Baaghi TV

Tag: دفتر خارجہ

  • اسرائیل پاکستان کو انسانی حقوق پر نصیحت نہیں کر سکتا،ترجمان دفتر خارجہ

    اسرائیل پاکستان کو انسانی حقوق پر نصیحت نہیں کر سکتا،ترجمان دفتر خارجہ

    باغی ٹی وی کی رپورٹ کے مطابق پاکستان کے دفتر خارجہ کی ترجمان نے اسرائیل کی جانب سے اقوام متحدہ کی کونسل برائے انسانی حقوق میں پاکستان کے خلاف بیان کو سختی سے مسترد کیا ہے

    ترجمان دفتر خارجہ نے اسرائیل کے بیان کو پاکستان کی اندرونی سیاست میں مداخلت قرار دے کر مسترد کردیا اور کہا کہ اقوام متحدہ کی انسانی حقوق کونسل نے پاکستان کی یونیورسل پریاڈک رپورٹ متفقہ طور پر منظور کرلی ہے فلسطینیوں پر ظلم کرنے والے ملک کی نصیحت کی پاکستان کو کوئی ضرورت نہیں فلسطینیوں پر اسرائیلی ظلم و ستم کی طویل تاریخ کو دیکھتے ہوئے اسرائیل پاکستان کو انسانی حقوق پر نصیحت نہیں کر سکتا ،اسرائیلی بیانیے کا سیاسی محرک اقوام متحدہ کے سیشن کے مثبت لہجے اور ریاستوں کی ایک بڑی اکثریت کے بیانات سے متصادم تھا

    اسرائیلی نمائندے کے بیان پر وزارتِ خارجہ کا مؤقف آ چکا ہے،علامہ طاہر اشرفی
    دوسری جانب پاکستان علماء کونسل کے چیئرمین علامہ طاہر اشرفی کا کہنا ہے کہ پاکستان کے اندرونی معاملات میں اسرائیل کو بات کرنے کا کوئی حق نہیں ہمارے داخلی مسائل پر اسرائیل کو بات کرنے کا کوئی حق نہیں پہلی بار ہے کہ اسرائیل کا نمائندہ پاکستان کو نصیحت کر رہا ہے انسانی حقوق کا نام لے کر پاکستان کو بدنام کیا گیا اسرائیلی نمائندے کے بیان پر وزارتِ خارجہ کا مؤقف آ چکا ہے

    دوسری جانب سماجی رابطے کی ویب سائٹ ٹویٹر پر سلیم صافی کہتے ہیں کہ اسرائیل کا پہلی مرتبہ عالمی فورم پر پاکستان کے اندرونی سیاست سے متعلق بیان۔۔۔۔۔۔ ڈاکٹر اسراراحمد مرحوم، حکیم سعید مرحوم اور عبدالستار ایدھی مرحوم کی دوراندیشی کو سلام

    واضح رہے کہ پہلی بار ایسا ہوا کہ اسرائیل نے پاکستان کے اندرونی معاملات میں مداخلت کی اور انسانی حقوق کی خلاف ورذیوں کا ذکر کیا، پاکستان میں جمہوری حکومت ہے، عمران خان کی حکومت گئی تو عمران خان اور تحریک انصاف کے سوشل میڈیا ورکر نے سوشل میڈیا پر انسانی حقوق کی خلاف ورذیوں کا پروپیگنڈہ کیا، حالانکہ حقیقت یہ تھی کہ ان پر مقدمے درج ہیں اور وہ پیش نہیں ہو رہے، اگر گرفتار کرنے کی کوشش کی جائے تو اسکو انسانی حقوق کی خلاف ورذی بنا دیا جاتا ہے،

    اسرائیل نے اقوام متحدہ کی کونسل برائے انسانی حقوق کے اجلاس میں پاکستان کو سفارشات پیش کیں کہ پاکستان جبری گمشدگیوں، تشدد، پر امن احتجاج پر کریک ڈاؤن، مذہبی اقلیتوں پر تشدد کو روکنے کے لیے کارروائی کرے،اقوام متحدہ میں اسرائیل کی نائب مستقل مندوب آدی فرجون نے پاکستانی مندوب کی موجودگی میں کہا کہ اسرائیل کو پاکستان میں انسانی حقوق کی مجموعی صورت حال پر گہری تشویش ہے جہاں جبری گمشدگیاں، تشدد، پرامن احتجاج پر کریک ڈاؤن، مذہبی اقلیتوں اور دیگر پسماندہ گروپوں کے خلاف تشدد جاری ہے اس حوالے سے اسرائیل اس بات پر مایوس ہے کہ پاکستان کے چوتھے جائزے کے دوران اس کی تمام سفارشات کو نوٹ کیا گیا ،پاکستان کے حوالے سے کل 340 سفارشات موصول ہوئی تھیں جن میں سے 253 کو پاکستان کی حمایت حاصل ہوئی جب کہ 87 کو صرف نوٹ کیا گیا جن میں اسرائیل کی سفارشات بھی شامل تھیں

    سعودی شاہی خاندان کو بڑا جھٹکا،بادشاہ اورولی عہد جزیرہ میں روپوش، مبشر لقمان نے کیے اہم انکشافات

    محمد بن سلمان کو بڑا جھٹکا،سعودی عرب دنیا میں تنہا، سعودی معیشت ڈوبنے لگی، اہم انکشافات مبشر لقمان کی زبانی

    سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

    پاکستان کے خلاف بڑی رقم لے کر کرکٹ کھیلی ۔

    چینی باشندوں کی جان لینے والوں کو پھانسی کے پھندے پر لٹکائیں گے،

    کراچی یونیورسٹی میں ایک خاتون کا خودکش حملہ:کئی سوالات چھوڑگیا،

    پاکستان میں تعینات چینی ناظم الامور مس پینگ چَن شِیؤکی وزیر داخلہ رانا ثناءاللہ سے ملاقات ہ

    کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

  • سوئس وزیرخارجہ پاکستان کا دورہ کریں گے،ترجمان دفتر خارجہ

    سوئس وزیرخارجہ پاکستان کا دورہ کریں گے،ترجمان دفتر خارجہ

    ترجمان دفتر خارجہ ممتاز زہرا بلوچ نے کہا کہ سوئس وزیرخارجہ پاکستان کا دورہ کریں گے-

    باغی ٹی وی: ترجمان دفتر خارجہ نے ہفتہ وار پریس بریفنگ میں قرآن پاک کی بے حرمتی پر کہا کہ سوئیڈن حکومت کو اپنی تشویش سے آگاہ کر دیا ہے، سوئیڈن کےناظم الامور کو اپنے تحفظات سے آگاہ کیا ہے انہوں نے سوئٹزرلینڈ کے وزیر خارجہ اگنازیوکیسس کے دورہ پاکستان کی تفصیلات بتاتے ہوئے کہا کہ سوئس وزیرخارجہ 7 سے 9 جولائی کو وزیر خارجہ بلاول بھٹو کی دعوت پر سرکاری دورہ کریں گے-


    ترجمان دفتر خارجہ نے بین الاقوامی مالیاتی فنڈ (آئی ایم ایف) سے پاکستان کی ڈیل میں امریکی معاونت کی تصدیق کی بتایا کہ امریکا ہمارے ساتھ آئی ایم ایف ڈیل کیلئے مسلسل رابطے میں رہا ہے۔

    بلوچستان میں سیاسی جماعتوں کی صف بندی شروع ،صادق سنجرانی وزیر اعلیٰ کیلئے موزوں شخصیت …

    ترجمان دفتر خارجہ نے کہا کہ پاک افغان سرحد عالمی طور پر مسلمہ بارڈر ہے، پاک افغان سرحد کو امن کا بارڈر بنانا چاہتے ہیں، کچھ عناصر سرحد کو متنازع بنانے کیلئے حملے کرتے ہیں پاک ترک سالانہ مشاورتی اجلاس گزشتہ روز ہوا، جس میں پاک ترک ہائی لیول کو آرڈینیشن کونسل اجلاس اسلام آباد میں بلانے کا فیصلہ ہوا سی پیک میں چین نے 24 ارب ڈالر کی سرمایہ کاری کی، پاکستان اور چین سی پیک کو آگے بڑھانے کےعزم پر قائم ہیں۔

    ایک سوال کے وجواب میں انہوں نے کہا کہ یونان کشتی حادثے میں جاں بحق افراد کی شناخت کاعمل جاری ہے، ڈی این سیملز کا تجزیہ کیا جا چکا ہے، یونان حکومت نےواقعہ کی عدالتی تحقیقات شروع کردی ہیں۔

    میرون لیزلی مڈلکوٹ پاک فضائیہ کا جنگجو پائلٹ ،جو وطن پہ قربان ہوا اور سمندر …

    قبل ازیں پاکستان میں سوئس سفیر بینیڈکٹ ڈی سرجیٹ نے سماجی رابطے کی ویب سائٹ پر اپنے ایک بیان میں لکھا تھا کہ یہ اچھی خبر ہے کہ سوئس وزیر خارجہ آئندہ ہفتے پاکستان کا دورہ کر رہے ہیں جو کہ پہلے سے مضبوط دوطرفہ تعلقات کو مزید مستحکم بنانے کا نادر موقع ہے۔

  • امریکا اور بھارت کا پاکستان مخالف مشترکہ اعلامیہ، امریکی ڈپٹی چیف آف مشن دفتر خارجہ طلب

    امریکا اور بھارت کا پاکستان مخالف مشترکہ اعلامیہ، امریکی ڈپٹی چیف آف مشن دفتر خارجہ طلب

    اسلام آباد: بھارتی وزیراعظم نریندر مودی کے دورہ امریکا کے موقع پر بھارت کے ساتھ مشترکہ اعلامیے میں پاکستان کے خلاف من گھڑت اور بے بنیاد بیانیے پر امریکی ڈپٹی چیف آف مشن کو دفتر خارجہ طلب کیا گیا۔

    باغی ٹی وی: دفتر خارجہ کی جانب سے جاری بیان میں کہا گیا ہے کہ امریکی ڈپٹی چیف آف مشن کوپیر کی شام وزارت خارجہ میں طلب کیا گیا اور امریکا بھارت مشترکہ بیان سے متعلق آگاہ کیا گیا۔

    ترجمان دفتر خارجہ کا کہنا ہے کہ امریکا بھارت مشترکہ اعلامیے میں پاکستان کے بارے میں غیر ضروری، یکطرفہ اور گمراہ کن حوالوں پر تحفظات سے امریکا کو آگاہ کیا گیا،کہا گیا کہ امریکا پاکستان کے خلاف بھارت کے بے بنیاد بیانیے اور بھارت کے سیاسی بیانیےکی حوصلہ افزائی سمجھے جانے والے بیانات سےگریز کرے پاکستان اور امریکا کے درمیان انسداد دہشت گردی میں تعاون بہتر طور پر آگے بڑھ رہا ہے، پاک امریکا اعتماد اور افہام و تفہیم پر مرکوز دوطرفہ تعلقات کو مزید مستحکم کرنے کے لیے ناگزیر ہے۔

    اقلیتوں کے حقوق کا تحفظ نہ کیا گیا، تو بھارت کے تقسیم ہونے کا آغاز …

    چینی تہذیب و ثقافت اور چینی معاشرے کی ماہر پرل ایس بک

    واضح رہے کہ حال ہی میں بھارتی وزیراعظم نریندر مودی کے دورہ امریکا کے موقع پر دونوں ممالک کی جانب سے جاری مشترکہ اعلامیے میں پاکستان پر زور دیا گیا تھا کہ بھارت کے خلاف سرحد پار سے دہشت گردی کی کارروائیاں کرنے والے گروپوں کے خلاف کارروائی کی جائے۔

    وزیر دفاع خواجہ آصف نے قومی اسمبلی میں امریکا بھارت مشترکہ اعلامیے کی شدید الفاظ میں مذمت کرتے ہوئے کہا تھا کہ ہم امریکا کی دو ناکام جنگوں کا خمیازہ آج بھی بھگت رہے ہیں، پاکستان کو چاہیے کہ روس، چین اور اپنے پڑوسیوں کے ساتھ تعلقات کو بہتر بنائے-

    ہمارا مقصد ماسکوحکومت کا تختہ اُلٹنا نہیں تھا،مسلح باغی ویگنر گروپ کے سربراہ کا پہلا …

    دوسری جانب بھارتی وزیراعظم نریندرمودی کےامریکا کے سرکاری دورے کے دوران براک اوباما نےگزشتہ ہفتے سی این این کو دئیے گئےانٹرویو میں کہا کہ اگر اقلیتوں کے حقوق کا تحفظ نہ کیا گیا، تو بھارت کے تقسیم ہونے کا آغاز ہوسکتا ہے ،یہ ایک پیچیدہ مرحلہ تھا، جنہوں نے شاید ”مثالی طور پر جمہوری حکومتیں“ نہیں چلائیں لیکن ان کے ساتھ کئی وجوہات کی بنا پر تعلقات برقرار رکھنے پڑے۔ یہ امریکی صدر کے لیے“مناسب“ تھا –

    چین میں بنائی جانے والی دنیا کی ’سخت‘ ترین ڈش

    اوباما نےکہا کہ اگر صدر بائیڈن وزیر اعظم مودی سے ملتے ہیں، تو اکثریتی ہندو ملک بھارت میں مسلم اقلیت کے تحفظ سے متعلق موضوع پر بات ہونا قابل ذکر ہے میں وزیر اعظم مودی کے ساتھ بات چیت کرتا، تو میری دلیل یہ ہوتی کہ اگر آپ بھارت میں اقلیتوں کے حقوق کا تحفظ نہیں کرتے ہیں، تو اس بات کا قوی امکان ہے کہ بھارت کسی وقت ٹکڑے ہونا شروع کردے گا۔

    ممبئی پاکستان کیلئے محفوظ نہیں ہے،پی سی بی نے آئی سی سی کو آگاہ کر …

  • جاننے کی کوشش کی جا رہی ہے کہ کشتی حادثے کے پیچھے کون تھا ؟ترجمان دفتر خارجہ

    جاننے کی کوشش کی جا رہی ہے کہ کشتی حادثے کے پیچھے کون تھا ؟ترجمان دفتر خارجہ

    ترجمان دفتر خارجہ نے کہا ہے کہ یونان کشتی حادثے میں بچ جانے والے افراد سے پوچھ گچھ کی جارہی ہے ،

    ہفتہ وار بریفنگ میں ترجمان دفتر خارجہ کا کہنا تھا کہ یہ بات جاننے کی کوشش کی جارہی ہے کہ اس حادثے کے پیچھے کون تھا ؟ یونانی حکام بچ جانے والے افراد کے حوالے سے فیصلہ کریں گے ، یونان کشتی حادثہ میں بچ جانے والوں کی ہر ممکن مدد کر رہے ہیں یونان میں مرنے والے افراد کے خاندانوں کے ڈی این اے لے لئے گئے ہیں ،وزیر خارجہ نے یونان کے ہم نصب سے ٹیلی فون کیا اور صورتحال پر تبادلہ خیال کیا

    ترجمان دفتر خارجہ کا کہنا تھا کہ وزیر اعظم شہباز شریف فرانس میں موجود ہیں ڈپٹی وزیر خارجہ روس نے پاکستان کا دورہ کیا ،روس کے ڈپٹی وزیر خارجہ اور سیکرٹری خارجہ پاکستان نے اسلام آباد میں ملاقات کی اور مذاکرات کی ،دونوں نے شنگھائی تعاون تنظیم کے حوالے سے گفتگو کی برسلز میں پاکستانی وفد آئندہ ہفتے ایک اہم ملاقات کے لئے جا رہا ہے ،یورپی یونین سے مذاکرات برسلز میں ہوںگے جس میں جی ایس پی پلس پر بات ہوگی یورپی یونین کے ساتھ پاکستان کی تجارت کو بڑھایا جائے گا

    وزیر خارجہ 2 جولائی کو جاپان کا دورہ کریں گے وزیر خارجہ چاپانی حکام سے مذاکرات کریں گے،پاکستان جاپان سے اپنی تجارت کو بڑھائے گا .پاکستانی ایک وفد قازقستان 26 جون کو جارہا ہے جہاں افغانستان اور قازقستان کے وفود سے ملاقاتیں کرے گا ،وزیر خارجہ کہہ چکے ہیں کہ ایسے افراد سے مذاکرات نہیں ہونگے جو پاکستانی شہریوں اور سیکیورٹی فورسز پر حملوں میں ملوث رہے ہیں،پاکستانی فٹبال ٹیم کو بھارت کی طرف سے ویزہ جاری کیا گیا ،افغانستان سے بات چیت کی تفصیلات میں نہیں جاؤں گی ،

    کشتی حادثہ پر مریم نواز کا ردعمل

    کشتی ڈوبنے کے حادثے پرنسل پرستانہ تبصرہ،یونانی رکن پارلیمنٹ کی پارٹی رکنیت معطل

    انسانی اسمگلنگ میں ملوث گینگ کے خلاف کریک ڈاؤن

    لیبیا کشتی حادثہ میں ملوث انسانی سمگلر کو گرفتار 

    حادثے کے مرکزی ملزم ممتاز آرائیں کو وہاڑی سے گرفتار کیا گیا

    انٹر ایجنسی ٹاسک فورس کا ساتوں اجلاس ایف آئی اے ہیڈ کواٹر میں منعقد ہوا

    شہری ڈوب چکے، کئی کی لاشیں ملیں تو کئی ابھی تک لاپتہ ہیں،

    کشتی واقعے کے ذمہ داران کو جلد کیفرِ کردار تک پہنچانے کی ہدایت

  • 300 گھرانوں میں صف ماتم،3 دن ہوگئے دفتر خارجہ خاموش ہے،شاہ محمود قریشی

    300 گھرانوں میں صف ماتم،3 دن ہوگئے دفتر خارجہ خاموش ہے،شاہ محمود قریشی

    تحریک انصاف کے رہنما شاہ محمود قریشی نے کہا ہے کہ قرب ناک کہانیاں سامنے آ رہی ہیں دی گارڈین کی سٹوری سے واضح ہے کہ کس طرح پاکستانیوں کے ساتھ سلوک ہو رہا ہے

    ڈسٹرکٹ اینڈ سیشن کورٹ اسلام آباد میں وزیر خارجہ شاہ محمود قریشی نے میڈیا سے گفتگو کرتے ہوئے کہا کہ میں آج عدالت میں پیش ہوا، میرے وکیل علی بخاری تیار تھے، انویسٹیگیشن آفیسر تھوڑے سے کنفیوز تھے، جو کشتی کا واقع ہوا اس میں 300 سے زائد پاکستانی ہلاک ہوئے، وزیر اعظم نے سوگ کا اعلان کیا، درست کیا،انکوائری کے لیے کمیشن بنایا، ٹھیک بنایا،300 گھرانوں کے حالات کو دیکھیں، گھر میں صف ماتم ہے، اور یہ معلوم ہی نا ہو کہ آپ کا پیارا زندہ بھی ہے کہ نہیں، میں دفتر خارجہ میں ایک سیل بنایا تھا جس کا کام 24/7 حالات سے باخبر رہے، آج 3 دن ہوگئے دفتر خارجہ خاموش ہے، حقائق نہیں بتائے جا رہے، جو میں کرائیسز سیل بنایا تھا، وہ کام کر رہا ہے یا نہیں، میڈیا بھی جا کر دیکھے اور پوچھے کہ وہ کام کر بھی رہا ہے یا نہیں، اور اگر کام نہیں کر رہا تو کیوں نہیں کر رہا، میں سمجھتا دفتر خارجہ کو اس معاملے پر عوام کو آگاہ کرنا چاہیئے

    عملی طور پر یہ اتحاد ختم ہو چکا ہے، اب اعلان کرنا باقی ہے، شاہ محمود قریشی
    شاہ محمود قریشی کا کہنا تھا کہ میرے کلپس اور انٹرویز موجود ہیں، میں نے کہا تھا پی ڈی ایم کا اتحاد بکھر رہا ہے، کل سے اس کی شروعات ہو چکی ہے ، بلاول بھٹو نے کل سوات کے حوالے سے خدشات ظاہر کیے، سندھ کے بارے میں بلاول جو کہہ رہے ہیں ٹھیک کہہ رہے ہیں،بجٹ میں سندھ کی ایلوکیسن کے بارے میں تبصرہ کیوں نہیں ہوا،آج سرکار وزراء آزاد کشمیر کے الیکشن اعتراضات اٹھا رہے ہیں، وہ کہہ رہے ٹھپے لگا رہے ہیں، کائرہ صاحب جو کہہ رہے ہیں میں نے ان کی بات مانی لیکن ایسا نہیں ہے،اگر آزاد کشمیر کے الیکشن میں اگر ن لیگ نے پیپلز پارٹی کے ساتھ دھاندلی کی تو پھر کراچی کے مئیر کے الیکشن میں ن لیگ نے پی پی پی کو 13 ووٹ کیوں دیئے، کراچی کے مئیر کے الیکشن میں آپ نے اپنا احتجاج کیوں نہیں ریکارڈ کرایا، ابھی تو بجٹ پر ووٹنگ ہونی ہے،کیوں نہیں پیپلز پارٹی اور ن لیگ فیصلہ کرتی کب پی ڈی ایم کے اتحاد کو رکھنا ہے یا نہیں،عملی طور پر یہ اتحاد ختم ہو چکا ہے، اب اعلان کرنا باقی ہے،

    ریسکیو کئے جانے والے 12 پاکستانیوں کی تفصیلات
    یونان سمندر میں کشتی حادثہ سے ریسکیو کئے جانے والے 12 پاکستانیوں کی تفصیلات سامنے آئی ہیں بچ جانے والے 12 پاکستان میں سے محمد عدنان اور حسیب الرحمن کا تعلق ضلع کوٹلی آزاد کشمیر سے ہے ،محمد حمزہ اور ذیشان سرور کا تعلق ضلع گوجرانوالہ سے ،عظمت علی اورعثمان صدیق کا تعلق ضلع گجرات سے ، محمد سنی اورزاہد اکبر ضلع شیخوپورہ سے ہے،مہتاب علی ضلع منڈی بہاوالدین اوررانا حسنین ضلع سیالکوٹ کے رہنے والے ہیں

    انسانی اسمگلرز کے خلاف کارروائیاں انتہائی اہمیت اختیار کر گئی
    میڈیا رپورٹس کے مطابق کشتی میں پاکستان، افغانستا، مصر، شام اور فلسطین کے شہری سوار تھے،اقوام متحدہ کے انسانی حقوق کے دفتر کا کہنا ہے کہ یونان میں تارکین وطن کی کشتی الٹنے کے بعد 500 سے زائد افراد تاحال لاپتہ ہیں اس واقعے کے بعد انسانی اسمگلرز کے خلاف کارروائیاں انتہائی اہمیت اختیار کر گئی ہیں ،یونان کے نگران وزیر اعظم لونیس سارماس نے کشتی ڈوبنے کے حوالے سے حقائق اور تکنیکی پہلوؤں کو جاننے کیلئے تحقیقات کا حکم دیتے ہوئے کہا ہے کہ جلد ہی واقعے کے ذمہ داروں کا تعین کر لیا جائے گا

     کسی سویلین کا ٹرائل ملٹری کورٹ میں نہیں ہونا چاہیے

    کرپشن کا ماسٹر مائنڈ ہی فیض حمید ہے

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

    9 مئی کے بعد زمان پارک کی کیا حالت ہے؟؟

    لیبیا کشتی حادثہ میں ملوث انسانی سمگلر کو گرفتار کر لیا گیا

  • یونان کشتی حادثہ، انسانی اسمگلنگ میں ملوث ملزم گرفتار

    یونان کشتی حادثہ، انسانی اسمگلنگ میں ملوث ملزم گرفتار

    ایف آئی اے امیگریشن کی کراچی ایئررپورٹ پر کارروائی،لیبیا کشتی حادثہ میں ملوث انسانی سمگلر کو گرفتار کر لیا گیا

    ملزم نے بین الاقوامی پرواز سے آذربائیجان فرار ہونے کی کوشش کی۔ ملزم گزشتہ کئی ماہ سے روپوش تھا۔ملزم متعدد شہریوں کو غیر قانونی طریقے سے لیبیا بھجوانے میں ملوث تھا۔ملزم کے خلاف اینٹی ہیومن ٹریفیکنگ سرکل گجرات میں مقدمہ درج تھا۔ترجمان ایف آئی اے کے مطابق بعد ازاں ملزم کو ایف آئی اے اینٹی ہیومن ٹریفیکنگ سرکل گجرات کے حوالے کر دیا گیا

    زندہ بچ جانے والوں میں بارہ پاکستانیوں کی شناخت ہو گئی
    یونان کے ساحل پر کشتی الٹنے کے واقعہ پر ترجمان دفتر خارجہ ممتاز زہرہ بلوچ کا کہنا ہے کہ یونان کشتی واقعے میں زندہ بچ جانے والوں میں بارہ پاکستانیوں کی شناخت ہو گئی ہے فی الحال حادثے میں جاں بحق پاکستانی شہریوں کی تعداد اور شناخت کی تصدیق نہیں کرسکتے یونان میں پاکستانی سفیر عامر آفتاب کی سربراہی میں عملہ ہلاک ہونے والوں میں سے پاکستانیوں کی شناخت اور ورثا سے رابطے میں ہے پاکستانی مشن 78 برآمد شدہ لاشوں کی شناخت کے عمل میں یونانی حکام کے ساتھ بھی رابطے میں ہے۔ لاشوں کی شناخت کے لئے صرف والدین اور بچوں کے ساتھ ڈی این اے میچنگ کی جائیگی اہل خانہ سے درخواست ہے تصدیق کے مقاصد کے لیے یونان میں ہمارے مشن سے 24/7 ہیلپ لائن نمبرز پر رابطہ کریں اہل خانہ تصدیق شدہ لیبارٹریوں سے ڈی این اے رپورٹس اور مسافر کی شناختی دستاویزات info@pakistanembassy.gr پر شیئر کریں

    ریسکیو کئے جانے والے 12 پاکستانیوں کی تفصیلات
    یونان سمندر میں کشتی حادثہ سے ریسکیو کئے جانے والے 12 پاکستانیوں کی تفصیلات سامنے آئی ہیں بچ جانے والے 12 پاکستان میں سے محمد عدنان اور حسیب الرحمن کا تعلق ضلع کوٹلی آزاد کشمیر سے ہے ،محمد حمزہ اور ذیشان سرور کا تعلق ضلع گوجرانوالہ سے ،عظمت علی اورعثمان صدیق کا تعلق ضلع گجرات سے ، محمد سنی اورزاہد اکبر ضلع شیخوپورہ سے ہے،مہتاب علی ضلع منڈی بہاوالدین اوررانا حسنین ضلع سیالکوٹ کے رہنے والے ہیں،

    کشتی حادثہ کے حوالہ سے سماجی رابطے کی ویب سائٹ ٹویٹر پر بھی بحث جاری ہے، ایک صارف کا کہنا ہے کہیونان کشتی حادثہ بہت غمگین خبر اور بڑا المیہ ہے بیرونِ ممالک میں جانا بہت خطرناک ہے-یونان کشتی حادثہ میں 310 پاکستانی بھی سوار تھے۔غیر قانونی طریقے سے نوجوان مُستقبل کے خواب سجائے یوں بے وجہ موت کی آغوش میں چلے گئے۔اللہ پاک حادثے میں جاں بحق ہونے والوں کی مغفرت فرمائے اور لواحقین کو صبر جمیل عطا فرمائے۔ آمین

    زندہ بچ جانے والے ایک شخص کا کہناتھا کہ کشتی کا انجن خراب ہو گیا تھا،پانچ راتیں اور چھ دن سمندر میں رہے کشتی کے اردگرد دو جہازموجود تھے،

    کوٹلی کے نوحوانوں کے حوالے سے فی الحال متضاد اطلاعات
    ایس پی کوٹلی محمد ریاض مغل کا کہنا ہے کہ یونان کشتی حادثہ میں کوٹلی کے نوحوانوں کے حوالے سے فی الحال متضاد اطلاعات سامنے آ رہی ہیں ۔ اس لئے حتمی طور پر یہ نہیں کہا جا سکتا کہ کتنے لوگ لاپتہ ہیں یونان ایمبیسی اور پاکستان ایمیسی سے رابطے میں ہیں جب تک یہ کلئیر نہیں ہو جاتا کہ کتنے لوگ شپ میں سوار تھے کچھ کہنا قبل ازوقت ہو گا۔ہیومن ٹریفکنگ میں ملوث افراد کے خلاف فوری کارروائی کا فیصلہ کر لیا گیا یے ۔ سوشل میڈیا پر متضاد خبروں کا سلسلہ جاری ہے جس سے ورثاء بھی شدید ذہنی اذیت میں مبتلا ہیں ۔

    دوسری جانب قومی اسمبلی اجلاس میں مولانا عبدا الکبر چترالی نے نقطہ اعتراض پر بات کرتے ہوئے کہا کہ لیبیا سے یونان جاتے 310 پاکستانی سمندر میں ڈوب گئے،وزیر داخلہ اس حوالے سے ایوان کو اعتماد میں لے، ہمارے ملک کی ایجنسیاں کیا کررہی ہیں؟ واقعہ کی تحقیقات کروائی جائیں، اسپیکر قومی اسمبلی نے واقعہ کا نوٹس لے لیا اور کہا کہ تحقیقات کرکے ذمے داران کو قرار واقعی سزا دی جائے،

    انسانی اسمگلرز کے خلاف کارروائیاں انتہائی اہمیت اختیار کر گئی
    میڈیا رپورٹس کے مطابق کشتی میں پاکستان، افغانستا، مصر، شام اور فلسطین کے شہری سوار تھے،اقوام متحدہ کے انسانی حقوق کے دفتر کا کہنا ہے کہ یونان میں تارکین وطن کی کشتی الٹنے کے بعد 500 سے زائد افراد تاحال لاپتہ ہیں اس واقعے کے بعد انسانی اسمگلرز کے خلاف کارروائیاں انتہائی اہمیت اختیار کر گئی ہیں ،یونان کے نگران وزیر اعظم لونیس سارماس نے کشتی ڈوبنے کے حوالے سے حقائق اور تکنیکی پہلوؤں کو جاننے کیلئے تحقیقات کا حکم دیتے ہوئے کہا ہے کہ جلد ہی واقعے کے ذمہ داروں کا تعین کر لیا جائے گا

     کسی سویلین کا ٹرائل ملٹری کورٹ میں نہیں ہونا چاہیے

    کرپشن کا ماسٹر مائنڈ ہی فیض حمید ہے

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

    9 مئی کے بعد زمان پارک کی کیا حالت ہے؟؟

  • پاکستان میں تمام شہریوں کو بنیادی حقوق دستیاب ہیں،ترجمان دفتر خارجہ

    پاکستان میں تمام شہریوں کو بنیادی حقوق دستیاب ہیں،ترجمان دفتر خارجہ

    دفتر خارجہ کی ترجمان ممتاز بلوچ نے ہفتہ وار بریفنگ دی ہے جس میں انہوں نے کہا ہے کہ پاکستان آئین اور قانون کے مطابق چلنے والا ملک ہے پاکستان میں تمام شہریوں کو بنیادی حقوق دستیاب ہیں پاکستان تمام مقامی قوانین اور بین الاقوامی کمٹمنٹس پوری کررہا ہے ،پاکستان پر انسانی حقوق کی خلاف ورزیوں کے الزامات بے بنیاد ہیں

    ترجمان دفتر خارجہ ممتاز بلوچ کا کہنا تھا کہ نو مئی کو ہنگامہ آرائی کیس میں مبینہ ملوث خدیجہ شاہ کی دوہری شہریت کی وجہ سے امریکی سفارتخانے نے قونصلر رسائی کی درخواست کی جو وزارت داخلہ کو بھجوا دی گئی ہے. نو مئی کے واقعات میں ملوث کرداروں کے ساتھ آئین اورقانون کے مطابق سلوک کیا جا رہا ہے،

    ترجمان دفتر خارجہ کا کہنا تھا کہ وزیر خارجہ بلاول بھٹو زرداری نے عراق میں سرکاری حکام، بزنس کمیونٹی سے ملاقات اور زیارات کا بھی دورہ کیا پاکستان نے عراق میں امن کی بحالی کے لیے ہر ممکن تعاون کی یقین دہانی کرائی وزیر خارجہ نے نجف سے آیت اللہ بشیر حسین نجفی سے بھی ملاقات کی انہوں نے عراق میں بحالی و تعمیرنو میں پاکستانی حمایت کا اعلان کیا

    ترجمان دفتر خارجہ کا کہنا تھا کہ وزیر خارجہ بلاول بھٹو زرداری نے عراق میں پاکستانی سفارت خانے کی نئی عمارت کا افتتاح کیا وزیر مملکت حنا ربانی کھرناروے, سویڈن, ڈنمارک اوربلجئیم کے دورے پر ہیں چئیرمین سینیٹ صادق سنجرانی روسی فیڈیشن کے دورے پر ہیں چیئرمین سینٹ نے اعلی روسی حکام اور دوما کے چئیرمین سے بھی ملاقاتیں کیں، انہوں نے وہاں ایک تقریب سے بھی خطاب کیا

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

     10 مئی کو عمران خان پر فرد جرم عائد کی جائے گی،

  • بھارت کو واضح کرنا ہو گا کہ اسکے جوہری ہتھیار محفوظ ہیں یا نہیں ؟ ترجمان دفتر خارجہ

    بھارت کو واضح کرنا ہو گا کہ اسکے جوہری ہتھیار محفوظ ہیں یا نہیں ؟ ترجمان دفتر خارجہ

    ترجمان دفتر خارجہ نے کہا ہے کہ وزیر خارجہ بلاول بھٹو زرداری کی امریکی سفیر سے ملاقات معمول کا حصہ ہے،

    ہفتہ وار پریس بریفنگ میں ترجمان دفتر خارجہ کا کہنا تھا کہ وزیر خارجہ اور امریکی سفیر کی ملاقات کا مقصد دوطرفہ تعلقات اور تعاون بڑھانے پر اتفاق کرنا تھا، بھارت کی جانب سے یسین ملک کے خلاف سزائے موت کے مقدمے پر پاکستان کو سخت تشویش ہے یسین ملک کو ان کے اہلخانہ سے ملنے نہیں دیا جا رہا، پاکستان بھارت سے یسین ملک کو صحت کی سہولیات فراہم کرنے کا مطالبہ کرتا یے،وزیر اعظم شہباز شریف ترکیہ کے صدر رجب طیب اردوان کی دعوت پر ترکیہ کا دورہ کریں گے، وزیر اعظم شہباز شریف تین جون کو ترکیہ کا اہم دورہ کریں گے،

    وزیر مملکت برائے خارجہ امور حنا ربانی کھر 5 سے 13 جون تک ناروے، سویڈن، ڈنمارک اور بیلجئم کا سرکاری دورے کریں گی وزیر مملکت ترقی، تجارت اور موسمیاتی تبدیلی کے چیلنجز اور مسئلہ کے بارے میں تعاون پر تبادلہ خیال کے لیے وزارتی سطح پر اجلاسوں میں شرکت کریں گی ،پاکستان اور بیلاروس وزرائے خارجہ کے درمیان دوطرفہ تعلقات پر بات ہوئی،بیلاروس میں روسی جوہری ہتھیاروں کی تعیناتی پر کوئی بات چیت نہیں ہوئی،جوہری ہتھیاروں کی غیر جوہری طاقت کے حامل ممالک میں تعیناتی کو باریکی سے دیکھنا ہو گا،بھارت کی جانب سے براہموس میزائل مِس فائر کے معاملے پر پاکستان کی پوزیشن بڑی واضح ہے پاکستان نے بھارت سے براہموس میزائل مِس فائر کی تحقیقات کی رپورٹ طلب کی تھی براہموس میزائل مِس فائر معاملے پر آزادانہ انکوائری کیلیے بھارت کو مشترکہ تحقیقات کے لیے بھی کہا،پاکستان نے عالمی برادری سے بھی براہموس میزائل مِس فائر کے انتہائی خطرناک واقعے پر بھارت سے جواب طلبی کا مطالبہ کیا، بھارت کو یہ واضح کرنا ہو گا کہ اسکے جوہری ہتھیار، میزائل ڈیفنس سسٹم محفوظ ہیں یا نہیں ؟

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

     10 مئی کو عمران خان پر فرد جرم عائد کی جائے گی،

     عمران خان کو سی ٹی ڈی نے طلب کر لیا۔

  • بلاول بھٹو زرداری نے شنگھائی تعاون تنظیم میں شرکت کرکے کیا حاصل کیا؟

    بلاول بھٹو زرداری نے شنگھائی تعاون تنظیم میں شرکت کرکے کیا حاصل کیا؟

    حالیہ دنوں بھارت کے شہر گوا میں شنگھائی تعاون تنظیم میں وزیر خارجہ بلاول بھٹو زرداری کی شرکت کو پاکستان میں بعض حلقوں کی جانب سے تنقید کا نشانہ بنایا گیا کیونکہ مخالفین کے مطابق بلاول کو بھارت جاکر شرکت نہیں کرنی چاہئے تھی۔

    تاہم واضح رہے کہ جن لوگوں نے بلاول کی اس شرکت کو منفی رنگ دیا یا اس پر اعتراض کیا وہ یا تو مخالفت میں اندھے ہوچکے یا پھر حقائق سے نابلد ہیں کیونکہ وزیر خارجہ کا بھارت جاکر شنگھائی تعاون تنظیم کے اجلاس میں شرکت کرنے کا مقصد انڈیا کے ساتھ دوطرفہ بات چیت کرنا نہیں تھا بلکہ شنگھائی تعاون تنظیم کے رکن ممالک کے نمائندوں سے ملاقاتیں اور اہم امور پر تبادلہ خیال کرنا تھا۔

    خیال رہے کہ اس اجلاس کے دوران پاکستان اور بھارت کے درمیان کشیدہ تعلقات پر بلاول بھٹو زرداری اور جے شنکر کے درمیان کوئی دو طرفہ بات چیت نہیں ہوئی اور نہ ہی ایسی کسی قسم کی کوئی ملاقات ہوئی ، بھارت نہ چاہتا تھا کہ شنگھائی تعاون تنظیم کے اس فورم میں پاکستان کے وزیر خارجہ کی طرف سے مقبوضہ کشمیر کی خصوصی حیثیت، سی پیک اور دہشت گردی کے بارے میں بات چیت ہو یا وہ اس میں شامل ہوں۔

    لیکن پاکستان کے وزیر خارجہ بلاول بھٹو زرداری نے اس فورم میں شرکت کرکے ان تمام مسائل کی طرف شرکاء کی ناصرف توجہ مبذول کروائی بلکہ اپنے خیالات کا اظہار بھی کیا۔ اور ان مسائل کو شنگھائی تعاون تنظیم کے اجلاس میں اجاگر کرکے بلاول نے بہت اچھا کیا ہے جس پر انہیں سراہا جارہا ہے۔

    جنوبی ایشیائی امور کے ماہر امریکی صحافی مائیکل کوگلمین کے مطابق، بلاول بھٹو زرداری نے وہ کام سرانجام دیا جو اسلام آباد چاہتا تھا، بھارت کے علاوہ ایس سی او اجلاس میں شرکت کے علاوہ ایس سی او کے تمام ارکان کے ساتھ الگ الگ ملاقاتیں بھی کیں جو انتہائی اہمیت کی حامل ہیں اور یہ اس خطہ کے امن کیلئے بھی بہت اہمیت رکھتا ہے۔

    علاوہ ازیں یہ امر بھی ایک حقیقت ہے کہ دونوں ممالک یعنی بھارت اور پاکستان اس وقت ایک دوسرے کے ساتھ کسی قسم کی کشیدگی بڑھانے میں دلچسپی نہیں رکھتے ہیں جبکہ بھارت اس خطے میں اپنا سب سے بڑا حریف چین کو سمجھتا ہے ناکہ پاکستان کو لہذا وہ اب پاکستان کے ساتھ اب گٹھ جوڑ کرنے میں بھی دلچسپی نہیں رکھتا ہے کیونکہ وہ اپنے لیئے سب بڑا خطرہ پاکستان کے بجائے چین کو سمجھتا ہے۔

    تاہم دوسری جانب پاکستان بھی اندرونی طور پر مختلف مسائل سے نمٹ رہا ہے جیسے حالیہ آئینی بحران سمیت معاشی بحران جبکہ مہنگائی اور سیاسی انتشار اور نفرت عروج پر ہے ،

    حقانی نے ایک بیان میں درست نکتہ اٹھایا کہ گوا میں ہونے والے اجلاس سے یہ امید نظر آتی ہے کہ اس سے مثبت بات چیت کی طرف راہ ہموار ہوگی۔

    یاد رہے کہ علاقائی استحکام کے حصول کے لیے پاکستان کو بھارت سمیت اپنے تمام پڑوسیوں کے ساتھ بہترین تعلقات رکھنے کی ضرورت ہے جبکہ دونوں فریقین کو آگے بڑھ پہل کرکے اپنے تمام تر شکوک و شبہات اور خدشات کو دور کرنے کیلئے میز پر بیٹھنا چاہئے اور اس کیلئے کمیٹیاں بنانی چاہئے جو ایک میز پر بیٹھ کر دونوں طرف کے خدشات دور کریں۔

    ای اے بکیانیری نے کہا تھا کہ مسائل ایک دروازہ کی طرح ہوتے ہیں لہذا آپ کو اس کے اندر سے گزرنا پڑے گا لیکن اگر آپ آگے نہیں بڑھتے تو پھر دیوار کے ساتھ ٹکرانے کیلئے تیار ہوجائیں۔

  • یوکرین روس جنگ ،کسی فریق کو اسلحہ فراہم نہیں کیا،ترجمان دفتر خارجہ

    یوکرین روس جنگ ،کسی فریق کو اسلحہ فراہم نہیں کیا،ترجمان دفتر خارجہ

    باغی ٹی وی کی رپورٹ کے مطابق ترجمان دفتر خارجہ ممتاز زہرہ بلوچ نے وفاقی دارالحکومت اسلام آباد میں ہفتہ وار بریفنگ دی ہے جس میں انہوں نے کہا ہے کہ سوڈان سے پاکستانی کراچی پہنچ چکے، باقیوں کو بھی لا رہے ہیں، یوکرین روس جنگ میں پاکستان نے کسی کو اسلحہ فراہم نہیں کیا، کلبھوشن کی گرفتاری بھارت کی پاکستان میں دہشتگردی کا ثبوت ہے

    ترجمان دفتر خارجہ نے بریفنگ اور اسکے بعد صحافیوں کے سوالات کے جواب میں کہا کہ آج صبح 149 پاکستانیوں کو سوڈان سے لے کر طیارہ اسلام آباد پہنچا دو مزید طیارے 200 پاکستانیوں کو لے کرآج سوڈان سے پہنچیں گے سوڈان سے جدہ پہنچنے والے پاکستانیوں کو بھی پاکستان لایا جا رہا ہے پاکستانیوں کو محفوظ طریقےسے وطن لانے کا ہمارا منصوبہ کام کررہا ہے

    ترجمان دفتر خارجہ کا کہنا تھا کہ پاکستان یوکرین اور روس کے درمیان تنازع کے دوران غیرجانبدارانہ پالیسی پر عمل پیرا ہے ہم نے اس دوران کسی فریق کو اسلحہ فراہم نہیں کیا، س تنازع سے قبل یوکرین سے قریبی دفاعی تعلقات رہے ہیں،

    ترجمان دفتر خارجہ کا کہنا تھا کہ مقبوضہ کشمیرمیں بھارتی مظالم کا سلسلہ جاری ہے علاقے میں سید شکیل یوسف، سید شاہد یوسف نامی کشمیریوں کی پراپرٹیز پرقبضہ کرلیاگیا، دونوں کشمیری پہلے ہی بھارت کی تحویل میں ہیں ،پاکستان دہشتگردی سے متاثرہ ملک رہا ہے ہمارے پاس بھارت کی طرف سے پاکستان میں دہشتگردی میں ملوث ہونے کے ثبوت ہیں ہم یقین رکھتے ہیں کہ بھارتی وزیر خارجہ کے ریمارکس غیرضروری اور بے بنیاد ہیں ،کلبھوشن یادیو پاکستان میں دہشتگردی کی کارروائیوں میں ملوث پایا گیا اور گرفتار ہوا اس کی گرفتاری پاکستان میں بھارت کی دہشتگردی کا ثبوت ہے ،وزیر خارجہ بلاول بھٹو ایس سی او کانفرنس میں شرکت کے لیے بھارت جارہے ہیں وزیر خارجہ کا دورہ بھارت ایس سی او سے ہماری کمٹمنٹ کا اظہار ہے وزیر خارجہ کے دورے کے دوران کسی قسم کی آوازوں کو نظرانداز کیا جانا چاہیے جب کہ وزیرخارجہ کا دورہ دوطرفہ نہیں ہے لہٰذا امید ہے کشمیری بہن بھائی اس معاملےکو سمجھیں گے منفی بیانات سے کچھ نہیں نکلے گا ایسے رویے سے ہماری ہمت نہیں ٹوٹے گی

    سرسید پولیس نے خفیہ اطلاع پر کاروائی ماموں بھانجا اسٹریٹ کریمنلز گرفتار کر لئے

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”