Tag: شام

اپوزیشن اور اس کے اتحادیوں نے ملک کے سب سے بڑے شہر حلب کے بیشتر حصوں پر قبضہ کرلیا ہے۔

باغی ٹی وی : عرب میڈیا کے مطابق شامی باغی شمالی علاقوں حلب اور ادلب میں داخل ہوگئے ہیں، باغیوں نے شامی فوج کے اڈے اور حلب ائیرپورٹ سمیت کئی اہم علاقوں پر قبضےکا دعویٰ کیا ہے شامی فوج شمالی شہر حماہ سے بھی پیچھے ہٹ گئی ہے،شامی باغیوں کے حملے میں درجنوں شامی فوجی مارے جانےکی بھی اطلاعات ہیں۔

2016 کے بعد یہ پہلا موقع ہے کہ حلب پر سرکاری فوج کا کنٹرول ختم ہوچلا ہے جھڑپیں جاری ہیں اور روسی لڑاکا طیاروں نے حلب کے کئی علاقوں پر حملے کیے ہیں،اطلاعات کے مطابق حلب کے گورنر، پولیس کی لیڈرشپ اور سیکیورٹی برانچز شہر کے وسط سے نکل گئے ہیں،شام میں مسلح دھڑے حلب کے اندر نئے محلوں کو کنٹرول کرنے کے بعد حلب شہر اور اس کے مرکز تک پہنچ گئے ہیں جن میں الحمدانیہ، نیو حلب، صلاح الدین اور سیف الدولہ شامل ہیں۔

شام کے معاملات پر نظر رکھنے والے انسانی حقوق کے برطانوی ادارے سیریئن آبزرویٹری فار ہیومن رائٹس کے مطابق 2016 کے بعد روس نے پہلی مرتبہ حلب پر فضائی حملے بھی کیے ہیں ملک میں بدھ سے شروع ہونے والی لڑائیوں میں اب تک 20 عام شہریوں سمیت 300 سے زیادہ افراد ہلاک ہوچکے ہیں۔

برطانوی خبر رساں ادارے نے شامی فوج کے ذرائع کے حوالے سے بتایا ہے کہ اتھارٹیز نے حلف کا ایئر پورٹ بند کردیا ہے۔ شہر کی طرف آنے والے تمام راستے بند کردیئے گئے ہیں لوگوں میں شدید خوف و ہراس پایا جاتا ہے۔

دوسری طرف شامی فوج نے ایک بیان میں کہا ہے کہ وہ حلب اور ادلب گورنریوں پر بڑے حملے کا مقابلہ کر رہی ہے حلب اور ادلب پر حملے میں مسلح دھڑوں نے بھاری اور درمیانے درجے کے ہتھیاروں اور ڈرونز کا استعمال کیا ان کی فوج نے حلب اور ادلب پر حملوں کا مقابلہ کرتے ہوئے ان مسلح گروہوں کو بھاری نقصان پہنچایا اور درجنوں گاڑیاں اور ڈرون تباہ کر دیے۔

شامی سکیورٹی ذرائع نے اے ایف پی کو بتایا کہ شہر میں فوجی کمک پہنچ گئی ہے۔

حلب شہر کے مرکز اور گردونواح میں شامی فوج اور مسلح دھڑوں کے درمیان ابھی تک لڑائی جاری ہے،دھڑوں کا کہنا ہے کہ وہ حلب کے محلوں میں داخل ہوئے جبکہ شامی فوج نے تصدیق کی کہ اس نے حملے کا جواب دیا اور عسکریت پسندوں کو بھاری نقصان پہنچایا۔

واضح رہےکہ 2016 میں شامی صدر بشارالاسد کی افواج نے حلب سے باغیوں کو نکال دیا تھا اس کے بعد سے یہاں پر کوئی بڑا حملہ نہیں ہوا۔

انقرہ میں دفاعی کمپنی کے ہیڈ کوارٹر پر حملے کے ردعمل میں ترکیہ نے عراق اور شام میں کردعسکریت پسندوں کے ٹھکانوں پربمباری کردی۔

باغی ٹی وی : ترک میڈیا کے مطابق ترکیہ کی جوابی کارروائی میں کرد عسکریت پسندوں کے 30 اہداف کو نشانہ بنایا گیا ہےدفاعی کمپنی کے ہیڈ کوارٹر پر حملے میں کردستان ورکرز پارٹی (PKK) کے اراکین کے ملوث ہونے کا شبہ ظاہر کیا گیا تھا۔

ترکیہ کے وزیر داخلہ علی یارلیکایا کا کہنا تھا کہ حملہ آور ایک خاتون اور مرد کو ماردیا گیا ہے، دہشتگردوں کے حملے میں 5 افراد جاں بحق اور 22 زخمی ہوئے تھے جن میں سے 3 کی حالت تشویشناک ہے،حملے میں ملوث دہشتگردوں کی شناخت کی کوشش جاری ہے۔

پاکستان کی جانب سے انقرہ میں ہونے والے بزدلانہ حملے کی شدید مذمت

ترک میڈیا کے مطابق جاں بحق افراد میں کمپنی میں کوالٹی کنٹرول کا افسر، مکینیکل انجینئر، ملازم ، سکیورٹی گارڈ اور ٹیکسی ڈرائیور شامل ہیں حملہ ایسے وقت کیا گیا جب سکیورٹی اہلکاروں کی ڈیوٹی تبدیل ہوئی تھی، حملہ آور ٹیکسی میں سوار ہوکر آئے تھے۔

حملے کی سی سی ٹی وی ویڈیوز میں دیکھا جاسکتا ہے کہ مسلح مرد اور خاتون ترکیہ کی ائیروسپیس انڈسٹریز کے ہیڈ کوارٹر میں داخل ہوئے اور فائرنگ کردی،عمارت سے دھماکے کی آواز بھی سنائی دی گئی تھی دعویٰ کیا گیا تھا کہ مسلح افراد کے داخل ہونے سے پہلے عمارت کے دروازے پر خودکش حملہ کیا گیا تھا۔

آزاد جموں و کشمیر کا 77 واں یوم تاسیس ملی جوش و خروش کے …

شام پر اسرائیل کے ایک فضائی حملے میں حزب اللہ کے سابق سربراہ شہید حسن نصر اللہ کے داماد حسن جعفر قصیر شہید ہوگئے۔

باغی ٹی وی: عرب میڈیا کے مطابق حسن نصر اللہ کے داماد حزب اللہ کے سینیئر رکن اور یونٹ 4400 کے کمانڈر محمد جعفر قصیر کے بھائی تھے حزب اللہ کے داماد حسن جعفر قصیر ایک روز قبل ہی شام کے دارالحکومت پہنچے تھے ،حسن نصر اللہ کے داماد کے بھائی محمد جعفر قصیر کو بھی گزشتہ روز فضائی حملے میں شہید کیا گیا تھا۔

اسرائیل کا دعویٰ ہے کہ محمد جعفر قصیر ایران کے نہایت قریب تھے اور ایران سے جنگی اسلحہ لانے کے ذمہ دار تھے۔

دوسری جانب اسرائیلی فوج نے لبنان کے دارالحکومت بیروت کے مرکزی علاقے میں پارلیمنٹ سے محض کچھ میٹر فاصلے پر ایک عمارت پر فضائی حملہ کیا ہے جس میں کم از کم پانچ افراد شہید اور متعدد زخمی ہوئے ہیں۔

خیال رہے کہ بدھ کو ایران نے اسرائیل کی جانب 180 میزائل داغے تھے جبکہ شمالی لبنان میں اسرائیلی کی زمینی کارروائی کے دوران اس کے آٹھ فوجی ہلاک ہوئے تھے۔

لبنان کے حکام کا کہنا ہے کہ اسرائیل کے فضائی حملے میں مرکزی بیروت کی ایک عمارت کو نشانہ بنایا گیا جس میں پانچ افراد ہلاک ہوئے، اسرائیلی فوج کا کہنا ہے کہ اس عمارت میں حزب اللہ سے منسلک ایک طبی مرکز قائم تھا۔

دوسری جانب یمن سے حوثیوں نے تل ابیب میں پانچ ڈرون حملے کیے جس سے اسرائیل کا دارالحکومت دھماکوں سے گونج اٹھازمینی کارروائی میں ناکامی پر صہیونی فوج کے لبنان پر فضائی حملے کیے اور چوبیس گھنٹے میں چھیالیس سے زائد شہری شہید کردیےلبنانی سرحد کے قریب شیلنگ میں مصروف اسرائیلی ہیلی کاپٹر پرحزب اللہ کا جوابی حملہ ہونے پر ہیلی کاپٹر رفوچکر ہوگیا۔

شام میں ایک لاکھ سے زائد غیر ملکی جنگجو ایران کے پاسدارن انقلاب کے زیر کمانڈ تعینات ہیں۔

باغی ٹی وی کو موصول عرب میڈیا کی رپورٹ کے مطابق لبنان اور شام میں موجود ایران نواز ملیشیا گروپوں پر رپورٹ میں کہا گیا ہے کہ 70 سے زائد ملیشیا گروپ شام میں دیرالزور، بوکمال سمیت بیروت و دیگر علاقوں میں تعینات ہیں۔ رپورٹ کے مطابق فاطمیون ملیشیا میں 3 ہزار افغان جنگجو بھی شامل ہیں۔ ملیشیا گروپ زینبیون بیروت اور گردونواح میں تعینات ہے۔رپورٹ کے مطابق عراقی حزب اللّٰہ کے تحت 7 ہزار جنگجو لبنان میں ہیں، عراق کے لواء ابوالفضل العباس، تحریک نجباء، عصائب اہل الحق اور الوعدالصادق بریگیڈز بھی شامل ہیں۔ سرایا طلیعہ الخرسانی کے 5 ہزار جنگجو عراق اور شام میں پھیلے ہوئے ہیں۔ رپورٹ کے مطابق محمد باقر الصدر ملیشیا کے جنگجو شام کی سرکاری پولیس میں شامل ہیں۔ رپورٹ کے مطابق پاسدارن انقلاب کی القدس بریگیڈز کے ڈھائی سے تین ہزار ایرانی جنگجو بھی شام میں تعینات ہیں۔

کراچی پولیس چیف کی زیر صدارت سیف سٹی پروجیکٹ سے متعلق اجلاس
جسٹس طارق جہانگیری ڈگری کیس؛ جامعہ کراچی نے اپنا جواب جمع کروا دیا

تہران:شام میں امریکی فوجی اڈےپرڈرون حملہ کیا گیا –

باغی ٹی وی: ایرانی میڈیا کے مطابق شام میں ڈرون حملہ کونیکوآئل فیلڈ میں قائم امریکی فوجی اڈے پر کیا گیا،جس کے بعد زوردار دھماکا بھی سنا گیا، ڈرون حملے سے اب تک کسی جانی نقصان کی اطلاع نہیں ملی، امریکی اڈے پر ہونے والے ڈرون حملے کی ذمہ داری اب تک کسی نے قبول نہیں کی۔

واضح رہے کہ جمعہ کو لبنان کے دارالحکومت بیروت میں ہونے والے اسرائیلی حملے میں حزب اللہ سربراہ حسن نصر اللہ شہید ہوگئے، دوسری جانب لبنان بارڈر پر اسرائیلی فوج کی نقل و حرکت دیکھی گئی، اس حوالے سے عرب میڈیا کا کہنا ہے کہ یہ نقل وحرکت زمینی کارروائی کا پیش خیمہ ہو سکتی ہے،غیر ملکی خبر رساں ادارے کی رپورٹ کے مطابق لبنان پر اسرائیل کے حملے جاری ہیں، ہفتے کے روز حملوں میں 33 افراد شہید اور 195 زخمی ہوگئے، اسرائیلی حملوں سے تقریباً 10 لاکھ لبنانی بے گھر ہو چکے ہیں۔

بیروت: شام کی خاتون اول اسماء الاسد میں خون کے کینسر کی تشخیص ہوئی ہے۔

باغی ٹی وی: شام کے صدارتی محل کی جانب سے جاری بیان میں بتایا گیا ہے کہ خاتون اول اسماء الاسد خون کے کینسر میں مبتلا ہیں،خاتون اول ایک خصوصی طریقہ علاج سے گزریں گی جس میں انفیکشن سے بچنے کے لیے سماجی دوری کی ضرورت ہوتی ہے،طبی ماہرین نے خاتون اوّل کو تمام مصروفیات روکنے کی ہدایات کر دی ہیں۔

واضح رہے کہ 48 سال کی اسماء الاسد کو 2018 میں چھاتی کا ابتدائی کینسر تشخیص ہوا تھا تاہم 2019 میں انہوں نے ٹی وی انٹرویو میں کہا تھا کہ وہ کینسر سے شفایاب ہوگئی ہیں۔

اسماء الاسد برطانیہ میں پیدا اور پرورش پائی، اگرچہ ان کا خاندان اصل میں وسطی شام سے ہے، لیکن خاتون اول ایک طاقتور اور تفرقہ انگیز شخصیت ہیں، وہ مغربی پابندیوں کی زد میں ہیں اور شامی تنازعے کے دوران ایک انتہائی متنازع شخصیت رہی ہیں،2000 میں اس وقت کے نو منتخب صدر بشار الاسد سے شادی کرنے سے پہلے وہ ایک انویسٹمنٹ بینکر تھیں۔ اس کے بعد سے انہوں نے ایک عوامی کردار کو برقرار رکھا، سول اور چیریٹی گروپس کو فروغ دیا، لیکن ان پر الزام لگایا گیا کہ انہوں نے اپنی برطانوی تعلیم اور مغربی انداز کو استعمال کرنے کی کوشش کی۔

اسرائیل نے دمشق میں حملہ کیا ہے جس میں‌پانچ افراد کی موت ہوئی ہے

شامی دارالحکومت دمشق میں اسرائیل نے ایرانی حکام کے زیر استعمال ایک عمارت کو نشانہ بنایا، اسرائیلی حملے میں پانچ افراد کی موت ہوئی ہے، میڈیا رپورٹس کے مطابق اسرائیلی حملے میں ایرانی پاسداران انقلاب کے عہدیدار کی بھی موت ہوئی ہے،ذرائع کا بتانا ہے کہ اسرائیلی حملے کا نشانہ بننے والی عمارت ایرانی ایڈوائزرز کے زیر استعمال تھی،شام کے سرکاری میڈیا نے دمشق میں عمارت پر ممکنہ اسرائیلی حملہ رپورٹ کیا تھا

دوسری جانب سوئٹزرلینڈ کے پبلک پراسیکیوشن نے اسرائیلی صدر کے خلاف جنگی جرائم کا مقدمہ درج کرانے کا اعلان کردیا، سوئٹزرلینڈ کا کہنا ہے کہ اسرائیلی صدر کو عالمی اقتصادی فورم ڈیووس میں شرکت کی اجازت نہیں دی جائے گی،اسرائیل غزہ میں جنگی جرائم کا ارتکاب کررہا ہے ، اسرائیلی حکام کو سوئٹزرلینڈ کے ویزے جاری نہیں کیے جائیں گے

قوم کو بتایا جائے شہیدوں کے خون کاسودا کس نے کیا،بلاول

آج بھی کچھ قوتیں نہیں چاہتیں ذوالفقار بھٹو کو انصاف ملے،بلاول

جو شخص تین بار فیل ہوا وہ چوتھی بار کیا تیر مارے کا ،بلاول بھٹو کا نواز شریف پر وار

ہمارا مقابلہ سیاستدانوں سے نہیں بلکہ مہنگائی بھوک اور بے روزگاری سے ہیں،بلاول بھٹو

ن لیگ بلاول بھٹو زرداری کے لاہور این اے 127 سے خوف زدہ ہے

اسرائیل نے شام کے دمشق ایئر پورٹ پر حملہ کیا ہے جس میں ایرانی پاسداران انقلاب کے 11 اراکین کی موت ہوئی ہے

عرب میڈیا نے دعویٰ کیا ہے کہ اسرائیل نے 28 دسمبر کی شب دمشق ایئر پورٹ پر فضائی حملہ کیا جس میں ایرانی پاسداران انقلان کے 11 اراکین کی موت ہوئی ، جن اراکین کی اسرائیلی حملے میں موت ہوئی وہ ایرانی فورسز کی دیکھ بھال کے ذمہ دار تھے اور اسرائیلی حملے کے وقت وہ ایئر پورٹ پر ایک سینئر وفد کا استقبال کرنے آئے تھے، ایرانی پاسداران انقلاب نے عرب میڈیا کے دعوے کو غلط قرار دیا

قبل ازیں شام کے سرکاری میڈیا نے دمشق کے قریب اسرائیلی حملے کی خبر دی تھی، اسرائیل کی جانب سےبھی دمشق کے ایئر پورٹ پر حملے بارے کوئی بیان نہیں دیا گیا، تاہم اسرائیل کا کہنا ہے کہ وہ اپنے سب سے بڑے دشمن ایران کو صدر بشارالاسد کی ملک میں موجودگی کو طول دینے کے لیے شامی حکومت کی حمایت کی اجازت نہیں دے گا،

واضح رہے کہ ایران پاسداران انقلاب نے رواں ہفتے ہی شام میں اپنے اہم کمانڈر بریگیڈئیر جنرل سید رضا موسوی کے اسرائیلی حملے میں جاں بحق ہونے کی تصدیق کی تھی،ایرانی کمانڈر رضا موسوی پیر کو شام کے دارالحکومت دمشق میں اسرائیل کے میزائل حملے میں جاں بحق ہوئے تھے، وہ شام میں مزاحمتی یونٹ کے انچارج تھے،ایرانی پاسداران انقلاب نے دھکمی دی تھی کہ اسرائیل کو رضا موسوی کے قتل کی قیمت چکانی ہوگی، قاسم سلیمانی کے بعد موسوی ایران سے باہر مارے جانے والے سب سے سینئر ایرانی رہنما قرار دئیے جاتے ہیں۔