Baaghi TV

Tag: سعودی عرب

  • موسمیاتی تبدیلیاں ایک عالمگیراورناقابل تردید حقیقت بن چکی ہیں،سعودی ماہرین موسمیات

    موسمیاتی تبدیلیاں ایک عالمگیراورناقابل تردید حقیقت بن چکی ہیں،سعودی ماہرین موسمیات

    موسمیاتی تبدیلیاں سعودی عرب کے خشک صحرا میں بھی سیلاب آگیا-

    باغی ٹی وی : جنوب مشرقی سعودی عرب کے ربع الخالی ریگستان میں نفود الدحی کے علاقے میں بارشوں کے باعث سیلابی ریلے داخل ہو گئے جس کی ویڈیوز سوشل میڈیا پر گردش کر رہی ہیں-

    برازیل میں ایمیزون کے جنگلات کی کٹائی کا نیا ریکارڈ

    ویڈیوز میں ربع الخالی صحرا کے کئی مقامات پر پانی کے ریلوں کو بہتے دیکھا جا سکتا ہے۔ یہ امر حیران کن ہے کہ صحرائے ربع الخالی کو دنیا کے خشک ترین مقامات میں شمار کیا جاتا ہے۔


    العربیہ میڈیا کے مطابق سعودی ماہرین موسمیات کا کہنا ہے کہ دنیا اس وقت ایک ایسے دور میں جی رہی ہے جس میں موسمیاتی تبدیلیاں ایک عالمگیر اور ناقابل تردید حقیقت بن چکی ہیں موسمیاتی تبدیلیاں لا محالہ آنے والی ہیں یہ تبدیلیاں دو حصوں میں تقسیم ہیں جو کہ عرب ممالک کے لیے مفید ثابت ہوں گی۔ جبکہ ان کے یورپی ممالک اور بعض ایشیائی ممالک پر منفی اثرات مرتب ہوں گے۔

    عراق میں شدید خشک سالی کے باعث دریائے دجلہ سے 3,400 سال پرانا شہر نمودار

    سعودی عرب کے جنوب مغربی حصے جسے ربع خالی کہا جاتا ہے میں نمایاں تبدیلیوں کا حوالہ دیتے ہوئے ماہرین نے کہا کہ جزیرہ نما عرب اپنے شمال سے جنوب اور مشرق سے مغرب تک ان تبدیلیوں کا مشاہدہ کرے گا۔


    اسے ماضی میں "ربع الخالی ” اس لیے کہا جاتا تھا کہ یہ علاقہ بارشوں سے خالی رہتا تھا تاہم حالیہ عرصے میں ہر سال بارش ہونے لگی ہے ربع الخالی کی ریت کے اندر دبی ہوئی وادیاں دوبارہ زندہ ہو گئی ہیں۔ یہ اس بات کا حتمی ثبوت ہے کہ موسمی تبدیلیاں لامحالہ آ رہی ہیں۔

    موسمیاتی تبدیلیوں کے باعث درجہ حرارت میں اضافہ،لوگوں کی ننید کا دورانیہ کم ہو گیا

  • سعودی دارالحکومت ریاض میں چھوٹا طیارہ گرکر تباہ:پائلٹ بھی جانبحق

    سعودی دارالحکومت ریاض میں چھوٹا طیارہ گرکر تباہ:پائلٹ بھی جانبحق

    سعودی عرب میں ایوی ایشن انویسٹی گیشن بیورو (اے آئی بی) کے ڈائریکٹر جنرل عبداللہ فلمبان نے منگل کی صبح ریاض میں چھوٹے طیارے کے حادثے کے حوالے سے مزید تفصیلات جاری کی ہیں۔

    ڈائریکٹر جنرل کے مطابق HZ-BAD1 ساخت کا چھوٹا سپورٹس طیارہ منگل کی صبح ریاض کے الثمامہ ایئرپورٹ سے پرواز کے بعد حادثے کا شکار ہوگیا تھا۔

    ابتدائی معلومات سے یہ بات سامنے آئی ہےکہ طیارہ صبح ساڑھے چھ بجے کے قریب الثمامہ ایئرپورٹ سے اڑا تھا اورتربیتی پرواز پرتھا۔ پرواز کے پانچ منٹ بعد طیارے کے پائلٹ نے امداد کی اپیل کا سگنل بھیجا تاہم رابطہ منقطع ہوگیا۔ فوری طور پر ایئر اکیڈمی کی جانب سے متاثرہ طیارے کی تلاش کے لیے کارروائی کی گئی۔

    الثمامہ ایئرپورٹ سے 5 کلو میٹر شمال میں حادثے سے متاثرہ طیارے کے ملبے کی جگہ کی نشاندہی ہوئی۔سیکیورٹی اہلکار جائے وقوعہ پہنچ گئے طیارے کا پائلٹ دم توڑ چکا تھا۔ حادثے کے اسباب دریافت کرنےکے لیے ورکنگ ٹیم تشکیل دی گئی ہے۔ الثمامہ ایئرپورٹ سعودی عرب کے دیگر بڑے ایئرپورٹس کے مقابلے میں چھوٹا ہے۔

    سعودی ایوی ایشن انوسٹی گیشن بیوروکا کہنا ہےکہ حادثے کی تحقیقات کی جارہی ہیں، ابتدائی معلومات کے مطابق طیارہ تربیتی پرواز پر تھا۔یاد رہےکہ چند دن قبل ایک چھوٹا طیارہ عسیر ریجن میں بھی گر گیا تھا تاہم اس میں سوار افراد زندہ بچ گئے تھے۔

  • اوورسیزپاکستانی ہمارا بہترین قومی اثاثہ ہیں:رانا ثنااللہ

    اوورسیزپاکستانی ہمارا بہترین قومی اثاثہ ہیں:رانا ثنااللہ

    ریاض :رانا ثناءاللہ نے کہا ہے کہ بیرون ملک پاکستانی ہمارا بہترین قومی اثاثہ ہیں۔وزیر داخلہ رانا ثناءاللّٰہ نے سعودی عرب میں مقیم اوورسیز پاکستانیوں کی استقبالیہ تقریب سے خطاب کرتے ہوئے ان خیالات کا اظہارکیا

    استقبالیہ تقریب میں بڑی تعداد میں سعودی عرب میں مقیم پاکستانیوں نے شرکت کی۔

    تفصیلات کے مطابق وزیر داخلہ رانا ثناءاللہ نے سعودی عرب میں مقیم اوورسیز پاکستانیوں کی استقبالیہ تقریب سے خطاب کرتے ہوئے شرکاء کو ملک کو درپیش سیاسی اور معاشی چیلنجز سے آگاہ کیا۔اس موقع پر وزیر داخلہ نے اتحادی حکومت کیجانب سے ملکی معاشی اصلاحات اوراستحکام کی کوششوں سے متعلق شرکاء کو اعتماد میں لیا۔

    رانا ثناءاللہ نے کہا کہ سعودی عرب پاکستان کا بہترین دوست اور برادر ملک ہے جس نے مشکل ترین حالات میں پاکستان کی فراخدلانہ مدد کی۔انہوں نے یہ بھی کہا کہ سعودی عرب نے پاکستان کی مشکل ترین حالات میں ہمیشہ مدد کی ہے، پاکستانی ورکرز اور پروفیشنلز کو ملازمت کے مواقع فراہم کرنے پر ہم سعودی حکومت کے شکر گزار ہیں۔

    وزیر داخلہ نے اپنے خطاب میں تقریب کے شرکاء کو ملک کو درپیش سیاسی اور معاشی چیلنجز سے آگاہ کیا۔وزیر داخلہ کا کہنا تھا کہ ہماری اتحادی حکومت نے پاکستان کو معاشی طور پر دیوالیہ ہونے سے بچایا، وزیراعظم شہباز شریف کی زیر قیادت ہماری حکومت پاکستان کو جلد معاشی بحران سے نکال لے گی۔

     

    سعودی عرب میں پاکستانیوں‌سے خطاب کرتے ہوئے ان کا یہ بھی کہنا تھا کہ اپنی سیاست داؤ پر لگا کر ملکی مفاد میں سخت ترین فیصلے کئے جس کا بوجھ عوام پر بھی پڑا لیکن مشکل وقت اب گذر چکا ہے،پاکستان اب معاشی اور سیاسی استحکام کی طرف گامزن ہے۔

    رانا ثناءاللہ نے کہا کہ عمران خان کی حکومت نے آئی ایم ایف سے معاہدے کی خلاف ورزی کرکے ملک دشمنی کی، آئی ایم ایف سے معاہدے کی تجدید میں تاخیر عمران خان حکومت کی یہی وعدہ خلافیاں ہیں۔وزیر داخلہ نے یہ بھی کہا کہ آئی ایم ایف سے مالی معاہدے کی تجدید ملکی معیشت اور استحکام کے لئے ناگزیر ہے۔

    رانا ثنااللہ نے کہا کہ حکومت اپنی آئینی مدت پوری کریگی۔انتخابات وقت مقررہ پر ہونگے۔حکومت مہنگائی میں بتدریج کمی کیلئے اقدامات کررہی ہے۔عوام کوریلیف دینگے۔قائدمسلم لیگ (ن) میں محمد نواز شریف آئندہ انتخابات میں جماعت کی قیادت کرینگے۔رانا ثنااللہ نے کہا کہ بیرون ملک پاکستانیوں کیلئے نادرا، پاسپورٹ اور دیگر سہولیات میں آسانیاں پیدا کر رہے ہیں۔ای پاسپورٹ کی سہولت کا دائرہ کار عام پاکستانی پاسپورٹ کے اجراء تک بڑھایا جارہاہے۔ای پاسپورٹ سے عام پاکستانی شہریوں کیلئے بھی امیگریشن اور ویزاسہولیات میں آسانی پیدا ہوگی۔

    وزیرداخلہ نے کہا کہ سعودی عرب میں مقیم تمام پاکستانی شہری ووٹ دینے کے اہل ہیں۔ ضروری قانون سازی کردی ہے۔بیرون ملک پاکستانیوں کے ووٹ ڈالنے کےطریقہ کار کو حتمی شکل دے رہے ہیں-اوورسیز پاکستانیوں کے ووٹ کوآئندہ انتخابات میں یقینی بنائیں گے۔

  • سعودی اماراتی ملیشا کی آپسی جھڑپیں جاری، سعودی کمانڈر ہلاک

    سعودی اماراتی ملیشا کی آپسی جھڑپیں جاری، سعودی کمانڈر ہلاک

    صنعا:سعودی اماراتی ملیشا کی آپسی جھڑپیں جاری، سعودی کمانڈر ہلاک،اطلاعات کے مطابق sewیمن میں جاری جنگ کے دوران اماراتی اور سعودی عرب کی حامی ملیشا کے درمیان باہمی لڑائی میں سعودی عرب کا حامی کمانڈر مارا گیا۔

    تیل کی دولت سے مالامال یمن کے جنوبی علاقےعتق میں چند روز پہلے اماراتی اور سعودی عرب سے وابستہ فوجوں کے درمیان ہونے والی جھڑپوں کے بعد سعودی عرب کا آلۂ کار کمانڈر مفرج محمد شلیل الحارثی عتق شہر کے مغربی علاقے میں مارا گیا۔

    مفرج محمد شلیل الحارثی عتق شہر کا دفاع کرنے والے پانچویں بریگیڈ کا کمانڈر تھا۔

     

    سعودی عرب کی دھمکی کام کرگئی:حوثی باغیوں کا تین روز کیلئےحملےبند کرنےکا اعلان

    یمن کے خبری ذرائع کے مطابق آج اتوار کی صبح سعودی نواز یہ کمانڈر متحدہ عرب امارات سے وابستہ ملیشیا العمالقہ بریگیڈ کی فائرنگ میں اس وقت مارا گیا جب وہ محافظوں کے ہمراہ اپنی گاڑی میں جا رہا تھا۔ اس حملے میں الحارثی جے دو محافظ بھی مارے گئے جبکہ متعدد کے زخمی ہونے کی بھی اطلاعات ہیں۔

    سعودی عرب :جدہ میں تیل کی ترسیل کے اہم اسٹیشن پر حوثی باغیوں کا حملہ:ہرطرف آگ

    یاد رہے کہ سن 2020 میں بھی سعودی عرب کے حمایت یافتہ یمنی مفرور صدر کے اہلکاروں اور متحدہ عرب امارات کے حمایت یافتہ عبوری کونسل کے عسکریت پسندوں کے مابین جھڑپیں ہوئی تھیں

    واضح رہے کہ دونوں فریقوں نے حال ہی میں لڑائی ختم کرنے کے لئے ایک نئے معاہدے پر اتفاق کیا تھا۔سعودی عرب کے حمایت یافتہ ” یمنی مستعفی حکومت” سے وابستہ عسکریت پسندوں اور "عبوری کونسل” کے نام سے مشہور عسکریت پسندوں کے مابین اس وقت فائرنگ کا تبادلہ ہوا۔ جھڑپوں میں طرفین کے متعدد افراد ہلاک یا زخمی ہوئےتھے۔

    عرب اتحاد نے حوثی باغیوں کی دھماکہ خیز مواد سےبھری کشتی تباہ کردی

    واضح رہے کہ سعودی عرب یمن کے مستعفی صدر منصور ہادی سے وابستہ باغیوں جبکہ متحدہ عرب امارات جنوبی یمن میں ٹرانزیشنل کونسل کے مسلح گروہوں کی حمایت کر رہا ہے اور یہ دونوں گروپ صنعا میں قائم یمن کی عوامی انقلابی حکومت کے خلاف بر سر پیکار ہیں۔

  • پاکستانیوں کو یوم آزادی مبارک، ترقی و خوشحالی کے لئے دعا گو ہیں: شاہ سلمان

    پاکستانیوں کو یوم آزادی مبارک، ترقی و خوشحالی کے لئے دعا گو ہیں: شاہ سلمان

    اسلام آباد: سعودی قیادت کی جانب سے پاکستان کے 75 ویں یوم آزادی پر مبارکباد کے پیغامات بھیجے گئے ہیں۔سعودی فرمانروا شاہ سلمان بن عبدالعزیز اور سعودی ولی عہد شہزادہ محمد بن سلمان نے صدر عارف علوی کے نام تہنیتی مبارکباد کے پیغامات بھیجے ہیں۔

    شاہ سلمان بن عبدالعزیز نے کہا کہ ہم پوری پاکستانی قوم کو یوم آزادی کی مبارکباد پيش کرتے ہیں اور پاکستان کی ترقی و خوشحالی اور اسکی کامیابی کے لئے دعا گو ہیں۔

    سعودی ولی عہد شہزادہ محمد بن سلمان نے کہا کہ پاکستانی حکومت اور عوام کو قومی دن پربہت مبارک ہو،ہماری نیک خواہشات اور دعائیں پاکستان کیلئے ہیں۔ پاکستان ہمیشہ ترقی کی راہ پر گامزن رہے۔

    اس سے پہلے پاکستان میں چین کے سفیر نے بھی مبارکباد کے پیغام بھیجے ہیں ،جیسا کہ کل پاکستانی قوم اپنا 75 یوم آزادی منارہے ہیں اور اس خوشی کے موقع پر جہاں ہرپاکستانی خوش ہے وہاں پاکستان سے محبت کرنے والی اقوام بھی بہت زیادہ خوش ہیں

    اس سلسلے میں پاکستان کی آزادی کی اگرسب سے زیادہ کسی ملک کو ہے تو وہ چین ہے ، چینی حکومت، عوام اورچینی کے دنیا بھر میں مصروف خدمت شہری جب بھی پاکستان کا یوم آزادی آتا ہے مبارکباد اور خوشی کے پیغامات بھیجتے ہیں ، کچھ ایسے ہی اس بار ہورہا ہے ،

    باغی ٹی وی کو موصول ہونے والےویڈیوکلپس میں پاکستان میں‌چینی سفیر نے پاکستان کے 75 ویں یوم آزادی کے موقع پر پاکستانیوں کو یوم ازدی کا پیغام دیا ہے اور کہا ہے کہ ان کی دعا ہے کہ پاکستان ہمیشہ پھلتا پھولتا رہے

    ایسے ہی پاکستان میں موجود چینی شہری بھی کسی سے پیچھے نہیں رہے ،چین کی پاکستان میں پاورکمپنی کے چینی ملازمین نے پاکستانیوں کے ساتھ مل کرخوشی کا اظہار کرتے ہوئے یوم آزادی کے سلسلے میں مبارکباد کا پیغام بھیجا ہے

    ایسے ہی سی پیک اورنج لائن پر کام کرنے والے چینی انجیئنرز نے بھی پاکستان کے یوم آزادی کے موقع پر یوم ازادی مبارک ہو کے پیغآمات بھیجے ہیں‌

    ایسے ہی سی ایم ای سی چلی فارم پر کام کرنے والے چینی شہریوں نے پاکستان کے 75ویں یوم آزادی کے موقع پر اہل پاکستان کو مبارکباد کا پیغامات بھیجے ہیں

    ذرائع کے مطابق چینی طالب علم بھی خوشی کے اس موقع پر کسی سے پیچھے نہیں رہے بلکہ انہوں نے بھی یوم آزادی کے سلسلے میں مبارکباد کے پیغامات بھیجے ہیں‌

  • جزائر فرسان میں 1400 قبل مسیح کے نایاب نوادرات اور نمونے دریافت

    جزائر فرسان میں 1400 قبل مسیح کے نایاب نوادرات اور نمونے دریافت

    سعودی عرب: ماہرین نے جزائر فرسان میں آثار قدیمہ کی نئی دریافتوں کا اعلان کیا ہے-

    باغی ٹی وی : خبررساں ادارے ” العربیہ” کے مطابق جمعرات کو سعودی محکمہ ورثہ جات نے جازان شہرسے 40 کلومیٹر کے فاصلے پر واقع جزائر فرسان میں آثار قدیمہ کی نئی دریافتیں کی ہیں-

    یہ نوادرات پیرس ون یونیورسٹی کے تعاون سے ایک مشترکہ سعودی اور فرانسیسی سائنسی ٹیم کے تحقیق اور کھدائی کے کام کے دوران ملیں یہ نوادرات سعودی عرب میں ورثے کے تحفظ کے ادارے کی جانب سے کی جانے والی کوششوں کا تسلسل ہے۔

    کھدائی کے نتیجے میں دوسری اور تیسری صدی عیسوی کے متعدد فن تعمیراتی مظاہر،نایاب نوادرات اور نمونے دریافت ہوئے ان نوادرات میں تانبے کے کھوٹ سے بنی تہہ شدہ رومن شیلڈ اور ایک اور قسم کی "لوریکا اسکوماٹا” شامل ہے جو پہلی سے تیسری صدی عیسوی تک رومن دور میں سب سے زیادہ استعمال ہوتی تھی یہ اب تک کی سب سے نایاب ٹکڑوں کی نمائندگی کرتی ہے۔

    ان دریافتوں سے پتہ چلتا ہے کہ جن مقامات سے یہ ملی ہیں وہاں پر 1400 قبل مسیح انسانی آبادی اور تہذیب موجود تھی۔

    العربیہ نے سعودی پریس ایجنسی "ایس پی اے” کے حوالے سے بتایا کہ مشرقی رومن سلطنت "جینوس” کی تاریخ میں ایک مشہور رومن شخصیت کے ایک سُلیمانی نوشتہ کی دریافت کے علاوہ ایک چھوٹے مجسمے کا سربھی ملا۔

    ایک سعودی فرانسیسی ٹیم نے 2005ء میں جزیرہ فرسان پر تحقیقی کام کے لیے کھدائی کا دورہ کیا تھا جس نے 2011 میں جزیرے پر سروے کا کام شروع کرنے کے لیے آثار قدیمہ کی اہمیت کے حامل مقامات کی نشاندہی کی تھی۔ 2011-2020 کی مدت کے دوران کی گئی پچھلی دریافتوں کے نتیجے میں بہت سی تعمیراتی اور آثار قدیمہ کی دریافتیں ہوئیں، جو اس بات کی نشاندہی کرتی ہیں کہ یہ مقامات تقریباً 1400 قبل مسیح کے ہیں۔

    فرسان جزائر کے مقامات پر ہونے والے ان کاموں نے بہت سی آثار قدیمہ کی دریافتوں کے حصول میں بھی اہم کردار ادا کیا، اور اہم مقامات کا انکشاف کیا، جو مملکت کے جنوب میں واقع تاریخی بندرگاہوں کے تہذیبی اور بحیرہ احمر کی تجارت کو کنٹرول کرنے میں ان کی اہمیت اور قدیم میری ٹائم کمرشل ٹرانسپورٹ لائنز کے حوالے سے ماضی میں اہم رہ چکے ہیں۔

    آثار قدیمہ کی یہ دریافتیں جزائر فراسان کی ثقافتی گہرائی، اور مملکت کی اہمیت اور مختلف تہذیبوں کے مرکز کے طور پر اس کے تزویراتی محل وقوع کی بھی تصدیق کرتی ہیں۔

    قبل ازیں آسٹریلوی ماہرینِ آثارِ قدیمہ نے سعودی عرب میں ہزاروں میل رقبے پر پھیلے ہوئے 4500 سال قبل بنائے گئے مقبروں کی باقیات دریافت کی تھیں یہ مقبرے 4,500 سال قدیم ہیں اور مدینہ منورہ کے شمال میں خیبر سے لے کر ’شرواق‘ سے بھی آگے تک، کسی زنجیر کی کڑیوں کی طرح پھیلے ہوئے ہیں یہ تیسری صدی قبل مسیح کے وسط سے آخر تک کے دوران تعمیر کیے گئے تھے-

    اس تحقیق کی سربراہی یونیورسٹی آف ویسٹرن آسٹریلیا، پرتھ کے ڈاکٹر میتھیو ڈٓالٹن کررہے تھےاس تحقیق کےلیے مصنوعی سیارچوں اور ہیلی کاپٹروں سے لی گئی تصاویر کے علاوہ زمینی سروے بھی کیے گئے مجموعی طور پر اس دوران 18,000 مقبروں کا مشاہدہ کیا گیا جبکہ ان میں سے 80 مقبروں کی کھدائی بھی کی گئی تھی –

    قدیم مقبروں کی یہ باقیات نہ صرف تعداد میں بہت زیادہ ہیں بلکہ ایک خاص ترتیب میں بھی تعمیر کی گئی ہیں بعض مقبروں میں صرف ایک جبکہ بعض میں زیادہ افراد کو دفنایا گیا تھا اس سے ظاہر ہوتا ہے کہ مقامی طور پر اہم شخصیات کے علاوہ عام لوگوں کو بھی مقبروں میں اجتماعی طور پر دفن کیا جاتا تھا۔

  • سعودی عرب کےبعد چین پاکستان کی مدد کو آن پہنچا:اربوں ڈالرزکا قرضہ ری شیڈول کردیا

    سعودی عرب کےبعد چین پاکستان کی مدد کو آن پہنچا:اربوں ڈالرزکا قرضہ ری شیڈول کردیا

    بیجنگ :پاکستان کے لیے اس وقت ہوا کے تازے جھونکے ہیں ،ایک طرف سعودی عرب نے پاکستان کو بہت بڑا ریلیف دیا ہے تو دوسری طرف چین نے بھی کم نہیں ، چین نے پاکستان کو ایک سال کے لیے 2 ارب ڈالر کا قرضہ آگے بڑھا دیا اور اب تک مجموعی طور پر چین پاکستان کو 4.3 ارب ڈالر کا قرض دے چکا ہے جس میں 2.3 ارب ڈالر تجارتی قرضے بھی شامل ہیں۔

    ملکی معیشت میں تقریباً تین ماہ کے بعد نمایاں بہتری کے آثار ظاہر ہونا شروع ہوگئے ہیں، آئی ایم ایف نے قرض کیلئے دوست ممالک چین، سعودی عرب، متحدہ عرب امارات اور قطر سے مالی معاونت کی یقین دہانی حاصل کرنے کی شرط رکھی تھی جسے پاکستان نے پورا کرنا شروع کر دیا ہے جس کے بعد اہم پیش رفت کے طور پر چین نے سب سے پہلے مالی تعاون کی یقین دہانی کرا دی اور پاکستان کے سکڑتے ہوئے زرمبادلہ ذخائر کو سہارا دینے کے لیے سیف ڈپازٹ کی مد میں 2 ارب ڈالرز دینے کا فیصلہ کیا ہے۔

    نینسی پلوسی کی تائیوان آمد پر20سےزائد چینی لڑاکےطیارے تائیوان کی حدود میں داخل

    درپیش اقتصادی بحران کے باعث پاکستان کو زرمبادلہ ذخائر میں کمی کاسامنا ہے۔ ذرائع کے مطابق چین نے پاکستان کے لیے تین سیف ڈپازٹس ترتیب دیے ہیں اس مد میں 50؍ کروڑ ڈالرز مالیت کا پہلا سیف ڈپازٹ 27؍ جون، دوسرا اتنے ہی حجم کا سیف ڈپازٹ 29؍ جون 2022 اور تیسرا ایک ارب ڈالرز مالیت کا سیف ڈپازٹ 23؍ جولائی کو ملنے تھے۔

    محکمہ خزانہ نےاس امر کی تصدیق کرتےہوئے کہا کہ مذکورہ سیف ڈپازٹس ایک سالہ مدت کیلئے ہوں گے۔ چین نے 2 ارب 30؍ کروڑ ڈالرز کی کمرشل قرضوں سمیت پاکستان کی مجموعی طور پر 4؍ ارب 30؍ کروڑ ڈالرز کی قرضوں کی شکل میں مالی معاونت کی ہے تاکہ موجودہ مالی سال میں بیرونی فنانسنگ میں موجود 35؍ ارب 90؍ کروڑ ڈالرز کے فرق کو محدود کیا جاسکے۔

    جب کہ آئی ایم ایف سے قرضے کی آئندہ قسط کے لیے بین الاقوامی مالیاتی ادارے کے ایگزیکٹو بورڈ کا اجلاس رواں ماہ کے آخر میں ہونے والا ہے جس کی مناسب یقین دہانی کرادی گئی ہے۔

    چین نے تائیوان کی متعدد غذائی مصنوعات کی درآمدات معطل کر دیں

    تاہم پاکستانی حکام کواس حوالے سے باقاعدہ اعلان کا بے چینی سے انتظار ہے۔ اس کے علاوہ دوست برادر ممالک سعودی عرب، متحدہ عرب امارات اور قطر سے مالی معاونت کا تندہی سے انتظار ہے، اس سے مالیاتی خلاء کی مد میں 4؍ ارب ڈالرز کی تلافی ہوجائے گی اور شرح مبادلہ میں بھی استحکام آجائے گا۔

    اس سے قبل یہ خبریں بھی آرہی ہیں پاکستان اور سعودی عرب کے درمیان ہونے والے مذاکرات میں اہم پیش رفت سامنے آئی ہے، کیوں کہ سعودی عرب نے پاکستان کو موخر ادائیگی پر تیل کی اضافی سہولت دینے کی حامی بھرلی ہے۔

    چین نےتائیوان کامحاصرہ کرلیا:مشقوں میں بیلسٹک اورجدید اسلحےکا بھرپوراستعمال

    وزارت خزانہ حکام کا کہنا ہے کہ برادر ملک نے باضابطہ طور پر آگاہ کردیا ہے، تاہم اس حوالے سے اعلان وہ خود کریں گے۔حکام وزارت خزانہ نے بتایا کہ تیل کی سہولت 1.2 ارب ڈالر سے بڑھ کر 2.4 ارب ڈالر ہونے کا امکان ہے۔

    وزارت خزانہ حکام کے مطابق چین بھی اب تک 4.3 ارب ڈالر کا قرضہ رول اوور کر چکا ہے، جس میں 2.3 ارب ڈالر کا کمرشل قرضہ اور 2 ارب ڈالر کے ڈیپازٹس شامل ہیں۔

  • سعودی عرب نےحسب روایت مشکل وقت میں پاکستان کوموخرادائیگی پرتیل دینےکی حامی بھرلی

    سعودی عرب نےحسب روایت مشکل وقت میں پاکستان کوموخرادائیگی پرتیل دینےکی حامی بھرلی

    ریاض:پاکستان کو سعودی عرب سے مؤخر ادائیگی پر تیل کی اضافی سہولت ملنے کا امکان ہے اور تیل کی سہولت 1.2 ارب ڈالر سے بڑھ کر 2.4 ارب ڈالر ہونے کا بھی امکان ہے۔

    عرب میڈیا نے دعویٰ کیا ہے کہ ریاض میں حکام وزارت خزانہ کے مطابق پاکستان اور سعودی عرب کے درمیان ہونے والے مذاکرات میں اہم پیش رفت سامنے آئی ہے، اس سلسلے میں برادراسلامی ملک سعودی عرب نے پاکستان کو موخر ادائیگی پر تیل کی اضافی سہولت دینے کی حامی بھرلی ہے۔وزارت خزانہ حکام کا کہنا ہے کہ برادر ملک نے باضابطہ طور پر آگاہ کردیا ہے، تاہم اس حوالے سے اعلان وہ خود کریں گے۔

    حکام وزارت خزانہ نے بتایا کہ تیل کی سہولت 1.2 ارب ڈالر سے بڑھ کر 2.4 ارب ڈالر ہونے کا امکان ہے۔وزارت خزانہ حکام کے مطابق چین بھی اب تک 4.3 ارب ڈالر کا قرضہ رول اوور کر چکا ہے، جس میں 2.3 ارب ڈالر کا کمرشل قرضہ اور 2 ارب ڈالر کے ڈیپازٹس شامل ہیں۔

    ذرائع نے بتایا کہ اس وقت پاکستان کو سعودی عرب کی جانب سے ماہانہ 10 کروڑ ڈالر کا ادھار تیل فراہم کیا جارہا ہے، اور اگر پیکج میں توسیع ہوجاتی ہے تو پاکستان کو ماہانہ 30 کروڑ ڈالر کا ادھار تیل فراہم کیا جائے گا۔

    یاد رہے کہ سعودی عرب نے ہمیشہ پاکستان کی مشکل وقت میں مدد کی ہے ، سیلاب ہوں یا آفات،یا پھرمعاشی مشکلات سعودی حکومت اور سعودی عوام نے پاکستان کے ساتھ دل کھول کر تعاون کیا ، پاکستان کو معاشی طورپرمضبوط دیکھنے کے لیے پاکستان کے بینکوں میں اربو ڈالرز رکھے ،پاکستان کو مفت بھی تیل دیا اورجب بھی ضرورت پڑی پاکستان کو سستے نرخوں پر ادھارتیل دے کر پاکستان کی ترقی کے پہیے کو رکنے نہیں دیا

  • امریکا نے سعودی عرب اور یو اے ای کو میزائل ڈیفنس سسٹم فروخت کرنے کی منظوری دے دی

    امریکا نے سعودی عرب اور یو اے ای کو میزائل ڈیفنس سسٹم فروخت کرنے کی منظوری دے دی

    امریکا نے سعودی عرب اور یو اے ای کو میزائل ڈیفنس سسٹم فروخت کرنے کی منظوری دے دی۔

    باغی ٹی وی : "بزنس سٹینڈرڈ "کے مطابق بائیڈن انتظامیہ نے سعودی عرب اور متحدہ عرب امارات کو ایران کے خلاف دفاع میں مدد کے لیے دو بڑے پیمانے پر ہتھیاروں کی فروخت کی منظوری دی ہے-

    امریکی میزائل ڈیفنس سسٹم کی مالیت 5 ارب ڈالر سے زائد ہے،سعودی عرب 3.05 ارب اور یو اے ای 2.25 ارب ڈالرزکا میزائل ڈیفنس سسٹم خریدے گا میزائل ڈیفنس اور اس سے متعلقہ فروخت گزشتہ ماہ صدر جو بائیڈن کے مشرق وسطیٰ کے دورے کے بعد ہوئی، جس کے دوران انہوں نے سعودی عرب میں متعدد علاقائی رہنماؤں سے ملاقات کی۔

    سعودی عرب اور متحدہ عرب امارات دونوں حالیہ مہینوں میں یمن میں ایران کی حمایت یافتہ حوثی باغی تحریک کے راکٹ حملوں سے متاثر ہوئے ہیں۔

    خبرایجنسی کا کہنا ہے کہ سعودی عرب امریکا سے 300 پٹریاٹ ایم آئی ایم میزائل سسٹم خریدے گا جبکہ یواے ای زمین سے فضا میں مار کرنے والا تھاڑ میزائل خریدے گا میزائل سسٹم لانگ رینج بیلسٹک،کروز میزائل اور جنگی طیارہ مار گرانے کی صلاحیت رکھتا ہے۔

    امریکا نے روسی صدر کی "گرل فرینڈ” سمیت دیگراہم روسی شخصیات پر نئی پابندیاں عائد کر دیں

    اسٹیٹ ڈپارٹمنٹ نے اپنے نوٹس میں کانگریس کو فروخت کے بارے میں مطلع کرتے ہوئے کہا کہ "مجوزہ فروخت سعودی عرب کی موجودہ اور مستقبل کے خطرات سے نمٹنے کے لیے پیٹریاٹ GEM-T میزائلوں کے گھٹتے ہوئے ذخیرے کو بھرنے کی صلاحیت کو بہتر بنائے گی۔”

    محکمے نے کہا کہ یہ میزائل سعودی عرب کی سرحدوں کے دفاع کے لیے سرحد پار سے مسلسل حوثیوں کے بغیر پائلٹ کے فضائی نظام اور سعودی عرب میں شہری مقامات اور اہم انفراسٹرکچر پر بیلسٹک میزائل حملوں کے لیے استعمال کیے جاتے ہیں۔”

    متحدہ عرب امارات کے لیے، محکمہ نے کہا کہ یہ فروخت "امریکہ کی خارجہ پالیسی اور قومی سلامتی کو ایک اہم علاقائی پارٹنر کی سلامتی کو بہتر بنانے میں مدد دے گی۔

    اپنی انتظامیہ کے اوائل میں بائیڈن نے یمن میں ان کے اقدامات کی وجہ سے سعودی عرب اور متحدہ عرب امارات دونوں کو ہتھیاروں کی فروخت بند کرنے یا کم کرنے کا وعدہ کیا تھا۔

    نینسی پلوسی کا دورہ تائیوان:چین نے احتجاجاً امریکی سفیر کو طلب کرلیا

  • سعودی عرب :منی لانڈرنگ میں ملوث تین غیرملکیوں کو سزا

    سعودی عرب :منی لانڈرنگ میں ملوث تین غیرملکیوں کو سزا

    سعودی عرب میں منی لانڈرنگ میں ملوث تین غیرملکیوں کو سزا سنا دی گئی-

    باغی ٹی وی : سعودی پریس ایجنسی "ایس پی اے” کے مطابق اکنامک کرائمز پراسیکیوشن نے ایک خاتون سمیت تین افریقی ملزمان کو منی لانڈرنگ کے کیس میں پانچ سال قید اور جرمانے کی سزا سنائی ہے۔ سزا پانے والے تین رکنی گینگ پر 1,286,000 ریال سمگل کرنے کی کوشش کرنے کا الزام عائد کیا گیا ہے۔

    رپورٹ میں بتایا گیا کہ تفتیشی طریقہ کار سے ظاہر ہوا کہ دونوں ملزمان نے رقم کو اس خاتون کے بیگ کے اندر خفیہ ٹھکانوں میں چھپا کر بیرون ملک منتقل کرنے کی کوشش کی مگر خاتون کی جدہ میں کنگ عبدالعزیز انٹرنیشنل ایئرپورٹ پر تلاشی لی گئی تو اس کے بیگ سے بھاری رقم برآمد ہوئی۔

    تفتیشی طریقہ کار سے یہ بات سامنے آئی کہ ضبط شدہ رقم جرائم اور متعدد ضوابط کی خلاف ورزیوں کے نتیجے میں اکٹھی ہوئی گرفتار ملزمان کو عدالت میں پیش کیا گیا جہاں ان کے خلاف فوج داری قانون کے تحت مقدمہ چلایا گیا۔

    تینوں ملزمان سے قبضے میں لی گئی رقم ان میں سے ایک کی رہائش گاہ سے ملنے والی رقم اورجرم میں استعمال ہونے والا موبائل فون ضبط کرنے کی سزا کے ساتھ پانچ سال قید اور بعد ازاں ملک بدری کی سزا شامل ہے۔

    واضح رہے کہ قبل ازیں گزشتہ برس بھی سعودی عرب میں ایک گروپ کے افراد کو منی لانڈرنگ میں ملوث ہونے پر 20 سال قید کی سزا سنائی گئی تھی سعودی عدالت نے چار اعشاریہ 5 ارب ڈالر کے منی لانڈرنگ کیس میں ملوث ملکی و غیر ملکیوں کو 20 سال قید کی سزا سنا ئی تھی-

    عدالت نے مجرمان پر 75 ملین ڈالر جرمانہ بھی عائد کیا تھا کیس میں ملوث سعودی شہریوں پر 20 سال تک سفری پابندی اور غیر ملکیوں کو سزا پوری ہونے پر ملک بدر کردیئے جانے جا حکم سنا یا تھا جبکہ اس سے قبل بھی منی لانڈرنگ میں ملوث 65 افراد کو گرفتار کیا گیا تھا۔