Tag: شوبز

حکام نے فرانزک اور ڈیجیٹل شواہد کی بنیاد پر تصدیق کی ہے کہ اداکارہ اور ماڈل حمیرا اصغر علی کی موت اکتوبر 2024 میں واقع ہوئی تھی۔

گزشتہ دنوں حمیرا اصغر کی لاش کراچی کے علاقے ڈیفنس میں ایک فلیٹ سے اُس وقت ملی جب پولیس عدالتی حکم پر مکان مالک کی شکایت پر فلیٹ خالی کرانے پہنچی،ڈی آئی جی جنوبی سید اسد رضا کے مطابق، پولیس ٹیم نے جب فلیٹ کا دروازہ کھٹکھٹایا تو اندر سے کوئی جواب نہیں ملا، جس کے بعد دروازہ توڑ کر داخل ہونے پر اداکارہ کی لاش ملی۔

پوسٹ مارٹم کرنے والی پولیس سرجن ڈاکٹر سمعیہ سید کے مطابق، لاش گلنے سڑنے کے انتہائی مرحلے میں داخل ہو چکی تھی اور اس قدر مسخ ہو گئی تھی کہ فوری طور پر موت کی وجہ بیان کرنا ممکن نہیں،لاش کی حالت دیکھ کر بظاہر اندازہ ہوتا ہے کہ موت ایک ماہ قبل واقع ہوئی ہوگی جبکہ پولیس کی جانب سے حمیرا اصغر کے فون ریکارڈز، سوشل میڈیا سرگرمیوں اور پڑوسیوں سے کی گئی تفتیش میں کوئی ایسا ثبوت نہیں ملا، جس سے ثابت ہو کہ وہ اکتوبر 2024 کے بعد زندہ تھیں۔

حمیرا کی لاش چھ ماہ پرانی تھی،ڈی آئی جی ساؤتھ

تفتیش سے معلوم ہوا کہ اداکارہ نے آخری فیس بک پوسٹ 11 ستمبر 2024 کو، جب کہ انسٹاگرام پر آخری پوسٹ 30 ستمبر 2024 کو کی تھی، پولیس اور صحافیوں سے بات کرنے والے پڑوسیوں کا کہنا ہے کہ انہوں نے اداکارہ کو ستمبر یا اکتوبر 2024 کے بعد دوبارہ نہیں دیکھا۔

ڈی آئی جی پولیس سید اسد رضا نے تصدیق کی کہ حمیرا اصغر کا فون آخری بار اکتوبر 2024 میں استعمال ہوا اور آخری کال بھی اسی ماہ کی گئی تھی، کالنگ ریکارڈ کے مطابق آخری کال اکتوبر 2024 میں کی گئی، تاہم مزید تفصیلات نہیں بتائی گئیں،کیس کی تفتیش کرنے والے دو افسران نے نام ظاہر نہ کرنے کی شرط پر بتایا کہ اداکارہ کی موت کا اندازاً وقت اکتوبر 2024 ہے۔

اسلام آبادپولیس پر حملہ کیس،عمران خان ذاتی حیثیت میں عدالت طلب

ایک افسر کے مطابق، حمیرا کی لاش تقریباً نو ماہ پرانی ہے، ممکنہ طور پر وہ فلیٹ کا آخری یوٹیلیٹی بل ادا کرنے اور بجلی بند ہونے کے درمیانی عرصے میں وفات پا گئی ہوں، ممکنہ طور پر بل کی عدم ادائیگی کے باعث فلیٹ کی بجلی کاٹی گئی ہواداکارہ نے آخری بار مئی 2024 میں کرایہ ادا کیا تھا اور اکتوبر کے آخر میں کے الیکٹرک نے بجلی منقطع کر دی تھی۔

دوسرے افسر نے بتایا کہ کچن میں موجود اشیا کی ایکسپائری تاریخ 2024 تھی اور برتنوں پر زنگ بھی واضح تھا،اسی منزل پر صرف ایک اور اپارٹمنٹ تھا جو اس وقت خالی تھا، جس کی وجہ سے لاش کے پتا چلنے میں تاخیر ہوئی،اس منزل کے دوسرے اپارٹمنٹ کے مکین فروری 2025 میں واپس آئے، تب تک بدبو کافی حد تک ختم ہو چکی تھی، عام طور پر دس سے پندرہ دن میں بدبو کم ہونا شروع ہو جاتی ہے اور فلیٹ کی بالکونی کا دروازہ بھی کھلا ہوا تھا،فلیٹ میں پانی کی پائپ لائنیں خشک اور زنگ آلود تھیں، نہ ہی کوئی متبادل بجلی کا ذریعہ تھا اور نہ ہی گھر میں موم بتیاں موجود تھیں۔

پولیس سرجن ڈاکٹر سمعیہ سید، جنہوں نے منگل کو پوسٹ مارٹم کیا، بدھ کے روز سینئر افسران کے ہمراہ دوبارہ جائے وقوعہ پر گئیں انہوں نے بتایا کہ جائے وقوعہ سے مختلف سطحوں سے نمونے حاصل کیے گئے ہیں جو لیبارٹری بھیج دیے گئے ہیں، تاہم انہوں نے مزید تبصرے سے گریز کیا۔

دوسری جانب اداکارہ حمیرا اصغر کے بہنوئی نے ان کی میت وصول کرنے کے لیے حکام سے رابطہ کر لیا ہے ان کا کہنا ہے کہ مرحومہ کے والد اچانک انتقا ل کی خبر سن کر ڈپریشن میں چلے گئے تھے، اس لیے انہوں نے ابتدائی طور پر میت لینے سے انکار کیا، تاہم اب وہ رضامند ہو گئے ہیں اور جلد میت وصول کر نے آ رہے ہیں، پولیس نے بہنوئی کو ہدایت کی ہے کہ وہ کسی خونی رشتہ دار کے ہمراہ آئیں، کیونکہ متوفیہ کی لاش صرف خونی رشتہ دار کو ہی دی جائے گی۔

کراچی کے علاقے ڈیفنس ہاؤسنگ اتھارٹی (ڈی ایچ اے) فیز سکس کے اتحاد کمرشل ایریا میں واقع ایک فلیٹ سے ملنے والی ماڈل و اداکارہ حمیرا اصغر کی لاش کا ابتدائی پوسٹ مارٹم جناح ہسپتال میں مکمل کر لیا گیا ہے-

پولیس کے مطابق 32 سالہ اداکارہ کی لاش اس وقت برآمد ہوئی جب گزری پولیس عدالتی حکم پر فلیٹ خالی کروانے پہنچی ڈی آئی جی جنوبی سید اسد رضا نے بتایا کہ پولیس نے جب دروازہ کھٹکھٹایا تو کوئی جواب نہیں ملا، جس پر دروازہ توڑ کر اندر داخل ہوئے اور لاش برآمد کی گئی۔

ایس ایس پی جنوبی محظور علی کے مطابق اداکارہ مذکورہ فلیٹ میں کرائے پر مقیم تھیں اور تنہا زندگی گزار رہی تھیں،انہوں نے 2024 سے کرایہ دینا بند کر دیا تھا جس پر مالک مکان نے عدالت سے رجوع کیا تھا۔

پوسٹ مارٹم کرنے والی پولیس سرجن ڈاکٹر سمعیہ سید کے مطابق لاش ڈی کمپوز ہونے کے ایڈوانس اسٹیج پر ہے اور اس قدر مسخ ہو چکی ہے کہ فوری طور پر موت کی وجہ بیان کرنا ممکن نہیں، ابتدائی معائنے میں کچھ بھی حتمی کہنا قبل از وقت ہے، تاہم کیمیکل ایگزیمن اور ڈی این اے تجزیے کے لیے نمونے حاصل کر کے لیبارٹری بھجوا دیے گئے ہیں، ان ٹیسٹوں کی رپورٹس کے بعد ہی ڈرگز کے ممکنہ استعمال اور موت کی اصل وجہ سامنے آ سکے گی۔

اداکارہ حمیرا اصغر کی لاش وصول کرنے سے گھر والوں کا انکار

پولیس ذرائع کا کہنا ہے کہ متوفیہ کے جسم کے بعض اعضا کو محفوظ کر لیا گیا ہے تاکہ فرانزک تجزیہ کیا جا سکے، تاحال یہ واقعہ قتل معلوم نہیں ہوتا تاہم پولیس تمام پہلوؤں سے تفتیش کر رہی ہے۔

اداکارہ حمیرا اصغر متعدد ڈرامہ سیریلز جیسے ’احسان فراموش‘، ’گرو‘ اور دیگر میں اداکاری کے جوہر دکھا چکی تھیں اور سوشل میڈیا پر بھی کافی متحرک تھیں،حمیرا کا اصل میدان تھیٹر تھا، جہاں وہ 40 سے زائد اسٹیج ڈراموں میںاپنی پرفارمنس دکھا چکی تھیں۔ تھیٹر کے ساتھ ساتھ ساتھ وہ ماڈلنگ اور فلاحی سرگرمیوں میں بھی فعال رہتی تھیں، حمیرا نے نجی ٹی وی چینل کے ریئلٹی شو ”تماشہ“ میں بھی شرکت کی اور انہیں اصل شہرت بھی وہیں سے ملی، جہاں ان کی تند و تیز گفتگو اور جھگڑے سوشل میڈیا پر موضوعِ بحث بنے رہے-

اوورسیز پاکستانیوں نےترسیلات زر وطن بھیجنےکا نیاریکارڈ قائم کر دیا

پولیس کی جانب سے اہل خانہ سے رابطے کی کوششیں کی گئیں، تاہم انہوں نے لاش وصول کرنے سے انکار کر دیا، ان کا مؤقف تھا کہ وہ کچھ عرصہ قبل حمیرا اصغر سے تما م تعلقات ختم کر چکے تھے، پولیس واقعے کی مزید تفتیش کے لیے موبائل فون ڈیٹا، سی سی ٹی وی فوٹیج اور قریبی رہائشیوں سے معلومات حاصل کر رہی ہے۔

کراچی کی ایڈیشنل سیشنز کورٹ نے معروف ہدایت کار جمشید محمود رضا المعروف جامی کو ساتھی ہدایت کار سہیل جاوید کو 2019 میں بدنام کرنے کے جرم میں دو سال قید کی سزا سنادی۔

کراچی کی ایک عدالت نے فلمساز جمشید محمود رضا (جامی) کو ہتک عزت کے مقدمے میں مجرم قرار دیتے ہوئے دو برس قید بامشقت اور دس ہزار روپے جرمانے کی سزا سنائی ہے،جرمانے کی عدم ادائیگی کی صورت میں جامی کو مزید ایک ماہ قید بامشقت بھگتنی ہوگی۔

جامی کے وکیل نے اس بات کی تصدیق کی ہے کہ ہدایت کار کو سزا کاٹنے کے لیے کراچی سینٹرل جیل منتقل کر دیا گیا ہے،یہ کیس ایک خط سے متعلق ہے جو جامی نے ’لاہوتی میلو ’ میں پڑھا تھا، یہ ایک میلہ تھا جو جامشورو میں منعقد ہوا تھا جس کا موضوع #می ٹو (#MeToo) موومنٹ تھا، اور اس خط کو انہوں نے اپنے فیس بک پیج پر بھی پوسٹ کیا تھا۔

یہ خط ایک نامعلوم جنسی ہراسگی کا شکار ہونے والی خاتون کی طرف سے تھا جس میں ایک معروف شخصیت پر جنسی حملے کا الزام لگایا گیا تھا، لیکن اس میں کسی کا نام نہیں لیا گیا تھا، جامی نے اپنے فیس بک پوسٹ میں بھی مبینہ حملہ آور کا نام نہیں لیا تھا، تاہم سہیل جاوید کا کہنا تھا کہ اس پوسٹ کے کمنٹس میں بہت سے لوگوں نے اندازہ لگا لیا کہ یہ اُن کے بارے میں ہے اور جامی نے اس قیاس آرائی کو روکنے یا تردید کرنے کے لیے کچھ نہیں کیا۔

اسحاق ڈار سے ترک ہم منصب کی ملاقات

سہیل جاوید نے کہا کہ خط میں کچھ ’ واضح حوالہ جات’ موجود تھے جیسے کہ’ میوزک ویڈیو اور ٹی وی سی ڈائریکٹر’ کا ذکر، ’ ’وہ حیدرآباد کے ایک فیسٹیول میں پینلسٹ تھے‘ ، ’ انہوں نے اپنے 23 یا 24 سالہ بیٹے سے ملوایا جو اسی شعبے میں کام کرتا تھا’ اور ’ ذاتی کہانیوں کی تفصیل’ وغیرہ جنہوں نے لوگوں کو یہ یقین دلایا کہ الزا م انہی پر ہے، اس سے ان کی ساکھ کو ناقابل تلافی نقصان پہنچا۔

یہ کیس 2019 میں دائر کیا گیا تھا، اسی سال فروری میں سہیل جاوید نے جامی کو قانونی نوٹس بھیجا جس میں کہا گیا کہ وہ اسی پلیٹ فارم پر ’ بلا مشروط عوامی معافی’ مانگیں جس پر خط شائع کیا گیا تھا۔

جامی کی قانونی ٹیم نے 9 مارچ کو اس نوٹس کا جواب دیتے ہوئے الزامات کی تردید کی تھی، اسی دن سہیل جاوید نے جامی کے خلاف ہتک عزت کا مقدمہ دائر کر دیا جس میں انہوں نے ان پوسٹس کو ہٹانے کے ساتھ ساتھ 50 کروڑ روپے ہرجانہ اور 50 کروڑ روپے ذہنی اذیت کے لیے مانگے۔

پاک فضائیہ کے سربراہ سے ترک وزیر دفاع کی ملاقات

جامی نے ہتک عزت کے الزامات کی تردید کی اور کہا کہ یہ خط انہیں لاہوتی میلو کے منتظم نے دیا تھا اور پڑھنے سے پہلے وہ اس کے مواد سے لاعلم تھے۔

عدالتی فیصلے میں کہا گیا کہ جامی نے کہا کہ ویڈیو پوسٹ کرنے کے بعد دیگر صارفین نے شکایت کنندہ کا نام لینا شروع کیا، انہوں نے دعویٰ کیا کہ نہ تو انہوں نے خود کسی کا نام لیا اور نہ ہی بدنام کرنے کا ارادہ تھا، جب انہوں نے کمنٹس میں اس کا نام دیکھا تو پوسٹ ڈیلیٹ کر دی اور حتیٰ کہ اپنا فیس بک اکاؤنٹ بھی ڈی ایکٹیویٹ کر دیا۔’

فیصلے میں مزید کہا گیا’ انہوں نے خود کو ایک کارکن اور پروڈیوسر کے طور پر پیش کیا جس کا کوئی بدنیتی پر مبنی ارادہ نہیں تھا اور کہا کہ شکایت کنندہ (سہیل جاوید) نے کسی مرحلے پر اُن افراد کو ’معاف‘ کر دیا تھا جن کے کہنے پر یہ خط پڑھا گیا تھا۔’

عدالت نے مشاہدہ کیا کہ ان کے دفاع میں ’ کوئی شواہد پیش نہیں کیے گئے’ اور جامی یہ ثابت کرنے میں ناکام رہے کہ انہوں نے خط کے مصنف، لاہوتی میلو کے منتظمین سے کوئی رابطہ یا ایسی کوئی معتبر شہادت کیوں نہیں پیش کی کہ وہ مواد سے لاعلم تھے،سب سے اہم بات یہ ہے کہ وہ اس بات کی وضاحت نہ کر سکے کہ جب انہوں نے غلط شناخت کا ادراک کر لیا تھا تو پھر کیوں دوبارہ پوسٹ کیا اور کمنٹس میں اس طرح جواب دیئے جس سے الزام مزید پختہ ہوا۔

ارشد شریف قتل کیس،عدالتی فیصلہ،بیوی کی جدوجہد نے سچ کو عدالت تک پہنچایا

فیصلے میں مزید کہا گیا کہ ان کا یہ دعویٰ کہ پوسٹ ڈیلیٹ کر دی گئی تھی، اگر مان بھی لیا جائے تو نقصان ہونے کے بعد کیا گیا اقدام ان کی ذمہ داری کو ختم نہیں کرتا، خاص طور پر انہوں نے حلف پر اپنا بیان ریکارڈ کرانے یا دفاع میں کوئی شواہد پیش کرنے سے بھی انکار کیا۔’

جامی کو پاکستان پینل کوڈ کی دفعہ 500 (ہتک عزت) کے تحت مجرم قرار دیا گیا ہے، اور انہیں دو سال قید اور 10 ہزار روپے جرمانے کی سزا سنائی گئی ہے۔

جامی کی گرفتاری پر جبران ناصر نے سوشل میڈیا پلیٹ فارم ایکس پر لکھا کہ جامی اپنے ضمیر کی آواز کی وجہ سے جیل میں ہیں کیوں کہ وہ اپنے اصولوں کے ساتھ کھڑے رہے اور بے آواز لوگوں کی آواز بنےجامی خود بھی ایک متاثرہ شخص ہیں جنھوں نے کئی مشکل سال کاٹنے کے بعد ایک اور متاثرہ شخص کے حق میں آواز اٹھانے کا فیصلہ کیا اور مقدمات کے باوجود اپنی آزادی اور کریئر کو خطرے میں ڈالتے ہوئے پیچھے ہٹنے سے انکار کیا۔

جبران ناصر نے لکھا کہ ’جامی کا موقف تعریف کا ہی نہیں بلکہ حمایت کا بھی حقدار ہے وہ اپنی آسانی کے لیے پیچھے نہیں ہٹے بلکہ انھوں نے ہراسانی کے خلاف لڑائی کے لیے خود کو وقف کر دیا،ہمیں امید ہے کہ وہ جلد ضمانت پر رہا ہوں گے اور ان کو دی جانے والی سزا بھی ختم ہو گی۔

آصف زرداری پہلے سویلین صدر ہوں گے جو اپنی دو صدارتی مدتیں مکمل کریں گے، شازیہ مری

فریحہ عزیز نے ایکس پر لکھا کہ ’جامی کو سزا دیے جانے پر خوفزدہ ہوں،یہ ایک ایسا مقدمہ ہے جس میں می ٹو کے دعووں کو بھی سزا ہوئی۔

جمشید محمود رضا جو عام طور پر جامی کے نام سے جانے جاتے ہیں، معروف پاکستانی فلم ساز، مصنف، اور ہدایت کار ہیں انھوں نے امریکہ کے آرٹ سینٹر کالج آف ڈیزائن، پاساڈینا سے فلم کی تعلیم حاصل کی اور 1998 میں اپنے آبائی شہر کراچی واپس آ کر اپنی آزاد فلم کمپنی قائم کی۔

جامی نے فیچر فلموں کے علاوہ ٹیلی ویژن اشتہارات اور میوزک ویڈیوز کی ہدایت کاری میں بھی اپنی شناخت بنائی اس کے علاوہ انھوں نے ابھرتے نوجوان فلم سازوں کی رہنمائی اور کراچی اور بلوچستان کے فلمی سکولوں میں پڑھانے کے لیے بھی وقت صرف کیا ہےجامی کے سب سے زیادہ بااثر کاموں میں سے ایک 2015 کی ڈرامہ فلم ’مور‘ ہے، جس کا مطلب پشتو میں ’ماں‘ ہے۔

ٹک ٹاک اکاؤنٹ ڈیلیٹ نہ کرنے پر باپ نے بیٹی کی جان لے لی

جو بلوچستان کے ریلوے نظام کی افسوسناک زوال پذیری کو گہرائی سے بیان کرتی ہے، یہ کہانی ایک ایسے خاندان کے گرد گھومتی ہے جس کی زندگی ایک ریلوے سٹیشن سے اٹوٹ طور پر جڑی ہوئی ہے، جو منظم بدعنوانی اور ایک ٹوٹے ہوئے نظام کے تباہ کن اثرات سے جدوجہد کر رہا ہےاس فلم کو 2015 میں اکیڈمی ایوارڈز کے لیے منتخب کیا گیا اور جامی نے خود لکس اسٹائل ایوارڈز میں ’مور‘ کے لیے بہترین ہدایت کار کا ایوارڈ حاصل کیا، تاہم 2019 میں انھوں نے ایک معروف میڈیا شخصیت کی نامزدگی پر اعتراض کیا اور اپنا ایوارڈ سڑک پر پھینک دیا۔