Tag: راولپنڈی

راولپنڈی :سٹی پولیس آفیسر راولپنڈی ڈی آئی جی محمد فیصل رانا نے کہا ہے کہ معزز ممبران پارلیمینٹ قانون بنانے والے ہیں لہٰذا قانون بنانے والے سے زیادہ قانون کو فالو کرنے والا کوئی نہیں ہوتا، ممبران پارلیمینٹ کی کمیونٹی پولیسنگ کے فروغ،قانون کی بالادستی اور قانون کی طاقت سے کریمنلز کو قانون کے شکنجے میں لانے کے لئے جو قابل عمل تجاویز راولپنڈی پولیس کو دی جائیں گی ان پر فوری عمل کیا جائے گا راولپنڈی پولیس ممبران پارلیمینٹ کے استحقاقات کا مکمل خیال رکھتے ہوئے ان کے تمام عوامی نوعیت کے کام میرٹ اورقانون کے مطابق ترجیحی بنیادوں پر کرے گی،ممبران پارلیمینٹ کریمنلز سے مکس اپ پولیس میں موجود کالی بھیڑوں کی نشان دہی کریں غیر جانبدارانہ تحقیقات کے بعد اگر پولیس آفیسر یا ملازم کریمنلز کا کسی بھی حوالے سے سہولت کار ثابت ہوا تو اسے ملازمت سے برخاست کر دیا جائے گا،ان خیالات کا اظہار انہوں نے اپنے دفتر میں ممبران پارلیمینٹ کے ساتھ ہونے والی میٹنگ سے خطاب کرتے ہوئے کیا،میٹنگ میں ممبر قومی اسمبلی شیخ راشد شفیق،ممبران پنجاب اسمبلی شفیق خاں،تیمور مسعود،حاجی امجد،عمر تنویر بٹ،راجہ صغیر،میجر (ر) لطاسب ستی،چودھری ساجد اور چودھری جاوید کوثر نے شرکت کی،اجلاس میں ایس پی راول،ایس پی صدر اور ایس پی پوٹھو ہار بھی موجود تھے،اجلاس میں ممبران پارلیمینٹ نے سی پی او محمد فیصل رانا کی کمانڈ میں راولپنڈی پولیس کے ان اقدامات کو سراہا جو یہاں پر قبضہ مافیا،منشیات فروشوں اور مختلف نوعیت کے قانون شکنوں کے خلاف اٹھائے گئے،ممبران پارلیمینٹ نے سی پی او کی طرف سے کھلی کچہریوں کے انعقاد کو خوش آئند اور انقلابی قدم قرار دیتے ہوئے کہا کہ اس طرح کی کچہریوں سے راولپنڈی پولیس اور یہاں کی عوام کے مابین پائی جانے والی خلیج کم ہو گی یہاں کی قانون پسند عوام کے ساتھ راولپنڈی پولیس کی وہ فرینڈلی اور کمیونٹی پولیسنگ ہو گی جس کی مثال پورے پاکستان اور پنجاب میں دی جائے گی کیوں کہ ہماری اطلاعات کے مطابق فیصل رانا ایک پروفیشنل اور قانون کی بالادستی کے لئے ہر قسم کے دباؤ کا سامنا کرنے والے ایسے پولیس آفیسر ہیں جن کی تعیناتی یہاں کی عوام کے لئے جرائم کے خاتمے اور قانون کی بالادستی کے حوالے سے ایک یادگار دور ثابت ہو گی،اجلاس میں ممبران پارلیمینٹ کی طرف سے جن مسائل کی نشان دہی کی گئی سی پی او نے قانون کے مطابق فوری احکامات جاری کئے،سی پی او نے واضح اور دو ٹوک انداز میں کہا کہ شادی بیاہوں اور دیگر تقریبات میں ہوائی فائرنگ کی مکمل ممانعت ہے اس طرح کے واقعات ہوئے تو دولہا،شادی اور تقریبات کی انتظامیہ کے خلاف مقدمات درج ہوں گے جبکہ غفلت اور کوتاہی پر پولیس افسران کے خلاف بھی قانون کے مطابق کارروائی ہو گی جو محکمانہ احتساب کے علاوہ فوجداری مقدمات کا اندراج بھی ہو سکتا ہے،سی پی او نے ممبران پارلیمینٹ کو مخاطب کرتے ہوئے کہا کہ آپکا اور ہمارا مقصد ایک ہی ہے ہم نے وزیر اعلیٰ پنجاب کے قانون کی بالادستی والے ویژن کے تحت راولپنڈی کی عوام کو کرائم فری ماحول فراہم کرنا ہے،انہوں نے کہا کہ خدا کا شکرہے راولپنڈی کے تمام مبران پارلیمینٹ قانون اور میرٹ پسند ہیں،پولیس اور ممبران پارلیمینٹ کا اشتراک یہاں کی عوام کو ایسا پر امن ماحول دستیاب ہو گا جس میں قانون کی بالادستی ہو گی قانون ہی سب سے طاقتور ہو گا،عام آدمی اور طاقتور کے لئے یکساں قانون ہو گا ویسے میری پولیس سروس میں صرف قانون ہی طاقتور ہے جن معاشروں میں قانون طاقتور ہو وہاں قانون شکن کمزور جبکہ قانون پسند عوام سب سے طاقتور ہوتے ہیں۔

راولپنڈی :بحریہ ٹاون فیز 8 گھروں میں نقب زنی اور چوری کی وارداتیں کرنے والے دو ملزمان کو گرفتار کر لیا گیا,ملزمان سے دوران نقب زنی چوری کی گئی رقم 5 لاکھ روپے برآمد,تفصیلات کے مطابق تھانہ روات کے علاقے بحریہ ٹاون فیز 8 میں نقب زنی اور چوری کی وارداتوں کے انسداد کے لیے سٹی پولیس آفیسر راولپنڈی کپٹین (ر) محمد فیصل رانا نے ایس پی صدر ڈویژن رائے مظہر اقبال کو خصوصی ٹاسک دیا ۔ ایس پی صدر ڈویژن نے ایس ڈی پی او صدر سرکل فرحان اسلم، ایس ایچ او روات راجہ سلیم اور محمد اکرم ایس آئی پر مشتمل خصوصی ٹیم تشکیل دی۔ مزید ایس پی صدر ڈویژن نے نقب زنی ،چوری و دیگر واردات کے روک تھام کے لیے بحریہ ٹاون کے مختلف علاقوں میں گشت اور پکٹنگ کے نظام کو مزید موثر بنانے کی ہدایات جاری کیں جس پر شب روز محنت کر کے ایس ایچ او روات اور اس کی ٹیم نے نقب زنی اور چوری کرنے والے دو ملزمان محمد طارق ولد محمد یسین سکنہ ٹوبہ ٹیک سنگھ اور محمد عامر ولد محمد بشیر سکنہ چاکرہ کو حسب ضابطہ گرفتار کر لیا۔ ملزمان سے دوران نقب زنی چوری کی گئی رقم 500000 لاکھ روپے برآمد کر لی گئی ۔روات پولیس کی ملزمان سے مزید تفتیش جاری ہے جس میں مفید طلب انکشافات متوقع ہیں۔

راولپنڈی :سٹی پولیس آفیسر ڈی آئی جی محمد فیصل رانا نے محرم الحرام کے لئے سیکورٹی پلان بنانے کا حکم دیتے ہوئے کہا ہے کہ مذہبی تقریبات میں معمولی سی قانون شکنی بھی ناقابل برداشت ہے،وفاقی دار الحکومت کے ساتھ جڑواں شہر ہونے کی وجہ سے راولپنڈی کی بہت حساسیت ہے،ماضی میں یوم عاشور جو ناخوشگوار واقعہ پیش آیا ہم اس طرح کے واقعہ کو سوچنے کے بھی متحمل نہیں،ایس ایچ اوز،ڈی ایس پیز اور ایس پیز امن کمیٹی سمیت قانون پسند سماجی،تجارتی اور صاحب الرائے حلقوں سے مشاورت کرکے سیکورٹی برانچ کو محرم پلان کے لئے تجاویز بھجوائیں،ان کی روشنی میں حتمی سیکورٹی پلان ترتیب دیا جائے گا،ان خیالات کا اظہار انہوں نے پولیس افسران کے ایک اعلیٰ سطحی اجلاس سے خطاب کرتے ہوئے کیا،سی پی او فیصل رانا نے کہا کہ مذہبی،فرقہ وارانہ اور مسلکی شر ا نگیزی محض شر انگیزی نہیں ہوتی بلکہ بدتمیزیوں اور قانون شکنیوں کا وہ طوفان ہوتا ہے جو خدا نخواستہ آ جائے تو وہ سارے معاشرے کو اپنی لپیٹ میں لے کر تباہی کرتا ہے،پولیس نے قانون نافذ کرنے والے دیگر اداروں کے ساتھ مل کر ایسی حکمت عملی اختیار کرنی ہے کہ جو بھی حالات ہوں فرقہ وارانہ اور مسلکی شرانگیزی کی چنگاری کو نہ صرف سلگنے سے پہلے بجھانا ہے بلکہ سلگانے والوں کو جیل بھجوا کر نشان عبرت بنانا ہے،انہوں نے کہا کہ ”اپنے عقیدے کو چھوڑو نہیں،کسی کے عقیدے کو چھیڑو نہیں“ کا فارمولہ پرہرمکتب فکر کو ہر حال میں عمل کرنا ہو گا،انہوں نے دو ٹوک انداز میں کہا کہ نفرت آمیز تقاریر،شر انگیزی والے لٹریچر اور اکسانے والے نعروں پر مبنی وال چاکنگ کسی بھی صورت قابل برداشت نہیں،وزارت داخلہ نے جن تنظیموں کو کالعدم قرار دیا ہے وہ کسی بھی عنوان سے کوئی بھی سرگرمی نہیں کر سکتیں،فورتھ شیڈول میں شامل افراد اگر کسی بھی عنوان سے کوئی سرگرمی کریں گے یا اپنے مسکن سے غائب ہوں گے تو ان کے خلاف دہشت گردی ایکٹ کے مقدمات درج ہوں گے،سی پی او نے کہا کہ مذہبی جلوسوں کے حوالے سے واضح احکامات ہیں کہ روائتی اور لائسنسی جلوسوں کے علاوہ کوئی جلوس نکل نہیں سکے گا،روائتی اور لائسنسی جلوس اپنے روٹ سے ایک انچ ادھر ادھر نہیں ہو سکیں گے،مقر رہ وقت سے پہلے نہ کوئی جلوس نکل سکے گا اور نہ ہی مقررہ وقت کے بعد ایک سیکنڈ بھی جاری رہ سکے گاجبکہ لاؤڈ سپیکر کے استعمال پر پابندی سمیت نیشنل ایکشن پلان کی ایک ایک شق پر سختی اور قانون کی طاقت سے عمل کروایا جائے گاسی پی او نے کہا کہ محرم سے2ماہ قبل اسی لئے سیکورٹی پلان کی ایکسرسائیز شروع کی گئی ہے کہ اس میں امن کمیٹی سمیت تمام طبقات کی مثبت تجاویز کو شامل کر کے ایساسیکورٹی پلان ترتیب دیا جائے جس پر تمام مکاتب فکر اور راولپنڈی ضلع کے تمام حلقوں کو اطمینان ہو کیوں کہ راولپنڈی پولیس نے کمیونٹی پولیسنگ کے ذریعے خدا کے فضل و کرم سے اس سال محرم الحرام کے پروگراموں کوتاریخی حوالے سے پرامن طور پر ہر حوالے سے قانون کے دائرے میں مکمل کروانا ہے،سی پی او نے کہا تھانوں سے لے کر ضلع کی سطح تک امن کمیٹیوں کو فعال کیا جائے اگر اس میں ردو بدل ناگیز ہو تو متعلقہ اتھارٹیز کو تجاویز دی جائیں تاکہ قانون اور ضابطے کے تحت از سر نو مربوط حکمت عملی ترتیب دی جا سکے،سی پی او نے کہا کہ ایس ایچ او ز،ڈی ایس پیز اور ایس پیز کی طرف سے امن کمیٹیوں کے اجلاس مکمل ہونے کے بعد میں خود بھی امن کمیٹی کے معززقانون پسند مذہبی سماجی راہنماؤں سے ملوں گا ان کا کہنا تھا کہ اس تجویز پر بھی غور کیا جا رہا ہے کہ امن کمیٹی کے اجلاس کو ماہانہ بنیادوں پر باقاعدہ کیا جائے تاکہ مذہبی رواداری اور ہم آہنگی اس قدر فروغ پائے کہ لوگ راولپنڈی ضلع کی مثال دیا کریں،سی پی او نے کہا کہ اس نیک کام کے لئے پولیس کو جو بھی وسائل درکار ہوں گی وہ ون ونڈو آپریشن کے تحت فوری طور پر میں خود مہیا کروں گا۔

راولپنڈی: سٹی پولیس آفیسر ڈی آئی جی محمد فیصل رانا نے ائیر پورٹ،ریلوے اسٹیشن سمیت حساس مقامات پر پولیس سیکورٹی مذید سخت کرنے کے احکامات دے دئیے،اقلیتوں کی عباد ت گاہوں پر سیکورٹی کو روزانہ کی بنیاد پر چیک کیا جائے،جن مقامات پر سیکورٹی کے ایس او پیز کے تحت سی سی ٹی وی کیمرے لگے ہیں ان کے فنگشنل ہونے کو یقینی بنایا جائے،جو پولیس افسران سیکورٹی معاملات کی چیکنگ عملی طور پر کرنے کی بجائے کاغذوں میں کریں گے انہیں قانون کے مطابق محکمانہ احتسابی کارروائی کے بعد برخاستگی کا کاغذ تھما کر گھر بھیج دیا جائے گا،ان خیالات کا اظہار انہوں نے سی پی او آفس میں سیکورٹی معاملات کے حوالے سے بلائے گئے پولیس افسران کے اجلاس سے خطاب کرتے ہوئے کیا جس میں ایس ایس پی،ایس پیز اور ڈی ایس پیز سمیت متعلقہ پولیس افسران کی بڑی تعداد نے شرکت کی،سی پی او فیصل رانا نے کہا کہ ائیر پورٹ،ریلوے اسٹیشن،عوامی پارکس،ٹرانسپورٹ کے اڈے اور اس جیسے کئی مقامات ایسے ہیں جہاں پر عوام کی آمد و رفت راؤنڈ دی کلاک24/7ہوتی رہتی ہے،جن مقامات کی اندرونی سیکورٹی پولیس کی بجائے متعلقہ اداروں کے پاس ہے ان مقامات کی بیرونی سیکورٹی کی ذمہ دار تو پولیس ہی ہے،ایئر پورٹ کے باہر پولیس کو سیکورٹی کے ایسے انتظامات کرنا ہوں گے کہ اندر جانے والے مسافر کے پا س کوئی ایسی چیز نہ ہو جو قانون شکنی یا سنگین واردات کے وقوع پذیر ہونے کا باعث بن سکتی ہو،انہوں نے کہا کہ ائیر پورٹ،ریلوے اسٹیشن سمیت اس جیسے پبلک مقامات پر سیکورٹی کا متعلقہ ایس پی اپنے ایس ڈی پی او ز اور ایس ایچ اوز کے ساتھ مل کر از سر نو جائزہ لے،سیکورٹی کے حوالے سے پولیس کو جن وسائل کی ضرورت ہو گی میں مہیا کروں گا،انہوں نے کہا کہ سی سی ٹی کیمرہ جات ایسی ٹیکنالوجی ہے خدانخواستہ کسی سنگین واردات ہونے کی صورت میں وہاں سے کئی ایسے شواہد مل جاتے ہیں جو واردات کو فوری طور پر ٹریس کرنے میں ممد معاون ہو تے ہیں ضرورت اس امر کی ہے ان کیمروں کو 24/7فنگشنل رکھا جائے،پولیس روزانہ کی بنیاد پر ان کیمروں کے فنگشنل ہونے کو چیک کرے،بینکوں اور مالیاتی اداروں میں سی سی ٹی کیمروں کا فریش اور فنگشنل رہنا اور بھی ناگزیر ہو،پولیس افسران کان کھول کر سن لیں کہ بینکوں میں کسی قسم کی ڈکیتی یا چھینا چھپٹی کی واردات ناقابل برداشت ہے پولیس ایسے انتظامات کرے کہ کسی کو مالیاتی اداروں میں بدنیتی کے ساتھ داخل ہونے کی ہمت نہ ہو،سی پی او نے کہا کہ اقلیتوں کی عبادت گاہوں کا تحفظ ہماری اولین ذمہ داری ہے،ایس پیز،ڈی ایس پیز اور ایس ایچ اوز مسیحی برادری کے چرچز سمیت تمام اقلیتوں کی عبادت گاہوں میں سیکورٹی چیکنگ کو معمول بنا لیں بالخصوص جن ایام اور اوقات میں ان عبادت گاہوں میں اقلیتی برادری اپنی عبادات کے لئے آئے یہاں پرایسے فول پروف سیکورٹی انتظامات ہوں کہ اقلیتی برادری اس سے مطمئن ہو،سی پی او نے کہا کہ مشاہدے میں آیا ہے کہ پولیس افسران سیکورٹی چیکنگ عملی طور پر نہیں کرتے بلکہ کاغذوں میں سیکورٹی چیکنگ کرتے ہیں،میں خود تمام مقامات کی سیکورٹی چیکنگ کروں گا اگر عملی طور پر چیکنگ نہ پائی گئی تو قانون کے مطابق محکمانہ احتسابی عمل کے بعدذمہ داروں کو برخاستگی کا کاغذ تھما کر گھر بھیج دیا جائے گا۔

راولپنڈی :وزیر اعظم عمران خان نے سر سید ایکسپریس کے افتتاح کے موقع پر کہا کہ میں شیخ رشید ان کی ٹیم اور سر سید ایکسپریس کے پیچھے لوگوں کا مشکور ہوں اور شیخ صاحب نے جو میانوالی سے لاہور ایک لمبا سفر ہے ٹرین کا آغاز کیا میں ان کا مشکور ہیں انہوں نے کہا کہ شیخ صاحب نے کہا کہ ریلوے کے اوپر 36 ارب کا خسارا تھا ہم ہر مشکلات کے باوجود 32 ارب پر لے کر آئے اگر سب دیانتداری سے کام کرتے تو اس وقت کامیاب ہوتے انہوں نے کہا کہ ہر شعبے میں خسارہ کے پیچھے کرپشن ہے انہوں نے کہا ملک کرپشن کی وجہ سے غریب ہوتا ہے اور یہ غریب کو غریب چھوٹے سے طبقے کو بھی غریب کردیتی ہے انہوں نے کہا کہ یہ جو حالات ہیں دس سال میں پاکستان کا قرضہ تیس ہزار پر لے گئے تھے انہوں نے کہا کہ دس سالوں میں شریف اور زرداری خاندان کے لوگ اپنے بچوں کے لیے پیسہ جمع کررہے تھے اور جب ہم ان کا پیچھا کریں تو کہتے ہیں کہ انتقامی کارروائی اور جب میں نے پانامہ کی بات کہ تو انہوں نے مجھ پر کیسز شروع کئے اس کو انتقامی کارروائی کہتے انہوں نے کہا جمہوریت میں لیڈر جواب دہ ہوتا ہے میں لندن نہیں بھاگا اور ہر کیس کا سپریم کورٹ کو جواب دیا اور میں نے رونا دھونا نہیں کیا اور نہ جلسے نکالے انہوں نے کہا کہ ہم ان سے جواب مانگیں گے انہوں نے کہا کہ جنہوں نے قوم کو کنگال کیا میں ان سے حساب لوں گا یہ میرا وعدہ اور نا ہی این آر او کی چھوٹ دوں گا چاہے جس مرضی بادشاہ کے پاس چلے جائیں

راولپنڈی :سرسید ایکسپریس کی افتتاح تقریب سے خطاب کرتے ہوئے وفاقی وزیر ریلوے شیخ رشید احمد نے کہا کہ وزیر اعظم کو ہم نے کہا کہ 14 اگست کو میانوالی ایکسپریس چلائیں گے لیکن انہوں نے جلد چلانے کا حکم دیا 19 جولائی کو میانوالی میں میانوالی سے لاہور تک ٹرین کا افتتاح ہوگا. انہوں نے کہا کہ سابقہ حکومتوں نے ریلوے کو لوٹا ہے ہم عوام کو شرمندہ نہیں کریں گے انہوں نے کہا ہمارے پاس اتنی زبردست بکنگ ہے کہ بڑی عید کی بکنگ نہیں انہوں نے کہا کہ 8 ٹرینوں کو دس میں بدلا ,میں آپ کو یہ بتا کر خوشی محسوس کروں گا کہ گارڈ کے بیٹے نے ٹریکر دیا ہے ہم نے سب سٹیشنوں پر وائی دیا ہے سابقہ حکومت نے ٹریکٹر اپڈیٹ ہی نہیں کیا تھا ہم ایسا سسٹم لگائیں کہ لوگ گھر بیٹھ کر اپنا سامان دیکھیں گے اور ہم نے ہر بڑے شہر میں ڈاکٹرز کا بندوبست کیا ہے اور میرا جب ایک سال مکمل ہوگا تو ایک کڑوڑ مسافر کی تعداد پہنچ جائے گی انہوں نے وزیر اعظم سے کہا کہ آپ نے ہمیں زچہ بچہ ہسپتال دیا ہم آپ کا کہ آپ نے ہماری ماؤں کو سہولت دی اور راولپنڈی واحد شہر ہوگا جہاں تین یونیورسٹیاں ہوگی اور فی میل تعلیمی ادارے سب سے زیادہ راولپنڈی میں ہیں اور میں مشکور ہوں آپ نے مجھے لئی پراجیکٹ کے لئے فوکل پرسن بنایا آج 14 سال سے رکے کام آپ نے کھولے اس لئے میں آپ کا مشکور ہوں.

راولپنڈی :وزیراعظم عمران خان ریلوے سٹیشن راولپنڈی سر سید ایکسپریس افتتاح کے لئے پہنچ گئے, شرکاء نے وزیر اعظم کا پرتپاک استقبال کیا وزیر اعظم نے پہلے ٹرین کا معائنہ کیا اور اس کے بعد قومی ترانہ لگایا گیا قومی ترانہ کے بعد تلاوت اور نعت سے پروگرام کا آغاز کیا گیا اور کچھ ہی دیر بعد وزیراعظم تقریب سے خطاب کریں گے

راولپنڈی :سرسید ایکسپریس کے موقع پر عمران خان وزیراعظم پاکستان نے چار بجے پہنچنا تھا لیکن پانچ بجنے کو ہیں اور وزیراعظم عمران خان نہیں پہنچے عوام کی بے تابی کو دیکھتے ہوئے وزیر ریلوے مائک کی طرف بڑھے اور کہا کہ وزیراعظم صاحب ہمارے پروگرام میں ہمیشہ جلدی ہی آتے ہیں جس پر شرکاء ہنس دیے اور ساتھ ہی ڈی جے کو مخاطب کرکے کہا کہ وزیراعظم صاحب کا پسندیدہ نغمہ لگاؤ