ماسکو: روس کی جانب سے چاند تک روانہ کیے جانے والا لیونا 25 مشن آخری لمحات میں قمری سطح سے ٹکرا کر تباہ ہوگیا ہے۔
باغی ٹی وی : 1976 یعنی 50 برس کے بعد روس نے ایک جدید خلائی جہاز چاند پر روانہ کیا تھا جس نے پہلے چاند کے گرد مدار میں چکر کاٹے اسے چاند کے ایک گڑھے کے قریب اترنا تھا جس کا نام بوگیوسلوفسکی کریٹر ہے جو قمری قطبِ جنوبی پر موجود ہے۔
اپنے آخری سفر سے قبل اس نےچاند کی شاندار تصاویر زمین پر بھیجی تھیں فی الحال اس کی شاندار تصاویر میں زمین اور دیگر اجرام کو دیکھا جاسکتا ہے 800 کلوگرام وزنی لیونا 25 کو گزشتہ جمعے کو خلا میں روانہ کیا گیا تھا اس کے بعد دھیرے دھیرے وہ چاند کی جانب بڑھااس کے اہم مشن میں چاند پر پانی کی تلاش شامل تھی لیکن مٹی کی ساخت کی کیمیائی آزمائش اور نمونے جمع کرنے کا کام بھی اس کے ذمے تھا۔
سعودی عرب:روبوٹ کے ذریعے مرگی کے مریض کے دماغ میں چپ لگا دی گئی
واضح رہے کہ ہفتے کے روز مشن قابو سے باہر ہوگیا، پھر اس کا رابطہ منقطع ہوا اور خیال ہے کہ اس کے بعد وہ مدار سے بھٹک کر چاند سے جا ٹکرایا ہے روسی خلائی ایجنسی کا کہنا تھا کہ چاند پر بھیجے گئے روسی خلائی مشن لونا 25 میں غیرمعمولی ایمرجنسی صورتحال کی اطلاعات موصول ہوئی ہیں روسی خلائی ایجنسی کےمطابق آپریشن کے دوران خودکار اسٹیشن پر ہنگامی صورتحال پیدا ہوئی، چاند کی سطح پر اتر نے سے پہلے ایمرجنسی صورتحال کا پتاچلا ہے ماہرین لونا 25 میں پیش آنے والی ایمرجنسی صورتحال کا جائزہ لے رہے ہیں-
امریکی ریاست کیلیفورنیا میں سمندری طوفان نے تباہی مچا دی
روس کا لونا 25 لینڈر مشن سوویت دور کے بعد چاند پر خلائی جہاز اتارنے کی ملک کی پہلی کوشش ہے، آخری قمری لینڈر، لونا 24، 18 اگست 1976 کو چاند کی سطح پر اترا تھا،10 اگست کو روس کے امور اوبلاست میں ووسٹوچنی کاسموڈروم سے لانچ کیا گیا خلائی جہاز سویوز-2 فریگیٹ راکٹ پر سوار ہو کر گاڑی کو چاند کے تیز سفر پر لے گیالونا 25 نے تیز رفتاری کے باعث بھارت کے چندریان 3 قمری لینڈر کو پیچھے چھوڑدیا، جو کہ جولائی کے وسط میں چاند پر جانے کیلئے لانچ ہوا تھا۔
