Baaghi TV

Tag: راولپنڈی

  • دوسری شادی کی خواہش پر بیوی نے شوہر کو قتل کردیا

    دوسری شادی کی خواہش پر بیوی نے شوہر کو قتل کردیا

    راولپنڈی: دوسری شادی کی خواہش پر بیوی نے شوہر کو قتل کردیا اور موقع سے فرار ہوگئی۔

    باغی ٹی وی : پولیس کے مطابق 50 سالہ مقتول ذوالفقار علی دوسری شادی کرنا چاہتا تھا جس پر بیوی روبینہ نے فائرنگ کرکے اسے قتل کردیا اور موقع سے فرار ہوگئی۔

    سی پی او راولپنڈی عمر سعید ملک نے قتل واردات کا نوٹس لیتے ہوئے ایس ایچ او تھانہ صدربیرونی کو فوری ملزمہ کو گرفتار کرنے کا حکم دے دیا۔

    دوسری شادی کی خواہش، بیوی نے شوہر کی انگلیاں توڑ دیں

    قبل ازیں متحدہ عرب امارات (یو اے ای) میں ایک خاتون نے دوسری شادی کی خواہش پر اپنے شوہر کی انگلیاں توڑ دیں تھیں متحدہ عرب امارات کی ریاست الفجیرہ میں میاں بیوی کے درمیان معمولی سے بات پر جھگڑا ہوگیا، دونوں نے ایک دوسرے کو زدوکوب کیا اور مارا پیٹا شوہر نے تھپڑ مارا جس کی وجہ سے اس کی بیوی کی سماعت پر فرق پڑا اور اسے سننے میں مشکلات پیش آنے لگیں اس دوران بیوی نے خود کو کمرے میں بند کرلیا شوہر نے دروازہ توڑنے کی کوشش کی جس پر مشتعل بیوی نے اچانک دروازہ کھول کر شوہر کی انگلیاں پھنسا دی۔

    حسنین شاہ کو کرائے کے قاتلوں کے ذریعے قتل کرائے جانے کا انکشاف

    دروازے میں ہاتھ آنے سے شوہر کی انگلیوں کی ہڈیاں ٹوٹ گئیں اور ایمرجنسی میں اسپتال جانا پڑا اس دوران بیوی تھانے پہنچ گئی اور شوہر کیخلاف مقدمہ درج کرانے کی درخواست کی جس پر پولیس نے بتایا کہ آپ کے شوہر نے پہلے ہی آپ پر مقدمہ کر رکھا ہے وہ اپنے شوہر کے دوسری عورت سے شادی کرنے کے فیصلے اور اسے ازدواجی حقوق دینے سے انکار پر طیش میں آگئی تھی۔

    پولیس نے دونوں کو گرفتار کرکے فیملی کورٹ میں پیش کیا متحدہ عرب امارات کی فوجداری عدالت نے ایک 25 سالہ ایشیائی خاتون کو دوسری عورت سے شادی کرنے کے بارے علم ہونے پر شوہر کی انگلیاں توڑنے کے جرم میں 6 ماہ قید اور ملک بدری کی سزا سنائی –

    گجرات پولیس نے اغوا ہونے والا 2 سال کا بچہ بازیاب کروا لیا:اغوا کار کون؟سُن کرسب…

    اس سے قبل پنجاب کے صوبائی دارالحکومت لاہور میں شوہر نے بیوی پر تیزاب پھینک دیا تھا ڈی آئی جی آپریشنز ڈاکٹر محمد عابد خان نےواقعہ کا نوٹس لیا اور ایس پی سٹی حفیظ الرحمان بگٹی کی قیادت میں شفیق آباد پولیس نے بروقت کاروائی کی، شفیق آباد پولیس نے کاروائی کرتے واقعہ میں ملوث ملزم عاقب کو گرفتار کر لیا .ترجمان پولیس کا کہنا ہے کہ واقعہ گھریلو ناچاقی لڑائی جھگڑا پر پیش آیا,زخمی خاتون کو طبی امداد کے لئے ہسپتال منتقل کیا جو علاج معالجہ کے بعد گھر واپس آ گئی ،ملزم کے خلاف مقدمہ درج کر لیا گیا ہے اور تفتیش جاری ہے، ایس پی سٹی حفیظ الرحمان بگٹی کا کہنا ہے کہ خواتین پر تشدد اور جنسی استحصال کرنے والوں کے خلاف فوری قانونی کاروائی عمل میں لائی جا رہی ہے,

    ہائی کورٹ نے ریپ کیس میں متاثرہ کمسن بچی کا بیان بھی قابل تسلیم گواہی قراردیا

  • اغواء کے بعد قتل ہونے والی وجیہہ سواتی کی میت امریکہ نے منگوالی

    اغواء کے بعد قتل ہونے والی وجیہہ سواتی کی میت امریکہ نے منگوالی

    اسلام آباد:اغواء کے بعد قتل ہونے والی وجیہہ سواتی کی میت امریکہ نے منگوالی اطلاعات کے مطابق راولپنڈی میں اغوا کے بعد قتل ہونے والی پاکستانی نژاد امریکی خاتون وجیہہ سواتی کی میت اسلام آباد ائیرپورٹ سے امریکا روانہ کردی گئی۔

    ذرائع کے مطابق امریکی نژاد پاکستانی خاتون وجیہہ سواتی کی میت اسلام آباد ائیرپورٹ سے غیرملکی پرواز کے ذریعے امریکا روانہ کردی گئی۔ میت کو ہسپتال سےائیرپورٹ پہنچانے کے لئے بھی مریکی سفارت خانے کا عملہ ساتھ گیا۔وجیہہ سواتی کی لاش کی گزشتہ روزراولپنڈی میڈیکل کالج میں بامنگ کی گئی۔ بامنگ کے وقت بھی امریکی سفارتی عملہ ہسپتال میں موجود رہا۔

    وجیہہ سواتی کو اس کے سابق شوہررضوان نے 16 اکتوبرکوقتل کردیا تھا اورلاش لکی مروت کے پیضو میں اپنے ملازم کے گھرمیں دفن کردی تھی۔پولیس تفتیش کے دوران ملزم رضوان نے جائیداد کے معاملے پرمقتولہ سے تنازع کا اعتراف کیا تھا۔پولیس نے وجیہہ سواتی کے قتل کے الزام میں سابق شوہر رضوان سمیت 6 افراد کوگرفتارکیا ہے۔

    یاد رہےکہ پاکستانی نژاد امریکی خاتون وجیہہ سواتی قتل کیس میں گرفتار ملزم رضوان حبیب نے دوران تحقیقات مزید انکشافات کیے ہیں۔

    پاکستانی نژاد امریکی خاتون وجیہہ سواتی کے قتل کیس میں گرفتار ملزم رضوان حبیب نے دوران تفتیش مزید انکشافات کئے ہیں، ملزم نے بتایا کہ والد نے کہا تھا کہ وجیہہ کو قتل کرنے میں صرف 50 ہزار لگیں گے، سابقہ اہلیہ وجہیہ کو تیز دھار آلے سے قتل کیا اور لاش گاڑی کی ڈگی میں ڈال کر منتقل کی۔

    ملزم نے پولیس کو دئیے گئے بیان میں بتایا کہ وجیہہ کی لاش کو گاڑی میں مہارت کے ساتھ چھپا کر خیبرپختونخوا میں ایک قریبی رشتہ دار کے گھر لےگیا اور ان کے کمرے میں تدفین کی۔ملزم نے پولیس کو بتایا کہ قتل کے بعد پولینڈ جاکر پناہ اور شہریت لینےکا منصوبہ بنایا تھا جس کے لیے پاسپورٹ بھی حاصل کرلیا تھا۔

  • وجہیہ سواتی کی لاش کو ٹھکانے لگانے والے بھی سامنے آگئے

    وجہیہ سواتی کی لاش کو ٹھکانے لگانے والے بھی سامنے آگئے

    راولپنڈی:وجہیہ سواتی کی لاش کو ٹھکانے لگانے والے بھی سامنے آگئے ،اطلاعات کے مطابق امریکی خاتون وجیہہ سواتی کی لاش ڈیرہ اسماعیل خان منتقل کرنے والے 3 ملزمان کو پولیس نے گرفتار کرلیاگیا۔

    پولیس کے مطابق پاکستانی نژاد امریکی خاتون وجیہ سواتی کو قتل کرنے والے ملزم متقولہ کے شوہر کی گرفتاری کے بعد اب کیس میں ایک نئی پیش رفت سامنے آئی ہے، پولیس نے وجیہہ سواتی کی لاش کو ٹھکانے لگانے والے مزید 3 ملزمان کو گرفتار کرلیا ہے، اور اب کیس میں مجموعی طور پر ملوث تمام 6 ملزمان گرفتار کئے جاچکے ہیں، جن میں ایک خاتون بھی شامل ہے۔

    پولیس نے امریکی خاتون وجیہ سواتی قتل کیس کے تمام 6 ملزمان مرکزی ملزم متقولہ کا سابق شوہر رضوان حبیب، مقتولہ کا سسر حریت اللہ، ملازمین سلطان خان، ذاہد یوسف، یوسف مسیح اور زاہدہ کو سول ڈیوٹی جج طلعت محمود کی عدالت میں پیش کیا گیا۔

    دوسری طرف پولیس کی تفتیشی ٹیم نے عدالت میں مؤقف پیش کیا کہ ملزمان سے مقتولہ کی نعش ڈی آئی خان منتقل کرنے والی گاڑی برآمد کرنا ہے، جب کہ دیگر چیزیں خصوصاً موبائل فون بھی برآمد کرنے ہیں، عدالت سے ملزمان کے 5 روزہ ریمانڈ کی استدعا ہے۔ عدالت نے ملزمان کا 3 دن کا جسمانی ریمانڈ منظور کرتے ہوئے دوبارہ 4 جنوری کو پیش کرنے کا حکم دے دیا۔

    تفتیشی ٹیم کا کہنا تھا کہ گرفتار ملزمہ زاہدہ وجیہہ سواتی کے قتل کی واردات میں معاونت کرتی رہی، اور ملزمہ زاہدہ کا موبائل فون بھی واردات میں استعمال بھی کیا جاتا رہا، نئے گرفتار تینوں ملزمان نعش ٹھکانے لگانے میں پیش پیش رہے، تینوں ملزمان نے قتل کی اس لرزہ خیز واردات میں اپنے ملوث ہونے کا اعتراف کر لیا ہے۔

    یاد رہے کہ مقتولہ کے شوہر مرکزی ملزم رضوان حبیب کے والد حریت اللہ بنگش نے اپنے بیٹے کے ملازم اور مقدمہ کے شریک ملزم سلطان خان کی والدہ سے دوسری شادی کر رکھی ہے اور ملزموں نے پارہ چنار اور ڈیرہ اسماعیل خان کے درمیان پیزو کے مقام پر سلطان خان کے گھر گڑھا کھود کر مقتولہ کی لاش اس گڑھے میں دبا رکھی تھی جس کے تمام ثبوت موجود ہیں۔ خیال رہے کہ تھانہ مورگاہ پولیس نے وجیہہ سواتی کے اغوا کے الزام میں رواں سال 2 نومبرکو مغویہ کے بیٹے عبداللہ مہدی کی مدعیت میں دفعہ365 کے تحت مقدمہ درج کیا تھا۔

  • Chapters Of Kashmir Sagaکے عنوان پر کشمیر یوتھ الائنس اور جناح کا پاکستان کے اشتراک سے سیشن کا انعقاد

    Chapters Of Kashmir Sagaکے عنوان پر کشمیر یوتھ الائنس اور جناح کا پاکستان کے اشتراک سے سیشن کا انعقاد

    راولپنڈی : کشمیر یوتھ الائنس اور جناح کا پاکستان کے زیر اہتمام راولپنڈی آرٹس کونسل میں مسئلہ کشمیر کو اجاگر کرنے اور اس کے مختلف پہلوئوں سے نوجوانوں کو روشناس کرانے کے حوالے سے سوال و جواب کی نشست منعقد ہوئی جس میں صدر کشمیر یوتھ الائنس ڈاکٹر سید مجاہد گیلانی، ممبر پارلیمانی کمیٹی برائے کشمیر غزالہ سیفی، ہیڈ ایڈوائزری بورڈ پارلیمانی کشمیر کمیٹی پروفیسر ولید رسول اور اویس ربانی نے شرکت کی۔ نوجوانوں نے کشمیر کے حوالے سے پینل سے سوالات کیے جس پر پینل نے تفصیلی جواب دیئے، مقررین کا کہنا تھا کہ بھارتی کے غیر قانونی زیر تسلط کشمیر میں انسانی حقوق کی پامالی، سیاسی قیدیوں کی بدحالی، بھارتی فوج کے جنگی جرائم، بیوائوں کی عصمت دری و بے حرمتی، قتل و غارت گری سمیت کئی اندوہناک داستانیں ہیں جن کا احاطہ ایک نشست میں نہیں کیا جاسکتا، کشمیر میں ہٹلر کے پیروکاروں کا راج ہے جو کسی بھی انسانی رویے سے عاری و خالی ہیں، دہشت اور خوف کے عالم میں مقبوضہ کشمیر کے مسلمان اپنی آزادی کی جدوجہد جاری رکھے ہوئے ہیں، مقررین نے کہا کہ خصوصا 5 اگست کے بعد بھارت نے اپنے غیر قانونی قبضے کو طول دینے اور آزادی کی تحریک کو دبانے کیلئے جو گھنائونی سازشیں کیں وہ تاریخ کے صفحات کا ایک تاریک باب ہیں جس پر انسانیت شرمندہ رہے گی۔ جناح کا پاکستان سے وابستہ نوجوانوں نے تقریب میں اس عزم کا اعادہ کیا کہ ہم قائد اعظم محمد علی جناح کے فرمان کہ کشمیر پاکستان کی شہ رگ ہے پر قائم ہیں اور اپنی شہ رگ کو دشمن کے پنجے سے چھڑانے کیلئے اپنے حصے کی کاوشیں جاری رکھیں گے۔ اس موقع پر کشمیر یوتھ الائنس کے مرکزی سیکرٹری کوآرڈینیشن ڈاکٹر عبداللہ خلیل، مرکزی سیکرٹری اطلاعات نوید احمد، صدر کشمیر یوتھ الائنس اسلام آباد ڈویژن ڈاکٹر عامر زادہ، چوہدری آصف سیف، عمر ہمدانی، خنیس الرحمن بھی موجود تھے۔

  • راولپنڈی:شادی کی تقریب میں ہوائی فائرنگ، یوسی وائس چئیرمین جاں بحق

    راولپنڈی:شادی کی تقریب میں ہوائی فائرنگ، یوسی وائس چئیرمین جاں بحق

    راولپنڈی: تھانہ پیر ودہائی کے علاقے ضیاء الحق کالونی میں شادی کی تقریب میں ہوائی فائرنگ سے یوسی 9 کا وائس چئیرمین جاں بحق ہوگیا۔

    باغی ٹی وی : تفصیلات کے مطابق پولیس کا کہنا ہے کہ گزشتہ رات ضیاء الحق کالونی میں ظہور کی شادی میں ہوائی فائرنگ کی گئی ایک گولی یونین کونسل کے وائس چئیرمین محمد نعیم خان کو لگی جس کو شدید زخمی حالت میں ہولی فیملی ہسپتال منتقل کیا گیا جہاں وہ دوران علاج دم توڑ گیا۔

    پولیس نے دولہے کے خلاف مقدمہ درج کرکے ملزمان کی گرفتاری شروع کردیا ہے-

    فیس بُک پر دوستی ، نوجوان سلاخوں کے پیچھے پہنچ گیا

    پولیس ترجمان کے مطابق سی پی او ساجد کیانی نے فائرنگ کا نوٹس لیتے ہوئے ایس ایچ او تھانہ پیرودہائی کو معطل کرکے تبدیل کردیا، سی پی او نے ایس پی راول ڈویژن کو ملزمان کو جلد گرفتار کرنے کی ہدایت کردی۔

    دوسری جانب پشاور میں تھانہ تجوڑی کی حدود میں اسکول میں فائرنگ سے استاد جاں بحق اور دو افراد زخمی ہوگئے ریسکیو ذرائع کے مطابق لکی مروت کے علاقے تھانہ تجوڑی کی میں واقع ایک گورنمنٹ اسکول میں فائرنگ سے ایک استاد جاں بحق اور دو افراد زخمی ہوگئے۔

    فائرنگ کا واقعہ گورنمنٹ پرائمری اسکول نمبر 2 میں پیش آیا، جہاں نامعلوم افراد نے اندھا دھند فائرنگ کردی، فائرنگ کی زد میں آکر اسکول میں تعینات ایک استاد موقع پر ہی دم توڑ گیا، جب کہ دو افراد کے زخمی ہونے کی اطلاع ہے۔ فائرنگ کی آواز سنتے ہی اسکول میں بھگدڑ مچ گئی، اور بچے چیخ وپکار کرتے ہوئے اسکول سے باہر آگئے، تاہم فائرنگ کرنے والے ملزمان موقع سے فرار ہوگئے۔

    پختون ہیرو عجب آفریدی کا مجسمہ توڑدیا گیا

    پولیس حکام کا کہنا ہے کہ واقعے کی اطلاع ملتے ہی پولیس کی بھاری نفری متعلقہ اسکول پہنچ گئی اور علاقے کو گھیرے میں لے لیا گیا، جب کہ لاش اور زخمیوں کو اسپتال منتقل کردیا گیا ہے۔ جائے وقوعہ سے شواہد اکٹھے کرکے تحقیقات شروع کردی گئی ہیں۔

    ادھرکراچی میں گلستان جوہر میں سالے نے جھگڑے کے دوران بہنوئی کو گولی مار کر ہلاک کردیا پولیس نے ملزم کو گرفتار کرکے آلہ قتل پستول برآمد کرلیا۔

    کرکٹر یاسر شاہ 14 سالہ لڑکی کے ساتھ ریپ کیس میں نامزد

    گلستان جوہر بلاک 8 میں واقع مکان نمبرA70 کے اندر جھگڑے کے دوران فائرنگ سے ایک شخص ہلاک ہوگیا قتل کی واردات کی اطلاع پر پولیس موقع پر پہنچی تو گھر والوں نے ملزم کو پکڑا ہوا تھا، تاہم پولیس نے ملزم کو گرفتارکرکے اس کے قبضے سے آلہ قتل پستول اپنی تحویل میں لیا اور لاش پوسٹ مارٹم کی کارروائی کیلئے عباسی شہید اسپتال منتقل کی۔

    پولیس کے مطابق مقتول کی شناخت 35 سالہ اسلم ولد پرویز کے نام سے ہوئی اور اسکا اپنے سالے فرحان سے جھگڑا ہوا تھا جس پر فرحان نے طیش میں آکر فائرنگ کردی جو بہنوئی کیلئے جان لیوا ثابت ہوئی مقتول دوسری شادی کرنا چاہتا تھا اور اس پر ان کے درمیان رنجشیں تھیں اور اسی سلسلے میں وہ لوگ گھر پر بات کررہے تھے کہ یہ واقعہ رونما ہوا۔ تاہم پولیس واقعے کی مزید چھان بین کررہی ہے ۔

    بحریہ انکلیو میں گولیاں چل گئیں، سیکورٹی گارڈ جاں بحق

  • کہیں بارش اور کہیں برفباری،بالائی علاقو ں میں پہاڑوں نے سفید چادر اوڑھ لی

    کہیں بارش اور کہیں برفباری،بالائی علاقو ں میں پہاڑوں نے سفید چادر اوڑھ لی

    ملک کے بالائی علاقوں میں کہیں بارش اور کہیں برفباری سے سردی کی شدت میں اضافہ ہوگیا۔

    باغی ٹی وی : تفصیلات کے مطابق بالاکوٹ کی پوری تحصیل اور گردو نواح میں بارش اور پہاڑی مقامات پر برفباری سے سردی کی شدت میں اضافہ ہو گیا ہے شدید سردی کے باعث لوگ گھروں تک محدود ہو گئے ہیں بارش ہوتے ہی ایندھن اور گرم ملبوسات کی قیمتیں بھی آسمان کو چھونے لگی ہیں۔

    گلگت بلتستان میں برف باری کی وجہ سے رابطہ سڑکیں بند

    وادی کاغان، ناران ، شوگراں، سری پایہ اور بابو سر ٹاپ پر برفباری نے ہر چیز کو ڈھک لیا ہے کوہ مکڑا ، موسیٰ کا مصلی، بٹہ کنڈی ، بوڑا وئی میں برفباری سے موسم شدید سردہو گیا ہے۔

    پاکستان میں گلیشیئر پگھلنے سے بننے والی جھیلوں میں گزشتہ تین برس میں غیرمعمولی اضافہ

    محکمہ موسمیات کا کہنا ہے کہ اسلام آباد اور خطہ پوٹھوہار میں رات کے وقت بوندا باندی کا امکان ہے۔ کل بھی موسم ابر آلود رہے گا اور سرد ہواوں کی شدت میں اضافہ ہوگا۔

    محکمہ موسمیات نے کل بھی بالائی خیبر پختونخوا، گلگت بلتستان اور ملحقہ پہاڑی علاقوں میں ہلکی بارش اور پہاڑوں پر برفباری کی پیشگوئی کی ہے۔

    دیوسائی ،غذر ، کشمیر، گلگت بلتستان میں موسم سرما کی پہلی برف باری

    گلگت بلتستان کی جنگ آزادی اپنی نوع میں ایک منفرد جدوجہد تھی بلاول بھٹو زرداری

    قوم کی بیٹی نے منفرد انداز میں کے ٹو سر کر کے ورلڈ ریکارڈ قائم کردیا

  • پنجاب پولیس زندہ باد :کمرہ عدالت سے گرفتار نجی ہاؤسنگ سوسائٹی کا مالک ساتھیوں سمیت فرار

    پنجاب پولیس زندہ باد :کمرہ عدالت سے گرفتار نجی ہاؤسنگ سوسائٹی کا مالک ساتھیوں سمیت فرار

    راولپنڈی : پنجاب پولیس زندہ باد :کمرہ عدالت سے گرفتار نجی ہاؤسنگ سوسائٹی کا مالک ساتھیوں سمیت فرار ،اطلاعات کے مطابق کمرہ عدالت سے گرفتار نجی ہاؤسنگ سوسائٹی کے مالک ندیم اعجاز کو ساتھی پولیس حراست سے چھڑا کر لے گئے، ملزم کو عبوری ضمانت خارج ہونے پر عدالت نے گرفتار کرنے کا حکم دیا تھا،عدالتی حکم پر پولیس اہلکاروں نے ملزم کو ہائی کورٹ سے گرفتار کیا تھا۔ملزم ندیم اعجاز کے مسلح گارڈز نے ہائی کورٹ کے باہر سے پولیس حراست سے ملزم کو فرار کرایا۔

    ایس ایس پی آپریشنز نے کہا کہ ملزم کی گرفتاری کے لیے پولیس کی ٹیمیں روانہ کردی گی، ملزم کے ساتھیوں کے خلاف تھانہ ائیرپورٹ میں ایف آئی آر درج کی جارہی ہے، ملزم ندیم اعجاز کو اغوا کے مقدمہ میں جسٹس صداقت عباسی کی عدالت سے ضمانت خارج ہونے پر گرفتار کیا تھا۔

    دوسری جانب نجی ہاوسنگ سوسائٹی کے ڈائریکٹر ندیم اعجاز کی ضمانت خارج ہونے پر ہائی کورٹ سے فرار ہونے کے واقعہ پر سی پی او راولپنڈی اطہر اسماعیل نے نوٹس لیتے ہوئے ایس پی صدر کو 24گھنٹے میں ملزمان گرفتارکرنے کا حکم دے دیا، ملزم ندیم اعجاز کیخلاف تھانہ چونترہ میں مقدمہ نمبر50/21بجرم34-1/Bپنجاب ڈویلپمنٹ آف سٹی ایکٹ کے تحت درج تھا۔

    یہ بھی بتایا گیا ہے کہ مذکورہ ملزم 30نومبر 2021تک ہائی کورٹ سے عبوری ضمانت پرتھا جس کی عبوری ضمانت خارج ہونے پر معزز عدالت نے گرفتاری کا حکم دیا، ملزم ندیم اعجاز نے گرفتاری سے بچنے کے لیے اپنے ساتھیوں سمیت فرار ہوگیا۔ ملزم ندیم اعجازاور اسکے ساتھیوں کے خلاف تھانہ ائیر پورٹ میں مقدمہ درج کردیا گیا۔

     

     

  • راولپنڈی وومن یونیورسٹی میں بی ایس میڈیا اسٹڈیز کے طا لبات نے اپنے مقالوں کا کامیابی سے دفاع کیا ,ڈاکٹر راشد

    راولپنڈی وومن یونیورسٹی میں بی ایس میڈیا اسٹڈیز کے طا لبات نے اپنے مقالوں کا کامیابی سے دفاع کیا ,ڈاکٹر راشد

    راولپنڈی:یونیورسٹی آف گجرات راولپنڈی کیمپس میں بی ایس میڈیا اسٹڈیزکے طالبات کے وائیوا کا انعقاد ہوا۔ آن لائن وائیوا میں اساتذہ، سپروائزرز ،ایگزامنر اور طالبات شریک ہوئیں ۔ طالبات نے ریسرچ سپروائزرز نسیم خٹک، غلام معاذ ، حرا، اور ریحانہ کی زیر نگرانی بنائے گئے اپنے اپنے ریسرچ پراجیکٹس کا دفاع کامیابی سے کیا۔ جسے ہیڈ آف ڈیپارٹمنٹ ڈاکٹر آسمہ ظہور اور ایگزامینر ڈاکٹر ارشد علی نے خو ب سراہا ۔ اس موقع پر ڈاکٹر ارشد علی نے کہا کہ ڈیپارٹمنٹ ہذاکی ترقی کا سہرا ہیڈ آف ڈیپارٹمنٹ ڈاکٹر آسمہ ظہور کے سر جاتا ہے، جنہوں نے اپنی انتھک کوششوں سے اس شعبہ کو اس مقام پر لاکھڑا کیا۔ انہوں نے کہا کہ آج یہاں طالبات کی محنت سے بنائے گئے پراجیکٹس دیکھ کر انتہائی خوشی ہوئی یہ طالبات مستقبل میں ملک و قوم کا نام روشن کرنے میں اپنا کردار کرینگی ۔ اس موقع پر ہیڈ آف ڈیپارٹمنٹ ڈاکٹر آسمہ ظہور نےخوشی کا اظہار کرتے ہوئے کہا کہ طالبات کی دن رات انتھک محنت موجودہ وباء کی صورتحال کے تناظر میں اس کامیابی کو حقیقت میں ہوا کا تازہ جھونکا قرار دیا جائے تو بےجا نہ ہوگا ۔انہوں نے کہا کہ ان منفرد اوقات میں ہمارے طالبات کو غیر یقینی صورتحال کا سامنا کرنا پڑا ہے لیکن ہم ان کی محنت وعظمت اور لگن پر ناقابل یقین حد تک فخر محسوس کرتے ہیں۔ مجھے خوشی ہوئی ہے کہ ان کی محنت کو حیرت انگیز نتائج کی صورت میں رزلٹ ملا ہے، ان کا یہ بھی کہنا تھا کہ میں اس حوالے سے کوئی عار محسوس نہیں کرتی بلکہ مجھے خوشی اس بات کی بھی ہے کہ ہمارےطالبات نے اپنی منزل پانے کیلئے میڈیا کی تعلیم حاصل کرنے کیلئے جس طرح دن رات ایک کرکے اپنی پڑھائی کا سفر جاری رکھا اس پر یقیناً وہ مبارکباد کے مستحق ہیں۔انہوں نے سپروائزرز غلام معاذ، نسیم خٹک، حرا شفیق، اور ڈاکٹر ریحانہ کو بھی خوب داد دی جن کی محنت اور طالبات کیساتھ محبت کی بدولت آج وہ اس مقام پر پہنچی ہے ۔ ڈاکٹر آسمہ ظہور نے اس عزم کا اعادہ کیا کہ ان کے طالبات مستقبل میں اسی طرح محنت جاری رکھتے ہوئے نہ صرف راولپنڈی وومن یونیورسٹی بلکہ ملک و قوم کا نام روشن کرنے کیلئے بھی کسی قربانی دینے سے دریغ نہیں کرینگے ۔سپروائزرز نسیم خٹک، ڈاکٹر ریحانہ و دیگر کا کہنا تھا کہ طالبات کی انتھک محنت و لگن سے آج وہ اس بڑی کامیابی سے ہمکنار ہوئے جو کہ پو رے ملک میں مختلف شعبوں میں اپنا نام پیدا کر کے ملک و قوم کی خدمات اور پاکستان کی ترقی میں اپنا کردار ادا کریں گے ۔ اس دوران فارغ التحصیل طالبات نے اپنی کامیابی کو اساتذہ اور اپنی دن رات کی محنت اور والدین کی دعاوں کا نتیجہ قرار دیا۔

  • راولپنڈی کنٹونمنٹ وارڈ 2 کا الیکشن ملتوی کردیا گیا

    راولپنڈی کنٹونمنٹ وارڈ 2 کا الیکشن ملتوی کردیا گیا

    راولپنڈی: کنٹونمنٹ بورڈ راولپنڈی وارڈنمبر 2کا الیکشن ملتوی کردیا گیا، آزاد امیدوارثمینہ کوثر کے انتقال کےباعث الیکشن ملتوی کر دیا گیا،باغی ٹی وی کے مطابق سیکرٹری راولپنڈی الیکشن کمیشن قیصر محمود نے کہا کہ آمدہ اطلاع کے مطابق وارڈ 2 کی امیدوار ثمینہ کوثر جن کا انتخابی نشان کھڑکی تھا کا انتقال ہوگیا، جس کے باعث کنٹونمنٹ وارڈ 2 کا الیکشن ملتوی کر دیا گیا ہے ،قیصر محمود نے کہا کہ اگلے 60 دن کے بعد یا جب الیکشن کمیشن شیڈول جاری کرے گاالیکشن ہوں گے۔یاد رہے ثمینہ کوثر پاکستان تحریک انصاف سے وابستہ تھیں لیکن ٹکٹ نہ ملنے کے باعث انہوں نے بطور آزاد امیدوارالیکشن لڑنے کا فیصلہ کیا ، باغی ٹی وی کے ذرائع کے مطابق ثمینہ کوثر نے کاغذات نامزدگی واپس کروانے تھے لیکن راولپنڈی کنٹونمنٹ ہسپتال میں زیر علاج ہونے کے باعث کاغذات واپس نہیں کر پائیں۔

  • ٹریفک کی روانی کویقینی بنایا جائے، شہری ٹریفک سٹاف سے تعاون کریں، سی ٹی او راولپنڈی

    ٹریفک کی روانی کویقینی بنایا جائے، شہری ٹریفک سٹاف سے تعاون کریں، سی ٹی او راولپنڈی

    راولپنڈی میں چیف ٹریفک آفیسر راولپنڈی نےفیض آباد، مری روڈ اور راول روڈ پر ٹریفک ڈیوٹی کا جائزہ لیا- سی ٹی او راولپنڈی رائے مظہر اقبال کا کہنا تھا کہ نوپارکنگ ایریا میں کھڑی گاڑیاں کو فوری طور پر ہٹائے جانے کے احکامات جاری کیے ۔

    ٹریفک وارڈن شہر میں ٹریفک کی روانی کوبرقرار رکھنے کے لیے محنت اور جانفشانی سے کام کریں ۔ ٹریفک کی روانی کے معاملے میں ٹریفک وارڈن کی طرف سے کسی قسم کی کوتاہی برداشت نہیں کی جائے گی۔ اگر کسی سرکل میں ٹریفک رکاوٹ دیکھنے میں آئی تو متعلقہ سرکل اور سیکٹر انچارج ذمہ دار ہوں گے۔ ٹریفک کے بہاﺅ کی بلا رکاوٹ روانی اور شہریوں کو ہر ممکن سہولیات فراہم کی جائیں۔ شہری ٹریفک سٹاف سے تعاون کریں اورگاڑی کومناسب جگہ پر پارک کریں۔