Tag: شوبز

کراچی: ماضی کی معروف اداکارہ ممتاز نے برطانوی پاکستانی گلوکار چاہت فتح علی خان پر برہمی کا اظہار کیا ہے-

باغی ٹی وی : حال ہی میں اداکارہ نے دیے گئے ایک انٹرویو میں برہمی کا اظہار کرتے ہوئے کہا کہ چاہت فتح علی خان نے ان کے گانے ’بدو بدی‘ کا مذاق اُڑایا ہے اگر چاہت اس گانے کو گانا سمجھ کر گاتے، مذاق نہ اُڑاتے تو میں آج ان کی تعریف کرتی لیکن انہوں نے اتنے سُپر ہٹ گانے کا مذاق اُڑایا ہے،اور وہ اسے معاف نہیں کر سکتی اس طرح وہ اس قسم کے سلوک سے خوش نہیں ہے جو چاہت فتح علی خان نے بدو بدی کے ساتھ کیا ہے۔

انہوں نے کہا کہ اس گانے کی وجہ سے فلم ہٹ ہوئی تھی، اس گانے کی اتنی ڈیمانڈ تھی کہ جب سنیما میں فلم لگتی تو شروع میں، درمیان اور پھر آخر میں بھی اس گانے کو چلایا جاتا تھا لیکن انہوں نے اتنے مشہور گانے کا مذاق اُڑانا شروع کر دیا، جس کا مجھے بہت دکھ ہے۔

اس موقع پر ان کے ہمراہ موجود ان کے بیٹے ذیشان باری نے کہا کہ اگر چاہت فتح علی نے یہ کامیڈی نہ کی ہوتی تو یہ گانا دوبارہ منظرِ عام پر شاید نہ آتا، ان کی وجہ سے اس گانے کو نئی زندگی ملی ہے۔

واضح رہے کہ میڈم نور جہاں کی آواز میں ریکارڈ ہونے والا گانا ’بدو بدی‘ اداکارہ ممتاز پر پکچرائز ہوا تھا، ہدایت کار اقبال کاشمیری کی فلم ’بنارسی ٹھگ‘ کے اس آئٹم سونگ نے اداکارہ ممتاز کو راتوں رات سُپر اسٹار بنا دیا تھا، وقت کے ساتھ ساتھ ”بدو بدی“ گمنامی کے اندھیرے میں گم ہوگیا جسے چاہت فتح علی خان نے اپنی ترکیب سےدوبارہ زندہ کیا اور یہ پورے پاکستان اور عالمی سطح پر ٹرینڈ کر رہا تھا اسے بین الاقوامی مشہور شخصیات کی جانب سے 20 ملین سے زیادہ آراء اور ردعمل موصول ہوئے۔

کراچی: پاکستانی اداکارہ وینا ملک نے دعویٰ کیا ہے کہ دنیا بھر سے انہیں 70ہزار سے زائد شادی کی پیشکش ہوئیں۔

باغی ٹی وی:اداکارہ وینا ملک حال ہی میں ایک پوڈکاسٹ میں بتایا کہ جس وقت میں نے اپنا کیرئیر شروع کیا وہ وقت میرے لیے رولر کوسٹر کی سواری جیسا تھا، میرے کیرئیر کے آغاز کے 10 سال بڑے مصروف گزرے، میں اتنی مصروف تھی کہ میرے پاس میک اپ اتارنے کا وقت بھی نہیں تھا، میری بڑی بہن میرا میک اپ اتارتی تھی اور مجھے اپنے ہاتھ سے کھانا کھلاتی تھی‘۔

ایک سوال کے جواب میں وینا ملک نے بتایا کہ مجھے کیرئیر کے عروج پر اور بھارت میں رئیلٹی شو کے دوران دنیا بھر سے شادی کی پیشکش موصول ہوئیں بھارت میں ویڈنگ رئیلٹی شو کے دوران مجھے میری ٹیم نے بتایا کہ انہیں میرے لیے 70 ہزار سے زائد شادی کی پیشکش آئی ہیں، یہ پیشکش پاکستان اور بھارت سمیت دنیا بھر سے آئی تھیں لیکن میں یہ نہیں جانتی وہ پیشکش سچی تھیں یا ایسے ہی لوگوں نے شہرت اور شو سمجھ کر پیشکش کی تھی۔

مئیر کراچی کا براہ راست انتخاب: حافظ نعیم الرحمان و دیگر کی درخواستیں مسترد

قبل ازیں وینا ملک نے ایک پوڈ کاسٹ میں بتایا تھا کہ بھارت میں جب میری فلموں کی شوٹنگ ہوا کرتی تھی تو بھارتی انتہا پسند تنظیم شیو سینا کے بہت سارے لوگ اسلحہ کے ساتھ آئے ہوتے تھے لیکن میں ان سے راستہ دینے اور اپنی وینیٹی میں جانے کا کہتی تھی،میں نے اپنی مرضی سے بالی وڈ میں کام کرنا چھوڑا ہے اور مجھے نہیں لگتا میں اس مٹی کی بنی ہوئی ہوں کہ کوئی مجھ سے زبردستی کام کروالے، اگر میں نے کام کرنا چھوڑ دیا تو مطلب چھوڑ دیا۔

اداکارہ کا کہنا تھا کہ میں اپنے فیصلے پر قائم ہوں اور ابھی تک میرا ان باکس بالی وڈ فلم کی آفرز سے بھرا ہوا ہے، بالی وڈ چھوڑنے کے کئی سالوں تک مجھے فلموں کی پیشکش آتی رہیں اور میری ٹیم مجھے کام کرنے کی درخواست کرتی تھی لیکن جب آپ ایک فیصلہ کرلیتے ہیں تو صبر کرنا پڑتا ہے اور یہ اسٹوری لوگوں کو نہیں پتا۔

اداکارہ نرگس پر تشدد، والد بیمار،شوہر ضمانت پر،بولے،نرگس ابھی بھی میرے نکاح میں

واضح رہے کہ وینا ملک نے بھارتی ریئلٹی شو ’بگ باس‘ اور ویڈنگ ریئلٹی شو میں بھی کام کیا، وینا ملک متعدد بالی وڈ فلموں میں اداکاری کے جوہر دکھاچکی ہیں تاہم 2014 میں وہ بھارت سے دبئی منتقل ہوگئی تھیں۔

اے جذبہ دل گر میں چاہوں ہر چیز مقابل آ جائے

نیرہ نور

3 نومبر 1950 : یوم پیدائش
۔۔۔۔۔۔۔۔۔۔۔۔۔۔. . ۔۔۔۔۔۔۔۔۔۔۔۔

اردو کی نامور گلوکارہ نیرہ نور 3 نومبر 1950ء کو موجودہ ہندوستان کے آسام میں پیدا ہوئیں ان کا خاندان پیشہ ورانہ طور پر تاجر تھا جو امرتسر سے آسام کے شہر گوہاٹی میں آ بسا تھا نیرہ کے والد مسلم لیگ کے ایک فعال رکن تھے اور 1958ء میں یہ خاندان پاکستان کی طرف ہجرت کر آئے۔ 1971ء میں نیرہ نے پاکستان ٹیلی ویژن کے سلسلہ وار کھیلوں کے لیے گیت گانے سے اپنے باقاعدہ فن کا آغاز کیا۔ تاہم بعد میں انہوں نے٢ا بہت سے نامور شعرا جیسے میرزا اسداللہ غالب، ناصر کاظمی، ابن انشاء اور فیض احمد فیض وغیرہ کا کلام نہائت دلکش انداز سے گایا۔ جب کہ نیرہ نے دیگر مرد گلوکاروں جیسے کہ مہدی حسن، احمد رشدی و عالمگیر وغیرہ کے ساتھ دوگانے بھی گائے۔ نیرہ کل پاکستان محفل موسیقی میں تین سونے کے تمغے جیتیں، ٹی وی اداکار شہریار زیدی سے شادی ہوئی تھی، ان کو بہترین پس پردہ فلمی گلوکارہ کا نگار اعزاز بھی عطا کیا گیا تھا پاک و ہند میں غزل و شاعری کے دلدادہ لوگوں کے لیے نیرہ نے لاتعداد مشاعروں اور موسیقی کی محفلوں میں اپنی آواز سے شعروں کو زندگی بخشی، بہزاد لکھنوی ریڈیو پاکستان کے ایک نامور شاعر، مکالمہ نویس، گیت کار اور مصنف ہیں شاید کہ ان کے بہترین گیتوں میں بہزاد لکھنوی کی یہ غزل ایک شاہکار ہے جس کے گانے پر نیرہ نے بے شمار داد تحسین وصول کی ہے۔

اے جذبہء دل گر میں چاہوں ہر چیز مقابل آجائے
منزل کے لیے دوگام چلوں ا ور سامنے منزل آجائے

ان کی آواز میں ریکارڈ کی گئیں چند مندرجہ ذیل معروف غزلیں، گیت اور نغمے دیئے جا رہے ہیں

رنگ برسات نے بھرتے کچھ تو (شاعر ناصر کاظمی)

پھر ساون رت کی پون چلی تم یاد آئے(شاعر ناصر کاظمی)

اے عشق ہمیں برباد نہ کر(نظم :شاعر اختر شیرانی)

جلے تو جلاؤ گوری ،پیت کا الاؤ گوری، ابھی نہ بجھاؤ گوری

۔ اب اسے بجھاؤ نہ (گیت: گیت کار ابن انشاء)

روٹھے ہو تم کو کیسے منائیں پیا

نیرہ ابن انشاء کی خاص انداز کی غزلوں اور نظموں کی مداح تھیں وطن کی مٹی گواہ رہنا(ملی نغمہ) نیرہ نور کی آواز میں یہ نغمہ کراچی سے خیبر تک سب سے زیادہ سنا جانے والا ملی نغمہ ہے ۔ 21 اگست 2022 میں ان کی وفات ہوئی۔
۔۔۔۔۔۔۔۔۔۔۔۔۔۔
تلاش ، ترتیب و ترسیل: آغا نیاز مگسی

کراچی: پاکستان شوبز انڈسٹری کے سینئر اداکار فردوس جمال نے اداکارہ ماہرہ خان اور ہمایوں سعید سے متعلق اپنے بیان کی وضاحت کردی۔

باغی ٹی وی: چند ماہ قبل فردوس جمال نے ہمایوں سعید کو اداکاری میں ڈاکہ ڈالنے پر ڈاکو اور ماہرہ خان کی بڑھتی عمر پر اپنا نقطہ نظر پیش کیا تھا جو سوشل میڈیا پر خوب وائرل ہوا تھا،اس کے بعد مختلف اداکار و پروڈیوسرز کی جانب سے فردوس جمال کے بیان کو تنقید کا نشانہ بنایا گیا جس پر ان کا کوئی ردعمل سامنے نہیں آیا تھا،تاہم اب ایک تازہ انٹرویو کے دوران فردوس جمال نے اپنی خاموشی توڑ دی۔

جب میزبان نے ان سے استفسار کیا کہ ان کے ہمایوں سعید اور ماہرہ خان پر تنقید کی وجہ سے ایک نجی ڈرامہ چینل نے ان پر پابندی عائد کردی ہے، فردوس جمال نے اس سوال کا جواب دیتے ہوئے کہاکہ اللہ رزق دینےوالا ہے اورجب بندہ کو اللہ پر یقین ہو توکوئی بندہ یا ادارہ میرا رزق بند کرنے کا مجاز نہیں ہوسکتا ہے، اتنی مخالفت کے باوجود بھی اللہ مجھے رزق دے رہا ہے، جب مجھے اللہ نے دیا تو مجھے کسی سے خوفزدہ ہونے یا تعریفیں کرنے کی کیا ضرورت ہے۔

فردوس جمال نے کہا کہ اگر مجھے کسی میں کوئی کمی یاخامی نطر آتی ہے اور میں اس کی اصلاح نہ کروں تو اس کا مطلب یہ ہے کہ میں منافق ہوں، اور چوںکہ میں منافق نہیں ہوں اسی لئے میں نے ماہرہ خان اور ہمایوں سعید کے بارے میں یہ سب کہہ دیا-