Tag: رنبیر کپور

عالیہ بھٹ اور رنبیر کپور اس سال بالی وڈ کی ایسی جوڑی رہی ہیں جو سب سے زیادہ خبروں میں رہے ہیں. پہلے ان کی شادی اور پھر بعد میں بچے کی پیدائش خبروں کی زینت بنی ہوئی ہے. عالیہ بھٹ کے گھر ننھے مہمان کی آمد دسمبر کے پہلے ہفتے یا نومبر کے آخری ہفتے میں متوقع ہے. بھارتی میڈیا کا دعوی ہے کہ عالیہ بھٹ بچے کی پیدائش کے بعد ایک سال تک کسی قسم کا کوئی کام نہیں کریں گی اس دوران وہ چھوٹے موٹے پراجیکٹس تو کرتی رہیں گی لیکن بھرپور انداز میں کام ایک سال کے بعد ہی کریں گی. کہا جا رہا ہے کہ عالیہ بھٹ ایک سال کا وقفہ لیکر اپنے بچے پر توجہ دیں گی.

دوسری طرف یہ بھی کہا جا رہا ہےکہ وہ جب دوبارہ کام شروع کریں گی تو سب سے پہلے کرن جوہر کی فلم راکی اور رانی کی پریم کہانی مکمل کروائیں گی.اگر ہم رنبیر کپور کےانٹرویوز دیکھیں تو وہ کہہ چکے ہیں کہ مجھے اگر رہنا پڑا تو میں رہوں گا لیکن عالیہ اپنے کام پر کمپرومائز نہیں کریگی. یاد رہے کہ عالیہ بھٹ کاحال ہی میں بے بی شاور کیا گیا ہے جس میں ان کی فیملی اور قریبی دوستوں نے شرکت کی. عالیہ اور رنبیر دونوں کی فیملیاں آنے والے ننھے مہمان کو دیکھنے کے لئے بیتاب ہیں.

باصلاحیت اداکارہ عالیہ بھٹ جنہوں نے 2012 میں کرن جوہر کی ہدایت کاری میں بننے والی فلم اسٹوڈنٹ آف دی ایئر سے اپنے کیرئیر کی شروعات کی آج ان کا شمار بالی وڈ کی کامیاب اداکارائوں میں ہوتا ہے. عالیہ بھٹ نے اپنے ایک انٹرویو میں اداکارہ بننے کے فیصلے کے حوالے سے بات کی انہوں نے کہا کہ اداکاری میرا اس وقت بھی جنون تھا جب مجھے اداکاری کا پتہ بھی نہیں تھا کہ یہ کیا ہوتی ہے اور کیسے ہوتی ہے. انہوں نے کہا کہ میں چار سال کی عمر میں اداکارہ بننا چاہتی تھی انہوں نے کہا کہ اداکاری کرنے کا جذبہ میں نے بڑے ہونے تک اور اداکارہ بننے تک برقرار رکھا. یاد رہے کہ عالیہ بھٹ نے پانچ سال کی عمر میں اداکاری کا آغاز کیا انہوں نے اکشے کمار کی فلم سنگھرش جو کہ 1999 میں ریلیز ہوئی تھی

اس میں بطور چائلڈ سٹار کام کیا. عالیہ بھٹ نے سنجے لیلا بھنسالی کی فلم بلیک کے لئے بھی آڈیشن دیا تھا لیکن وہ اس آڈیشن کے لئے رد کر دی گئی تھیں. عالیہ بھٹ نے سٹوڈنٹ آف دا ائیر کے لئے جب آڈیشن دیا تو ان کے ساتھ پانچ سو اور بھی لڑکیاں تھیں لیکن ان کی سلیکشن ہوئی اور اس فلم کے لئے انہوں نے 15 کلو وزن بھی کم کیا .اس فلم کے بعد انہوں نے ہائی وے فلم میں‌کام کیا اور اس میں انکی اداکار کو بہت سراہا گیا اور انہیں ایورڈز بھی اس فلم کےلئے بنے.

عالیہ بھٹ اس وقت بالی وڈ کی کامیاب ترین سٹارز میں سے ایک ہیں۔ انتہائی باصلاحیت اداکارہ نے 19 سال کی عمر میں 2012 میں ریلیز ہونے والی کرن جوہر کی فلم سٹوڈنٹ آف دی ائیر سے اپنا شاندار آغاز کیا۔ تاہم امتیاز علی کی ہدایت کاری میں بننے والی 2014 کی فلم ہائی وے سے ان کے کیرئیر نے اڑان بھری اس میں ان کی اداکاری کو بےحد سراہا گیا. عالیہ بھٹ ایک آزاد زندگی گزارنے کی قائل رہی ہیں انہوں نے 2017 میں ممبئی کے جوہو میں اپنے خوابوں کا گھر خریدا۔ عالیہ بھٹ جلد ہی اپنے والدین کے گھر کو چھوڑ کر اپنے عالیشان اپارٹمنٹ میں رہنے کے لیے چلی گئیں. عالیہ بھٹ نے حال ہی میں ایک انٹرویو دیا ہے اس میں انہوں نے کہا ہے کہ اپنے والدین سے دور رہنے نے مجھے زیادہ ذمہ دار اور خود مختار بنایا، لیکن اداکارہ اپنے جوہو کے گھر میں اکیلی نہیں رہتی تھیں۔ عالیہ کی بڑی بہن شاہین بھٹ اور ان کی بلی ایڈورڈ اس

وقت ان کے ساتھ تھیں. عالیہ کہتی ہیں ماں باپ کا گھر چھوڑنے کے بعد میں نے محسوس کیا کہ میرے تعلقات میرے والدین اور بہن کے ساتھ زیادہ بہتر ہوئے . انہوں نے کہا کہ اس دوران مجھے رشتوں کی اہمیت کا احساس بھی ہوا. عالیہ بھٹ نے یہ بھی بتایا کہ کس طرح انہوں نے اپنے خوابوں کا گھر بنایا۔ دلچسپ بات یہ ہے کہ اداکارہ کو اپنے جوہو گھر کا اندرونی حصہ بنانے میں 2 سال سے زیادہ کا عرصہ لگا۔ عالیہ بھٹ اس وقت اپنے شوہر رنبیر کپور کے ساتھ پالی ہلز، ممبئی میں واقع اپنی رہائش گاہ واستو میں مقیم ہیں۔ اداکارہ جو اب بیوی اور کپور بہو کے طور پر نئی ذمہ داریوں سے لطف اندوز ہو رہی ہیں جلد ہی ماں بننے والی ہیں۔ عالیہ اور رنبیر نے باندرا ممبئی میں ایک ساتھ ایک نیا گھر بھی خریدا ہے اور یہ ابھی زیر تعمیر ہے۔

بالی وڈ اداکار رنبیر کپور اور عالیہ بھٹ انڈسٹری کے خوبصورت جوڑوں میں سے ایک ہیں۔ یہ جوڑی فی الحال فلم براہمسٹرا کی کامیابی سے لطف اندوز ہو رہی ہے. پانچ سال تک ایک دوسرے کو ڈیٹ کرنے کے بعد یہ دونوں 14 اپریل 2022 کو ممبئی میں شادی کے بندھن میں بندھے. اب جبکہ یہ دونوں والدین بننے والے ہیں یہ جوڑا اور ان کے خاندان والے کافی خوش ہیں ان کا کہنا ہےکہ میری خواہش ہے کہ میری اہلیہ عالیہ بھٹ بچے کی پیدائش کے بعد جلد از جلد کام پر وایسی کریں. ان کا ماننا ہے کہ وہ بچے کو سنبھال لیں گے لیکن عالیہ بھٹ کام پر ضرور جائیگی. رنبیر کپور کا کہنا ہے کہ اگر میں نے عالیہ بھٹ پر بچے کی تمام تر ذمہ داریاں ڈال دیں تو پھر ان کے مداح مجھ سے شکایت کریں گے اور کہیں گے کہ میں نے

عالیہ کو گھر بٹھایا ہے. یاد رہے کہ عالیہ بھٹ کا حال ہی میں بے بی شاور بھی ہوا ہے اس میں ان کی بہن شاہین بھٹ، رنبیر کی والدہ نیتو کپور، بہن ردھیما کپور ساہنی، کزن کرشمہ کپور، اور شویتا بچن و دیگر نے شرکت کی۔ عالیہ کی قریبی دوست انوشکا رنجن اور اکانشا رنجن بھی اس موقع پر موجود تھیں۔اگر ہم ان کے آنے والے پراجیکٹس پر نظر ڈالیں تو عالیہ کے پاس بہت سی دلچسپ فلمیں ہیں جن میں وہ راکی ​​اور رانی کی پریم کہانی اور جی لے زرا قابل زکر ہیں. اس کے علاوہ عالیہ ہارٹ آف سٹون سے ہالی ووڈ میں بھی ڈیبیو کرنے جا رہی ہیں.

باصلاحیت اداکارہ عالیہ بھٹ کو حال ہی میں ٹائم 100 امپیکٹ ایوارڈ 2022 ملا۔ گوری اور نینیکا کی طرف سے بنائے گئے کانسی کے سونے کے کیپ گاؤن میں TIME ایوارڈ ایونٹ میں عالیہ بھٹ ہمیشہ کی طرح حسین لگ رہی تھیں. تقریب میں عالیہ بھٹ نے ایک متاثر کن تقریر کی، جس میں انہوں نے اپنے والدین مہیش بھٹ اور سونی رازدان، بہن شاہین بھٹ اور شوہر رنبیر کپور کے مسلسل تعاون پر شکریہ ادا کیا۔ بعد اذاں عالیہ بھٹ نے اپنے آفیشل انسٹاگرام پیج پر جا کر اپنے ٹائم ایوارڈ کے لمحات کو ایک دلکش کیپشن کے ساتھ شیئر کیا۔ ایک فکر

انگیز نوٹ میں باصلاحیت اداکارہ نے اپنی خامیوں کو قبول کرنے کی اہمیت کے بارے میں بات کی انہوں نے کہا کہ دیکھا جائے تو یہ خامیاں ہمیں‌ بناتی ہیں. ہم اپنی خامیوں کے بارے میں دانستہ طور پر سوچنا نہیں‌ چاہتے صرف اس لئے کہ ہم خود میں بھی اور دوسروں کے سامنے اچھے بنے رہیں. یاد رہے کہ عالیہ بھٹ کی رواں برس ستمبر کے مہینے مینں فلم براہمسٹرا ریلیز ہوئی جس میں وہ اپنے شوہر رنبیر کپور کے ساتھ پہلی بار دکھائی دیں. فلم سپر ہٹ رہی اور شائقین کو متاثر کرنے میں کامیاب رہی. دوسری طرف عالیہ بھٹ بہت جلد ماں بننے جا رہی ہیں اس کو لیکر وہ خود اور ان کا پورا خاندان خاصا خوش ہے.

رنبیر کپور بالی وڈ کے سب سے زیادہ پسند کیے جانے والے اداکاروں میں شمار ہوتے ہیں۔ انہیں فلم انڈسٹری میں آئے ہوئے تقریباً 15 سال ہوچکے ہیں، سانوریا ان کی پہلی فلم تھی۔ اپنے 15 سالہ فلمی کیرئیر میں انہوں نے کافی اتار چڑھائو دیکھے. انہوں نے ویک اپ سڈ، یہ جوانی ہے دیوانی، اے دل ہے مشکل، سنجو اور حال ہی میں برہمسٹرا جیسی فلموں میں اپنی اداکاری کے جوہر دکھائے ہیں.رنبیر کپور چالیس سال کے ہو گئے ہیں اور انہوں نے اپنی سالگرہ کو منانے کےلئے اپنی رہائش گاہ پر ایک پارٹی کا اہتمام کیا اس میں ان کے بالی وڈ کے دوستوں نے شرکت کی . جنہوں نے

شرکت کی ان میں کرن جوہر ، آیان مکھر جی ، شاہین بھٹ ، آدیتہ رائے کپور ، ڈارئیکٹر روہت دھون سمیت دیگر شامل تھے. رنبیر کپور کی سالگرہ پر ان کی والدہ نیتو کپور خاصی خوش دکھائی دے رہی تھیں. یاد رہے کہ رنبیر کپور نے اداکارہ عالیہ بھٹ کے ساتھ رواں برس اپریل میں شادی کی اور اب وہ باپ بننے والے ہیں. رنبیر کپور کی اسی ماہ فلم براہمسٹرا ریلیز ہوئی ہے جسے خاصی پذیرائی ملی ہے رنیبر اس فلم کی کامیابی کو انجوائے کررہے ہیں. اس فلم میں ان کے ساتھ ان کی اہلیہ عالیہ بھٹ بھی ہیں.

بالی وڈ اداکارہ عالیہ بھٹ آج کل اپنی فلم براہمسٹراکی کامیابی کا مزہ لے رہی ہی اس فلم نے ہندوستان سمیت دنیا بھر میں کافی بزنس کیا ہے. آیان مکھرجی کی ہدایت کاری میں بننے والی یہ فلم تھیٹرز میں 9 ستمبر 2022 کو ریلیز ہوئی تھی۔ اس میں ان کے شوہر اداکار رنبیر کپور، ناگارجونا اکینینی، امیتابھ بچن، اور مونی رائے بھی ہیں اور شاہ رخ خان نے ایک مختصر کردار ادا کیا ہے۔عالیہ بھٹ نے حال ہی میں ایک انٹرویو میں انکشاف کیا ہے کہ میں اپنی فلموں کے بارے میں دئیے جانے والے ریویوز نہیں پڑھتی چاہے وہ اچھے ہوں یا نہ ہوں. مجھے

کوئی اگر میری فلم کے ریویوز بھیجتا بھی ہے تو میں صرف مین ہیڈنگ کو دیکھ لیتی ہوں تفصیلات نہیں‌پڑھتی. میں جب ذاتی طور پر لوگوں سے ملتی ہوں تب اپنی فلم کے بارے میں بات کر لیتی ہوں لیکن ریویوز نہیں‌پڑھتی. انہوں نے یہ بھی کہ کرن جوہر کو ریویوز پڑھنا پسند ہیں ان کو لگتا ہے کہ بعض اوقات کچھ دلچسپ چیزیں سامنے آتی ہیں۔یاد رہے کہ عالیہ بھٹ اب فلم جی لے زرا اور راکی ​​اور رانی کی پریم کہانی میں نظر آئیں گی ۔عالیہ فلم ہارٹ آف سٹون سے ہالی ووڈ میں بھی ڈیبیو بھی کرنے جا رہی ہیں . عالیہ کی جب سے رنیبر کپور سے شادی ہوئی ہے وہ مسلسل خبروں میں ہیں.

بالی وڈ اداکار رنبیر کپور اپنی اہلیہ عالیہ بھٹ کے ہیں دیوانے، وہ اپنی بیوی سے بے حد متاثر ہیں. حال ہی میں رنبیر کپور نے ایک انٹرویو دیا ہے اس میں انہوں نے کہا ہے کہ عالیہ کا اس حالت میں کام کرنا دوسروں کے لیے موٹیویشن ہے۔ انہوں نے اپنی اہلیہ کی تعریف کرتے ہوئے کہا کہ عالیہ پر کسی بھی قسم کی تنقید صرف حسد ہے۔ حال ہی میں اداکار نے یہ بھی کہا تھا کہ وہ عالیہ پر بہت زیادہ انحصار کرتے ہیں۔ واضح رہے کہ رنبیر اور عالیہ بالی وڈ میں سب سے زیادہ پسند کیے جانے والے جوڑوں میں سے ایک ہیں۔ رواں برس اپریل میں دونوں شادی کے بندھن میں بندھےتھے۔عالیہ نے اپنی پریگنینسی کی خبر خود سوشل میڈیا پر ایک پوسٹ کے ساتھ شئیر کی تھی. عالیہ اور رنبیر کافی خوش ہیں ان کے ساتھ ساتھ بھٹ اور کپور

خاندان بھی آنے والے بچے کےلئے منتظر ہیں. عالیہ اور رنبیر کی فلم براہمسٹرا جو رواں ماہ ہی ریلیز ہوئی ہے اس کے بارے میں کہا جا رہا ہےکہ باکس آفس پر فلم نے کمال بزنس کیا ہے گو کہ یہ فلم بھی بائیکاٹ ٹرینڈ کی زد میں تھی لیکن باکس آفس فیگرز بتاتے ہیں کہ بائیکاٹ ٹرینڈ اس فلم پر اثر انداز نہیں‌ہوسکا. عالیہ بھٹ اب کرن جوہر کی فلم ” راکی ​​اور رانی کی پریم کہانی” میں رنویر سنگھ کے ساتھ نظر آئیں گی۔ عالیہ فرحان اختر کی فلم ”جی لے زرا ”میں بھی کام کر رہی ہیں۔دوسری طرف وہ فلم ہارٹ آف سٹون سے ہالی ووڈ میں بھی ڈیبیو کررہی ہیں، جبکہ رنبیر کپور کے پاس جانورجیسی فلمیں ہیں.

فلم براہمسٹرا کا شائقین بے چینی سے انتظار کررہے تھے فلم کی پرموشنز بھی جم کر کی گئیں عالیہ بھٹ جو کہ امید سے ہیں انہوں نے اسی حالت میں فلم کی پرموشنز بھی کیں. عالیہ اور رنبیر فلم کی کامیابی کے لئے پر امید تھے تاہم فلم نے پہلے تین دن ریکارڈ توڑ بزنس کیا. فلم میں عالیہ اور رنبیر پہلی بار ایکساتھ دکھائی دئیے ہیں اس سے پہلے کبھی بھی انہوں نے ایک دوسرے کے ساتھ سکرین شئیر نہیں کی. حقیقی زندگی کے ساتھی جب سکرین پر آئے تو انہیں ایک ساتھ سراہا گیاہے. شائقین رنبیر کپور اور عالیہ بھٹ کو بڑی سکرین پر دیکھنا چاہتے تھے اور پھر فلم کی کہانی بھی خاصی جاندار تھی لہذا فلم سپر ہٹ ہوئی. اب حقیقی زندگی کے اس جوڑے کو ایک دوسرے کےلئے خوش قسمت قرار دے دیا گیا ہے.

فلم میکرز کی کوشش ہے کہ ان دونوں کو ایک ساتھ اپنی فلم میں کاسٹ کریں تاہم عالیہ اور رنبیر نے ایک ساتھ ابھی تک کوئی فلم سائن نہیں کی. دوسری طرف عالیہ بھٹ کی بھی یہ خواہش ہے کہ وہ اپنے شوہر رنبیر کپور کے ساتھ مزید فلموں میں بھی کام کریں. رنبیر کپور کا بھی یہی کہنا ہے کہ اگر ہمیں کوئی اچھا سکرپٹ ملا تو یقینا ایک دوسرے کے ساتھ کام ضرور کریں گے اور میں بہت شکر گزار ہوں اپنے چاہنے والوں کا جنہوں نے ہماری فلم کو بے حد پسند کیا ہے.

ہریتک روشن کا شمار بالی وڈ انڈسٹری کے مقبول ترین ستاروں میں ہوتا ہے اور وہ اپنی بہترین اداکاری اور دلکش شخصیت کی وجہ سے مداحوں کے دلوں پر راج کرتے ہیں.ہرتیک روشن نے ثابت کیا ہے کہ وہ ایک بہترین باپ ہیں وہ اکثر اپنے بچوں کے ساتھ وقت گزارتے ہوئے نظر آتے ہیں. ہرتیک روشن کے حوالے سے تازہ اطلاعات یہ ہیں کہ وہ اپنے بچوں، ہریان روشن اور ہریدھان روشن کے ساتھ ممبئی میں فلم برہمسترا کی خصوصی اسکریننگ کے لیے پہنچے۔ہرتیک روشن ہلکے نیلے رنگ کی جینز کے ساتھ زیتون کے سبز سویٹ جیکٹ کے ساتھ سرمئی رنگ کی قمیض پہنے ہوئے تھے ان کے بچے بھی اسپاٹ لائٹ میں تھے جب وہ اپنے والد کے پیچھے چل رہے تھے۔ جب کہ ایک نے سیاہ ٹی شرٹ پہنی ہوئی تھی جبکہ

دوسرے نے جینز کے ساتھ سفید رنگ کی ٹی شرٹ زیب تن کر رکھی تھی. واضح رہے کہ ہریتک روشن کے والد راکیش روشن اور رنبیر کپور کے والد رشی کپور کی آپس میں بہت زیادہ دوستی تھی ان کی گہری دوستی ہی ان دونوں کے تعلق کی خاص پہچان تھی. ہرتیک روشن نے اس دوستی کی روایت کو برقرار رکھتے ہوئے رنبیر کپور کے ساتھ اچھے تعلقات رکھے ہوئے ہیں. ہرتیک روشن سیف علی خان کے سات فلم وکرم ویدھا میں نظر بہت جلد نظر آئیں گے، یہ فلم اسی نام کی تامل فلم کا ریمیک ہے۔ ہریتک روشن سدھارتھ آنند کی ایکشن فلم فائٹر میں بھی کام کریں گے جس میں دیپیکا پڈوکون اور انیل کپور مرکزی کردار ادا کریں گے۔