Tag: خاتون

ایک خاتون "ٹائم ٹریولر” نے دعویٰ کیا ہے کہ آنے والے دنوں میں تاریخ کا سب سے خطرناک سمندری طوفان تباہی مچا دے گا۔

باغی ٹی وی : کم ونڈیل نکوس نامی ایک "ٹائم ٹریولر” خاتون نے31 ہزار سے زائد ممبرز پر مشتمل ٹائم ٹریول نامی فیسبک گروپ پر دعویٰ کیا ہے کہ ان کا تعلق 68 سال مستقبل سے ہے اور وہ 2090 سے یہاں آئی ہیں تا کہ وہ آنے والے خطرے کے بارے میں آگاہی دے سکیں۔

جہاں مستقبل سے ماضی کی جانب سفر کی دعویدار خاتون کم نکوس نے لکھا کہ تمام لوگ خبردار ہو جاؤ، میں ایک ٹائم ٹریولر ہوں اور 2090 سے تعلق رکھتی ہوں –

کائناتی تتلی : آپس میں ٹکراتی دو کہکشاؤں کی خوبصورت تصویر جاری

خاتون نے لکھا کہ 14 اگست 2022 کو تاریخ کا سب سے بدترین سمندری طوفان جنوبی کیرولائنہ کے ساحل سے ٹکرائے گا، جوکہ اپنی نوعیت کا پہلا طوفان ہوگا، جبکہ 6 دیگر طوفان بھی آئیں گے لیکن یہ پہلا طوفان 250 میل فی گھنٹہ رفتار کی ہواؤں کے ساتھ ہزاروں جانوں کے نقصان کے ساتھ دنیا کو کھربوں کا نقصان پہنچائے گا۔

کم نکوس کے اس دعوے پر مبنی پوسٹ پر رد عمل دیتے ہوئے گروپ ممبران میں سے ایک نے لکھا کہ آخرکار کوئی تو سامنے آیا جس نے دعویٰ کیا ہے کہ وہ ٹائم ٹریولر ہے اور وہ ایک پیشگوئی بھی کر رہا ہے ایک اور صارف نے لکھا کہ اگر ان کی پیشگوئی سچ ثابت ہوتی ہے تو وہ ٹائم ٹریول کے حوالے سے اپنی سوچ تبدیل کر لیں گے۔

فرانس کے جنگلات آتشزدگی،ہزاروں افراد گھر چھوڑنے پر مجبور

ایک صارف نے کہا کہ یہ ٹائم ٹریولرز ہمیشہ ہمیں برے واقعات کے بارے میں ہی کیوں بتاتے ہیں میں نے کبھی کوئی ایسا ٹائم ٹریولنگ کا دعویدار نہیں دیکھا جس نے ہمیں کوئی خوشخبری سنائی ہو۔

تاہم دوسری جانب موسمیاتی رپورٹس ایسی کسی بھی صورتحال کی پیشگوئی نہیں کر رہی ہیں، ورلڈ میٹرولوجیکل آرگنائیزیشن کا کہنا ہے کہ 14 اگست کو جنوبی کیرولائنہ میں درجہ حرارت 30 ڈگری سینٹی گریڈ ہوگا اور سورج اپنی آب و تاب سے موجود ہوگا۔

امسال ریکارڈ کیا گیا جولائی اب تک کا گرم ترین مہینہ تھا،اقوام متحدہ

لندن: برطانیہ میں ایک گھر سے 61 سالہ خاتون کی ڈھائی سال پرانی لاش برآمد ہوئی ہے-

باغی ٹی وی : "برطانوی اخبار دی گارجئین” کے مطابق 61 سالہ شیلہ سیلان کی لاش ان کے گھر جنوب مشرقی لندن سے ملی لاش بری طرح گل سڑ گئی ہے جس کے باعث موت کی وجہ کا تعین کرنے میں مشکلات کا سامنا ہے۔

مذکورہ خاتون کو آخری بار اگست 2019 میں دیکھا گیا تھا جس سے گمان ہے کہ ان کی لاش ڈھائی سال تک گھر میں پڑی رہی اور ہمسائیوں کو پتہ تک نہ چل سکا۔

ہمسائیوں نے مزید کہا کہ خاتون اگست 2019 سے کرایہ نہیں ادا کر رہی تھیں جس کے بعد مالک مکان نے جون 2020 میں گیس کی سپلائی منقطع کر دی تھی۔

پڑوسیوں نے پہلی بار اکتوبر 2019 میں مس سیلیون کے فلیٹ سے ہاؤسنگ ایسوسی ایشن پیبوڈی کو ‘خوفناک بدبو’ آنے کی شکایت کی تھی دو سال سے زائد عرصے تک احتجاج جاری رہا، ایک رہائشی نے دعویٰ کیا کہ اس نے ہاؤسنگ ایسوسی ایشن سے کم از کم 50 بار رابطہ کیا ہے خاتون کی مسلسل گمشدگی پر کئی بار ہاؤسنگ ایسوسی ایشن اور پولیس سے رابطہ کیا لیکن کوئی جواب نہیں پولیس نے آخر کار اس سال فروری میں زبردستی دخل اندازی کی-

میٹروپولیٹن پولیس کا کہنا ہے کہ وہ مطمئن ہیں کہ اس کی موت کے بارے میں کوئی ناخوشگوار واقعہ نہیں تھا اور اس کی موت قدرتی طور پر ہوئی۔

عدالت نے تحقیقات نمٹاتے ہوئے کہا کہ کسی کی بھی موت دکھ کا باعث ہوتی ہے لیکن آج کے جدید زمانے میں بھی موت سے متعلق ڈھائی سال تک پتہ نہ چلنا سمجھ سے باہر ہے۔