Tag: روس

ماسکو: روسی نائب وزیراعظم الیگزینڈر نوواک نے کہا ہے کہ پاکستان اور افغانستان کو طویل مدت کے لیے قدرتی گیس فراہم کی جا سکتی ہے۔

باغی ٹی وی: روس کی سرکاری خبر رساں ایجنسی تاس کو دیئے گئے انٹرویو میں روسی نائب وزیراعظم نے کہا کہ مغرب کو یامل- یورپ گیس پائپ لائن کے ذریعے گیس فراہم کرنے لیے تیار ہیں جبکہ پاکستان اور افغانستان کو بھی طویل مدت کے لیے گیس فراہم کی جا سکتی ہے۔

جنوبی کوریا کا شہری پیرا گلائیڈنگ کےدوران 50 فٹ کی بلندی سےگرکرہلاک

نائب وزیراعظم کی جانب سے یہ بات ایک ایسے وقت میں کہی گئی ہے کہ جب پاکستان کو گیس کی شدید قلت کا سامنا ہے اور ملک میں توانائی کا بحران محسوس کیا جا رہا ہے۔

الیگزینڈر نوواک نے کہا کہ گیس کی قلت کے باعث یورپی مارکیٹ بہت اہم ہے اور ہمارے پاس گیس کی دوبارہ سپلائی کا بھرپور موقع ہے، گیس کی فراہمی کی مثال یامل –یورپ پائپ لائن ہے جو سیاسی اسباب کے باعث بند کئی گئی تھی۔

روس کے نائب وزیراعظم نے کہا کہ ترکیہ میں مرکز بنانے کے بعد اس کے ذریعے اضافی گیس فراہم کرنے کے لیے بھی روس کی بات چیت جاری ہے، توقع ہے 2022 میں یورپ کو 21 ارب کیوبک میٹر ایل این جی گیس فراہم کی گئی ہو گی۔

انہوں نے کہا کہ رواں سال ہم نے یورپ کو گیس کی سپلائی بڑھائی ہے، گزشتہ گیارہ ماہ میں 19 ارب 4 کروڑ کیوبک میٹر گیس سپلائی کی گئی جو اس ماہ کے اختتام پر 21 ارب کیوبک میٹر تک پہنچ جائے گی۔

نائب وزیراعظم الیگزینڈر نوواک نے کہا کہ روس طویل مدت کے لیے افغانستان اور پاکستان کی مارکیٹس کو بھی وسطی ایشیا اور یا پھر ایران کے ذریعے قدرتی گیس فراہم کر سکتا ہے، گھریلو استعمال کے لیے گیس کے استعمال کو بڑھانے کے لیے روس اور آذربائیجان کے درمیان بھی معاہدہ طے پایا گیا ہے۔

یوکرین جنگ پرمذاکرات چاہتے ہیں، لیکن مغربی ممالک انکار کر رہے ہیں،روسی صدر

انہوں نے کہا کہ مستقبل میں جب آذربائیجان گیس کی پیداوار میں اضافہ کرے گا تو ہم تبادلے پر بات کر سکیں گے، ماسکو کی جانب سے کازکستان اور ازبکستان کو بھی بڑی مقدار میں گیس سپلائی کرنے کے لیے بات چیت ہو رہی ہے۔

خیال رہے کہ یامال۔یورپ پائپ لائن مغرب سے جاتی ہے لیکن پولینڈ کی طرف سے جرمنی میں ذخیرہ شدہ گیس پر ڈرائنگ کے حق میں روس سے گیس کی خریداری سے منہ موڑنے کے باعث دسمبر 2021 کے بعد سے اس گیس پائپ لائن کے ذریعے سپلائی منقطع ہے۔

روسی گیس سپلائر کمپنی گیز پروم نے سپلائی منقطع کرتے ہوئے کہا تھا کہ ماسکو کی جانب سے یامل۔یورپ پائپ لائن کے پولش سیکشن کے خلاف پابندیاں عائد کرنے کے بعد وہ پولینڈ کے راستے سے گیس سپلائی نہیں کر سکتے۔

واضح رہے کہ گزشتہ دنوں پاکستان کے ایک اعلیٰ سطحی وفد نے وفاقی وزیر مملکت سینیٹر ڈاکٹر مصدق ملک کی سربراہی میں ماسکو کا دورہ کیا تھا جس کے دوران روس سے پیٹرول خریدنے کے حوالے سے گفت و شنید ہوئی تھی وفاقی وزیر مملکت برائے پیٹرولیم نے اپنے دورہ روس کو کامیاب قرار دیا تھا جبکہ اس سے قبل پاکستان نے روس سے گندم خریدنے کی بھی منظوری دی تھی۔

خواتین کے فلاحی تنظیموں میں کام کرنے پر پابندی افغان عوام کیلئے تباہ کن ہو سکتا…

ماسکو: روس کے صدر ولادیمیر پیوٹن نے کہا ہے کہ یوکرین کے معاملے پر تمام فریقوں کے ساتھ بات چیت کے لیے تیار ہیں لیکن مغربی ممالک مذاکرات سے انکار کررہے ہیں۔

باغی ٹی وی : عالمی خبر رساں ادارے کے مطابق روس کے صدر ولادیمیر پیوٹن نے یوکرین کے صدر وولودیمیر زیلنسکی کو تنقید کا نشان بناتے ہوئے کہا کہ زیلنسکی بھی اپنے مغربی اتحادی ممالک کی طرح مذاکرات کے لیے تیار نہیں۔

روس کے تازہ حملے میں یوکرین کو بڑے پیمانے پرجانی ومالی نقصان

صدر پیوٹن نے مزید کہا کہ روس یوکرین جنگ میں شامل تمام فریقوں کے ساتھ بات چیت کے لیے تیار ہے لیکن ہمیں مثبت ردعمل دیکھنے کو نہیں ملا اس کے باوجود ہم جنگ کے خاتمے کے قابل قبول حل کے لیے تیار ہیں۔

امریکا کی جانب سے یوکرین کو جدید فضائی سسٹم پیٹریاٹ کی فراہمی کے فیصلے پر کڑی تنقید کرتے ہوئے روسی صدر نے کہا کہ مجھے 100 فیصد یقین ہے کہ روسی افواج پینٹاگون کے جدید ترین فضائی دفاعی نظام کو تباہ کر دیں گی۔

صدر پیوٹن نے الزام عائد کیا کہ امریکا کی سربراہی میں مغربی ممالک روس کو دنیا میں تنہا کرنا چاہتے ہیں اپنے ملک اور شہریوں کے مفادات کے دفاع کے لیے ہماری سمت درست ہے۔

یوکرینی صدر کا کامیاب دورہ امریکہ:مزید 45 ارب ڈالر اور میزائل ملیں گے

دوسری جانب یوکرین کے شہرکھیرسن پرہفتے کے روز روسی فوج کےحملےمیں کم سے کم 10 افراد ہلاک اور58 زخمی ہوگئے ہیں حملے کے بعد شاہراہوں پر خون آلود لاشیں بکھری پڑی تھیں۔

یوکرینی صدر ولودی میرزیلنسکی نے اپنے سوشل میڈیا اکاؤنٹس پرایسی تصاویر شائع کی ہیں جن میں سڑکوں پر جلتی ہوئی کاروں اورکھڑکیوں اورلاشوں کونکالتے ہوئے دکھایا گیا ہے۔

انہوں نے ساتھ لکھا ہے کہ سوشل نیٹ ورکس زیادہ ترممکنہ طورپران تصاویر کو ‘حساس مواد’ کے طور پر نشان زد کریں گے لیکن یہ حساس مواد نہیں بلکہ یہ یوکرین اور یوکرینیوں کی حقیقی زندگی ہے یہ فوجی تنصیبات نہیں ہیں … یہ دہشت گردی ہے، یہ ڈرانے دھمکانے اور خوشی کی خاطر قتل ہے-

روس: اولڈ ہوم میں لگنے والی خوفناک آگ میں 20 معمر افراد ہلاک

علاقائی کونسل کے نائب سربراہ یوری سوبولوسکی نے کہا کہ ایک میزائل شہر کے فریڈم اسکوائر کے قریب ایک سپرمارکیٹ کے باہرگرا ہے۔

ماسکو کی جانب سے اس حملے سے متعلق کوئی بیان سامنے نہیں آیا جہاں صدرولادی میرپوتین کا کہنا تھا کہ ان کی فوجیں یوکرین میں فاشزم کے خلاف لڑرہی ہیں اور روس کی سلامتی کے لیے مغربی خطرے کے خلاف مزاحمت کررہی ہیں۔

یاد رہے کہ روس نے رواں برس 24 فروری کو یوکرین پر فوج کشی کی تھی جس کے لیے امریکا سمیت عالمی قوتوں روس کو خبردار کرتی آئی تھیں تاہم روسی صدر ان دھمکیوں کو خاطر میں نہ لائے تھے۔

یوکرین پر حملے کے بعد روس نے اس عزم کا اظہار کیا تھا کہ اپنے مقاصد کے حصول تک لڑیں گے جس پر یوکرین نے کہا تھا کہ اس وقت تک آرام سے نہیں بیٹھیں گے جب تک کہ آخری روسی فوجی کو اپنے علاقوں سے نہیں نکال لیتے۔

امریکا میں موسم سرما کا بڑا طوفان، 10 لاکھ سے زیادہ افراد بجلی سے محروم،سینکڑوں…

ماسکو: روس کے صدرولادیمیر پیوٹن نے کہا ہے کہ یوکرین جنگ کا ذمہ دار روس نہیں ہے۔

باغی ٹی وی : روسی صدر ولادیمیر پیوٹن نے سینئر فوجی حکام کے ساتھ ٹیلی ویژن پر خطاب کے دوران یوکرین جنگ کو دونوں ممالک کے لیے ’ المیہ ‘ قراردیتے ہوئے کہا کہ وہ یوکرین کو اب بھی بردار ملک کے طور پردیکھتے ہیں۔

یوکرینی صدر زیلنسکی کا اہم امریکی دورہ، امریکا کا یوکرین کو 1.8 ارب ڈالر کی فوجی…

فروری میں صدر پوتن نے 200,000 فوجیوں کو یوکرین میں بھیج کر جنگ چھیڑ دی تھی جس میں اب تک ہزاروں افراد ہلاک ہوچکے ہیں۔

روسی صدر کا کہنا تھا کہ یوکرین کا تنازع تیسرے ممالک کی پالیسیوں کا نتیجہ ہے مغربی ممالک نے سابق سویت یونین کی ریاستوں کا ’برین واش‘ کرنے کا عمل یوکرین سے شروع کیا ہے۔

انہوں نے کہا کہ برسوں تک، ہم نے یوکرین کے ساتھ اچھے پڑوسیوں کے تعلقات استوار کرنے کی کوشش کی، ہم نے برسوں یوکرین کو قرضوں اورسستی توانائی فراہم کرنے کی پیشکش کی تاہم اس اقدام کا بھی کوئی نتیجہ نہیں نکلا۔

1991 میں سوویت یونین کے ٹوٹنے کے بعد سے صدر پوتن کے دیرینہ خدشات نیٹو کی ترقی سے پیدا ہوتے دکھائی دیتے ہیں نیٹو کا اصل مقصد دوسری جنگ عظیم کے بعد روسی توسیع کو چیلنج کرنا تھا، لیکن کریملن نے طویل عرصے سے نیٹو کی جانب سے سابق سوویت اتحادیوں کو قبول کرنے کی دلیل دی ہے کیونکہ اراکین سے اس کی سلامتی کو خطرہ ہے-

افغان طالبان نے جذبہ خیر سگالی کے تحت 2 امریکی شہریوں کو رہا کر دیا

2014 میں کریملن نواز یوکرین کے صدر وکٹر یانوکووچ کی معزولی کے بعد، کئی مہینوں کے سڑکوں پر ہونے والے احتجاج کے بعد کریملن اور مغرب کے درمیان کشیدگی میں اضافہ ہوا۔

اپنے خطاب میں صدر پیوٹن نے مزید کہا کہ ہم پر الزام لگانے کے لیے کچھ نہیں ہے۔ ہم نے ہمیشہ یوکرائنیوں کو برادرانہ لوگوں کے طور پر دیکھا ہے اور میں اب بھی ایسا ہی سوچتا ہوں اب جو کچھ ہو رہا ہے وہ ایک المیہ ہے، لیکن یہ ہماری غلطی نہیں ہے۔

روس نے 10 اکتوبر سے شروع ہونے والے یوکرین کے پاور انفراسٹرکچر پر حملوں کی لہر میں 1000 سے زیادہ میزائل اور ایرانی ساختہ حملہ آور ڈرون لانچ کیے ہیں ان حملوں نے لاکھوں افراد کو تاریکی میں ڈال دیا ہے۔

فوجی حکام نے "خصوصی فوجی آپریشن” کو 2023 تک جاری رکھنے کا عزم کیا جب روس نے فروری میں اپنے مکمل حملے کا آغاز کیا تو صدر پیوٹن نے وعدہ کیا کہ صرف پیشہ ور فوجی ہی حصہ لیں گے۔

کروڑ پتی روسی خاتون کا رشتے کیلئے بل بورڈ پر اشتہار، یوکرینی بزنس ٹائیکون نے بھی اپنا بل بورڈ لگادیا

لیکن ستمبر تک یہ سب کچھ بدل گیا جب اس نے "جزوی متحرک ہونے” کا اعلان کیا، ممکنہ طور پر لاکھوں روسی شہریوں کو مسلح افواج میں شامل کیا گیا اب وزیر دفاع سرگئی شوئیگو نے لازمی روسی فوجی خدمات کے لیے عمر کی حد بڑھانے کی تجویز پیش کی ہے۔

موجودہ قانون کے تحت، 18-27 سال کی عمر کے روسیوں کو لازمی فوجی خدمات کے لیے بلایا جا سکتا ہے – مسٹر شوئیگو اب تجویز کر رہے ہیں کہ یہ 21-30 سال کی عمر کے شہریوں کا احاطہ کرتا ہے۔

مسٹر شوئیگو نے دو بندرگاہی شہروں برڈیانسک اور ماریوپول میں اڈے قائم کرنے کے منصوبے کا بھی اعلان کیا جو روسی حملے کے دوران قبضے میں لیے گئے تھے۔

لیکن، حالیہ مہینوں میں یوکرین کی افواج نے بڑی پیش رفت کا ایک سلسلہ کیا ہے، جس میں خرسن کو دوبارہ حاصل کرنا بھی شامل ہے، جو کہ حملے کے بعد سے روسی افواج کے زیر قبضہ واحد علاقائی دارالحکومت ہے۔

بیک وقت 9 بچوں کو پیدا کرنے والی خاتون کا نام گنیز بک آف ورلڈ ریکارڈ میں شامل

روس کی کروڑپتی خاتون ماریہ مولونوا نے رشتے کیلئے بل بورڈ پر اشتہار لگادیا۔

باغی ٹی وی : امریکی ویب سائٹ نیو یارک پوسٹ کے مطابق ایک روسی خاتون جس نے ایک بہت بڑے بل بورڈ پر اپنی محبت کی تلاش کا اشتہار دیا تھا، اس کا اشتہار وائرل ہونے کے بعد یوکرین کے ایک امیر ٹائیکون کی طرف سے اس کی حوصلہ افزائی کی جا رہی ہے۔

رپورٹ کے مطابق روس کی جانب سے یوکرین پر حملوں کے باعث روس میں کئی ڈیٹنگ ایپ غیر فعال ہیں، پابندیوں کے پیش نظر روس کی26 سالہ کروڑ پتی بزنس ویمن نے بل بورڈ پر اشتہار لگادیا ہے۔

ماریہ مولونووا کی ایک تصویر کئی ہفتے قبل اس کے آبائی شہر اولان-اودے میں ایک بل بورڈ پر نمودار ہوئی تھی، جس میں ایک اقتباس کے ساتھ یہ دعویٰ کیا گیا تھا کہ وہ مسٹر رائٹ کی تلاش میں ہیں۔

یہ تلاش تیزی سے شہ سرخیوں کی خبر بن گئی، اس اشتہار پر جب ورلڈ ٹور پر نکلے یوکرین کے 26 سالہ بزنس مین کارخوشا کی نظر پڑی جو فوری طور پر خوبصورتی کی طرف راغب ہو گئی اس حقیقت کے باوجود کہ اس کا ملک اس وقت اس کے ساتھ جنگ ​​میں ہے۔

یوکرینی بزنس مین نے خاتون کو سادہ نوٹ لکھ کر شادی کی خواہش کا اظہار کردیا اور بورڈ پر لکھا کہ ملینیئر ادھر دیکھو میں یہاں ہوں۔

انہوں نے لکھا کہ میں جنگ کا حمایتی نہیں ہوں اور نہ ولادمیر کی عزت کرتا ہوں، نہ ہی میں یہ سمجھتا ہوں کہ وہاں کیا ہوالیکن مجھے روسی خاتون پسند ہیں اور جب میں نے یہ اشتہار دیکھا تو مجھے روسی خاتون اپنی آئیڈیل لگی لہٰذا میں نے فیصلہ کیا ہے کہ میں جواب کیلئے ایک بل بورڈ لگواؤں گا کیوں کہ میں ابھی ماریہ کے شہر نہیں جاسکتا لیکن انہیں اپنی زندگی کا حصہ بنانا چاہتا ہوں۔

ماسکو:ناکام امریکی میزائل دفاعی سسٹم پیٹریاٹ یوکرین کےحوالے:یوکرینی دفاعی حکام غیرمطمئن دکھائی دے رہے ہیں، اطلاعات کے مطابق روس یوکرین کے درمیان جنگ میں امریکہ اور نیٹو کی طرف سے یوکرین کو اسلحہ کی فراہمی کا سلسلہ جاری ہے۔ اور کل شام ایک معاہدے کے مطابق امریکی حکومت یوکرین کو ایک جدید پیٹریاٹ سسٹم دینے وای ہے جو اگلے چوبیس گھنٹوں میں یوکرین پہنچا دیا جائے گا،

جوہری فیوژن توانائی کے حصول میں انتہائی اہم پیشرفت

اس سے پہلے کہا جارہا تھا کہ امریکی حکومت یوکرین کو روس کے فضائی اور میزائل حملوں سے بچاؤ کےلئے پیٹریاٹ میزائل دفاعی نظام فراہم کرنے کے منصوبے کے آخری مرحلے میں ہے جس کا یوکرین کافی عرصے سے امریکہ سے مطالبہ کر رہا تھا۔یوکرین اور امریکہ کے درمیان طئے پانے والے معاہدے کے مطابق یوکرین اس سسٹم کو بہت جلد مختلف مقامات پر نصب کرے گا اور پھر روسی حملوں سے بچاوکےلیے اس کا استعمال کرے گا

امریکی صدر نے ہم جنس پرستوں کی شادی کے بل پر دستخط کر دیئے

اطلا ت کے مطابق یہ منصوبہ امریکی وزیر دفاع اور امریکی صدر کی منظوری کے بعداس معاہدے کو حتمی شکل دی گئی ہے ،۔پیٹریاٹ میزائل دفاعی نظام میں بجلی فراہم کرنے والا یونٹ، کمانڈ اور کنٹرول کا مرکز، راڈار یونٹ، انٹینا اور میزائل فائر کرنے والی آٹھ گاڑیاں شامل ہوتی ہیں جن میں سے ہر گاڑی میں زمین سے ہوا میں مارکرنے والے چار پیٹریاٹ میزائل نصب ہوتے ہیں جو 160 کلومیٹر کی دوری تک میزائلوں اور جنگی طیاروں کو نشانہ بنا سکتے ہیں۔

روس اور مغرب تصادم کے دہانے تک پہنچ گئے ہیں: روس اہلکارنے خبردارکردیا

اس میزائل دفاعی نظام کے خلیج فارس کی جنگ میں بہت وسیع پیمانے پر تجربات کئے گئے تھے اور امریکہ نے دعویٰ کیا تھا کہ اس نے پیٹریاٹ میزائل دفاعی نظام کے ذریعے سے عراق کی طرف سے فائر ہونے والے 47 سکڈ میزائلوں میں سے 45 کو ہوا میں ہی تباہ کر دیا تھا جب کہ بعد میں غاصب صیہونی ریاست اسرائیل نے انکشاف کیا تھا کہ مذکورہ امریکی میزائل دفاعی نظام نے صرف ایک سکڈ میزائل کو ہی روکا تھا۔ ۔

اسکے علاوہ 2017 میں نیویارک ٹائمز نےبھی اپنی ایک رپورٹ میں یہ انکشاف کیا تھا کہ یمنی حوثیوں کے میزائل حملے روکنے میں پیٹریاٹ میزائل دفاعی نظام ناکارہ ثابت ہوا تھا اور سعودی علاقوں میں اس امریکی دفاعی سسٹم کے ہوتے ہوئے یمنی فوج نے بھرپور طریقے سے اُس علاقے میں اپنے میزائل حملے کئے ہیں