Tag: سیلاب

وزیراعلیٰ پنجاب چوہدری پرویز الٰہی نے کہا کہ وزیراعظم شہباز شریف جس احسن طریقے سے پیسے مانگ سکتے ہیں کوئی اور نہیں مانگ سکتا۔

لاہور پریس کلب میں تقریب سے خطاب کرتے ہوئے وزیراعلیٰ چوہدری پرویز الٰہی کا کہنا تھا کہ صحافیوں کی بہبود کے لیے کوششیں جاری رکھیں گے، صحافیوں کی بہبود کے لیے ایسے قوانین بنائیں گے جو کوئی حکومت تبدیل نہ کر سکے، پریس کلب کے ممبر صحافیوں کے لیے آپریشن بھی فری کرنے کا اعلان کرتا ہوں۔

چوہدری پرویز الٰہی نے کہا کہ سیلاب زدگان کی بحالی کے لیے بھرپور کوششیں جاری ہیں، سیلاب متاثرین کے گھروں کی تعمیر کے لیے نقد رقوم دی جائیں گی، سیلاب متاثرین کے گھر بنانے کیلئے 8 سے10 لاکھ روپے امداد دی جائے گی۔

ان کا کہنا تھا کہ عمران خان کی قیادت میں پنجاب حکومت سب کو سکھ دے گی، عمران خان کی ٹیلی تھون میں اب تک ڈھائی ارب روپیہ اکٹھا ہوا ہے، سیلاب متاثرہ علاقوں میں خوراک پر 40 فیصد سبسڈی دیں گے اور ہر زمیندار کو سولر پمپ کی سہولت فراہم کی جائے گی، صحت کارڈ بہترین اور اچھی اسکیم ہے، اس پر عمل درآمد کے لیے بھی کام کریں گے۔

وزیراعلیٰ پنجاب کا کہنا تھا کہ شہباز شریف جس احسن طریقے سے پیسے مانگ سکتے ہیں کوئی نہیں مانگ سکتا۔

ایوان وزیراعلیٰ پر تیتر بٹیر اور ہرن گوشت کے من و سلویٰ کی بارشیں اور کروڑوں روپے کی لگژری گاڑیوں کی مبینہ خریداری ۔ جنوبی پنجاب سمیت سندھ بلوچستان اور خیبر پختون خواہ میں سیلاب زدگان کی بدحالیاں اور عالمی طاقتوں سے امداد کی اپیلیں۔ نگر نگر جلسے جلوسوں میں آزادی اور آزاد بیورو کریسی کی عوامی شکایات اور مسائل سے اظہار تعلقی یہ وہ مناظر ہیں جو قومی افق پر بیک وقت نظر آرہے ہیں اور ان سب حالات و واقعات کا بیک وقت تسلسل سے ظہور پذیر ہوتے رہنا اس طرف اشارہ کر رہا ہے کہ ارباب اقتدار عوام کو بے وقوف سمجھ رہے ہیں۔ اسلام آباد اورپنجاب کی پولیس اور انتظامیہ کو اپنی سرد جنگ میں الجھا کر شہریوں کو چوروں، ڈکیتوں، لینڈ مافیا، قبضہ مافیا کے سپرد کر دیا گیا اب تو نوبت یہاں تک آپہنچی بڑے بڑے پولیس افسران اور سول انتظامیہ لینڈ مافیہ سے پلاٹ بطور گفٹ لے کر قبضوں اور سرکاری زمین پر قبضوں کی اجازت بھی دے رہی ہے۔

سپریم کورٹ کے واضح احکامات کے باوجود زرعی زمینوں پر ہائوسنگ سوسائٹیز بنائی جا رہی ہیں۔ پی ڈی ایم اور تحریک انصاف کی حکمرانی کے نیچے یہ غیر قانونی کام دن کی روشنی میں ہور ہے ہیں۔ قانون کی حکمرانی کا نعرہ لگانے والوں نے قانون کی حکمرانی کی رٹ کو قائم کرنیوالے اعلیٰ پولیس افسران کو اور سول انتظامیہ کے افسران کو کھڈے لائن لگا دیا جبکہ قانون شکنوں کی پشت پناہی کرنیوالوں کو اعلیٰ عہدوں پر بٹھا دیا ہے اور کمال یہ ہے کہ آج کے حکمران تنقید کا نشانہ پاک فوج اور اس سے جبڑے قومی سلامتی کے اداروں کو بنا رہے ہیں۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

کیا کرپٹ اور بددیانت اعلیٰ پولیس کے افسران اور سول انتظامیہ کے آفیسران کی تعیناتی جن کا برائے راست رابطہ عوام سے رہتا ہے وہ پاک فوج کرتی یا سول حکمران؟ لیکن کیا کہا جائے اور یہ ایک حقیقت ہے جب ملک و قوم کے معاملات کی خبر رکھنے والے حالات و واقعات کا درست تجزیہ نہ کر سکیں تو اچھی بھلی باوقار غیرت مند قوم بھی مصائب و آلام اور آزمائش و ابتلاء کا شکار ہوجاتی ہے۔

آج کے سیاستدانوں کی تاریخ لکھنے والا کیا تاریخ لکھے گا؟ یاد رکھئے اپنی قوم کو مایوس کرنیوالے ان کے یقین اعتماد اور بھروسے کو توڑنے والے نہ تو کہیں تاریخ کے صفحات میں جگہ پاتے ہیں اور نہ ہی قوم انہیں یاد رکھتی ہے ان کی حیثیت ان لوگوں کی سی ہوتی ہے جنہیں ایک اتفاق ایک حادثہ ایوان اقتدار میں پہنچاتا ہے تو دوسرا اتفاق ایوان اقتدار سے اٹھا کر تاریخ کے کوڑے دان میں پھینک دیتا ہے۔

وفاقی وزیرتوانائی خرم دستگیرنے کہا کہ سیلاب سے بجلی کا نظام بھی متاثر ہوا،سیلاب سے بجلی سپلائی میں رکاوٹ آئی تھی،سیلاب سے متاثرہ بجلی کا نظام مکمل بحال کر دیا ہے،دن رات کی محنت کے بعد بجلی کا نظام بحال کیا گیا ہے.

گوجرانوالہ میں پریس کانفرنس سے خطاب کرتے ہوئے وزیرتوانائی خرم دستگیر کا کہنا تھا کہ اب صرف معمول کی لوڈشیڈنگ کی جا رہی ہے ،دادو کا گریڈ اسٹیشن بلوچستان اور جنوبی سندھ کی سپلائی کیلئے بہت اہم ہے،دادو کے گریڈ اسٹیشن پر خطرہ ابھی بھی موجود ،پانی کا ریلا اس کی طرف بڑھ رہا ہے،ہم دادو گریڈ اسٹیشن کو بچانے کی بھرپور کوشش کررہے ہیں،دادو شہر چاروں طرف سے پانی میں گھیرا ہوا ہے.

خرم دستگیرنے کہا کہ ملک میں خسارے والے فیڈرز میں معمول کی لوڈشیڈنگ جاری ہے،کچھ لوگ اس ملک میں فساد پھیلانے چاہتے ہیں، خیبر پختونخوا میں سیلاب سے بجلی کے کھمبے بھی پانی میں بہہ گئے تھے،یہ سیاست کا نہیں بلکہ سیلاب متاثرین کی مدد کرنے کا وقت ہے،سیلاب متاثرین کی بحالی کی حکومت اپنا کام کر رہی ہے،کسی جتھے کے پاس جلسے کیلئے 10 کروڑ ہیں تو بہتر یہی تھا کہ وہ سیلاب متاثرین کیلئے استعمال ہوتے،سیلاب متاثرین کیلئے حکومت پنجاب کے پاس پیسے نہیں.

انہوں نے کہا کہ حکومت پنجاب کے پاس وزرا کیلئے نئی گاڑیاں خریدنے کیلئے30کروڑ روپے موجود ہیں،ہم نے ملک کو دیوالیہ ہونے سے بچایا ایک دن بھی پیٹرول کی شارٹیج نہیں ہوئی،بجلی کے بلوں کا بہت دکھ تھا مگر وزیر اعظم نے فوری طور پر ریلیف دیا،بجلی کی قیمت نیچے آئیگی، تمام اسٹیشن چلا کر لوڈشیڈنگ کو کنٹرول رکھا، کل خبر آئی ان کے دور میں یوٹیلٹی اسٹور میں 6ارب روپے کا گھپلا ہوا،ان کے دور میں کویڈ فنڈز میں کم ازکم 140ارب روپے کا گھپلا ہوا ہے،300یونٹ والوں کو ریلیف فوری طور پر دیدیا ہے ،ہم نے متاثرین کو گھر بنا کر دینے ہیں، کروڑوں لوگوں کو کھانا فراہم کرنا ہے، تحریک انصاف کا فتنہ اور فساد جلد عوام کے سامنے بے نقاب ہوجائے گا.

راجن پور کی خاتون کو مقامی سرداروں کے خلاف آواز بلند کرنا مہنگا پڑگیا۔اطلاعات کے مطابق گزشتہ دنوں خاتون نے امداد نہ ملنے پر مقامی سرداروں کے خلاف بیان دیا تھا جس کی خبر جیو نیوز پر بھی نشر ہوئی تھی۔

اب خاتون کو مقامی سرداروں کے خلاف آواز بلند کرنا مہنگا پڑگیا اور بااثر افراد کی جانب سے دھمکیاں ملنے لگیں۔سیلاب متاثرہ خاتون کی نئی ویڈیو سوشل میڈیا پر وائرل ہوگئی۔ خاتون نے حکومت سے تحفظ کی اپیل کی ہے۔

یاد رہے کہ چند دن پہلے ایک ویڈیو وائرل ہوئی تھی جس کو دیکھنے اور سننے کے بعد بڑے سے بڑے پتھر دل بھی ریزہ ریزہ ہوگئے ہیں ،ایک ماں جوسیلاب میں گھرے ہوئے اپنے بچوں کے لیے ایک وقت کی روٹی کےلیے در در کی ٹھوکریں کھارہی ہے

اے پروردگار امیرغریبوں کو نہیں جینے دے رہے،ان ظالموں کے ہاتھوں رسوائی سے بہتر ہے کہ ہمیں موت دے دے
دل چیر دینے والے الفاظ سیلاب متاثرہ فاضل پور کی رہائشی اس خاتون نے مقامی وڈیروں ،وفاقی حکومت اور صوبائی حکومت پنجاب کے ضمیر جگانے کے لئے ایسے الفاظ کہے کہ کلیجہ پھٹنے کو آتا ہے pic.twitter.com/c0Ab1EonVF

— M@A@Tahir (@PakFirst_) September 7, 2022

اس ویڈیو میں بے بس یہ ماں اللہ کے دربار میں ہاتھ اٹھائے ہوئے اپنی اوراس علاقے کے دیگرغریبوں کی بے بسی پرخون کے آنسو روتی ہےاوراللہ کے حضور درخواست کرتی ہے کہ اللہ بڑی بے بس ہوں‌ کل سے راجن پور،فاضل پور اوردیگرمقامات پرماری ماری پھر رہی ہوں‌ کوئی میرے بچوں کے لیے ایک وقت کی روٹی ہی نہیں‌ دے رہے ،

یہ خاتون اس علاقے کے وڈیروں کے ظلم وزیادتی پرحکمرانوں کی آنکھیں‌ کھول رہی ہیں اور کہتی ہیں کہ ہم غریب بلوچ لوگ در در کی ٹھوکریں کھا رہے ہیں مگر یہاں کے دریشک سردار جو کچھ حکومت اوردیگرتنظیموں سے ملتا ہے وہ لے کراپنے ہی لوگوں میں بانٹ رہے ہیں ان کو کسی کی پرواہ نہیں ہے ، ، یہ خاتون کہتی ہیں کہ ہم ان حالات میں کدھر جائیں گے ،

یہ خاتون رو رو کراللہ کے حضور دعا کرتی ہےکہ ایسی بے بسی کی زندگی سے بہتر ہے کہ اے اللہ تو غریبوں کو ہی موت دے دے تاکہ یہ ان وڈیروں کے ہاتھوں بار بار رسوائی سے تو بچ جائیں ، کہ خاتون مزید کہتی ہیں کہ پتہ نہیں کہ ان ظالموں کو قبر بھی نصیب ہونی ہے یا کہ نہیں‌ یا کفن بھی ملنا ہے یا نہیں لیکن یہ یہاں غریبوں کا حق چھین کرلے جارہے ہیں ،یہ خاتون اپنے بچوں کی آہ وبکا کا ذکر کرتے ہوئے اللہ کے حضور روتے ہوئے دعا کررہی ہے کہ اس کے بچے بھوکے ہیں‌ ، سیلاب میں گھر ے ہوئے ہیں ، کوئی سائے کے لیے چیز نہیں ، پینے کے لیے پانی نہیں اورپیٹ کی آگ بجھانےکے لیے کھانا نہیں ، ہےکوئی جو اس دکھیا بیچاری ماں کے بھوکے بچوں کو ایک وقت کی روٹی دے سکے