Baaghi TV

Tag: سعودی عرب

  • سعودی عرب میں گرفتاریوں کی ویڈیو

    سعودی عرب میں گرفتاریوں کی ویڈیو

    سعودی عرب میں گرفتاریوں کی ویڈیو

    باغی ٹی وی کی رپورٹ کے مطابق گزشتہ روز مسجد نبوی میں ہونے والے واقعہ اور نازیبا نعروں کے بعد خبریں آئی ہیں کہ سعودی حکام نے گرفتاریاں شروع کر دی ہیں

    اس حوالہ سے ایک ویڈیو گزشتہ رات سے ٹویٹر پر وائرل ہو چکی ہے جس کے بارے میں کہا جا رہا ہے کہ یہ ویڈیو ان لوگوں کی ہے جنہوں نے نعرے لگائے تھے اور انہیں بعد میں سی سی ٹی وی فوٹیج کی مدد سے گرفتار کر لیا گیا ہے ، ویڈیو میں دیکھا جا سکتا ہے کہ دو درجن کے قریب لوگوں کو پیچھے ہاتھ باندھ کر ایک ترتیب سے کھڑا کیا گیا ہے

    اس ویڈیو کے بارے میں اب وضاحت سامنے آئی ہے یہ ویڈیو گزشتہ شب کی نہیں بلکہ گزشتہ برس کی ہے، اس ویڈیو میں گرفتار افراد پاکستانی ہی ہیں لیکن انہیں گزشتہ سال دھوکہ دہی کے الزام میں گرفتار کیا گیا تھا، سعودی میڈیا کی جانب سے فراہم کی گئی ویڈیو کے مطابق یہ 24 پاکستانی ہیں جن پر دھوکہ دہی سے 35 ملین ریال سے زائد رقم چوری کرنے کا الزام ہے ، انہوں نے مالی انعامات جیتنے یا بینک تفصیلات کو اپ ڈیٹ کرنے کی درخواست پر مبنی جھوٹے پیغامات کے ذریعے شہریوں کو دھوکہ دیتے ہوئے اکھٹے کیئے ان کے قبضہ سے 73 موبائل فون برآمد کیئے گئے ہیں جبکہ 67 ہزار 506 ریال بھی برآمد ہوئے

    سعودی عرب میں سخت ترین کرفیو،وجہ کرونا نہیں کچھ اور،مبشر لقمان نے کئے اہم انکشافات

    جنات کے 11 گروہ کون سے ہیں؟ حیرت انگیز اور دلچسپ معلومات سنیے مبشر لقمان کی زبانی

    سابق وزیراعلیٰ سندھ کی بیٹی پروفیسر ڈاکٹر بھی کرونا کا شکار

    مسجد نبوی میں نازیبا نعرے، مولانا طارق جمیل بھی خاموش نہ رہ سکے

    مسجد نبوی واقعہ توہین رسالت کے زمرے میں‌ آتا ہے، مبشر لقمان کے فین کی قوم سے اپیل

    مسجد نبوی کو جلسہ گاہ بنانیوالو شرم کرو، بے حرمتی کا سازشی پکڑا گیا، مبشر لقمان پھٹ پڑے

    مسجد نبوی میں نازیبا نعرے، رانا ثناء اللہ نے بڑا اعلان کر دیا

    سینکڑوں پیغامات موصول ہوئے کہ حکومت ایکشن کیوں نہیں لے رہی۔ مریم نواز کا ردعمل

  • ترک صدر رجب طیب اردوان 2 روزہ دورے پر سعودی عرب پہنچ گئے۔

    ترک صدر رجب طیب اردوان 2 روزہ دورے پر سعودی عرب پہنچ گئے۔

    جمال خاشقجی قتل کے بعد ترک صدر کا پہلا دورہ سعودی عرب، اردوان جدہ پہنچ گئے ،اطلاعات کے مطابق غیر ملکی خبررساں ایجنسی کے مطابق ترکی کے صدر رجب طیب اردوان سعودی فرمانروا شاہ سلمان کی دعوت پر جمعرات کو 2 روزہ دورے پر جدہ پہنچے۔

    رپورٹس کے مطابق ترک صدارتی دفتر سے جاری بیان میں کہاگیا ہے کہ ترک صدر سعودی حکام سے ملاقاتوں میں دوطرفہ تعلقات بحالی پر تبادلہ خیال کریں گے جبکہ دورہ سعودیہ کے دوران ترکی کیساتھ تعاون بڑھانے پر بات چیت ہوگی۔

    خبررساں ایجنسی کے مطابق ترک صدر نے2017 کے بعد سعودی عرب کا پہلا دورہ کیا ہے کیوں کہ 2018 میں سعودی صحافی جمال خاشقجی کے قتل کے بعد دونوں ممالک کے درمیان تعلقات کشیدہ ہو گئے تھے۔

    یاد رہے کہ کل سعودی عرب آنے سے پہلے طیب اردوان نے کہا تھا کہ

    ترک صدر رجب طیب ایردوان نے کہا ہے کہ ترکی قانون کی حکمرانی رکھنے والی ریاست ہے اور اس میں انصاف آزاد ہے۔ انہوں نے غیزی پارک مظاہروں کے مقدمات میں تاجر عثمان کاوالہ کو سنائی جانے والی عمر قید کی سزا کے حوالے سے اندرونی اور بیرونی تنقید کو مسترد کر دیا۔

    صدر ایردوان نے افطار ڈنر سے خطاب کرتے ہوئے کہا کہ "ٹھیک ہے، ایک مخصوص شخص بارے تازہ ترین عدالتی فیصلے نے کچھ حلقوں کو پریشان کر دیا ہے۔ تو یہ آدمی کون ہے؟۔ یہ شخص ترکی کا ‘سوروس’ ہے۔ اور غیزی پارک کے واقعات کا پس پردہ کوآرڈینیٹر ہے۔ ہماری عدلیہ نے اس کے بارے اپنا حتمی فیصلہ دیا ہے جس کی وجہ سے کچھ حلقوں پریشان ہیں”۔

    صدرایردوان نے جارج سوروس کا حوالہ دیا، یہ ایک ارب پتی تاجر تھا جو مبینہ طور پر مقبول تحریکوں میں اپنے سرمایہ کے ذریعے اثر انداز ہوتا تھا۔ اس کی وجہ سے گزشتہ دہائیوں میں جارجیا اور یوکرائن میں منتخب حکومتوں کا خاتمہ ہوا۔ استنبول کی ایک عدالت نے اسی طرح کی ایک ترک شخصیت عثمان کاوالہ کو عمر قید اور سات دیگر مدعا علیہان کو 2013ء کے غیزی مظاہروں کے ذریعے حکومت کا تختہ الٹنے کی کوشش کرنے پر 18 سال قید کی سزا سنائی ہے۔ ترکی، امریکہ، یورپی یونین اور کونسل آف یورپ اور ترکی کی حزب اختلاف کی جماعتوں نے اس عدالتی سزا کی مخالفت کی ہے۔

  • وزیراعظم کیخلاف نعروں پر سعودی عرب میں قانونی کاروائی شروع

    وزیراعظم کیخلاف نعروں پر سعودی عرب میں قانونی کاروائی شروع

    لاہور:وزیراعظم کیخلاف نعروں پر سعودی عرب میں قانونی کاروائی شروع،اطلاعات کے مطابق الجزیرہ ٹی وی نے دعویٰ کیا ہے کہ سعودی عرب میں ہونے والے ایک واقعہ کی وجہ سے سعودی حکومت نے ان لوگوں کے خلاف کارروائی شروع کردی ہے جنہوں نے وزیراعظم پاکستان شہبازشریف کے خلاف چور چورآیا کے نعرے لگائے

    اس حوالے سے معلوم ہوا ہے کہ کچھ سخت سزاوں کے ساتھ ساتھ بھاری جرمانے بھی کرنے کا فیصلہ کیا گیا ہے ، تاہم ابھی تک کتنے لوگ گرفتار ہوئے ہیں اس حوالے سے ابھی کوئی اطلاع نہیں ہے ، یہ بھی معلوم ہوا ہے کہ 60 ہزار ریال تک جرمانے اور پانچ سال کی قید بھی ہوسکتی ہے

    یاد رہے کہ آج وزیراعظم شہباز شریف وفد کے ساتھ مسجد نبوی ﷺ پہنچے تو لوگوں نے چور چور کے نعرے لگادیے۔ذرائع کے مطابق مدینہ منورہ میں شہباز شریف وفد کے ہمراہ پہنچے تو لوگوں نے ان کا استقبال چور چور کے نعروں سے کیا۔

    ذرائع کے مطابق شاہ زین بگٹی، مریم اورنگزیب کو دیکھتے ہی لوگوں نے نعرے بلند کیے جبکہ شہباز شریف کی گاڑی کو گارڈز نے گھیرے میں لیے رکھا۔

    ذرائع کا بتانا ہے کہ لوگوں کی بڑی تعداد نے حکومتی وفد کا پیچھے کیا اور نعرے لگائے۔

    واضح رہے کہ اس سے قبل شہباز شریف کابینہ کے ارکان کے ہمراہ مدینہ منورہ پہنچے تھے، وفد میں بلاول بھٹو، مفتاح اسماعیل، شاہ زین بگٹی مریم اورنگزیب شامل ہیں، وفد میں خواجہ آصف، چوہدری سالک حسین، خالد مقبول، محسن داوڑ بھی شامل ہیں۔

    اس سے قبل گورنر مدینہ اور شہباز شریف کی ملاقات بھی ہوئی جس میں پاک سعودی تعلقات اور دو طرفہ باہمی امور پر تبادلہ خیال کیا گیا۔

    یاد رہے کہ وزیر اعظم شہباز شریف سعودی قیادت سے ملاقات اورعمرہ کی سعادت حاصل کریں گے۔

  • مسجدالحرام کی صفائی کیلئے اسمارٹ روبوٹس بھی عملے میں شامل

    مسجدالحرام کی صفائی کیلئے اسمارٹ روبوٹس بھی عملے میں شامل

    ریاض: رمضان المبارک کے دوران مسجد الحرام کی صفائی کے لئے انسانوں کی ٹیم میں روبوٹس بھی شامل کئے گئے ہیں-

    باغی ٹی وی : سعودی عرب کی حرمین شریفین کے امورکی نگرانی کرنے والے ادارے کے مطابق عازمین کوعمرے اورعبادات کی انجام دہی کے لئےصحت مند اورصاف ماحول فراہم کرنے کے لئے روبوٹس کا استعمال بھی کیا جارہا ہے۔

    بیان میں مزید کہا گیا ہے کہ مسجد الحرام میں جراثیم کش اسپرے کے لئے 11 اسمارٹ روبوٹس کوباقاعدہ ملازم رکھا گیا ہے جو24 گھنٹے اپنے فرائض انجام دیتے ہیں۔ ٕ

    رمضان المبارک کے پہلے دو عشروں میں 40 لاکھ سے زائد افراد نے عمرے کی سعادت حاصل کی

    بیان کے مطابق مسجد الحرام میں 4 ہزار مرد اورخواتین ورکرز بھی عازمین کی دیکھ بھال اورصفائی ستھرائی کے کاموں پرمامورکئے گئے ہیں۔

    اس سے قبل مسجد الحرام میں عازمین کی رہنمائی اورانہیں مناسک کی ادائیگی میں مدد اورعمرے سے متعلق قانونی مسائل سے متعلق فتویٰ دینے کے لئے بھی رہنما روبوٹ نصب کئے جاچکے ہیں یہ روبوٹس اردو،عربی اورانگریزی زبانوں میں مدد اوررہنمائی فراہم کرتے ہیں۔

    دوسری جانب حال ہی میں سعودی حکومت نے 2022 کے لیے پاکستان سمیت دیگر ممالک کے حج کوٹے کا اعلان کیا ہے کورونا کی عالمی وبا کے خاتمے کے بعد سعودی حکومت نےسب سےزیادہ کوٹہ انڈونیشیا اور پاکستان کے لیے جاری کیا ہے، جس کے تحت رواں سال دونوں ممالک سے علیحدہ علیحدہ 81 ہزار 132 عازمین فریضہ مقدسہ کی ادائیگی کے لیے جائیں گے۔

    رپورٹ میں کہا گیا تھا کہ سعودی عرب نے رواں سال 10 لاکھ عازمینِ حج کی میزبانی کررہا ہے، جس میں ملکی اور غیر ملکی حج کی سعادت حاصل کریں گے سعودی حکومت نے 2 سالہ کرونا پابندیوں کے بعد سال 2022 میں عازمین حج کے کوٹے میں اضافہ کر دیا ہے حکومت نے تمام مسلمان ممالک کے حج درخواستوں کا کوٹہ جا ری کیا ہے جس میں بنگلہ دیش کا حج کوٹہ 57 ہزار 585، نائجیریا کا 43 ہزار 8، افغانستان کا 13ہزار 582 اور ترکی کا 37 ہزار 770 ،برطانیہ 12 ہزار 348، امریکا 9 ہزار 504 اور فرانس کو 9 ہزار 268 افراد کا کوٹہ الاٹ کیا گیا ہے۔

    واضح رہے کہ سعودی عرب ہر ملک کو مسلمانوں کی آبادی کی بنیاد پر حج کوٹہ مختص کرتا ہے جبکہ رواں سال سعودی حکومت کے قوانین کے مطابق 65 سال سے زائد عمر کے افراد حج ادا نہیں کرسکیں گےجبکہ حج کمیٹی آف پاکستان اس کوٹے کو مختلف صوبوں میں تقسیم کرتی ہے جس کا کچھ حصہ پرائیویٹ ٹور آپریٹرز کے لیے بھی محفوظ رکھا جاتا ہے۔

    سعودی حکومت نے پاکستان کے حج کوٹے کا اعلان کردیا

  • عید الفطر پرکتنی چھُٹیاں ہوں گی:تفصیلات آگئیں

    عید الفطر پرکتنی چھُٹیاں ہوں گی:تفصیلات آگئیں

    اسلام آباد:عید الفطر پرکتنی چھُٹیاں ہوں گی:تفصیلات آگئیں،اطلاعات کے مطابق وزیراعظم شہباز شریف نے عید الفطر پر چار چھٹیوں کا اعلان کردیا۔ عید الفطرکی تعطیلات کا اعلان وزیراعظم آفس کی جانب سےکیا گیا ہے،

    تعطیلات کا نوٹیفکیشن جاری کردیا گیا ہے۔ نوٹیفکیشن کے مطابق عید الفطرپر 2 سے 5 مئی تک تعطیلات ہوں گی۔

    خیال رہے کہ ماہرین فلکیات نے 2 مئی کو شوال کا چاند نظر آنے کی پیشگوئی کی ہے جس کے مطابق عید الفطر 3 مئی بروز منگل کو ہوگی۔

     

     

    ادھر پاکستان کی طرح سعودی عرب میں پرائیوٹ سیکٹر کے لیے عید الفطر کی تعطیلات کا اعلان کردیا گیا، 4 دن کی تعطیلات یکم مئی سے شروع ہوں گی۔سعودی ویب سائٹ کے مطابق سعودی وزارت افرادی قوت و سماجی بہبود نے پرائیوٹ سیکٹر اور بغیر منافع والے سیکٹر کے ملازمین کے لیے عید الفطر کی تعطیلات کے حوالے سے بیان جاری کیا ہے۔

    وزارت افرادی قوت و سماجی بہبود نے ٹویٹر پر بیان میں کہا کہ پرائیوٹ سیکٹر میں عید الفطر کی تعطیلات 29 رمضان سنیچر 30 اپریل 2022 کی ڈیوٹی مکمل کرنے پر شروع ہوں گی، تعطیلات 4 دن کی ہوں گی۔تمام آجروں کو قانون محنت کے لائحہ عمل کی دفعہ 24 کی شق دو کے مطابق اس کی پابندی کرنا ہوگی۔

    قانون محنت کے لائحہ عمل کی دفعہ 24 کی دوسری شق میں کہا گیا ہے کہ اگر تہوار یا کسی قومی پروگرام کی چھٹیاں ہفتہ وارچھٹی کے ساتھ ٹکرا رہی ہوں تو ایسی صورت میں ملازم کو عید کی چھٹیاں شروع ہونے سے قبل یا آخر میں اس کے بدلے چھٹی دینا ہوگی۔سالانہ چھٹی میں توسیع تہوار کی چھٹیوں کے حساب سے ہوگی جہاں تک بیماری کی چھٹی کا تعلق ہے تو ملازم کو عید کی چھٹیوں کے محنتانے کا استحقاق حاصل ہوگا، اس حوالے سے بیماری کی چھٹیوں کے محنتانے کا اعتبار نہیں ہوگا

  • آسمانی بجلی گرنے سے اونٹوں کا ریوڑ ہلاک

    آسمانی بجلی گرنے سے اونٹوں کا ریوڑ ہلاک

    سعودی عرب: آسمانی بجلی گرنے سے 5 اونٹ ہلاک ہو گئے-

    باغی ٹی وی : عرب میڈیا کے مطابق سوشل میڈیا پر ایک ویڈیو وائرل ہو رہی ہے جس میں سعودی عرب کی ایک ریتلی سڑک پر مردہ اونٹوں کا ریوڑ دیکھا جا سکتا ہے –

    ہندو انتہاپسندوں کا خوف: دلت نوجوان پولیس حصار میں دلہن بیاہنے پہنچ گیا

    ویڈیو میں دیکھا جانے والا منظرعفیف گورنری میں پیش آیا جہاں گرج چمک کے دوران آسمانی بجلی گرنے سے پانچ اونٹ ہلاک ہوگئے العربیہ نے "سبق” اخبارکے حوالے سے بتایا کہ ایسا لگتا ہے کہ بارش اور بگولوں کےدوران اونٹوں پر بجلی گری۔

    قابل ذکر ہے کہ عفیف اور مہد الذہب کے گورنریوں میں گذشتہ جمعرات سے وقفے وقفے سے بارشیں ہو رہی ہیں۔ سعودی عرب میں موسمیات کے قومی مرکز نے اس علاقے میں گرج چمک کے ساتھ تیز بارشوں کا الرٹ جاری کیا ہے۔


    واضح رہے کہ اتوار کے روز مغربی سعودی عرب کے شہر مدینہ منورہ میں مہد الزہاب کے علاقے میں موسلادھار بارش کے باعث سڑکیں زیر آب آگئیں اور بڑے علاقے میں سیلابی ریلے چل پڑے-

    دنیا کی معمر ترین شخصیت کا اعزاز پانے والی جاپانی خاتون چل بسیں


    سعودی عرب کے نیشنل سینٹر آف میٹرولوجی نے پیر کو اپنی موسمی رپورٹ میں توقع کی تھی کہ مہد الذھب کے علاقے میں گرج چمک کےساتھ اولے پڑنے کا امکان ہےمحکمہ موسمیات کی جانب سےنجران، جازان، عسیر، الباحہ، مکہ مکرمہ، مدینہ منورہ،حائل،ریاض،القصیم اور مشرقی علاقوں کےشمالی حصوں میں بارش، گردوغبار اور بعض مقامات پر ژالہ باری کی پیش گوئی تھی۔

    بھیک سے جمع کئے گئےلاکھوں روپے عطیہ کرنے والی خاتون

  • ‘عمران خان کس کے خرچے پر عمرہ کرنے گئے تھے:اہم ساتھی نے حقیقت بیان کردی

    ‘عمران خان کس کے خرچے پر عمرہ کرنے گئے تھے:اہم ساتھی نے حقیقت بیان کردی

    اسلام آباد: سابق وزیراعظم کے چیف آف اسٹاف شہباز گل کا کہنا ہے کہ شریف خاندان عمرے کےنام پرپورا لاؤ لشکرساتھ لےجارہا ہے جبکہ عمران خان اپنےخرچے پر عمرہ کرنے گئے تھے۔

    نجی ٹی وی سے خصوصی گفتگو کرتے ہوئے شہباز گل نے کہا کہ شریف خاندان عمرے کےنام پرپورا لاؤ لشکر ساتھ لےجارہاہے، یہ لوگ ضمانت پر ہیں اس کے باوجود ای سی ایل سےاپنےنام نکلوا رہےہیں۔ ثابت ہوچکا کہ جب مافیا آتاہےتو پورے مافیا کوعیاشی کراتاہے۔

    پی ٹی آئی رہنما نے کہا کہ عمران خان اپنےخرچےپر عمرے پرگئےتھے اور خرچہ خود دیاتھا، عمران خان نےکوئی ٹرپل سیون جہاز نہیں لیاتھااور نہ ساتھ لاؤلشکر لے گئے تھے، یہ لوگ رمضان میں بھی جھوٹ بولتے ہیں۔

    شہبازگل نے بتایا کہ نوازشریف نےلندن کےاکیس ذاتی دورے سرکاری خرچ پر کیےتھے جبکہ زرداری نےدبئی کے اکیاون ذاتی دورے سرکاری خرچ پر کیےتھے، یہ لوگ جب دورےپر کابل گئےتھےتو65ہزار ڈالرخرچہ آیا تھا جبکہ عمران خان کے دورہ کابل پر نو ہزار چھ سو ڈالر خرچ آیا تھا اس پر بھی عمران خان نے جھاڑپلا دی تھی کہ خرچہ زیادہ ہوا۔

    پی ٹی آئی رہنما نے اعلان کیا کہ جیسےہی ہماری حکومت واپس آئےگی ان سےیہ پیسہ ریکور کریں گے، پیسہ ریکور کرکےقرعہ اندازی کرتے ہوئے غریبوں کوعمرےپر بھجوائیں گے۔

    نجی ٹی وی سے خصوصی گفتگو میں انہوں نے کہا کہ ایک فہرست میڈیا کی بھی بنی ہوئی تھی جس میں چھبیس کےقریب لوگ تھے، مگر انہوں نے نیوٹرل میڈیا کےخوف سے ان میڈیاپرسنز کی فہرست کو ڈراپ کردیا، سن لو، اب پرانا پاکستان نہیں سوشل میڈیا کادورہے،عوام کو پتہ چل جاتاہے۔

    شہبازگل نے عوام کو مخاطب کرتے ہوئے کہا کہ معمولی اکثریت سےآئیں گےتو عمران خان سسٹم ٹھیک نہیں کرسکیں گے، تاریخ گواہ ہے کہ چار سال تک یہ ناک رگڑتےرہےلیکن عمران خان نےاین آراو نہیں دیا،عمران خان نےحکومت میں ایک ہی بات کی چوروں کو این آراو نہیں دونگا۔

    یاد رہے کہ ذرائع کے مطابق وزیراعظم کا دورہ سعودی عرب میں شریف خاندان کے دوخادمائوں سمیت 16 افراد بھی ساتھ ہوں گے۔ اس حوالے سے دفترخارجہ نے سعودیہ میں پاکستانی سفارتخانےکو تیاریوں کی ہدایت کر دی ہے۔

    دفترخارجہ نےشریف خاندان کےلوگوں کی فہرست سفارتخانےکوبھیج دی ہے۔ اسلام آبادسےحمزہ شہباز ، اہلیہ، بیٹی اور ملازمہ بھی ساتھ سعودی عرب جائیں گے جب کہ مریم نواز، صفدر، صبیحہ عباس، یوسف عباس، اہلیہ، بیٹا بھی ساتھ جائیں گے۔

    ذرائع کے مطابق شہبازشریف کے بیٹے سلیمان شہباز، اہلیہ، بیٹا اور ملازمہ دوحہ سےجدہ پہنچیں گے۔ نوازشریف کے بیٹے حسین نوازاوراہلیہ لندن سےجدہ پہنچیں گے۔

  • دوبارہ صدر منتخب ہونے پر فرانسیسی صدر کو سعودی قیادت کی مبارکباد

    دوبارہ صدر منتخب ہونے پر فرانسیسی صدر کو سعودی قیادت کی مبارکباد

    دوبارہ صدر منتخب ہونے پر فرانسیسی صدر کو سعودی قیادت کی مبارکباد

    باغی ٹی وی کی رپورٹ کے مطابق خادم حرمین شریفین شاہ سلمان بن عبدالعزیز آل سعود نے فرانسیسی صدر ایمانوئل میکرون کو دوبارہ منتخب ہونے پر مبارکباد دی ہے

    سعودی فرمانروا شاہ سلمان نے میکرون اور فرانسیسی عوام کیلئے ترقی، خوشحالی، کامیابی کیلئے نیک تمناؤں کا اظہار کیا۔ سعودی ولی عہد شہزادہ محمد بن سلمان نے بھی فرانسیسی صدر کو مبارکباد کا پیغام دیا ہے ،محمد بن سلمان نے فرانس کی مزید ترقی کیلئے نیک خواہشات کا اظہار بھی کیا

    برطانیہ کے وزیر اعظم بورس جانسن نے میکروں کی جیت پرٹویٹ کی اور مبارکباد دی، برطانوی وزیراعطم نے لکھا کہ فرانس کے صدر کی شکل میں آپ کے پھر سے منتخب ہونے پر مبارکباد، فرانس ہمارے سب سے قریبی اور سب سے اہم معاونین میں سے ایک ہے میں ان ایشوز پر مل کر کام جاری رکھنے کے لیے پرجوش ہوں جو ہمارے دونوں ممالک اور دنیا کے لیے سب سے زیادہ معنی رکھتے ہیں۔

    اٹلی کے وزیر اعظم ماریو ڈریگی نے کہا کہ فرانس کے صدارتی انتخاب میں امینوئل میکرون کی جیت پورے یوروپ کے لیے اچھی خبر ہے ، اسپین کے وزیر اعظم پیڈرو سانچیز نے میکرون کی فتح کو جمہوریت کی جیت یورپ کی جیت قرار دیا

    واضح رہے کہ فرانس کے صدر ایمانوئل میکرون نے بڑی ہی آسانی سے دوسری مدت کے لیے دوبارہ انتخاب جیت لیے ہیں صدر میکرون 58.55 فیصد ووٹ حاصل کر کے دوسری مدت کے لیے فرانس کے صدر منتخب ہوئے جبکہ ان کی مقابلے پر انتخابات لڑنے والی جان ماری لیپن نے 41.45 فیصد ووٹ حاصل کیے مسٹر میکرون 20 سال کے لیے دوبارہ منتخب ہونے والے پہلے فرانسیسی صدر ہیں۔ وہ پانچویں جمہوریہ کے تحت واحد صدر بن گئے ہیں جو پارلیمانی اکثریت رکھتے ہوئے براہ راست عالمگیر رائے شماری کے ذریعے دفتر میں واپس آئے ہیں

    فرانس کے موجودہ صدر امینوئل میکرون نے مرین لے پین کو شکست دی جو کہ مسلم مخالف ہیں۔ مرین نے اعلان کیا تھا کہ اگر وہ صدارتی انتخاب جیتیں گی تو عوامی مقامات پر خواتین کے حجاب پہننے پر پابندی عائد کر دی جائے گی ،میکرون کی فتح کے بعد پیرس کے ایفل ٹاور کے پاس ان کے حامیوں نے جیت کا جشن منایا

     پولیس نے مدرسے کے لڑکے سے بد فعلی کے ملزم مفتی عزیز الرحمن کے خلاف مقدمہ درج کر دی

    مولانا کی بچے سے زیادتی ، ویڈیو لیک ، اصل حقیقت کیا ہے ، سنیے مبشر لقمان کی زبانی

    طالب علم نے چائے پلائی اور پھر….مفتی عزیرالرحمان کی زیادتی کیس میں وضاحتی ویڈیو

    طالب علم سے زیادتی کرنیوالے مفتی کو مدرسہ سے فارغ کر دیا گیا

    فرانسیسی صدر میکرون کو ایک بار پھر انڈا مار دیا گیا

    ‏ایک اور تھپڑ، فرانسیسی صدر بھی شہری کے تھپڑ سے نہ بچ سکے

  • مائیکل ریٹنی سعودی عرب میں نئے امریکی سفیر نامزد

    مائیکل ریٹنی سعودی عرب میں نئے امریکی سفیر نامزد

    واشنگٹن: امریکی صدر جوبائیڈن نے مائیکل ریٹنی کو سعودی عرب میں نیا امریکی سفیر نامزد کردیا۔

    باغی ٹی وی : امریکی میڈیا کے مطابق وائٹ ہاؤس نے کیرئیر ڈپلومیٹ مائیکل ریٹنی کی سعودی عرب میں بطور امریکی سفیر نامزدگی کی تصدیق کی ہے مائیکل ریٹنی تین دہائیوں میں ریاض میں بطور سفیر خدمات انجام دینے والے کیریئر کے پہلے سفارت کار ہوں گے۔

    سابق امریکی سفیر اسد مجید نے ٹویٹر اکاؤنٹ بارے وضاحت جاری کر دی

    میڈیا رپورٹس کےمطابق مائیکل ریٹنی کو عربی اور فرنچ زبان پر بھی عبور حاصل ہے جب کہ وہ دوحہ میں امریکی سفارتخانے میں ڈپٹی چیف آف مشن رہ چکے ہیں انہوں نے 2012 کے دوران القدس میں امریکی قونصلر کے طور پر بھی خدمات انجام دی ہیں۔

    مائیکل ریٹنی کو مشرق وسطیٰ کے معاملات کے حوالے سے تجربہ کار شخصیت قرار دیا جاتا ہے اور وہ مشرق وسطیٰ میں زیادہ خدمات انجام دے چکے ہیں۔

    اس سے قبل مائیکل ریٹنی عراق، لبنان، مراکش، قطر اور اسرائیل میں سفارتی خدمات انجام دےچکےہیں جب کہ وہ شام میں امریکا کے نمائندہ خصوصی بھی رہ چکے ہیں-

    پنجاب میں کمیشن کھانے والوں کا نام ای سی ایل میں ڈالا جائے گا،مریم اورنگزیب

    مائیکل ریٹنی بوسٹن یونیورسٹی سے گریجویٹ ہیں۔ انہوں نے جارج واشنگٹن یونیورسٹی سے ایم فل کی ڈگری حاصل کی مائیکل ریٹنی نے 1990 میں سفارتکار کی حیثیت سے اپنے کیریئر کا آغاز کیا تھا میکسیکو سٹی، بغداد، بیروت، کاسابلانکا، برج ٹاؤن اور واشنگٹن میں متعدد سفارتی عہدوں پر کام کرچکے ہیں ان کا شمار تجربہ کار سفارت کاروں میں ہوتا ہے۔

    اغوا کے مقدمہ میں ملوث ملزم شرجیل کو عدالت نے بری کر دیا

  • سعودی عرب: اسلامی مالیاتی نظام مضبوط ہونے لگا:اثاثے 3 ٹریلین ریال ہوگئے

    سعودی عرب: اسلامی مالیاتی نظام مضبوط ہونے لگا:اثاثے 3 ٹریلین ریال ہوگئے

    ریاض:سعودی عرب: اسلامی مالیاتی نظام مضبوط ہونے لگا:اثاثے 3 ٹریلین ریال ہوگئے ،اطلاعات کے مطابق سعودی عرب میں البرکہ فورم کا افتتاح کردیا گیا، مملکت میں اسلامی مالیات 7.2 ٹریلین ڈالر تک پہنچ گئی ہے۔

    سعودی ویب سائٹ کے مطابق گورنر مدینہ منورہ کی نیابت کرتے ہوئے نائب گورنر شہزادہ سعود بن خالد نے البرکہ اسلامی اکنامک فورم کا افتتاح کردیا۔

    اس کا عنوان ڈیجیٹل اکانومی اور مستقبل پر نظر ہے، اس میں سرمایہ کاری، فنڈنگ اور معیشت کے شعبوں کے ممتاز ماہرین شریک ہیں۔ مدینہ منورہ اسلامی یونیورسٹی کے سربراہ ڈاکٹر ممدوح بن سعود بن ثنیان آل سعود بھی سیمینار میں پیش پیش ہیں۔

    البرکہ فورم کے چیئرمین عبداللہ صالح کامل نے استقبالیہ خطاب میں البرکہ سیمینار اور اس کی تاریخ کا تعارف پیش کیا۔

    انہوں نے بتایا کہ 42 برس قبل معروف سعودی سرمایہ کار شیخ صالح کامل نے اس کا آغاز کیا تھا۔ انہوں نے اسلامی معیشت کے لیے صالح عبداللہ کامل ایوارڈ کا اعلان کیا تھا۔

    البرکہ فورم کے چیئرمین نے توجہ دلائی کہ دنیا بھر میں اسلامی معیشت سے دلچسپی بڑھتی جا رہی ہے، مملکت نے اس حوالے سے جس حکمت عملی کا اعلان کیا ہے وہ بہت اعلیٰ درجے کی ہے۔

    انہوں نے کہا کہ اس کی بدولت مملکت اسلامی مالیاتی نظام کا عالمی مرکز بن رہی ہے، یہ سعودی مارکیٹ کی بڑھتی ہوئی عالمی اہمیت سے مناسبت رکھتی ہے۔

    سینٹرل بینک کے گورنر کے سیکریٹری برائے تحقیقات و عالمی امور ڈاکٹر فہد الدوسری نے بھی سیمینار سے خطاب کیا، انہوں نے کہا کہ اسلامی مالیات 7.2 ٹریلین ڈالر تک پہنچ گئی ہے، مملکت میں اسلامی مالیاتی پروگرام کے اثاثے 3 ٹریلین ریال کے لگ بھگ ہیں۔ یہ شعبہ مملکت میں تیزی سے ترقی کر رہا ہے۔

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    10 سالہ بچے کے ساتھ مسجد کے حجرے میں برہنہ حالت میں امام مسجد گرفتار

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ڈیجیٹل میڈیا ونگ ختم،ملک میں جاری انتشار اب بند ہونا چاہیے،وفاقی وزیر اطلاعات

    پارلیمنٹ لاجز میں صفائی کرنے والے لڑکے کو مؤذن بنا دیا گیا تھا،شگفتہ جمانی