ہرات: افغانستان میں ہولناک زلزلے کے نتیجے میں کئی دیہات صفحہ ہستی سے مٹ گئے، ہلاکتوں کی تعداد 2 ہزار سے زائد ہو گئی، ہلاکتوں میں اضافے کا خدشہ ظاہر کیا جا رہا ہے۔

باغی ٹی وی: افغانستان کے صوبے ہرات میں گزشتہ روز شدید زلزلہ آیا جو 2 ہزار سےزائد انسانی جانوں کو نگل گیا ،افغان وزارت آفات کے مطابق زلزلے کے نتیجے میں اموات کی تعداد 2 ہزار 53 ، جبکہ 9 ہزار 240 افراد زخمی ہو گئے ہیں ، اس کے علاوہ ایک ہزار 328 گھروں کو نقصان پہنچا ہے۔

افغان حکام کے مطابق صوبے ہرات میں آنے والے زلزلے کی شدت 6.3 ریکارڈ کی گئی جس کے سبب انفرا اسٹرکچر کو شدید نقصان پہنچا جبکہ بادغیس اور فرح صوبے میں بھی آفٹر شاکس محسوس کیے گئے زلزلے کے نتیجے میں زندہ جان اور غوریان اضلاع کے 12 دیہات مکمل تباہ ہو گئے، ملبے سے مزید لوگوں کو نکالنے کیلئے سرچ اینڈ ریسکیو آپریشن جاری ہے۔

قبل ازیں اقوام متحدہ نے بتایا تھا کہ زلزلوں میں 320 سے زائد افراد اپنی جانیں گنوا چکے ہیں جبکہ طالبان کے ایک مقامی اہلکار نے غیر ملکی میڈیا کو بتایا کہ زلزلے میں جاں بحق ہونے والوں کی تعداد اس سے کہیں زیادہ ہے کئی افراد اب بھی ملبے کے نیچے دبے ہوئے ہیں، ہم اپنی جانب سے پوری کوشش کررہے ہیں لیکن پھر بھی مدد کی ضرورت ہے۔

ورلڈ کپ 2023: آج آسٹریلیا اور بھارت کے میچ کے دوران بارش کا …

https://x.com/OCHAAfg/status/1710727853434920971?s=20
اس کے علاوہ امریکی زلزلہ پیما مرکز کے مطابق زلزلے کا مرکز ہرات سے 40 کلو میٹر شمال مغرب کی طرف تھا جبکہ بعد میں تین افٹر شاکس کو بھی محسوس کیا جن کی شدت 6.3، 5.9، 5.5 تھی امریکی جیولوجیکل سروے کی ایک ابتدائی رپورٹ میں کہا گیا ہے کہ یہ تباہی ممکنہ طور بڑی ہے جس کے نتیجے میں کئی افراد کے جاں بحق ہون کا خدشہ ہے،جیولوجیکل سروے کی ویب سائٹ پر پوسٹ کیے گئے نقشے میں خطے میں سات زلزلوں کی نشاندہی کی گئی ہے۔

ادھرعالمی ادارہ صحت نے کہا ہے کہ زلزلے کے نتیجے میں ہرات ضلع کے 12 دیہاتوں میں600 سے زائد گھر تباہ اور 4200 افراد متاثر ہوئے جبکہ ملبے سے مزید لوگوں کو نکالنے کیلئے سرچ اینڈ ریسکیو آپریشن جاری ہے۔

واضح رہے کہ ہرات صوبہ ایران کی سرحد سے ملتا ہے،جبکہ زلزلے کے جھٹکے قریبی صوبوں فراہ اور بادغیس اور کچھ قریبی ایرانی قصبوں میں بھی محسوس کیے گئے۔

پی آئی اے پروازیں غیرمعمولی تاخیر کا شکار ،مسافر انتظار کی مشکلات سے دوچار

شمال مشرقی ہندوستان اور ان کے ہمسایہ ملک بنگلہ دیش کے کچھ حصوں میں زلزلے کے جھٹکے محسوس کیے گئے ہیں۔ بھارت کے نیشنل سینٹر فار سیسمولوجی نے سماجی رابطوں کی ویب سائٹ ایکس پر لکھا ہے کہ آج مقامی وقت کے مطابق شام 6 بج کر 15 منٹ پر 5.2 شدت کا زلزلہ آیا جس کا مرکز بھارت کی شمال مشرقی ریاست میگھالیہ میں نارتھ گارو ہلز میں 10 کلومیٹر (6.2 میل) گہرائی میں تھا۔

جبکہ مقامی خبر رساں ادارے پریس ٹرسٹ آف انڈیا کے مطابق زلزلے کے جھٹکے ہمسایہ ریاستوں کے کچھ حصوں میں بھی محسوس کیے گئے۔ زلزلے کی وجہ سے کسی جانی یا مالی نقصان کی کوئی اطلاع نہیں ہے۔ دریں اثنا بنگلہ دیش کے دارالحکومت ڈھاکہ اور ملک کے کچھ دیگر حصوں میں پیر کی شام مقامی وقت کے مطابق شام 6 بج کر 47 منٹ پر زلزلے کے ہلکے جھٹکے محسوس کیے گئے۔ فوری طور پر کسی جانی یا مالی نقصان کی اطلاع نہیں ملی۔
مزید یہ بھی پڑھیں؛
ڈچ سائنسدان نے پاکستان میں زلزلے کی پیشگوئی کردی
مذہبی ہم آہنگی کے فروغ کیلیے اسلامی نظریاتی کونسل کو مزید متحرک ہونا ہو گا،وزیراعظم
نومبر یا مارچ میں الیکشن کرایا جائے ، مولانا عبدالواسع
امریکی ڈالر کے مقابلے روپیہ کی قدر میں مزید بہتری
جبکہ یاد رہے کہ اس سے قبل زلزلہ پیما ریسرچ انسٹیٹیوٹ سولر سسٹم جیومیٹری سروے (ایس ایس جی ایس) نے چمن فالٹ لائن میں آئندہ دو روز میں زلزلے کی پیش گوئی کی تھی جبکہ زلزلہ پیما ریسرچ انسٹیٹیوٹ سولر سسٹم جیومیٹری سروے (ایس ایس جی ایس) نے بتایا تھا کہ بلوچستان میں زیرِ زمین چمن فالٹ لائن میں تیز لرزش ریکارڈ کی گئی ہے اور اس علاقے میں اگلے دو دن میں کوئی طاقتور زلزلہ آ سکتا ہے جس کی شدت پر 6 یا اُس سے زیادہ ہو سکتی ہے۔

ماہرین کی جانب سے پیشگوئی کی گئی ہے کہ مراکش کے بعد اسرائیل حکومت کی ناکامی کی وجہ سے شدید زلزلےسے تباہ کن مناظر کا مشاہدہ کر سکتا ہے-

باغی ٹی وی: "یروشلم” رپورٹ کے مطابق اسرائیل حکومت کے ایک اعلیٰ عہدیدار متان یاہو انگلمین نے اتوار کو ایک بیان میں کہا کہ چھ ماہ پہلے، یہ ترکی تھا جمعہ کو مراکش کو ایک مہلک زلزلے کا سامنا کرنا پڑا اسرائیلی ریاست ان سخت یاد دہانیوں کے باوجود زلزلے کی تیاریوں کو نظر انداز کر رہی ہے کسی تباہی کے بعد تحقیقاتی کمیٹی کا انتظار کرنے کے بجائے یہ ضروری ہے کہ وزیراعظم اور متعلقہ وزارتیں فوری طور پر خامیوں کو دور کریں۔

اسرائیل افریقی اور عرب ٹیکٹونک پلیٹوں کے سنگم پر واقع ہے اور اس وجہ سے اسے ایک بڑے اور مہلک زلزلے کے خطرے کا سامنا ہے،افریقی پلیٹ شمال جنوبی محور کے ساتھ منقسم ہے جسے ”بحیرہ مردار“ یا شامی افریقی رفٹ کہا جاتا ہےیہ رفٹ جنوبی ترکیہ سے شام، لبنان، وادی اردن، وادی عربہ، بحیرہ احمر، اور جنوب کی طرف افریقہ کے مشرقی ساحل کے ساتھ خلیج عقبہ تک پھیلی ہوئی ہے۔ ان رفٹ زونز کے قریب ترین علاقے بڑے زلزلوں کے لیے حساس ہیں۔

پوری بستی میں اکلوتا زندہ بچ جانے والا مراکشی

اسرائیل کے انسٹی ٹیوٹ فار نیشنل سیکیورٹی اسٹڈیز کے ایک سینئر محقق اور ماہر ارضیات ڈاکٹر ایریل ہیمن کے مطابق، اسرائیل میں شامی افریقی رفٹ کے ساتھ آنے والے زلزلوں کا پتہ آٹھویں صدی تک لگایا جا سکتا ہے اور یہ ہر 80 سال بعد آتے ہیں،چھ یا اس سے زیادہ شدت کا آخری بڑا زلزلہ 1995 میں ایلات کے علاقے میں آیا تھا۔

ڈاکٹر ایریل ہیمن نے کہا کہ بہت سے چھوٹے زلزلے جو بمشکل محسوس کیے جاتے ہیں اس خطے میں باقاعدگی سے آتے ہیں اور بغیر کسی واقعے کے گزر جاتے ہیں۔ اس کے باوجود، اگلے 50 سالوں کے اندر جنوبی لبنان اور بحیرہ مردار کے جنوبی حصے کے درمیان ایک اور طاقتور زلزلے کے زیادہ امکان کو سمجھنا مناسب رہے گا’اسرائیل میں بڑیم شدت کا زلزلہ ”اگر“ نہیں بلکہ ”کب“ کا سوال ہے‘۔

سعودی عرب اوریورپ تک نئی راہداری کابھارتی نقشہ جعلی ثابت

انہوں نے کہا کہ مراکش میں تباہی اسرائیل کے لیے ایک اور انتباہی علامت ہے۔ ایسا زلزلہ یا شاید اس سے بھی زیادہ طاقتور زیادہ دور نہیں اگلا زلزلہ 10 منٹ یا 10، 20، 50 سال دور ہو سکتا ہے، تمام نئی ٹیکنالوجی کے باوجود، زلزلے کی پیش گوئی کرنے کا کوئی طریقہ نہیں ہے ’ زیر زمین کچھ ایسی چیزیں ہیں جو ہو رہی ہیں، لیکن بہت آہستہ اور امید ہے کہ زیادہ دیر نہیں لگے گی۔

مراکش میں جمعےکی رات 6.8 شدت کا زلزلہ آیا تھا جس کے بعد سے اب تک ہلاکتوں کی تعداد 2100 تک پہنچ گئی ہے جبکہ زلزلے سے زخمیوں کی تعداد 2059 ہے، رپورٹس کے مطابق رونالڈو نے مراکش میں اپنا لگژری ہوٹل زلزلہ متاثرین کیلئے کھول دیا اور مراکش شہر میں رونالڈو کا لگژری ہوٹل زلزلہ متاثرین کوپناہ فراہم کر رہا ہے۔

رونالڈو کا ہوٹل 4 اسٹار ہے جس میں سوئمنگ پول، فٹنس سینٹر اور ریسٹورنٹ کی سہولیات بھی موجود ہیں۔ عالمی شہرت یافتہ فٹ بال اسٹارکرسٹیانو رونالڈو نے اپنے انسٹاگرام پر مراکش میں 6.8 شدت کے تباہ کن زلزلے کے متاثرین کے لیے ایک جذباتی پیغام شیئر کیا ہے۔زلزلے میں مرنے والوں اور زخمیوں کی تعداد دو، دوہزار سے بڑھ گئی ہے، سعودی عرب کے کلب النصر کے کھلاڑی رونالڈو نے کہا کہ میں مراکش میں آنے والے زلزلے میں ہلاک شدگان کے اہل خانہ اور دوستوں کے ساتھ گہری تعزیت کا اظہار کرتا ہوں۔ فٹ بال اسٹار نے اپنی انسٹاگرام اسٹوری پر کہا کہ اس مشکل وقت میں، مَیں مراکش میں سب کے لیے محبت اور دعائیں بھیج رہا ہوں۔
مزید یہ بھی پڑھیں؛
ایشیا کپ:پاک بھارت میچ بارش کے باعث روک دیا گیا
ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
ٹریفک حادثہ؛ چیئرمین میونسپل کمیٹی ژوب سمیت 4 افراد جاں بحق
چترال اور سون میں سات دہشتگرد ہلاک جبکہ چھ زخمی. آئی ایس پی آر
جبکہ ہفتے کے روز یہ اطلاعات سامنے آئی تھیں کہ رونالڈو نے زلزلے کے نتیجے میں بے گھر ہونے والے افراد کو پناہ دینے کے لیے مراکش شہر میں واقع اپنا ہوٹل پیستانا سی آر سیون کھول دیا لیکن عالمی ادارے کے مطابق ان اطلاعات میں کوئی صداقت نہیں ہے اور مراکش کے سرکاری ٹیلی ویژن نے اتوار کی صبح وزارت داخلہ کے حوالے سے بتایا کہ جمعہ کی شب آنے والے زلزلے میں مہلوکین کی تعداد بڑھ کر 2,012 ہو گئی ہے۔ زخمیوں کی تعداد 2059 ہوگئی ہے۔ان میں سے 1404 کی حالت تشویش ناک ہے جبکہ متاثرہ علاقوں میں امدادی سرگرمیاں جاری ہیں۔

مراکش میں زلزلے کی قیامت سے قبل آسمان پر چمکنے والی پراسرار نیلی روشنی نظر آئی-

باغی ٹی وی: ہفتہ کی صبح مراکش میں آنے والے زلزلے کے نتیجے میں عرب دنیا ابھی تک صدمے میں ہے جس میں اب تک 2 ہزار سے زیادہ افراد لقمہ اجل بن چکے ہیں زلزلے کے ویڈیوز سوشل میڈیا پر گردش کر رہی ہیں، ان ویڈیوز میں زلزلے سے قبل اور اس کے بعد کے خوفناک مناظر کو دیکھا جا سکتا ہے۔

ان ریکارڈ شدہ فوٹیج میں نیلی روشنی کی پراسرار چمک دکھائی گئی ہے یہ منظر کسی ایک کیمرے میں ریکارڈ نہیں ہوا بلکہ کئی مقامات پر سی سی ٹی فوٹیج میں اس کی عکس بندی کی گئی ہے یہ چمک اغادیر کے زلزلے سے عین پہلے افق پر نمودار ہوئی اس روشنی کے بارے میں کسی نے کوئی ٹھوس معلومات نہیں دیں یہ معلوم نہیں ہو سکا کہ ایسے مناظر آفات کے وقوع پذیر ہونے سے پہلے دیکھے جا سکتے ہیں؟۔

مراکش :تباہ کن زلزلے میں ہلاک ہونے والوں کی تعداد 1037 ہو گئی

https://twitter.com/iamAkramPRO/status/1700644303842759128?s=20
یہ روشنی عجیب نہیں ہے کیونکہ اس کی ظاہری شکل ترکیہ میں گذشتہ فروری میں آنے والے تباہ کن زلزلے سے پہلے دوسرے نگرانی کرنے والے کیمروں نےریکارڈ کی تھی ترکیہ میں آنے والے زلزلے سے 45,000 سے زیادہ لوگ جاں بحق ہو گئے تھے زلزلے کی روشنی کچھ بھی نہیں بلکہ ایک روشن ماحولیاتی رجحان ہے جو آسمان میں ٹیکٹونک دباؤ، زلزلہ کی سرگرمی، یا آتش فشاں پھٹنے کے علاقوں میں ظاہر ہوتا ہے تاہم یہ تبصرہ بہت سی دوسری آراء کی طرح ایک رائے ہے۔

زلزلے کی روشنی (یا EQL) ہزاروں سالوں سے دکھائی دے رہی ہے اور اس کا پتہ 89 قبل مسیح تک لگایا جا سکتا ہے تاہم ہر دور میں سائنسدانوں کو اس بات کا کوئی اندازہ نہیں ہو سکا کہ یہ کس طرح کی روشنی ہے سائنس فکشن میں بھی س طرح کے مناظر کو عجیب اور غیر مانوس سمجھا جاتا ہے۔

دنیا بھر کے سمندروں کو لاحق غیرمعمولی خطرات پرماہرین کا کھلا خط

یہ ایک روشن ماحول کا رجحان ہے جو یا تو زلزلہ کی سرگرمی یا آسمانی واقعہ کا باعث بنتا ہے زلزلے کی لائٹس ہر وقت ظاہر نہیں ہوتی ہیں، لیکن یہ صرف زلزلے کے وقت اور مرکز کے قریب ہی نظر آتی ہیں، جو کہ ٹیکٹونک دباؤ کی سب سے زیادہ مقدار والا علاقہ ہے۔

ناسا کے ایمز ریسرچ سینٹر سے وابستہ فلکی طبیعیات دان فریڈمین فرینڈ کی 65 سیسمک لائٹس کے پیٹرن کے تفصیلی تجزیے کے بعد کی گئی تحقیق کے مطابق،یہ روشنیاں اس وقت بنتی ہیں جب ان کے نیچے مخصوص قسم کی چٹان (جیسے بیسالٹ اور گیبرو) میں برقی چارجز متحرک ہوتے ہیں۔

متحدہ عرب امارات میں پاکستانی کی 8 کروڑروپےسےزائد کی لاٹری نکل آئی

ایک اور تحقیق سے یہ بات سامنے آئی ہے کہ زلزلے کے مراکز کے قریب شدید ٹیکٹونک دباؤ کی وجہ سے اس جگہ کو پیزو الیکٹرک اثر کہا جاتا ہے اس صورت میں کوارٹج بیئرنگ چٹانیں کمپریس ہونے پر مضبوط برقی میدان پیدا کرنے کے لیے مشہور ہیں تاہم اس نظریہ کو بڑے پیمانے پر قبول نہیں کیا گیا ہے۔

زلزلے کی لائٹس پہلی بار 1965 میں جاپان میں آنے والے زلزلے کے دوران کیمرے میں قید ہوئی تھیں اس کے بعد یہ دیگر مقامات پر بھی دیکھی گئیں۔سنہ 2008ء میں چین، 2009 میں اٹلی اور حال ہی میں 2017 میں میکسیکو میں دیکھی گئی تھیں-

کینیڈا میں خالصتان کےقیام کیلئےریفرنڈم کا نیا مرحلہ آج سےشروع