وفاقی وزیردفاع خواجہ آصف نے قومی اسمبلی اجلاس سے خطاب کرتے ہوئے کہا کہ فخر ہے 33 سال سے اس ایوان میں ہوں، ہم عوام کے نمائندے ہیں، ان کی خدمت ہمارا فرض ہے۔

قومی اسمبلی کے اختتامی سیشن سے خطاب کرتے ہوئے خواجہ آصف کا کہنا تھا کہ ہمیں عوام کے ساتھ رشتے قائم رکھنے چاہئیں۔ آج اسمبلی اپنی مدت پوری کر کے رخصت ہو رہی ہے اسمبلی کی مدت کے دوران کئی ایسے واقعات ہوئے جن سے ہمیں شرمندگی ہے 9 مئی کے واقعات نے ہماری تاریخ کو داغدار کیا ایک شخص اپنے اقتدار کیلئے کچھ بھی کر سکتا ہے پارلیمنٹ کے تقدس کو ہر صورت بحال رکھنا ہو گا ،آئندہ دنوں میں معیشت سب سے بڑا مسئلہ ہوگا،ملک کے خود کفیل ہونے کے تمام تر وسائل اس ملک میں موجود ہیں، اگر عدلیہ سیاسی رول ختم کرے اور اپنے کام توجہ دے تو کئی ارب روپے آپ کے پاس آ جائیں گے ایک کیس میں سات سو ارب کا اسٹے دیا ہوا ہے،اس طرح اور بھی کیسز ہیں،اگر یہ بات باہر کروں تو توہین عدالت لگ جائے گا ،چار ہزار ارب سے زائد گردشی قرضے ہیں،

شہباز شریف نے الیکشن نئی مردم شماری کے بعد کرانے کا اعلان کر دیا

الیکشن مہم میں سرکاری مشینری کا بے دریغ استعمال کیا گیا،علی زیدی

سپریم کورٹ نے ایم کیو ایم کی سندھ میں بلدیاتی انتخابات روکنے کی استدعا مسترد کردی

ہ سازش کے تحت بلدیاتی انتخابات میں تاخیرکی جارہی ہے،

ونین کونسلز کی تعداد کا تعین صوبائی حکومت کا اختیار ہے

خواجہ آصف کا کہنا تھا کہ توشہ خانہ سے تحائف لینا جرم نہیں تحائف یادگار کے طور پہ ہوتے ہیں آگے دینا یا بیچنا غلط ہے ایف بی آر کے 2670 ارب کے کیسز عدلیہ کے پاس التوا میں پڑے ہوئے ہیں لیکن ان میں سے کسی پر فیصلہ ہی نہیں دیا جارہا اگر ان میں سے آدھے کا بھی فیصلہ کردیں تو پاکستان کو چھ سے سات ارب ڈالر مل سکتے ہیں۔ اسی عدلیہ نے 700 ملین ڈالر کا ایک ٹائیکون کا دہائیوں سے اسٹے دیا ہوا ہے، ۹۰ کی دہائی کے بعد جو پچھلے ۲۳ سال گزرے ہیں پارلیمانی تاریخ کے اس میں تمام اسمبلیوں نے اپنی مدت پوری کی ہے، مجھے اس بات کا فخر ہے کہ پچھلے ۳۳ سال سے ان ایوانوں میں ہوں،محترمہ بینظیر بھٹو شہید اور میاں محمد نواز شریف نے اتفاق رائے سے 58 (2b) کا خاتمہ کیا،جس کی وجہ سے اسمبلیوں کو پانچ سال کی مدت پوری کرنے کا موقع فراہم کیا

نگران حکومت کو ہر صورت مہنگائی کو قابو کرنا ہو گا ، راجہ ریاض
لیڈر آف اپوزیشن راجہ ریاض احمد نے قومی اسمبلی کے اجلاس میں اظہارِ خیال کرتے ہوئے کہا کہ ہم پی ٹی آئی کے ٹکٹ پر منتخب ہو کر آئے تھے پچھلے وزیرِ اعظم کا حکومت کرنے کا طریقہ پاکستان کے لئے ٹھیک نہیں تھا آج جو ملک ڈیفالٹ نہیں ہوا اِس میں ہماری اپوزیشن کا بھی بھرپور کردار ہے ،میاں شہباز شریف نے پوری کوشش سے اس ملک کو بچایا اور درست سمت کی طرف لے کر گئے ہم دل کی گہرائیوں سے شکر گزار ہیں ،ہم نے حکومت کے تمام جائز معاملات میں حکومت کا ساتھ دیا اور جو صحیح نہیں لگے اُن کی مخالفت کی نگران حکومت کو ہر صورت مہنگائی کو قابو کر کے غریب عوام کے لئے آسانی پیدا کرنی ہوگی لیڈر آف اپوزیشن نے مزید اسپیکر قومی اسمبلی اور ڈپٹی اسپیکر قومی اسمبلی کو ایوان کی کاروائی کواعلیٰ طریقے سے چلانے پر خراج تحسین پیش کیا

بلوچستان کے مسائل حل کرنے کی طرف مزید توجہ دینے کی ضرورت تھی،اختر مینگل
بی این پی کے سربراہ سردار اختر جان مینگل نے قومی اسمبلی کے اجلاس میں اظہار خیال کرتے ہوئے کہا کہ خوش آئند بات ہے کہ موجودہ اسمبلی کا شمار ان چند اسمبلیوں میں ہوگا جنہوں نے اپنی مدت پوری کی،ہمیشہ اخلاق کے دائرے میں رہتے ہوئے اپنے خیالات کا اظہار کیا،وزیراعظم کا مشکور ہوں کہ جنہوں نے احسن طریقے سے ایک مخلوط حکومت کو چلایا، بلوچستان کے مسائل حل کرنے کی طرف مزید توجہ دینے کی ضرورت تھی،

وفاقی وزیر برائے اطلاعات و نشریات محترمہ مریم اورنگزیب نے پیمرا آرڈیننس بل 2023 پیش کرتے ہوئے اسپیکر قومی اسمبلی ، وزیرِ اعظم پاکستان ، تمام میڈیا ورکرز ، پی آر اے ، پی ایف یو جے ، پی پی اے، سی پی اے، اے پی این ، اور تمام تنظیموں کو جنہوں نے اِس بل کی ترمیم میں کردار ادا کیا سب کو مباکباد پیش کی۔ وفاقی وزیر اطلاعات و نشریات محترمہ مریم اورنگزیب نے ایوان کو بل کے متعلق آگاہ کرتے ہوئے بتایا کہ اس بل کے مطابق اب چیئرمین پیمرا کی تعیناتی کا اختیار اِس ایوان کو حاصل ہوگا اور یہ انتخاب انتہائی شفاف اور جمہوری طریقے سے ہوگا ۔

قومی اسمبلی کے اجلاس سے رکن قومی اسمبلی نور عالم خان نے خطاب کرتے ہوئے ملکی مفاد میں یکجہتی اور سلامتی پر زور دیا ۔

چیئرمین سینیٹ صادق سنجرانی کی زیرصدارت سینیٹ کا اجلاس ہوا

تبدیلی پاکستان بین الاقوامی ایئرلائن کارپوریشن ترمیمی بل 2023 ایوان بالا میں پیش کر دیا گیا،وزیر دفاع خواجہ آصف نے سینیٹ میں بل پیش کیا۔

اجلاس میں وفاقی وزیر دفاع خواجہ آصف نے اظہار خیال کرتے ہوئے کہا کہ اس سال پی آئی اے کا خسارہ 110 ارب روپے ہے میں نجکاری کا حامی نہیں 742 ارب کا قرضہ ہے، ادائیگی کیلئے مزید قرضہ لیا جاتا ہے پی آئی اے کا کوئی ملازم بے روزگار نہیں ہوگا پی آئی اے کے پاس براہ راست بیرونی سرمایہ کاری ہونی ہے ،ہمارے پاس 28جہاز ہیں پوری دنیا نے ایک جہاز تک لیزپرنہیں دیا، ہمارے پاس اور کوئی حل نہیں سیاست سے ہٹ کر قومی ادارے کو بچانا ہے،پی آئی اے کا 40 فیصد کنٹرول پرائیویٹ سیکٹر کو دینا چاہئے اگر پی آئی اے کو پرائیویٹ نہ کیا تو بے عزتی اور نقصان الگ ہوگا چیئرمین سینیٹ صادق سنجرانی نے بل متعلقہ کمیٹی کے سپرد کردیا۔

سینیٹ اجلاس میں وزارت خارجہ نے ڈاکٹر عافیہ کے حوالے سے تحریری جواب جمع کرا دیا ، تحریری جواب میں کہا گیا کہ ڈاکٹر عافیہ کے مقدمے کے لیے 18 لاکھ 50 ہزار ڈالرز فیس ادا کی گئی، چئیرمین کمیٹی محسن عزیز نے کہا کہ آفیشل سیکریٹ ایکٹ ترمیمی بل کے لیے مزید 4 روزکی توسیع دی جائے سینیٹ نے بل کے لیے 4 روز توسیع کردی

پی آئی اے خاتون افسر کو ہراساں کرنے پر تحقیقاتی کمیٹی تشکیل

انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں

دہشت گردی کی روک تھام کیلئے کاؤنٹرفائنسنگ اتھارٹی قیام کا بل سینیٹ سے منظور
قومی انسداد منی لانڈرنگ اوردہشت گردی کی روک تھام کیلئے کاؤنٹرفائنسنگ اتھارٹی قیام کا بل سینیٹ سے منظور کرلیا گیا ، بل سینیٹ اجلاس کے دوران پیش کیا گیا، حنا ربانی کھر نے بل پیش کیا، جس کے بعد سینیٹ میں ووٹنگ ہوئی بل کے خلاف 9 اور حق میں 28 ووٹ آئے ،رضا ربانی، طاہربزنجو، کامران مرتضی بل منظوری کے حق میں کھڑے نہیں ہوئے بل فوری منظور کئے جانے کی پی ٹی آئی اور جماعت اسلامی نے مخالفت کی،

بل پیش کرتے ہوئے حنا ربانی کھر نے کہا کہ بل قومی اسمبلی سے منظور ہو کر آیا ہے اس بل کے تحت اتھارٹی قائم کی جائے گی . وزارت خارجہ کے کیمپ آفسز میں اخراجات میں کمی کی گئی ہے اور کفایت شعاری کی پالیسی پر عمل کیا جا رہا ہے . کیمپ دفاتر اور صوبوں میں وزارت خارجہ کے دفاتر میں 40 گاڑیاں زیادہ نہیں ہیں اوران پر اخراجات میں بھی کٹوتی کی گئی ہے تا کہ کفایت شعاری کے تحت بچت کو یقینی بنایا جا سکے ، پی پی کے سینیٹر سید یوسف رضا گیلانی نے کہا کہ یہ اہم بل ہے جو پورے کے لئے اہم ہے .اسحاق ڈار نے کہا کہ ہم نے ایف اے ٹی ایف کو اپنا فیوچر پلان دیا ،پی ٹی آئی سینیٹر محسن عزیز نے کہا کہ بارہ بلز ایک دن میں کس طرح پڑھے جا سکتے ہیں ہمیں ربر اسٹامپ نہ بنایا جائے، دنیا ہمارا تمسخر اڑا رہی ہے ،

یونیورسٹیوں کے قیام سے متعلق کوئی بل عجلت میں منظور نہیں کیا جائے گا، اعظم نذیر تارڑ
وفاقی وزیر قانون اعظم نذیر تارڑ نے ایوان میں اظہار خیال کرتے ہوئے کہا کہ بلوچستان میں پنجرہ پل کی مرمت نہ ہونے کا معاملہ وزیراعظم کے نوٹس میں لایا جائے گا ،نئی یونیورسٹیوں کے قیام سے متعلق کوئی بل عجلت میں منظور نہیں کیا جائے گا۔ بلوچستان میں گیس واجبات اور ترقیاتی منصوبوں کے حوالے سے جو تحفظات تھے ان کے حل کیلئے خصوصی کمیٹی بنائی گئی ہے تین دن میں یہ تحفظات حل کئے گئے اور اس سلسلہ میں عملی اقدامات بھی اٹھائے گئے ہیں پنجرہ پل کی تعمیر و مرمت کے حوالے سے وزیر مواصلات خود صورتحال واضح کریں گے

دستاویزی ثبوت نہ ہو تو کسی کے خلاف خبر نہیں چلائی جا سکتی،مریم اورنگزیب
وفاقی وزیر اطلاعات مریم اورنگزیب نے سینیٹ اجلاس میں پیمرا (ترمیمی) بل 2023ءپر اظہار خیال کرتے ہوئے کہا کہ پہلی ترمیم اس بل کے دیباچہ میں ہے جس میں پبلک سروس پیغام برداشت، انتہاء پسندی، منشیات سے متعلق آگاہی پر توجہ مرکوز کی گئی ہے ٹی وی چینل وفاقی حکومت کی آگاہی مہم سے متعلق رپورٹ کونسل آف کمپلینٹس میں جمع کرائیں گے مس انفارمیشن اور ڈس انفارمیشن کی تعریف پر تمام متعلقہ فریقوں سے مشاورت کی گئی کوئی فوجداری جرم نہیں صرف جرمانہ میں اضافہ کیا گیا ہے یہ ایک تاریخی بل ہے اگر آپ کے پاس دستاویزی ثبوت نہ ہو تو کسی کے خلاف خبر نہیں چلائی جا سکتی موقف لئے بغیر خبر چلانے پر سزا ہے پہلے چیئرمین پیمرا کو چینلز کی نشریات معطل کرنے اورلائسنس منسوخ کرنے کا اختیار تھا لیکن اب یہ اتھارٹی کو دے دیا گیا ہے 30 دن میں کونسل آف کمپلینٹس میں شکایت درج کرائی جا سکتی ہے

اسلام آباد: وفاقی وزیر دفاع خواجہ آصف نے سول جج کی اہلیہ کے مبینہ تشدد سے شدید زخمی ہونے والی رضوانہ تشدد کیس کی مرکزی ملزمہ کو ضمانت ملنے کے عدالتی فیصلے پر شدید تنقید کی ہے۔

باغی ٹی وی : گزشتہ روز اسلام آباد کی ڈسٹرکٹ اینڈ سیشنز کورٹ نے کم سن ملازمہ رضوانہ تشدد کیس میں مرکزی ملزمہ اور سول جج کی اہلیہ سومیہ عاصم کی 1 لاکھ روپے کے مچلکوں کے عوض 7 اگست تک عبوری ضمانت منظور کی تھی۔

عدلیہ کے فیصلے ایسے حالات بنا رہے ہیں کہ بچی کے والدین ان حالات کے جبر سے مجبور ھو کر ظلم کے آگے ہتھیار ڈال دیں. یہاں ھر ایک کی برادری ھے جو جو اپنے ظالم کی بھی پناہ گاہ بن جاتی ھے. غریب کی کوئی برادری نہیں جواسے پناہ دے. ریاست بھی صاحب وسائل کی پناہ گاہ ھے https://t.co/AEtxsj9iTF

— Khawaja M. Asif (@KhawajaMAsif) August 1, 2023

خواجہ آصف نے ٹویٹرپر عدلیہ پر تنقید کی اور بظاہر ان کا اشارہ رضوانہ تشدد کیس میں مرکزی ملزمہ کو ضمانت دیے جانے کے بارے میں تھا وفاقی وزیر نے ٹوئٹ میں لکھا کہ عدلیہ کے فیصلے ایسے حالات بنا رہے ہیں کہ بچی کے والدین ان حالات کے جبر سے مجبور ہو کر ظلم کے آگے ہتھیار ڈال دیں یہاں ہر ایک کی برادری ہے جو اپنے ظالم کی بھی پناہ گاہ بن جاتی ہے،غریب کی کوئی برادری نہیں جو اسے پناہ دے، ریاست بھی صاحب وسائل کی پناہ گاہ ہے۔

فلم ”باربی“ کوپنجاب سینسر بورڈ کی جانب سے نمائش کی اجازت مل گئی

واضح رہے کہ منگل کو رضوانہ تشدد کیس کی مرکزی ملزمہ نے ضمانت قبل از گرفتاری کیلئے ڈسٹرکٹ اینڈ سیشن کورٹ اسلام آباد سے رجوع کیا عدالت میں دائر درخواست میں کہا گیا تھا کہ سومیہ نے کبھی رضوانہ کو تشدد کا نشانہ نہیں بنایا، عدالت ملزمہ کی ضمانت قبل از گرفتاری کی درخواست منظور کرے درخواست گزار پڑھی لکھی ہیں اور سول جج کی اہلیہ ہیں۔ یہ بات درست ہے کہ رضوانہ اپنے والدین کی مرضی سے ان کے یہاں کام کرتی تھی لیکن اس کے علاوہ ایف آئی آر میں جو کچھ درج ہے وہ جھوٹ ہے رضوانہ کی عمر 17 برس ہے اور سومیہ نے ہمیشہ اس کے ساتھ نرمی سے کام لیا اور رضوانہ سے اسی طرح کا برتاؤ کیا جو وہ اپنے 7 سے 12 برس کے تین بچوں کے ساتھ کرتی تھیں۔

ترکیہ میں سویڈن کے اعزازی قونصل خانے پرفائرنگ،عملے کی خاتون شدید زخمی

واضح رہے کہ سرگودھا سے تعلق رکھنے والی رضوانہ نو روز سے لاہور کے جنرل اسپتال میں زیر علاج ہے گزشتہ روز رضوانہ کے علاج کیلئے بنائے گئے میڈیکل بورڈ کا اہم اجلاس ہوا۔ جس میں فیصلہ کیا گیا کہ رضوانہ کو خون لگایا جائے گا ، پینٹاگلوبیلنٹ نامی انجکشن بھی رضوانہ کو لگے گا۔

میڈیکل بورڈ کے سربراہ پروفیسر جودت سلیم کا کہنا تھا کہ رضوانہ کے جسم میں خون کی شرح 9 فیصد ہے، خون کی بوتل لگائی جائے گی رضوانہ کے کمر کے زخم میں پیپ بھر گئی تھی، جسے فوری صاف کر دیا ہے، رضوانہ کو خصوصی ہوا والے بیڈ پر لٹایا گیا ہے پینٹا گلو بیلنٹ والا انجکشن بھی شروع کیا جائے گارضوانہ کا وزن لگ بھگ 30 کلو کے قریب ہے، وزن کی مناسبت سے انجکشن کی خوراک لگائی جائے گی۔

بلوچستان میں بارشوں کے باعث 332 مکانات تباہ،پنجاب میں 7 اگست تک بارشیں متوقع

پرنسپل پوسٹ گریجویٹ کالج الفرید ظفر نے بتایا کہ انجکشن 5 لاکھ مالیت کا ہے ، یہ سرکاری طور پر مفت لگائے جائیں گے، انجکشن سے جسم میں انفیکشن ختم ہونے میں مدد ملے گی نگراں وزیر صحت نے انجکشن لگانے کی ہدایت دی ہے، بچی کو وینٹی لیٹر کی فی الوقت ضرورت نہیں لیکن وینٹی لیٹر تیار رکھا گیا ہے۔

وزیردفاع خواجہ آصف اکثر اسمبلی کے فلور پر پی ٹی ائی خواتین کے حوالے سے کچھ بولتے ہوئے پائے جاتے ہے ،اس دفعہ بھی خواجہ آصف کسی سے پیچھے نہیں رہے،کل کے تقریر کے بعد مسلسل خبروں میں ان ہیں ،گزشتہ روز محکمہ صحت نے پی ٹی آئی کی سینیٹر زرقا تیمور کے دو کلینک سیل کردیئے، اور پولیس نے ایڈمن افسر خرم کو کار سرکار میں مداخلت پر گرفتار کرکے مقدمہ درج کرلیا ہے، جبکہ سینیٹر زرقا تیمور کا کہنا ہے کہ یہ سیاسی انتقام کی کڑی ہے، جو میری جماعت کے لوگ برداشت کررہے ہیں۔پی ٹی آئی کی سینیٹر زرقا تیمور کے کلینک سیل کیے جانے کا الزام بھی خواجہ آصف پر آرہا ہے۔جس پر وزیردفاع خواجہ آصف نے ان پر لگنے والے الزامات کا جواب دیا ہے،ٹوئٹر پیغام میں کہتے ہیں دو عدد ڈینٹنگ پینٹنگ کی ورکشاپ کہیں لاہور میں بند ہوئی ہیں،سنا ہے پی ٹی آئی کی کسی خاتون سینیٹرکی ملکیت ہیں،یہ الزام بھی ان پر لگایا جا رہا ہے۔ ان کا اس بندش سے کوئی تعلق نہیں۔لہذا ان پر بے جا الزام تراشی سے گریز کیا جائے،

اسلام آباد: وزیردفاع خواجہ آصف نے پارلیمنٹ کے مشترکہ اجلاس میں پاکستان تحریک انصاف (پی ٹی آئی) کی خواتین اراکین کو کھنڈرات اور باقیات قرار دے دیا جبکہ ان کے ریمارکس پر احتجاج اور شور شرابا ہوا۔

باغی ٹی وی: پارلیمنٹ کا مشترکہ اجلاس اسپیکر قومی اسمبلی راجہ پرویز اشرف کی زیرصدارت ہوا اجلاس سے خطاب میں وزیر دفاع خواجہ آصف نے عمران خان کو تنقید کا نشانہ بناتے ہوئے کہا کہ آج وہ شخص اپنے ورکر سامنے لاکر خود چوہوں کی طرح چھپ رہا ہے، آج اس شخص کو عدالتوں میں پیش ہونے کی جرات نہیں پارلیمنٹ کے تقدس کا درس دینے والے اپنے دور حکومت میں ایک منٹ سے بھی کم وقت میں 54 اہم بل منظور کر چکے ہیں پہلے اپنا دامن دیکھیں پھر پاک دامنی کی بات کریں۔

تقریر کے دوران احتجاج کرنے پر انہوں نے کہا کہ اخلاق باختہ عورتیں عفت و عصمت پر لیکچر نہ دیں، پہلے اپنا دامن دیکھیں پھر ہمیں پاک دامنی کا طعنہ دیں وزیر دفاع نے پی ٹی آئی خواتین اراکین کو کھنڈرات اور باقیات قرار دیا اور کہا کہ یہ باقیات رہ گئی ہیں جنہوں نے چیف آف اسٹاف کو باپ کہا تھا، یہ اس شخص کے کھنڈرات اور اس شخص کا کچرا ہیں۔

الیکشن ایکٹ2017 میں کیا ترامیم کی گئیں؟ تفصیلات سامنے آ گئیں

پی ٹی آئی کی خواتین سینیٹرز کے احتجاج پر اسپیکر نے خواجہ آصف کے قابل اعتراض الفاظ کارروائی سے حذف کر دیئے،خواجہ آصف کے بیان پر پی ٹی آئی ارکان نے پارلیمنٹ میں شدید احتجاج کیا۔

دوسری جانب وزیر قانون اعظم نذیر تارڑ نے کہا کہ وقت کے ساتھ ساتھ قوانین میں ترامیم کرنا ضروری ہو جاتا ہے الیکشن ایکٹ 2017 میں مجوزہ ترامیم الیکشن کمیشن کے خط موصول ہونے کے بعدکی گئی۔

وفاقی وزیر ایاز صادق نے کہا کہ انتخابات ایکٹ ترمیمی بل 2023 میں ترامیم تمام جماعتوں کی باہمی اتفاق رائے سے منظور کی گئی ہے۔ پی ٹی آئی کے جتھوں نے 9 مئی کو فوجی تنصیبات پر حملہ آور ہو کر ملک دشمنی کا ثبوت دیا۔

بھارت کے 26 جماعتی اتحاد کا مودی کے خلاف عدم اعتماد لانے کا فیصلہ

اجلاس میں قانون شہادت ترمیمی بل 2023، انسداد نشہ آور اشیا ترمیمی بل 2023 اور پیٹرولیم ترمیمی بل 2023 کثرت رائے سے منظور کر لیے گئے ارکان کے اعتراضات پر انتخابات ترمیمی بل 2023 سمیت ترامیم والے تمام بل منظوری کے لیے کل مشترکہ اجلاس میں پیش کیے جائیں گے۔

سینیٹر میاں رضا ربانی، سینیٹر علی ظفر، سینیٹر مشتاق احمد، سینیٹر کامران مرتضیٰ اور سینیٹر تاج حیدر کے اعتراضات پر اسپیکر قومی اسمبلی نے ترامیم والے تمام بل کل ہونے والے مشترکہ اجلاس کے لیے ڈیفر کر دیئے۔

سینیٹر عرفان صدیقی نے اظہار خیال کرتے ہوئے کہا کہ پی ٹی آئی کے ارکان پارلیمان 2002سے 2018 تک ہر ایوان سے مستعفیٰ ہوئے گزشتہ دور میں 77 آرڈیننس ایوان میں پیش کیے گئے جو کہ ایک ریکارڈ ہے-

سائفر کیس: چیئرمین پی ٹی آئی ایف آئی اے کی مشترکہ انکوئری ٹیم کے سامنے …

اسلام آباد: وزیر دفاع خواجہ آصف کا کہنا ہے کہ امریکا کو ہمیں ایسی صورتحال میں نہیں دھکیلنا چاہیے جہاں ہمیں مشکل انتخاب کرنے پڑیں۔

وزیر دفاع خواجہ آصف نے امریکی جریدےکو انٹرویو دیتے ہوئےکہا کہ بعض اوقات ہمارے لیے بڑی عالمی طاقتوں سے تعلقات میں توازن رکھنا مشکل ہو جاتا ہے، امریکا کو ہمیں ایسی صورتحال میں نہیں دھکیلنا چاہیے جہاں ہمیں مشکل انتخاب کرنے پڑیں اگر تعلقات اچھے نہیں ہیں تو ہم ان کےساتھ اپنے تعلقات کو بہتر بنانا چاہیں گے ہم امن کے ساتھ رہنا چاہتے ہیں، پاکستان امریکہ کے ساتھ اپنے تعلقات کو بہت اہمیت دیتا ہے، ہم چاہتے ہیں کہ یہ تعلقات مزید فروغ پائیں۔

پنجاب کی نگران حکومت آج بجٹ پیش کرے گی

انہوں نے کہا کہ بھارت 1.3 بلین سے زیادہ لوگوں کی ایک بہت بڑی مارکیٹ ہےدنیا میں ہر جگہ، دوسری بڑی معیشتوں کو انہیں شراکت داروں کے طور پر رکھنے کی ضرورت ہوگی۔ لیکن پاکستان ایک بہت بڑی معیشت نہیں ہےبلکہ ایک کمزور معیشت ہے ہمارے پاس صرف ایک جغرافیائی محل وقوع ہے، جو اسٹریٹجک ہے، جو اپنی طرف متوجہ کرتا ہے، میں کہوں گا، تمام اچھی چیزیں نہیں، یہ بعض اوقات کچھ ایسی چیزوں کو اپنی طرف متوجہ کرتی ہے جو واقعی ہمیں مزید کمزور بنا دیتی ہیں-

خواجہ آصف کا کہنا تھا ہم امریکا سے تعلقات کو اہمیت دیتے ہیں اور چاہتے ہیں کہ یہ رشتہ پھلے پھولے،امریکا کے ساتھ شراکت داری کو اہمیت دیتے ہیں جبکہ چین کے ساتھ ہمارے 6 دہائیوں پر مشتمل دیرینہ تعلقات ہیں پاکستانی مفادات کو ٹھیس نہ پہنچانے والی امریکا بھارت شراکت داری سے ہمیں کوئی مسئلہ نہیں ہے ہماری چین، افغانستان، ایران اور بھارت کے ساتھ مشترکہ سرحدیں ہیں، ہم ان ممالک سے اچھے تعلقات کے خواہاں ہیں۔

وزیر اعظم شہباز شریف 22 جون کو پیرس پہنچیں گے

نئی دہلی میں موجودہ حکومت کو "ہندو قوم پرست” قرار دیتے ہوئے آصف نے کہا کہ وزیر اعظم نریندر مودی کے اقتدار میں آنے کے بعد سے علاقائی سیاست کی طرف ہندوستانی نقطہ نظر مکمل طور پر بدل گیا ہے سیکولر نظریہ، جس پر بھارت نے 1947 سے عمل کیا، جب سے برصغیر تقسیم ہوا اور ہم آزاد ہوئے، مودی کی سیاست کی وجہ سے اسے ترک کر دیا گیا۔”

واضح رہے کہ چند روز قبل وزیر مملکت برائے خارجہ امور حنا ربانی کھر نے بھی ایک بیان میں کہا تھا کہ پاکستان کو امریکا یا چین میں سے کسی ایک کا انتخاب کرنے کا نہ کہا جائے، واشنگٹن اور بیجنگ کے درمیان بڑھتی ہوئی دشمنی میں پاکستان کسی ایک فریق کو چُننے کی خواہش نہیں رکھتا امریکا چین تنازع کے اثرات کے بارے میں پاکستان فکرمند ہے، دنیا کو دو بلاکوں میں تقسیم کرنے کے تصور سے ہمیں خطرہ ہے، دنیا کو مزید تقسیم کرنے والی کوئی بھی چیز قابل تشویش ہے۔

امریکی وزیر خارجہ کی چینی ہم منصب سےطویل ملاقات