Baaghi TV

Tag: سوشل میڈیا

  • فواد چودھری نے لاپتہ افراد پردہشتگرد کہا توصحافی نے انہیں چمچہ گیرقرار دےدیا

    فواد چودھری نے لاپتہ افراد پردہشتگرد کہا توصحافی نے انہیں چمچہ گیرقرار دےدیا

    سابق وزیر اطلاعات اور تحریک انصاف کے رہنماء فواد حسین چودھری نے اپنے ایک ٹوئیٹر پیغام میں لکھا کہ: "رات ہرنائی بلوچستان میں مزدوروں کے کیمپ پر حملہ ہوا نہتے مزدور شہید ہوئے، ان حملوں پر خاموش دہشت گردوں کے حمایتی کراچی، لاہور، اسلام آباد میں مسنگ پرسنز کی گردانیں پڑھتے ہیں۔ ریاست کی کمزوری ہے ان کو پٹہ نہیں ڈالا جاتا دہشت گردوں کے حمایتیوں کو دہشت گرد سمجھا جانا چاہئے۔”


    فواد چودھری کے اس بیان پر تبصرہ کرتے ہوئے ایڈوکیٹ جلیلہ حیدر نے کہا کہ: ‏فواد چوہدری آپ جتنا محکوم قوموں کے اذیتوں پر بیان بازی کرو، آپکا آقا آپ سے پھر بھی خوش نہیں ہوگا۔ اس حقیقت کو تسلیم کر لو کہ آپ اپنے آقاوں کی خوشنودی کے لئے جو بیانات آپ داغ رہے لہذا اب انکی نظروں میں آپکی اوقات ایک استعمال شدہ ٹشو پیپر جیسی ہے۔


    ایک صارف سعد خان نے لکھا کہ: ‏بطور ایک پاکستانی بلوچ بھی ہمارے بھائی ہیں لہذ آپ اور آپکی جماعت کی جانب ایسے بیانات بلوچ بھائیوں کے لئے تکلیف کا باعث ہیں۔ کیونکہ بلوچ بھی پاکستان کے شہری ہیں اور گزشتہ رات ہرنائی میں ہونے والے واقع کی پرزور مذمت کرتے ہیں.

    صحافی کیا بلوچ نے سابق وفاقی وزیر پر تنقید کرتے ہوئے کہا کہ: ‏اسی نظریے نے بلوچستان میں ڈائیلاگ کے تمام دروازے بند کئے ہیں۔ حملے کو لاپتہ افراد سے جوڑنا تعصب ہے اور جب ہزارہ یا احمدیوں پر حملے ہوتے ہیں تو آپ مجرموں اور ان کے سہولت کاروں یا اُنکے آقاؤں کا نام لینے کی ہمت کیوں نہیں کر سکتے جن کے ساتھ آپ لنچ اور ڈنر پر ٹیبل شیئر کرتے ہیں۔


    سینئر صحافی مطیع اللہ جان نے فواد چودھری کو چمچہ قرار دیتے ہوئے کہا کہ: ” موصوف فواد چودھری وزیر قانون رہے ہیں جو لاپتہ افراد کے جاری انسانی المیے کو دھشت گردی سے جوڑ کر ان شہریوں کی بازیابی میں اپنی حکومت کی ناکامی اور بزدلی کا جواز پیش کر رہے ہیں اور ان بوٹ چاٹ لوگوں کے منہ کا ذائقہ جا نہیں رہا اسی لیے کبھی اسٹیبلشمنٹ پر امریکی سازش کا الزام اور کبھی چمچہ گیری۔”

  • خیبرپختونخواہ:1360سوشل میڈیا ماہرین بھرتی:25 ہزارماہانہ تنخواہ

    خیبرپختونخواہ:1360سوشل میڈیا ماہرین بھرتی:25 ہزارماہانہ تنخواہ

    پشاور:خیبرپختونخواہ:فیک اورجھوٹ کا مقابلہ:1360سوشل میڈیا ماہرین بھرتی:25 ہزارماہانہ تنخواہ،اطلاعات کے مطابق خیبرپختونخوا حکومت نے صوبے میں تقریباً 1360 سوشل میڈیا انفلوینسر (SMI) بھرتی کرنے کی تیاریاں مکمل کرلی ہیں ۔یہ بھی معلوم ہوا ہے کہ یہ نئے بھرتی ہونے والے ایس ڈی آئی صوبائی حکومت کے خلاف جعلی خبروں اور منفی پروپیگنڈے کا مقابلہ کریں گے۔سوشل میڈیا پر اثر انداز ہونے والے افراد عوامی مفاد کی حکومتی اصلاحات کے بارے میں نچلی سطح تک آگاہی بھی پھیلائیں گے۔سوشل میڈیا شراکتی پلیٹ فارم پراجیکٹ کے لیے 73کروڑ60لاکھ روپے کی رقم مختص کی گئی ہے۔ ہرسوشل میڈیا انفلوینسر کو25000 روپے ماہانہ تنخواہ دی جائے گی۔

    دوسری طرف کے پی حکومت کی طرف سے اس عمل کے خلاف ردعمل دیتے ہوئے خیبرپختونخوا میں اپوزیشن جماعتوں نے سوشل میڈیا انفلوینسرز کی بھرتی کو سیاست میں انتشار پھیلانے کی کوشش قرار دیا ہے۔فیک اور جھوٹی خبروں کی روک تھام کےلیے صوبائی حکومت نے پشاور، مردان، چارسدہ، بنوں، ڈیرہ اسماعیل خان، دیر اپر، دیر لوئر، ایبٹ آباد، بٹگرام، بونیر، چترال لوئر، ہنگو، ہری پور، کرک، کوہاٹ، کوہستان اپر، لکی مروت، مالاکنڈ، مانسہرہ، نوشہرہ، شانگلہ، صوابی، سوات، ٹانک، تور غر، کوہستان لوئر، باجوڑ، خار، خیبر، کرم، مہمند، شمالی وزیرستان، اورکزئی، جنوبی وزیرستان، ایف آر بنوں، ایف آر ڈیرہ اسماعیل خان۔ ایف آر کوہاٹ، ایف آر لکی مروت، ایف آر پشاور، ایف آر ٹانک، کولائی پالس، اور چترال اپر سے1360سوشل میڈیا انفلوئنسر کی بھرتی کا عمل مکمل کر لیا ہے۔

    ن لیگ کے پی کے مخلص ساتھیوں کے ساتھ ہاتھ ہونا شروع ہوگیا:بغاوت بھی شروع

    میڈیا ذرائع سے ملنے والی سرکاری دستاویزات کے مطابق اس منصوبے کے لیے 870 ملین روپے کی رقم مختص کی گئی تھی تاہم نظر ثانی پی سی ون کے مطابق اب اس پراجیکٹ پر 736ملین روپے خرچ ہوں گے ۔اس حوالے سے وزیر اعلیٰ کے معاون خصوصی برائے اطلاعات بیرسٹر محمد علی سیف کا کہنا تھا کہ اس منصوبے کا مقصد اصلاحاتی اقدامات اور شہری ذمہ داریوں کی حوصلہ افزائی کے لیے عوامی آگاہی کے لیے سوشل میڈیا شراکتی پلیٹ فارم قائم کرنا ہے۔

    پراجیکٹ کا مقصد عوامی مفاد میں اصلاحات اور جعلی خبروںاورمن گھڑت اطلاعات کا مقابلہ کرنے کے لیے بنیادی سطح تک آگاہی پھیلانا ہے۔ تمام میڈیا انفلوینسر حقائق اور اعداد و شمار کے ساتھ صوبائی حکومت کے خلاف منفی پروپیگنڈے کا بھی مقابلہ کریں گے۔انہوں نے کہا کہ حکومت نے انہیں عوامی خدمات کی فراہمی میں خامیوں کو اجاگر کرنے کا اہم کام بھی ان نوجوانوں کو سونپا ہے۔ نوجوان سوشل میڈیا پر انسانی حقوق کی خلاف ورزیوں اور عوامی شکایات کابھی سراغ لگائیں گے اور حکومت کو معلومات فراہم کریں گے ۔

    پی ڈی ایم نے پورے ملک کو ہلاکررکھ دیا:وفاق،پنجاب کے بعد کے پی میں عدم اعتماد

    وزیر اعلیٰ کے معاون خصوصی برائے اطلاعات بیرسٹر محمد علی سیف کا کہنا تھا کہ سوشل میڈیا سستا ہے اور ہر کسی کے لیے آسانی سے قابل رسائی ہے۔ نوجوان حکومت کو پولیو اور دیگر مہمات کے حوالے سے آگاہی فراہم کرنے میں مدد کریں گے۔پرا جیکٹ کے لئے ایک پروجیکٹ ڈائریکٹر کی تقرری کی گئی ہے۔عوامی نیشنل پارٹی کے پارلیمانی سربراہ سردار حسین بابک کہتے ہیں‌ کہ پی ٹی آئی حکومت نے سرکاری وسائل کو سیاسی مقاصد کے لیے استعمال کیا ہےتحریک انصاف نے پچھلے نو سالوں کے اندر تمام اداروں کے بورڈ میں سیاسی بنیادوں پر لوگوں کو بھرتی کردیا ہے ۔حکومت ان نوجوانوں کو اداروں اور شخصیات کے خلاف پروپیگنڈا کے طور پر استعمال کرے گی۔ ملک میں انتشار پھیلانے کے لیے سوشل میڈیا ٹیم کو سیاستدانوں کو بدنام کرنے کے لیے استعمال کیا جائے گا۔ محکمہ اطلاعات کی موجودگی میں سوشل میڈیا کے لیے 1400 افراد کو بھرتی کرنے کی ضرورت نہیں تھی۔

    کے پی حکومت نے زر علی کو سوشل میڈیا پارٹیسیپیٹری پلیٹ فارم کا پراجیکٹ ڈائریکٹر مقرر کررکھا ہے،وہ کہتے ہیں کہ مجموعی طورپر 9379 سے زائد افراد نے درخواستیں جمع کرائی تھیں جس کے لئے قابلیت کا معیار انٹرمیڈیٹ یا آئی ٹی میں ڈپلومہ مقر رکیا گیا تھا تاہم امیدوار کے پاس کسی بھی سوشل میڈیا میں ایک ہزار کے قریب فالورز کا ہونا ضروری تھی۔تقریباً 3692 امیدوار معیار کے لیے اہل پائے گئے۔

    ے پی حکومت نے نسوار میں استعمال ہونے والے تمباکو پرٹیکس عائد کر دیا

  • صحیفہ جبار نے کردی سوشل میڈیا صارفین کو نصیحت

    صحیفہ جبار نے کردی سوشل میڈیا صارفین کو نصیحت

    اداکارہ صحیفہ جبار نے اپنے حالیہ انٹرویو میں کہا ہے کہ آج کل ہر کوئی سوشل میڈیا پر کھلے ہاتھ سے لکھتا ہے یہ بھی نہیں سوچتا کہ جو لکھ رہا ہوں وہ کل کو کسی کی تباہی کا باعث بن سکتا ہے ۔ہر کوئی ہر کسی کی ذاتی زندگی کیا ہر ایشو پر اپنے ٹویٹس اور پوسٹوں کے زریعے تبصرہ کررہا ہوتا ہے یہ چیز مجھے اچھی نہیں لگتی۔ انہوں نے مزید کہا کہ ہمیں کس نے حق دیا ہے کہ ہم کسی کا مذاق بنائیں ،کسی پر الزام لگائیں کسی کو نیچا دکھائیں یا کسی کی ذاتی زندگی کو پبلک کر دیں ۔انہوں نے مزید یہ بھی کہا کہ آج اگر ہم کسی کو گندا کررہے ہیں کل کو یہ وقت ہم پہ بھی آسکتاہے کل کو ہم پہ بھی تنقید ہو سکتی ہے۔برا وقت کسی پہ بھی اور کبھی بھی آسکتا ہے ۔صحیفہ نے مزید کہا کہ بہت سارے لوگوں نے سوشل میڈیا صارفین سے پیسے ہتھیانے کے لئے جعلی اکاﺅنٹس بنا رکھے ہیں لہذا لوگ بےوقوف نہ بنیں۔

    یاد رہے کہ جب سے سوشل میڈیا نے زور پکڑا ہے اب کوئی معمولی معاملہ بھی ایسی ہوا پکڑتا ہے کہ بات کا بتنگڑ بن جاتا ہے فریقین کو صفائیاں دینی پڑتی ہیں اور کئی لوگ تو اس سارے سلسلے سے اتنے ڈپریس ہوجاتے ہیں کہ انہیں اپنا ہی خیال نہیں رہتا اس کی تازہ مثال ڈاکٹر عامر لیاقت حسین کی ہے جنکی اہلیہ نے انکی پرائیویٹ زندگی کو پبلک ایسا کیا کہ وہ کسی سے بھی ملنے سے احتراز کرنے لگے تھے۔

  • مشی خان کا عامر لیاقت سے سوال

    مشی خان کا عامر لیاقت سے سوال

    اداکارہ مشی خان جو ایک عرصہ سے اداکار ی کرتی تو نہیں دکھائی دے رہی ںلیکن دوسروں پر تنقید کرتی ضرور نظرآتی ہیں ۔مشی خان سیاسی طور پر عمرا ن خان کی بہت بڑ ی سپورٹر ہیں ان کا بس چلے تو وہ ہر ااس انسان کا منہ نوچ لے جو عمرا ن خان کو سپورٹ نہیں کرتا ۔ڈاکٹر عامر لیاقت جو پہلے عمران خان کے ساتھ تھے لیکن اب وہ ان کے خلاف بات کرتے ہوئے دکھائی دیتے ہیں اور یہ چیز شاید مشی خان کو کھل رہی ہے اس لئے وہ کوئی بھی موقع ہاتھ سے نہیں جانے دیتیں اور برس پڑتی ہیں ڈاکٹر عامر لیاقت پر۔ حال ہی میں اداکارہ نے ایک انٹرویو دیا ہے اس میں ان سے جب سوال ہواکہ آپ کو ڈاکٹر عامر لیاقت کی شادیوں سے کیا مسئلہ ہے تو انہوں نے کہا کہ مجھے کوئی مسئلہ نہیں ہے بس میں تو یہ کہتی ہوں کہ وہ اپنی شادیوں کے بعد اپنی بیویوں کے ساتھ تصاویر ہمیں کیوں دکھاتے ہیں؟ ٹاک ٹاک شئیر کرکے ہمیں کیوں دکھاتے ہیں وہ یہ سب کریں لیکن اپنے تک رکھیں ہمیں نہ دکھائیں اور وہ ایک نہیں چاہے ہزار شادیاں کریں ہمیں کیا مسئلہ ہے ۔اس انٹرویو میں مشی خان نے عامر لیاقت کا ایک بیان بھی انہیں یاد دلایا اور پوچھا کہ آپ نے تو باہر جانا تھا کیا ہوا آپ کے باہر جانے کے پلان کا؟ کیا کسی نے روک لیا ہے؟

  • وزیراعظم شہباز شریف کے نام سے ٹویٹر اکاؤنٹ بنانے والاملزم گرفتار

    وزیراعظم شہباز شریف کے نام سے ٹویٹر اکاؤنٹ بنانے والاملزم گرفتار

    وزیراعظم شہباز شریف کے نام سے ٹویٹر اکاؤنٹ بنانے والاملزم گرفتار

    باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیراعظم شہباز شریف کے نام سے ٹویٹر اکاؤنٹ بنانے والے ملزم کو گرفتار کر لیا گیا ہے

    وزیراعظم شہباز شریف کے نام سے ٹویٹر پر فیک اکاؤنٹ بنایا گیا تھا، ٹویٹر اکاؤنٹ ویریفائڈ تھا اور صارف رمیز راجہ لائیو نے نام بدل کر شہباز شریف رکھ لیا اور تصویر بھی وزیراعطم شہباز شریف کی لگا دی، رمیز راجہ لائیو کے ٹویٹر اکاؤنٹ سے ٹویٹ بھی کی جا رہی تھی، تا ہم اب اس صارف کے خلاف ایکشن لیا گیا ہے اور ملزم کو گرفتار کر لیا گیا ہے،

     

    وزیراعظم شہباز شریف کے فوکل پرسن ابوبکر کے مطابق وزیراعظم شہباز شریف کے نام سے جعلی اکاؤنٹ بنانے والے صارف کو گرفتار کر کے اس کے خلاف مقدمہ بھی درج کر لیا گیا ہے ، ابوبکر کی جانب سے بھی ایک ٹوئٹ سامنے آئی ہے جس میں ان کا کہنا ہے کہ اختلاف قبول ہے لیکن غلط معلومات نہیں ابوبکر نے اپنی ٹوئٹ میں صارف کے اکاؤنٹ اور شہباز شریف کے نام سے بنائے جانے والے اکاؤنٹ کی تصویر شیئر کی اور بتایا کہ جعلی اکاؤنٹ بنانے والے صارف (رمیز راجا لائیو ) کو عوام کو گمراہ کرنے کے الزام میں گرفتار کر لیا گیا ہے ملزم نے جرم کا اعتراف بھی کر لیا ہے اور اس کے خلاف مقدمہ بھی درج کر لیا گیا ہے

    دوسری جانب رمیز راجہ لائیو نامی صارف نے سماجی رابطے کی ویب سائٹ ٹویٹر پر باغی ٹی وی کا لنک پروفائل میں لگا رکھا ہے، ادارہ باغی ٹی وی کا ایسے کسی بھی نوسرباز سے کوئی تعلق نہیں ہے، باغی ٹی وی فیک اکاؤنٹس اور خصوصا پروپیگنڈہ کرنے والے اکاؤنٹس کی حوصلہ شکنی کرتا ہے،

    باغی ٹی وی پر بلاگز لکھنے والے بلاگر بھی جو اپنی پروفائل میں باغی ٹی وی کا ہینڈل لکھ رہے ہیں وہ باغی ٹی وی کے امپلائی نہیں ، بلکہ وہ اعزازی طور پر بلاگز لکھتے رہے، ایسے تمام افراد کی ٹویٹس اور ٹویٹر پر انکے کام کا ادارہ ذمہ دار نہیں ہے ،باغی ٹی وی ایسے تمام افراد کو متنبہ کرتا ہے کہ جن صارفین کا باغی ٹی وی سے تعلق نہیں وہ اپنے ٹویٹر پروفائل سے باغی ٹی وی کا ہینڈل ختم کر دیں، بصورت دیگر ادارہ انکے خلاف قانونی کاروائی کا مجاز ہو گا،

    پاک فوج کے ریٹائرڈ افسران کے نام سے جعلی ٹویٹر اکاؤنٹس سیاسی جماعت استعمال کرنے لگی

    شیریں مزاری کے خود کش حملے،کرتوت بے نقاب، اصل چہرہ سامنے آ گیا

    اداروں کے خلاف بیانات سے گریز کرنا چاہیے۔جلیل احمد شرقپوری

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    خدارا ملک کا سوچیں،مجھے فخر ہے میں ایک شہید کا باپ ہوں،ظفر حسین شاہ

    ایک بیٹا شہید،خواہش ہے دوسرے کو بھی اللہ شہادت دے،پاک فوج کے شہید جوانوں کے والدین کے تاثرات

    شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید

    وادی تیراہ میں ضلعی انتظامیہ اور سیکیورٹی فورسز کے باہمی اشتراک سے "باغ امن میلہ” کا انعقاد

  • عمران خان اداروں کے درمیان بد اعتمادی پیدا کر رہے ہیں ،احسن اقبال

    عمران خان اداروں کے درمیان بد اعتمادی پیدا کر رہے ہیں ،احسن اقبال

    عمران خان اداروں کے درمیان بد اعتمادی پیدا کر رہے ہیں ،احسن اقبال
    وفاقی وزیر منصوبہ بندی احسن اقبال نے کہا ہے کہ ریسرچ کے شعبے میں کام کرنا بہت ضروری ہے اللہ نے بھی قدرت کی نشانیوں پر غور کرنے کاحکم دیا ہے

    تقریب سے خطاب کرتے ہوئے احسن اقبال کا کہنا تھا کہ ہمیں جامعات میں علم کی جدت پر توجہ مرکوز کرنی چاہیے ،11صدی عیسوی تک مسلمان سائنسدان اپنے عروج پر تھے، جب تک مسلمان تفکر اور تدبر سے کام لیتے رہے کامیابی رہی، اسلام نے علم کے خلاف کبھی اپنی طاقت کا استعمال نہیں کیا،

    موجودہ سیاسی صورتحال پر بات کرتے ہوئے احسن اقبال کا کہنا تھا کہ عمران خان اداروں کے درمیان بد اعتمادی پیدا کر رہے ہیں ،عمران خان پاکستان دشمن لابی کی سیاست ہے،ہائبرڈ وار میں ٹارگٹ کنٹری کے اداروں کو کمزور کرنا ہوتا ہے عمرا ن خان ہائبرڈ وار کے ٹولز کا استعمال کر رہے ہیں، عمرا ن خان 2014 سے انتشار کی کوشش کررہے ہیں،عمران خان کو انارکی پھیلا کر سیاست کرنے کی اجازت نہیں دی جائے گی، عمران نیازی کی سوشل میڈیا ٹیم پروپیگنڈہ کرنے میں مصروف ہے،عمران خان کو آئین اور قانون کے مطابق سیاست کی اجازت ہے پاکستان میں اگلے الیکشن کا فیصلہ اتحادی حکومت کرے گی ملک کی اینٹ سے اینٹ بجانے والوں کا حساب 4 ہفتے کی حکومت نے نہیں دینا گوادر بندرگاہ کے لیے پروپوزلز توآگئے لیکن فنڈز نہیں دیئے گئے ،2020  تک 9 صنعتی زونز تیارکرنے تھے ،ایک بھی نہیں ہوا،460 ارب روپے کے منصوبوں کا 91 ارب سے کیا ہو سکتا ہے،کوئی ہمیں میلی نگاہ سے نہیں دیکھ سکتا،پاکستان ایک ایٹمی طاقت ہے، آئی ایم ایف کے ساتھ پی ٹی آئی نے عوام دشمن معاہدہ کیا،نئے پاکستان کی فلم ختم ہوئی تو آزادی پاکستان کی فلم شروع کردی گئی افراط زر پر قابو پانے پر کچھ وقت لگے گا عمران حکومت کے تباہ کن اثرات کچھ سال مزید رہیں گے،جو بے یقینی پھیلائی جارہی ہے وہ گزشتہ 4سالوں کا تسلسل ہے ایک ماہ کے اندر معاشی استحکام پیدا نہیں کیا جا سکتا،

    فرح خان کیسے کرپشن کر سکتی ؟ عمران خان بھی بول پڑے

    نیب نے فرح خان کے خلاف تحقیقات کا آغاز کر دیا

    نیب نے سابق خاتون اول کی دوست کے حوالے سے وضاحت کردی

    شہزاد اکبر بھاگ گیا، فرح بھاگ گئی،کچھ کیا نہیں تو ڈر کیسا؟ سعد رفیق

    فرح خان کیخلاف ریکارڈ کے حصول کیلئے نیب متحرک

  • سوشل میڈیا پر خواتین کو جعلی ویڈیوز کے ذریعے ہراساں کرنے پر2 ملزمان گرفتار

    سوشل میڈیا پر خواتین کو جعلی ویڈیوز کے ذریعے ہراساں کرنے پر2 ملزمان گرفتار

    راولپنڈی: وفاقی تحقیقات ادارے (ایف آئی اے) سائبر کرائم ونگ نے سوشل میڈیا پر خواتین کو جعلی ویڈیوز کے ذریعے ہراساں کرنے پر بنوں اور کرک سے 2 ملزمان کو گرفتار کرلیا۔

    باغی ٹی وی : حکام کے مطابق ملزمان وسیم خان اور محمد اشفاق خان پر الزام تھا کہ انہوں نے خواتین کی جعلی و نازیبا ویڈیوز سوشل میڈیا پر شیئر کی تھیں ملزمان کوگرفتارکرکے ڈی آئی خان میں پیکا ایکٹ کی سیکشن 21، 24 اور پی پی سی سیکشن 509 کے تحت مقدمات درج کرلیے گئے جبکہ ملزمان کے قبضے سے لیے گئے ڈیوائسز کو فرانزک تجزیہ کے لیے کے لیے لیبارٹری بھیجوا دیا گیا ہے اور مزید تفتیش جاری ہے ۔

    شکر گڑھ: سرغنہ سمیت ڈکیت گینگ کے 6 افراد قتل

    قبل ازیں فیڈرل انویسٹی گیشن ایجنسی (ایف آئی اے) سندھ کے سائبرکرائم ونگ کی کاروائی ،خواتین کو ہراساں کرنے اور چائلڈ پورنوگرافی کےالزام میں 6 ملزمان کوگرفتارکیا تھاایف آئی اے سندھ کی جانب سےجاری اعلامیہ میں کہا گیا تھا کہ کراچی، حیدرآباد، سکھر اور گھوٹکی سے خواتین کو ہراساں کرنے چائلڈ پورنوگرافی کے الزام میں دو مشتبہ افراد ماجد محبوب اور محسن علی کو کراچی سے گرفتار کر کے ان کے خلاف مقدمہ درج کر لیا گیا۔

    سائبرکرائم سندھ کی کاروائی،خواتین کوہراساں کرنےاورچائلڈ پورنوگرافی کےالزام میں…

    زیرحراست ملزمان ماڈلنگ کے شعبہ میں جدوجہد کرنے والی لڑکیوں کی ویڈیو بنا کر انہیں بلیک میل اور ہراساں کرتے تھےمرکزی ملزم نے ایک متاثرہ کی فحش ویڈیو بنائی اور اپنے دوست کے ساتھ شیئر کی جسے اس نے مختلف واٹس ایپ گروپس میں شیئر کیا مرکزی ملزم سے 20 مختلف لڑکیوں کی فحش ویڈیوز برآمد ہوئی تھیں-

    باپ نے بیٹی کو غیرت کے نام پر قتل کر دیا

  • محمد ابوبکرعمر وزیر اعظم کے فوکل پرسن برائے ڈیجیٹل میڈیا تعینات

    محمد ابوبکرعمر وزیر اعظم کے فوکل پرسن برائے ڈیجیٹل میڈیا تعینات

    اسلام آباد: محمد ابوبکر عمر کو وزیر اعظم شہباز شریف کا فوکل پرسن برائے ڈیجیٹل میڈیا تعینات کر دیا گیا ہے ،ابوبکر عمر کو اعزازی طور پر وزیر اعظم آفس میں تعینات کیا گیا ہے ۔

    وزیر اعظم آفس کی جانب سے جاری آرڈر کے مطابق محمد ابوبکر عمر کو اعزازی طور پر وزیر اعظم شہباز شریف کا فوکل پرسن برائے ڈیجیٹل میڈیا تعینات کیا گیا ہے. ابوبکر عمر نے سماجی رابطے کی ویب سائٹ ٹویٹر پر نوٹیفکیشن شیئر کرتے ہوئے لکھا کہ دفتر عوام اور حکومت کے درمیان ایک پل کے طور پر کام کرے گا جس کا مقصد پاکستانی شہریوں بالخصوص خواتین ، بچوں اور اقلیتوں کو ڈیجیٹل ہراسمنٹ سے بچانا ہے ۔

     

    واضح رہے کہ ابوبکر عمر اس سے قبل 5سال تک پنجاب میں بھی خدمات سر انجام دے چکے ہیں جہاں پہلی بار انہوں نے شعبہ تعلقات عامہ (ڈی جی پی آر )کے ڈیجیٹل میڈیاونگ (ڈی ایم ڈبلیو)کو متعارف کروایا ،یہ ونگ پنجاب حکومت تک حقیقی طور پر عوامی تاثرات سے آگاہ کرتا تھا جس سے شہباز شریف حکومت کو اپنی خدمات کو بہتر کرنے کا موقع ملتا تھا۔وفاق حکومت نے ڈی ایم ڈبلیوماڈل کو اپنایا اور وزارت انفارمین اینڈ براڈکاسٹنگ کے زیر اثر اسے متعارف کرایا۔

    ابو بکر عمر نے 2020میں لندن سکول آف اکنامکس سے کمیونیکشن گورننس میں ماسٹر کی ڈگری حاصل کی جس کے بعد سے وہ انسٹی ٹیوٹ فار آرٹ اینڈ کلچر کے ساتھ بطور لیڈ سٹریٹجک کمیونیکیشن منسلک تھے ۔

  • نو اپریل کو میڈیا نے مارشل لاء نافذ کر دیا،حالانکہ ہوا کچھ بھی نہیں تھا،عدالت

    نو اپریل کو میڈیا نے مارشل لاء نافذ کر دیا،حالانکہ ہوا کچھ بھی نہیں تھا،عدالت

    نو اپریل کو میڈیا نے مارشل لاء نافذ کر دیا،حالانکہ ہوا کچھ بھی نہیں تھا،عدالت

    اینکر پرسن ارشد شریف کو ہراساں کیے جانے کے خلاف درخواست پر سماعت ہوئی

    اسلام آباد ہائیکورٹ کے چیف جسٹس اطہرمن اللہ نے استفسار کیا کہ ارشد شریف آپ کو اس کے بعد تو کسی نے ہراساں نہیں کیا، ارشد شریف نے عدالت میں کہا کہ اس عدالت کی مداخلت کے بعد کسی نے ہراساں نہیں کیا،فیصل چودھری نے کہا کہ صابر شاکر بیرون ملک میں ہیں اور وہ وطن واپس نہیں آ پا رہے، صابر شاکر کو خدشہ ہے کہ انکو ایئرپورٹ پر گرفتار کر لیا جائے گا،

    اسلام آباد ہائیکورٹ کے چیف جسٹس اطہرمن اللہ نے استفسار کیا کہ کیا صابر شاکر کے خلاف بھی کوئی مقدمہ ہے؟ ڈائریکٹر سائبر کرائم ایف آئی اے نے کہا کہ ابھی تک صابر شاکر کے خلاف کوئی مقدمہ درج نہیں ہے،اسلام آباد ہائیکورٹ کے چیف جسٹس اطہرمن اللہ نے استفسار کیا کہ پیکا قانون کا پہلے بہت غلط استعمال ہو چکا، آپ کو کہا تھا کہ آپ نے محتاط رہنا ہے، افضل بٹ آپ بتائیں کہ اس صورتحال پر کیا لائحہ عمل ہونا چاہیے، افضل بٹ نے کہا کہ شہزادہ ذوالفقار ہمارے پی ایف یو جے کے صدر ہیں وہ بات کرینگے،

    اسلام آباد ہائیکورٹ کے چیف جسٹس اطہرمن اللہ نے استفسار کیا کہ شہزادہ ذوالفقار 9 اپریل کی رات جو کچھ میڈیا پر چلتا رہا کیا وہ کسی طور بھی درست تھا؟ اس دن تو میڈیا نے مارشل لاء نافذ کر دیا تھا،میڈیا آرمی کی گاڑیاں اور ہیلی کاپٹر دکھا رہا تھا،یہ ساری صورتحال دکھائی گئی، حالانکہ اس رات ہوا کچھ بھی نہیں تھا،میں گھر میں بیٹھا تھا کہا گیا کہ وہ عدالت پہنچ گئے،ہم سب نے ذمہ دارانہ کام کرنا ہے پھر ہی سب ٹھیک ہو گا،

    اسلام آباد ہائیکورٹ کے چیف جسٹس اطہرمن اللہ نے استفسار کیا کہ ارشد شریف کیا آپ مطمئن ہیں درخواست نمٹا دیں، شہزادہ ذوالفقار نے کہا کہ عدالت درخواست نہ نمٹائے، ہمیں خطرہ ہے کہ ایف آئی اے کوئی کارروائی کریگی،عدالت نے کہا کہ صحافیوں کے معاملے میں انکے نمائندہ ادارے پی ایف یو جے کو اس میں شامل کر لیں،ڈپٹی اٹارنی جنرل نے کہا کہ قانون میں ضرورت نہیں لیکن عدالت حکم دیتی ہے تو کر لیتے ہیں،عدالت نے کہا کہ کوئی جرم کرتا ہے تو اس پر تو گرفتار کریں، اس سے نہیں روکا، ماضی کا ریکارڈ دیکھ کر یہ کہا ہے کہ اگر صحافیوں کی نمائندہ تنظیم کو شامل کرینگے تو شفافیت آ جائے گی،فواد چودھری نے کہا کہ ایف آئی اے کے کاؤنٹر ٹیرارزم ونگ کے تحت بھی کارروائیاں کی جا رہی ہیں،

    اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ سیاسی قیادت کو غداری اور اس طرح کے الفاظ کسی کے خلاف استعمال نہیں کرنے چاہییں جب تک ریاست ثابت ہونے کے بعد کسی کو غدار قرار نہ دیدے یہ الفاظ استعمال نہ کیے جائیں ،اسلام آباد ہائیکورٹ کے چیف جسٹس اطہرمن اللہ نے فواد چودھری کو کہا کہ ابھی آپ کے استعفے منظور نہیں ہوئے پارلیمنٹ میں جا کر اسے حل کریں، جس پر فواد چودھری نے کہا کہ اس مقبوضہ اسمبلی میں اب کیا جانا، الیکشن کے بعد آ کر کرینگے،

    اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ابھی جو حکومت میں ہیں اپوزیشن میں ہوتے ہوئے کہتے تھے پیکا درست نہیں ہے، دونوں مل بیٹھ کر اس معاملے کو حل کریں،اسلام آبا دہائیکورٹ نے کیس کی سماعت 26 مئی تک ملتوی کر دی

    کامیاب تحریک عدم اعتماد،محسن بیگ،پاکستانی صحافت اور ہمارا پوری دنیا میں نمبر

    33 برس پرانا مقدمہ کیسے ختم ہوا؟محسن بیگ کیخلاف ایک اورمقدمے کی تحقیقات کا فیصلہ

    مطمئن کریں ہتک عزت کا فوجداری قانون آئین سے متصادم نہیں،محسن بیگ کیس،حکمنامہ جاری

    کیا آپکے پاس عمران خان کی کوئی "ویڈیو” ہے؟ محسن بیگ سے صحافی کا سوال

    محسن بیگ کی ایک مقدمے میں ضمانت منظور

    محسن بیگ نے دہشتگردی کے مقدمے میں ضمانت کیلیے ٹرائل کورٹ سے رجوع کرلیا

  • عامر لیاقت حسین کی نازیبا ویڈیو لیک،انٹر نیٹ صارفین برہم

    عامر لیاقت حسین کی نازیبا ویڈیو لیک،انٹر نیٹ صارفین برہم

    ممبر قومی اسمبلی عامر لیاقت حسین کی نازیبا ویڈیو لیک ہو گئی ہے۔

    باغی ٹی وی : سوشل میڈیا پلیٹ فارمز پر اس وقت عامر لیاقت حسین کی ایک نازیبا ویڈیو خوب وائرل ہے، اس ویڈیو کے لیک ہونے کے بعد عامر لیاقت حسین اس وقت ٹوئٹر کے ٹاپ ٹرینڈ پر ہیں-

    دانیہ شاہ کے الزامات پر عامر لیاقت کا ردعمل

    گزشتہ روز عامر لیاقت حسین کی تیسری اہلیہ سیدہ دانیہ شاہ کی جانب سے ایک انٹرویو دیا گیا تھا، اس انٹرویو میں دانیہ شاہ کو بھی عامر لیاقت کی اس ویڈیو پر بات کرتے ہوئے دیکھا گیا تھا صحافی کے ایک سوال کے جواب میں دانیہ شاہ نے دعویٰ کیا تھا کہ اُن کے پاس اس ویڈیو جیسے مزید ثبوت موجود ہیں جس سے وہ ثابت کر سکتی ہیں کہ عامر لیاقت نشہ کرتے ہیں۔

    دوسری جانب سوشل میڈیا پروائرل ہوتی اس ویڈیو پر انٹرنیٹ صارفین نے برہمی کا اظہار کیا ہے، انٹرنیٹ صارفین کا اِن غیر اخلاقی ویڈیوز کو لیک ہونے سے روکنے کا مطالبہ کیا جا رہا ہے۔

    سوشل میڈیا صارفین کا کہنا ہے کہ عامر لیاقت اور دانیہ شاہ میں طلاق کا معاملہ جب فیملی کورٹ پہنچ چکا ہے تو سوشل میڈیا پر کیوں غیر اخلاقی مواد پھیلایا جا رہا ہے، اس سلسلے کو بند ہونا چاہیے۔

    واضح رہے کہ دانیہ شاہ کے طلاق کے لیے فیملی کورٹ جانے اور عامر لیاقت پر سنگین الزامات لگانے کے بعد عامر لیاقت حسین دانیہ شاہ کی متعدد وائس نوٹس لیک کر چکے ہیں۔

    وقت آنے پر عامر لیاقت کے خلاف سارے ثبوت سامنے لاؤں گی ،دانیہ شاہ

    واضح رہے کہ دانیہ شاہ نے عامر لیاقت کے ساتھ تقریباً 4 ماہ تک ازدواجی تعلقات کے بعد تنسیخ نکاح کے لیے عدالت سے رجوع کیا ہے اور اس کے ساتھ ہی طلاق لینے کی وجہ بتاتے ہوئے کہا تھا کہ عامر لیاقت نہ صرف نشہ کرتا ہے بلکہ نشے میں دھت ہوکر مجھ پر تشدد بھی کرتا ہے عامر لیاقت عیاش آدمی ہے لہذا عدالت عامر لیاقت سے تنسیخ نکاح کی ڈگری جاری کرے-

    دانیہ شاہ نے عامر لیاقت پر سنگین الزامات لگاتے ہوئے کہا تھا کہ عامر لیاقت نے مجھے کبھی بھی گھر پر نوکروں کے سامنے عزت نہیں دی ہاں میڈیا پر میرے ساتھ اچھے تھے لیکن جیسے ہی گھر پر پہنچتے تھے ان کا رویہ بدل جاتا تھا۔

    دانیہ شاہ نے کہا تھا کہ عامر لیاقت نے مجھے میرے گھر والوں سے دور کرنے کی بھی کوشش کی دانیہ نے پیسوں کے لیے عامر لیاقت کے ساتھ شادی کرنے کے الزام کی بھی تردید کرتے ہوئے کہا کہ مجھے اس کے پیسوں یا چیزوں کی ضرورت نہیں ہے میڈیا، دنیا اور لوگ کہہ رہے ہیں کہ دانیہ شاہ نے پیسے کے لیے عامر لیاقت سے شادی کی تو ایسی کوئی بات نہیں ہے۔

    عامر لیاقت مجھے نماز بھی نہیں پڑھنے دیتے تھے، گھر میں قید رکھتے تھے،دانیہ شاہ