Tag: سندھ حکومت

کراچی: ایشیائی ڈویلپمنٹ بینک کے ہیڈ کوارٹر میں منعقد ہونے والے ریجنل ایجوکیشن فورم کے دوران سندھ حکومت نے بین الاقوامی تعلیمی فنانسنگ ادارے سے 10 ملین ڈالر کی گرانٹ حاصل کرلی ہے۔

وزیر تعلیم سندھ سید سردار علی کی فلپائن کے شہر منیلا میں منعقدہ ریجنل ایجوکیشن فورم میں شرکت کی،فورم کے موقع پر سندھ کے وزیرِ تعلیم سید سردار علی شاہ نے International Finance Facility for Education کے اعلیٰ حکام سے دو طرفہ ملاقات کی، ملاقات میں آئی ایف ایف ای ڈی کے بانی چیف ایگزیکٹو کارتھک کرشنن، ہیڈ آف آپریشنز نینا اسٹوشنیول، دیگر سینئر افسران اور ایشیائی ڈویلپمنٹ بینک کے نمائندے موجود تھے۔

ملاقات کے دوران وزیر تعلیم نے سندھ کی تعلیمی ترجیحات اور اصلاحاتی ایجنڈے پر تفصیلی بریفنگ دیتے ہوئے آئندہ کے لائحہ عمل سے آگاہ کیا، انہوں نے صوبے میں اسکلز ڈویلپمنٹ، اساتذہ کی تربیت، امتحانی نظام میں اصلاحات، کمیونٹی موبلائزیشن اور بیک ٹو اسکول ترجیحات پر جاری اقدامات سے آگاہ کیا وزیر تعلیم سید سردار علی شاہ نے کہا کہ سندھ حکومت، تعلیم میں اسٹرکچرل ریفارمز اور استحکام کے لیے پرعزم ہے، ہماری اولین ترجیح اسکلز ڈویلپمنٹ، ٹیچر ٹریننگ، امتحانی اصلاحات ہیں۔

آئی جی پنجاب نے صوبے میں کومبنگ آپریشنز کے احکامات دے دیے

اس موقع پر آئی ایف ایف ای ڈی کی وفد نے سندھ حکومت کے اصلاحاتی فریم ورک کو مثبت قرار دیتے ہوئے 10 ملین ڈالر کی گرانٹ پروسیس کرنے کی منظوری دے دی یہ معاونت محکمہ اسکول ایجوکیشن اینڈ لٹریسی کے تحت جاری پروگراموں میں بہتری، تعلیمی نظام کی مضبوطی اور جدید تقاضوں کے مطابق اپ گریڈیشن کے لیے استعمال کی جائے گی۔

سندھ کی جانب سے حاصل کی گئی گرانٹ کو تعلیمی شعبے میں جاری تبدیلیوں کے لیے ایک اہم سنگِ میل قرار دیا جارہا ہے، جو مستقبل میں عالمی فنانسنگ شراکت داریوں کو مزید مستحکم بنانے میں معاون ثابت ہوگی۔

پاک فضائیہ کے جے ایف 17 طیاروں کا انڈونیشین صدر کا استقبال

واضح رہے کہ آئی ایف ایف ای ڈی ایک عالمی تعلیمی فنانسنگ فاؤنڈیشن ہے جو 2023 میں جنیوا میں قائم کی گئی۔ اس کی تشکیل چار بڑے ملٹی لیٹرل ڈیولپمنٹ بینکس اور متعدد دو طرفہ ڈونرز کے اشتراک سے عمل میں لائی گئی، جس کا مقصد دنیا بھر میں تعلیم کے شعبے کے لیے پائیدار اور اثر انگیز مالی معاونت فراہم کرنا ہے۔

سندھ حکومت نے گاڑیوں کی نمبر پلیٹس کی تبدیلی کے لیے مقررہ مدت میں مزید دو ماہ کی توسیع کر دی۔ اب نئی سیکیورٹی فیچرڈ نمبر پلیٹس حاصل کرنے کی آخری تاریخ 31 دسمبر 2025 مقرر کی گئی ہے۔

محکمہ ایکسائز، ٹیکسیشن و نارکوٹکس کنٹرول سندھ کی جانب سے جاری نوٹیفکیشن کے مطابق اجرک ڈیزائن والی پرانی نمبر پلیٹس کی ڈیڈ لائن پہلے 31 اکتوبر تھی، جو شہریوں کی سہولت کے لیے بڑھا دی گئی ہے۔اس سے قبل بھی تاریخ میں متعدد بار توسیع کی جا چکی ہے — ابتدا میں 3 اپریل، 15 مئی، 30 جون، اور بعد ازاں 14 اگست تک مہلت دی گئی تھی۔محکمہ ایکسائز کے مطابق صوبے بھر میں تقریباً 65 لاکھ موٹر سائیکلیں رجسٹرڈ ہیں جن میں سے صرف کراچی میں 33 لاکھ سے زائد ہیں۔ محکمے کا کہنا ہے کہ بیشتر شہری گاڑیاں اور موٹر سائیکلیں اوپن لیٹر پر استعمال کرتے ہیں جو قانوناً جرم ہے۔

دوسری جانب ایکسائز دفاتر کے باہر نئی پلیٹس کے حصول کے لیے شہریوں کی لمبی قطاریں دیکھی جا رہی ہیں۔ شہریوں کا کہنا ہے کہ حکومت 1850 روپے میں نمبر پلیٹس فراہم کر رہی ہے جبکہ مارکیٹ میں یہی پلیٹس 600 روپے میں دستیاب ہیں، لہٰذا یا تو قیمت کم کی جائے یا پالیسی میں نرمی کی جائے تاکہ عام شہریوں کو ریلیف مل سکے

بابر اعظم ٹی 20 میں سب سے زیادہ رنز بنانے والے بیٹر بن گئے

وزیر دفاع نے دانیال چوہدری کے بیان کی سخت مذمت کر دی

تنزانیہ میں انتخابی تشدد، 700 افراد ہلاک، انٹرنیٹ بند اور کرفیو نافذ

سندھ حکومت نے پاکستان میں پہلی مرتبہ اساتذہ کی تیز، مؤثر اور جدید تدریسی نظام میں مدد کے لیے اے آئی بیسڈ آن لائن ٹریننگ پروگرام کا آغاز کر دیا۔

محکمہ اسکول ایجوکیشن سندھ، یونیسف اور خان اکیڈمی پاکستان کے اشتراک سے اے آئی ٹیچر ٹریننگ پائلٹ منصوبے کے آغاز سے قبل مفاہمتی یادداشت پر دستخط کرنے کی تقریب کراچی میں منعقد ہوئی، جس میں وزیر تعلیم سید سردار علی شاہ نے بطور مہمان خصوصی شرکت کی۔تقریب میں سیکریٹری اسکول ایجوکیشن زاہد علی عباسی، چیف ایڈوائزر کریکیولم ڈاکٹر فوزیہ خان، یونیسف سندھ کی ایجوکیشن منیجر ابیر مقبول، چیف فیلڈ آفس یونیسیف سندھ پریم بہادر چند، خان اکیڈمی پاکستان کے سی ای او ذیشان حسن اور بورڈ ممبران امین ہاشوانی، نعیم زمین دار سمیت دیگر افسران بھی شریک تھے۔

چھ ماہ پر مشتمل اس پائلٹ پروجیکٹ کے تحت دادو، ٹنڈو الہیار، تھرپارکر اور عمرکوٹ کے 3,500 اساتذہ کو تربیت دی جائے گی۔ اس منصوبے میں یونیسف فنڈنگ اور عالمی معیار کو یقینی بنائے گا، جبکہ خان اکیڈمی ٹریننگ اور تکنیکی معاونت فراہم کرے گی۔خان اکیڈمی کے اے آئی ماڈل KhanmigoAI اساتذہ کو لیسن پلاننگ، لرننگ مٹیریل کی تیاری اور کلاس روم انگیجمنٹ میں مدد دے گا۔ تربیت میں لائیو آن لائن سیشنز اور سیلف لرننگ ماڈیولز شامل ہوں گے تاکہ تدریسی معیار کو بہتر بنایا جا سکے۔

وزیر تعلیم سید سردار علی شاہ نے کہا کہ اے آئی بیسڈ ٹریننگ اساتذہ کے لیے مؤثر ثابت ہوگی، سندھ حکومت تعلیم میں جدت اور معیار کے فروغ کے لیے پرعزم ہے۔ اس اقدام سے دور دراز اضلاع کے طلبہ بھی عالمی معیار کی تعلیم حاصل کر سکیں گے اور یہ پروگرام صوبے بھر کے لیے ماڈل ثابت ہوگا۔خان اکیڈمی کے سی ای او ذیشان حسن نے کہا کہ "خانمیگواے آئی اساتذہ کا وقت بچائے گا، تخلیقی صلاحیت بڑھائے گا اور طلبہ کو زیادہ متوجہ کرے گا۔”

یونیسف کی نمائندہ ابیر مقبول نے کہا کہ "اے آئی کے ذریعے ہر بچے کے لیے معیاری اور جامع تعلیم یقینی بنانا مقصد ہے۔”خان اکیڈمی کے بورڈ ممبر امین ہاشوانی نے اسے "حکومت، عالمی شراکت داروں اور مقامی اداروں کی مشترکہ کوشش کا ماڈل” قرار دیا، جبکہ نعیم زمین دار نے کہا کہ "تعلیم قوموں کو بدلنے کا سب سے طاقتور ذریعہ ہے اور یہ قدم 21ویں صدی کی مہارتوں کو فروغ دے گا۔”

نارنگ منڈی: آٹا 150 روپے فی کلو، عوام و نان بائی پریشان

سندھ حکومت نے کراچی کے ٹاؤنز کو روڈ کٹنگ کی مد میں ملنے والی خطیر رقوم اور ان کے اخراجات کی تحقیقات کا فیصلہ کیا ہے۔

وزیراعلیٰ سندھ کو پیش کی گئی رپورٹ کے مطابق مختلف اداروں نے روڈ کٹنگ کی مد میں سندھ حکومت کو رقوم ادا کیں، جو ٹاؤنز کو سڑکوں کی مرمت اور تعمیر کے لیے دی گئیں، تاہم یہ رقم کہاں خرچ ہوئی اس کی تحقیقات کی جائیں گی۔ذرائع کے مطابق سوئی گیس نے کراچی کے 20 ٹاؤنز کو روڈ کٹنگ کی مد میں مجموعی طور پر 13 ارب 43 کروڑ روپے ادا کیے۔ سب سے زیادہ رقم ٹاؤن میونسپل کارپوریشن نیو کراچی کو ملی جو ساڑھے 3 ارب روپے بنتی ہے۔

دستاویزات کے مطابق ٹی ایم سی نارتھ ناظم آباد کو 2 ارب 35 کروڑ روپے،لیاری ٹاؤن کو 1 ارب 2 کروڑ روپے،جناح ٹاؤن کو 73 کروڑ روپے،ملیر ٹاؤن کو 62 کروڑ روپے،چنیسر ٹاؤن کو 26 کروڑ روپے،صدر ٹاؤن کو 26 کروڑ روپے،لانڈھی ٹاؤن کو 21 کروڑ روپے،شاہ فیصل ٹاؤن کو 20 کروڑ روپے،اورنگی ٹاؤن کو 9 کروڑ 86 لاکھ روپے،بلدیہ ٹاؤن کو 5 کروڑ 10 لاکھ روپے،کورنگی ٹاؤن کو 2 کروڑ 80 لاکھ روپے،مومن آباد ٹاؤن کو 1 کروڑ 49 لاکھ روپے،ابراہیم حیدری ٹاؤن کو 70 لاکھ روپے اورماڑی پور کیماڑی کو 20 لاکھ روپے ملے۔

جماعت اسلامی کے مطابق کراچی کے 9 ٹاؤنز کو او زیڈ ٹی فنڈز کا حساب دیا گیا ہے، تاہم ان کے ترجمان کا کہنا ہے کہ گزشتہ دو برسوں میں جماعت اسلامی کے زیرِ انتظام ٹاؤنز کو ایک روپے کا بھی ترقیاتی فنڈ نہیں دیا گیا۔سندھ حکومت نے واضح کیا ہے کہ روڈ کٹنگ کی مد میں ملنے والی رقم سے ٹاؤنز کو سڑکوں کی تعمیر کرنی ہوگی اور اس سلسلے میں شفاف تحقیقات کی جائیں گی۔

کسانوں پر 7 ارب روپے کا اضافی بوجھ ڈالا گیا، آڈٹ رپورٹ میں انکشاف

حب چینل میں کٹاؤ، کراچی کو پانی کی فراہمی 60 فیصد کم

مودی پھنس گیا، سب کھو دیا، امبانی اڈانی بھی جدا، جلد سی پیک فیز ٹو شروع

وزیراعلیٰ سندھ نے کچے میں فیصلہ کن آپریشن کے لیے وزیر داخلہ کی سربراہی میں اعلیٰ سطحی مانیٹرنگ کمیٹی قائم کردی –

وزیراعلیٰ سندھ مراد علی شاہ کی زیر صدارت کچے کے علاقوں میں امن و امان یقینی بنانے کے حوالے سے اجلاس ہوا جس میں کور کمانڈر کور فائیو لیفٹیننٹ جنرل محمد دستگیر، چیف سیکریٹری آصف حیدر شاہ، وزیر داخلہ ضیاء الحسن لنجار، ڈی جی رینجرز میجر جنرل محمد شمریز، سیکریٹری داخلہ اقبال میمن، آئی جی پولیس غلام نبی میمن، پرنسپل سیکریٹری آغا واصف، ایڈیشنل آئی جیز، سی ٹی ڈی ، اسپیشل برانچ اور دیگر اداروں کے نمائندے شریک ہوئے۔

وزیراعلیٰ سندھ کو کچے میں آپریشن کے حوالے سے مختلف اداروں کی جانب سے بریفنگ دی گئی وزیراعلیٰ سندھ نے کچے میں فیصلہ کن آپریشن کے لیے وزیر داخلہ کی سربراہی میں اعلیٰ سطحی مانیٹرنگ کمیٹی قائم کردی جس میں سیکریٹری داخلہ، ڈی جی رینجرز، آئی جی پولیس ودیگر اداروں کے افسران شامل ہوں گے،وزیراعلیٰ سندھ نے آپریشن پر عمل درآمد کے لئے بھی ایک اور اعلیٰ سطحی کمیٹی قائم کردی۔

مصطفیٰ عامر قتل کیس : ملزم ارمغان کو نفسیاتی مریض ثابت کرنے کی کوشش ناکام

سندھ حکومت نے کچے میں آپریشن پر پنجاب حکومت کو اعتماد میں لینے کا بھی فیصلہ کیا ہے، اجلاس میں فیصلہ ہوا کہ حکومت کچے میں ترقیاتی کام کروائے گی، روڈ نیٹ ورک بنایا جائے گا، تعلیم اور صحت کی سہولیات فراہم کی جائینگی،کچے کے علاقے میں ہر صورت امن امان بحال رکھنا ہے، اغوا برائے تاوان کی کوئی واردات برداشت نہیں کی جائے گی، آج کا اجلاس طلب کرنے کا مقصد ڈکیتوں کو ہر صورت ختم کرنا ہے، سنہ 2024ء سے کچے میں پولیس اور رینجرز مل کر آپریشن کررہے ہیں، چاہتا ہوں کچے کے علاقے میں آپریشن تیز اور بے رحمانہ ہو۔

وزیراعظم کامون سون شجرکاری مہم کا آغاز پہلے ہفتے کا عنوان "ایک بیٹی ۔ ایک شجر”

مراد علی شاہ نے کہا کہ جو ڈاکو ہتھیار ڈالیں گے ان کے ساتھ رعایت برتی جائے گی، سندھ حکومت نے پولیس کو جدید اسلحہ سے لیس کیا ہے، ٹیکنالوجی کی مدد سے آپریشن کے نمایاں نتائج مل رہے ہیں اور مزید حاصل کریں گے،کچے میں رہنے والے پُرامن لوگ بھی امن و امان چاہتے ہیں، عوام کے جان و مال کی حفاظت ہر صورت یقینی بنائی جائے گی، فیصلہ کن آپریشن لاڑکانہ اور سکھر کے کچے کے علاقوں میں تیز کیا جا رہا ہے، کچے کے علاقوں میں آپریشن کے دوران کچے عرصے کے لیے انٹرنیٹ سہولت بند کی جائے گی، ڈکیتوں کے تمام سوشل میڈیا اکاؤنٹس بند کرنے کا بھی فیصلہ کیا گیا ہے، کچے کے علاقوں میں بند کیے جانے والے موبائل ٹاورز کی نشاندہی کرلی گئی ہے۔

راولپنڈی احتجاج کیس: غیر حاضری پر عالیہ حمزہ کی عبوری ضمانت خارج

سندھ حکومت نے گاڑیوں میں سیکیورٹی فیچر سے مزین نمبر پلیٹس کی تنصیب کی آخری تاریخ میں توسیع کا اعلان کیا ہے۔ نئی ڈیڈ لائن 31 اکتوبر 2025 مقرر کی گئی ہے، جو پہلے 14 اگست تھی۔

پاکستان پیپلزپارٹی کے چیئرمین بلاول بھٹو زرداری سے سندھ اسمبلی میں پارٹی کے چیف وہپ اور وزیر برائے ایکسائز، ٹیکسیشن و نارکوٹکس مکیش کمار چاولہ نے ملاقات کی، جس میں سندھ اسمبلی کے اراکین کی حاضری اور کارکردگی سے آگاہ کیا گیا۔ملاقات میں صوبے کی مجموعی سیکیورٹی صورتحال اور نمبر پلیٹس کی تنصیب سے متعلق پیش رفت پر بھی تفصیلی گفتگو ہوئی۔چیئرمین بلاول بھٹو زرداری نے عوام کی سہولت کو مدنظر رکھتے ہوئے نمبر پلیٹس کی تنصیب کی ڈیڈ لائن میں توسیع کی ہدایت دی، جس پر وزیر مکیش کمار چاولہ نے فوری طور پر نئی تاریخ کا اعلان کیا۔

محکمہ ایکسائز کا کہنا ہے کہ نئی نمبر پلیٹس میں جدید سیکیورٹی فیچرز شامل ہیں، جو گاڑیوں کی شناخت اور جرائم کی روک تھام میں اہم کردار ادا کریں گی۔

کراچی ایئرپورٹ کے نئے رن وے پر کام شیڈول سے پہلے مکمل

روسی تیل کی خریداری،ٹرمپ کی بھارت کو ٹیرف بڑھانے کی دھمکی

یوم شہدائے پولیس، سندھ اسمبلی کا پولیس کو خراج عقیدت