Tag: راولپنڈی

راولپنڈی: راولپنڈی تھانہ چکری کی حدود میں قبضہ مافیا کے مسلح ملزمان اور پولیس کے درمیان شدید جھڑپیں ہوئیں، ملزمان 2 گھنٹے تک پولیس پر فائرنگ کرتے رہے، جوابی فائرنگ میں ایک ملزم ہلاک 2 زخمیوں سمیت 26 ملزمان گرفتار بھاری مقدار میں اسلحہ برآمد کرلیا، ملزمان کے بنکرز کو پولیس نے ہیوی مشینری سے مسمار کردیا۔

پولیس کے مطابق تھانہ چکری کی حدود میں بڑے رقبے پر قبضے کی اطلاع ملی تھی، پولیس نفری موقع پر پہنچی تو جدید ہتھیاروں سے لیس ملزمان نے پولیس پر فائرنگ شروع کردی، ملزمان غیر قانونی بنکرز سے مسلسل دو گھنٹے تک فائرنگ کرتے رہے۔ حالات کی کشیدگی دیکھتے ہوئے راولپنڈی کے 10 تھانوں کی نفری اور ایلیٹ کمانڈوز کی 8 سکیشنز کو موقع پر طلب کیا گیا۔

ایس ایس پی آپریشنز وسیم ریاض کی نگرانی میں ہونے والے آپریشن میں ایس پی صدر محمد نبیل کھوکھر نے بھی حصہ لیا، پولیس کا کہنا تھا کہ ملزمان کی تعداد اور فائرنگ کو دیکھتے ہوئے بکتر بند گاڑی کو بھی موقع پر روانہ کیا گیا، دو گھنٹے سے جاری فائرنگ تبادلے میں ایک ملزم ہلاک جبکہ دو زخمیوں سمیت 26 ملزمان کو گرفتار کرلیا۔ پولیس ترجمان کا کہنا تھا کہ ملزمان سے جھڑپ میں تمام پولیس اہلکار محفوظ رہے،

سی پی او سید شہزاد ندیم بخاری نے آپریشن میں موجود تمام پولیس اہلکاروں کو بلٹ پروف ہیلمٹس اور جیکٹس استعمال کرنے کی ہدایت کی تھی، اندھیرے کے باعث کل تک سرچ آپریشن کو ملتوی کیا ہے۔

راولپنڈی: راولپنڈی میں نانی کا ڈائیلاسس کرانے کے لیے نجی اسپتال جانے والی لڑکی سے اسپتال ملازم کی مبینہ زیادتی، نازیبا تصاویر بنا کر بلیک میل بھی کرتا رہا، پولیس نے مقدمہ درج کرکے ملزم کو گرفتار کرلیا۔

لاہور:6 سالہ بچے کی پراسرارہلاکت

پولیس کے مطابق متاثرہ لڑکی نے بتایا کہ وہ خالہ کے ہمراہ نانی کا ڈائیلاسز کرانے نجی ہسپتال گئی، استقبالیہ پر موجود عملے میں شامل خالد جو کہ وہاں تعینات ڈاکٹر کا پی اے ہے اس نے اگلے دن آنے کا کہا، اگلے دن ہسپتال پہنچی تو خالہ نانی کے ساتھ اندر گئیں تو ہسپتال ملازم خالد نے مجھے کہا کہ آئیں آپ کو ڈائیلاسز والی جگہ دکھاتا ہوں۔

گوجر خان: بڑے بھائی کے ہاتھوں بیٹے کی شادی کیلئے برطانیہ سے آیا چھوٹا بھائی قتل

متاثرہ لڑکی نے بتایا کہ خالد مجھے ایک گاڑی میں لے گیا، گاڑی میں ایک نامعلوم شخص بھی تھا، خالد مجھے ایک نامعلوم گھر لے گیا، زبردستی برہنہ تصاویر بنائیں اور دھمکیاں دیں کہ کسی کو بتایا تو تصاویر وائرل کردوں گا بعدازاں مجھے زبردستی زیادتی کا نشانہ بنایا ہسپتال کے قریب چھوڑ کر چلا گیا۔ پولیس نے بیان پر مقدمہ درج کرکے مرکزی ملزم خالد کو گرفتار کرلیا۔

بنوں: شہید پولیس ہیڈ کانسٹیبل پشم خان کی نماز جنازہ پولیس لائن میں سرکاری اعزاز کے…

سی پی او راولپنڈی شہزاد ندیم بخاری کا کہنا تھا کہ بچوں اور خواتین کے ساتھ زیادتی پر زیرو ٹالیرنس پالیسی ہے، ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی، ملزم کے دوسرے ساتھی کی گرفتاری کے لیے بھی چھاپے جاری ہیں۔

گھریلو تنازع: گوجرخان میں بڑے بھائی نےبرطانیہ سےآئے چھوٹے بھائی کوقتل کردیا

راولپنڈی:اینٹی نارکوٹکس( اے این ایف) نے مختلف شہروں سے بیرون ملک منشیات اسمگلنگ کی کوشش ناکام بنا دی۔

باغی ٹی وی: حکام کے مطابق اے این ایف انٹیلجنس اطلاعات تھیں کہ منشیات اسمگلر مختلف شہروں سے بیرون ملک پارسلز و غُباروں کے ذریعہ منشیات سمگلنگ کی کوشش کریں گے۔

بلوچستان سے پنجاب کو چھالیہ کی سمگلنگ کی کوشش ناکام

اطلاعات پر شاہراہ فیصل کراچی پر نجی کوریئر آفس میں آسٹریلیا بھیجے جانے والے پارسل سے 2 کلو 560 گرام آئس، اسلام آباد میں نجی کوریئر آفس میں آسٹریلیا کے لیے بُک کیے گئے پارسل سے 723 گرام آئس برآمد ہوئی-

دینہ میں واقع نجی کوریئر آفس میں لندن کے لیے بُک کئے گئے پارسل سے 390 گرام ہیروئن برآمد کرلی جو غباروں میں چھپائی گئی تھی۔

اسی طرح جی ٹی روڈ پر مریدکے کے قریب ٹرک سے 56 کلو 400 گرام چرس اور 26 کلو 400 گرام افیون برآمد کرکے خیبر کے رہائشی 2 ملزمان گرفتار کرلیے گئے۔

مُلزمان کے خلاف انسدادِ منشیات ایکٹ کے تحت مقدمات درج کرکے تفتیش شروع کر دی گئی ہے۔

ڈیرہ غازی خان : 9 جنوری سے کارپوریشن کے نادہندگان کے کاروباری مراکز اور غیر قانونی…

گزشتہ روز بلوچستان سے پنجاب کو چھالیہ کی سمگلنگ کی کوشش ناکام بنادی گئی، تھانہ کھر کی حددو میں کمانڈنٹ محمد اسد چانڈیہ نے کارروائی کرتے ہوئے بلوچستان سےپنجاب آنے والی غیر قانونی چھالیہ کی بڑی مقدار پکڑ کر اپنی تحویل میں لےلی ہےاس موقع پر کمانڈنٹ بارڈر ملٹری پولیس ڈیرہ غازی خان محمد اسد چانڈیہ کا کہنا تھا کہ چھالیہ کو قانونی پروسیس کےبعد کسٹم حکام کےحوالےکیاجائے گا سمگلر مافیا کے خلاف گھیرا تنگ کیا ہوا اور کارروائیوں کا سلسلہ تیز کردیا گیا ہے۔

پشاور میں فورسز کی کارروائی، 4 دہشت گرد ہلاک

راولپنڈی کی تحصیل گوجرخان کے صندل روڈ پر سنگدل بھائی نے چھوٹے بھائی کو قتل کر دیا۔

باغی ٹی وی: پولیس کے مطابق ملزم خالد شریف نے گھریلو تنازع پر فائرنگ کرکے چھوٹے بھائی ساجد شریف کو قتل کیا، مقتول ساجد چند روز قبل بیٹے کی شادی کےلیے برطانیہ سے پاکستان آیا تھا۔

حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا

پولیس کی جانب سے یہ بھی بتایا گیا ہے کہ مقتول کے بیٹے کی درخواست پر مقدمہ درج کر لیا گیا ہے جبکہ ملزم بھی پولیس کی گرفت میں ہے اور مدعی کی جانب سے بتایا گیا ہے کہ میرے تایا اور والد کے درمیان گھریلو تنازع تھا۔

دوسری جانب تھانہ باہتر ضلع اٹک تحصیل فتح جنگ دولت کی ہوس حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا والدہ نے اپنے بڑے بیٹے کو دس لاکھ روپے نقد کیش وراثت میں کچھ دیگر چیزیں اور زمین کی حصہ داری و کا معاملہ اپنے بڑے بیٹے عبادت کی ذمہ داری لگائی کہ میرے مرنے کے بعد تم اپنے بہن بھائیوں کو ان کو قانونی جو بھی حصہ داری بنتی ہےتم نے ان کو دینی ہے –

ٹانک: شدید دھند کے باعث ویگن کی چنگ چی کوٹکر،رکشہ میں سوار خواتین اساتذہ زخمی

مگر بھائی کے روپ میں اور دولت کی ہوس کی وجہ سے اس کے اندر مکمل طور پر درندگی آ چکی تھی جس کے باعث اس نے اپنے ہی رشتوں پر اور اپنے ہی گھر پر قیامت ڈھانے کا منصوبہ بنا لیا اور ظالم درندے نے اپنی بیوی کے ساتھ مل کر اپنے دونوں حقیقی بھائیوں کو بے دردی سے قتل کرنے کے بعد اپنے ہی گھر کے ساتھ بھینسوں کے باڑے میں دفن کر دیا –

راولپنڈی والی بال میچ کے دوران کھلاڑیوں میں فائرنگ سے مقامی کھلاڑی جان کی بازی ہار گیا جب کہ ایک کھلاڑی شدید زخمی ہوگیا۔راولپنڈی پولیس کے مطابق فائرنگ کا واقعہ راولپنڈی کے تھانہ روات کے علاقے سمبل میں والی بال میچ کے دوران پیش آیا، ملزمان فائرنگ کے بعد جائے وقوعہ سے فرار ہونے میں کامیاب ہوگئے۔

پولیس نے بتایا کہ دو مقامی ٹیموں کے درمیان فلڈ لائٹ والی بال میچ کھیلا جارہا تھا، میچ کے دوران معمولی تلخ کلامی پر عابد اور اعجاز نے دوسری ٹیم پر فائرنگ کردی، جس سے مقامی کھلاڑی جنید موقع پر جاں بحق ہوگیا اور ناصر شدید زخمی ہوا۔

واقعے کی اطلاع ملتے ہی ایس پی صدر محمد نبیل نے پولیس کی بھاری نفری کے ساتھ موقع پر پہنچ کر لاش اور زخمی کو مقامی اسپتال منتقل کیا۔پولیس حکام کا کہنا تھا کہ ملزمان قانون کی گرفت سے نہیں بچ سکیں گے جلد گرفتار کرلیا جائے گا۔

دوسری طرف کے پی کےعلاقہ پاراچنار میں چارنوجوانوں کو قتل کردیا گیا ہے ، گورنر خیبرپختونخوا حاجی غلام علی نے پارا چنار میں ٹرکوں سے قومی سطح پر ٹیکس لینے کے سلسلے میں پیدا ہونے والی کشیدہ صورتحال کو فوری کنٹرول کرنے اور امن کا قیام یقینی بنانے کی ہدایت کردی۔

ترجمان گورنر کے پی کی طرف سے جاری اعلامیے کے مطابق حاجی غلام علی نے ضلع کرم کے علاقے پارا چنار میں چار نوجوانوں کی ہلاکت کا نوٹس لیتے ہوئے متعلقہ انتظامیہ سمیت ایف سی اور دیگر قانون نافذ کرنے والے اداروں کو اہم ہدایات جاری کردیں۔گورنر خیبرپختونخوا نے متعلقہ ڈپٹی کمشنر سے رابطہ کیا اور حالات سے مکمل آگاہی حاصل کرتے ہی صورت حال کنٹرول کرنے ہدایات جاری کیں