے کا ڈر،نوجوان نے کیا گھناؤنا کام

    ناجائز تعلقات کا راز افشاں ہونے کا ڈر،نوجوان نے کیا گھناؤنا کام

    ناجائز تعلقات کا راز افشاں ہونے کا ڈر، 39 سالہ خاتون کو ملزم نے قتل کر دیا

    واقعہ لاہور میں پیش آیا، پولیس نے کاروائی کرتے ہوئے ملزم کو گرفتار کر لیا، اس حوالہ سے ایس ایس پی انویسٹی گیشن ڈاکٹر انوش مسعود نے واقعہ کی تفصیلات بتاتے ہوئے کہا کہ مقتولہ شازیہ نجی یونیورسٹی میں صفائی کا کام کرتی تھی اور گرفتار ملزم نعمان کے مقتولہ کے ساتھ تعلقات تھے دو ماہ قبل ملزم کی شادی کسی اور جگہ ہوگئی لیکن ملزم اور مقتولہ کا آپس میں رابطہ رہا ،ابتدائی تفتیش کے مطابق ملزم نے شازیہ بی بی سے تعلقات کا راز ظاہر ہونے کے ڈر سے قتل کا منصوبہ بنایا،

    پولیس حکام کے مطابق ملزم نعمان موٹر سائیکل پر شازیہ کو نجی یونیورسٹی سے ساتھ لے کر آیا جہاں ملزم نے گلے پر قینچی کے پے در پے وار کرکے قتل کیا اور فرار ہوگیا .ایس ایس پی انویسٹی گیشن نے ہیئر پولیس ٹیم کو ملزم کی فوری گرفتاری کا حکم دیا تھا۔ ڈاکٹر انوش مسعود کا کہنا ہے کہ پولیس پراسیکیوشن پارٹنر شپ کی مدد سے ملزم کو سخت سزا دلوائی جائے گی

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    ہماری بیگمات کے ساتھ ناجائز تعلقات تھے،دو بھائیوں نے سگے بھائی کا گلا کاٹ دیا

  • امریکا،مسلم سیاستدان خاتون پر تشدد

    امریکا،مسلم سیاستدان خاتون پر تشدد

    مریکی ریاست کنیکٹی کٹ کی قانون ساز اسمبلی کی نمائندہ مریم خان کو عیدالاضحیٰ کی نماز کے بعد متعصب شہری نے تشدد کا نشانہ بنایا جس سے خاتون زخمی ہوگئیں۔

    باغی ٹی وی: عالمی میڈیا کے مطابق مسلمان خاتون پر اس وقت حملہ کیا گیا جب وہ عید الاضحیٰ کی نماز پڑھ کر عیدگاہ سے باہر نکلیں۔ حملے کو دیکھتے ہی ایک ساتھی نمازی نے بہادری کا مظاہرہ کرتے ہوئے حملہ آور کو پکڑ لیا۔ دریں اثنا باقی لوگ بھی جمع ہوگئے اور پولیس کے آنے تک حملہ آور کو پکڑے رکھا۔

    قانون ساز اسمبلی کی نمائندہ مریم خان عید کی صبح اپنی بہن اور اپنے بچوں کے ساتھ XL سینٹر کے باہر موجود تھیں جو ہارٹ فورڈ کے مرکز میں واقع ایک میدان ہے۔ اس سینٹر میں عید کی نماز کیلئے تقریباً 4,000 لوگ جمع ہوئے تھے۔

    کونسل آن امریکن اسلامک ریلیشنز، کنیکٹی کٹ کے سربراہ فرحان میمن نے صحافیوں کو بتایا کہ حملہ آور نے پہلے پہل خاتون پر فحش تبصرے کیے پھر انہیں پکڑا، مارا اور انہیں زمین پر گرادیا۔ خاتون کو معمولی چوٹیں آئی ہیں –

    ہارٹ فورڈ پولیس کے مطابق 30 سالہ ملزم کو گرفتار کرلیا گیا ہے جس کی شناخت اینڈرے ڈیس مونڈ کے نام سے ہوئی ہے جبکہ پولیس نے ملزم کی تصویر بھی جاری کی ہے۔

    کنیکٹیکٹ ہاؤس اسپیکر میٹ رائٹر اور اکثریتی رہنما جیسن روزاس نے مریم خان پرحملے کی مذمت کی اور اسپیکر میٹ رائٹر نے کہا کہ اسٹیٹ کیپیٹل پولیس نے یقین دلایا ہے کہ ہارٹ فورڈ پولیس کے ساتھ مل کر تحقیقات کرے گی گورنر کنیکٹیکٹ نے بھی واقعے پر افسوس کا اظہار کیا اور کہا کہ پریشان کن ہے کہ واقعہ مقدس دن پر ہوا جس کا مقصد دعا کرنا تھا، قانون نافذ کرنے والے اہلکار مریم خان پر حملے کی مکمل تحقیقات کریں گے۔

  • درگاہ اجمیر شریف پر خاتون کے ٹھمکے لگانے کی ویڈیو وائرل

    درگاہ اجمیر شریف پر خاتون کے ٹھمکے لگانے کی ویڈیو وائرل

    درگاہ اجمیر شریف پر خاتون کے ٹھمکے لگانے کی ویڈیو وائرل ہونے کے بعد خاتون کے خلاف کاروائی کا مطالبہ کیا گیا ہے،

    درگاہ اجمیر شریف کی ایک ویڈیو وائرل ہوئی ہے ، اس ویڈیو میں دیکھا جا سکتا ہے کہ ایک خاتون ، جس نے کانوں میں ایئر فون لگائے ہوئے ہیں اور وہ درگاہ اجمیر شریف پر ٹھمکے لگا رہی ہے، اس دوران اسکو کسی نے نہیں روکا، درگاہ کے خدام کا کہنا ہے کہ یہ عقیدت کا مقام ہے، کوئی ڈانس اکیڈمی نہیں، خاتون کے خلاف سخت کاروائی کی جائے،

    سوشل میڈیا پر وائرل ہونے والے ویڈیو درگاہ اجمیر شریف کے احاطہ کی ہے، درگاہ کمیٹی نے چند ایسے افراد کی تقرری بھی کر رکھی ہے جو غیر اخلاقی کاموں سے روکنے کے لئے ہیں لیکن اس خاتون کو ٹھمکے لگانے سے کسی نے نہیں روکا، ویڈیو بھی بن گئی، لوگ بھی چلتے رہے لیکن کسی نے اسے روکنے کی کوشش نہیں کی، انتظامیہ کا کہنا ہے کہ لاپرواہی، غفلت برتنے والوں کے خلاف بھی کاروائی کی جائے گی

    درگاہ اجمیر شریف کی ویڈیو جو سوشل میڈیا پر وائرل ہوئی ہے، میڈیا رپورٹس کے مطابق چار پانچ دن پرانی ہے، درگاہ کے خادموں کا اس حوالہ سے کہنا ہے کہ درگاہ ڈانس اکیڈمی نہیں، خاتون کے خلاف کاروائی کی جائے، خاتون نے سرمئی ،گلابی رنگ کے کپڑے پہن رکھے تھے، درگاہ پر آنیوالوں نے بھی خاتون کے خلاف کاروائی کا مطالبہ کیا ہے،

    ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

    سپریم کورٹ پریکٹس اینڈ پروسیجر بل کیس کی سماعت اگلے ہفتے تک ملتوی

    بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

  • ممبر پنجاب بار کونسل منیر بھٹی کے گھر ڈکیتی معہ قتل کا معمہ حل،3 خواتین گرفتار

    ممبر پنجاب بار کونسل منیر بھٹی کے گھر ڈکیتی معہ قتل کا معمہ حل،3 خواتین گرفتار

    ممبر پنجاب بار کونسل منیر بھٹی کے گھر ہونیوالی ڈکیتی معہ قتل کا معمہ حل،3 خواتین گرفتار

    ڈی ایس پی سی آئی اے کینٹ چوہدری فیصل شریف نے اپنے دفتر میں میڈیا نمائندوں سے گفتگو کرتے ہوئے کہا ہے کہ ممبر پنجاب بار کونسل منیر بھٹی کے گھر ہونیوالی ڈکیتی معہ قتل کا معمہ حل،3 خواتین گرفتارکر لی گئی ہیں، ملزمان میں بسمہ زوہن، امبرین اور کویتا مسیح شامل ہیں مقتول سنیئر ایڈووکیٹ سپریم کورٹ آف پاکستان و ممبر پنجاب بار کونسل منیر بھٹی کے گھر خانساماں تھا،سی آئی اے کینٹ پولیس نے 30 گھنٹوں میں ملزمان کو ٹریس کر کے گرفتار کیا،خواتین ملزمان ہاؤس رابری کیلئے گھر میں داخل ہوئی، سی سی ٹی وی کیمرے بند کیے، مقتول کے مزاحمت کرنے پر گلا دبا کر ماردیا،قتل کی سنگین واردات کے بعد موقع سے فرار ہو گئیں،

    ملزمان سے مال مسروقہ، نقدی، طلاںٔی زیورات، گھڑیاں ،چوری کی گئی 1عدد کلاشنکوف بھی برآمد کر لی گئی،ترجمان پولیس کا کہنا ہے کہ شہریوں کی جان و مال کا تحفظ پولیس کی اولین ترجیح ہے، پولیس پراسیکیوشن پارٹنرشپ کی مدد سے ملزمان کو سخت سزائیں دلوائی جائیں گی ملزمان کی گرفتاری پر ایس ایس پی کیپٹن (ر) لیاقت علی ملک نے ڈی ایس پی سی آئی اے کینٹ اور اس کی ٹیم کو شاباش اور تعریفی سرٹیفکیٹ دیا

    سندر پولیس نے فوری کارروائی کرتے ہوئے ملزم عبدالغفار کو گرفتار کر لیا

    سندر کے علاقے میں بیوی کو تیز دھار آلے سے قتل کرنے والا سفاک شوہر گرفتار کر لیا گیا،ملزم الغفار نے اپنی 30 سالہ بیوی ارم بی بی کو قتل کیا اور فرار ہو گیا سندر پولیس نے فوری کارروائی کرتے ہوئے ملزم عبدالغفار کو گرفتار کر لیا ملزم سے مزید تحقیقات عمل میں لائی جارہی ہیں۔ایس پی صدر وقار کھرل نے ملزم کی فوری گرفتاری پر ایس ایچ او سندر اور ٹیم کو شاباش دی، اور کہا کہ ملزم کو قانون کے تقاضے پورے کرتے ہوئے کیفر کردار تک پہنچایا جائے گا۔

    حکومت نے پائلٹس لائسنس معاملے کو متنازعہ بنا کر پی آئی اے کو "کریش” کردیا۔ شیری رحمان

    سول ایوی ایشن انتہائی بد حال محکمہ،جعلی ڈگری پر لوگ نوکری بھی پوری کر گئے، چیف جسٹس برہم

    سول ایوی ایشن میں جنسی ہراساں کیس،کاروائی کی بجائے ترقی دے دی گئی

    سول ایوی ایشن کی کارکردگی صفر.کیا شادیاں کروانا شروع کر دیں؟ چیف جسٹس پھٹ پڑے

    شادی ہال کھولے، نائٹ کلب بھی کھول لیں، سپریم کورٹ سول ایوی ایشن پر برہم،بڑا حکم دے دیا

    خواتین کے لئے نائٹ ڈریس پہن کر گھر سے باہر نکلنے پر پابندی

  • لیڈی منشیات فروش گرفتار،ملزمہ سے 3 کلو سے زائد منشیات برآمد

    لیڈی منشیات فروش گرفتار،ملزمہ سے 3 کلو سے زائد منشیات برآمد

    لیڈی منشیات فروش گرفتار ملزمہ سے 3 کلو سے زائد منشیات برآمد کر لی گئی،

    ایس ایس پی ضلع کیماڑی فدا حسین جانوری کی سربراہی میں ضلع کیماڑی پولیس منشیات فروشی کے خلاف کریک ڈاؤن جاری رکھے ہوئے ہے۔ امروز ایس ایچ او تھانہ شیرشاہ سب انسپکٹر عتیق آفریدی نے اسٹاف کے ہمراہ خفیہ اطلاع پر کامیاب کاروائی کی منشیات سپلائی میں ملوث لیڈی منشیات فروش ملزمہ 3 کلو سے زائد منشیات سمیت ماڑیپور روڈ گلبائی سے گرفتار کر لیا،گرفتار ملزمہ کی شناخت علینہ خان دختر خورشید کے نام سے ہوئی۔ملزمہ کے قبضہ سے بوقت گرفتاری 3025 گرام چرس برآمد ہوئی۔ملزمہ کے خلاف مقدمہ الزام نمبر 123/23 بجرم دفعہ 6/9(i)3C اینٹی نارکوٹکس ایکٹ درج کرکے مزید تفتیش کی جا رہی ہے۔

    دوسری جانب سپر ہائی وے پولیس نے لیاری گینگ وار کے ایک اہم کارندے فہیم عرف بہاری کو گرفتار کر لیا فہیم عرف بہاری کو سائٹ سپر ہائی وے پولیس نے گرفتار کیا،ایس ایس پی ایسٹ زبیر نذیر کے مطابق ملزم فہیم بہاری سے ایک ہینڈ گرینیڈ بر آمد ہوا، وہ انتہائی سنگین جرائم میں ملوث تھا، ملزم لیاری گینگ وار کے لیے متعدد بار تاجروں سے بھتہ طلب کر چکا ہے فہیم بہاری بھتہ نہ دینے والوں کے گھروں پر فائرنگ بھی کر چکا ہے ملزم نے تمباکو کے ایک بڑے تاجر سے ڈیڑھ کروڑ روپے بھتہ مانگا تھا جب تاجر نے انکار کیا تو اس کے گھر پر لانڈھی میں فائرنگ کر دی فہیم بہاری پہلے بھی متعدد بار بھتہ، قتل اور دیگر سنگین جرائم کے مقدمات میں جیل جا چکا ہے

    ایک اور کاروائی میں لیاری میں خوف و ہراس پھیلانے, دھمکیاں دینے اور غلیظ زبان استعمال کرکے لیاری گینگ کو دوبارہ متحرک کی کوشش کرنے والا ملزم پولیس مقابلے کے بعد زخمی حالت میں گرفتار کر لیا گیا،دو طرفہ فائرنگ تبادلے کے نتیجے میں لیاری گینگ وار بلال پپو گروپ کا کارندہ کبیر عرف جھینگوں زخمی حالت میں گرفتار جبکہ ساتھی فرار ہو گیا،ملزم لیاری میں موجود عوام کو دوبارہ گینگ وار گروپس کے متحرک ہونے اور جان سے مارنے کی سنگین دھمکیاں دیتا تھا. ملزم مختلف ویڈیوز اور آڈیو پیغام کے ذریعے لیاری کے شہریوں سے غلیظ زبان کا استعمال اور دھمکاتا بھی تھا. ملزم سے 1 پستول بمعہ راؤنڈز برآمد کر لیا گیا، ملزمان اور پولیس کے درمیان مقابلہ تھانہ کلری کی حدود میں پیش آیا.ملزم کے خلاف مقدمات درج, نیز مفرور ساتھی کی تلاش جاری ہے.ملزم کا سابقہ کریمنل ریکارڈ معلوم کیا جا رہا ہے.

    عمران خان نااہل ہو کر باہر جائیں گے؟

    باغی ٹی وی کی جانب سے بہترین کارکردگی پر ٹیم کو اعزازی شیلڈ دی گئیں،

    مولانا طارق جمیل کے اکاؤنٹ میں اربوں کہاں سے آئے؟ مولانا طارق جمیل کا خصوصی انٹرویو

    عدالت میں جمع کرائی گئی بیان حلفی کی خلاف ورزی عدالت کی توہین کے مترادف ہو گی،

    شیرشاہ پولیس کی کاروائی، ملزم غیرقانونی اسلحہ سمیت گرفتارکر لیا گیا، ایس ایچ او تھانہ شیرشاہ سب انسپکٹر عتیق آفریدی نے اسٹاف کے ہمراہ خفیہ اطلاع پر کاروائی کی،محمد تنویر ولد سلیم نامی ملزم ناجائز اسلحہ سمیت شیرشاہ سے گرفتارکر لیا گیا، ملزم کے قبضہ سے بوقت گرفتاری دو عدد غیرقانونی پستول برآمد ہوئے۔ملزم کے خلاف سندھ آرمز ایکٹ کے تحت مقدمہ درج کرکے مزید تفتیش کی جا رہی ہے۔

  • شادی سے انکار،ملزمہ نے آشنا کو سزا دینے کیلیے اسکے پانچ سالہ بھتیجے کی لی جان

    شادی سے انکار،ملزمہ نے آشنا کو سزا دینے کیلیے اسکے پانچ سالہ بھتیجے کی لی جان

    ملتان میں 5 سالہ ہادی کے اغواء کے بعد گلہ دبا کر قتل کا معمہ حل ملزمان گرفتار، پولیس نے 1 ماہ کے اندر اغواء اور اندھے قتل کو ٹریس کر کے ایک خاتون سمیت 2 ملزمان کو گرفتار کیا۔ شادی سے انکار پر ملزمہ نے آشنا کو سزا دینے کے لیے اس کے 5 سالہ بھتیجے کو اغواء کر کے گلہ دبا کر قتل کر دیا۔ ملزمہ نے لاش کو گھر میں چھپا دیا اور پولیس کارروائی کا معلوم ہونے پر اندھیرے میں باہر لاش کو پھینک دیا۔

    مورخہ 19.04.2023 کو امتیاز حسین نے پولیس تھانہ صدر شجاع آباد کو اطلاع دی کہ اس کا بیٹا محمد ہادی شام 06 بجے کے قریب گھر سے نکلا ہے اور واپس نہ آیا ہے شبہ ظاہر کیا کہ اس کو اغواء کر لیا گیا ہے پولیس تھانہ صدر شجاع آباد نے فوری طور پر موقع پر پہنچ کر مقدمہ نمبر 275 مورخہ 19.04.2023بجرم 363 ت پ تھانہ صدر شجاع آباد درج کر کے کاروائی کا آغاز کر دیا۔ لاپتہ ہونے کے چند گھنٹے بعد گلی سے بچے کی لاش مل گئی۔ جسے گلہ دبا کر قتل کر دیا گیا تھا۔ تمام سنیئر افسران موقع پر پہنچے نعش قبضہ پولیس لے کر پوسٹ مارٹم کروایا گیا۔ پوسٹ مارٹم رپورٹ کے مطابق سانس روکنے اور گلا دبانے سے موت واقع ہوئی۔ جس کا مواد PFSA بھجوایا گیا۔

    سی پی او ملتان منصور الحق رانانے وقوعہ کا نوٹس لیتے ہوئے اس اندوہناک اندھے قتل میں ملوث ملزمان کو ٹریس کر کے گرفتار کرنے کے احکامات دیئے۔ ایس ایس پی آپریشنز ملتان محمد عمران کے زیر نگرانی ٹیم تشکیل دی گئی جس پر ایس پی صدر ڈویژن ڈاکٹر عزیر احمد کی سربراہی میں ڈی ایس پی شجاع آباد محمد مرتضی سیال، ایس ایچ او صدر شجاع آباد انسپکٹر حماد خان نے دیگر پولیس افسران کے ہمراہ کاروائی کر تے ہوئے اغواء اور اندھے قتل کو ٹریس کر کے مرکزی ملزمہ تہذیب اور اس کے بھائی دانش عرف سونو کو گرفتار کر لیا

    ابتدائی تحقیقات کے مطابق ملزمان اور مقتول کی فیملی ہمسائے تھے۔ ملزمہ تہذیب اور 5 سالہ مقتول کے چچا دلشاد کے آپس میں پرانی دوستی تھی اور ملزمہ دلشاد سے شادی کرنا چاہتی تھی جبکہ دلشاد نے 4 ماہ قبل کسی اور سے شادی کر لی تھی جس کا اسے رنج تھا اور اس کو سزا دینے کے لیے ملزمہ نے بچے کو گھر بلا کر گلہ دبا کر قتل کر دیا۔ ملزمہ نے لاش کو گھر میں چھپا دیا اور پولیس کارروائی کا معلوم ہونے پر اندھیرے میں گلی میں مقتول کے چچا کے گھر کے باہر لاش کو پھینک دیا۔ پولیس ٹیموں نے مسلسل محنت سے کام کرتے ہوئے اور تمام شواہد اکٹھے کر کے اندھے قتل کو ٹریس کیا اور ملوث ملزمان کو گرفتار کر لیا۔ ملزمان سے مزید تفتیش کی جارہی ہے۔ اغواء اور اندھے قتل کو ٹریس کرنے پر سی پی او ملتان منصور الحق رانا نے کاروائی میں شامل تمام پولیس افسران و جوانوں کی کارکردگی کو سراہا اور شاباش دی۔

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

  • داماد نے بیٹی کو ساتھ نہ بھیجنے پرساس سمیت تین افراد کو کیا کلہاڑی کے وار سے قتل

    داماد نے بیٹی کو ساتھ نہ بھیجنے پرساس سمیت تین افراد کو کیا کلہاڑی کے وار سے قتل

    ملتان، تھانہ بستی ملوک کے علاقے بستی جھنڈیر میں گھر سے ملنے والی 3لاشوں کا معمہ حل، تہرے قتل میں ملوث 3 ملزمان گرفتار۔ مقتولہ تنویر مائی کو بھائی اور داماد نے بیٹی کو ساتھ نہ بھیجنے پر تینوں کو قتل کیا

    ملتان تھانہ بستی ملوک کے علاقے بستی جھنڈیر گھر سے ملنے والی 3لاشوں کا معمہ حل، تہرے قتل میں ملوث 3ملزمان گرفتار، مقتولہ تنویر مائی کے بھائی اور داماد نے اسد رضا کے ہمراہ بیٹی کو ساتھ نہ بھیجنے پر تینوں کو قتل کیا ،یکم مئی کو اطلاع موصول ہوئی کہ بستی ملوک کے علاقے بستی جھنڈیر ایک گھر سے 3 لاشیں ملی ہیں جن کی شناخت تنویر مائی بعمر 40/45سال، فخر علی بعمر 22/23 سال اور مہوش فاطمہ بعمر 21سال سے ہوئی ہے پولیس نے وقوعہ کی اطلاع پر بروقت موقع پر پہنچ کر جائے وقوعہ سے شواہد اکھٹے کر کے تفتیش شرو ع کر دی لاشوں کو پوسٹ مارٹم کے لیے ہسپتال بھجوایا پولیس نے وقوعہ کا مقدمہ نمبر 926/23مورخہ 01.05.2023بجرم 302ت پ تھانہ بستی ملوک درج کر کے کاروائی پولیس شروع کر دی

    سی پی او ملتان منصور الحق رانا نے وقوعہ کا نوٹس لیتے ہوئے تہرے قتل میں ملوث ملزمان کو ٹریس کر کے گرفتار کرنے کے احکامات دیئے ایس ایس پی آپریشنز ملتان محمد عمران کی زیر نگرانی خصوصی ٹیم تشکیل دی گئی جس پر ایس پی صدر ڈویژن عزیز احمد کی سربراہی میں ڈی ایس پی مخدوم رشید نعیم احمد اور ایس ایچ او تھانہ بستی ملوک عباد اللہ شاہ پر مشتمل ٹیم نے اندھے قتل کو ٹریس کر لیا ،پولیس نے شواہد کی بنا پر 3 ملزمان 1۔ ملازم حسین ولد گلزار حسین،2۔ کاظم حسین ولد ملازم حسین سکنہ ٹوبہ ٹیک سنگھ حال مقیم قصبہ مڑل اور3۔ اسد رضا ولد سجاد حسین کو گرفتار کر لیا

    جنہوں نے دوران تفتیش انکشاف کیا کہ مقتولہ تنویر مائی ملزم ملازم حسین کی حقیقی بہن ہے جس کی پہلی شادی جھنگ پنڈ باغاں میں ہوئی تھی لیکن وہاں سے طلاق ہو گئی پھر اس نے دوسری شادی میاں چنوں میں سرفراز نامی شخص سے کی جس کو بھی چھوڑ کر اور سرفراز سے پیدا ہونے والے بچوں فخر اور مہوش کو ساتھ لے کر بستی ملوک آگئی جہاں اس نے اصغر مرغی والے سے شادی کر لی جس وجہ سے تمام رشتہ داروں نے تنویر مائی سے مرنا جینا ختم کر دیا لیکن تنویر مائی کی والدہ کی وفات پر سب رشتہ داروں کی تنویر مائی سے صلح ہو گئی اور تنویر مائی نے اپنی بیٹی مہوش کا رشتہ اپنے بھائی ملازم حسین کے بیٹے کاظم حسین سے کر دیا ایک ماہ تک وہ اپنے شوہر کاظم حسین کے گھر میں رہی لیکن گھریلو ناچاقی پر واپس ماں کے گھر چلے گئی ملزمان ملازم حسین وغیرہ کافی مرتبہ منانے کے لیے مسماۃ تنویر مائی کے گھر آئے لیکن مسماۃ تنو یر مائی نے اپنی بیٹی کو اپنے داماد کے ساتھ بھیجنے سے انکار کرتی رہی ،لاشیں ملنے سے ایک ماہ قبل مورخہ 01.04.2023کو 11بجے کے قریب ملزمان مسماۃ تنویر مائی کی بیٹی مہوش کو منانے کے لیے آئے جو روٹھ کر اپنی ماں کے پاس آئی ہوئی تھی توانکار پر کلہاڑیوں کے وار سے تنیوں کو قتل کر دیا اور لاشوں کو رضائیوں میں لپیٹ کر چلے گئے۔گرفتار ملزمان کے خلا ف مزید تفتیش جاری ہے۔

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

  • کنسٹرکشن کمپنی کے مالک کو اغواء کرنے والا اشتہاری مجرم گرفتار

    کنسٹرکشن کمپنی کے مالک کو اغواء کرنے والا اشتہاری مجرم گرفتار

    راولپنڈیمسٹی سرکل انوسٹی گیشن ٹیم کی اہم کاروائی،کنسٹرکشن کمپنی کے مالک کو اغواء کرنے والا اشتہاری مجرم گرفتار، اشتہاری مجرم خود کوحساس ادارے کا سینئر افسر ظاہر کرتا تھا، مجرم نے ساتھیوں کے ہمراہ اسلحہ کی نوک پر کنسٹرکشن کمپنی کے مالک کو اغواء کرکے تاوان کا مطالبہ کیا تھا،اشتہاری مجرم جڑواں شہروں میں اغواء، رابری، اقدام قتل جیسے سنگین مقدمات میں ریکارڈ یافتہ ہے۔

    سٹی سرکل انوسٹی گیشن ٹیم نے کاروائی کرتے ہوئے کنسٹرکشن کمپنی کے مالک کو اغواء کرنے والے اشتہاری مجرم کو گرفتار کرلیا، اشتہاری مجرم کی شناخت شفیق الرحیم کے نام سے ہوئی،تھانہ گنجمنڈی میں دہشتگردی اغواء برائے تاوان اورد یگر دفعات کے تحت فروری 2022میں مقدمہ درج کیا گیا تھا، اشتہاری مجرم خود کوحساس ادارے کا سینئر افسر ظاہر کرتا تھا، مجرم نے ساتھیوں کے ہمراہ اسلحہ کی نوک پر کنسٹرکشن کمپنی کے مالک کو اغواء کرکے تاوان کا مطالبہ کیا تھا، اشتہاری مجرم کے دیگر8 ساتھی ذیشان، ولی، عامر، عبدالقدیر،شہباز،بدر فاروق، حیدر، کامران گرفتار ہو کر چالان ہو چکے ہیں،اشتہاری مجرم جڑواں شہروں میں اغواء، رابری، اقدام قتل جیسے سنگین مقدمات میں ریکارڈ یافتہ ہے، ایس پی راول فیصل سلیم نے انوسٹی گیشن ٹیم کو شاباش دیتے ہوئے کہا کہ اشتہاری مجرم کو ٹھوس شواہد کے ساتھ چالان عدالت کرکے قرار واقعی سزا دلوائی جائے گی،شہریوں کی جان و مال پر حملہ اور استحصال کرنے والوں کے خلاف کاروائیاں جاری رہیں گی۔

    دوسری جانب ایک اور کاروائی میں تھانہ مندرہ پولیس کی کاروائی، خاتون سے زیادتی کی کوشش کرنے والا ملزم گرفتار۔تفصیلات کے مطابق مندرہ پولیس کو متاثرہ خاتون کے خاوند نے درخواست دی کہ ڈرائیور پولی نے اس کی بیوی سے زیادتی کی کوشش کی، مندرہ پولیس نے مدعی کی درخواست پر فوری مقدمہ درج کرکے ملزم پولی کو گرفتار کرلیا، ایس پی صدر محمد نبیل کھوکھر کا کہنا تھاکہ ملزم کو ٹھوس شواہد کے ساتھ چالان کیا جائے گا، خواتین سے زیادتی، تشدد اور ہراسمنٹ میں ملوث ملزمان قانون کی گرفت سے نہیں بچ سکتے۔

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟