Tag: دہشتگردی

خیبر پختونخوا بم ڈسپوزل یونٹ نے اپنی ایک رپورٹ جاری کی ہے،جس کے مطابق صوبے کے مختلف اضلاع میں رواں سال کے پہلے 6 مہینوں کے دوران برآمد ہونے والے مختلف نوعیت کے 361 بم ناکارہ بنا دئے ہیں۔ بی ڈی یو رپورٹ کے مطابق سب سے زیادہ بم مردان میں ناکارہ بنا دئے ہیں جنکی مجموعی تعداد 115 تھی جن میں 33 راکٹ، 79 ہینڈ گرنیڈ، 2 ٹائم بم اور ایک ریموٹ کنڑول بم شامل ہے۔جاری کردہ اعداد وشمار میں بتایا گیا ہے کہ پشاور میں خودکش جیکٹ سمیت 89 بم، کوہاٹ میں 55 بم، دیر میں 31 راکٹ جبکہ ملاکنڈ اور ڈیرہ اسماعیل خان میں 11، 11 ہینڈ گرنیڈ کو ناکارہ بنا دیا گیا ہے۔رپورٹ میں مزید بتایا گیا ہے کہ ضلع کرم میں 6، کرک اور مہمند میں 4 ہینڈ گرنیڈ، ضلع خیبر میں 4 جبکہ لکی مروت میں 3 دستی بموں کو ڈیفیوز کیا گیا ہے۔ بی ڈی یو رپورٹ کے مطابق وزیرستان، اورکزئی اور صوابی میں بھی ایک ایک ہینڈ گرنیڈ کو ناکارہ بنایا گیا ہے۔
اسی طرح بم ڈسپوزل ٹیم چارسدہ اور بنوں میں 9 بارودی مواد اور ہنگو میں 6 ہینڈ گرینڈ اور ایک ٹائم آئی ڈی کو ناکارہ بنانے میں کامیاب ہوئے ہیں۔

خیبرپختونخوا کے ضلع خیبر کی پولیس نے پولیو ڈیوٹی سے انکار کے بعد اپنے مطالبات منظور کروا کے ہی دم لی،۔ پولیس نے پولیو ڈیوٹی انجام دینے کی یقین دہانی کروا دی ہے۔آئی جی خیبرپختونخوا کے ساتھ خیبر پولیس کے مذاکرات کامیاب ہوگئے۔جس کے بعد پولیس نے پولیو ڈیوٹی انجام دینے کی یقین دہانی کرادی۔
قبائلی اضلاع میں پولیس نے احتجاج ختم کرنے کا اعلان بھی کردیا ہے۔یاد رہے کہ تین روز قبل ضلع خیبر میں پولیس کے سکیورٹی نہ دینے پر پولیو مہم ملتوی کرنے کا اعلان کیا گیا تھا۔خیبر پولیس نے پیر کو انسداد پولیو مہم جیسی اہم قومی ذمہ داری سے انکار کیا تو ضلعی انتظامیہ کو اگلے روز منگل سے شروع ہونے والی انسداد پولیو مہم ملتوی کرنی پڑ گئی تھی۔انسداد پولیو مہم میں ڈیوٹی کے حوالے سے خیبر پولیس کا مؤقف تھا کہ انھیں اعزازیہ نہیں دیا جاتا۔
اس لئے پولیس نے اعزازیہ نہ ملنے پر سیکیورٹی دینے سے انکار کردیا تھا، تاہم اب آئی جی کے ساتھ خیبر پولیس کے مذاکرات کامیاب ہوگئے ہیں جس کے بعد اہلکاروں نے پولیو ڈیوٹی انجام دینے کی حامی بھر لی ہے۔

پشاور ہائیکورٹ میں ارمی پبلک اسکول حملے میں گرفتار ملزمان کی کیس کو انسداد دہشتگردی عدالت سے سیشن کورٹس منتقل کرنے کے خلاف دائر درخواست کی سماعت کی ہے، سماعت جسٹس نعیم انور اور جسٹس ڈاکٹر خورشید اقبال نے کی حکومت کی طرف سے ایڈیشنل ایڈووکیٹ جنرل دانیال چمکنی پیش ہوئے،عدالت میں آٹارنی جنرل کی جانب سے دلائل پیش کرتے ہوئے موقف اختیار کرتے ہوئے کہا گیا کہ ملزمان کمانڈر اور شکیل 2019 سے اے پی ایس حملے میں گرفتار ہے، اور
ملزمان کے خلاف اے ٹی سی عدالت میں اس کیس پر بہت کام ہوا ہے، اے اے جی نے مزید کہا کہ ملزمان کا کیس اے ٹی سی عدالت نے سیشن کورٹ منتقل کردیا ہے، ملزمان میں شکیل کی عمر 18 سال سے کم ہے جسکو بنیاد بنا کر اے ٹی سی نے کیس سیشن کورٹ بھیج دیا، اے اے جی نے مزید کہا کہ دوسرا ملزم کمانڈر جوینائل نہیں ہے پھر بھی اے ٹی سی عدالت نے کیس سیشن کورٹ منتقل کردیا، آٹارنی جنرل نے عدالت سے کہا پشاور ہائیکورٹ کے ایک فیصلے کو بنیاد بنا کر اے ٹی سی عدالت نے کیس منتقل کردیا، اور یہ خصوصی کیس ہے اسلئے اس پر جوینائل قوانین لاگو نہیں ہوتے،اٹارنی جنرل کی جانب سے استدعا کیا گیا اے ٹی سی عدالت کا کیس منتقلی کا فیصلہ کالعدم قرار دیا جائے، جس پر عدالت رکارڈ طلب کر کے سماعت 23 اگست تک ملتوی کردی،

25 جولائی کو جمرود کے علاقہ علی مسجد خودکش دھماکہ کے سہولت کاری میں ملوث 7 ملزمان کو گرفتار کر لیا گیا ہے، ، ان خیالات کا اظہار پشاور،ڈی آئی جی سی ٹی ڈی سہیل خالد نے پریس کانفرنس میں کئے، سہیل احمد کے مطابق پولیس کو مسجد میں مشکوک افراد کی اطلاع ملی تھی جہاں ،پولیس پہنچی تو دھماکہ ہوا ،انہوں نے مزید بتایا کہ ایک دہشت گرد کو موقع پر گرفتار کیا گیا، جس نے تفتیش میں مزید انکشافات کئے، ڈی آئی جی سی ٹی ڈی کے مطابق سہولت کاری میں ملوث 7 افراد گرفتار ہوچکے ہیں، دہشت گردوں کا ٹارگٹ پولیس موبائل اور ایف سی کانوائے تھا، ڈی آئی جی سی ٹی ڈی نے مزید کہا کہ خودکش بمبار حملے سے پانچ دن قبل افغانستان سے پاکستان آیا ، سہیل خالد کے مطابق پکڑے گئے دہشت گردوں سے خودکش جیکٹ ،اسلحہ ،افغان سم اور دیگر اشیاء برآمد ہوئیں،
واضح رہے کہ25 جولائی کو جمرود کے علاقہ علی مسجد میں خودکش دھماکہ ہوا تھا جس کے نتیجے میں ایڈیشنل ایس ایچ او شہید ہوئے،

بنوں میں پولیو ٹیم پر نامعلوم ملزمان کی فائرنگ کے نتیجے میں میں پولیس اہلکار جاں بحق ہوگیا۔ پولیس کے مطابق میریان روڈ پر پولیو ٹیم پر نامعلوم مسلح افراد نے حملہ کیا ہے۔پولیس کا کہنا ہے کہ حملے میں پولیو ٹیم کیساتھ ڈیوٹی پر مامور پولیس اہلکار کامران زخمی ہوا ہے۔زخمی پولیس اہلکار کامران کو ڈی ایچ کیو ہسپتال منتقل کردیا گیا ہے جہاں زخموں کی تاب نہ لاکر وہ جاں بحق ہوگیا۔ واقعہ اخوند خیل پمپ کے سامنے رونما ہوا، ملزمان فرار ہوگئے۔
واقعے کے بعد پولیس نے ملزمان کی گرفتاری کے لیے سرچ آپریشن شروع کردیا ہے۔ حملے کے بعد علاقے میں پولیو مہم کو روک دیا گیا ہے۔

محکمہ صحت کے حکام کے مطابق پولیس کی جانب سے ڈیوٹی سے انکار کی وجہ سے آج سے شروع ہونے والی پولیو مہم تاخیر کا شکار ہو گئی ہے،
محکمہ صحت کے حکام کے مطابق پولیو کے اس اہم ایونٹ کو غیر معینہ مدت کے لیے ملتوی کر دیا گیا ہے اور مزید کہا کہ وہ پولیو ٹیموں کو سیکیورٹی فراہم کرنے کے حوالے سے پولیس حکام سے بات چیت کر سکیں گے۔ محکمہ صحت کے حکام کا کہنا ہے کہ پولیو ٹیموں کو سیکیورٹی دینے کے بعد پولیو مہم شروع ہو جائے گا۔
دوسری جانب پولیس حکام کا کہنا ہے کہ پولیس اپنے مطالبات کے لیے احتجاج کر رہی ہے اور انہوں نے مزید کہا کہ اس وقت پولیس کا کوئی سروس سٹرکچر نہیں ہے۔
پولیس حکام کے مطابق ڈیوٹی پر موجود پولیس اہلکاروں کو کوئی سہولت نہیں دی گئی اور جب تک ان کے مطالبات تسلیم نہیں ہوتے وہ پولیس ٹیموں کو سیکیورٹی فراہم کرنے کا بائیکاٹ جاری رکھیں گے۔
خیبر پختونخوا کے مختلف اضلاع میں حالیہ دنوں میں پولیس کے خلاف دہشت گردانہ حملوں میں اضافہ ہوا ہے جس میں بڑی تعداد میں پولیس اہلکار اپنی جانوں سے ہاتھ دھو بیٹھے ہیں۔
گزشتہ روز 9 تاریخ کو بلوچستان کے دارالحکومت کوئٹہ میں نامعلوم مسلح افراد کی فائرنگ سے پولیو ٹیم کی حفاظت پر مامور دو پولیس اہلکار جاں بحق ہوگئے تھے،
پاکستان میں پولیو کے خاتمے کے لیے اہم انسداد پولیو مہم کا آغاز اس دن سے ہوا، جس کا مقصد پانچ سال سے کم عمر کے 80 لاکھ بچوں کو پولیو کے قطرے پلانا ہے۔

شمالی وزیرستان کے علاقے سیدگی غلام خان میں دھماکے کے نتیجے میں میاں بیوی جاںبحق ہو گئے، پولیس حکام کے مطابق دھماکہ بم ڈسپوزل اسکواڈ کی گاڑی کے قریب ہوا۔ لیکن بم ڈسپوزل اسکواڈ کا عملہ محفوظ رہا۔ تاہم دھماکے کے زد میں میاں بیوی آکر جاں بحق ہو گئے،پولیس کے مطابق دھماکے کے بعد سیکیورٹی فورسز نے علاقہ کو گھیرے میں لیکر سرچ آپریشن شروع کر دیا گیا ہے۔ علاقے کے سرکاری ذرائع نے بتایا کہ دھماکا غلام خان کے علاقے صدیقی میں اس وقت ہوا جب بم ڈسپوزل سکواڈ علاقے کی چیکنگ میں مصروف تھا۔
اس سے قبل شمالی وزیرستان کی تحصیل میر علی کے گاؤں کھڈی میں نئے تعمیر شدہ پل کے نیچے دھماکہ خیز مواد رکھا گیا تھا اور اسے دھماکے سے اڑا دیا گیا تھا۔
پولیس کے مطابق پل کو تباہ کرنے والوں کے خلاف سرچ آپریشن جاری ہے۔
حالیہ دنوں میں شمالی وزیرستان سمیت خیبر پختونخوا کے مختلف قبائلی علاقوں میں دہشت گردوں کی جانب سے حملوں اور بم دھماکوں میں کافی حد تک تیزی آئی ہے۔
پیر کی رات پشاور کے علاقے بڈہ بیرہ میں دہشت گردوں کے حملے میں ایک پولیس اہلکار جاں بحق اور دو زخمی ہوگئے۔
اس کے علاوہ دو ہفتے قبل دبوجور کے علاقے خار میں جمعیت علمائے اسلام (ف) کے اجلاس میں خودکش حملہ ہوا تھا جس میں 60 سے زائد افراد شہید اور 100 سے زائد زخمی ہوئے تھے۔ زخمی