Tag: روس

روسی نیم فوجی دستے ویگنر گروپ نے ماسکو کے خلاف بغاوت کا اعلان کر دیا

سربراہ ویگنر گروپ نے روسی حکومت کے خلاف بغاوت کا اعلان کیا ہے اور کہا ہے کہ روسی فوج کے تشدد کیخلاف آخری حد تک جائیں گے، ویگنر گروپ نے یوکرین میں روسی ہیلی کاپٹر گرانے کا بھی دعویٰ کیا ہے،ویگنر گروپ کے بانی نے اپنے ایک ویڈیو بیان میں کہا کہ روسی وزیر دفاع نے فوجیوں کو مارنے کا منصوبہ بنایا

روسی وزارت دفاع نے ویگنر گروپ کے سربراہ کے الزام کی تردید کردی روسی حکومت نے مسلح بغاوت اور فوجی بغاوت کے الزام میں ویگنر کے سربراہ کے خلاف مجرمانہ تحقیقات شروع کردیں جب کہ ویگنر گروپ کے اہلکاروں کو اپنے ہی سربراہ کو گرفتار کرنے کی ہدایت کردی الزامات ثابت ہونے پر ویگنر گروپ کے بانی یوگینی پریگوزن کو 12 سے 20 سال جیل ہو سکتی ہے

غیر ملکی میڈیا کے مطابق ویگنر گروپ نے روٹوو کے علاقے میں روسی فوجی ہیڈکوارٹر کا کنٹرول شدید جھڑپوں کے بعد سنبھال لیا جس کے بعد روسی دارالحکومت ماسکو میں سکیورٹی سخت کردی گئی جب کہ اس حوالے سے صدر ولادمیر پیوٹن کو بھی آگاہ کردیا گیا اور انہیں محفوظ بنکر میں منتقل کردیا ہے

اس ضمن میں وائٹ ہاؤس کا ایک بیان میں کہنا ہے کہ روس کی صورتحال پر نظر رکھے ہوئے ہیں، روس کے ویگنر گروپ کے خلاف اقدام سے صدر جوبائیڈن کا آگاہ کردیا ہے ، امریکی قومی سلامتی کے ترجمان نے کہا کہ روس کے خلاف اس پیش رفت پر اتحادیوں اور شراکت داروں سے مشاورت کریں گے۔

میڈیا رپورٹس کے مطابق روس کیخلاف بغاوت کرنے والے "ویگنر ” گروپ کے بانی یوگینی پریگوزن نے روس پر الزام لگایا ہے کہ "روس نے”ویگنر”فوجیوں کو مارنے کا منصوبہ بنایا،اور روسی طیاروں نے”ویگنر”دستے پر بمباری کی،اور سینکڑوں جنگجوؤں کوبمباری سے ہلاک کیا اور 2 ہزارجنگجوؤں کی لاشیں چھپا دی گئی

ویگنرگروپ کے سربراہ کا روسی وزارت دفاع کے ساتھ طویل جھگڑا رہا ہے، جس پر اس نے اپنے جنگجوؤں کو مناسب گولہ بارود فراہم کرنے میں ناکامی کا بار بار الزام لگایا ہے۔

ویگنر گروپ کے سربراہ نے یوکرین میں پیش قدمی روک کر بعض علاقوں سے دستے واپس بلانے کا اعلان کر دیا اور کہا کہ جنگ یوکرین کو نازیوں سے پاک یا غیر فوجی علاقہ بنانے کے لیے نہیں لڑی گئیجنگ کی ضرورت ہی نہیں تھی وزیر دفاع اس جنگ کو اپنے لیے ایک اورتمغہ حاصل کرنے کا ذریعہ بنائے ہوئے ہیں اور مارشل بننا چاہتے ہیں

کریملن نے ویگنر گروپ کی جانب سے لگائے گئے بمباری کے الزامات کو مسترد کرتے ہوئے یوگینی پریگوزن پر لوگوں کو خانہ جنگی کے کے اکسانے کا الزام عائد کیا ہے جبکہ نئی پیدا ہونے والی صورتحال سے نمٹنے کے لیے ماسکو کی سڑکوں پر ٹینک بلائے گئے ہیں علاقوں میں سکیورٹی بڑھا دی گئی ہے

فوج کے خلاف ہتھیار اٹھانے والا ہر فرد غدار ہے،روسی صدر
روسی صدر پیوٹن نے قوم سے خطاب کرتے ہوئے کہا کہ روسی فوج کے خلاف ہتھیار اٹھانے والا ہر فرد غدار ہے ،جو بھی جان بوجھ کر غداری کی راہ پر گامزن ہوا اسے ناگزیر سزا کا سامنا کرنا پڑے گا۔ فوج کو مناسب اقدامات کرنے کا حکم مل گیا ہے،میڈیا رپورٹس کے مطابق روسی صدر نے ہنگامی خطاب میں کہا کہ وہ روس کی حفاظت کیلیے سب کچھ کریں گے اور جنوبی شہر روسٹوو آن ڈان میں صورت حال کو مستحکم کرنے کے لیے فیصلہ کن کاروائی کی جائے گی، روسی صدر کا کہنا تھا کہ روس اپنے مستقبل کے لیے سخت جدوجہد کر رہا ہے روس کا مقابلہ کرنے کے لیے پوری مغربی جنگ اورانفارمیشن مشینری زوروں پر ہے خصوصی فوجی آپریشن کے دوران شکایات کو ایک جانب رکھ دینا چاہیے اب روسی قوم کی قسمت کا انتخاب ہورہا ہے مسلح بغاوت منظم کرنے والوں کا خاتمہ کیا جائے

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

آڈیو لیک، کمیٹی تشکیل ، سات روز میں تحقیقات مکمل کرنے کا حکم

آڈیو لیک،عمران خان کیخلاف سخت کاروائی کی قرارداد اسمبلی میں جمع

یورپی یونین میں شامل رکن ممالک کی جانب سے یوکرین جنگ کے تناظر میں روس پر نئی پابندیاں عائد کر دی ہیں-

باغی ٹی وی: برطانوی میڈیا کے مطابق بطور صدر یورپی یونین، سوئیڈن کی جانب سےنئی پابندیوں کا اعلان کیا گیاجس کے تحت ٹیکنالوجی کے شعبے سے تعلق رکھنے والی ایسی اشیا کو بھی پابندی کی فہرست میں شامل کیا گیا ہےجو ممکنہ طور پر روس کے فوجی سیکٹر کیلئے مددگار ثابت ہو سکتی ہیں۔

#COREPER II | Today, the EU Ambassadors agreed on the 11th package of sanctions against Russia. The package includes measures aimed at countering sanctions circumvention and individual listings.

— Sweden in EU (@SwedeninEU) June 21, 2023

نئی پابندیوں کے تحت روسی حکومت کے زیر کنٹرول پانچ براڈکاسٹنگ اداروں کے لائسنس بھی منسوخ کر دیئے گئے ہیں جکہ مبینہ طور پر یوکرینی بچوں کو غیر قانونی طور پر روس ڈیپورٹ کرنے کے الزام میں 71 افراد اور 33 اداروں کے اثاثے منجمند کردیئے گئے ہیں کسی تیسرے ملک کو ایسی حساس اشیا کی فروخت پر پابندی عائد کر دی گئی ہے جو کہ دوہرے مقاصد کیلئے قابل استعمال ہوں، اور وہ ایسی اشیا روس کو فروخت کر دے۔

خطبہ حج کا ترجمہ اردو سمیت دنیا کی کتنی زبانوں میں براہ راست نشر کیا …

یورپی یونین کے اجلاس میں ایسے مشتبہ ممالک کی فہرست بھی تیار کی گئی ہے جن کو حساس اور دوہرے استعمال کی اشیا فروخت کرنے پر پابندی عائد کی جائے گی۔

11th package of sanctions (behind the scenes) pic.twitter.com/ZuyEgbThrJ

— Russian Embassy, UK (@RussianEmbassy) June 14, 2023

اس سے قبل نئی پابندیون کی تیاری کے مرحلے پر ہنگری اور یونان کی جانب سے اپنی کمپنیوں پر جنگ میں مدد کا الزام عائد کرکے لگائی گئی یوکرینی پابندیوں پرتحفظات کا اظہارکیا گیا تھاجس کےبعد یوکرین نے فوری طور پر یونان کی پانچ شپنگ کمپنیوں کو پابندی کی فہرست سے خارج کر دیا تھا۔

لاپتہ آبدوزکی کمزورسیفٹی پرماضی میں خدشات کا اظہارکیاگیا تھا،برطانوی اخبار کا انکشاف

دوسری جانب ہنگری کی او ٹی پی بینک تاحال یوکرین کی پابندیوں کی فہرست پر برقرار ہے تاہم ہنگری کی جانب سے نئی پابندیوں کی حمایت کی گئی ہے۔

I welcome the political agreement on our 11th sanctions package.

It will deal a further blow to Putin’s war machine with tightened export restrictions, targeting entities supporting the Kremlin.

Our anti-circumvention tool will prevent Russia from getting its hands on… https://t.co/MlQlxNzNeR

— Ursula von der Leyen (@vonderleyen) June 21, 2023

یورپی یونین کمیشن کی صدر ارسلا وین ڈیر لین کی جانب سے بھی نئی پابندیوں کا خیرمقدم کیا گیا ہے انہوں نے کہا کہ میں ہمارے 11 ویں پابندیوں کے پیکج پر سیاسی معاہدے کا خیرمقدم کرتا ہوں یہ کریملن کی حمایت کرنے والے اداروں کو نشانہ بناتے ہوئے سخت برآمدی پابندیوں کے ساتھ پوتن کی جنگی مشین کو مزید دھچکا لگائے گاہمارا اینٹی سرکروینشن ٹول روس کو منظور شدہ سامان پر ہاتھ ڈالنے سے روکے گا۔

فرانس میں دھماکے کی وجہ تاحال معلوم نہ ہوسکی

واشنگٹن: امریکا نے کہا ہے کہ 9 مئی کے واقعات میں ملوث شہریوں کے مقدمات فوجی عدالت میں چلنے کا علم ہے۔

باغی ٹی وی : ترجمان امریکی محکمہ خارجہ میتھیو ملر نے میڈیا بریفنگ میں کہا کہ ہم ان خبروں سے آگاہ ہیں کہ نو مئی کے احتجاج میں حصہ لینے کے الزامات کے تحت سویلینز پر فوجی عدالتوں میں مقدمے چلائے جائیں گے ماضی کی طرح ہم پاکستانی حکام پر مسلسل زور دیتے ہیں کہ وہ پاکستانی آئین میں سب کیلئے دیئے گئے جمہوری اصولوں اور قانون کی حکمرانی کا احترام کریں۔

ملک میں معاشی استحکام ہو گا تو سیاسی استحکام آئے گا،شہباز شریف

محکمہ خارجہ کے ترجمان نےپاکستان کے روس سےتیل خریدنےسےمتعلق سوال کے جواب میں کہا کہ ہرملک کواپنی توانئی کی ضروریات پوری کرنے کے لیے اپنے مطابق فیصلہ کرنا ہے۔ امریکا نے روس کی توانائی سے متعلق برآمدات پر پابندی نہیں لگائی لیکن چونکہ آپ نے ایک خاص چیز کے بارے میں پوچھا ہے تو ہمارا خیال ہے کہ روسی تیل مارکیٹ سے بہت کم قیمت پر فروخت ہو رہا ہے۔

سمندری طوفان :کراچی میں خطرناک صورت حال نہیں،چیف میٹرولوجسٹ

میتھیو ملرنے کہا کہ یہ علامت ہے کہ امریکا نے اپنے اتحادیوں اور شراکت داروں کے ساتھ مل کر روسی تیل کی قیمت پر جو حد مقرر کی تھی اس نے روسی تیل کی قیمت مارکیٹ میں بہت کم کردی اور ہمارا اندازہ ہے کہ اس سے روسی حکومت 100 ارب ڈالر کے ریونیو سے محروم ہو گئی ہے جو یوکرین کی جنگ میں استعمال کیا جاتا۔

کوئٹہ: بلوچستان کے چاروں میڈیکل کالج ہڑتال کے باعث بند ،طلبا وطالبات کا مستقبل تاریک

واشنگٹن: وائٹ ہاؤس کے ترجمان جان کربی نے کہا ہے کہ روس حالیہ ہفتوں میں کیف پر حملہ کرنے اور یوکرین کی آبادی کو دہشت زدہ کرنے کے لیے ایرانی یو اے وی کا استعمال کر رہا ہے –

باغی ٹی وی: روئٹرزکے مطابق وائٹ ہاؤس کے ترجمان جان کربی نے ایک بیان میں کہا کہ روس کو یوکرین پر حملے کے لیے سیکڑوں ایرانی ڈرون ملے ہیں امریکا کو روس کے اندر ایرانی یو اے وی تیار کرنے کے منصوبے پر تشویش ہےاورایسا لگتا ہے کہ روس اور ایران کی فوجی شراکت داری گہری ہوتی جا رہی ہے۔

یوکرین روس تنازعہ میں نہیں پڑنا چاہتے،آئی ایم ایف سے رابطے میں ہیں،بلاول

ترجمان وائٹ ہاؤس نے نئی خفیہ معلومات کا حوالہ دیتے ہوئے کہا کہ یہ ڈرون ایران میں بنائے گئے تھے، جنہیں بحیرہ کیسپین میں بھیجا گیا اور پھر روسی افواج نے یوکرین کے خلاف استعمال کیا ہمیں اس بات پر بھی تشویش ہے کہ روس ایران کے ساتھ مل کر روس کے اندر سے ایرانی یو اے وی تیار کرنے کے لیے کام کر رہا ہے۔

جان کربی کا کہنا ہے کہ امریکا کے پاس معلومات ہیں کہ روس ایران سےڈرون مینوفیکچرنگ پلانٹ کی تعمیر کےلیے ضروری مواد حاصل کر رہا ہے جو اگلے سال کے اوائل میں مکمل طور پر فعال ہو سکتا ہے ہم روس کے الابوگا اسپیشل اکنامک زون میں اس یو اے وی مینو فیکچرنگ پلانٹ کے مجوزہ مقام کی سیٹلائٹ تصاویر جاری کر رہے ہیں۔

صندل خٹک نے حریم شاہ کیخلاف مقدمہ درج کرنے کی درخواست دے دی

امریکہ اس سے قبل روس کو ڈرون سپلائی کرنے پر ایک دفاعی صنعت کار کے ایرانی ایگزیکٹوز پر پابندیاں لگا چکا ہے۔ ایران نے روس کو ڈرون بھیجنے کا اعتراف کیا ہے لیکن کہا ہے کہ وہ ماضی میں فروری میں روس کے حملے سے پہلے بھیجے گئے تھے۔

دوسری طرف ماسکو نے اس بات کی تردید کی ہے کہ اس کی افواج نے یوکرین میں ایرانی ڈرون استعمال کیے ہیں۔ وائٹ ہاؤس کے ایک اہلکار نے بتایا کہ ایران نے اگست سے اب تک کئی سو ڈرون روس کو منتقل کیے ہیں۔

حکومت کا پیش کردہ وفاقی بجٹ عوام و تاجر دوست بجٹ ہے، نعیم میر کا …

جنوبی یوکرین میں روس کے زیر قبضہ شہر خیرسوں میں جاری لڑائی میں ایک اہم ڈیم کو شدید نقصان پہنچا ہے جس کے بعد اقوام متحدہ کی سلامتی کونسل کا اجلاس جلد بلائے جانے کا امکان ہے۔

باغی ٹی وی: میڈیا رپورٹس کے مطابق یوکرینی اور روسی حکام نے منگل کے روز کہا کہ جنوبی یوکرین میں کاخووکا ڈیم کو دھماکے سے اڑا دیا گیا، جس سے دریائے دنیپرو کے ساتھ نشیبی علاقوں میں سیلاب کا خطرہ ہے ڈیم پر حملے کے بعد کئی دیہات زیر آب آگئے ہیں اور تین دیہاتوں میں 10 فٹ تک پانی کھڑا ہوگیا ہے جب کہ 22 ہزار افراد نقل مکانی پر مجبور ہیں۔

پاکستانی سیاست کے فیصلے پاکستانی عوام نے کرنے ہیں،امریکا

یوکرین کی سرکاری ہائیڈرو الیکٹرک کمپنی نے کہا ہے کہ انجن روم کے اندر دھماکے کے بعد پاور پلانٹ ’مکمل طور پر تباہ‘ ہو گیا-

سوویت دور کا یہ ہائیڈرو الیکٹرک پلانٹ جزیرہ نما کریمیا کو بھی پانی فراہم کرتا ہےجسے روس نے 2014 میں ضم کرلیا تھا، اور زاپروژیا جوہری پلانٹ کو بھی پانی اسی ڈیم سے فراہم کیا جاتا ہے، یہ بھی روسی کنٹرول میں ہے۔

مقامی گورنر کے مطابق متاثرہ علاقے سے لوگوں کے انخلاء کا عمل شروع ہوگیا ہے۔ اسی دوران یوکرینی صدر ولادیمیر زیلنسکی نے باخموت کے قریب مبینہ پیش قدمی پر اپنے فوجیوں کی تعریف کی ہے جبکہ روس نے کہا کہ اس نے بڑے پیمانے پر یوکرینی حملے کو پسپا کر دیا ہے۔

These videos show the extent of the damage after Russian forces destroyed the Kakhovka Hydroelectric Power Plant in Kherson Oblast on June 6th.

Video: Lashen Pish/Telegram pic.twitter.com/ndKU54jwDS

— The Kyiv Independent (@KyivIndependent) June 6, 2023

زیلنسکی نے اپنی عوام سے رات کے ویڈیو خطاب کے دوران کہا تھا کہ وہ خبر جس کا ہم انتظار کر رہے ہیں، اُس کا خیر مقدم کرتا ہوں میں ہر ایک سپاہی کا، اپنے تمام محافظوں، مردوں اور عورتوں کا شکر گزار ہوں، جنہوں نے آج ہمیں وہ خبر دی جس کا ہم انتظار کر رہے تھے۔ باخموت سیکٹر میں بہترین کار کردگی پیش کرنے والے سپاہیو، گُڈ جاب

امریکا کا سندھ کے سیلاب زدہ علاقوں کیلئے مزید امداد کا اعلان

یوکرینی صدر نے روس کے اس اقدام کو عالمی ماحولیاتی تباہی قرار دیتے ہوئے کہا کہ اس طرح کے حساس انفرا اسٹرکچر کو تباہ کرکے روس ہمارے زیر قبضہ علاقوں کی واپسی کی منصوبہ بندی میں خلل نہیں ڈال سکتا۔

یوکرین کے صدر نے روس کے اس عمل کو جانتے بوجھتے کی کارروائی قرار دیا اور کہا کہ روس نے ڈیم کو تباہ کرکے سیلاب کو بطور ہتھیار استعمال کیا، روس ماحول کی تباہی پر اترآیا ہے۔

‼️ Окупанти в паніці підірвали греблю Каховського водосховища – це очевидний теракт та воєнний злочин, який стане доказом в міжнародному трибуналі

🔗 https://t.co/N4VCGjjFaT pic.twitter.com/7wbKKtPIX9

— Defence Intelligence of Ukraine (@DI_Ukraine) June 6, 2023

یوکرین کے صدر ولادیمیر زیلینسکی نے کہا کہ کاخووکا ہائیڈرو الیکٹرک پاور پلانٹ ڈیم کی تباہی پوری دنیا کے سامنے صرف اس بات کی تصدیق کرتی ہے کہ انہیں (روسیوں کو) یوکرینی سرزمین کے ہر کونے سے بے دخل کیا جانا چاہئیے۔ ان کے لیے ایک میٹر جگہ بھی نہیں چھوڑنی چاہئیے، کیونکہ وہ ہر میٹر کو دہشت گردی کے لیے استعمال کرتے ہیں۔

کیف کی فوجی انتظامیہ نے میسجینگ ایپ ٹیلی گرام پر بتایا کہ شہر میں نصب فضائی دفاعی نظام منگل کے پہلے پہر سے ہی اس علاقے میں فضائی حملوں کو پسپا کرنے میں مصروف تھا۔

آئی ایم ایف کے طے شدہ معیارات کی کوئی خلاف ورزی نہ ہو،وزیراعظم

یوکرینی دارالحکومت کے میئر وٹالی کلچکو نے بھی کہا کہ کیف میں دھماکوں کی جو آوازیں سنائی دیں وہ فضائی دفاعی نظام کے جوابی حملوں کی آوازیں تھی،حملے کے بعد کیف کی فوجی انتظامیہ نے کہا کہ فضائی دفاع نے دشمن کی طرف سے بھجوائے گئے 20 سے زیادہ اوبجیکٹس کو تباہ کر دیا۔

روس کی طرف سے یوکرین کے شہروں پر فضائی حملوں کی ایک اور لہر شروع کرنے کے نتیجے میں یوکرین میں راتوں رات ہوائی حملوں کا الرٹ نافذ کر دیا گیا۔

یورپین یونین نے بھی اس کی تباہی کا الزام روس پر عائد کرنے کے بعد اسے ’بربریت والی جارحیت‘ اور ’جنگی جرم‘ قرار دیا ہے یورپی یونین کمیشن کے ترجمان پیٹر اسٹانو نے کہا کہ یہ کشیدگی کی ایک نئی علامت ہے جو یوکرین کے خلاف روسی جارحیت کی ہولناک اور وحشیانہ نوعیت کو بے مثال سطح تک لے جا رہی ہے۔‘

اس سے قبل یورپی کونسل کے صدر چارلس مشیل نے بھی اس حملے کو جنگی جرم قرار دیتے ہوئے ماسکو پر الزام عائد کیا تھا۔

ادھر ماسکو نے ڈیم پر حملے کی تردید کی ہے، اس کے بجائے یہ دعویٰ کیا ہے کہ یوکرین نے ’جان بوجھ کر تخریب کاری کی کارروائی‘ کر کے اسے نقصان پہنچایا ہے۔

جانوروں کی قربانی سے پہلے عوام کی قربانی

روسی حکام کا کہنا ہےکہ ڈیم کو نشانہ بناکر اپنے زیر قبضہ علاقوں کو سیلاب سے متاثرکیوں کریں گے،یوکرینی حملےکا مقصد کریمیا کو پانی سے محروم کرنا تھا، یوکرین نے فوج دوسری جگہ منتقل کرنےکے لیے ڈیم کونشانہ بنایا۔

ماسکو: روس کے ریڈیو اسٹیشنوں کو ہیک کر کے صدرپیوٹن کی جعلی تقریر چلا دی گئی جس میں یوکرین سے متصل 3 علاقوں میں ہنگامی اقدامات کا اعلان کیا گیا۔

باغی ٹی وی: غیر ملکی خبر رساں ایجنسی”روئٹرز” کے مطابق روسی ایوانِ صدر کریملن کے ترجمان نے کہا کہ ہیکنگ کا واقعہ جنوب مغربی بیلگوروڈ میں دراندازی کی متعدد کوششوں اور شدید گولہ باری کے درمیان اور یوکرین کے جلد متوقع جوابی کارروائی کے عندیے کے بعد پیش آیا۔

ہر سفارتی رابطے پر بیان نہیں دیا جاتا،امریکا

روسی میڈیا کے مطابق متعدد ریڈیو اسٹیشنز نےکریملن کے ترجمان دمتری پیسکوف کا حوالہ دیتے ہوئے کہا کہ یہ تمام پیغامات سراسر جعلی ہیں۔

روسی صدر کا چلنے والا جعلی پیغام اب بھی سوشل میڈیا پر زیرگردش ہے جس میں کہا گیا کہ نیٹو اور واشنگٹن کی رضامندی اور حمایت سے مسلح یوکرین کے فوجیوں نے کرسک، بیلگوروڈ اور برائنسک علاقوں پر حملہ کر دیا ہے، یہ تمام علاقے یوکرین سے ملحق ہیں،

پیغام میں سنائی دے رہی آواز پوٹن کی آواز سے کافی ملتی جلتی ہے۔ پیغام میں مذکورہ بالا تینوں خطوں میں مارشل لا اور شہریوں کے انخلاء کا بھی اعلان کیا گیا تھا۔

افغانستان میں 2 پرائمری اسکولوں کی 80 بچیوں کو زہر دینے کا انکشاف

ترجمان نے کہا کہ یہ ایک ہیک تھا جسے اب کنٹرول کیا جاچکا ہانہوں نے خطاب کا حوالہ دیتے ہوئے کہا کہ غلط طور پر، سرحدی علاقوں میں مارشل لاء کا اعلان کر دیا گیا تھا اور یوکرین کے ساتھ روس کی جنگ کےلیےملک گیر فوجی متحرک ہونا شروع ہوگیا تھااور رہائشیوں کو روس کی گہرائیوں سے نکل جانا چاہیے۔

دوسری جانب کیف نے روسی سرزمین میں فوج بھیجنے کی تردید کی ہے، اور کہا ہے کہ پچھلے تین مہینوں میں زمینی دراندازی، جس کے لیے ماسکو یوکرین کو مورد الزام ٹھہراتا ہے، روسی حامیوں کا کام ہے۔

ٹیلی گرام پر پوسٹ کیے گئے ایک بیان میں، وورونز کی علاقائی حکومت نے ایک ہیک ہونے کی تصدیق کی، اور کہا کہ مقامی ریڈیو اسٹیشن قانون نافذ کرنے والے اداروں اور مقامی حکام کے کنٹرول میں ہیں۔

پی ٹی آئی نے امریکی کانگریس میں پاکستان سے متعلق قرار داد لانےکی مدد مانگ …

امریکی محکمہ دفاع پینٹاگون نے یوکرین کے لیے 30 کروڑ ڈالر کے نئے اسلحہ پیکج کا اعلان کر دیا تاہم ساتھ ہی کیف کو خبردار کیا ہے کہ امریکی ہتھیاروں کو روس کے اندر حملے کے لیے استعمال نہیں کیا جانا چاہیے۔

باغی ٹی وی : غیر ملکی خبررساں ایجنسی کے مطابق اسلحہ پیکج میں ائیرڈیفنس سسٹم اور ایمونیشن شامل ہے اس کے علاوہ پیکج میں پٹر یاٹ ائیر ڈیفنس سسٹمز، اے آئی ایم 7 ائیر ڈیفنس میزائل، ایونجر ائیر ڈیفنس سسٹمز اور اسٹرنگر اینٹی ائیر کرافٹ میزائل کے لیے ایمونیشن شامل ہے جب کہ ہائی موبیلٹی آرٹیلری راکٹ سسٹمز، 155 ایم ایم اور 105 ایم ایم آرٹیلری راؤنڈز، 105 ایم ایم ٹینک ایمونیشن اور زونی ائیر کرافٹ راکٹ بھی پیکج کا حصہ ہیں۔

امریکا دیوالیہ ہونے سے بچ گیا

پینٹاگون کا کہنا ہے کہ روسی حملے کے بعد یوکرین کو 37.6 ارب ڈالر کی امریکی سکیورٹی امداد دی گئی ہے ، امریکا اپنے اتحادیوں کے ساتھ کام جاری رکھے گا یوکرین کی فوری اور طویل مدتی جنگی ضروریات پوری کی جائیں گی اور یوکرین کی مشرقی اور جنوبی علاقوں سے روسی فوج کو نکالنے کی تیاریاں جاری ہے۔

قومی سلامتی کونسل کے ترجمان جان کربی نے کہا کہ ہم نجی طور پر یوکرائنیوں کے ساتھ بہت واضح رہے ہیں – ہم یقینی طور پر عوامی طور پر واضح رہے ہیں کہ ہم روس کے اندر حملوں کی حمایت نہیں کرتے ہیں۔ ہم فعال نہیں ہیں اور ہم روس کے اندر حملوں کی حوصلہ افزائی نہیں کرتے ہیں۔

شادی کی تقریب میں بھائی نے اپنے ہی بھائی کو چاقو گھونپ دیا

پینٹاگون نے ایک بیان میں کہاکہ امریکہ اپنے اتحادیوں اور شراکت داروں کے ساتھ مل کر یوکرین کو اس کی فوری میدان جنگ کی ضروریات اور طویل مدتی سیکیورٹی امداد کی ضروریات کو پورا کرنے کی صلاحیت فراہم کرنے کے لیے کام جاری رکھے گا۔”

امریکہ نیٹو اور دیگر اتحادی ممالک کی جانب سے یوکرین کو ہتھیار اور دیگر امداد فراہم کرنے کی ایک بے مثال کوشش کی قیادت کر رہا ہے اسلحے کی تازہ ترین کھیپ اس وقت سامنے آئی ہے جب یوکرین ایک جوابی کارروائی کی تیاری کر رہا ہے جس کا مقصد روسی افواج کو ملک کے مشرقی اور جنوب میں مقبوضہ علاقوں سے واپس بھگانا ہے۔

سعودی خلابازوں کا مشن مکمل،10 دن بعد زمین پر واپس پہنچ گئے