Tag: سندھ حکومت

سندھ حکومت نے ناقص و غیر محفوظ کمرشل گاڑیوں کی رجسٹریشن منسوخ کرنے کا فیصلہ کر لیا۔

باغی ٹی وی کے مطابق سینئر وزیر شرجیل انعام میمن کی زیر صدارت محکمہ ٹرانسپورٹ و ماس ٹرانزٹ کا اہم اجلاس ہوا، جس میں گرین لائن اور اورنج لائن کی گاڑیوں کو بروئے کار لاتے ہوئے آئندہ ہفتے نیا روٹ شروع کرنے کا فیصلہ کیا گیا۔اجلاس میں ٹرانسپورٹ کے مختلف منصوبوں پر پیش رفت اور روڈ سیفٹی سے متعلق حکومتی اقدامات کا تفصیلی جائزہ لیا گیا، اس کے علاوہ کمرشل گاڑیوں کے معائنے کے نظام کو جدید خطوط پر استوار کرنے سے متعلق اہم فیصلے کیے گئے۔اجلاس میں محکمہ ٹرانسپورٹ کی جانب سے خواتین کے لیے پنک ای وی اسکوٹر اسکیم جلد شروع کرنے کی ہدایات دی گئی اور ملازمت پیشہ اور طالبات درخواست گزاروں کے لیے ڈرائیونگ لائسنس کا ہونا لازمی قرار دیا گیا۔

سینئر وزیر شرجیل انعام میمن کی ہدایات پر نیشنل ہائی وے اور سپر ہائی وے پر کمرشل گاڑیوں کے معائنے کے لیے ایم وی آئی سینٹرز قائم کرنے کا بھی فیصلہ کیا گیا۔اجلاس کے دوران سینئر وزیر شرجیل انعام میمن نے کہا کہ سندھ بھر میں کمرشل گاڑیوں کے معائنے کے لیے 10 ایم وی آئی سینٹرز قائم کیے جا رہے ہیں، کراچی میں دو ایم وی آئی سینٹرز پہلے سے ہی فعال ہیں، مزید سینٹرز پر کام کو جلد از مکمل کیا جائے۔ نیشنل ہائی وے اور سپر ہائی وے پر ای وی آئی سینٹرز کے قیام سے گاڑیوں کی شہر میں داخل ہونے سے قبل فٹنس کو یقینی بنایا جائے گا، اس کے علاوہ کراچی میں تین مزید اور سندھ کے باقی اضلاع میں 5 ایم وی آئی سینٹرز قائم کئے جا رہے ہیں۔

شرجیل انعام میمن نے ابتدائی مرحلے میں 500 الیکٹرک ٹیکسیاں متعارف کروانے کے لے بھی ضروری اقدامات کی ہدایات دیتے ہوئے کہا کہ ہماری کوشش ہے کہ عوام کو سستی، ماحول دوست اور بااعتماد سفری سہولیات مہیا کی جائیں، سندھ کا ٹرانسپورٹ نظام ایک نئے دور میں داخل ہو رہا ہے، جس میں جدید ٹیکنالوجی اور سہولت دونوں کو مدنظر رکھا جا رہا ہے، انہوں نے یہ بھی کہا کہ ہم ٹرانسپورٹ کے شعبے کو جدید، محفوظ اور عوام دوست بنانے کے لیے ہر ممکن اقدامات اٹھا رہے ہیں، جون میں 34 نئی الیکٹرک بسیں اور 5 ڈبل ڈیکر بسیں کراچی پہنچیں گی، جبکہ مزید 100 بسیں بھی جون ہی میں پہنچ جائیں گی۔اجلاس میں اسیکریٹری ٹرانسپورٹ اسد ضامن، ایم ڈی ایس ایم ٹی اے کمال دایو، پیپلز بس سروس کے پی ڈی صہیب شفیق اور دیگر موجود تھے۔

لاہور قلندرز کا کنگز کو جیت کیلئے بڑا ہدف، کراچی مشکلات کا شکار

لاہور قلندرز کا کنگز کو جیت کیلئے بڑا ہدف، کراچی مشکلات کا شکار

پیٹرولیم قیمتوں میں کمی کرنے کی بجائے اس رقم سے ہائی وے بنائیں گے، وزیراعظم

کراچی، انٹربورڈ کے نئے چیئرمین کا عہدہ لینے سے انکار،امتحانات میں تاخیر

ماہ رنگ بلوچ کی درخواست ضمانت مسترد، محفوظ فیصلہ جاری

سندھ حکومت نے کراچی اور حیدرآباد کی 10 جامعات میں 3 ہزار نوجوان طلبہ و طالبات کے لیے انٹرپرینیورشپ سیشنزشروع کرنے کا فیصلہ کیا ہے.

باغی ٹی وی کے مطابق محکمہ کھیل و امور نوجوانان سندھ کے ترجمان کے مطابق کراچی کی انڈس اور حیدرآباد کی اسرااورجی سی یونیورسٹی میں نوجوانوں کیلئے سیشنز کا انعقاد کردیا گیا ہے، جبکہ سر سید یونیورسٹی اور یو آئی ٹی یونیورسٹی میں آج پیر اور کل بروز منگل کو سیشنز منعقد ہونگے، اس کے علاوہ دوسرے مرحلے میں مھران یونیورسٹی، جناح یونیورسٹی، قائد عوام یونیورسٹی،گرین وچ اور جامعہ کراچی میں سیشن کا انعقاد شروع کیا جارہا ہے.محکمہ کھیل سندھ کے ترجمان کا مزید کہنا تھا کہ نوجوانوں کو محکمہ کھیل کی جانب سے بزنس ماڈل بنانے، کاروبار کرنے سے متعلق ٹریننگ دی جارہی ہے،سیشنز میں انٹرپرینیورشپ ٹریننگ اور ماہرین کے پینلز ڈسکشن کے علاوہ کامیاب نوجوانوں کی اسٹوریز کو بھی جگہ دی گئی ہے،تاکہ نوجوانوں کو سکھانے کے ساتھ ساتھ انکی حوصلہ افزائی بھی کی جاسکی.

محکمہ کھیل امور نوجوانان سندھ کے ترجمان کا کہنا تھا کہ سندھ کے دو ڈویژن کراچی اور حیدرآباد کی 10 جامعات میں 3 ہزار نوجوان طلبہ و طالبات کے لیے انٹرپرینیورشپ سیشنز شروع کرنے کا فیصلہ کیا ہے، تاکہ نوجوانوں کو بزنس ماڈل بنانے، کاروبار شروع کرنے سے متعلق ٹریننگ دی جاسکی. ترجمان کا کہنا تھا کہ نوجوانوں کی طرف سے قائم کردہ کامیاب کاروبار ملکی معیشت کی ترقی میں اہم کرداد ادا کرتے ہیں، محکمہ کھیل و امور نوجوانان ، نوجوانوں کو بزنس پلاننگ، مارکیٹنگ، فنانس اور مینجمنٹ جیسے موضوعات پر سیشنز دے رہا ہے.

گاڑیوں کی ٹرانسفر فیس میں بڑا اضافہ، الیکٹرک وہیکلز پر بھی لاگو

کراچی میں آگ 2 ہفتے بعد بھی کم نہ ہوئی، امریکی ٹیم کی خدمات حاصل

ماموں سمیت قریبی عزیز کی زیادتی، 16 سالہ لڑکی کی خودکشی

وزیراعلی سندھ کی ہدایت ،ٹریفک خلاف ورزیوں کے خلاف کریک ڈاؤن جاری

سندھ حکومت کی جانب سے زائد کرایوں کے خلاف سخت کریک ڈائون جاری ہے، جس کے تحت مسافروں کو اب تک 1 کروڑ 59 لاکھ 97 ہزار 600 روپے واپس کرائے جا چکے ہیں۔

سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن کی ہدایت پر ٹرانسپورٹ حکام نے مختلف کارروائیوں میں 5,294 گاڑیوں کی چیکنگ کی، جن میں سے 3,979 گاڑیوں کے خلاف چالان جاری کیا گیا۔سینئر وزیر شرجیل انعام میمن نے کہا کہ ٹرانسپورٹروں کی من مانی کسی صورت برداشت نہیں کی جائے گی، اور زائد کرایہ وصول کرنے والوں کے خلاف بلاامتیاز کارروائی جاری رہے گی۔

انہوں نے واضح کیا کہ عید کے دوران بھی کرایوں کو کنٹرول میں رکھنے کے لیے مہم جاری رہے گی تاکہ عوام کو ریلیف فراہم کیا جا سکے۔انہوں نے مزید کہا کہ زائد کرایہ وصول کرنے والے ٹرانسپورٹرز کے خلاف سخت قانونی کارروائی عمل میں لائی جا رہی ہے اور کسی کو معاف نہیں کیا جائے گا۔

مسافروں کو زائد کرایوں سے نجات دلانے کے لیے موثرحکمت عملی اپنائی گئی ہے، اور اس حوالے سے کسی قسم کی کوتاہی برداشت نہیں کی جائے گی۔ سینئر وزیر شرجیل انعام میمن نے ٹرانسپورٹ حکام کو بس اڈوں اور شاہراہوں پر چوکس رہنے کی ہدایت دیتے ہوئے کہا کہ عوام کی جیبوں پر ڈاکہ ڈالنے کی کسی کو اجازت نہیں دی جائے گی، قانون سب کے لئے برابر ہے۔ انہوں نے شہریوں سے اپیل کی کہ اگر کوئی بھی زائد کرایہ وصول کرتا ہے تو اس کی فوری اطلاع دی جائے۔

پاکستانی سات افراد کی جعلی اسکواش کھلاڑی بن کر نیوزی لینڈ کے ویزے کی کوشش

پاکستان میں شوال کا چاند نظر آ گیا، عید الفطر کل

سندھ ہائیکورٹ کے آئینی بینچ نے اسسٹنٹ کمشنرز کے لیے 138 ڈبل کیبن گاڑیوں کی خریداری کیخلاف درخواست مسترد کردی۔

باغی ٹی وی کے مطابق سندھ ہائیکورٹ میں آئینی بینچ کے روبرو اسسٹنٹ کمشنرز کے لیے 138 ڈبل کیبن گاڑیوں کی خریداری کیخلاف درخواست کی سماعت ہوئی، جس میں ایڈووکیٹ جنرل جواد ڈیرو، رکن سندھ اسمبلی محمد فاروق عدالت میں پیش ہوئے۔عدالت نے درخواستگزار سے استفسار کیا کہ بتائیں آپ لوگ اس سے اسکیم سے کیسے متاثر ہوئے ہیں۔ عثمان فاروق ایڈووکیٹ نے مقف دیا کہ درخواستگزار رکن سندھ اسمبلی ہے۔ درخواست گزار نے اسمبلی میں بھی مخالفت کی تھی، لیکن اس کے باوجود گاڑیوں کی خریداری کی منظوری دی گئی۔ عدالت نے استفسار کیا کہ لیکن یہ معاملہ اسمبلی میں کیسے گیا ہوگا۔عدالت نے ریمارکس دیے کہ یہاں درخواست پر تو کوئی بل یا ایکٹ نظر نہیں آرہا۔

وکیل نے بتایا کہ درخواست گزار نے گاڑیوں کی خریداری کیخلاف قرار داد پیش کی تھی۔ بحیثیت شہری ڈبل کیبن گاڑیاں خریدی جائیں گی تو میں بھی متاثر ہوں گا۔ عدالت نے استفسار کیا کہ آپ کیسے متاثر ہو سکتے ہیں۔ عثمان فاروق ایڈووکیٹ نے موقف اپنایا کہ بجٹ اور پیسہ سندھ حکومت کا ہی خرچ ہوگا۔ لگژری گاڑیوں کے بجائے 1000 سی سی کی گاڑیاں خریدی جائیں۔عدالت نے درخواستگزار سے مکالمے میں کہا کہ آپ کو گاڑیوں کی سی سی پر مسئلہ ہے۔ عدالت نے درخواستگزار سے استفسار کیا کہ آپ بتائیں کونسے رولز اور پالیسی کی خلاف ورزی ہوئی ہے۔ وکیل نے موقف دیا کہ بنیادی حقوق متاثر ہوتے ہیں۔ عدالت نے استفسار کیا کہ کون سے حقوق متاثر ہوئے آپ کے۔ کونسے قانون کی خلاف ورزی ہورہی ہے۔ درخواستگزار کے وکیل نے کہا کہ مجھے وقت دے دیں میں رولز اور پالیسی کی خلاف ورزی سے متعلق تفصیلات دے دوں گا۔

عدالت نے ریمارکس دیے کہ وقت نہیں دے سکتے، پہلے ہی کیس زیر التوا ہے۔ عوامی مفادات کو سیاسی مفادات نہ بنایا جائے۔ ایڈووکیٹ جنرل سندھ جواد ڈیرو نے دلائل میں کہا کہ یہ صرف پبلسٹی کے لیے کر رہے ہیں۔ یہ لگژری گاڑیاں نہیں بلکہ ضرورت ہیں۔ درخواست کو مسترد کیا جائے۔ اسسٹنٹ کمشنرز کے لیے گاڑیوں کی خریداری غیر ضروری نہیں، نہ ہی گاڑیوں کے لیے فنڈز کا غلط استعمال کیا جارہا ہے۔

انہوں نے مزید کہا کہ اسسٹنٹ کمشنرز کے پاس بہت اہم ذمے داریاں ہوتی ہیں۔ گاڑیوں کی خریداری ضروری ہے تاکہ افسران ذمے داریاں احسن طریقے سے انجام دے سکیں۔ اسسٹنٹ کمشنرز کے لیے آخری بار خریداری 2010 اور 2012 میں ہوئی تھی۔ سوزوکی کلٹس کی اوسط عمر 6 سال یا ایک لاکھ 60 ہزار کلومیٹر ہے۔ بیشتر گاڑیاں اپنی میعاد پوری کر چکی ہیں۔ بعد ازاں عدالت نے اسسٹنٹ کمشنرز کے لیے 138 ڈبل کیبن گاڑیوں کی خریداری کیخلاف جماعت اسلامی کے رکن سندھ اسمبلی محمد فاروق و دیگر کی درخواست مسترد کردی۔

پاکستان سمیت دنیا میں سونے کی قیمت بلند ترین سطح پر پہنچ گئی

بجلی قیمت میں کمی، جلد ہی وزیر اعظم اعلان کریں گے، وزیر خزانہ

پاکستان کا میانمار ،تھائی لینڈ زلزلہ متاثرین سے اظہار یکجہتی

عیدالفطر سے قبل پٹرول سستا،نوٹیفکیشن آگیا

سندھ حکومت نے کراچی کے تجارتی علاقوں کی بحالی، خوبصورتی اور بنیادی ڈھانچے کی بہتری کے لیے خصوصی ٹاسک فورس کے قیام کا اعلان کیا ہے۔ اس اقدام کا مقصد شہر میں صفائی، تجاوزات کے خاتمے اور شہری سہولیات میں بہتری لانا ہے تاکہ شہریوں کو صاف ستھرا اور خوبصورت ماحول فراہم کیا جا سکے۔

باغی ٹی وی کے مطابق چیف سیکریٹری سندھ کے دفتر سے جاری کردہ بیان اور نوٹیفیکیشن کے مطابق نو تشکیل شدہ ٹاسک فورس کی سربراہی میئر کراچی ڈویژن کریں گے جبکہ دیگر ارکان میں کمشنر کراچی ڈویژن، ایڈیشنل انسپکٹر جنرل پولیس کراچی رینج، ڈپٹی انسپکٹر جنرل ٹریفک کراچی، اسپیشل سیکریٹری لوکل گورنمنٹ اینڈ ایچ ٹی پی ڈپارٹمنٹ، ڈائریکٹر جنرل سندھ بلڈنگ کنٹرول اتھارٹی، منیجنگ ڈائریکٹر سندھ سالڈ ویسٹ مینجمنٹ بورڈ، میونسپل کمشنر کراچی میونسپل کارپوریشن، ڈائریکٹر ملٹری لینڈز اینڈ کینٹونمنٹ اور متعلقہ ٹی ایم سی کے میونسپل کمشنر شامل ہوں گے۔

ٹاسک فورس کو یہ ذمہ داری سونپی گئی ہے کہ وہ مختلف سرکاری اداروں کے ساتھ رابطہ اور ہم آہنگی کے ذریعے کراچی کے شہری مسائل کو حل کرے۔ ان مسائل میں صفائی کے انتظامات، کچرے کی موثر صفائی، تجاوزات کے خاتمے، غیر قانونی پارکنگ کے مسائل، سیوریج کے مسائل کا حل اور بنیادی ڈھانچے کی بہتری شامل ہیں۔ ٹاسک فورس کے ان اقدامات کا مقصد کراچی کے شہری منظرنامے کو نمایاں طور پر بہتر بنانا ہے۔
ٹاسک فورس نے جن اہم شاہراہوں کو ترقیاتی کاموں کے لیے منتخب کیا ہے ان میں شاہراہِ فیصل، شاہراہِ قائدین، شیر شاہ سوری روڈ، شہید ملت روڈ، حبیب ابراہیم رحمت اللہ (کرساز)روڈ، عبداللہ ہارون روڈ سے شاہراہِ فردوسی(عبداللہ شاہ غازی مزار تک)، آئی آئی چندریگر روڈ یہ شاہراہیں کراچی کی ٹریفک روانی اور تجارتی سرگرمیوں کے لیے انتہائی اہم ہیں، اسی لیے انہیں اولین ترجیح دی گئی ہے۔

سندھ حکومت نے تمام متعلقہ اداروں کو ہدایت دی ہے کہ وہ ٹاسک فورس کے ساتھ مکمل تعاون کریں تاکہ ترقیاتی منصوبوں کو موثر طریقے سے پایہ تکمیل تک پہنچایا جا سکے۔ ان اقدامات کے ذریعے وسائل کے ضیاع کو روکا جائے گا اور تمام ادارے مشترکہ طور پر شہری مسائل کا بہتر حل فراہم کر سکیں گے۔چیف سیکریٹری سندھ آصف حیدر شاہ نے اس حوالے سے منعقدہ اجلاس کی صدارت کرتے ہوئے کہا کہ کراچی سندھ کا دل ہے اور اس کی خوبصورتی میں اضافہ، ٹریفک کے مسائل کا حل اور تجاوزات کا خاتمہ سندھ حکومت کی اولین ترجیح ہے۔

انہوں نے ہدایت دی کہ ٹاسک فورس فوری طور پر کام کا آغاز کرے اور مقررہ مدت میں نمایاں نتائج پیش کرے تاکہ شہریوں کو جلد از جلد ریلیف فراہم کیا جا سکے۔ چیف سیکریٹری سندھ نے مزید کہا کہ کراچی کی بہتری کے لیے تمام ادارے مشترکہ طور پر کام کریں گے اور ٹاسک فورس کا قیام شہری سہولیات کی بہتری کی جانب ایک اہم قدم ثابت ہوگا۔ انہوں نے متعلقہ اداروں کو ہدایت دی کہ وہ اس منصوبے میں بھرپور تعاون کریں تاکہ کراچی کو ایک خوبصورت، منظم اور جدید شہر بنایا جا سکے۔ یہ اقدام سندھ حکومت کے کراچی کو ایک صاف ستھرا، جدید اور مثالی شہر بنانے کے عزم کا مظہر ہے جس سے نہ صرف شہریوں کو بہتر سہولیات میسر آئیں گی بلکہ شہر میں تجارتی اور معاشرتی سرگرمیوں کو بھی فروغ ملے گا۔

اسرائیلی فوجیوں پر حملہ کرنے والی جنگلی بلی کی دھوم مچ گئی

نکاح سے قبل زوجین کے متعدی مرض کے ٹیسٹ نکاح نامہ کا حصہ بنانے کا مشورہ

وزیراعلیٰ سندھ مراد علی شاہ نے 30 ہزار طلباو طالبات کو سکالر شپ دینے کا اعلان کر دیا، سکالرشپس نوجوانوں کے روشن مستقبل میں سرمایہ کاری ہے،سندھ کی 30 جامعات کو سکالرشپس دی جائیں گی.

باغی ٹی وی کے مطابق وزیراعلیٰ ہاﺅس میں سندھ حکومت،گوگل اور ٹیچ ویلی کے درمیان معاہدے کی تقریب منعقد کی گئی جس میں وزیراعلی سندھ نے30ہزار گوگل کیریئرسرٹیفکیٹ سکالرشپس کاافتتاح کردیا جس میں سندھ کی 30 جامعات کے طلبا کیلئے 30 ہزار گوگل کیریئر سرٹیفکیٹ سکالرشپس کا آغاز کیا گیا ۔تقریب سے گفتگو کرتے ہوئے وزیراعلیٰ سندھ مراد علی شاہ کا کہنا تھا کہ سکالرشپس نوجوانوں کے روشن مستقبل میں سرمایہ کاری ہے سائبرسیکیورٹی،اے آئی اوردیگرجدیدمہارتوں پرتربیت دی جائےگی۔100 فیصد طلبا نے گوگل کیریئر سرٹیفکیٹ مکمل کئے ہیں۔ گوگل کیریئر سرٹیفکیٹ 3 سے 6 ماہ کی مدت کے کورسز ہیں۔ ہم چاہتے ہیں کہ سندھ کے طلباعالمی معیار کی تربیت حاصل کریں۔

انہوں نے کہا کہ حکومت سندھ ڈیجیٹل تعلیم اور ہنر مندی میں انقلابی اقدامات کر رہی ہے اور سکالرشپس نوجوانوں کے روشن مستقبل کیلئے سرمایہ کاری ہے۔تقریب سے خطاب کرتے ہوئے وزیراعلیٰ سندھ مراد علی شاہ کا مزید کہناتھا کہ پروجیکٹ مینجمنٹ، سائبر سیکیورٹی اور اے آئی میں تربیت بھی دی جائے گی۔ کم مراعات یافتہ طبقات اور خواتین کے لیے خصوصی کوٹہ مختص ہے۔

ان کا یہ بھی کہنا تھا کہ ڈیجیٹل مہارتوں سے سندھ کی سماجی و اقتصادی ترقی کو فروغ ملے گا جبکہ گزشتہ سال 10 سرکاری جامعات کے 1500 طلبا کو سکالرشپس فراہم کی گئی تھیں۔ رواں سال سرکاری 30 جامعات کے 30 ہزار طلبا اسکالرشپس سے مستفید ہوں گے۔تقریب سے خطاب کرتے ہوئے صوبائی وزیرتعلیم سندھ اورسیکریٹری آئی ٹی کا کہنا تھا کہ ایساٹیلنٹ پول بنا رہے ہیں جوڈیجیٹل معیشت کوآگے لے جائےگا۔ گوگل کیریئرسرٹیفکیٹس پروگرام نوجوانوں کیلئے ایک گیم چینجرثائت ہوگا۔

کراچی: واٹر ٹینکر کی ٹکر سے حاملہ خاتون، شوہر اور نومولود جاں بحق

وزیر اعلی سندھ سید مراد علی شاہ نے کہا ہے کہ سندھ کے اراضی ریکارڈ کو جدید بنانے کے لیے ایک اہم اقدام کرتے ہوئے سندھ حکومت نے ایک جدید ڈیجیٹلائزیشن اقدام شروع کیا ہے جس کا مقصد جائیداد کے انتظام میں درستگی، تحفظ اور کارکردگی کو یقینی بنانا ہے۔

باغی ٹی وی کے مطابق وزیراعلی ہائوس میں ہونے والے اجلاس میں چیف سیکریٹری آصف حیدر شاہ، سینئر ممبر بورڈ آف ریونیو (ایس ایم بی آر)بقا اللہ انڑ، وزیراعلی کے پرنسپل سیکریٹری آغا واصف، آئی بی اے سکھر کے وائس چانسلر آصف شیخ، سیکریٹری آئی ٹی نور احمد سموں، اسپیشل سیکریٹری جنرل ایڈمنسٹریشن زمان ناریجو اور دیگر نے شرکت کی۔شروع میں وزیراعلی مراد شاہ نے اس بات پر زور دیا کہ زمین کی منتقلی کے پچھلے 12 اقدامات کے عمل کو سنگل سٹیپ ڈیجیٹل میکانزم میں ہموار کیا جانا چاہیے جس سے رسائی میں آسانی کو یقینی بنایا جائے اور بیوروکریٹک تاخیر کو ختم کیا جائے۔

انہوں نے اس بات پر روشنی ڈالی کہ سندھ کا ڈیجیٹل لینڈ ریکارڈ سسٹم جدید، ٹیکنالوجی سے چلنے والی گورننس، بدعنوانی کو کم کرنے، حق ملکیت کو یقینی بنانے اور جائیداد کے لین دین کو تیز کرنے کے لیے ایک مثال قائم کرے گا۔ چیف سیکرٹری آصف حیدر شاہ نے وزیر اعلی کو ای سسٹم کے بارے میں بریفنگ دیتے ہوئے کہا کہ اس اقدام کے ایک حصے کے طور پر زمینی ریکارڈ کو دوبارہ لکھا جا رہا ہے اور اس کی تصدیق کی جا رہی ہے، ایک ڈیجیٹل لینڈ رجسٹر بنایا جا رہا ہے اور بلاک چین ٹیکنالوجی کو مربوط کیا جا رہا ہے تاکہ چھیڑ چھاڑ سے محفوظ ریکارڈ کو یقینی بنایا جا سکے۔

انھوں نے وزیراعلی کو بتایا کہ اس کے علاوہ ویب پر مبنی ای-ٹرانسفر سسٹم سرکاری دفاتر کے دوروں کی ضرورت کے بغیر ،بغیر کسی رکاوٹ کے جائیداد کے لین دین کی سہولت فراہم کرے گا۔نظر ثانی اور تصدیق: درستگی اور شفافیت کو یقینی بنانے کے لیے حکومت ولیج کے فارم-VII-A اور ولیج فارم-II کے ریکارڈ کو دستی طور پر دوبارہ لکھ رہی ہے جو کہ زمین کی ملکیت کے ڈیٹا کی بنیاد کے طور پر کام کرتے ہیں، چیف سیکرٹری نے وزیراعلی کو بتایا کہ ایک کمپیوٹرائزڈ قومی شناختی کارڈ (CNIC) لنکیج سسٹم کو شامل کیا جا رہا ہے تاکہ مالکیت کی تصدیق اور دستاویزات کی غلطیوں کی تصدیق کی جا سکے۔

ڈیجیٹل لینڈ رجسٹر کی تشکیل: چیف سیکرٹری نے وزیر اعلی کو بتایا کہ ایک جامع ڈیجیٹل لینڈ رجسٹر تیار کیا جا رہا ہے تاکہ پورے دیہوں(دیہات)کے سروے نمبر وار رقبہ کی تفصیلات درج کی جا سکیں۔ آصف حیدر شاہ نے وزیر اعلی کو بتایا کہ یہ سسٹم ناقابل منتقلی زمین کے زمرے کا ڈیٹا بھی رکھے گا، بشمول جنگل کی زمین، گاں کی زمین، قبرستان، اور بھاڈا زمین (لیز پر دی گئی زمین)، اس بات کو یقینی بنائے گی کہ یہ جائیدادیں محفوظ رہیں اور غیر مجاز لین دین سے بالاتر ہوں۔

چیف سیکرٹری نے وزیر اعلی مراد شاہ کو بریفنگ دیتے ہوئے کہا کہ اس اقدام میں سب سے اہم پیش رفت بلاک چین ٹیکنالوجی کا استعمال ہے۔انہوں نے کہا کہ دوبارہ تحریری اور تصدیق شدہ ریکارڈ (V.F.VII-A&V.F.II) کو مکمل طور پر ڈیجیٹائز کیا جائے گا اور بلاک چین پر مبنی ڈیٹا بیس میں محفوظ کیا جائے گا، جس سے وہ ناقابل تغیر اور چھیڑ چھاڑ سے محفوظ رہیں گے۔اور مزید کہا کہ یہ انفراسٹرکچر CNIC سے منسلک ملکیت کی تصدیق کو بھی قابل بنائے گا، ایک محفوظ اور شفاف لینڈ رجسٹری سسٹم تشکیل دے گا۔

زمین کے عنوانات کی ویب پر مبنی ای ٹرانسفر:وزیراعلی مراد علی شاہ نے کہا کہ نیا نظام بغیر کاغذ کے، بغیر چہرے کے اور بغیر کسی رکاوٹ کے زمین کے ٹائٹل کی منتقلی کا طریقہ کار متعارف کرائے گا، جس سے ریونیو دفاتر کے چکر لگانے کی ضرورت ختم ہو جائے گی۔ انہوں نے کہا کہ اس کے بجائے، عوامی خدمت کے مراکز پر بائیو میٹرک تصدیق ہی واحد ضرورت ہوگی، جس سے اس عمل کو زیادہ محفوظ اور موثر بنایا جائے گا،اور مزید کہا کہ سسٹم کو نادرا، فیڈرل بورڈ آف ریونیو (ایف بی آر)، بینکوں اور دیگر سرکاری اداروں کے ساتھ ریئل ٹائم ڈیٹا کی تصدیق کے لیے مربوط کیا جائے گا۔
پائلٹ پروجیکٹ کی منظوری:وزیراعلی مراد شاہ نے چیف سیکریٹری کی سفارش پر اس ڈیجیٹل فریم ورک کی تاثیر کو جانچنے کے لیے سندھ حکومت نے دیہہ مٹیاری اور پلیجانی (ضلع اور تعلقہ مٹیاری)اور دیہہ باگرجی (تعلقہ اور ضلع سکھر)میں ایک پائلٹ پروجیکٹ کی منظوری دی ہے۔وزیراعلی نے کہا کہ ان علاقوں کا انتخاب آئی بی اے سکھر کے تعاون سے زمینی ریکارڈ کی دوبارہ تحریر اور ڈیجیٹلائزیشن کے لیے کیا گیا ہے جو اس تبدیلی کے لیے تکنیکی فریم ورک تیار کر رہا ہے۔

مراد علی شاہ نے کہا کہ بلاک چین ٹیکنالوجی، بائیو میٹرک تصدیق، اور ویب پر مبنی جائیداد کی منتقلی کے انضمام کے ساتھ، سندھ مستقبل کے زمینی انتظام کے نظام کی طرف بڑھ رہا ہے جو زیادہ کارکردگی، تحفظ اور عوامی اعتماد کا وعدہ کرتا ہے۔ انہوں نے نتیجہ اخذ کیا کہ پائلٹ پراجیکٹ کی کامیابی صوبے بھر میں عملدرآمد کی راہ ہموار کرے گی، سندھ میں زمین کی ملکیت اور جائیداد کے لین دین میں انقلاب برپا کرے گی۔

دبئی میں گداگروں کے خلاف کارروائیاں، 127 گرفتار

دبئی میں گداگروں کے خلاف کارروائیاں، 127 گرفتار

گزشتہ کئی ماہ سے درآمدات میں نمایاں اضافہ ہو گیا

تربیلا ڈیم میں پانی کی کمی،لوڈشیڈنگ کا خدشہ

سندھ حکومت نے اہم فیصلہ کرتے ہوئے عید الفطر کے موقع پر ٹرانسپورٹ افسران کی چھٹیاں منسوخ کردی ہیں۔

باغی ٹی وی کے مطابق ایک بیان میں سندھ کے سینئر وزیر شرجیل انعام میمن نے کہا کہ عید کے دوران اضافی کرایہ وصول کرنے کی شکایات عام ہوتی ہیں، کوئی بھی شہری اضافی کرایہ ادا نہ کرے، عوام کی سہولت کے لیے پورے صوبے میں ٹرانسپورٹ افسران اپنی ذمہ داریاں نبھائیں گے .انہوں نے کہا کہ ٹرانسپورٹ اتھارٹی سندھ اور آر ٹی اے / ڈی آر ٹی ایز کے تمام افسران اور اہلکار عید کی تعطیلات کے دوران عوامی شکایات کے ازالے کے لیے موجود رہیں گے، حکومت سندھ نے زائد کرایے وصول کرنے والے ٹرانسپورٹرز کے خلاف سخت کارروائی کی کی خصوصی ہدایات جاری کی ہیں۔

شرجیل انعام میمن نے کہا ہے کہ اضافی کرایوں کی وصولی کے خلاف مہم کے سلسلے میں محکمہ ٹرانسپورٹ اینڈ ماس ٹرانزٹ کے تمام افسران اور عملے کی عید کی چھٹیاں منسوخ کر دی گئی ہیں، حکومت سندھ کی کوشش ہے کہ عوام کو عیدالفطر کے موقع پر سفری سہولیات میں کسی قسم کی مشکلات کا سامنا نہ کرنا پڑے اور اضافی کرایوں کی وصولی کے خلاف فوری کارروائی کی جا سکے۔

سینئر وزیر شرجیل انعام میمن نے مزید کہا کہ عوام اضافی کرایہ ادا کرنے کے بجائے فوری طور پر شکایت درج کروائیں تاکہ حکومت فوری ایکشن لے سکے، سندھ حکومت عوامی مسائل کے حل کے لیے ہر ممکن اقدامات اٹھا رہی ہے اور کسی کو بھی ناجائز منافع خوری کی اجازت نہیں دی جائے گی۔

اخوت فاؤنڈیشن کے بانی ڈاکٹر امجد ثاقب .تحریر: راحین راجپوت

خوشحال اور ترقی پسند پاکستان کی تعمیر جاری رکھیں گے۔وزیراعظم

سندھ اسمبلی میں اپنے خطاب کے آغاز میں وزیراعلی سندھ نے ملک میں بالخصوص خیبرپختونخوا اور بلوچستان میں دہشت گردی کی بڑھتی ہوئی لہر پر تشویش کا اظہار کیا۔

باغی ٹی وی کے مطابق مراد علی شاہ نے اسمبلی کو یقین دلایا کہ سندھ حکومت اور قانون نافذ کرنے والے ادارے صوبے میں کسی بھی قسم کے سیکیورٹی خطرات کو روکنے کے لیے صورتحال پر گہری نظر رکھے ہوئے ہیں۔ انہوں نے کہا کہ کئی دہائیوں تک ہمارے ملک اور صوبے میں لاقانونیت ایک بڑا مسئلہ تھا لیکن 2013-14 کے بعد حالات بہتر ہونے لگے۔ اور مزید کہا کہ جب تک چیلنجز باقی ہیں، سندھ حکومت امن و سلامتی کو یقینی بنانے کے لیے پرعزم ہے۔انہوں نے اس بات پر بھی روشنی ڈالی کہ سندھ اسمبلی نے اس سے قبل دہشت گردی کے خلاف قرارداد منظور کی تھی جس میں تمام سیاسی جماعتوں کی ذمہ داری پر زور دیا گیا تھا کہ وہ سیاسی اختلافات سے بالاتر ہو کر قومی سلامتی کو ترجیح دیں۔

بجٹ سے پہلے کی بحث

مراد علی شاہ نے روشنی ڈالی کہ سندھ کا رولز 143 کے ساتھ منفرد ہے، جو کسی بھی قومی یا صوبائی اسمبلی کے برعکس پہلے سے بجٹ پر بحث کی اجازت دیتا ہے۔انہوں نے اس بات پر زور دیا کہ یہ قانون تمام اراکین کو بجٹ کے معاملات پر بحث کرنے، سفارشات کا اشتراک کرنے اور حل تجویز کرنے کے قابل بناتا ہے۔ مارچ میں حکومت سازی کی وجہ سے پچھلے سال کی تاخیر کے باوجود وزیراعلی نے کہا رمضان کے دوران بھی اس سال کی بات چیت ٹریک پر ہے۔ انہوں نے اسمبلی کے نتیجہ خیز مباحثوں اور پچھلے سال کے مقابلے میں قانون سازوں کی بڑھتی ہوئی شرکت کی تعریف کی جہاں سیاسی تنا کی وجہ سے صرف 31 ممبران ہی مصروف رہے۔

اپوزیشن کا کردار اور عزم:
سیاسی اتحاد کے ایک نادر لمحے میں وزیراعلی نے اختلافات کے باوجود حکومت کے نیک ارادوں کو تسلیم کرنے پر اپوزیشن لیڈر کو تسلیم کیا۔ وزیراعلی نے کہا کہ مجھے یہ سن کر خوشی ہوئی کہ ہمارے ارادوں پر کوئی شک نہیں ہے۔ اور 1970 سے سندھ کے عوام کی فلاح و بہبود کے لیے پارٹی کے عزم پر زور دیا۔ انہوں نے ایوان کو یقین دلایا کہ حکومت خدشات کو دور کرنے، مالی شفافیت کو یقینی بنانے اور امن و امان کو برقرار رکھنے کے لیے وقف ہے۔

اسمبلی میں بڑھتی ہوئی مصروفیت

وزیراعلی نے اسمبلی میں بڑھتی ہوئی مصروفیت پر روشنی ڈالی، اس سال 100 ارکان نے خطاب کیا اور بجٹ پر بحث کے دوران پچھلے سال ریکارڈ 132 تھے۔ انہوں نے تمام سفارشات کو سراہا اور تعمیری تنقید کی اہمیت پر زور دیا۔ وزیراعلی سندھ نے کراچی میں انفراسٹرکچر اور پانی کی فراہمی کے مسائل پر بات کرنے کی اہمیت پر زور دیا، کراچی شہر کو "ملک کے دل کی دھڑکن” قرار دیا۔انہوں نے کامیابیوں اور مستقبل کے پروگراموں کا خاکہ پیش کرتے ہوئے 2025-26 کے بجٹ میں غور کے لیے تمام تجاویز کو دستاویز کرنے کا وعدہ کیا۔

وزیراعلی سندھ نے اسمبلی کو بتایا کہ اس سال کل بجٹ 3056 ارب روپے تھا۔ 28 فروری 2025 تک تقریبا 2000 ارب روپے جاری کیے جا چکے ہیں اور 1454 ارب روپے ملازمین سے متعلقہ اخراجات، بشمول تنخواہوں اور پنشنوں کے ایک اہم حصے کے ساتھ استعمال ہو چکے ہیں۔

پاکستان ٹیم نے تاریخ کا منفرد ریکارڈ اپنے نام کرلیا

تین دن میں 200 معصوم بچوں سمیت 591 فلسطینی شہید

حکومت کی عدم توجہی کے باعث آئی ٹی انڈسٹری بحرانوں کا شکار

ونڈ فال ٹیکس،چار ہفتوں میں 34.5 ارب سے زائد رقم وصول

ملک بھر میں لاکھوں فرزندان اسلام اعتکاف میں بیٹھ گئے

سندھ کے سینئر وزیر شرجیل انعام میمن نے صوبے بھر میں جرائم پیشہ افراد کے خلاف کارروائیوں پر سندھ پولیس کی تعریف کرتے ہوئے کہا کہ یکم مارچ تا 15 مارچ 2025 کے دوران، دو ہفتوں میں سندھ پولیس نے 143 مقابلے کیے، 283 مجرموں کو گرفتار، 68 گینگز کو ختم کیا گیا.

باغی ٹی وی کے مطابق ایک بیان میں سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ پولیسنگ کی جارحانہ حکمت عملی نے صوبے میں مجرمانہ سرگرمیوں کو روکنے میں اہم کردار ادا کیا ہے، حکومت سندھ مکمل طور پر، پر عزم ہے کہ کوئی بھی مجرم انصاف سے بچ نہ پائے۔ سندھ میں جرائم کی کوئی جگہ نہیں ہے، سندھ جرائم سے پاک اور ایک پرامن اور خوشحال صوبہ بننے جا رہا ہے۔

انہوں نے کہا کہ شکارپور کے کچے میں، پولیس نے دو ڈاکو کو ہلاک کیا ، اور ڈاکوں کے پانچ ٹھکانے مسمار کر دیے گئے، مجرموں کے زیر استعمال کشمور کے کچے میں 20 ٹھکانے اور گھوٹکی کے کچے میں دو ٹھکانے مسمار کر دیے گئے، اسٹریٹ کرائم کے خلاف کارروائیوں میں 11 مجرم مارے گئے، 1,355 گرفتاریاں کی گئیں، پولیس کی کارروائیوں نے شکارپور، کشمور اور گھوٹکی میں مجرموں کو نمایاں طور پر کمزور کیا ہے۔ عوام پولیس کے ساتھ تعاون کریں اور حکومت اپنے شہریوں کے لیے سندھ کو مزید محفوظ بنانے کے لئے پرعزم ہے، وہ مجرم برسوں سے انصاف سے چشم پوشی کر رہے تھے اب جیل کے سلاخوں کے پیچھے ہیں، عوام کی جان و مال کا تحفظ ہماری اولین ترجیح ہے، کوئی بھی قانون سے بالاتر نہیں ۔

سینئر وزیر شرجیل انعام میمن نے کہ اکہ حکومت سندھ اسٹریٹ کرائم کی لعنت کے خاتمے کے لیے اپنی انتھک کوششیں جاری رکھے گی، سندھ کے امن و استحکام کو خطرے میں ڈالنے والے کسی بھی عنصر کو برداشت نہیں کیا جائے گا۔ ہماری پولیس فورس فعال طور پر جرائم پیشہ نیٹ ورکس کو ختم کر رہی ہے ، آخری مجرم کو انصاف کے کٹہرے میں لانے تک چین سے نہیں بیٹھیں گے، سڑکوں، شاہراہوں اور دیہی علاقوں کو پرامن اور محفوظ بنانے کے لئے حکومت سندھ کی جانب سے تمام ممکنہ اقدامات کئے جارہے ہیں۔

ایف آئی اے کی بڑی کارروائی، سی ڈی اے کے 4 افسران گرفتار

فرانسیسی صدرکا محمد بن سلمان سے رابطہ، غزہ اور یوکرین جنگ پر بات چیت

فرانسیسی صدرکا محمد بن سلمان سے رابطہ، غزہ اور یوکرین جنگ پر بات چیت

طالبان نے امریکی یرغمالی جارج گلیزمن کورہا کر دیا

کراچی،سگی بیٹی سے زیادتی اور حاملہ کرنیوالے درندہ صفت باپ کو سزا