اردوادب ممتاز شاعر ، ڈرامہ نگار، فلم ساز اور ٹیلی ویژن کے کردار جیدی سے شہرت حاصل کرنے والے سئینر اداکار اطہر شاہ خان جیدی انتقال کر گئے
باغی ٹی وی : پاکستان شوبز انڈسٹری کے سئینئر اور لیجنڈری اداکار اطہر شاہ خان جیدی انتقال کر گئے وہ کئی برس سے ذیابیطس اور گردے کے امراض میں مبتلا تھے اداکارنے لاہور سے ابتدائی تعلیم حاصل کرنے کے بعد پشاور سے سیکنڈری تک پڑھا اور پھر کراچی میں اُردو سائنس کالج سے گریجویشن کیا بعدازاں انہوں نے پنجاب یونی ورسٹی سے صحافت کے شعبے میں ماسٹرز کیا ان کا شمار ٹیلی ویژن کے ابتدائی ڈرامہ نگاروں اور فن کاروں میں کیا جاتا ہے
اطہر شاہ خان جیدی کی سپرہٹ ڈرامہ سیریلز میں انتظار فرمائیے، ہیلو ہیلو، برگر فیملی، آشیانہ، آپ جناب، جیدی اِن ٹربل، پرابلم ہائوس، ہائے جیدی، بااَدب با ملاحظہ ہوشیار اور متعدد ڈرامے شامل ہیں
انتظار فرمائیے ان کے کرئیر کی وہ سیریل تھی جس نے اطہر شاہ خان کو ’جیدی‘ بنا کر شہرت کی بلندیوں پر پہنچا دیا تھا
2001ء میں انہیں حکومت پاکستان کی جانب سے پرائیڈ آف پرفارمنس ایوارڈ سے نوازا گیا پاکستان ٹیلی ویژن(پی ٹی وی ) نے جب اپنی سلور جوبلی منائی تو اطہر شاہ خان جیدی کو گولڈ میڈل عطا کیا
اللہ تعالی اطہر شاہ خان جیدی کی مغفرت فرمائے اور درجات بلند کریں آمین ثم آمین
کامیڈین محمود کے والد، کریکٹرایکٹر اور ڈانسر ممتاز علی کی 46 ویں برسی آج