Tag: سندھ

حکومت سندھ نے منشیات کی تیاری و کھپت میں استعمال ہونے والے اشیاء کی فروخت پر پابندی عائد کردی

سندھ کے سینئر وزیر شرجیل انعام میمن کی ہدایات پر کمشبر کراچی نے احکامات جاری کر دیئے،لکڑی، ایکریلک، شیشے، پتھر، پلاسٹک و سیرامک کے پائپ، روچ کلپس، چلم، بونگس، میریجوانا پائپ اور دیگر اشیاء کی فروخت پر قلم 144 نافذ کر دیا گیا، نوٹیفکیشن کے مطابق متعلقہ تھانوں کے سٹیشن ہاؤس آفیسرز (ایس ایچ اوز) پاکستان پینل کوڈ (PPC) کی دفعہ 188 کے تحت خلاف ورزیوں کے خلاف مقدمات درج کرنے کے مجاز ہیں،

سندھ کے سینئر وزیر شرجیل انعام میمن کا کہنا ہے کہ یہ پابندی سندھ میں منشیات کے استعمال کے خلاف جاری ہماری جنگ میں ایک اہم قدم ہے، ہمارا مقصد ایسے آلات کی دستیابی کی حوصلہ شکنی کرنا ہے جو منشیات کے کھپت میں استعمال ہوتے ہیں، عوام، خاص طور پر نئی نسل، کو منشیات کی لعنت سے بچانے کے لیے سخت اقدامات کرتے رہیں گے،

شرجیل میمن نے ہدایت کی کہ رزل پیپر، رولنگ مشین، میتھ پائپ، گلاس پائپ اور منشیات کی تیاری میں استعمال ہونے والی دیگر اشیاء کی دکانوں پر فروخت کا خاتمہ یقینی بنایا جائے، دکاندار حضرات محکمہ ایکسائز کے ساتھ تعاون کریں اور منشیات میں استعمال ہونے چیزیں فروخت کرنے سے گریز کریں، کسی بھی خانگی جگہ، گھر ، ہوٹل یا ریسٹورنٹ پر منشیات کے فروخت کے اطلاع پر کارروائی کی جائے گی، ایکسائز حکام منشیات کے فروخت کی اطلاع پر اعلیٰ قیادت کی منظوری کے بعد کسی بھی خانگی جگہ، گھر، ریسٹورنٹ یا پارٹی وغیرہ پر چھاپہ مار سکتے ہیں،معاشرے میں منشیات کا بڑھتا ہوا رجحان تشویشناک بات ہے، ملک کی نوجوان نسل متاثر ہو رہی ہے، منشیات کے خلاف آپریشنز میں مزید تیزی لائی جائے، رینجرز اور پولیس مکمل طور پر تعاون کر رہی ہے،

خاتون کو لفٹ دینا مہنگا پڑ گیا،پولیس اہلکار کا بھتیجا ہنی ٹریپ کا شکار

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

ہنی ٹریپ،لڑکی نے دوستوں کی مدد سے نوجوان کیا اغوا

قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار

عبدالقوی باز نہ آئے، ایک اور نازیبا ویڈیو وائرل

عمران ،بشریٰ بی بی غیر شرعی نکاح کیس ، عدالتی فیصلہ درست ہے، مفتی قوی

اپنی ہی بیوی کو نازیبا ویڈیو لیک کرنے کی دھمکی دینے والاپہنچا جیل

ویڈیو لیک ہونے سے کیسے بچا جا سکتا ہے؟ڈیٹا ریکوری کا طریقہ

سندھ کے سینئر وزیر شرجیل انعام میمن نے سندھ اسمبلی کے اجلاس میں اظہار خیال کرتے ہوئے کہا ہے کہ سندھ حکومت دس ہزار نوجوانوں کو فری آئی ٹی کی ٹریننگ دینے جا رہی ہے،

شرجیل میمن کا کہنا تھا کہ سندھ میں بارشوں سے پہلے ہی حفاظتی انتظامات کر لئے گئے تھے، بارشوں میں سندھ سے کوئی بڑا نقصان نہیں ہوا، سندھ میں امن و امان کی صورتحال بھی بہتر ہے ،سندھ حکومت صوبے بھر میں دس ہزار نوجوانوں کو آئی ٹی کی ٹریننگ دے گی، اس سے نوجوانوں کو ہنر ملے گا، نوجوان آئی ٹی میں کمائیں گے، زرمبادلہ پاکستان آئے گا،یہ عوام کے لئے بہت بڑا تحفہ ہے، امن و امان کے حوالہ سے بڑے چیلنجز کو قبول کیا، صورتحال بہتر ہو رہی ہے،منشیات کے خلاف آپریشن جاری ہے کسی کے لئے اس میں کوئی رعایت نہیں ہے، کراچی میں ای وی ٹیکسی شروع کرنے جا رہے ہیں،اس سے لوگوں کو روزگار ملے گا، خواتین کے لئے الگ اور مردوں کے لئے الگ ہو گی،

شرجیل میمن کا مزید کہنا تھا کہ سندھ حکومت کی جانب سے 2 لاکھ خاندانوں کو پہلے فیز میں مفت سولر سسٹم دیے جا رہے ہیں، عوام کو بجلی کے بلوں میں ریلیف دیا جائے گا، غریب اور مستحق افراد کو مفت سولر دیئے جا رہے ہیں،کوئی ایک ماہ دو ماہ کے بلوں میں کمی نہیں کی جا رہی بلکہ سولر سے ساری زندگی مفت بجلی استعمال کریں گے،یہ پیپلز پارٹی کا ویژن ہے، عوام سے جو وعدے کئے تھے انکی تکمیل ہو رہی ہے

پولیس کا ناروا سلوک،نوجوان نے پٹرول چھڑک کر خود کو آگ لگالی

پرویز الہی نے پی ٹی آئی چھوڑ کر سیاست سے کنارہ کشی اختیار کر لی

رہائی کے چند دن بعد پرویز الہیٰ پھر مشکل میں پھنس گئے

میرے ساتھ” زیادتی” کرنے میں سب سے زیادہ اہم کردار محسن نقوی کا رہا ،پرویز الہیٰ

سماعت سے محروم بچوں کے والدین گھبرائیں مت،آپ کا بچہ یقینا سنے گا

سوشل میڈیا پر فوج مخالف پروپیگنڈہ کےخلاف سینیٹ میں قراردادمنظور

سوشل میڈیا پر نفرت انگیز مواد کی تشہیر،یورپی ممالک سے 40 پاکستانی ڈی پورٹ

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

تصاویر:سعودی عرب میں سوئمنگ سوٹ فیشن شو،خواتین ماڈلز کی نیم عریاں کیٹ واک

وزیر اعلیٰ سندھ سید مراد علی شاہ نے شہر کے مختلف علاقوں کا اچانک دورہ کیا۔

اس موقع پر وزیر بلدیات سندھ سعید غنی اور مئیر کراچی مرتضیٰ وہاب بھی ان کے ہمراہ موجود تھے۔ وزیر اعلیٰ سندھ نے پی آئی ڈی سی پر واقع سیوریج پمپنگ اسٹیشن کا دورہ کیا جہاں سے شہر بھر کا پانی سمندر میں منتقل کیا جاتا ہے اس کے علاوہ انہوں نے اولڈ سٹی ایریا، آئی آئی چندریگر روڈ، آواری، صدر، شارع فیصل اور نرسری سمیت مختلف علاقوں کا دورہ کیا اور نکاسی آب سمیت دیگر انتظامات کے حوالے سے ہدایات بھی دیں۔ وزیر اعلیٰ سندھ نے نرسری پر نالے کا معائنہ کیا اور وہاں پر پانی کی روانی پر اطمینان کا اظہار کیا۔

وزیراعلیٰ سندھ سید مراد علی شاہ نے میڈیا سے گفتگو کرتے ہوئے کہا کہ شہر کا بیشتر حصہ دیکھا ہے ، حالات کافی بہتر ہیں، سڑکیں کلیئر ہیں،بارشیں وقفے وقفے سے جاری ہیں، بلدیاتی اداروں کے ورکرز نے دن رات کام کیا ہے، ہم نے وزیراعلیٰ ہاؤس میں رین ایمرجنسی سیل قائم کیا ہے، عوام کے مسائل حل کررہے ہیں، اس سے پہلے میں رائیٹ بینک کے مسائل دیکھ کر آیا تھا، سیلاب متاثرین کے گھر دیکھے اور وہ بہت خوش تھے، نئے تعمیر شدہ مکانات میں رہنے والوں نے چیئرمین بلاول بھٹو کا شکریہ ادا کیا، مرتضیٰ وہاب رات کو جاگتے ہیں اور ہم چین سے سوتے ہیں،2022 کی بارشوں میں شہر کے نکاسی سسٹم نے بہتر پرفارم کیا،اب 2024 کی بارشیں وقفے وقفے سے جاری ہیں،بلدیاتی اداروں کے ورکرز نے دن رات کام کیا ہے، بلدیاتی اداروں کی محنت کے باعث شہر بہتر صورتحال میں ہے، ابھی بھی الرٹ ہیں اور ہماری تیاری مکمل ہے، سیلاب متاثرین کے گھر دیکھے اور وہ بہت خوش تھے، میں ٹنڈو محمد خان میں بھی سیلاب متاثرین سے مل کر آیا ہوں، وہ مجھے اپنے گھر لے گئے اور پرسکون ہیں، نئے تعمیر شدہ مکانات میں رہنے والوں نے چیئرمین بلاول بھٹو کا شکریہ ادا کیا،بلوچستان میں بارشوں کے باعث پانی نیچے آیا ہے، منچھر جھیل میں 115 فٹ پانی موجود ہے، منچھر جھیل سے پانی دریا میں نکل جائے گا،ہمیں ماحولیاتی تبدیلیوں کے مسائل کی وجہ سے بارشیں اور سیلاب کا سامنا ہے ، ہم نئے جنگلات لگانے کے منصوبے پر بھی کام کررہے ہیں،ایم این وی منصوبہ واپڈا کا ہے لیکن انھوں نے پرانے شگاف بھی ابھی تک پر نہیں کئے، ہمارا محکمہ آبپاشی ان شگافوں کو پر کر رہا ہے،بارشوں کے باعث شہر کی سڑکیں خراب ہوگئی ہیں، شہر میں آبادی بڑھتی گئی ہے لیکن اسٹارم واٹر ڈرین نہیں ہے،ہم وفاقی حکومت کو سپورٹ کررہے ہیں لیکن حکومت میں شامل نہیں ہیں

بلاول نے مفت سولر ہوم سسٹم کی تقسیم کے عمل کا افتتاح کردیا

طوفانی بارشوں کا امکان،وزیراعلیٰ سندھ کاتمام محکموں کو مزید متحرک رہنے کا حکم

کراچی میں بارش،وزیراعلیٰ سندھ کا ملیر ندی میں پانی کے بہاؤ کا جائزہ

سندھ میں شدید بارشوں کا امکان،سمندر میں طغیانی کا خدشہ،شرجیل میمن متحرک

پیپلز پارٹی کے چیئرمین بلاول زرداری نے کہا ہے کہ ہماری کوشش ہے کہ بجلی کے بلوں میں غریب عوام کو ریلیف دیں

چیئرمین پیپلزپارٹی بلاول بھٹوزرداری نے ہوم سولرسسٹم پروگرام کا سوئچ آن کرکے افتتاح کردیا۔ آج کراچی اور لاڑکانہ میں 2 لاکھ سولر سسٹم غریب گھرانوں کو دیئے گئے،سولرسسٹم میں 80 تا 100 واٹ کی سولرپلیٹ، 18 اے ایچ کی لیتھیم بیٹری، ایک پنکھا، 3 بلب اور موبائل چارجر شامل ہیں۔تقریب سے خطاب کرتے ہوئے بلاول زرداری کا کہنا تھاکہ انتخابی منشور میں ہماری سوچ تھی کہ اگر عوام ہمیں منتخب کریں تو ملک بھر میں غریب طبقات کی مدد کریں گے، خوش آئند بات یہ ہے کہ ہمیں دیکھ کر پورا ملک اس سوچ پر متفق ہے کہ ہمیں غریب عوام کو مفت بجلی دینی ہے،پاکستان پیپلز پارٹی ایسے مسائل کو سوچتی ہے جن کا حل ممکن ہو۔سندھ حکومت کینجھر جھیل پر پبلک پرائیویٹ پارٹنرشپ کے تحت سولر انرجی پارک بنائے گی ۔وفاق سے بجلی لیتے ہیں تو مہنگی ملتی ہے، خواہش ہے کہ سندھ حکومت کی طرف سے عوام کو کم قیمت پر بجلی دیں، جب پالیسی پر عمل ہونا ہوتا ہے تو اچانک اعلان نہیں کرتے ٹائم لگتا ہے، سندھ حکومت کے پاس یہ مینڈیٹ ہے کہ اپنے بجٹ ،وسائل کے تحت آج منصوبہ شروع کیا ہے،جو آج کراچی کے عوام کو اور لاڑکانہ کے عوام کے لئے شروع کر رہے ہیں،جلد سارے سندھ کے عوام کو سولر پہنچائیں گے،ہمارا ویژن عوام کے لیے ہے،

بلاول زرداری کا مزید کہناتھا کہ جو غریب ترین طبقہ ہے ہم ٹارگٹ کر کے انکی بجلی کی مد میں مدد کریں گے، 200 سے کم یونٹ جو بجلی استعمال کرتے ہیں انکو سبسڈی پہنچائیں،

بلاول کا مزید کہنا تھا کہ جب لانگ مارچ لے کر نکلے تھے تو عمران خان کی ٹانگیں کانپے اور کانپیں ٹانگنا شروع ہوگئی تھی،خان صاحب نے اعلان کیا کہ پٹرول کی قیمت میں کمی لےکر آئیں گے، عام آدمی بہت خوش، لیکن پھر انہوں نے معیشت پر حملہ کیا، اس کا خمیازہ آج بھی ہم بھگت رہے ہیں،

پی آئی اے نجکاری، ملازمین کو 5 سال کی جاب گارنٹی دی جائے،سفارش

امید ہے پی آئی اے کی نجکاری سے کوئی بھی بے روزگار نہیں ہوگا،علیم خان

پی آئی اےکی نجکاری کیلئے 6کمپنیوں نے پری کوالیفائی کرلیا

پی آئی اے کا خسارہ 830 ارب روپے ہے، نجکاری ہی واحد راستہ ہے، علیم خان

پیشکشوں میں توسیع کا وقت ختم، نجکاری کمیشن پری کو آلیفیکیشن کریگا:عبدالعلیم خان

پی آئی اے سمیت24اداروں کی نجکاری، شفافیت کیلئے ٹی وی پر دکھائینگے:وفاقی وزیر عبد العلیم

 پی آئی اے کی نجکاری کے حوالہ سے اہم پیشرف 

پی آئی اے کسے اور کیوں بیچا جارہا،نجکاری پر بریفنگ دی جائے، خورشید شاہ

پی آئی اےکی نجکاری کیلئے 6کمپنیوں نے پری کوالیفائی کرلیا

اسٹیل مل کی نجکاری نہیں، چلائیں گے، شرجیل میمن

وزیراعلیٰ سندھ سید مراد علی شاہ نے محکمہ موسیمات پی ڈی ایم اے کی سائیکلون الرٹ پر ہدایات جاری کر دی

وزیراعلیٰ سندھ سید مراد علی شاہ کا کہنا تھا کہ پیشن گوئی کے مطابق صوبے کے بیشتر اضلاع میں طوفانی بارشون کا امکان ہے، وزیراعلیٰ سندھ نے تمام محکموں بالخصوص انتظامیہ اور بلدیاتی اداروں کو مزید متحرک رہنے کے احکامات جاری کر دیئے اور کہا کہ ہنگامی صورتحال سے نمٹنے کیلئے تمام ضروری تیاری مکمل ہونی چاہئے،صوبے کی تمام اسپتالوں کو اپنے انتظامات بہتر کرنے کی ہدایت کی گئی ہے،تمام اسپتالوں کی انتظامیہ اپنے اسٹاف کی حاضری یقینی بنائے، سمندر کی صورتحال غیرمعمولی ہونے کے باعث ماہیگیروں کیلئے محکمہ فشریز ہدایات جاری کی جائیں، دریا، نہروں اور دیگر پانی کی گزرگاہوں کے بندوں کی نگرانی کرتے رہیں،

دوسری جانب ترجمان سندھ حکومت عبدالواحد ہالیپوتو کی زیر صدارت ڈی سی آفس تھرپارکر میں اہم میٹنگ ہوئی،ڈی سی اور ایس سی تھر پارکر میٹنگ میں شریک ہوئے،میٹنگ میں ڈی سی تھر پارکر نے ترجمان سندھ حکومت کو بارش کی صورتحال سے آگاہ کیا۔علاوہ ازیں ترجمان سندھ حکومت عبدالواحد ہالیپوتو نے ڈی سی تھر پارکر کے ہمراہ مٹھی کے علاقوں کا دورہ کیا،دورہ میں ترجمان سندھ حکومت نے مٹھی کے مختلف علاقوں کا جائزہ لیا

علاوہ ازیں ٹنڈو الہ یار میں فوکل پرسن سرفراز راجڑ نے ڈپٹی کمشنر سلیم اللہ کے ہمراہ چمبڑ سٹی پمپنگ اسٹیشن کا دورہکیا،فوکل پرسن سرفراز راجڑ نے علاقے کے ذمہ دار افسر کو ہدایت دی کہ پمپنگ اسٹیشن والی گلی میں جمع ہونے والے بارش کے پانی کو فوری نکال کر گلی کو صاف کروایا جائے۔

واضح رہے کہ محکمہ موسمیات نے رن آف کچھ اور ملحقہ علاقے پر موجود ڈیپ ڈپریشن کے شمال مشرقی بحیرہ عرب میں آنے کے بعد سمندری طوفان بننے کا امکان ظاہر کیا ہے،چیف میٹرولوجسٹ سردار سرفراز کا بتانا ہے کہ یہ سسٹم اپنی شدت برقرار رکھتے ہوئے دیر رات یا کل صبح تک شمال مشرقی بحیرہ عرب اور اس سے ملحقہ سندھ کی ساحلی پٹی کے قریب آسکتا ہے جہاں سازگار موسمی حالات ملنے کے باعث یہ مختصر دورانیے کے لیے سمندری طوفان بن سکتا ہے جس کا نام اسنیٰ رکھا جائے گا،بننے والے سمندری طوفان کا نام پاکستان کا تجویز کردہ ہے، اسنیٰ کے معنی ‘بلند تر’ کے ہیں جب کہ مون سون میں سمندری طوفان کا بننا بہت غیرمعمولی ہے

عمران خان نے آخری کارڈ کھیل دیا،نواز شریف بھی سرگرم

لاہور میں کئی علاقوں میں بجلی غائب،لیسکو حکام لمبی تان کر سو گئے

ایک مکان کابجلی بل 10 ہزار،ادائیگی کیلیے بھائی لڑ پڑے،ایک قتل

مہنگی بجلی، زیادہ تر آئی پی پیز پی ٹی آئی رہنماؤں کی ملکیت نکلیں

4 آئی پی پیز کو بجلی کی پیداوار کے بغیر ماہانہ 10 ارب روپے دیے جا رہے ، گوہر اعجاز

بجلی کا بل کوئی بھی ادا نہیں کرسکتا، ہر ایک کے لئے مصیبت بن چکا،نواز شریف

حکومت ایمرجنسی ڈکلیئر کر کے بجلی کے بحران کو حل کرے۔مصطفیٰ کمال

سرکاری بجلی گھر بھی کیپسٹی چارجز سے فائدہ اٹھا رہے ہیں،سابق وزیر تجارت کا انکشاف

وزیراعلیٰ سندھ سید مراد علی شاہ نے ملیر ندی میں پانی کے بہاؤ کا جائزہ لیا۔

وزیراعلیٰ سندھ کے ہمراہ صوبائی وزراء سید ناصر حسین شاہ اور سعید غنی بھی موجود ہیں۔ ترجمان وزیراعلیٰ سندھ کے مطابق ملیر ندی میں پانی کا بہاؤ معمول کے مطابق ہے،وزیراعلیٰ سندھ سید مراد علی شاہ نےسجاول پل پر دریا کا جائزہ لیا،وزیراعلیٰ سندھ نے دریا پر پانی کا بہاؤ معائنہ کیا ،وزیر اعلی سندھ کو پل پر موسلا دھار بارش میں پانی کی گز پر بریفنگ دی گئی،بعد ازاں میڈیا سے بات کرتے ہوئے وزیراعلیٰ سندھ سید مراد علی شاہ کا کہنا تھاکہ بھارت اور بنگلا دیش سے بننے والا سسٹم 2 دن سے سندھ میں برس رہا ہے جس کے سبب سب سے زیادہ بارش تھرپارکر میں ہوئی،کل سے تھرپارکر، سجاول، ٹھٹھہ، عمرکوٹ، شہید بینظیرآباد کے اضلاع میں زیادہ خطرات ہیں جب کہ دریا کے دوسری طرف اضلاع کیرتھر رینج، قمبر شہداد کوٹ، لاڑکانہ، جیکب آباد، دادو اور جامشورو میں بھی خطرہ ہے، کراچی شہر میں بھی خطرہ ہے، اس سلسلے میں میٹنگ کرتا رہا ہوں، ہر ضلع میں اپنے کابینہ کے لوگ فوکل پرسن مقرر کیے ہیں، دریائے سندھ میں بہاؤ تیز ہے،کراچی سے دیکھتا آرہا ہوں ہر جگہ صورتحال مینج اور انڈر کنٹرول ہے تاہم بدین میں کچھ شکایت ہے جسے حل کریں گے۔

شہر قائد کراچی میں بارش جاری ہے، بارش کے بعد موسم خوشگوار ہو گیا ہے،گلیاں پانی سے بھر گئی ہیں، نکاسی آب کا سلسلہ جاری ہے، ادارے متحرک ہیں،کراچی کے علاقے ناردرن بائی پاس بارش کے باعث مکان کی چھت گرگئی، چھت گرنے سے 73 سالہ عرض محمد اور 67 سالہ خاتون آغا گل جاں بحق ہو گئے،پولیس حکام کے مطابق حادثے میں جاں بحق ہونے والے دونوں میاں بیوی تھے، حادثے میں ان کی بیٹی شکریہ خانم زخمی ہوئی جسے طبی امداد کے لئے اسپتال منتقل کر دیا گیا۔

دوسری جانب بدین میں صوبائی وزیر ذوالفقار علی شاہ کی زیر صدارت شہر میں جاری بارشوں پر ڈپٹی کمشنر آفس میں ہنگامی اجلاس ہوا،اجلاس میں صوبائی وزیر نے تمام محکموں کو الرٹ رہنے کا حکم دے دیا،صوبائی وزیر نے نشیبی علاقوں اور سڑکوں سے بارش کے پانی کو بر وقت صاف کرنے کا حکم دیا ،صوبائی وزیر نے بارش سے متاثرہ علاقوں میں ریسکیو آپریشن کرنے کے احکامات دیے

علاوہ ازیں میرپورخاص میں صوبائی وزیر سماجی بہبود و رین ایمرجنسی فوکل پرسن ضلع میرپورخاص میر طارق ٹالپر کی صدارت میں کمشنر کمیٹی ہال میرپورخاص میں رین ایمرجنسی کے متعلق اجلاس ہوا،صوبائی وزیر سماجی بہبود میر طارق ٹالپر کا کہنا تھا کہ شہری علاقوں سمیت نشیبی علاقوں سے بارش کے پانی کی فوری نکاسی کے لیے بہتر حکمت عملی بنا کر کام کیا جائے اور تمام اداروں کو الرٹ رکھا جائے . میرپورخاص سمیت ڈگری ، ٹنڈو جان محمد جھڈو ، نوکوٹ ، کوٹ غلام محمد ، سندھڑی ، حسین بخش مری سے بارش کے پانی کی نکاسی کے لیے ٹاؤن کمیٹی اپنا فعال کردار ادا کریں .

دوسری جانب سندھ بھر میں بارشوں کی صورتِ حال کی وجہ سے تعلیمی اداروں میں چھٹی کا اختیار ڈپٹی کمشنر دے دیا گیا ہے،محکمہ تعلیم سندھ نے ضلعی ڈپٹی کمشنرز کو خط لکھا ہے اور کہا کہ بارشوں میں تعلیمی اداروں میں چھٹی کا اختیار ڈپٹی کمشنر کو ہوگا،ڈپٹی کمشنر محکمۂ تعلیم سے مشاورت کے بعد اپنے ضلع میں چھٹی کرنے کا مجاز ہو گا۔

وزیراعلیٰ سندھ سید مراد علی شاہ کی ہدایت پر فوکل پرسن ٹنڈو الہ یار سرفراز راجپر نے دیگر حکام کے ہمراہ نصیر کینال کا دورہ کیا،فوکل پرسن سرفراز راجپر نے متعلقہ افسران کو ہدایت دی کہ جلد از جلد علاقے میں موجود بارش کے پانی کو نکالا جائے اور آکسیڈیشن پانڈس جیسی مشینوں کے ذریعے بارش کے گندے پانی کو فلٹر کیا جائے۔

فوکل پرسن رین ایمرجنسی اور صوبائی وزیر ثقافت و سیاحت سید ذوالفقار علی شاہ نے نجی نیوز چینل پر چلنے والی خبر کا نوٹس لے لیا،فوکل پرسن سید ذوالفقار علی شاہ شہر پیر علی شاہ کوٹ، بدین پہنچے،ترجمان سندھ حکومت عبدالواحد ہالیپوٹو، چیئرمین میونسپل کمیٹی پیر صالح بھی صوبائی وزیر کے ہمراہ موجود تھے،صوبائی وزیر نے متاثرہ دیوار فوری بنانے اور پانی کی نکاسی کا کام تیز کرنے کی ہدایات دیں ،صوبائی وزیر سید ذوالفقار علی شاہ کا کہنا تھا کہ بدین شہر میں موجود ہیں، شہر کی صورتحال کنٹرول میں ہے،

واضح رہے کہ چیف میٹرولوجسٹ سردار سرفراز کا کہنا ہے کہ مون سون سسٹم کا مرکز سندھ میں داخل ہو چکا ہے

سندھ کے سینئر صوبائی وزیر شرجیل میمن نے کہا ہے کہ صوبے بھر میں 27 تا 31 اگست میں شدید بارشوں کا امکان ہے،

شرجیل انعام میمن کا کہنا تھا کہ حکومت سندھ کی جانب سے تیاریاں مکمل کر لی گئی ہیں، عوام بھی کسی ناگہانی صورتحال سے نمٹنے کے لئے حکام کے ساتھ تعاون کریں، وزہر اعلی ہائوس میں رین ایمرجنسی سیل قائم کر دیا گیا ہے،مون سون بارشوں کے پیش نظر حکومت سندھ کی جانب سے صوبے کے 30 اضلاع میں انچارج مقرر کئے گئے ہیں، وزیر اعلی سندھ نے تمام وزراء، مشیران، معاونین خاص اور ڈویژنل کمشنرز کو چوکس و متحرک رہنے کی ہدایات دیں ہیں، سمندر میں بھی طغیانی کا خدشہ ہے، ماہیگیروں کو سمندر میں نہ جانے کی ہدایت کی گئی ہے، نکاسیء آب کے لیے ٹائونز کو ضروری مشینری دی گئی ہے، کے ایم سی اور واٹر بورڈ ک نکاسی آب کے سسٹم کو بہتر کیا گیا ہے، بلدیاتی اداروں اور پیپلز پارٹی کے منتخب نمائندگان بشمول یو سی چیئرمینز تمام متعلقہ انتظامیہ کو بندوبست کی ہدایات دی گئی ہیں،حمل جھیل تا منچھرجھیل بندوں کو مضبوط کیا جا رہا ہے، کمزور مقامات کی بھی نگرانی جاری ہے، تعلیمی ادارے کھلے یا بند رکھنے سے متعلق غور کیا جا رہا ہے،

دوسری جانب وزیراعلیٰ سندھ سید مراد علی شاہ نے حیدرآباد، شہید بینظیرآباد اور میرپورخاص ڈویزن کے ڈپٹی کمشنرز سے رابطہ کیا ہے، وزیراعلیٰ سندھ سید مراد علی شاہ نے بارش کی صورتحال معلوم کی،وزیراعلیٰ سندھ نے میرپورخاص ، عمرکوٹ، تھرپارکر ، سانگھڑ، ٹنڈو محمد خان اور سجاول کے ڈپٹی کمشنرز کو فون کیا اور ہدایت کی کہ عوام کی جان و مال کو تحفظ فراہم کریں،نشیبی علاقوں، اہم سڑکوں اور راستوں سے بارش کے پانی کی نکاسی یقینی بنائیں،

وزیراعلیٰ سندھ کو صوبے میں جاری مون سون بارشوں سے متعلق تعلقہ سطح کی رپورٹ پیش کر دی گئی،میرپورخاص میں 48، حسن بخش مری میں 48، شجاع آباد میں 26، ڈگری میں 17، سندھڑی میں 11 اور جھڈو میں 8 ملی میٹرز بارش ریکارڈ کی گئی،کنری میں 47، عمرکوٹ میں 17، سامارو میں 3 اور پتھورو میں ایک ملی میٹر بارش ریکارڈ ہوئی ہے،چھاچھرو میں 42، مٹھی اور ڈیپلو میں 40-40، نگرپارکر میں 38، کلوئی میں 33، ڈالی میں 21، اسلام کوٹ میں 16 بارش ریکارڈکی گئی،شہداد پور میں 43، سانگھڑ اور جام نواز علی میں 20-20، سکرنڈ میں 14، سنجھورو میں 10 ملی میٹرز بارش ریکارڈ کی گئی،نوابشاہ میں 7، کھپرو میں 5 اور ٹنڈو آدم میں 4 ملی میٹرز بارش ریکارڈ ہوئی،کوٹڑی میں 10، تھانو بولا خان 4، مانجھند میں ایک ملی میٹرز بارش ریکارڈ کی گئی،ھالا میں 29، مٹیاری میں 27 اور سعید آباد میں 19 ملی میٹرز بارش ریکارڈ کی گئی،چمبر میں 28، ٹنڈو الہیار میں 19 اور جھنڈو مری میں 6 ملی میٹرز بارش ریکارڈ کی گئی،ٹنڈو محمد خان میں 13، ٹنڈو غلام حیدر میں 19، بلڑی شاہ کریم میں 8 ملی میٹرز بارش ریکارڈ کی گئی،قاسم آباد میں 13، حیدرآباد سٹی میں 11، حیدرآباد اور لطیف آباد میں 9-9 بارش ریکارڈ کی گئی،بدین میں 53، ٹنڈو باگو میں 21، ماتلی میں 20، تلہار میں 17 اور شہید فاضل راہو میں 13 ملی میٹرز بارش ریکارڈکی گئی،جاتی میں 52، شاہ بندر میں 10، کھارو چھان میں 6، سجاول اور میرپور بٹھورو میں 5-5 ملی میٹرز بارش ریکارڈ کی گئی،کیٹی بندر 18، ٹھٹو 17، میرپورساکرو 14 اور گھوڑا باڑی میں 10 ملی میٹرز بارش ریکارڈ کی گئی،ضلع ملیر کے بن قاسم ٹاؤن میں 22، ابراہیم حیدری میں 18، گڈاپ اور شاہ مرید میں 17-17، میمن گوٹھ 16 اور ایئرپورٹ میں 13 بارش ریکارڈ کی گئی،ضلع شرقی کے گلشن اقبال میں 21، فیروز آباد میں 15، گلزار ہجری اور جمشید کوارٹرز میں 13-13 ملی میٹرز بارش ریکارڈ کی گئی،ضلع وسطی کے نیوکراچی میں 30، ناظم آباد اور نارتھ ناظم آباد میں 28-28، لیاقت آباد میں 24 اور گلبرگ میں 22 بارش ریکارڈ کی گئی،ضلع غربی کے منگھوپیر میں 43، اورنگی اور مومن آباد میں 8-8 ملی میٹرز ،سائیٹ ایریا میں 28، بلدیہ میں 12، ماڑی پور میں 10 اور کیماڑی میں 6 ملی میٹرز،ضلع جنوبی کے آرام باغ، سول لائن، گارڈن، لیاری اور صدر میں 15-15 ملی میٹرز ،کورنگی کے علاقے لانڈھی میں 38، شاہ فیصل ٹاؤن میں 12 اور ماڈل کالونی میں 6 بارش ریکارڈ کی گئی.

بلوچستان میں دو بھائیوں سمیت لیہ کے 4 شہری نشانہ بنے

بلوچستان، 21 دہشت گرد جہنم واصل،14 جوان شہید

بلوچستان،جوابی کاروائی میں 12 دہشت گرد جہنم واصل

قلات :فائرنگ سے پولیس انسپکٹر،لیویز اہلکاروں سمیت 10 کی موت

بارکھان،راڑہ شم کے مقام پر بسوں سے اتار کر 23 افراد قتل،10 گاڑیاں نذر آتش

سندھ کے سینئر صوبائی وزیر شرجیل میمن نے کہا ہے کہ وزیراعلیٰ پنجاب کی تقریر سنی، بہت افسوس ہوا، جواب میں اس سے زیادہ سخت تقریر کر سکتا ہوں، اشتہاروں کی حد تک سوچ نہیں رکھتے، ہم دکھاوا نہیں کرتے

پریس کانفرنس کرتے ہوئے شرجیل میمن کا کہنا تھا کہ چھوٹے بھائی نے بجلی کی قیمت بڑھائی، بڑے بھائی نے ریلیف کا اعلان کر دیا،پنجاب 2 ماہ کا ریلیف دے رہا ہے، تیسرے مہینے کیا ہو گا،لیڈر شپ وہ ہوتی ہے جو لانگ ٹرم پلاننگ دیتی ہے، لیڈر کے پاس وژن، دماغ، عقل اور سمجھ ہوتی ہے، شہید محترمہ بینظیر بھٹو کا وژن تھا اور جن کو سوچ سمجھ ہے وہ آصف علی زرداری ہیں،بجلی کی قیمت ہم نے تو نہیں بڑھائی،بجلی کے بلوں پر سیاست ہو رہی ہے،حقیقی لیڈر شپ لانگ ٹرم سوچتی ہے اور منصوبے لاتی ہے ،بینظیر بھٹو نے توانائی منصوبے کو سامنے رکھتے ہوئے تھر کول منصوبے کو شروع کیا، یہ اس لئے تا کہ پاکستان کی عوام کو سستی بجلی ملے، بینظیر کی حکومت ختم ہوئی تو ن لیگ کی حکومت آئی تو یہ منصوبہ بند کر دیا گیا، اسکے بعد آصف زرداری کی حکومت آئی تو انہوں نے کہا کہ ہم اس پر کام کریں گے،سب سے زیادہ سستی بجلی تھرکول پلانٹ سے ملے گی، ہم ایسے پروجیکٹ کررہے ہیں کہ پورے پاکستان کو سستی بجلی ملے، ہم باتیں نہیں کام کررہے ہیں، ہم ہرچیز کا جواب دے سکتے ہیں۔ آپ ہم سے پلان لیں ہم آپ کو پلان بنا کر دے رہے ہیں، اب وفاقی حکومت اس نتیجے پر پہنچی ہے مزید بجلی تھرپارکر کے کوئلے سے بنائی جائے گی۔

شرجیل میمن کا کہنا تھا کہ پاکستان پیپلز پارٹی کی ترجیح صحت کاشعبہ ہے ،سندھ کے اسپتالوں میں پورے پاکستان کے لوگوں کا علاج مفت کیا جاتا ہے۔جو علاج دوسرے ممالک میں کروڑوں روپے میں ہوتا ہے سندھ میں وہی علاج مفت کیا جاتا ہے،کل بلاول زرداری نے جناح ہسپتال میں تاریخی منصوبے کا افتتاح کیا، یہ صرف کراچی یا سندھ کے لوگوں کے لئے نہیں بلکہ پاکستان کے ہر گلی کوچے کے شہری کے لئے خوشخبری ہے، سارے پاکستانی ان ہسپتالوں میں علاج کروا سکتے ہیں.

ثاقب نثار نے بھی سہولت کاری کا کردار ادا کیا، انہیں پاکستان آنا چاہیے،شرجیل میمن
شرجیل میمن کا مزید کہنا تھا کہ پاکستان میں اس طرح کی سیاست کسی نے نہیں کی جو پی ٹی آئی نے کی ہے، بانیٔ پی ٹی آئی روز بروز بے نقاب ہوتے جا رہے ہیں چیزیں سامنے آرہی ہیں، وہ ممالک فارن فنڈنگ سے پیسے دے رہے تھے جن سے ملکرسازش ہورہی تھی، پی ٹی آئی نے اپنی سیاست کے لیے پاکستان کی سالمیت کو داو پر لگایا، پی ٹی آئی کی قیادت گھناونی سازشوں میں ملوث ہیں، ثاقب نثار نے بھی سہولت کاری کا کردار ادا کیا، انہیں پاکستان آنا چاہیے، انہوں نے بانی پی ٹی آئی کو جتوانے کی ہر ممکن کو شش کی۔

پولیس کا ناروا سلوک،نوجوان نے پٹرول چھڑک کر خود کو آگ لگالی

پرویز الہی نے پی ٹی آئی چھوڑ کر سیاست سے کنارہ کشی اختیار کر لی

رہائی کے چند دن بعد پرویز الہیٰ پھر مشکل میں پھنس گئے

میرے ساتھ” زیادتی” کرنے میں سب سے زیادہ اہم کردار محسن نقوی کا رہا ،پرویز الہیٰ

سماعت سے محروم بچوں کے والدین گھبرائیں مت،آپ کا بچہ یقینا سنے گا

سوشل میڈیا پر فوج مخالف پروپیگنڈہ کےخلاف سینیٹ میں قراردادمنظور

سوشل میڈیا پر نفرت انگیز مواد کی تشہیر،یورپی ممالک سے 40 پاکستانی ڈی پورٹ

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

تصاویر:سعودی عرب میں سوئمنگ سوٹ فیشن شو،خواتین ماڈلز کی نیم عریاں کیٹ واک