Tag: سندھ

کراچی :چیئرمین ٹیکسٹ بک بورڈ کی تعیناتی:ہائی کورٹ نے بڑا حکم سنا دیا ،اطلاعات کے مطابق سندھ ہائی کورٹ نے چیئرمین سندھ ٹیکسٹ بک بورڈ آغا سہیل پٹھان کو عہدے سے ہٹانے اور قواعد کے مطابق نیا چیئرمین تعینات کرنے کا حکم جاری کر دیا۔آغا سہیل پٹھان کی تعیناتی کے خلاف پرویز احمد بلوچ نے دراخوست دائر کی تھی۔

وکیل درخواست گزار کا کہنا تھا کہ مئی 2021 میں سندھ کابینہ نے تین سال کے لیے پرویز احمد بلوچ کو چیئرمین مقرر کیا تھا، چیف سیکریٹری سندھ نے تین سالہ مدت پوری ہونے سے پہلے ہی آغا سہیل کو نیا چیئرمین مقرر کردیا۔

درخواست گزار نے عدالت سے مطالبہ کیا کہ چیف سیکرٹری سندھ نے اپنے اختیارات کا غلط استعمال کیا لہذا آغا سہیل پٹھان کی تعیناتی کو کالعدم قرار دیا جائے۔

وکیل سندھ حکومت نے کہا کہ درخواست گزار پرویز احمد بلوچ کو سندھ حکومت سینئر مینجمنٹ کورس پر بھیج رہی ہے، درخواست گزار نے بھی اس حوالے سے رضا مندی ظاہر کر دی ہے۔وکیل سندھ حکومت کا کہنا تھا کہ پرویز احمد بلوچ کی جانب سے دائر درخواست غیر مؤثر ہوچکی ہے۔

عدالت نے چیئرمین سندھ ٹیکسٹ بک بورڈ آغا سہیل پٹھان کے خلاف درخواست پر فیصلہ سناتے ہوئے انہیں ڈی نوٹیفائی کرنے کا حکم جاری کر دیا۔

عدالت نے اپنے فیصلے میں لکھا کہ تمام قانونی تقاضے پورے کرنے کے بعد چیئرمین سندھ ٹیکسٹ بک بورڈ کے عہدے پر تعیناتی کی جائے، جب تک مستقل چیئرمین تعینات نہ ہو جائے کسی کو بھی عارضی طور پر بطور چیئرمین تعینات نہ کیا جائے۔عدالت نے سندھ حکومت کو دو ہفتوں میں تمام امور مکمل کرنے کا بھی حکم دے دیا۔

کراچی :سندھ میں امتیازی بلدیاتی نظام کے خلاف جدوجہد پاکستان بھر کے لیے فائدہ مند ہوگی:اطلاعات کے مطابق پاک سرزمین پارٹی کے چیئرمین سید مصطفیٰ کمال نے کہا ہے کہ پاک سر زمین پارٹی نے مؤثر بلدیاتی قانون کے لیے اپنے وجود کے پہلے دن سے کوشش کی ہے۔ اس سے نا صرف وفاق کو فائدہ ہوگا، معیشت پر مثبت اثرات مرتب ہونگے،

ان کا کہنا تھا کہ انفراسٹرکچر بہتر ہوگا بلکہ عوام کا اعتماد ملک کے حکمرانوں اور اداروں پر بحال ہوگا۔ ہمارے مطالبات ماننے میں کسی کا نقصان نہیں بلکہ ملک و قوم کا فائدہ ہے۔ کوئی پوائنٹ اسکورنگ نہیں کر رہے بلکہ اپنی نسلوں کی خاطر ان وجوہات کو دور کرنے کی کوشش کر رہے ہیں جن کی وجہ سے ملک تیزی سے ترقی نہیں کر سکا۔ ہر سیاسی جماعت جو انتخابی عمل کا حصہ ہے اسے ان جمہوری و آئینی مطالبات کو تسلیم کرنے سے فائدہ ہے، بہتر انداز میں عوام کی خدمت کر پائیں گے۔

2017 میں پریس کلب پر 18 روز تک دھرنے میں بیٹھے رہے اور 16 نکات پیش کئے تھے، پھر 14 مئی2017 شاہراہِ فیصل پر انہی مطالبات کیلئے سڑکوں پر آئے تو پیپلز پارٹی کے جبر کا شکار بنے، بلدیاتی اختیارات کے لئے ہماری جدوجہد پر مذاق اڑایا گیا۔

ان خیالات کا اظہار انہوں نے فوارہ چوک پر دھرنے کے چوتھے روز میڈیا سے گفتگو کرتے ہوئے کیا۔ اس موقع پر صدر پی ایس پی انیس قائم خانی سمیت اراکین سینٹرل ایگزیکٹو کمیٹی و نیشنل کونسل اور کارکنان کی بڑی تعداد موجود تھی۔ سید مصطفیٰ کمال نے مزید کہا کہ آج ہمارا مذاق اڑانے والے بلدیاتی قانون کا کریڈٹ لے رہے ہیں، ہم پانچ سال سے سندھ کے عوام کے اختیارات کی بات کر رہے ہیں۔ آج اس شہر کی جو حالت ہے اس میں ایم کیو ایم برابر کی شریک ہے، ایم کیو ایم نے پیپلزپارٹی کے ساتھ مل کر 2013 میں شب خون مارا تھا۔ اپنی وزارت کیلئے خاموشی سے دستخط کردئیے،

ان کا کہنا تھا کہ اللہ کا کرم ہوا اس نے چیف جسٹس سے وہ کام کروایا جو پٹیشنر نے نہیں کیا، سپریم کورٹ سے فیصلہ آگیا جس میں من و عن پاک سر زمین پارٹی کے نکات کو لکھا گیا ہے آپ فیصلہ پڑھ لیں درخواست گزار کے تحفظات کا کہیں ذکر نہیں ہاں پی ایف سی ایوارڈ کا تفصیلی ذکر ہے جو ہمارا نعرہ ہے، این ایف سی ایوارڈ کے تحت جو فنڈ صوبے کو ملتے ہیں وہ پی ایف سی ایوارڈ کے تحت شہری ڈسٹرک تک منتقل نہیں ہورہے، اربوں روپے کا سالانہ فنڈ جارہا ہے کوئی صوبائی حکومت سے نہیں پوچھ سکتا عوامی مسائل حل کیوں نہیں ہو رہے، وزیر اعلیٰ 1200 ارب روپے صوبے کے تمام ڈسٹرک کو منتقل کرنے کا فارمولا واضح کریں۔

کراچی:عوامی احتجاج رنگ لے آیا :بلدیاتی ایکٹ پر اپوزیشن جماعتوں سے مذاکرات کیلیے کمیٹی قائم ،اطلاعات کے مطابق سندھ کابینہ نے بلدیاتی ایکٹ پر اپوزیشن جماعتوں سے مذاکرات کیلیے کمیٹی قائم کر دی۔ کابینہ نے بنڈل اور بڈوآئی لینڈ کو محفوظ جنگلات قرار دے دیا جبکہ سب رجسٹرار کو پاکستان اسٹیل کی اراضی منتقل کرنے سے روک دیا۔

وزیراعلیٰ سندھ مراد علی شاہ کی زیر صدارت کابینہ کا اجلاس ہوا، جس میں حکومت نے بلدیاتی ایکٹ پر اپوزیشن جماعتوں سے مذاکرات کیلئے کمیٹی قائم کر دی۔ وزیر بلدیات ناصر شاہ نے لوکل گورنمنٹ قانون کے حوالے سے اپوزیشن جماعتوں سے بات چیت پر کابینہ کو بریفنگ دی۔ ناصر شاہ نے جماعت اسلامی، پاک سرزمین پارٹی اور دیگر جماعتوں سے بات چیت کے حوالے سے کابینہ کو آگاہ کیا۔

اجلاس میں اپوزیشن جماعتوں سے متفقہ نکات پر مکمل عملدرآمد کا فیصلہ کر لیا گیا۔ وزیراعلیٰ سندھ نے کہا کہ ناصر شاہ کی جو بات چیت ہوئی ہے، اس کو لاگو کریں گے۔ کابینہ نے بنڈل اور بڈوآئی لینڈ کو محفوظ جنگلات قرار دے دیا جبکہ سب رجسٹرار کو پاکستان اسٹیل کی اراضی منتقل کرنے سے روک دیا۔ کابینہ نے ہدایت کی کہ سندھ حکومت کی جانب سے اسٹیل ملز کو دی گئی اراضی فروخت نہیں کی جاسکتی۔

کابینہ نے گندم کی امدادی قیمت 2200 روپے مقرر اور 1 اعشاریہ 4 ملین میٹرک ٹن گندم خریدنے کی منظوری دے دی۔ سندھ کابینہ نے گندم خریدنے کیلئے 4 ہزار 450 ملین روپے فنڈز کی خریداری کے لیے منظوری بھی دی۔ کابینہ اجلاس میں بتایا گیا محکمہ جیل میں گریڈ 5 سے گریڈ 15 کی 2 ہزار 113 آسامیاں خالی ہیں۔ کابینہ نے بھرتی کے لیے تھرڈ پارٹی اوپن بڈنگ کی منظوری دے دی۔

سندھ کابینہ نے کوآپریٹو مارکیٹ اور وکٹوریہ مارکیٹ کے متاثرین کو معاوضہ دینے کی منظوری دے دی۔ مارکیٹس میں 14 نومبر 2021 کو آگ لگی تھی، سندھ کابینہ نے 91 کروڑ روپے سے زائد فنڈز مختص کرنے کی منظوری دی۔

کراچی:پی ٹی آئی سندھ ایڈوائزری کمیٹی کا اجلاس:پی پی حکومت کوٹف ٹائم دینے پرمشاورت ،اطلاعات کے مطابق پی ٹی آئی سندھ کے صدر علی زیدی کی صدارت میں سندھ ایڈوائزری کمیٹی کا اجلاس منعقد ہوا جس میں فیصلہ کیا گیا کہ پی ٹی آئی کی جانب سے سندھ بلدیات قانون کے خلاف بھرپور تحریک چلائی جائے گی۔

پی ٹی آئی سندھ ایڈوائزری کمیٹی کے اجلاس میں اسد عمر،میاں محمد سومرو، امیر بخش بھٹو، حلیم عادل شیخ، ارباب غلام رحیم، فردوس شمیم نقوی، آفتاب صدیقی، اللہ بخش انڑ، خرم شیر زمان، بلال غفار، علی پلھ بھی اور دیگر شریک ہوئے، اجلاس میں اسد عمر نے ممبران سے تنظیمی معاملات پر تبادلہ خیال کیا، گھوٹکی سے کراچی مارچ کے حوالے سے بھی تفصیلی گفتگوکی گئی۔

اس موقع پر وفاقی وزیر علی زیدی نے اسد عمر کو مارچ کی تیاریوں اور تفصیلات سے آگاہ کیا، اسد عمر نے رہنماؤں پر زور دیا کہ عوامی رابطہ مہم جلد شروع کی جائے، اجلاس میں کراچی سمیت سندھ کے تمام اضلاع میں کارنر میٹنگز کرنے پر غورکیا گیا اور بتایا گیا کہ گھوٹکی سے کراچی مارچ میں پی ٹی آئی کی مرکزی قیادت بھی شریک ہوگی۔

ادھر آج وفاقی وزیراسد عمرنے کہا ہے کہ سندھ میں مافیاز کی حکومت ہے، نوکریوں اور تبادلوں کا نظام پرچیوں سے چلتا ہے، زرداری خاندان گاڈ فادرکی طرح حکومت میں بیٹھا ہے، 2023 کے بعد یہ ڈاکو راج نہیں چلنےدیں گے۔

کراچی میں میڈیا بریفنگ کے دوران وفاقی وزیر برائے منصوبہ بندی اسد عمر نے کہا کہ تمام وفاقی اکائیوں میں صحت کارڈ کا اجرا شروع ہو چکا ہے، سندھ حکومت صحت کے حوالے سے کام کرنے کیلئے تیار نہیں، 13 سال سے سندھ کے عوام کے ساتھ زیادتی ہو رہی ہے۔ سندھ حکومت نے چھوٹے کاشتکاروں کو پانی کے لئے ترسایا، عوام شدید مشکلات کا شکار ہیں۔

انہوں نے کہا کہ وزیراعظم عمران خان سندھ کےحالات کو بہترکرناچاہتے ہیں، تمام قیادت سندھ کو مسائل سے نکالنے کیلئے کوشاں ہے۔ تحریک انصاف سندھ کے ہر گھر پر دستک دے گی اور 2023 میں صوبے میں حکومت بنائے گی۔

یاد رہے کہ کل بھی اسد عمر نے اہل سندھ کو یہ خوشخبری سنائی تھی کہ بہت جلد سندھیوں کی محرومیاں ختم ہونے والی ہیں اور لوگوں کو جاگیرداروں ، وڈیروں اور ظالم طاقتوروں سے نجات مل جائے گی ، اس کے بعد سندھ میں انصاف کی حکومت ہوگی اور ان شااللہ ظالمانہ ، جابرانہ اور شاطرانہ دور ختم ہوکررہے گا

کراچی: سندھ میں 2023 کے بعد ڈاکو راج نہیں چلنےدیں گے:صوبوں سمیت وفاق میں پاکستان تحریک انصاف کی حکومت ہوگی:وفاقی وزیر اسد عمر نے کہا ہے کہ سندھ میں مافیاز کی حکومت ہے، نوکریوں اور تبادلوں کا نظام پرچیوں سے چلتا ہے، زرداری خاندان گاڈ فادرکی طرح حکومت میں بیٹھا ہے، 2023 کے بعد یہ ڈاکو راج نہیں چلنےدیں گے۔

کراچی میں میڈیا بریفنگ کے دوران وفاقی وزیر برائے منصوبہ بندی اسد عمر نے کہا کہ تمام وفاقی اکائیوں میں صحت کارڈ کا اجرا شروع ہو چکا ہے، سندھ حکومت صحت کے حوالے سے کام کرنے کیلئے تیار نہیں، 13 سال سے سندھ کے عوام کے ساتھ زیادتی ہو رہی ہے۔ سندھ حکومت نے چھوٹے کاشتکاروں کو پانی کے لئے ترسایا، عوام شدید مشکلات کا شکار ہیں۔

انہوں نے کہا کہ وزیراعظم عمران خان سندھ کےحالات کو بہترکرناچاہتے ہیں، تمام قیادت سندھ کو مسائل سے نکالنے کیلئے کوشاں ہے۔ تحریک انصاف سندھ کے ہر گھر پر دستک دے گی اور 2023 میں صوبے میں حکومت بنائے گی۔

یاد رہے کہ کل بھی اسد عمر نے اہل سندھ کو یہ خوشخبری سنائی تھی کہ بہت جلد سندھیوں کی محرومیاں ختم ہونے والی ہیں اور لوگوں کو جاگیرداروں ، وڈیروں اور ظالم طاقتوروں سے نجات مل جائے گی ، اس کے بعد سندھ میں انصاف کی حکومت ہوگی اور ان شااللہ ظالمانہ ، جابرانہ اور شاطرانہ دور ختم ہوکررہے گا