سوات میں زلزلے کے شدید جھٹکے محسوس کیےگئے ہیں۔
باغی ٹی وی:زلزلے سے لوگوں میں خوف و ہراس پھیل گیا لوگ کلمہ طیبہ کا ورد کرتے ہوئے گھروں سے بار نکل آئے،زلزلہ پیما مرکز کے مطابق ریکٹر اسکیل پر زلزلے کی شدت 4.7 ریکارڈ کی گئی ،زلزلے کی زیرزمین گہرائی 97 کلو میٹر تھی،زلزلہ پیما مرکز کے مطابق زلزلے کا مرکز پاک افغانستان تاجکستان کا سرحدی علاقہ تھا، زلزلے کے نتیجے میں کسی جانی و مالی نقصان کی کوئی اطلاع نہیں ملی۔
گلگت اور گردو نواح میں زلزلےکے شدید جھٹکے محسوس کیےگئے ہیں۔
باغی ٹی وی: گلگت بلتستان کے علاقوں غذر ، دیامر،گانچھے ،کھرمنگ اور ہنزہ اور اسکردو میں زلزلےکےجھٹکے محسوس کیے گئے ہیں، لوگ خوفزدہ ہو کر کلمہ طیبہ پڑھتے ہوئےگھروں سے باہر نکل آئے، بعض علاقوں میں بجلی بھی معطل ہوگئی۔
زلزلہ پیما مرکز کے مطابق زلزلےکی شدت 5.2 ریکارڈ کی گئی، اس کی گہرائی 25 کلومیٹر اور مرکز گلگت سے 45 کلومیٹر جنوب مشرق تھا زلزلےکے باعث فوری طور پر کسی جانی نقصان کی اطلاع نہیں ملی ہے۔
کوئٹہ: بلوچستان کے دارالحکومت کوئٹہ میں زلزلے کے جھٹکے محسوس کئے گئے ہیں۔
باغی ٹی وی: زلزلے سے علاقے میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے، تاہم ابتدائی رپورٹس میں زلزلے سے کسی قسم کے جانی و مالی نقصان کی اطلاع موصول نہیں ہوئی۔
زلزلہ پیما مرکز کے مطابق ریکٹر اسکیل پر زلزلے کی شدت3.1 ریکارڈ کی گئی، جس کی زیرزمین گہرائی 25 کلو میٹر تھی جب کہ مرکز کوئٹہ سے 125 کلومیٹر جنوب مشرقی کی جانب تھا۔
واضح رہے کہ گزشتہ روز وادی نیلم اور سوات اور ان کے اطراف کے علاقوں میں بھی زلزلے کے جھٹکے محسوس کیے گئے تھے۔
اسلام آباد: وفاقی دارالحکومت سمیت ملک کے مختلف شہروں میں زلزلےکے جھٹکے محسوس کیےگئے۔
باغی ٹی وی: پشاور اور سوات میں زلزلے کے جھٹکے محسوس کئے گئے،خیر پختونخوا کے علاقوں مہمند، شبقدر ، باجوڑ ،ضلع خیبر ، شمالی وزیرستان اور مردان جبکہ لوئر دیر، مالاکنڈ اور گردو نواح میں بھی زلزلےکے شدید جھٹکے محسوس کیےگئےپنجاب میں راولپنڈی، میانوالی، خوشاب، سرگودھا، چکوال اور گردو نواح میں زلزلےکے جھٹکے محسوس کیےگئے-
زلزلے کے باعث لوگ کلمہ طیبہ کا ورد کرتے ہوئے خوفزدہ ہوکر گھروں سے باہر نکل آئے زلزلہ پیما مرکز کے مطابق زلزلےکی شدت 4.9 تھی، زلزلے کی گہرائی 142 کلو میٹر اور اس کا مرکز ہندوکش ریجن افغانستان تھا-
ٹوکیو: وسطی جاپان میں 7.6 شدت کے زلزلے کے بعد کچھ ساحلی علاقوں کے لیے سونامی کی وارننگ جاری کی گئی ہے-
باغی ٹی وی : جاپانی میڈیا کے مطابق سی آف جاپان (Sea of Japan) میں زلزلے کے جھٹکے ریکارڈ کیے گئے جن میں سے ایک جھٹکے کی شدت 7.6 ریکارڈ کی گئی زلزلے کے جھٹکوں کے ساتھ سی آف جاپان کے مختلف ساحلی علاقوں میں ایک میٹر بڑی لہریں متحرک ہوئیں اور مزید بڑی لہروں کا امکان ہےزلزلے سے متاثرہ خطے میں ہزاروں گھر بجلی سے محروم ہوگئے جبکہ پروازوں اور ٹرین سروسز متاثر ہوئیں، تاہم ابھی کسی جانی نقصان کی رپورٹ سامنے نہیں آئی،زلزلے کے جھٹکے دارالحکومت ٹوکیو میں بھی محسوس کیے گئے جو بالکل مخالف سمت پر موجود ہے۔
https://x.com/hioooomn/status/1741723364413300893?s=20
جاپانی محکمہ موسمیات کی جانب سے Ishikawa، Niigata اور Toyama نامی ساحلی علاقوں کے لیے سونامی وارننگ جاری کی گئی،کہا گیا کہ 3 میٹر بڑی لہریں متاثرہ حصوں سے ٹکرا سکتی ہیں جبکہ روس کی جانب سے بھی Vladivostok اور Nakhodka شہروں کے لیے سونامی وارننگ جاری کی گئی ہے۔
جاپانی میڈیا کے مطابق حکام کی جانب سے متاثرہ علاقوں میں ہونے والے نقصانات کا تخمینہ لگایا جا رہا ہے جبکہ شہریوں کو کہا گیا ہے کہ وہ زلزلے کے مزید جھٹکوں کے لیے تیار رہیں جاپانی وزیراعظم فومیو کیشیدا نے ایک بیان میں کہا کہ لوگوں کو زلزلے کے آفٹرشاکس کے لیے تیار رہنا چاہیے اور ہم سونامی کے خطرے سے دوچار علاقوں میں رہنے والوں کو ہدایت دیتے ہیں کہ وہ جلد از جلد وہاں سے نکل جائیں۔
دوسری جانب جاپان کے جوہری پلانٹ کا انتظام سنبھالنے والے ادارے نے کہا ہے کہ سی آف جاپان کے ساتھ موجود جوہری تنصیبات کو نقصان نہیں پہنچا ہے زلزلے کے مرکز کے قریب موجود Hokuriku’s Shika جوہری پاور پلانٹ کے 2 ری ایکٹرز کو زلزلے سے قبل ہی معمول کے معائنے کے لیے بند کیا گیا تھا اور ان پر زلزلے سے اثرات مرتب نہیں ہوئے۔
واضح رہے کہ اس سے قبل جاپان میں 2011 میں زلزلے اور سونامی سے 20 ہزار کے قریب افراد ہلاک ہوئے تھے جبکہ فوکوشیما جوہری پلانٹ کو نقصان پہنچا تھا،ایک اور زلزلہ، جسے عظیم ہینشین زلزلہ کے نام سے جانا جاتا ہے، 1995 میں مغربی جاپان میں آیا، جس میں 6000 سے زیادہ افراد ہلاک ہوئے، خاص طور پر کوبے شہر میں،پیر کا زلزلہ یکم جنوری کی عام تعطیل کے دوران آیا جب لاکھوں جاپانی روایتی طور پر نئے سال کے موقع پر مندروں میں جاتے ہیں۔
کنازوا میں، ایک مشہور سیاحتی مقام اشیکاوا میں، تصاویر میں ایک گرے ہوئے ٹوری گیٹ کی باقیات کو ایک مزار کے داخلی دروازے پر بکھرے ہوئے دکھایا گیا ہے جب فکر مند عبادت گزار ان کی طرف دیکھ رہے تھے کنازوا کی رہائشی آیاکو ڈائیکائی نے بتایا کہ زلزلے کے جھٹکوں کے فوراً بعد وہ اپنے شوہر اور دو بچوں کے ساتھ قریبی پرائمری اسکول میں منتقل ہوگئیں، انہوں نے کہا کہ کلاس رومز، سیڑھیاں، دالان اور جمنازیم سبھی خالی ہونے والوں سے بھرے ہوئے تھے۔
ٹیلی فون پر رابطہ کرنے پر اس نے روئٹرز کو بتایا کہ میں نے عظیم ہینشین زلزلے کا بھی تجربہ کیا، اس لیے میں نے سوچا کہ وہاں سے نکلنا سب سے محفوظ ہوگا ہم نے ابھی تک یہ فیصلہ نہیں کیا ہے کہ کب گھر واپس جانا ہے۔
مینگورہ ،سوات اور گردو نواح میں زلزلے کے شدید جھٹکے محسوس کئے گئے-
باغی ٹی وی : زلزلہ پیما مرکز کے مطابق زلزلے کا مرکز تاجکستان افغانستان سرحد تھا، جس کی شدت 4.4 ریکارڈ کی گئی، زلزلہ اس قدر شدید تھا کہ لوگ خوفزدہ ہو گئے اور کلمہ طیبہ کا ورد کرتے ہوئے گھروں اور دکانوں سے باہر آگئے، زلزلہ پیما مرکز کے مطابق زلزلے کی زیر زمین گہرائی 114کلومیٹر تھی-
تائپے: تائیوان کے کم آبادی والے مشرقی ساحل پر 6.3 شدت زلزلے کے شدید جھٹکے محسوس کئے گئے۔
باغی ٹی وی: غیر ملکی خبر رساں ایجنسی "روئٹرز” کے مطابق تائیوان میں زلزلے کے شدید جھٹکے کے باعث عمارتیں لرز گئیں اور لوگ خوفزدہ ہو کر گھروں سے باہر نکل آئے، زلزلہ پیما مرکز کے مطابق تائیوان میں آنیوالے زلزلے کی ریکٹر اسکیل پر شدت 6.3 ریکارڈ کی گئی زلز لے کی گہرائی 10 کلومیٹر تھی،زلزلے کا مرکز ٹائیٹنگ کاؤنٹی کے قریب سمندر میں تھا تاہم اس سےسونامی کا خطرہ پیدا نہیں ہوا۔دارالحکومت تائپے میں زلزلے کے جھٹکے محسوس نہیں کیے گئے۔
واضح رہے کہ تائیوان 2 ٹیکٹونک پلیٹوں کے سنگم کے قریب واقع ہے جہاں زیادہ تعداد میں زلزلے آتے رہتے ہیں۔
بیجنگ: پیر کے روز شمال مغربی چین میں 6.2 شدت کے زلزلے کے نتیجے میں اب تک کم از کم 111 افراد کے ہلاک اور 230 سے زائد کے زخمی ہونے کی تصدیق ہوچکی ہے۔
باغی ٹی وی: خبر ایجنسی "ڈی ڈبلیو” نے چین کی سرکاری خبر رساں ایجنسی ژنہوا کے حوالے سے بتایا کہ زلزلےکی وجہ سے گانسو صوبے میں 100 اور اس کے پڑوسی صوبے چنگھائی میں 11 افراد ہلاک ہوگئےتاہم کسی بھی سرکاری رپورٹ میں لاپتہ افراد کی تعداد کا ذکرنہیں ہےزلزلہ گانسو کی جیشیشان قصبےمیں پیر کو مقامی وقت کے مطابق رات کو تقریبا ًبارہ بجے آیا۔
یورپی میڈیٹیرینین سیسمولوجیکل سینٹر (ای ایم ایس سی) کےمطابق زلزلے کا مرکز گانسو کے صوبائی دارالحکومت لانژو سے102 کلومیٹر کے فاصلے پر جنوب مغرب میں واقع تھا،جبکہ چین میں زلزلہ نیٹ ورکس سینٹر (سی ای این سی) کا کہنا ہے کہ منگل کی صبح چین کے شمال مغربی صوبے سنکیانگ کے علاقے میں بھی 5.5 شدت کا ایک اور زلزلہ آیا۔
برطانوی خبررساں ادارے "روئٹرز” کے مطابق زلزلے سے متاثرہ علاقے میں پانی اور بجلی کی کچھ لائنوں کو نقصان پہنچا اور متاثرہ علاقوں میں آمد و رفت اور مواصلات میں خلل پڑا ہے تاہم حکام نے اس حوالے سے مزید تفصیلات شیئر نہیں کیں نقصان کس قدر ہوا اس کا اندازہ لگانے کیلئے امدادی کارروائیوں کے لیے تجاویز کے لیے ایک ٹیم کو مقرر کیا گیا ہے۔
سرکاری نشریاتی ادارے سی سی ٹی وی کی اطلاعات کے مطابق چینی صدر شی جن پنگ نے واقعے میں ہلاکتوں کو کم سے کم کرنے کے لیے ہر ممکن تلاش اور بچاؤ کی کوششیں کرنے پر زور دیا ہے۔
سرکاری خبر رساں ایجنسی ژنہوا کے مطابق چین میں ایمرجنسی مینجمنٹ کی وزارت نے تباہی سے متعلق امدادی ایمرجنسی کو پانچویں درجے تک فعال کر دیا ہے حکام کے مطابق تقریباً 2,200 امدادی کارکنوں کے ساتھ ہی پیشہ ورانہ ہنگامی امدادی ٹیموں کو آفت زدہ علاقے میں بھیجا گیا ہے،متاثرہ خطہ ایک پہاڑی علاقہ ہے، جہاں امداد فراہم کرنا کافی مشکل ہے اور زلزلے کے علاوہ بھی وہاں ایسے کئی عوامل ہیں جس کی وجہ سے امدادی کوششوں میں مشکلیں آ رہی ہیں۔
منڈاؤنا: جنوبی فلپائن زلزلے سے لرز اٹھا-
باغی ٹی و ی: خبر رساں ادارے روئٹرز کے مطابق جنوبی فلپائن کے علاقے منڈاناؤ میں ہفتے کی رات زلزلے کے شدید جھٹکے محسوس کیے گئے زلزلے سے شہری خوف زدہ ہوگئے ریکٹر اسکیل پر زلزلے کی شدت 7.5 ریکارڈ کی گئی زلزلے کے بعد سونامی کا بھی امکان ہے زلزلے کے بعد جاپان کے بعض علاقوں اور جنوب مغربی ساحلوں کو خالی کرانے کا حکم دیا گیا۔
فلپائن کی زلزلہ پیما ایجنسی فیوولکس کا کہنا ہے کہ یہ لہریں آدھی رات (مقامی وقت کے مطابق 16 بجے) تک فلپائن سے ٹکرا سکتی ہیں اور کئی گھنٹوں تک جاری رہ سکتی ہیں جبکہ امریکی سونامی وارننگ سسٹم نے کہا ہے کہ فلپائن کے کچھ ساحلوں پر 3 میٹر تک اونچی لہریں اٹھ سکتی ہیں۔
اسلام باد: ملک کے بالائی علاقوں میں زلزلے کے جھٹکے محسوس کئے گئے ہیں ۔
باغی ٹی وی : تفصیلات کے مطابق چترال،دیر بالا اور مضافاتی میں زلزلے کے جھٹکے محسوس کیے گئے، ابتدائی طور پر کسی نقصان کی کوئی اطلاع نہیں ملی،دوسری جانب چیف میٹرولوجسٹ سردار سرفراز نے خبردار کیا ہے کہ مکران کے جنوب میں 50 کلومیٹر دور زیرسمندر ٹیکٹونک پلیٹس جنکشن سے اطراف کے علاقوں میں زلزلہ اور سونامی کسی بھی وقت آسکتا ہے بحیرہ عرب میں زلزلے کے ممکنہ خطرات موجود ہیں تاہم ممکنہ خطرات کے پیش نظر زلزلے کی حتمی پیشگوئی ممکن نہیں،ماضی میں بھی اس علاقے میں 8 شدت کازلزلہ آچکا ہے، ایسا زلزلہ دوبارہ آنے پر کراچی بھی سونامی سے متاثر ہوسکتا ہے۔