Tag: سندھ ہائیکورٹ

کراچی: سندھ ہائیکورٹ نے سانحہ گل پلازہ کیخلاف درخواستوں پر سندھ حکومت، کمشنر کراچی، کے ایم سی و دیگر کو نوٹس جاری کردئیے۔

ہائیکورٹ میں سانحہ گل پلازہ کیخلاف درخواستوں کی سماعت ہوئی درخواستگزاروں کے وکیل ندیم شیخ ایڈووکیٹ نے موقف دیا کہ گل پلازہ شاپنگ مال کراچی کا مصروف کمرشل سینٹر ہے گل پلازہ سانحے میں انسانی جانوں کا ضیاع ہوا ہے سانحہ کے ذمہ داروں کوتعین کرکے کارروائی کا حکم دیا جائے۔

درخواست گزار بیرسٹر حسن نے موقف دیا کہ سانحہ اداروں کی نااہلی کا واضح ثبوت ہے حکومت کو نقصان کا تخمینہ کرکے ازالہ کرنے کا حکم دیا جائے واقعے کی مکمل انکوائری کراکے ذمہ داروں کا تعین کیا جائے عدالت نے سندھ حکومت، کمشنر کراچی، کے ایم سی و دیگر کو نوٹس جاری کرتے ہوئے کمشنر کراچی سے 10 فروری تک تفصیلی رپورٹ طلب کرلی۔

امریکا: برفانی طوفان کے باعث 100 سے زائد گاڑیوں کے درمیان تصادم

درخواستوں میں موقف اپنایا گیا ہے کہ یہ سانحہ صرف ایک حادثہ نہیں تھا بلکہ انتظامیہ کی براہ راست سنگین غفلت، معائنہ میں ناکامی، حفاظتی قوانین پر عمل درآمد نہ کرنے کا نتیجہ ہے فائر سیفٹی اور بلڈنگ قوانین کو نافذ کرنے میں ناکامی نے انسانی جانوں کو براہ راست خطرے میں ڈالا اور اس کے نتیجے میں ہلاکتیں ہوئیں شفاف انکوائری کے ذریعے غفلت برتنے والے افسران کی معطلی کا حکم دیا جائے۔

درخواست گزاروں نے کہا کہ ریاستی ذمہ داری کے اصول کے تحت متوفی متاثرین کے خاندانوں کو مناسب معاوضے کی براہ راست ادائیگیاں دی جائیں، مالی نقصانات کے لئے تاجروں اور دکانداروں کو براہ راست ریاستی فنڈ سے معاوضہ دینے کا حکم دیا جائے کراچی بھر کی کمرشل عمارتوں کی فائر سیفٹی کی تعمیل کا حکم دیا جائے عدالتی تحقیقات کروائی جائے اور آئندہ اس طرح کے سانحات سے بچنے کے لئے سندھ فائر سیفٹی ایکٹ 2016 کا سختی سے نفاذ کا بھی حکم دیا جائے۔

پاکستان کے آئی ٹی سیکٹر نے برآمدات میں نئی تاریخ رقم کر دی

درخواستوں میں چیف سیکریٹری، سندھ، ڈائریکٹر جنرل ایس بی سی اے ، میئر، کراچی، چیف فائر آفیسر، کراچی میٹروپولیٹن کارپوریشن، ڈائریکٹر جنرل سندھ ایمرجنسی ریسکیو سروس ریسکیو 1122، ڈپٹی کمشنر، ضلع جنوبی، ڈائریکٹر جنرل محکمہ داخلہ کو فریق بنایا گیا تھا۔

سندھ ہائیکورٹ نے صوبے بھر کے چڑیا گھروں کو مرحلہ وار ختم کرنے کے لیے اعلیٰ سطح کی کمیٹی تشکیل دے دی ہے۔

عدالت نے یہ حکم کراچی چڑیا گھر سے مادہ ریچھ رانو کی منتقلی سے متعلق کیس میں تحریری فیصلہ جاری کرتے ہوئے دیا۔تحریری حکم نامے کے مطابق دو رکنی بینچ نے ہدایت دی کہ کمیٹی چڑیا گھروں کے مرحلہ وار خاتمے کے لیے تجاویز پیش کرے۔ عدالت نے قرار دیا کہ کمیٹی کو متعلقہ شعبوں کے ماہرین کی معاونت حاصل کرنے کا اختیار ہوگا۔جنگلی حیات کے کنزرویٹر جاوید مہر نے کمیٹی کی تشکیل کی تجویز پیش کی تھی۔

عدالت نے کہا کہ کمیٹی صوبے بھر کے تمام چڑیا گھروں کا دورہ کرے گی اور بہتری یا متبادل اقدامات سے متعلق رپورٹ پیش کرے گی۔کیس کی آئندہ سماعت 21 نومبر کو مقرر کی گئی ہے

امریکا کا ایران پر میکسیکو میں اسرائیلی سفیر کے قتل کی سازش کا الزام

محسن نقوی نے اے سی سی کےنئے ٹورنامنٹس کا پلان طلب کرلیا

نیو یارک اور لندن کے میئر کو مذہبی عقیدے کی بنیاد پر تنقید کا سامنا

سندھ ہائیکورٹ نےصوبائی محتسب کا سی ای او کے الیکٹرک مونس علوی کو عہدے سے ہٹانے کا فیصلہ معطل کردیا۔

سی ای او کے الیکٹرک مونس علوی نے ہراسانی کا مرتکب قرار دینے کے صوبائی محتسب کے فیصلے کو سندھ ہائیکورٹ میں چیلنج کیا تھا،مونس علوی اپنے وکیل بیرسٹر عابد زبیری کے ہمراہ عدالت میں پیش ہوئے، عدالت نے مونس علوی کو حکم دیا کہ وہ جرمانےکی رقم 25 لاکھ روپے ناظر سندھ ہائیکورٹ کو جمع کرائیں،اس کے علاوہ عدالت نےصوبائی محتسب اور شکایت کنندہ کو نوٹس بھی جاری کردیے عدالت نے ریمارکس میں کہا کہ صوبائی محتسب کا قانون کہاں ہے؟

وکیل مونس علوی نے کہا کہ سندھ میں وفاقی قانون لاگو ہوتا ہے لیکن صوبائی محتسب بنایا ہوا ہےجسٹس فیصل کمال عالم نے نے استفسار کیا کہ فیصلے میں کیا غلط ہے، وکیل نے کہاکہ کیس کی سماعت کا اختیار وفاقی محتسب کو ہے صوبائی کو نہیں، صوبائی محتسب کی جانب سے دی گئی سزا غیرقانونی ہے۔

واضح رہے کہ صوبائی محتسب جسٹس (ر) شاہ نواز طارق نے جمعرات کو کے-الیکٹرک کی سابق چیف مارکیٹنگ آفیسر مہرین زہرہ کو ہراساں کرنے پر کمپنی کے سی ای او مونس علوی پر بھاری جرمانہ عائد کرتے ہوئے انہیں عہدے سے ہٹانے کا حکم دیا۔

صوبائی محتسب نے کہا تھا کہ سی ای او کے الیکٹرک نے شکایت کنندہ مہرین زہرہ کو ہراساں اور ذہنی اذیت میں مبتلا کیا، مونس علوی اگر جرمانے کی رقم ادا نہ کریں تو ان کی منقولہ اور غیر منقولہ جائیداد ضبط کی جائے جبکہ شناختی کارڈ اور پاسپورٹ بھی بلاک کیا جائے۔

مونس علوی کے خلاف کے الیکٹرک کی سابق چیف مارکیٹنگ افسر مہرین زہرہ نے شکایت درج کرائی تھی، شکایت کنندہ کو 2019 میں کے الیکٹرک نے بطور کنسلٹنٹ رکھا تھا۔

کراچی: سندھ ہائیکورٹ نے شہری کو کراچی کے بجائے جدہ پہنچانے پر نجی ائیرلائن اور ایف آئی اے امیگریشن کو نوٹس جاری کردیا۔

سندھ ہائیکورٹ میں نجی ائیرلائن کی جانب سے شہری کو کراچی کے بجائے جدہ لے جانے کے خلاف درخواست پر سماعت ہوئی، سماعت سندھ ہائیکورٹ کے جسٹس ذوالفقار سانگی نےکی ،سماعت کے دوران عدالت نے ریمارکس دیے کہ لگتا ہے درخواست گزار کے ساتھ بڑی زیادتی ہوئی ہے، کیا ائیرلائن کے خلا ف کوئی انکوائری ہورہی ہے؟ اس پر وکیل درخواست گزار نے بتایا کہ انکوائری کے معاملے کا علم نہیں ہے۔

عدالت نے کہا کہ لوگ کہتے ہیں ہمیں یہاں سے انصاف نہیں ملتا، ہم صبح سے کیسز کی سماعت کےلیے بیٹھتےہیں، 100، 100 کیسز روزسنتے ہیں، اس کے باوجود لوگ سمجھتے ہیں ان کے ساتھ انصاف نہیں ہورہا،بعد ازاں عدالت نے نجی ائیرلائن اور ایف آئی اے امیگریشن حکام کو نوٹس جاری کرتے ہوئے ایک ہفتے میں جواب طلب کرلیا۔

واضح رہے کہ 7 جولائی 2025 کو نجی ائیرلائن نے مسافر کو لاہور سے کراچی کے بجائے جدہ پہنچا دیا تھا۔

اویس قادر شاہ کو گورنر ہاؤس میں داخلے سے روکنے کا معاملہ سندھ ہائیکورٹ پہنچ گیا-

قائم مقام گورنر سندھ اویس قادر شاہ کو امن و امان سے متعلق اجلاس کے موقع پر گورنر ہاؤس کے دروازے بند تھے، جس کے باعث اہم اجلاس منعقد نہ ہو سکا اجلاس میں وزیر داخلہ سندھ، آئی جی، چاروں ڈی آئی جیز، سی ٹی ڈی اور دیگر افسران کو مدعو کیا گیا تھا، تاہم دفاتر نہ کھلنے پر اویس قادر شاہ اور دیگر افسران کو واپس جانا پڑا۔

اویس قادر شاہ نے صورتحال پر شدید برہمی کا اظہار کرتے ہوئے کہا کہ آئینی ذمہ داریوں سے روکنا عہدے کی توہین ہے، دفاتر بند رکھنا آئینی عمل میں مداخلت ہے، گورنر ہاؤس کا عملہ سندھ حکومت سے تنخواہیں لیتا ہے لیکن ایسی رکاوٹیں شرمناک ہیں۔

واقعے کے بعد قائم مقام گورنر سندھ نے سندھ ہائیکورٹ سے رجوع کرلیا اور ایک درخواست دائر کی، جس میں مؤقف اپنایا گیا کہ گورنر سندھ کامران ٹیسوری 2 جون سے بیرون ملک ہیں اور اویس قادر شاہ بطور قائم مقام گورنر ذمہ داریاں نبھا رہے ہیں، مگر انہیں گورنر ہاؤس میں دفتری امور سے روکا جا رہا ہے، جو آئین کی کھلی خلاف ورزی ہے،درخواست کے ساتھ ایک حلف نامہ بھی جمع کرایا گیا، جس میں گورنر ہاؤس عملے کی جانب سے عدم تعاون کا تفصیلی ذکر کیا گیا ہے۔

دوسری جانب ترجمان گورنر ہاؤس نے واقعے کو غلط فہمی قرار دیتے ہوئے وضاحت دی کہ اجلاس کے لیے افسران کانفرنس روم میں موجود تھے اور قائم مقام گورنر کے لیے مخصوص دفتر پہلے ہی تیار تھا اگر مرکزی دفتر استعمال کرنا مقصود تھا تو بروقت اطلاع دی جاتی تو انتظامات مکمل کیے جا سکتے تھے گورنر کامران ٹیسور ی نے پرنسپل سیکرٹری کو معاملے کی انکوائری کی ہدایت دے دی ہے، گورنر سندھ کا کہنا ہے کہ گورنر ہاؤس ہمیشہ عوام کے لیے کھلا ہے، اور اویس قادر شاہ بطور اسپیکر اور ذاتی حیثیت میں میرے لیے قابلِ احترام ہیں۔