Baaghi TV

Tag: دھماکا

  • آئل ٹینکر کی گاڑی سے ٹکر کے بعد دھماکا، 48 افردا جاں بحق متعدد زخمی

    آئل ٹینکر کی گاڑی سے ٹکر کے بعد دھماکا، 48 افردا جاں بحق متعدد زخمی

    مئیڈوگری: نائیجیریا میں آئل ٹینکر کی گاڑی سے ٹکر کے بعد دھماکے کے نتیجے 48 افردا جاں بحق جبکہ متعدد زخمی ہوگئے۔

    باغی ٹی وی: غیر ملکی خبر ایجنسی کی رپورٹ کے مطابق مقامی حکام کا کہنا تھا کہ نائیجیریا کے علاقے مئیڈوگری آئل ٹینکر کی سڑک سے گزرتے ہوئے مسافروں اور مویشیوں سے بھرے ٹرک سے ٹکر ہوگئی تھی،ٹکر کے نتیجے میں آئل ٹینکر دھماکے سے پھٹ گیا اور مسافر بردار ٹرک سمیت دیگر گاڑیوں کو آگ نے اپنی لپیٹ میں لے لیا۔

    حکام کا کہنا تھا کہ حادثے میں 48 افراد جاں بحق ہوگئے جبکہ متعدد زخمی ہوگئے ہیں، زخمیوں کو طبی امداد کیلئے قریبی اسپتال منتقل کردیا گیا ہے، آئل ٹینکر دھماکے میں کئی زخمیوں کی حالت نازک ہے جس کے باعث ہلاکتوں میں اضافے کا خدشہ ہے۔

    بیرسٹر گوہر کی حکومت پر تنقید، بانی پی ٹی آئی کی جلد واپسی کا اعلان

    ہسپتال میں دردناک واقعہ، لاوارث مریض کو وارڈ سے مردہ خانے منتقل کر دیا گیا

    پیر محل: کم جہیز کیوں لائی،بہو پربہیمانہ تشدد، ہسپتال میں داخل

     

  • پشاور،پولیس گاڑی کے قریب دھماکا

    پشاور،پولیس گاڑی کے قریب دھماکا

    خیبر پختونخوا کے صوبائی دارالحکومت پشاور میں ورسک روڈ کے قریب بارودی مواد کا دھماکہ ہوا ہے،

    پشاور میں دھماکا پولیس وین کے قریب ہوا تاہم دھماکے میں کسی قسم کا کوئی جانی نقصان نہیں ہوئی، پولیس حکام کے مطابق ورسک روڈ پر پولیس وین معمول کے مطابق گشت کررہی تھی کہ اس دوران ایک دھماکا ہوا، یہ ایک آئی ای ڈی دھماکا تھا، جو سڑک کنارے نصب کیا گیا تھا،ایس ایس پی آپریشن کا کہنا ہے کہ آئی ای ڈی بلاسٹ کے ذریعے پولیس وین کو نشانہ بنانے کی کوشش کی گئی تھی لیکن خوش قسمتی سے دھماکے میں کوئی جانی نقصان نہیں ہوا،دھمکے کےبعد بم ڈسپوزل اسکواڈ کو طلب کیا گیا ہے، علاقے میں پولیس نےسرچ آپریشن بھی شروع کر دیا ہے،دھماکے سے پولیس گاڑی کو نقصان پہنچا ہے

  • آزادی صحافت کاعالمی دن،پاکستان میں ایک اور صحافی دھماکے میں شہید

    آزادی صحافت کاعالمی دن،پاکستان میں ایک اور صحافی دھماکے میں شہید

    آزادی صحافت کے عالمی دن کے موقع پر پاکستان میں ایک اور صحافی شہید ہو گیا

    خضدار پریس کلب کے صدر بم دھماکے میں شہید ہو گئے ہیں،چمروک کے مقام پر صدیق مینگل کی گاڑی کو دھماکے میں نشانہ بنایا گیا جس کے نتیجے میں وہ موقع پر شہید جبکہ مزید 9 افراد زخمی ہو گئے ہیں، زخمیوں کو طبی امداد کے لئے ہسپتال منتقل کر دیا گیا ہے،صدیق مینگل جے یو آئی کے صوبائی نائب امیر بھی تھے.پولیس کی بھاری نفری موقع پر پہنچ گئی اور جائے وقوعہ کو گھیرے میں لے لیا، پولیس حکام کے مطابق امحمد صدیق مینگل اپنے گھر سے یونیورسٹی جارہے تھے جب انکی گاڑی کو نشانہ بنایا گیا، واقعہ کی تحقیقات شروع کر دی گئی ہیں،

    بلوچستان میں یہ معمول بن چکا ہے کہ دہشتگرد تنظیمیں اپنی مذموم کارروائیوں کی تکمیل کے لیے معصوم نہتے افراد کو نشانہ بنانے میں مصروف ہیں، خاص طور پر ان افراد کو نشانہ بنایا جاتا ہے جو ان کی اصلیت دنیا کے سامنے بے نقاب کرتے ہیں،وزیرِ داخلہ بلوچستان ضیا لانگو نے خضدار واقعے کی رپورٹ طلب کر لی ہے۔ ایک بیان میں انہوں نے کہا کہ آزادی صحافت کے دن پریس کلب کے صحافی کی ہلاکت صحافت کا گلا گھوٹنے کے مترادف ہے۔ضلع انتظامیہ تمام زخمیوں کو صحت کی سہولیات فراہم کر رہی ہے ۔

    خضدار دھماکے میں صحافی کی موت، وزیراعظم، وزیر داخلہ،وزیراعلیٰ پنجاب و دیگر کا اظہار افسوس
    وزیرِ اعظم محمد شہباز شریف نے خضدار دھماکے میں خضدار پریس کلب کے صدر مولانا محمد صدیق مینگل کی شہادت پر گہرے دکھ اور رنج کا اظہار کیا ہے،وزیرِ اعظم نے شہید کیلئے مغفرت اور ان کے اہل خانہ کیلئے صبر جمیل کی دعا کی،وزیرِ اعظم نے واقعے مین زخمی ہونے والے افراد کیلئے جلد صحت یابی کی دعا کی ہے

    وفاقی وزیرداخلہ محسن نقوی نے خضدار میں دھماکے کی مذمت کی ہے،وفاقی وزیرداخلہ محسن نقوی نےپریس کلب خضدار کے صدر محمد صدیق مینگل کی شہادت پر دکھ اور افسوس کا اظہار کیا،وفاقی وزیرداخلہ محسن نقوی نےلواحقین سے دلی ہمدردی و اظہار تعزیت کیا،وفاقی وزیرداخلہ نے زخمیوں کی جلد صحتیابی کیلئے دعا کی،اور کہا کہ خضدار پریس کلب کے صدر محمد صدیق مینگل کی شہادت پر دلی صدمہ ہوا ہے۔

    پی پی پی چیئرمین بلاول بھٹو زرداری نے خضدار میں دہشتگردانہ بم دھماکے کی شدید مذمت کی ہے، بلاول بھٹو زرداری نے دھماکے میں خضدار پریس کلب کے صدر محمد صدیق مینگل کی شہادت پر اظہار رنج و غم کیا ہے،پی پی پی چیئرمین نے متاثرہ خاندان اور صحافی برادری کے ساتھ دلی تعزیت کا اظہار کیا اور کہا کہ اس طرح کی بزدلانہ کاروائیوں سے پاکستانی قوم کے حوصلے پست نہیں ہوں گے،گھناؤنے جرم میں ملوث درندوں کو ذلت کے علاوہ کچھ نہيں ملے گا، بلاول بھٹو زرداری نے دھماکے میں زخمی ہونے والوں کے لیے جلد صحتیابی کی دعا کی.

    آزادیِ صحافت کے دشمن کبھی اپنے مقاصد میں کامیاب نہیں ہوں گے۔ مریم نواز
    وزیرِاعلیٰ پنجاب مریم نواز شریف نے خضدار میں دھماکے کی مذمت کی ہے،وزیرِاعلیٰ مریم نواز شریف نے پریس کلب کے صدر کے اہلِ خانہ سے اظہارِ تعزیت کی ہے،وزیرِاعلیٰ مریم نواز نے دھماکے میں زخمی افراد کی جلد صحتیابی کیلئے دعا کی اور کہا کہ آزادیِ صحافت کے دشمن کبھی اپنے مقاصد میں کامیاب نہیں ہوں گے۔

    امن وامان قائم کرنے والے ادارے سیاسی مداخلت میں مصروف ہیں،مولانا فضل الرحمان
    جے یو آئی سربراہ مولانا فضل الرحمان نے خضدار دھماکے کی شدید مذمت کی ہے، مولانا فضل الرحمان کا کہنا تھا کہ دھماکے میں جے یو آئی بلوچستان کے صوبائی نائب امیر مولانا محمد صدیق مینگل شہیدہوئے ہیں،اللہ کریم مولانا مرحوم کی کامل مغفرت فرمائے اور ان کی شہادت کو قبول فرمائے ۔امن وامان قائم کرنے والے ادارے سیاسی مداخلت میں مصروف ہیں اور عوام کی جان ومال کا کوئی پرسان حال نہیں ۔واقعے کی شدید مذمت کرتے ہیں ۔مجرموں کو قرار واقعی سزا دی جائے ۔مولانا صدیق شہید کے اہل خانہ سے تعزیت کرتا ہوں ۔اللہ کریم اہل خانہ کو صبر جمیل عطاء فرمائے ۔

    حکومتی نااہلی،سماعت سے محروم سینکڑوں بچوں کا مستقل معذور ہونے کا خدشہ

    معذوری کا شکار طالبات کی ملی دارالاطفال گرلز ہائی سکول راجگڑھ آمد،خصوصی تقریب

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    وفاقی حکومت کی طرف سے پاکستان بیت المال کو سماعت وگویائی سے محروم بچوں کے لیے فنڈز نہ مل سکے ،

    سماعت سے محروم بچے چلا رہے ہیں ریسٹورینٹ، صدر مملکت بھی وہاں پہنچ گئے، کیا کہا؟

    ویلڈن پاک فوج، سماعت سے محروم افراد سننے اور بولنے لگے

    چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

  • آتش بازی کا سامان تیار کرنے والی فیکٹری میں دھماکہ،2 افراد جاں بحق

    آتش بازی کا سامان تیار کرنے والی فیکٹری میں دھماکہ،2 افراد جاں بحق

    فیصل آباد میں آتش بازی کا سامان تیار کرنے والی فیکٹری میں دھماکے سے 15 سالہ لڑکے سمیت 2 افراد جھلس کر جاں بحق ہوگئے۔

    باغی ٹی وی: ریسکیو ذرائع کے مطابق مکو آنہ کے علاقہ کھرڑیانوالہ بائی پاس کے قریب واقع آتشبازی کا سامان تیار کرنے والی فیکٹری میں زوردار دھماکے سے آگ لگ گئی اور پوری فیکٹری کو لپیٹ میں لے لیا،آگ لگنے کے نتیجے میں فیکٹری میں کام کرنے والے 2 مزدور 15 سالہ ضیا اور 34 سالہ شہباز جھلس کر جاں بحق ہوگئے،ریسکیو ٹیموں نے 5 گاڑیوں کی مدد سے 2 گھنٹے کی جدوجہد کے بعد آگ پر قابو پایا، سرچ آپریشن کے دوران دونوں جاں بحق افراد کی لاشیں ملبے سے ملیں، جنہیں پولیس کے حوالے کر دیا گیا۔

  • کراچی کے علاقے گلشن اقبال میں ہونے والا دھماکہ خود کش حملہ قرار

    کراچی کے علاقے گلشن اقبال میں ہونے والا دھماکہ خود کش حملہ قرار

    7 فروری کو کراچی کے علاقے گلشن اقبال میں ہونے والا دھماکہ خود کش حملہ قرار دے دیا گیا۔

    باغی ٹی وی: 7 فروری کو گلشن اقبال میں واقع حاجی لیموں گوٹھ میں دھماکا ہوا جس میں خاتون اور بچوں سمیت تین افراد جاں بحق ہوئے تھے دھماکے کے بعد ایس ایس پی ایسٹ عرفان بہادر نے میڈیا سے گفتگو کرتے ہوئے بتایا تھا کہ جاں بحق شخص کی شناخت 17 سالہ فاروق رحمان کے نام سے ہوئی ہے جو گرینیڈ لے کر گھر سے باہر نکل رہا تھا، دستی بم ہاتھ میں ہی پھٹ گیا، جس سے فاروق رحمان مارا گیا۔

    آج اس واقعے کا مقدمہ تھانہ سی ٹی ڈی میں ایس ایچ او مبینہ ٹاؤن کی مدعیت میں درج کیا گیا ہے، جس میں قتل، انسداد دہشتگردی اور ایکسپلوز یو ایکٹ کی دفعات شامل کی گئی ہیں،مقدمے میں ہلاک حملہ آور اور نامعلوم سہولت کاروں کو نامزد کیا گیا ہے، مبینہ حملہ آور فاروق رحمان میرانی کی ہلاکت کے بعد کوئی گرفتاری عمل میں نہ آسکی۔

    لوئر دیر میں دھماکا ، دو بچے جاں بحق اور تین افراد زخمی

    پولیس کا کہنا ہے کہ فاروق رحمان کے پاس دستی بم کیسے اور کہاں سے آیا اس کی تحقیقات جاری ہیں مدعی مقدمہ کا دعویٰ ہے کہ فاروق رحمان نے نامعلوم سہولت کاروں کی ایما پرخود کش حملہ کیاحملے میں ہونے والا جانی نقصان قتل اور دہشتگردی کی حد کو پہنچتا ہے 6 بج کر 47 منٹ پر مددگار 15 پر دھماکے کی اطلاع ملی، جائے وقوعہ پر ایک شخص کا ہاتھ اڑا ہوا تھا اور جسم چھلنی تھا، مقدمے کی تفتیش کالعدم علیحدگی پسند جماعتوں کیلئے بنایا گیا سیل کرے گا۔

    نریندر مودی بدھ کو یو اے ای میں پہلے مندر کا افتتاح کریں گے

    پی ایم ایل این سے حکومت سازی کے حوالے سے کوئی حتمی بات چیت …

  • پنجگور میں نیشنل پارٹی کے امیدوار اور نوشکی میں الیکشن کمیشن کے دفتر کے قریب دھماکا

    پنجگور میں نیشنل پارٹی کے امیدوار اور نوشکی میں الیکشن کمیشن کے دفتر کے قریب دھماکا

    کوئٹہ: بلوچستان کے مختلف علاقوں میں انتخابات میں حصہ لینے والے امیدواروں اور الیکشن کمیشن کے دفتر پر حملے-

    باغی ٹی وی : پولیس کے مطابق پنجگور میں نیشنل پارٹی کے امیدوار کے گھر میں دھماکا ہوا تاہم کوئی جانی نقصان نہیں ہوا،اس کے علاوہ نوشکی میں الیکشن کمیشن کے دفتر کے قریب بھی دھماکا ہوا جس میں کوئی جانی نقصان نہیں ہوا۔

    دوسری جانب گزشتہ دنوں بھی بلوچستان میں انتخابی امیدواروں کے گھروں پر دستی بم حملے ہوئے، خاران میں ن لیگ کے امیدوار شعیب نوشیروانی کے گھر پر دستی بم حملہ ہوا، وہ ان کے گھر کے صحن میں گرا ،تربت میں پیپلز پارٹی کے امیدوار روؤف رند کے قریب دستی بم حملہ کیا گیا، حملوں میں کسی جانی نقصان کی اطلاع نہیں ملی، باجوڑ میں پی ٹی آئی ہی کے حمایت یافتہ آزاد امیدوار ریحان زیب کو فائرنگ کرکے قتل کر دیا گیا تھا وہ اپنی الیکشن مہم کے سلسلے میں صادق آباد پھاٹک بازار کے علاقے میں موجود تھے جہاں ان پر فائرنگ کی گئی، جس سے وہ موقع پر ہی دم توڑ گئے۔

    دو ریاستی حل نہ صرف فلسطینیوں بلکہ اسرائیل کے بھی حق میں ہے،ناروے

    ایف بی آر کی تنظیم نو روکنے کیلئے الیکشن کمیشن کا وفاقی حکومت کو …

    عام انتخابات کیلئے بیلٹ پیپرز کی چھپائی کا عمل مکمل

  • بلوچستان: پولیس تھانےکے قریب دھماکا، 2 بچے جاں بحق

    بلوچستان: پولیس تھانےکے قریب دھماکا، 2 بچے جاں بحق

    بولان:بولان کے علاقے مچ میں پولیس تھانےکے قریب دھماکا، 2 بچے جاں بحق ہوگئے۔

    باغی ٹی وی: پولیس کے مطابق بلوچستان کے ضلع بولان کے علاقے مچ کی جیل روڈ پر پولیس تھانے کے عقب میں واقع دکانوں کے قریب زوردار دھماکا ہوا جس کے نتیجے میں 10 سالہ بابر اور 12 سالہ میر احمد جاں بحق ہوگئےدھماکے سے قریبی عمارتوں اور مکانات کے شیشے ٹوٹ گئے، قریبی دکانوں کو بھی جزوی نقصان پہنچاجاں بحق بچوں کی میتیں سول اسپتال مچ منتقل کردیں، پولیس کے مطابق دھماکا خیز مواد سڑک کنارے ریڑھی کے نیچے رکھا گیا تھا۔

    کاغذات نامزدگی مسترد ہونے پر عثمان ڈار کی والدہ کا خواجہ آصف پر بڑا الزام

    قبل ازیں شمالی وزیرستان کے علاقے میر علی میں آپریشن کے دوران سکیورٹی فورسز نے دہشت گرد کمانڈر راہزیب کھورے سمیت پانچ دہشت گردوں کو ہلاک کر دیا، پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے شمالی وزیرستان کے علاقے میر علی میں دہشت گردوں کی موجودگی کی اطلاعات پر آپریشن کیا فائرنگ کے تبادلے میں دہشت گرد کمانڈر راہزیب کھورے سمیت پانچ دہشت گرد مارے گئے آپریشن کے دوران مارے گئے دہشت گرد سکیورٹی فورسز پر حملوں، بھتہ خوری اور ٹارگٹ کلنگ میں ملوث تھے۔

    سبزی فروخت کرنے والا پی ایچ ڈی ہولڈر

  • انڈونیشیا نکل پروسیسنگ پلانٹ میں دھماکہ،13 افراد ہلاک،39 زخمی

    انڈونیشیا نکل پروسیسنگ پلانٹ میں دھماکہ،13 افراد ہلاک،39 زخمی

    انڈونیشیا میں نکل پروسیسنگ پلانٹ میں دھماکے میں 13 افراد ہلاک جبکہ 39 زخمی ہو گئے ہیں ۔

    باغی ٹی وی: فرانسیسی خبررساں ادارے کے مطابق مورووالی انڈسٹریل پارک کے ایک اہلکار ڈیڈی کرنیاوان نے میڈیا کو بتایا کہ مقامی وقت کے مطابق صبح ساڑھے پانچ بجے پی ٹی انڈونیشیا سنگشن سٹینلیس سٹیل کے ایک پلانٹ میں دھماکہ ہوا جس کے نتیجے میں 13 افراد ہلاک اور 39 زخمی ہو گئے ہیں-

    میڈیا رپورٹس کے مطابق ابتدائی تحقیقات سے پتہ چلتا ہے کہ دھماکا ایک بھٹی پر مرمت کے کام کے دوران ہوا جب ایک آتش گیر مائع بھڑکا اور اس کے بعد دھماکے سے قریبی آکسیجن ٹینک بھی پھٹ گئے، زخمیوں کو اسپتال منتقل کر دیا گیا ہے۔

    قبل ازیں ایبٹ آباد میں گھر میں آتشزدگی سے ایک ہی خاندان کے 9 افراد جاں بحق ہوگئےپولیس کے مطابق ایبٹ آباد میں تھانہ مانگل کی حدود تریڑی میں مکان میں آتشزدگی کا واقعہ پیش آیا ہے آگ لگنے سے ذاکر عباسی کا پورا گھر جل کر راکھ ہوگیا جبکہ خاندان کے افراد جھلس کر جاں بحق ہوگئے مقامی کونسلر خاقان عباسی نے بتایا کہ گھر میں آتشزدگی سے نگینہ بیگم زوجہ محمد ذاکر اور ان کے 4 بچے اور 4 بچیاں جاں بحق ہوگئیں،ملبے تلے دبے 7 افراد کی لاشیں نکال لی گئی ہیں جبکہ دو کی تلاش جاری ہے جاں بحق ہونے والے خاندان کا سربراہ ذاکر عباسی بسلسلہ روزگار کراچی میں مقیم ہے۔

  • کینیڈا امریکا سرحد پر کار دھماکہ، دو افراد کی موت

    کینیڈا امریکا سرحد پر کار دھماکہ، دو افراد کی موت

    کینیڈا امریکا سرحد پر نیاگرا فالز کے قریب رینبو برج پر گاڑی میں دھماکا ہوا جس کے نتیجے میں 2 افراد کی موت ہو گئی ہے

    دھماکہ سرحد پر امریکی حدود میں ہوا، دھماکے کے بعد پل کو آمدورفت کے لئے بند کر دیا گیا،امریکی میڈیا کے مطابق کار میں دو افراد سوار تھ ایک سرحدی چوکی سے گزرنے کے بعد اسے دوسری بار چیکنگ کے لیے روکا گیا تھا، اس دوران کار کی رفتار تیز ہوئی اور وہ ایک بیریئر سے ٹکرا کر پھٹ گئی،

    گورنر نیو یارک کا کہنا ہے کہ واقعےکا ہشتگردی سے تعلق نہیں، یہ خوفناک واقعہ، حادثہ اور دھماکا تھا،ایف بی آئی کے مطابق حادثہ دہشت گردی نہیں، جائے وقوعہ سے کوئی بارودی مواد نہیں ملا،ایک اہلکار نے بتایا کہ وائٹ ہاؤس نے پیش رفت کی نگرانی کی، اور محکمہ ہوم لینڈ سیکیورٹی نے کہا کہ وہ کینیڈا کے ہم منصبوں کے ساتھ رابطے میں ہے۔

    بفیلو میں ایف بی آئی نے ایک بیان میں کہا، "جائے وقوعہ کی تلاشی کے دوران کوئی دھماکہ خیز مواد نہیں ملا، اور دہشت گردی کی نشاندہی نہیں ہوئی۔واقعے میں ہلاک ہونے والوں کی فوری طور پر شناخت نہیں ہو سکی ہے۔ ان میں سے ایک کا تعلق مغربی نیویارک سے تھا،

    ایک قانون نافذ کرنے والے اہلکار نے بتایا کہ کسٹمز اور بارڈر پروٹیکشن کے ایک ملازم کو معمولی چوٹیں آئیں اور اسے ہسپتال منتقل کر دیا گیا، گاڑی مکمل طور پر جل کر تباہ ہو گئی،

  • جنوبی وزیرستان میں بم دھماکہ،قبائلی سردار 2 بیٹوں سمیت جاں بحق

    جنوبی وزیرستان میں بم دھماکہ،قبائلی سردار 2 بیٹوں سمیت جاں بحق

    جنوبی وزیرستان میں بم دھماکے میں صدارتی ایوارڈ یافتہ قبائلی سردار 2 بیٹوں سمیت جاں بحق ہو گئے-

    باغی ٹی وی :ضلعی پولیس آفیسر فرمان اللہ کے مطابق جنوبی وزیرستان میں وانا کے علاقہ دژہ غونڈئی میں بم دھماکے میں قبائلی سردار اسلم نور وزیر اور ان کے دو بیٹوں سمیت 4 افراد جاں بحق ہوگئےقبائلی سردار اسلم نور وزیر رستم بازار سے اپنی گاڑی میں گھر جارہے تھے کہ دژہ غونڈئی کےمقام پر زور دار دھماکا ہوا دھماکے کے نتیجے میں سردار اسلم نور وزیر، ان کے دو بیٹے اور ایک دوست جاں بحق ہوگئے,دھماکے میں تین افراد زخمی بھی ہوئےجنہیں وانا اسپتال منتقل کردیاگیا ہے-

    قبل ازیں شمالی وزیرستان کے جنرل علاقے رزمک میں سیکیورٹی فورسز کے قافلے پر حملے میں 2 اہلکار شہید ہوگئے، پاک فوج کے شعبہ تعلقات عامہ (آئی ایس پی آر) کے مطابق دیسی ساختہ بم (آئی ڈی ای) دھماکے کے نتیجے میں دو سپاہی لانس نائیک احسان بادشاہ اور لانس نائیک ساجد حسین شہید ہو گئے،علاقے میں موجود کسی بھی دہشت گرد کے خاتمے کے لیے سینیٹائزیشن آپریشن کیا جا رہا ہے جبکہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں۔

    باجوڑ میں دھماکا، انصار الاسلام کے سابق امیر جاں بحق

    دریں اثنا باجوڑ میں ایک دن میں دو بم دھماکے دھماکوں کے نتیجے میں دو افراد جاں بحق جبکہ تین زخمی ہوگئے ہیں سیکیورٹی ذرائع کا کہنا ہے کہ پہلا دھماکا باجوڑ کی تحصیل خار کے علاقے پیشتو میں ہوا جس میں ایک شخص جاں بحق ہوگیا جاں بحق شخص کی شناخت سبزعلی خان ولد مرسلین کے نام سے ہوئی ہے، جبکہ دھماکے میں گاڑی بھی مکمل طور پر تباہ ہوگئی۔

    سبز علی خان باجوڑ یوتھ آرگنائزیشن کے نائب صدر اور سماجی کارکن تھے اور علاقے میں اپنی سماجی سرگرمیوں کی وجہ سے مشہور تھےعینی شاہدین کے مطابق دھماکا نہایت زودار تھا ، جس کے باعث گاڑی کے پرخچے اڑ گئے۔

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

    دوسرا دھماکا شام سے پہلے تحصیل ماموند کے علاقے ڈمہ ڈولہ خزانہ میں ہوا، بم دھماکے میں انصار الاسلام کے سابق امیر مولانا عبد السلام جاں بحق جبکہ تین افراد زخمی ہوگئے،عبدالسلام اپنے والد کے ساتھ ساتھی کی نماز جنازہ میں شرکت کے بعد واپس جارہے تھے کہ اس دوران باجوڑ کی تحصیل ماموند کے علاقے ڈمہ ڈولہ خزانہ میں اُن کو نشانہ بنایا گیا-

    امریکا نےسکھ علیحدگی پسند رہنما کے قتل کی بھارتی سازش ناکام بنادی

    پولیس نے بتایا کہ دھماکے میں جاں بحق ہونے والے مولانا کا تعلق انصار الاسلام نامی نتظیم نے تھا، واقعے میں اُن کے تین ساتھی نیاز، ابراہیم اور مندرو حاجی زخمی ہوئے جنہیں طبی امداد کیلیے ہیڈ کوارٹرز خار کے اسپتال منتقل کردیا گیا ہے جبکہ پولیس نے جائے وقوعہ سے شواہد اکٹھے کرنے کے بعد واقعے کی تحقیقات شروع کردی ہیں، مولانا عبدالسلام کو کچھ عرصے قبل بھی گھات لگا کر قتل کرنے کیلئے اُن پر فائرنگ کی گئی تھی جس میں وہ خوش قسمتی سے محفوظ رہے۔