Tag: راولپنڈی

راولپنڈی: آراے بازار پولیس کی اہم کاروائی ،اغوا ہونے والے فیڈرل بورڈ آف ریونیو (ایف بی آر) کے اسسٹنٹ ڈائریکٹر کی 10 روز بعد لاش برآمد ہوئی ہے جبکہ پولیس نے واردات میں ملوث ملزمان کو بھی گرفتار کرلیا۔

باغی ٹی وی: ایس ایس پی آپریشنز فلائٹ لیفٹیننٹ (ر)حافظ کامران اصغر کے مطابق ایف بی آر کے اسسٹنٹ ڈائریکٹر کے اغواء اور قتل میں ملوث چاروں ملزمان کو گرفتار کر لیا گیا ملزمان سے اسلحہ اور واردات میں استعمال ہونے والی گاڑی برآمد ہوئی،ملزمان کی شناخت وحید گل، صادق، محمد بہادر اور عبداللہ کے نام سے ہوئی رحمت اللّٰہ خان عید کے تیسرے روز دوستوں سے ملنے نکلا تھا، واپس گھر نہیں لوٹا، رحمت اللّٰہ خان کے اغواء کا مقدمہ 12 اپریل کو درج کیا گیا تھا۔

ملزمان نے چند روز قبل سرکاری ادارے کے آفیسرکو اغواء کرکے تاوان کامطالبہ کیا، ملزمان نے دوران تفتیش انکشاف کیا کہ مقتول رحمت اللہ کو اغواء کے بعد فوراً قتل کرکے نعش کو سرائے خربوزہ دفنا دیا تھا، مقتول رحمت اللّٰہ خان کو تھانہ آر اے بازار کے علاقے کمال آباد سے اغواء کیا گیا تھا،ملزمان کی نشاندہی پر نعش کو تلاش کرکے پوسٹ مارٹم کے لیے ہسپتال منتقل کر دیا گیا ہے، ملزمان مقتول کے دوست تھے اورملزم صادق مقتول کا مالک مکان بھی تھا-

ایس ایس پی آپریشنز نے واقعہ کا نوٹس لیتے ہوئے ملزمان کی گرفتاری کے لیے سپیشل ٹیمیں تشکیل دی تھیں،دوران تفتیش فوٹیجز اور شواہد اکٹھے کرکے سائنٹیفک ٹیکنالوجی کے استعمال سے ملزمان کے چہرے میچ کرکے انہیں ٹریس کیا گیا،سینئیر افسران کی نگرانی مین ملزمان کی گرفتاری کے لیے کے پی، چنیوٹ اور فیصل آباد میں متعدد ریڈز کیے گئے، ایس پی پوٹھوہار ناصر نواز کی سربراہی میں ایس ڈی پی او کینٹ اور پولیس ٹیموں نے جدید ٹیکنالوجی اور ہیومن انٹیلی جینس سمیت تمام ذرائع بروئے کار لاتے ہوئے ملزمان کو گرفتار کیا،

ایس ایس پی آپریشنز کاکہنا ہے کہ ملزمان کو قرار واقعی سزادلوانے کے لیے تمام قانونی تقاضے پورے کیے جائیں گے،ملزمان کتنے ہی شاطر کیوں نہ ہوں قانون کی گرفت سے نہیں بچ سکتے-

راولپنڈی: دو روز قبل اٹک آئل ریفائنری کی سپلائی لائن میں دھماکے کے بعد آگ لگنے کے واقعہ کی تحقیقات میں اہم پیشرفت ہوئی ہے-

باغی ٹی وی : دو روز قبل راولپنڈی کے علاقے دھمیال جوڑیاں میں اٹک آئل ریفائنری کی سپلائی لائن میں دھماکے کے بعد آگ لگنے کے واقعہ کی تحقیقات میں آئل فیلڈ حکام نے آگ سے متاثرہ گھر میں آئل اسٹوریج کیلئے بنائے گئے دو خفیہ ٹینک کا سراغ لگایا ہے۔

آئل فیلڈ حکام کی تحقیقات کے مطابق ملزمان مین سپلائی لائن سے آئل چوری کرنے کے بعد ٹینک میں محفوظ کرتے تھے ملزمان نے سلیم نامی پراپرٹی ڈیلر سے گھر 15 روز قبل کرائے پر حاصل کیا تھا، کرائے داروں میں راجہ غلام مصطفیٰ محمد سرفراز، محمد اسلم اور سردار طارق شامل ہیں-

حکام کے مطابق ملزمان نے تیل پائپ لائن سے 10 انچ کا سوراخ کر رکھا تھا، تیل چوری کرنے کے لیے 20 فٹ لمبا پائپ استعمال کیا جارہا تھا ملزمان نے 84 لاکھ روپے سے زائد کا خام تیل چوری کیا ہے، آئل پائپ لائن سے 316 ڈرم تیل چوری کیا گیا ہے، چوری کیا گیا کروڑوں مالیت کا آئل برآمد کر لیا گیا ہے۔

راولپنڈی پولیس نے مالک مکان محمد کبیر خان اور چار کرائے داروں کے خلاف مقدمہ درج کرلیا ہے، کمشنر راولپنڈی کی ہدایت پر آئل چوری کے معاملے پر مزید تحقیقات جاری ہیں چاروں کرائے داروں کو گرفتار کرنے کے لیے چھاپے مارے جارہے ہیں۔

راولپنڈی : 3 بہن بھائی صندوق میں بند ہونے اور دم گھٹنے سے جاں بحق ہوگئے۔

باغی ٹی وی : ریسکیو حکام کے مطابق راولپنڈی کے علاقے شاہ خالد کالونی میں 3 بچے گھر میں کھیلتے ہوئے ٹرنک میں بند ہوگئے جہاں دم گھٹنے سے تنیوں کی موت ہوگئی جاں بحق ہونے والوں میں 2 بچیاں اور ایک بچہ شامل ہیں اور تینوں بچے حقیقی بہن بھائی ہیں جن کی شناخت 2 سالہ زوہان، 6 سالہ سائرہ اور7 سالہ فاریہ کے نام سے ہوئی ہے،جاں بحق تینوں بچوں کی میتیں اسپتال منتقل کردی گئیں-

پولیس کے مطابق بچوں کا والد وسیم خالد بائیکا چلاتا ہے جبکہ والدہ اقراء بی بی نجی مارٹ میں ملازمت کرتی ہےوالدین بچوں کی میتوں کو لے کر آبائی علاقے چکوال روانہ ہوگئے ہیں-

کینیڈا میں سکھ شہری نامعلوم افراد کی فائرنگ سے 11 سالہ بیٹے سمیت قتل

دوسری جانب بھارتی حکام کے مطابق مقبوضہ جموں و کشمیر کے مقبول سیاحتی مقام ڈل جھیل میں ہفتہ کی علی الصبح ہاؤس بوٹس میں آگ بھڑک اٹھی، جل کر خاک ہوئی ہاؤس بوٹس سے اب تک تین لاشیں برآمد کرلی گئی ہیں ڈل جھیل کے گھاٹ نمبر نو کے پاس جلی ہوئی لاشیں برآمد کی گئی ہیں مرنے والوں میں ایک خاتون اور ایک مرد شامل ہیں جبکہ تیسرے کی جنسی شناخت کی ابھی تصدیق نہیں کی جاسکی ہے۔ یہ تینوں لاشیں بنگلہ دیشی سیاحوں کی بتائی جارہی ہیں، ڈل جھیل میں لگی بھیانک آگ میں کروڑوں روپے کی املاک بھی جل کر خاکستر ہوگئیں، جس میں پانچ ہاؤس بوٹس اور ان سے وابستہ اتنی ہی جھونپڑیاں شامل ہیں۔

میہڑ:پانی دیرسے کیوں لایا،ہوٹل کا ملازم لہولوہان