Tag: خامنہ ای

آیت اللہ علی خامنہ ای کے بیٹے مجتبیٰ خامنہ ای کو ایران کا سپریم لیڈر منتخب کرلیا گیا۔

اسرائیلی میڈیا کی جانب سے مجتبیٰ خامنہ ای کو ایران کا سپریم لیڈر منتخب کرنے کا دعویٰ کیا گیا ہے مجتبیٰ خامنہ ای کو ایران کی مجلسِ خبرگان، جسے انگریزی میں اسمبلی آف ایکسپرٹس کہا جاتا ہے، نے آیت اللہ خامنہ ای کا جانشین منتخب کیا اسرائیلی میڈیا کے اس دعوے کی تصدیق ایران کے سرکاری حکام نے ابھی نہیں کی ہے۔

دوسری جانب ایرانی میڈیا نے پاسدارانِ انقلاب کے حوالے سے بتایا ہے کہ سپریم لیڈر کے انتخاب کے لیے مجلسِ خبرگان کا اجلاس جاری ہے اور حتمی فیصلے میں تقریباً ایک ہفتہ لگ سکتا ہے،پاسدارانِ انقلاب نے اپنے ٹیلی گرام پیغام میں کہا ہے کہ آیت اللہ خامنہ ای کی تدفین مقدس شہر مشہد میں کی جائے گی، جبکہ تہران میں ایک بڑا تعزیتی اجتماع منعقد ہوگا تاہم تدفین کی تاریخ کا اعلان نہیں کیا گیا۔

ایران میں درجنوں لانچنگ سائٹس نشانہ ، 300 میزائل لانچرز کو ناکارہ بنا دیا ،اسرائیلی فضائیہ

اسرائیلی میڈیا کے مطابق آیت اللہ علی خامنہ ای 28 فروری کو امریکہ اور اسرائیل کے مشترکہ حملے میں شہید کردیئے گئےوہ اپنے رہائشی کمپاؤنڈ میں موجود تھے جب حملہ کیا گیا ان کے ساتھ ان کی بیٹی، داماد اور پوتی بھی ہلاک ہوئے، جبکہ ان کی اہلیہ منصورہ خجستہ باقرزادہ بھی حملے میں زخمی ہونے کے بعد دم توڑ گئیں۔

رپورٹس کے مطابق آیت اللہ خامنہ ای نے باضابطہ طور پر کسی جانشین کا اعلان نہیں کیا تھا ان کی وفات کے بعد تین رکنی عبوری قیادت کونسل نے ذمہ داریاں سنبھال لیں، جس میں آیت اللہ علی رضا اعرافی، صدر مسعود پزشکیان اور چیف جسٹس غلام حسین محسنی اژہ ای شامل ہیں یہ کونسل نئے سپریم لیڈر کے انتخاب تک امور انجام دے رہی تھی۔

ایران پر حملوں پر امریکا میں سیاسی ہلچل، کانگریس میں ٹرمپ کے اختیارات محدود کرنے کی کوشش

امریکہ اور اسرائیل کی جانب سے مشترکہ کارروائی کو ’آپریشن ایپک فیوری‘ کا نام دیا گیا یہ حملے ایران کے جوہری پروگرام سے متعلق تعطل کا شکار مذاکرات اور تہران پر جوہری سرگرمیاں دوبارہ شروع کرنے کے الزامات کے بعد کیے گئے حملوں میں دارالحکومت تہران سمیت کئی ایرانی شہروں کو نشانہ بنایا گیا اور رپورٹس کے مطابق 700 سے زائد افراد ہلاک ہوئے۔

مشترکہ حملوں کے چند گھنٹوں بعد ایران نے بھی جوابی کارروائی کرتے ہوئے میزائل داغے، جن میں سے متعدد خلیجی خطے کے شہروں دبئی، ابوظبی، قطر اور بحرین میں گر کشیدگی میں مزید اضافہ اس وقت ہوا جب ایران نے اپنے سپریم لیڈر کی شہادت کا بدلہ لینے کا اعلان کیا جبکہ امریکی صدر ڈونلڈ ٹرمپ نے کہا کہ ایران کے لیے مذاکرات کے ذریعے جنگ سے بچنے کا وقت گزر چکا ہے۔

ایرانی سپریم لیڈر آیت اللہ علی خامنہ ای کو کیسے شہید کیا گیا امریکی اخبار نے تہلکہ خیز رپورٹ میں انکشاف کر دیا۔

امریکا اور اسرائیل کے مشترکہ حملوں میں ایران کے سپریم لیڈر آیت اللہ علی خامنہ ای سمیت کئی حکومتی حکام کی شہادت ہو چکی ہے جس کی تصدیق ایران کے سرکاری میڈیا کی جانب سے بھی کر دی گئی ہے تاہم ایران کی سب سے بڑی شخصیت کوشہید کرنا اسرائیل کے لیے کیسے ممکن ہوا، اس کا انکشاف امریکی اخبار نیویارک ٹائمز کی ایک رپورٹ میں کیا گیا ہے۔

نیویارک ٹائمز نے اس آپریشن سے واقف لوگوں کے حوالے سے خبر دی ہے کہ ایران کے سپریم لیڈر آیت اللہ علی خامنہ ای اور دیگر اعلیٰ عہدیداروں کا قتل امریکا اور اسرائیل کے درمیان قریبی انٹیلیجنس شیئرنگ کے بعد ہوا سی آئی اے نے سپریم لیڈر سمیت ایرانی قیادت کے اجتماع کی نشاندی کرنے میں مدد کی،ایران پر حملے سے کچھ دیر قبل امریکی خفیہ ادارے سی آئی اے نے ممکنہ طور پر سب سے اہم ہدف آیت اللہ علی خامنہ ای کی درست نشاندہی کر لی تھی۔

پریشن غضب للحق جاری، افغان طالبان مرکز پوسٹ پر کنٹرول حاصل

سی آئی اے جو کئی ماہ سے سپریم لیڈر کی نقل وحرکت پر نظر رکھی ہوئی تھی اس کو معلوم ہوا کہ ہفتے کی صبح تہران کے قلب میں واقع ایک لیڈر شپ کمپاؤنڈ میں ہوگی ابتدائی منصوبے کے مطابق رات کی تاریکی میں حملہ کرنا تھا، لیکن تہران میں حکومتی کمپاؤنڈ میں ہونے والے اجلاس کی اطلاع ملنے کے بعد ہفتے کی صبح حملہ کرنے کا فیصلہ کیا گیا اس اطلاع کے بعد امریکا اور اسرائیل نے مشترکہ طور پر ہدف کو کامیابی سے نشانہ بنایا۔ وال اسٹریٹ جنرل کے مطابق اسرائیلی طیاروں نے خامنہ ای کے کمپلیکس پر 30 بم گرائے، جس سے وہ مکمل طور پر جل کر تباہ ہو گیا،اس حملے میں ایرانی سپریم لیڈر آیت اللہ خامنہ ای، ان کے خاندان کے افراد، آرمی چیف، پاسداران انقلاب کے چیف اور سپریم لیڈر کے مشیر شہید ہوئے۔

سندھ حکومت کا کراچی میں مظاہرین کی ہلاکت پر جے آئی ٹی بنانے کا اعلان

امیر جماعت اسلامی پاکستان حافظ نعیم الرحمٰن نے ایرانی سپریم لیڈر آیت اللہ خامنہ ای کی شہادت پر افسوس کا اظہار کرتے ہوئے کہا ہے کہ امریکا اور اسرائیل نے ایک بار پھر خود کو دہشت گرد ریاستیں ثابت کیا-

کراچی میں پریس کانفرنس کرتے ہوئے حافظ نعیم الرحمان نے کہا کہ ہم ایران کے خلاف بلااشتعال کارروائی کی شدید مذمت کرتے ہیں، امریکا اور اسرائیل نے ایک بار پھر خود کو دہشت گرد ریاستیں ثابت کیا، یہ حملہ بین الاقوامی قوانین اور اقوامِ متحدہ کے چارٹر کی کھلی خلاف ورزی ہے، دنیا کے ضابطوں کو نہ ماننا عالمی امن کے لیے خطرناک رجحان ہے، ایران میں رجیم چینج کی بات کرنا عالمی قوانین کی دھجیاں اڑانے کے مترادف ہے۔

حافظ نعیم الرحمٰن نے کہا کہ کسی ملک کی قیادت کو ٹارگٹ کرنا بدترین ریاستی دہشت گردی ہے،آج پورے ملک میں شہداء کی غائبانہ نماز جنازہ ادا کی جائے گی، یہ نقصان صرف ایران کا نہیں بلکہ پوری امتِ مسلمہ کا نقصان ہے، عالمِ اسلام میں شدید غم و غصہ پایا جاتا ہے، عالمی برادری فوری نوٹس لے اور ذمہ داران کے خلاف کارروائی کرے۔

ایران کی عبوری قیادت کونسل تشکیل ، آیت اللہ اعرافی قیادت کونسل کے فقیہ مقرر

امیر جماعت اسلامی نے کہا کہ ہمارے حکمرانوں کو سمجھ لینا چاہئے امریکا کسی کا دوست نہیں، جو لوگ یہ سمجھتے ہیں کہ ڈونلڈ ٹرمپ کی آشیرباد حاصل کرکے کچھ پا لیں گے تو ایسا نہیں ہوگا، پاکستان کو سمجھ لینا چاہیے کہ یہ حملہ صرف ایران پر نہیں ہے، یہ پورے عالم اسلام کا مسئلہ ہے، اسرائیل کو پاکستان کی ایٹمی طاقت بری لگتی ہے، ڈونلڈ ٹرمپ کو عالمی دہشت گرد اور جنگی مجرم قرار دینا چاہئے۔

امیر جماعت اسلامی نے کہا کہ ہمیں چین سے بات کرنی چاہیے، امریکہ کو پتہ ہے چین کی عسکری اور معاشی حالت امریکہ سے بہتر ہے، پاکستان کو امریکا کی چاپلوسی کی پالیسی ترک کرکے ایران کو کھلے عام سپورٹ کرنا چاہئے ہم ہر ملک سے تعلقات چاہتے ہیں مگر اصولوں پر سمجھوتہ نہیں ہوگا، چین اور روس سمیت خطے کی بڑی طاقتوں سے رابطوں پر زور دینا چاہئے۔

ایران نے وزیر دفاع آرمی چیف کی موت کی تصدیق کردی

حافظ نعیم الرحمٰن نے کہا کہ پاکستان اور افغانستان کی لڑائی کسی کے حق میں نہیں، پاک افغان لڑائی کے خاتمے کیلئے عالم اسلام کے ممالک کو کردار ادا کرنا چاہیئے، افغانستان کی سرزمین سازشوں کیلئے استعمال کی جارہی ہے، ہمارے جوان شہید ہورہے ہیں، پاک افغان جنگ سے کسی کا فائدہ نہیں، افغانستان اور پاکستان کی حکومت کو اس حوالے سے بات چیت کا ذریعہ اختیار کرنا چاہیے، پاک افغان جنگ میں نقصان صرف مسلمانوں کا نقصان ہے، افغانستان کو سمجھنا چاہیے کہ بھارت کبھی آپ کا دوست نہیں ہوسکتا، مودی کا اسرائیل کا دورہ ثابت کرتا ہے وہ کسی مسلمان کو خوش نہیں دیکھ سکتے۔ اس وقت ملک میں قومی یکجہتی کی اشد ضرورت ہے، حکومت بانی پی ٹی آئی سمیت تمام سیاسی قیدیوں کو رہا کرے، ہمیں تمام سیاسی جماعتوں کے ساتھ بیٹھ کر بات کرنی چاہیے-

خامنہ ای کی شہادت:دنیابھر میں احتجاجی مظاہرے،عراق میں امریکی سفارتخانے پر ہجوم کا حملہ

ایران کے سرکاری میڈیا کی جانب سے آیت اللہ علی خامنہ ای کی شہادت کی تصدیق کے بعد ان کے تصدیق شدہ سوشل میڈیا اکاؤنٹ سے ایک خصوصی پیغام جاری کیا گیا ہے۔

سوشل میڈیا پلیٹ فارم ایکس پر موجود ان کے آفیشل اکاؤنٹ پر ایک یادگار تصویر شیئر کی گئی، جس کے ساتھ مذہبی حوالہ بھی شامل کیا گیا تصویر کے ساتھ کیپشن میں یہ جملہ بھی درج تھا: ’خدا کے نام سے جو مہربان، رحم کرنے والا ہے۔

پوسٹ میں قرآنِ مجید کی سورۃ الاحزاب کی آیت نمبر 23 کا حوالہ دیتے ہوئے لکھا گیا کہ مومنوں میں ایسے لوگ بھی ہیں جنہوں نے اللہ سے کیا گیا عہد سچ کر دکھایا، کچھ نے اپنا عہد پورا کر دیا اور کچھ اپنی باری کا انتظار کر رہے ہیں، اور وہ ذرا بھی تبدیل نہیں ہوئے،

ایران کے سرکاری میڈیا کے مطابق ملک بھر میں سات روز کی عام تعطیل اور چالیس روزہ سوگ کا اعلان کیا گیا ہے حکام کا کہنا ہے کہ یہ فیصلہ قومی سطح پر اظہارِ یکجہتی اور تعزیت کے لیے کیا گیا ہےخامنہ ای کے اہلِ خانہ میں سے بعض افراد، جن میں ان کی بیٹی، داماد اور نواسی شامل ہیں، بھی اس واقعے میں شہید ہوئے –

خون سے رنگی دنیا اور خاموش قیادت‌:تجزیہ ،شہزادقریشی

آئندہ ہماری سرزمین پاکستان کے خلاف استعمال نہیں ہو گی،ذبیح اللہ مجاہدکی پاکستان سے سیز فائر کی اپیل

خامنہ ای کی شہادت:دنیابھر میں احتجاجی مظاہرے،عراق میں امریکی سفارتخانے پر ہجوم کا حملہ

ایرانی سپریم لیڈر آیت اللہ علی خامنہ ای کی شہادت کی خبروں کے بعد پاکستان اور دنیا کے مختلف شہروں میں احتجاجی مظاہرے شروع ہو گئے ہیں۔

کراچی میں شہریوں کی بڑی تعداد سڑکوں پر نکل آئی جبکہ عراق اور امریکا میں بھی مظاہروں کی اطلاعات موصول ہوئی ہیں کراچی میں نمائش چورنگی پر لوگوں کی بڑی تعداد جمع ہو گئی ہے مظاہرین نے مختلف مقامات پر دھرنے دیے ہوئے ہیں جس کے باعث ٹریفک کی روانی متاثر ہوچکی ہے ٹریفک پولیس کے مطابق نمائش چورنگی جانے والے راستے بند کر دیے گئے ہیں اور شہریوں کو متبادل راستے فراہم کیے جا رہے ہیں تاکہ شہر میں ٹریفک کا نظام مکمل طور پر معطل نہ ہو۔

ادھر عراق کے دارالحکومت بغداد میں بھی شدید احتجاج دیکھنے میں آیا اطلاعات کے مطابق امریکی اور اسرائیلی کارروائی میں آیت اللہ خامنہ ای کی ہلاکت کی خبر کے بعد مظاہرین گرین زون کی طرف بڑھے،عراق میں امریکی سفارتخانے پر ہجوم نے حملہ کر دیا ہے گرین زون بغداد کا وہ انتہائی محفوظ علاقہ ہے جہاں عراقی حکومت، پارلیمنٹ اور غیر ملکی سفارت خانے واقع ہیں، الجزیرہ کی جانب سے تصدیق شدہ ویڈیوز میں مظاہرین کو جھنڈے لہراتے اور نعرے لگاتے دیکھا جا سکتا ہے۔

امریکا اور اسرائیل نے ایرانی قوم کے دل جلا ئے، ہم بھی ان کے دل جلا دیں گے،علی لاریجانی

عینی شاہدین کا کہنا ہے کہ کچھ مظاہرین امریکی سفارت خانے کی طرف بڑھنے کی کوشش کر رہے تھے جبکہ بعض افراد نے گرین زون کے داخلی دروازے کے قریب چوک پر گاڑیوں کو روکنے کی بھی کوشش کی۔ سیکیورٹی فورسز اور مظاہرین کے درمیان تناؤ کی کیفیت دیکھی گئی۔

ایران کی خبر رساں ایجنسی فارس نے بھی ایسی ویڈیوز جاری کی ہیں جن میں لوگوں کو سڑکوں پر نکل کر اپنے رہنما کے لیے سوگ مناتے دکھایا گیا ہےمختلف شہروں میں تعزیتی اجتماعات منعقد کیے جا رہے ہیں اور عوامی سطح پر غم و غصے کا اظہار کیا جا رہا ہے۔

آیت اللہ خامنہ ای کی شہادت:کراچی کی عوام کا غصے میں امریکی قونصلیٹ پر حملہ

امریکا میں بھی اس واقعے کے خلاف آوازیں بلند ہوئیں۔ نیویارک شہر کے ٹائمز اسکوائر میں شہریوں کی بڑی تعداد جمع ہوئی،نیویارک کے میئر زہران ممدانی نے امریکی حملوں کو ایک خطرناک پیش رفت قرار دیتے ہوئے کہا کہ یہ غیر قانونی جنگ میں خطرناک اضافہ ہے۔ مظاہرین نے جنگ بندی اور مزید حملے روکنے کا مطالبہ کیامقبوضہ کشمیر میں بھی سرینگر میں لال چوک پر ایران کے رہبرِ اعلیٰ آیت اللہ علی خامنہ ای کی شہادت کے خلاف احتجاجی مظاہرہ کیا گیا ہے۔

صورتحال کے بعد خطے اور دنیا بھر میں کشیدگی میں اضافہ دیکھا جا رہا ہے مختلف ممالک اور رہنما اس پیش رفت پر اپنے اپنے بیانات دے رہے ہیں جبکہ عوامی سطح پر احتجاج اور مظاہروں کا سلسلہ جاری ہے۔

وزیراعظم سے وفاقی وزیر داخلہ محسن نقوی کی ملاقات

کراچی میں امریکی قونصل پر کچھ لوگوں نے دھاوا بول دیا

ایران پر اسرائیل اور امریکا کے مشترکہ حملے میں ایرانی سپریم کمانڈرآیت اللہ خامنہ ای کو شہید کرنے پر کراچی کی عوام غصے میں امریکی قونصلیٹ پر حملہ ، امریکی قونصل خانے کو آگ لگا دیکراچی میں موجود امریکی قونصل خانے کے قریب مظاہرین جمع ہوکر احتجاج کررہے ہیں، یہ احتجاج ایران پر اسرائیل اور امریکا کے مشترکہ حملے میں ایرانی سپریم کمانڈرآیت اللہ خامنہ ای کی شہادت کے بعد کیا جا رہا ہے۔

میڈیا رپورٹس کے مطابق مظاہرین نے قونصل خانے کے احاطے میں داخل ہوکر توڑ پھوڑ بھی کی ہے، احتجاج کے پیش نظر سلطان آباد سے مائی کولاچی آنے جانے والی سڑک ٹریفک کے لیے بند کردی گئی ہے جبکہ پولیس کی جانب سے مظاہرین کو منتشر کرنے کے لیے شیلنگ جاری ہے مظاہرین کو پیچھے دھکیلنے کے لیے پولیس کی بھاری نفری سلطان آباد کے نیچے موجود ہے جبکہ رینجرز کے دستے بھی پہنچ گئے ہیں، مظاہرین نے سڑک پر ٹائر جلائے اور پولیس پر پتھراؤ کیا۔

ٹرمپ امریکا کو ایک ایسی جنگ میں گھسیٹ رہے ہیں جسے امریکی عوام نہیں چاہتے، کملا ہیرس

دوسری طرف لاہور میں پریس کلب کے سامنے اور امریکی قونصل خانے کے قریب بھی احتجاج کیا جارہا ہے مظاہرین نے امریکی قونصل خانے کے احاطے میں توڑ پھوڑ کرنے کی کوشش بھی کی۔

واضح رہے کہ ایران کے سپریم لیڈر آیت اللہ خامنہ ای امریکی اور اسرائیلی مشترکہ حملے میں شہید ہوگئے ہیں ایرانی سرکاری میڈیا کے مطابق ہفتہ کی صبح ان کے رہائشی کمپاؤنڈ پر فضائی حملہ کیا گیا جس کے بعد ان کی شہادت کی تصدیق کی گئی وہ 86 برس کے تھے خامنہ ای کی شہادت کے بعد حکومت نے 40 روزہ سرکاری سوگ کا اعلان کر دیا ہے جبکہ 7 روزہ عام تعطیلات کا بھی اعلان کیا گیا ہے۔

علی خامنہ ای کی شہادت: اسلامی دنیا کی تاریخ میں ایک نیا موڑ ثابت ہوگی، ایرانی صدر

تہران: مرکزی قیادت کی شہادت کے بعد ایران نے عبوری قیادت کیلئے تین رکنی کونسل قائم کردی۔

ایران کے رہبرِ اعلیٰ (سپریم لیڈر) آیت اللہ علی خامنہ ای کے تقریباً 37 سالہ دورِ اقتدار کے خاتمے اور ان کی شہادت کی تصدیق کے بعد اب پوری دنیا کی نظریں اس بات پر لگی ہیں کہ ایران کا مستقبل کیا ہوگا اور اگلا سربراہ کون بنے گا ایران کے پیچیدہ نظامِ حکومت میں رہبرِ اعلیٰ کا عہدہ سب سے طاقتور ہوتا ہے کیونکہ وہی ریاست کے تمام معاملات میں حتمی فیصلے کا اختیار رکھتا ہے اور فوج سمیت پاسدارانِ انقلاب کا کمانڈر اِن چیف بھی ہوتا ہے۔

خامنہ ای کی وفات کے بعد ایرانی آئین کے مطابق ایک عارضی قیادت کونسل تشکیل دے دی گئی ہے جو ملک کے روزمرہ امور چلائے گی اس کونسل میں ایران کے صدر مسعود پزیشکیان، عدلیہ کے سربراہ غلام حسین محسنی اژہای اور گارڈین کونسل کا ایک نمائندہ شامل ہے یہ کونسل اس وقت تک کام جاری رکھے گی جب تک مستقل رہبر کا انتخاب نہیں ہو جاتا۔

دبئی انٹرنیشنل ایئرپورٹ پر ایران کے میزائل حملے میں 16 افراد زخمی

ایرانی میڈیا کے مطابق عبوری کونسل عبوری مدت میں تمام ذمہ داریاں انجام دے گی جبکہ سپریم لیڈر کے انتخاب تک فوراً عمل کیا جائے گا، ایسا کونسل نظام ایران کے آئین میں درج ہے جس میں صدر، عدلیہ کے سربراہ اور نگہبان کونسل کا منتخب فقیہ شامل ہوتا ہے۔

مستقل رہبرِ اعلیٰ کا انتخاب ایک 88 رکنی باڈی کرتی ہے جسے ماہرین کی کونسل یا اسمبلی آف ایکسپرٹس کہا جاتا ہے یہ تمام شیعہ علماء ہوتے ہیں جن کا انتخاب ہر آٹھ سال بعد عوامی ووٹوں سے ہوتا ہےقانون کے مطابق اس پینل کی ذمہ داری ہے کہ وہ جلد از جلد موزوں ترین شخصیت کو نیا رہبر منتخب کرے آیت اللہ خامنہ ای نے اپنی موت سے قبل تمام امور اور فیصلوں کا اختیار علی لاریجانی کے سپرد کردیا تھا۔

سڑکوں پر بھرپور اور فیصلہ کن موجودگی کا وقت قریب ہے،رضا پہلوی

ماضی میں سابق صدر ابراہیم رئیسی کو خامنہ ای کا جانشین تصور کیا جاتا تھا لیکن مئی 2024 میں ایک ہیلی کاپٹر حادثے میں ان کی موت کے بعد اب اس وقت سب سے زیادہ زیرِ بحث نام علی خامنہ ای کے 56 سالہ بیٹے مجتبیٰ خامنہ ای کا ہے جو خود بھی ایک عالم دین ہیں اگرچہ انہوں نے کبھی کوئی سرکاری عہدہ نہیں سنبھالا لیکن وہ نظام کے اندر کافی اثر و رسوخ رکھتے ہیں۔

امیدواروں میں حسن خمینی دوسرے نمبر پر موجود ہیں روح اللہ خمینی کے پوتے ہونے کی حیثیت سے ان کے پاس اسلامی جمہوریہ ایران کے بانی سے وابستہ ایک علامتی نسب موجود ہےسابق سربراہِ عدلیہ اور ایرانی مذہبی اشرافیہ کے دیرینہ رکن صادق آملی لاریجانی بھی نظام کی ایک جانی پہچانی شخصیت ہیں، لیکن ماہرین فی الحال انہیں حسن خمینی اور مجتبیٰ خامنہ ای دونوں سے پیچھے دیکھ رہے ہیں۔

امریکی فوجی اڈوں پر ایرانی حملے اب تک ‘ہماری توقع سے کم’ رہے،صدر ٹرمپ

علی رضا عارفی ایک کم معروف شخصیت ہیں لیکن وہ ایک سینیئر عالمِ دین ہیں جو حکومتی اداروں میں کام کرنے کا وسیع تجربہ رکھتے ہیں اور خامنہ ای کے بااعتماد ساتھیوں میں شمار ہوتے ہیں وہ اس وقت ماہرین کی کونسل (اسمبلی آف ایکسپرٹس) کے ڈپٹی چیئرمین کے طور پر خدمات انجام دے رہے ہیں اور طاقتور گارڈین کونسل کے رکن بھی رہے ہیں۔ اس کے علاوہ وہ ایران کے تمام دینی مدارس کے نظام کے سربراہ بھی ہیں۔

محمد مہدی میر باقری بھی ایک عالمِ دین اور ماہرین کی کونسل (اسمبلی آف ایکسپرٹس) کے رکن ہیں، جو مذہبی اشرافیہ کے سب سے قدامت پسند دھڑے کی نمائندگی کرتے ہیں حالیہ رپورٹس کے مطابق انہوں نے غزہ کی جنگ میں ہونے والے جانی نقصان کا یہ کہہ کر دفاع کیا تھا کہ اگر اللہ کا قرب حاصل ہو تو دنیا کی آدھی آبادی کی موت بھی ”برحق“ ہے۔

’ایران وائر‘ کے مطابق، وہ مغرب کے سخت مخالف ہیں اور مومنین و کفار کے درمیان تصادم کو ناگزیر سمجھتے ہیں وہ اس وقت مقدس شہر قم میں اسلامک سائنسز اکیڈمی کے سربراہ کے طور پر کام کر رہے ہیں۔

دنیا ایک سنگین بحران کے دہانے پر کھڑی ہے ،انتونیو گوتریس

ہاشم حسینی بوشہری بھی ایک سینئر عالمِ دین ہیں اور ان اداروں سے گہرا تعلق رکھتے ہیں جو جانشینی کے معاملات کو سنبھالتے ہیں، خاص طور پر ماہرین کی کونسل (اسمبلی آف ایکسپرٹس) جہاں وہ پہلے نائب چیئرمین کے طور پر خدمات انجام دے رہے ہیں کہا جاتا ہے کہ وہ خامنہ ای کے قریبی رہے ہیں، لیکن ملکی سطح پر ان کی پہچان زیادہ نہیں ہے اور پاسدارانِ انقلاب کے ساتھ بھی ان کے کسی مضبوط تعلق کا علم نہیں ہے۔

واضح رہے کہ ایران کی تاریخ میں اقتدار کی ایسی منتقلی اس سے پہلے صرف ایک بار 1989 میں ہوئی تھی جب انقلاب کے بانی آیت اللہ روح اللہ خمینی کا انتقال ہوا تھا۔

ایران پر حملے کے خلاف کراچی میں احتجاج، امریکا اور اسرائیل کے پرچم نذر آتش

ایران کے سابق شاہی خاندان کے رکن رضا پہلوی نے کہا ہے کہ حکومت کے باقی ماندہ عناصر اگر خامنہ ای کا کوئی جانشین مقرر کرنے کی کوشش کریں گے تو وہ ابتدا ہی سے ناکام ہوگی-

ایران کے سابق شاہی خاندان کے رکن رضا پہلوی نے آیت اللہ علی خامنہ ای کی شہادت کے بعد سوشل میڈیا پر جاری اپنے بیان میں کہا ہے کہ ‘علی خامنہ ای کو تاریخ کے صفحے سے مٹا دیا گیا ہے اور ان کی موت کے ساتھ ہی ‘اسلامی جمہوریہ عملاً اپنے انجام کو پہنچ چکی ہے اور بہت جلد تاریخ کے کوڑے دان میں پھینک دی جائے گی-

رضا پہلوی نے اپنے بیان میں کہا کہ حکومت کے باقی ماندہ عناصر اگر خامنہ ای کا کوئی جانشین مقرر کرنے کی کوشش کریں گے تو وہ ابتدا ہی سے ناکام ہوگی، جسے بھی ان کی جگہ بٹھایا جائے گا، اسے نہ تو عوامی جواز حاصل ہوگا اور نہ ہی وہ زیادہ عرصہ برقرار رہ سکے گا، اور وہ بھی اس نظام کے جرائم میں شریک سمجھا جائے گا۔

امریکی فوجی اڈوں پر ایرانی حملے اب تک ‘ہماری توقع سے کم’ رہے،صدر ٹرمپ

انہوں نے ایرانی فوج، قانون نافذ کرنے والے اداروں اور سیکیورٹی فورسز کو مخاطب کرتے ہوئے کہا کہ زوال پذیر نظام کو بچانے کی کوئی بھی کوشش ناکام ہو گی، یہ آپ کے لیے آخری موقع ہے کہ قوم کا ساتھ دیں اور ایران کو ایک آزاد اور خوشحال مستقبل کی طرف لے جانے میں کردار ادا کریں-

رضا پہلوی نے خامنہ ای کو ‘مجرم’ قرار دیتے ہوئے کہا کہ ان کی موت اگرچہ بہائے گئے خون کا بدلہ نہیں، تاہم یہ ان خاندانوں کے زخموں پر مرہم کا کام کرسکتی ہے جنہوں نے ایران کے انقلاب میں اپنے پیاروں کو کھویا انہوں نے ایرانی عوام سے چوکس اور تیار رہنے کی اپیل کرتے ہوئے کہا کہ سڑکوں پر بھرپور اور فیصلہ کن موجودگی کا وقت قریب ہے اور مل کر ایران کی آزادی کا جشن منایا جائے گا۔

دنیا ایک سنگین بحران کے دہانے پر کھڑی ہے ،انتونیو گوتریس

ایرانی سرکاری میڈیا نے ایران کے سپریم لیڈر آیت اللہ خامنہ ای کے شہید ہونے کی تصدیق کردی۔

ایرانی سرکاری میڈیا کے مطابق آیت اللہ خامنہ ای ہفتہ کو ہونے والے امریکی و اسرائیلی حملوں میں شہید ہوئے، سپریم لیڈر کی شہادت ان کے دفتر میں ہوئی، سپریم لیڈر کی شہادت پر ایران میں 7 روزہ تعطیل اور 40 روزہ سوگ کا اعلان کردیا گیا۔ان کے نامزد جانشین مجتبٰی خامنی آج صبح شہید ہوچکے ہیں-

ایرانی سرکاری میڈیا نے اسرائیلی و امریکی حملوں میں سپریم لیڈر خامنہ ای کی بیٹی اورنواسے کی شہادت کی بھی تصدیق کردی ایرانی سرکاری میڈیا نے بتایا کہ حملوں میں آیت اللہ خامنہ ای کے داماد اور بہو بھی شہید ہوگئیں-

ایران پر حملے کے خلاف کراچی میں احتجاج، امریکا اور اسرائیل کے پرچم نذر آتش–

اسلام آباد کے ایرانی سفارت خانے میں سپریم لیڈر خامنہ ای کی تصویر کے سامنے شہید لکھ دیا ہ گیا ہے ایرانی آئین کے مطابق فوری طور پر تین رکنی کمیٹی مجلس نگہبان نئے رہبر کا تقرر کرے گی،کیوں کہ جانشین بھی شہید ہوگئے ہیں-

اس سے قبل اسرائیلی میڈیا نے کہا تھا کہ ایرانی سپریم لیڈر ساتھیوں کے ہمراہ زیر زمین بینکر میں تھے، آیت اللہ علی خامنہ ای کےکمپاؤنڈپر 30 بم گرائےگئے ایرانی سپریم لیڈر درجنوں ساتھیوں سمیت شہید ہو گئے، آیت اللہ علی خامنہ ای کی میت کی تصویر امریکی صدر کو دکھائی گئی۔

ایران کے جوابی حملے : اسرائیل پر میزائلوں اور ڈرونز سے حملے، متعدد شہری زخمی

ادھر بر طانوی میڈیا نے بھی اسرائیلی حکام کے حوالے سے کہا تھا کہ خامنہ ای کی لا ش ملی ہے اسرائیل کے وزیراعظم نیتن یاہو نے بھی اپنے ویڈیو بیان میں کہا کہ ایسے اشارے ملے ہیں کہ ایرانی سپریم لیڈرخامنہ اب نہیں رہے ایرانی پاسدارانِ انقلاب کے کمانڈربھی مارے گئے ہیں، خامنہ ای کے کمپاؤنڈ کو تباہ اورسینئر جوہری حکام بھی مارے گئے اور آنے والے دنوں میں مزید ہزاروں اہداف کو نشانہ بنائیں گے ایران کے خلاف کارروائی جب تک ضروری ہوئی جاری رہے گی۔

واضح رہے کہ گزشتہ روز امریکا اور اسرائیل نے ایران پر بحری اور فضائی حملے کیے جن میں 201 ایرانی شہری شہید اور 747 زخمی ہوئے تھے خبر ایجنسی کے مطابق حملوں میں ایرانی وزیر دفاع امیر ناصر زادہ اور ایرانی پاسداران انقلاب کے سربراہ محمد پاکپور شہید ہوگئے ہیں۔

ٹرمپ کا ایران پر حملہ: امریکی اخبار کی کڑی تنقید