Tag: شوبز

معروف کورین پاپ اسٹار چو وہیسنگ 43 سال کی عمر میں انتقال کرگئے۔

باغی ٹی وی :دی کوریا ٹائمز کے مطابق کورین سنگر اور سانگ رائٹر چو وہیسنگ گزشتہ شام جنوبی کوریا کے شہر سیئول میں موجود اپنے اپارٹمنٹ میں مردہ پائے گئے، پاپ اسٹار وہیسنگ کی گزشتہ شام اپنے منیجر سے میٹنگ تھی لیکن وہ اس میٹنگ میں شریک نہ ہوسکے۔

بعد ازاں گلوکار کی والدہ جب ان کو دیکھنے گئیں تو انہوں نے وہیسنگ کو بے ہوش پایا جس کے بعد اسپتال لے جانے پر ان کی موت کی تصدیق ہوگئی، پاپ اسٹار کی موت کی وجہ کا تعین تاحال نہیں کیا جاسکا ہے تاہم ان کی موت کی وجہ ممکنہ خودکشی یا منشیات کی زیادہ مقدار لینے کو کہا جارہا ہے۔

نادیہ حسین کی شوہر کی گرفتار ی کے بعد سوشل میڈیا پر مبہم پوسٹ

پولیس کا کہنا ہے کہ جس وقت پاپ اسٹار کو حالتِ غیر میں پایا گیا تو اس وقت تک ان کی موت کو کافی وقت گزر چکا تھا تاہم موقع پر کسی بھی غیر فطری سرگرمی یا سازش کے آثار نہیں ملے جس سے تاثر ملتا ہے کہ طبعی وجوہات کی بنا پر ہوئی ہے۔

وہیسنگ نے 2002 میں ’ہٹ آر اینڈ بی ‘ البم لائیک اے مووی کے ساتھ ڈیبیو کیا تھا جس کے آئندہ سالوں میں وہیسنگ کے کیرئیر کو مزید شہرت ملی لیکن 2021 میں غیر قانونی طور پر بے ہوشی کی دوا استعمال کرتے ہوئے پکڑے جانے کے بعد ان کےکیرئیر کو شدید ز و ال کا سامنا کرنا پڑا جب کہ انہیں اس جرم میں ایک سال قید کی سزا سنائی گئی تھی۔

اپوزیشن صرف گالم گلوچ اور شور شرابے کے علاوہ کچھ نہیں کرتی ،بلاول

ممبئی: بالی ووڈ سلطان سلمان خان اپنی ایکشن رومانوی فلم ’سکندر‘ میں نظر آئیں گے تاہم اس فلم کیلئے انہوں نے کتنا معاوضہ وصول کیا ؟جان کر مداح دنگ رہ گئے-

باغی ٹی وی :نئی فلم ’سکندر‘ میں سلمان خان جنوبی بھارتی اداکارہ رشمیکا مندانا کے ساتھ پہلی بار اسکرین پر جلوہ گر ہوں گے جو کہ عید الفطر کے موقع پر سنیما گھروں کی زینت بنے گی، اے آر مروگاداس کی ہدایتکاری میں بننے والی اس فلم کا مجموعی بجٹ 400 کروڑ بھارتی روپے بتایا جارہا ہے جبکہ اس فلم کیلئے سلمان خان نے 120 کروڑ کا بھاری معاوضہ وصول کیا ہے۔

دوسری جانب رشمیکا مندانا کو اس فلم کے لیے 5 کروڑ روپے بطور معاوضہ دیا گیا ہے فلم میں کاجل اگروال بھی اداکاری کے جوہر دکھائیں گی جنہیں 3 کروڑ معاوضہ دیا گیا ہے،فلم ’سکندر‘ کے ٹیزر اور پہلے گانے ’زہرہ جبین‘ گانے کے ریلیز کے بعد مداحوں کی جانب سے سلمان اور رشمیکا کی جوڑی کو بےحد پسند کیا جارہا ہے۔

اعجاز چوہدری کے پروڈکشن آرڈر پر عمل نہ ہونے کا معاملہ استحقاق کمیٹی کو بھیجنے کا فیصلہ

امکان ہے کہ فلم کو 30 مارچ کو ریلیز کیا جائے گا، تاہم اس کی حتمی تاریخ کا اعلان نہیں کیا گیا بھارت سمیت زیادہ تر ممالک میں عید الفطر 30 مارچ کو ہونے کا امکان ہے، اس لیے ممکنہ طور پر فلم کو دو دن قبل 28 مارچ کو ریلیز کیا جا سکتا ہے۔

سلمان خان عام طور پر اپنی فلمیں عید پر ہی ریلیز کرتے آئے ہیں اور ان کی فلموں کا بھارت سمیت دیگر ممالک کے مسلمان بھی عید پر انتظار کرتے دکھائی دیتے ہیں،’سکندر‘ سے سلمان خان تقریبا دو سال بعد بڑی اسکرین پر واپسی کریں گے، ان کی آخری فلمیں ’ٹائیگر تھری اور کسی کا کسی کی جان‘ 2023 میں عید پر ریلیز ہوئی تھیں، سلمان خان عام طور پر سال میں ایک یا دو ہی فلمیں کرتے ہیں، تاہم 2024 میں وہ کسی بھی فلم میں دکھائی نہیں دیئے، اب شائقین انہیں 2025 کی عید پر ایکشن میں دیکھ سکیں گے۔

ٹرمپ انتظامیہ کے حماس کے ساتھ خفیہ مذاکرات،اسرائیل میں شدید تشویش

’سکندر‘ میں سلمان خان اوررشمیکا مندانا کے علاوہ نواب شاہ اور کاجل اگروال سمیت سنیل شیٹھی جیسے اداکار بھی ایکشن میں دکھائی دیں گے،فلم کی ہدایات جنوبی بھارتی فلموں کے معروف ہدایت کار اے آر مروگوڈاس نے دی ہیں جب کہ ’سکندر‘ کو ساجد ناڈیاڈوالا نے پروڈیوس کیا ہے جو اس سے قبل بھی سلمان خان کی متعدد فلموں کو پروڈیوس کر چکے ہیں۔

بھارتی شہر حیدرآبار میں معروف پلے بیک سنگر کلپنا راگھویندر اپنے کمرے میں نیم مردہ حالت میں ملنے پر تشویشناک حالت میں اسپتال منتقل کیا گیا ہے-

باغی ٹی وی :گلوکارہ کلپنا راگھویندر بھارت کی تیلگو میوزک انڈسٹری میں کافی مقبول ہیں انہوں نے ممکنہ طور پر نیند کی گولیاں کھاکر اپنی زندگی کا خاتمہ کرنے کی کوشش کی ہےگلوکارہ اس وقت وینٹی لیٹر پر زندگی اور موت کی کشمکش میں ہیں اور ان کے اہل خانہ نے مداحوں سے دعا کی اپیل کی ہے۔

کلپنا راگھویندر کی خودکشی کی خبر سن کر ٹالی ووڈ کے فنکار اور گلوکار بڑی تعداد میں اسپتال پہنچ گئےپولیس کا کہنا ہے کہ پہلی ترجیح اداکارہ کی جان کو بچانا ہے تاہم تفتیش کا آغاز بھی کردیا گیا ہے لیکن اب تک خودکشی کی وجہ سامنے نہیں آئی گلوکارہ کے شوہر سے پولیس نے پوچھ گچھ کی ہے۔

ایف آئی آر سے لے کر مقدمات کا تمام ریکارڈ ڈیجیٹلائزڈ کیا جائے،آئی جی سندھ

واضح رہے کہ کلپنا راگھویندر معروف پلے بیک سنگر ٹی ایس راگھویندر اور گلوکارہ سلوچنا کی بیٹی ہیں کلپنا نے صرف 5 سال کی عمر میں ہی گلوکاری شروع کردی تھی اور وہ بگ باس کے تیلگو سیزن کا حصہ بھی رہیں۔

شادی سے انکار پر لڑکی کو قتل کر کے لڑکے نے خودکشی کر لی

ممبئی: بالی ووڈ کی سابق اداکارہ عائشہ ٹاکیہ کے شوہر فرحان اعظمی کے خلاف گووا پولیس نے ہنگامہ آرائی اور دھمکیاں دینے کے الزامات میں مقدمہ درج کیا ہے۔

باغی ٹی وی : بھارتی میڈیا رپورٹ کے مطابق فرحان اعظمی اپنے بیٹے کے ہمراہ اپنی لگژری ایس یو وی میں سفر کر رہے تھے، جب کچھ مقامی افراد نے انہیں تیز رفتار گاڑی چلانے پر روک لیا اس دوران معمولی تنازعہ پیدا ہوا جس پر فرحان نے پولیس کو طلب کیا پولیس کے پہنچنے پر صورتحال پر قابو پایا گیا، تاہم پولیس نے فرحان کے خلاف ہنگامہ آرائی اور دھمکیاں دینے کے الزامات میں مقدمہ درج کر لیا۔

عائشہ ٹاکیہ نے سوشل میڈیا پر اس مقدمے پر شدید ردعمل دیتے ہوئے کہا کہ ان کے شوہر کو مہاراشٹر سے تعلق رکھنے کی وجہ سے تعصب کا نشانہ بنایا گیا ہے ان کے شوہر اور بیٹے کو گالیاں دی گئیں اور ان کے شوہر نے ہی پولیس کو مدد کے لیے بلایا تھا، لیکن ان کے خلاف ہی مقدمہ درج کر لیا گیا۔

ریونیو شارٹ فال کے لیے کوئی گنجائش نہیں،آئی ایم ایف

سابق اداکارہ کا کہنا تھا کہ مہاراشٹر سے نفرت گووا میں حد سے زیادہ بڑھ چکی ہے اور اس صورتحال کو اپنے شوہر اور بیٹے کے ساتھ غیر منصفانہ سلوک قرار دیا،ان کے پاس اس تمام واقعہ کے ویڈیو ثبوت اور سی سی ٹی وی فوٹیج موجود ہیں، جنہیں وہ مناسب وقت پر حکام کے ساتھ شیئر کریں گے۔

انہوں نے نے اپنے پیغام میں ملک کے نظام انصاف پر اعتماد کا اظہار کیا اور کہا کہ وہ قانون نافذ کرنے والے اداروں کے ساتھ مکمل تعاون کر رہی ہیں،اس مقدمے کو عائشہ کے سسر ابو اعظمی کے خلاف بھی ایک مقدمے سے جوڑا جا رہا ہے، جنہیں حالیہ دنوں میں اورنگ زیب کی تعریف کرنے پر مقدمے کا سامنا کرنا پڑا تھا۔

چیمپئنز ٹرافی: دوسرا سیمی فائنل ، نیوزی لینڈ کا جنوبی افریقا کیخلاف بیٹنگ کا فیصلہ

عائشہ ٹاکیہ نے 2004 میں بالی ووڈ میں قدم رکھا تھا اور فلم ”ٹارزن: دی ونڈر کار“ سے شہرت حاصل کی تھی اس کے بعد انہوں نے ”وانٹیڈ“، ”پاتھ شالہ“، ”سلام عشق“ اور ”شادی نمبر 1“ جیسی کامیاب فلموں میں کام کیا، تاہم 2011 میں انہوں نے فلم انڈسٹری کو چھوڑ دیا،عائشہ نے 2009 میں فرحان اعظمی سے شادی کی تھی، جو سماج وادی پارٹی کے رہنما ابو اعظمی کے بیٹے ہیں۔

ساؤتھ انڈین اسٹار الو ارجن، جو اپنی حالیہ فلم پشپا 2 کی زبردست کامیابی کے بعد شہرت کی بلندیوں پر ہیں نے ایک بڑے پراجیکٹ میں بالی وڈ سلطان سلمان خان کو آؤٹ کر دیا-

باغی ٹی وی : بھارتی میڈیا کے مطابق مشہور ہدایتکار ایٹلی، جنہوں نے شاہ رخ خان کی فلم ’جوان‘ بنا کر بالی ووڈ میں تہلکہ مچا دیا تھا، اپنی اگلی بڑی فلم کے لیے الو ارجن کو کاسٹ کر رہے ہیں پہلے بھارتی میڈیا کا کہنا تھا کہ ایٹلی اس فلم کے لیے سلمان خان کے ساتھ کام کریں گے، لیکن ذرائع کے مطابق، کچھ رکاوٹوں کی وجہ سے پروجیکٹ میں بڑی تبدیلی کی گئی، اور اب الو ارجن نے دبنگ خان کی جگہ لے لی ہے۔

رپورٹس کے مطابق، الو ارجن نے فلم کے لیے گرین سگنل دے دیا ہے،اور جلد ہی اس پر باضابطہ کام شروع ہونے والا ہے، البتہ، فلم کے باقی اداکاروں کو حتمی شکل دینا ابھی باقی ہے،تاہم خبروں کے مطابق، فلم میں جھانوی کپور کو ہیروئن کے لیے منتخب کیے جانے کا امکان ہے، تاہم ابھی تک اس بارے میں کوئی باضابطہ اعلان نہیں کیا گیا۔

اوکاڑہ : قصاب مافیا کا راج، بیمار جانوروں کا گوشت فروخت

تاہم یہ تبدیلی واضح کرتی ہے کہ ساؤتھ انڈین فلم انڈسٹری کے اداکار اب بالی ووڈ میں بھی بڑا مقام بنا رہے ہیں۔ پشپا 2 کی زبردست کامیابی کے بعد، الو ارجن کا بالی ووڈ میں ایک بڑے پروجیکٹ کا حصہ بننا اس بات کی نشاندہی کرتا ہے کہ وہ جلد ہی ہندی فلم انڈ سٹری میں بھی اپنی دھاک بٹھانے والے ہیں۔

مذہبی انتہا پسند گروہوں کے ہاتھوں تشدد اور جبر کا سامنا کرنا پڑا، عورت مارچ کا وزیراعظم کو خط

ممبئی: بالی وڈ اداکارہ تمنا بھاٹیہ نے 2کروڑ 40 لاکھ بھارتی روپے کے کرپٹو کرنسی فراڈ کیس میں ملوث ہونے کی خبروں کی تردید کردی۔

باغی ٹی وی :ادکارہ تمنا بھاٹیہ نے 2 کروڑ40 لاکھ بھارتی روپے کے مبینہ فراڈ میں ملوث ہونے کی سختی سے تردید کی ہےکرپٹو کرنسی فراڈسے متعلق خبروں پر اداکارہ نے مایوسی کا اظہار کرتے ہوئے کہا کہ میرا اس اسکینڈل سے کوئی تعلق نہیں،اسطرح کی غلط معلوما ت پھیلانے والوں کے خلاف قانونی کارروائی کا ارادہ رکھتی ہوں، میری ٹیم ضروری قانونی کارروائی کے لیے صورتِ حال کا جائزہ لے رہی ہے۔

اداکارہ نے کہا کہ مجھے معلوم ہوا ہے کہ میرے کرپٹو کرنسی فراڈ میں ملوث ہونے کے حوالے سے افواہیں پھیلائی جا رہی ہیں، میری میڈیا اور اپنے دوستوں سے گزارش ہے کہ براہ مہربانی ایسی کوئی بھی جعلی، گمراہ کن اور جھوٹی خبریں نہ پھیلائیں‘ ۔

اسرائیل اور فلسطینی فلم سازوں کی مشترکہ فلم نے آسکرایوارڈ جیت لیا

واضح رہے کہ بھارتی میڈیا پر حال ہی میں خبریں سامنے آئی تھیں کہ پولیس نے اداکارہ تمنا بھاٹیہ اور کاجول اگروال کو کرپٹو کرنسی فراڈ کے سلسلے میں پوچھ گچھ کے لیے تھانے طلب کیا ہے جب کہ اداکارہ تمنا بھاٹیہ 2کروڑ 40 لاکھ روپے کے کرپٹو کرنسی فراڈ کیس میں ملوث ہیں۔

یاد رہے کہ تمنا بھاٹیہ کو آخری مرتبہ اویناش تیواری اور جمی شیرگل کے ساتھ فلم ’ سکندر کا مقدر ‘میں دیکھا گیا تھا تاہم اداکارہ اب جلد ہی ہارر تھرلر فلم’ اوڈیلا 2 ‘ میں نظر آئیں گی۔

اداکارہ ریشم کی فٹنس کا راز کیا؟

اسرائیل اور فلسطینی فلم سازوں کی مشترکہ فلم No Other Land نے اتوار کو بہترین دستاویزی فلم کا آسکرایوارڈ جیت لیا-

باغی ٹی وی : فلم کی کہانی باسل اڈرا کی زندگی پر مبنی ہے، جو اپنے آبائی شہر یاتا کی تباہی کو دستاویز کرنے کے لیے خطرات مول لیتا ہے۔ اس کے بعد، اس کی ملاقات اسرائیلی صحافی یوول ابراہم سے ہوتی ہے جو اس کی کہانی کو عالمی سطح پر پہنچانے میں اس کی مدد کرتا ہے۔

اڈرا نے ایوارڈ کی تقریب میں کہا کہ ”No Other Land“ فلسطینی عوام کی تلخ حقیقت کی عکاسی کرتی ہے جو دہائیوں سے اسرائیلی قبضے کے تحت جھیل رہے ہیں ان کا کہنا تھا کہ وہ اپنی بیٹی کے لیے امید رکھتے ہیں کہ وہ ایسی زندگی نہ گزارے جو وہ خود گزار رہے ہیں۔

ایرانی صدر کے مشیر اپنے عہدے سے مستعفی

ابراہم نے اس تعاون کو ایک مثبت قدم قرار دیتے ہوئے کہا کہ ان کی آوازیں ایک ساتھ ہونے پر زیادہ طاقتور ہیں اور فلسطینیوں اور اسرائیلیوں کے لیے ایک منصفانہ سیاسی حل ممکن ہےانہوں نے اسرائیلی حکومت پر تنقید کی اور کہا کہ اس صورت حال کا حل نسل پرستی کے بغیر اور دونوں قوموں کے حقوق کے ساتھ ممکن ہے۔

بالی وڈ ریپر اور سنگر یو یو ہنی سنگھ کا شراب چھوڑنے کا انکشاف