سیالکوٹ، باغی ٹی وی(سٹی رپورٹر شاہد ریاض )شارٹ سرکٹ کے باعث کار کو آگ لگ گئی
تفصیل کے مطابق سیالکوٹ میں چوکی لاری اڈہ کے علاقہ کرسچن ٹاون گھر میں کھڑی گاڑی کو سٹارٹ کرتے ہی شارٹ سرکٹ کے باعث آگ لگ گئی
ریسکیو1122 نے بروقت پہنچ کر آگ پر قابو پایااور اسے مزید پھیلنے سے روک دیا۔ گھر کے مالک سرخاب کے مطابق 11لاکھ مالیت کا سامان (سوزوکی گاڑی، واشنگ مشین، ڈرائیر وغیرہ ) جل گئے
جبکہ ریسکیو1122 کے فائرفائیٹرز نے بروقت کارروائی کرکے 20 لاکھ مالیت کا سامان اور گھر کو بچا لیا گیا۔
Tag: سیالکوٹ
-
سیالکوٹ :شارٹ سرکٹ کے باعث کار کو آگ لگ گئی
-
سیالکوٹ : ہومیوپیتھک طریقہ علاج، فری میڈیکل کیمپ کا اہتمام کیا گیا
سیالکوٹ،باغی ٹی وی(شاہد ریاض سٹی رپورٹر)ہومیوپیتھک طریقہ علاج، فری میڈیکل کیمپ کا اہتمام کیا گیا
تفصیل کے مطابق منور ہومیو پیتھک کلینک اینڈ اسٹور بڈیانہ تحصیل پسرور ضلع سیالکوٹ میں18 جون 2023 بروز اتوار بی ایم فارماسیوٹیکلز کی جانب سے سید محمود حسین جنرل منیجر سیلز اینڈ مارکیٹنگ بی ایم فارماسیوٹیکلز کی زیر نگرانی فری میڈیکل کیمپ کا اہتمام کیا گیا جہاں ارد گرد سے آۓ ہوۓ سینکڑوں مریضوں نے اپنا چیک اپ کروایا اور مفت ادویات حاصلِ کیں
ہومیو پیتھک پروفیسر ڈآکٹر سلیم قریشی چیئرمین ایچ پی سی اے پاکستان نے کیمپ میں بطور مہمان خصوصی شرکت کی محترم ڈاکٹر امان اللہ بسمل کی صحت کے لئے خصوصی دعا کی اور بی ایم فارماسیوٹیکلز کی کاوشوں کو خراج تحسین پیش کیا
ہومیو پیتھک ڈاکٹر منور حسین مغل، ڈاکٹر محسن باجوہ ،ڈاکٹر شبیر حسین ،ڈاکٹر عدنان مالک، ڈاکٹر ارشد چوہدری نے مریضوں کا معائنہ کیا جبکہ ہومیو پیتھک لیڈی ڈاکٹر آمنہ اصغر نے ان کی معاونت کی،اس موقع پر بی ایم فارماسیوٹیکلز کے مارکیٹنگ ایگزیکٹو سرفراز احمد نے مریضوں کو ادویات دینے کے فرائض انجام دئے۔
-
صحافت کی معراج کو پہنچنا ہے تو اسکے لئے جدوجہد کرنی ہوگی،مبشر لقمان
سیالکوٹ پروفیشنل پرنٹ و الیکٹرانک میڈیا ایسوسی ایشن کی حلف برداری کی تقریب مقامی ہوٹل میں ہوئی،
سینئر صحافی و اینکر پرسن مبشر لقمان تقریب کے مہمان خصوصی تھے، دوران تقریب معزز مہمان مبشر لقمان نے ایسوسی ایشن کے عہدیداران سے حلف لیا ، اس موقع پر پروگرام کھرا سچ کے ایگزیکٹو پروڈیوسر راو اویس مہتاب، کاظم نقوی، ممتاز اعوان بھی موجود تھے، تقریب کے اختتام پر سیالکوٹ پروفیشنل پرنٹ و الیکٹرانک میڈیا ایسوسی ایشن کی جانب سے مہمانان گرامی کو یادگاری شیلڈ دی گئیں ،
مبشر لقمان نے تقریب سے خطاب کرتے ہوئے کہا کہ میں اپنے شہر سیالکوٹ آیا ہوں ، آزادی صحافت کوئی چیز نہیں، آزادی صحافت کو چھوڑیں صحافی آزاد کر دیں، کوئی صحافی آزاد نہیں، معاش کی وجہ سے پریشان ہے، صحافی ہر ایک کے لیے بات کر سکتا ہے لیکن اس کے لیے کوئی نہیں کر سکتا، صحافیوں کے مسائل ہیں تنخواہیں نہیں ملتی ۔25 پچیس سال کام کرنے کے بعد ڈاون سائزنگ کا کہہ دیا جاتا ہے اور دفتر بند ہو جاتے ہیں، تنخواہیں کم اور احسان کر کے دی جاتی ہیں یہ صحافی کی قدروقیمت ہے ، ہمیں اپنے مقام کی جستجو کرنی ہو گی، سب سے پہلے ہماری عزت ہونی چاہئے صحافی کی عزت ہونی چاہئے ، کچھ صحافیوں کا بھی قصور ہے، پریس کلب بند دو گروپس کی لڑائی کی وجہ سے بند ہوتے ہیں صحافی ہی لڑ رہے ہیں، پریس کلب میں صحافی کم اور دوسرے لوگ زیادہ ملتے ہیں، ایسی صحافت کا کیا فائدہ آپکا دفتر گھر جھگڑے میں بند کروا دیا ، سیالکوٹ وہ شہر ہے اور وہ شہری ہیں جو اپنی سڑکیں بنا لیتے ہیں حکومتی مدد کے بغیر سب کچھ کر لیتے ہیں سڑکیں بنا لیتے ہیں ، ایئر لائن بھئ بنا لیتے ہیں لیکن سیالکوٹ کے صحافی اپنا ہی پریس کلب بند کروا کر بیٹھے ہیں ، لوگ کہتے ہیں کہ صحافت آزاد ہونی چاہئے، پاکستان میں صحافت آزاد نہیں ہو سکتی، آزادی صحافت کا مطلب کسی کو برا نہیں کہنا ،
مبشر لقمان کا مزید کہنا تھا کہ جس چیز کے ساتھ اشتہار جڑ جاتا ہے وہ ڈے منایا جاتا ہے پاکستان ڈے نہیں منایا جاتا، معاشرے میں جو تفریق پیدا کرنے کی بجائے اسے ختم کرنے کی ضرورت ہے، کونسی صحافت کونسی آزادی یہ سارے ڈھنگوسلے ہیں، حقیقت یہ ہے کہ مرے بغیر جنت نہیں ملتی، صحافت کی معراج کو پہنچنا ہے تو اسکے لئے جدوجہد کرنی ہوگی ، اپنے لیے پہلے سوچیں جو اپنا اچھا نہیں کر سکتا وہ کسی اور کا اچھا نہیں کر سکتا ، اپنے ٹولز بدلیں ، سکل اپنی امپروو کریں، سوشل میڈیا پر جو میڈیم ہیں ان سے فائدہ اٹھائیں اور ایک دوسرے کو سپورٹ کریں ، 55 مقدمات میرے اوپر ایک ساتھ تھے جو ابھی تک چل رہے ہیں ، 28 ناقابل ضمانت وارنٹ اس ملک میں میرے نکل چکے ، قابل ضمانت کی بات ہی نہ کریں،
چیئرمین پروفیشنل الیکٹرانک و پرنٹ میڈیا ایسوسی ایشن سیالکوٹ خرم میر کا کہنا تھا کہ تقریب حلف برداری میں سینئر اینکر پرسن مبشر لقمان کو خوش آمدید کہتا ہوں ،ہمارے لیے اعزاز کی بات ہے کہ مبشر لقمان یہاں آئے، پروفیشنل ایسوسی ایشن آٹھ سال سے کام کر رہی ہے ، مبشر لقمان ہمارے لیے سپر سٹار ہیں انکا تقریب میں آنا ہمارے لیے باعث فخر ہے
پروفیشنل الیکٹرانک و پرنٹ میڈیا ایسوسی ایشن کے چیئرمین مجلس عاملہ شاہد ریاض کا کہنا تھا کہ ہماری تنظیم کے لئے مبشر لقمان کا آنا باعث مسرت ہے، ہم آپ سے سیکھنا چاہتے ہیں ، صحافت میں آن سے رہنمائی لیں گے، حق سچ کو عوام کے سامنے لانا بہت بڑا کام ہے، عوام کی فلاح و بہبود کے ساتھ ملکی مفاد تنظیم کا موٹو ہے عوام کے سامنے حقائق لانا ضروری ہیں۔
الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال
عمران خان، تمہارے لئے میں اکیلا ہی کافی ہوں، مبشر لقمان
عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں
-
تمام طبقات کو قومی ایجنڈے پر فوکس کرنا چاہیے،خواجہ آصف
باغی ٹی وی کی رپورٹ کے مطابق وفاقی وذیر دفاع خواجہ آصف نے کہا ہے کہ معاشی بحران سیاسی عدم استحکام کی وجہ سے ہے،
خواجہ آصف نے سیالکوٹ میں عید کے دن میڈیا سے بات کرتے ہوئے کہا کہ ملک میں اس وقت سیاسی استحکام آنا ضروری ہے، آئین کے دائرے میں رہ کر ملک میں تسلسل اور استحکام رہ سکتا ہے، معاشی و سیاسی استحکام کو ضرب ذاتی خواہشات کی وجہ سے پہنچائی جا رہی ہے، تمام طبقات کو ذاتی خواہشات کے بجائے قومی ایجنڈے پر فوکس کرنا چاہیے، سپریم کورٹ انصاف کا سب سے بڑا ادارہ ہے،اکثریتی فیصلے کو فوقیت حاصل ہوتی ہے،
خواجہ آصف کا ایک ٹویٹ میں کہنا تھا کہ عمران خان نے ایک ایسے الیکشن کی ٹکٹیں اربوں روپے کی نیلام کر دیں جس کے انعقاد کے بارے میں ابھی حتمی تاریخ مشکوک ھے۔ یہ نو سر باز کمائی کرنے کیلئے اپنے ورکروں اور پارٹی کے ساتھ بھی فراڈ کرنے باز نہیں آرہا ،اب کہہ رہا کہ اپیل کرو میں ٹکٹوں پہ نظر ثانی کرو نگا۔ یہ پھر مال پکڑے گا اور اربوں جیب میں ڈالے گا۔
زمان پارک میں غلیل بردار فورس پہنچ گئی
صدر مملکت ڈاکٹر عارف علوی اور وزیراعظم شہباز شریف نے عید کے پیغامات جاری
چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے
-
شادی سے انکار کرنے پر 5 بچوں کی بیوہ ماں کی قتل
سیالکوٹ: شادی سے انکار کرنے پر 5 بچوں کی بیوہ ماں کی قتل،ملزم فرار ہونے میں کامیاب ہو گیا-
باغی ٹی وی: ترجمان سیالکوٹ پولیس کے مطابق واقعہ تھانہ مراد پور کے علاقے چٹی شیخاں میں پیش آیا، جہاں ملزم شادی کرنے سے انکار پر 5 بچوں کی بیوہ ماں کو قتل کرکے فرار ہونے میں کامیاب ہوگیا۔
ڈیرہ غازیخان: 12 سالہ بچے سے زیادتی کرنے والے ملزمان گرفتار
پولیس کے مطابق ملزم مقتولہ صومیہ سے شادی کرنا چاہتا تھا، جس سے انکار پر اس نے تیز دھار آلے سے وار کرکے خاتون کو موت کے گھاٹ اُتار دیا مقتولہ پانچ بچوں کی ماں اور بیوہ تھی، جس کی لاش اسپتال منتقل کرکے تفتیش شروع کردی ہے۔
ترجمان کے مطابق پولیس کی جانب سے فرار ملزم کی گرفتاری کے لیے چھاپے مارے جا رہے ہیں خاتون کا قاتل جلد گرفتار کرلیا جائے گا۔
قبل ازیں اپنے سالے کو فائرنگ کرکے قتل کرنے والا اشتہاری مجرم گرفتار کر لیا گیا تھا اشتہاری مجرم شاہد کا اپنے سالے مجاہد خان کے ساتھ دودھ دہی کا مشترکہ کاروبارتھا،لین دین کے تنازعہ پراشتہاری مجرم شاہد نے فائرنگ کرکے مجاہد کو قتل کردیا تھا-
واقعہ کا مقدمہ گزشتہ سال تھانہ صدر واہ میں درج کیا گیا تھا،ایس پی پوٹھوہار محمد وقاص خان کا کہنا تھا کہ اشتہاری مجرم کو ٹھوس شواہد کے ساتھ چالان کرکے قرار واقعی سزاد لوائی جائے گی، سنگین مقدمات میں ملوث اشتہاری مجرمان کی گرفتاری لواحقین کو انصاف کی فراہمی میں مدد دیتی ہے-
اپنے سالے کو فائرنگ کرکے قتل کرنے والا اشتہاری مجرم گرفتار
علاوہ ازیں 12 سالہ یاسر نامی بچے سے زیادتی کرنے والے ملزمان گرفتار کر لئے گئے بچے کے چچا محمد بلال نے پولیس کو درخواست دی کہ یاسر ہسپتال میں دوائی لینے کے لئے آیا ہوا تھا تو ہسپتال میں موجود رشید والد دین محمد، نور ولد غلام فرید نے یاسر بعمر 12 سالہ کو ورغلا پھسلا کر بد فعلی کی نیت سے لے گئے اور چھری سے ڈرا کر دو دن تک نور محمد کے حمام میں بد فعلی کرتے رہے۔
ایس ایچ او تھانہ سول لائن معہ ٹیم نے محمد بلال کی درخواست پر کاروائی عمل میں لاتے ہوئے یاسر سے بدفعلی کرنے والے ملزمان رشید ولد دین محمد سکنہ سرور کالونی اور نور محمد ولد غلام فرید سکنہ دراہمہ کو گرفتار کر لیا ہےملزم رشید سابقہ ریکارڈ یافتہ ہے جس کے خلاف پہلے بھی مقدمہ درج ہو چکا ہے جبکہ تھانہ سول لائن پولیس نے مزید قانونی کاروائی شروع کر دی ہے۔
دوستی کا جھانسہ دے کر اغوا برائے تاوان میں ملوث خاتون گرفتار
-
دبئی سے آنیوالا طیارہ سیالکوٹ ایئرپورٹ پرخوفناک حادثے سے بال بال بچ گیا
سیالکوٹ: دبئی سے آنے والا غیر ملکی طیارہ سیالکوٹ ایئرپورٹ پر لینڈنگ کے دوران رن وے سے اتر گیا-
باغی ٹی وی : تفصیلات کے مطابق ا دبئی سےآنے والا مسافر بردار طیارہ سیالکوٹ ایئرپورٹ پرخوفناک حادثے سےبال بال بچ گیا، سیالکوٹ ایئرپورٹ پر طیارہ لینڈنگ کے دوران بے قابو ہوکر رن وے سے اتر کر شولڈر ایریا میں چلا گیا۔
دوران پرواز کاک پٹ میں پائلٹ اورمعاون کے درمیان ہاتھا پائی,دونوں معطل
ذرائع کا کہنا ہے کہ غیر ملکی ایئرلائن کا بوئنگ 777 طیارے نے شولڈر ایریا میں گھسنے کے ساتھ ساتھ رن وے کی دونوں لائٹوں کو بھی توڑ دیا تھا۔
ذرائع کے مطابق طیارے کے شولڈر ایریا اترنے کے بعد مکمل معائنہ اور کپتان کا الکحل ٹیسٹ کرانا لازمی ہوتا ہے لیکن سول ایوی ایشن نے بھی غفلت کا مظاہرہ کرتے ہوئے طیارے کو گراونڈ کئے بغیر واپس دبئی کیلئے روانہ کردیا ہے-
پی آئی اے کی پیرس سے پاکستان کیلئے انٹرنیشنل فلائٹ بند کرنے کی تیاریاں
قبل ازیں دوران پرواز طیارے کے پائلٹ اور اس کے معاون کے درمیان ہاتھا پائی کے واقعے کے بعد ایئر فرانس نے دونوں پائلٹس کو معطل کر دیا تھا ہ پائلٹ اوراس کےساتھی معاون پائلٹ کےدرمیان جھگڑا طیارہ کے ٹیک آف کےفوراً بعد ہاتھا پائی میں بدل گیا کیبن کریو نے مداخلت کی اور عملے کے ایک رکن نے پائلٹس کے ساتھ کاک پٹ میں پرواز گزاری۔
درایں اثنا ایئر فرانس کے ترجمان نے وضاحت کی کہ کیبن کے ارکان نے کاک پٹ میں شور سنا اور پائلٹ اور اس کے شریک پائلٹ کے درمیان جھگڑے کوحل کرنے کے لیے مداخلت کی یہ واقعہ گذشتہ جون میں پیش آیا تھا مگر اس کا انکشاف روان ہفتے کیا گیا-
ہم اس مشکل وقت میں پاکستان کے ساتھ کھڑے ہیں،انٹونی بلنکن
-
فیفا فٹبال ورلڈ کپ 2022 میں سیالکوٹ میں تیار ہونے والا فٹبال استعمال ہو گا
سیالکوٹ: قطر میں ہونے والے فٹ بال ورلڈ کپ 2022 میں عالمی ایونٹ میں پاکستانی کی نمائندگی ہوگی کیونکہ سیالکوٹ میں تیار ہونے والا فٹ بال ’الریحلہ‘ استعمال ہوگا-
باغی ٹی وی : سرکاری خبر رساں ایجنسی اے پی پی کے مطابق سیالکوٹ چیمبر آف کامرس اینڈ انڈسٹری کے سینئر نائب صدر شیخ زوہیب رفیق سیٹھی نے کہا ہے کہ قطر میں ہونے والے فیفا ورلڈ کپ 2022 کے میچوں میں سیالکوٹ میں تیار ہونے والا فٹ بال ’الریحلہ‘ استعمال کیا جائے گا۔
انگلینڈ نے ون ڈے کرکٹ کی تاریخ کا سب سےبڑا سکور 498 بناکراپنا ہی ریکارڈ توڑڈالا
انہوں نے کہا کہ سیالکوٹ کی معروف کمپنی فارورڈ اسپورٹس نے ایڈیڈاز کے لیے الریحلہ فٹ بال تیار کیا ہے جو فیفا فٹ بال ورلڈ کپ میں استعمال ہوگا یہ پہلا موقع نہیں ہے کہ ورلڈ کپ میں سیالکوٹ میں تیار ہونے والا فٹ بال استعمال ہو رہا ہو یہ تیسری دفعہ ہے کہ فیفا ورلڈ کپ میں فارورڈ اسپورٹس کا برانڈ استعمال کیا جائے گا۔
ایک سوال کے جواب میں شیخ زوہیب رفیق سیٹھی نے کہا کہ الریحلہ بال کو قطر کی ثقافت کے مطابق ڈیزائن کیا گیا ہے، اس کی تیاری میں استعمال ہونے والا مواد بائیو بیسڈ ری سائیکلنگ میٹریل ہے اور اس کی تیاری میں ماحول دوست پانی پر مبنی کیمیکل استعمال کیا گیا ہے فٹبال 20 پینلز پر مشتمل ہے اور اسے دنیا کے بہترین فٹ بال میں سے ایک قرار دیا گیا ہے۔
انہوں نے کہا کہ سیالکوٹ ملکی برآمدات کے حوالے سے اہم شہر ہے اوریہ دنیا بھر میں والی بال، ہاکی اسٹکس، کرکٹ بیٹ اور کھیلوں میں استعمال ہونے والا لباس سمیت کھیلوں کا سامان تیار کرنے کے لیے مشہور ہے۔
فٹبال عالمی ورلڈکپ 2026 کے لیے میزبان شہروں کا اعلان
یاد رہے فیفا ورلڈکپ 2022 کا آغاز رواں برس 21 نومبرسے ہوگا، روزانہ گروپ مرحلے کے 4 میچزکھیلےجائیں گے، ورلڈکپ کا فائنل 18 دسمبر 2022 کو لوسیل اسٹیڈیم میں ہوگا۔
دوسری جانب فیفا نے فٹبال ورلڈ 2026 کے میزبان شہروں کا اعلان کر دیا ہے، فٹبال ورلڈ کپ 2026 امریکا کینیڈا اورمیکسیکو میں ہو گا.
Your #FIFAWorldCup 2026 Host Cities:
🇺🇸Atlanta
🇺🇸Boston
🇺🇸Dallas
🇲🇽Guadalajara
🇺🇸Houston
🇺🇸Kansas City
🇺🇸Los Angeles
🇲🇽Mexico City
🇺🇸Miami
🇲🇽Monterrey
🇺🇸New York / New Jersey
🇺🇸Philadelphia
🇺🇸San Francisco Bay Area
🇺🇸Seattle
🇨🇦Toronto
🇨🇦Vancouver— FIFA World Cup (@FIFAWorldCup) June 16, 2022
2026 کا فیفا ورلڈ کپ 16 شہروں میں 80 گیمز ہوں گی، جن میں سے 60 امریکا میں کھیلے جائیں گے، جن میں امریکا میں 11، میکسیکو کے 3،اورکینیڈا کے 2 شہر شامل ہیں، 1998 کے بعد یہ پہلا موقع ہوگا کہ ٹورنامنٹ 32 ٹیموں کے فارمیٹ کے بجائے 48 ٹیموں کے ساتھ کھیلا جائے گا جبکہ پہلی بار ہی ٹورنامنٹ تین میزبان ممالک میں منعقد کیا جائے گا۔امریکا، کینیڈا اور میکسیکو کو 2018 میں 2026 کے فٹبال ورلڈکپ کی میزبانی کیلئے منتخب کیا گیا تھا اس سے قبل امریکا نے 1994 میں ورلڈ کپ کی میزبانی کی تھی جبکہ میکسیکو 1970 اور 1986 میں ٹورنامنٹ کی میزبانی کرچکا ہے۔
ون ڈے رینکنگ:بابراعظم کی پہلی پوزیشن برقرار،امام الحق نے ویرات کوہلی کو پیچھے چھوڑ دیا
-
وزیراعظم سےسیالکوٹ کےصنعتکاروں کی ملاقات،مسائل کے حل کی یقین دہانی
وزیر اعظم شہباز شریف سے سیالکوٹ چیمبر آف کامرس اور سیالکوٹ انٹرنیشنل ائیرپورٹ کے وفد کی وزیر اعظم ہاؤس میں ملاقات۔
وزیر اعظم نے تمام وفاقی وزارتوں اور صوبائی محکموں کو ہدایات جاری کیں کہ وہ سیالکوٹ کی کاروبار برادری اور سیالکوٹ انٹرنیشنل ائیرپورٹ کے مسائل کو ترجیحی بنیادوں پر حل کریں، تاکہ سیالکوٹ کی موجودہ 2.5 ارب ڈالر کی برآمدات میں خاطر خواہ اضافہ کیا جا سکے۔ انہوں نے اس سلسلے میں تمام وسائل کو بطریق احسن بروۓ کار لانے کی ہدایت کی۔
وزیر اعظم نے وزارت خزانہ، وزارت صنعت و پیداوار، سٹیٹ بینک آف پاکستان اور فیڈرل بورڈ آف ریوینیو کے حکام کو ہدایات جاری کیں کہ سیالکوٹ کے برآمد کنندگان کے لیے کاروبار دوست ماحول پیدا کرنے کے لیے سیکٹر سپیسیفک کونسلز کے قیام، سیالکوٹ انڈسٹریل زون اور ایکسپورٹ پروسیسنگ زون کی تعمیر و ترقی کو یقینی بنایا جاۓ تاکہ غیر ملکی کمپنیوں کے ساتھ اشتراک سے برآمدی شعبے کے لیے درکار خام مال کا زیادہ سے زیادہ حصہ ملکی سطح پر تیار کر کے قیمتی زر مبادلہ بچایا جا سکے۔
مزید برآں انہوں نے کراچی، لاہور اور سیالکوٹ جیسے صنعتی شہروں میں ایکسپورٹ سیکٹر کی ترقی کے لیے زیادہ سے زیادہ سرمایہ کاری کی ترغیب کے لیے صوبائی حکومتوں کے ساتھ مل کر ایک جامع حکمت عملی تیار کرنے کی بھی ہدایت کی۔
وزیر اعظم نے وزارت ریلوے و ہوابازی کے حکام کو سیالکوٹ کے برآمدکنندگان کو خصوصی کارگو ٹرینز کی فراہمی اور سیالکوٹ انٹرنیشنل ائیرپورٹ کے لیے غیر ملکی کمرشل فلائٹس کی تعداد بڑھانے کے لیے باہمی مشاورت سے قابل عمل پلان مرتب کرنے کی ہدایت کی۔ انہوں نے درآمد کنندگان اور برآمد کنندگان کی سہولت کے لیے اسلام آباد-تہران-استنبول ٹرین کی بحالی پر کام کرنے کی بھی ہدایت کی۔
انہوں نے چیف سیکریٹری پنجاب کو سیالکوٹ کی شاہراہوں، خصوصا سیالکوٹ-پسرور روڈ اور دیگر انفراسٹرکچر کے منصوبےبشمول فلائی اوور اور انڈر پاس کو جلد مکمل کرنے کی ہدایت کی۔
علاوہ ازیں وزیر اعظم نے چیف سیکرٹری پنجاب کو جدید فنی مہارتوں اور ٹیکنالوجیز میں تربیت فراہم کرنے کے لیے سیالکوٹ میں سائنس اور ٹیکنالوجی کی یونیورسٹی کے قیام اور سیالکوٹ میں سیف سٹی پراجیکٹ جلد شروع کرنے کی بھی ہدایات جاری کیں۔
ملاقات میں وزیر دفاع خواجہ محمد آصف، وزیر ریلوے و ہوابازی خواجہ سعد رفیق، وزیر خزانہ مفتاح اسماعیل اور اعلی سرکاری حکام کی شرکت۔
چیف سیکرٹری پنجاب اور گورنر سٹیٹ بینک نے وڈیو لنک کے ذریعے اجلاس میں شرکت کی۔
-
عمران نیازی ریاست پاکستان کیلئے خطرہ،قانون اپنا راستہ خود بنائیگا،وزیر داخلہ
عمران نیازی ریاست پاکستان کیلئے خطرہ،قانون اپنا راستہ خود بنائیگا،وزیر داخلہ
باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ خونی مارچ والوں نے آج سیالکوٹ میں گرجا گھر پرحملہ کیا،
وزیر داخلہ رانا ثناء اللہ کا کہنا تھا کہ عمران نیازی پہلے توہین مسجد نبوی کا مرتکب ہوا اور آج اس نے گرجا گھرکو جلسہ گاہ بنانےکی کوشش کرکےمسیحی برادری کےمذہبی جذبات کو اکسایا ہے۔ ریاست مدینہ کا نام لیکر اپنی سیاسی دکان چمکانے والا عمران نیازی ملک میں مذہبی انتشار پھیلا رہا ہے عمران نیازی ریاست پاکستان کے لئے خطرہ بن چکا ہے۔ اس کے شر سے نہ کوئی ادارہ محفوظ ہے اور نہ کوئی مسجد اورکوئی گرجا گھر۔ گرجا گھر کی جگہ جلسہ کرکے فسطائی ذہنیت کا بنی گالا میں بیٹھا ہوا ایک شخص مسیحی برادری پر اپنی حاکمیت جتانا چاہتا ہے۔
وزیر داخلہ رانا ثناء اللہ کا کہنا تھا کہ عمران نیازی اپنی اس مذموم حرکت سے مذہبی اقلیتوں کا کیا پیغام دینا چاہتا ہے؟ ریاست ہر صورت اپنی اقلیتوں کا تحفظ کرے گی اور انکے مذہبی مقامات کو سیاسی مقاصد کیلئے استعمال نہیں ہونے دیگی۔ چرچ کی جگہ کو سیاسی جماعت کے جلسہ گاہ کی اجازت نہ دینے کے مسیحی برادری کے فیصلے کو ریاستی تحفظ دینا قانونی اداروں کی ذمہ داری ہے۔ ریاست پاکستان کسی بھی جماعت کو دھونس اور زبردستی سے ملک میں ملوکیت نافذ کرنے کی ہر گز اجازت نہیں دے سکتی، میں عمران نیازی کو خبردار کرتا ہوں کہ ملک کے کسی بھی حصے میں نقض امن پیدا کرنے کی صورت میں قانون اپنا راستہ خود بنائے گا۔
قبل ازیں وزیراعلیٰ پنجاب حمزہ شہباز کا کہنا ہے کہ سیالکوٹ جلسے کرنے پر اقلیتی برادری کو اعتراض ہے،مسیحی برادری نے سیالکوٹ جلسہ کرنے پر تحفظات کااظہار کیا پی ٹی آئی والےاقلیتی برادری کی جگہ چھوڑ کر کسی اور مناسب جگہ پر جلسہ کرلیں،
وفاقی وزیر اطلاعات مریم اورنگزیب کا کہنا ہے کہ فاشسٹ اورکرپٹ کو عوام جگہ نہیں دینا چاہتے تو اس میں حکومت کہاں سے آگئی؟ اگر لوگ نجی ملکیتی جگہ دینے کو تیار نہیں تو اس میں رانا ثنا اللہ کا کیا قصور ہے؟ عمران خان یہ چاہتے ہیں کہ زبردستی سے نجی ملکیت پر جلسے کا بندوبست کیاجائے،عمران خان اور ان کی جماعت مسیحی برادری اور ان کے مذہبی جذبات کا احترام کرے ،حکومت مسیحی کمیونٹی کے احتجاج کو نظر انداز نہیں کرسکتی پی ٹی آئی کو اسپورٹس جمنازیم پسرور پر جلسہ کرنے کی تجویز کیوں قبول نہیں؟ عمران خان صرف ڈرامہ کرنا چاہتے ہیں، ان کا مقصد صرف تماشا لگانا ہے
وفاقی وزیر ریلوے خواجہ سعد رفیق کا کہنا ہے کہ سیالکوٹ میں چرچ کی ملکیتی گراؤنڈ میں زبردستی جلسہ کرنا اقلیتوں کودبانے کی کوشش ہے،جلسہ ضرور کرو ،بونگیاں مارو، انتظامیہ جگہ دینے کو تیار ہے کسی کی پرائیویٹ پراپرٹی اسکی مرضی کے بغیر استعمال کرنا بدمعاشی ہے جمہوریت نہیں
وفاقی وزیر دفاع خواجہ آصف کا کہنا تھا کہ سیالکوٹ میں چرچ کی پراپرٹی پر بغیر اجازت کےجلسہ نہیں ہوسکتا عدالت نے بھی روکا ہو تو کسی اور جگہ جلسہ ہوسکتا ہے،ن لیگ کا قطعی طور پر اسمیں کوئی کردار نہیں جلسہ کرنا بنیادی جمہوری حق ہے اور اسمیں رکاوٹ ڈالنا ہمارا شیوہ نہیں ،ہم اپنےمخالفین کے حقوق کے تحفظ کےبھی حامی ہیں،
دوسری جانب ن لیگی رہنما عطاء اللہ تارڑ کا کہنا ہے کہ پی ٹی آئی والے سیالکوٹ اسٹیڈیم میں جلسہ کیوں نہیں کرتے،چرچ کی زمین پر جلسہ کرنے کی اجازت نہیں دیں گے، مسیحی برادری کے جذبات مجورح نہیں ہونے دیں گے یہ سیاسی نہیں بلکہ مذہبی مسئلہ ہے، ہم پی ٹی آئی کا بھرپور تعاون کریں گے اگر یہ سیالکوٹ اسیٹڈیم میں جلسہ کریں، اگر سیاسی رہنماؤں کی گرفتاریاں بھی عمل میں لانی پڑیں تو کریں گے،فواد چودھری کو کہتا ہوں چھوٹی موٹی دیہاڑیاں لگانا بند کر دیں، فواد چودھری آج بھی کیسز کی فیس میں کمیشن کھاتا ہے، پچھلے وزیر اعظم نے ملک کو دونوں ہاتھوں سے لوٹا،اگلی دفعہ جہلم میں فواد چودھری کو چھپنے کی جگہ نہیں ملے گی،
مسلم لیگ ن کی رہنما مریم نواز کا کہنا تھا کہ تمام اقلیتوں کے حقوق کی رکھوالی کرناحکومت کی اولین ذمہ داری ہے،مسیحی برادری احتجاج کررہی ہے کہ چرچ کی گراونڈ میں جلسہ عبادت گاہ کی توہین ہے جلسہ کرنا آپ کا حق ہےمگر مذہبی جذبات کو ٹھیس پہنچانے کی اجازت نہیں ہوگی
شفقت محمود نے حکومت پنجاب کو وارننگ جاری کر دی
تحریک انصاف کے رہنما عثمان ڈار سمیت متعدد افراد زیرحراست-
عبادتگاہ کی جگہ پرپی ٹی آئی کا جلسہ،لاہور ہائیکورٹ کا حکمنامہ جاری،مسیحی برادری کا احتجاج
عبادتگاہ کیلئے مختص جگہ کو پی ٹی آئی کے سیاسی مقاصد کیلئے استعمال نہیں کرنے دینگے،ڈاکٹر مجید ایبل
عبادتگاہ کی جگہ پر جلسہ،مسیحی برادری کا احتجاج، باغی ٹی وی کی لمحہ بہ لمحہ کوریج
سیالکوٹ جلسہ، پی ٹی آئی کے گرفتار رہنما و کارکنان کو رہا کر دیا گیا
-
سیالکوٹ جلسہ، پی ٹی آئی کے گرفتار رہنما و کارکنان کو رہا کر دیا گیا
پاکستان تحریک انصاف کے مرکزی قاٸدین کو رہا کردیا گیا
تحریک انصاف کے رہنماؤں کو تھانہ لیسر کلاں سے واپس سیالکوٹ روانہ کردیا گیا مرکزی قاٸدین میں عثمان ڈار حافظ حامدرضا اور درجنوں کارکنان بھی شامل ہیں، پی ٹی آئی کی مقامی قیادت بھی قاٸدین کے ہمراہ جلسہ گاہ کی طرف روانہ ہو گئی ہے، رہائی کے بعد عثمان ڈار کا کہنا تھا کہ جلسہ ہو کر رہے گا، لوگ نکلیں گے، ہم حکومت کو جواب دیں گے، روک سکو تو روک لو،
تحریک انصاف نے مسیحی عبادتگاہ کی جگہ جلسے کا اعلان کیا تھا تا ہم حکومت کی جانب سے اجازت نہ ملی، تحریک انصاف نے زبردستی جلسے کی کوشش کی تو حکومت ایکشن میں آئی اور گرفتاریاں کیں، جس کے بعد اب تحریک انصاف نے جلسے کا مقام بدل لیا ہے، پی ٹی آئی نے سی ٹی آئی گراؤنڈ کی جگہ وی آئی پی گراؤنڈ میں جلسے کا اعلان کر دیا
وی آئی پی گروانڈ میں جلسہ کی تیاریاں شروع کر دی گئی ہیں،کنٹینر کرسیاں اور لائٹس گراؤنڈ میں پیچھا دی گئیں،پی ٹی آئی رہنما محمود الرشید کا کہنا ہے کہ 10ہزار کرسیاں خواتین کے لیے لگائی جا رہیں ہیں جلسے کے انتظامات کا جائزہ لینے کے لیے محمود الرشید نے گروانڈ کا دورہ کیا،ڈی پی او سیالکوٹ کا کہنا ہے کہ جلسہ کے انعقاد کے لیے بھرپور سیکیورٹی فراہم کی جائے گی، عمران خان کو ان کے رتبے کے مطابق سیکیورٹی مہیا کی جائے گی
شفقت محمود نے حکومت پنجاب کو وارننگ جاری کر دی
تحریک انصاف کے رہنما عثمان ڈار سمیت متعدد افراد زیرحراست-
عبادتگاہ کی جگہ پرپی ٹی آئی کا جلسہ،لاہور ہائیکورٹ کا حکمنامہ جاری،مسیحی برادری کا احتجاج
عبادتگاہ کیلئے مختص جگہ کو پی ٹی آئی کے سیاسی مقاصد کیلئے استعمال نہیں کرنے دینگے،ڈاکٹر مجید ایبل
عبادتگاہ کی جگہ پر جلسہ،مسیحی برادری کا احتجاج، باغی ٹی وی کی لمحہ بہ لمحہ کوریج