Baaghi TV

Tag: شہباز شریف

  • آپ کا خط پی ٹی آئی کی پریس ریلیز دکھائی دیتا ہے،وزیر اعظم کا صدر مملکت کو جوابی خط ارسال

    آپ کا خط پی ٹی آئی کی پریس ریلیز دکھائی دیتا ہے،وزیر اعظم کا صدر مملکت کو جوابی خط ارسال

    اسلام آباد: وزیراعظم شہبازشریف نے صدر مملکت عارف علوی کو 5 صفحات اور 7 نکات پر مشتمل جوابی خط ارسال کر دیا جس میں انہوں نے کہا کہ آپ کا خط صدر کے آئینی منصب کا آئینہ دار نہیں اور آپ مسلسل یہی کر رہے ہیں۔

    باغی ٹی وی: پنجاب میں انتخابات کے التوا اور تحریک انصاف کے کارکنوں کی گرفتاریوں پر صدر ڈاکٹر عارف علوی نے 24 مارچ کو وزیراعظم شہبازشریف کو خط لکھا تھا جس میں صدرمملکت نے کہا تھا کہ پاکستان میں انسانی حقوق کی خلاف ورزی ہوگی ہے، سیاستدانوں، سیاسی کارکنوں اور صحافیوں کو نشانہ بنایا جا رہا ہےالیکشن کمیشن نے پنجاب میں انتخابات اکتوبر تک ملتوی کرنے کا فیصلہ مختلف محکموں کے سربراہان کی بریفنگ کی بنیاد پر کیا اور ان سربراہان کو حکومت نے ہدایات دی تھیں۔


    صدر عارف علوی کا کہنا تھا کہ آئین کے تحت وزیراعظم تمام پالیسی امور پر صدر کو آگاہ رکھنے کے پابند ہیں لیکن حکومت کی جانب سے کوئی مشاورت نہیں کی جا رہی، وزیراعظم انتخابات کیلئے الیکشن کمیشن کی معاونت کی ہدایت کریں،الیکشن کا التوا توہین عدالت ہے ، حکام کو انسانی حقوق کی پامالی سے باز رہنے کی ہدایت کی جائے۔


    تاہم اب صدر عارف علوی کی جانب سے کو لکھےگئے خط کے جواب میں وزیراعظم شہباز شریف نے لکھا کہ کہنے پر مجبور ہوں کہ آپ کا خط پاکستان تحریک انصاف (پی ٹی آئی) کی پریس ریلیز دکھائی دیتا ہے، آپ کا خط یک طرفہ اور حکومت مخالف خیالات کا حامل ہے جن کا آپ کھلم کھلا اظہار کرتے ہیں-

    وزیراعظم شہباز شریف نے لکھا ہےکہ آپ کا خط صدر کے آئینی منصب کا آئینہ دار نہیں، آپ مسلسل یہی کر رہے ہیں، 3 اپریل 2022 کو آپ نے قومی اسمبلی تحلیل کرکے سابق وزیراعظم کی غیر آئینی ہدایت پر عمل کیا، قومی اسمبلی کی تحلیل کے آپ کے حکم کو سپریم کورٹ نے 7 اپریل کو غیر آئینی قرار دیا۔

    وزیراعظم کا کہنا ہےکہ آرٹیکل 91 کلاز 5 کے تحت بطور وزیراعظم میرے حلف کے معاملے میں بھی آپ آئینی فرض نبھانے میں ناکام ہوئے،کئی مواقع پر آپ منتخب آئینی حکومت کے خلاف فعال انداز میں کام کرتے آرہے ہیں، میں نے آپ کے ساتھ اچھا ورکنگ ریلیشن شپ قائم کرنے کی پوری کوشش کی، اپنے خط میں آپ نے جو لب ولہجہ استعمال کیا اُس سے آپ کو جواب دینے پر مجبور ہوا ہوں۔

    وزیر اعظم شہباز شریف نے لکھا ہےکہ انسانی حقوق کی خلاف ورزیوں کا آپ کا حوالہ ایک جماعت کے سیاست دانوں اور کارکنوں کے حوالے سے ہے، آئین کے آرٹیکل 10اے اور 4 کے تحت آئین اور قانون کا مطلوبہ تحفظ ان تمام افراد کو دیا گیا ہے، قانون نافذ کرنے والے اداروں نے ریاستی عمل داری کے لیے قانون اور امن عامہ کے نفاذ کے مطلوبہ ضابطوں پر سختی سے عمل کیا ہے، تمام افراد نے قانون کے مطابق داد رسی کے مطلوبہ فورمز سے رجوع کیا ہے۔

    وزیر اعظم شہباز شریف نےکہا ہےکہ جماعتی وابستگی کے سبب آپ نے قانون نافذ کرنے و الے اداروں پر حملوں کو یکسر فراموش کردیا، آپ نے نجی وسرکاری املاک کی توڑپھوڑ، افراتفری پیدا کرنے کی کوششوں کو نظر انداز کردیا، پی ٹی آئی کی جانب سے ملک کو معاشی ڈیفالٹ کے کنارے لانے کی کوششوں کو آپ نے نظرانداز کردیا، پی ٹی آئی کی وجہ سے آئین، انسانی حقوق اور جمہوریت کے مستقبل سے متعلق پاکستان کی عالمی ساکھ خراب ہوئی، آپ نے بطور صدر ایک بار بھی عمران خان کی عدالتی حکم عدولی اور تعمیل کرانے والوں پر حملوں کی مذمت نہیں کی۔

    وزیراعظم نے لکھا کہ عدالت کے حکم کے خلاف کسی سیاسی جماعت کی طرف سے ایسی عسکریت پسندی پہلےکبھی نہیں دیکھی گئی، ہماری حکومت آئین کے آرٹیکل 19 کے مطابق آزادی اظہار پر مکمل یقین رکھتی ہے، آپ کی توجہ ہیومن رائٹس واچ کی سالانہ ورلڈ رپورٹ 2022 کی طرف دلاتا ہوں-

    وزیراعظم شہباز شریف نے خط میں لکھا کہ پی ٹی آئی اس وقت اقتدار میں تھی، اس رپورٹ میں لکھا ہے کہ حکومت پاکستان میڈیا کو کنٹرول کرنےکی کوششیں تیز کرچکی ہے، رپورٹ میں لکھا ہے کہ پی ٹی آئی کی حکومت اختلاف رائے کو کچل رہی ہے، رپورٹ میں صحافیوں، سول سوسائٹی اور سیاسی مخالفین کو ہراساں کرنے، قید وبند اور نشانہ بنانے کی تمام تفصیل درج ہے، پی ٹی آئی حکومت کے دور میں انسانی حقوق کا قومی کمیشن معطل رہا۔

    وزیراعظم نے خط میں کہا کہ قومی کمشن برائے انسانی حقوق کی رپورٹ پی ٹی آئی حکومت پر فرد جرم ہے۔ انسانی حقوق کے عالمی اداروں کی متعدد رپورٹس میں پی ٹی آئی حکومت کی خلاف ورزیوں کا ریکارڈ موجود ہے۔ رکن قومی اسمبلی رانا ثناء اللہ پر منشیات کا جھوٹا مقدمہ بنایا گیا جس کی سزا موت ہے، پی ٹی آئی حکومت نے مرد و خواتین ارکان پارلیمان کو قید وبند اور انسانی حقوق کی خلاف ورزیوں کا نشانہ بنایا گیا۔

    وزیراعظم نے کہا کہ ایک سابق وزیراعظم کے خاندان کی خاتون رُکن کو بھی معاف نہ کیا گیا اور سیاسی مخالفین کا صفایا کرنے کے لیے نیب کو استعمال کیا گیا لیکن افسوس بطور صدر پاکستان آپ نے ایک بار بھی اِن میں سے کسی بھی واقعے پر آواز بلند نہ کی۔ آپ بطور صدر انسانی حقوق، آئین اور قانون کی اِن خلاف ورزیوں پر اُس وقت کی حکومت سے پوچھ سکتے تھے۔

    وزیراعظم نے کہا کہ صدر نے اپنے خط میں سابق حکومت کے وفاقی وزراء کے جارحانہ رویے اور انداز بیان پر اعتراض نہیں کیا جبکہ سابق حکومت کے وزراء مسلسل الیکشن کمشن کے اختیار اور ساکھ پر حملے کررہے ہیں آئین کےآرٹیکل 46 اور رولز آف بزنس کی شق15 پانچ بی کی صدر کی تشریح درست نہیں، صدر اور وزیراعظم کے درمیان مشاورت کی آپ کی بات درست نہیں کیونکہ آئین کے آرٹیکل 48 کلاز وَن کے تحت صدر کابینہ یا وزیراعظم کی ایڈوائس کے مطابق کام کرنے کا پابند ہے۔

    الیکشن کے حوالے سے وزیراعظم نے لکھا کہ پی ٹی آئی کی طرف سے آپ نے پنجاب اور خیبر پختونخوا اسمبلیوں کے انتخابات کی تاریخ دے دی، آپ کا یہ فیصلہ سپریم کورٹ نے یکم مارچ 2023 کے حکم سے مسترد کر دیا، آپ نے 2 صوبوں میں بدنیتی پر مبنی اسمبلیوں کی تحلیل پر کوئی تشویش تک ظاہرنہ کی، یہ سب آپ نے چیئرمین پی ٹی آئی کی انا اور تکبرکی تسکین کے لیےکیا۔

    وزیراعظم نے کہا کہ صوبائی اسمبلیاں کسی آئینی و قانونی مقصد کے لیے نہیں، صرف وفاقی حکومت کو بلیک میل کرنے کے لیے تحلیل کی گئیں اور آپ نے یہ بھی نہ سوچا کہ دو صوبائی اسمبلیوں کے پہلے الیکشن کروانے سے ملک نئے آئینی بحران میں گرفتار ہو جائے گا۔ آپ نے آرٹیکل 218 کلاز تین کے تحت شفاف، آزادانہ اور غیرجانبدارانہ انتخابات کے تقاضے کو بھی فراموش کر دیا، آئین کے ساتھ چھیڑ چھاڑ کو آپ نے مکمل طور پر نظر انداز کر دیا جو نہایت افسوسناک ہے۔ کا یہ طرز عمل صدر کے آئینی کردار کے مطابق نہیں۔

    وزیر اعظم شہباز شریف نے کہا کہ صدر کو مطلع رکھنے کی حد تک اس کا اطلاق ہے، نہ زیادہ نہ اس سے کم اور وفاقی حکومت کے انتظامی اختیار کو استعمال کرنے میں وزیراعظم صدر کی مشاورت کا پابند نہیں۔ جناب صدر، میں اور وفاقی حکومت آئین کے تحت اپنی ذمہ داریوں سے پوری طرح آگاہ ہیں، آئین کی مکمل پاسداری، پاسبانی اور دفاع کے عہد پر کار بند ہیں، آئین میں درج ہر شہری کے بنیادی انسانی حقوق کے تحفظ پر کاربند ہیں۔

    وزیراعظم نے خط میں کہا کہ حکومت پرعزم ہے کہ کسی کو بھی قانون ہاتھ میں لینے اور ریاست پاکستان کو ناقابل تلافی نقصان پہنچانے کی اجازت نہ دی جائے۔ آپ کو یقین دلاتا ہوں کہ آئینی طور پر منتخب حکومت کو کمزور کرنے کی ہر کوشش ناکام بنائیں گے۔

  • عمران خان کا فاشسٹ اور انتہاپسند چہرہ بے نقاب ہوگیا ہے،وزیر اعظم

    عمران خان کا فاشسٹ اور انتہاپسند چہرہ بے نقاب ہوگیا ہے،وزیر اعظم

    اسلام آباد: وزیر اعظم شہباز شریف نے سابق وزیراعظم عمران خان کو شدید تنقید کا نشانہ بناتے ہوئے کہا کہ عمران خان کا فاشسٹ اور انتہاپسند چہرہ بے نقاب ہوگیا-

    باغی ٹی وی: اپنے بیان میں شہباز شریف کا کہنا تھاکہ گزشتہ چند دنوں کے واقعات سے عمران خان کا فاشسٹ اور انتہاپسند چہرہ بے نقاب ہوگیا لوگوں کو انسانی ڈھال بنانا، پولیس پر پیٹرول بم پھینکنا، جتھوں کی قیادت کرکے عدلیہ کو خوفزدہ کرنا، عمران خان نے یہ سبق بھارتی انتہاپسند تنظیم آر ایس ایس سے سیکھا ہے۔

    عمران نیازی کی گزشتہ چند دنوں کی حرکات سب کے سامنے ہیں، وزیراعظم

    خیال رہے کہ عمران خان کی آج اسلام آباد کے جوڈیشل کمپلیکس میں پیشی تھی تاہم اس دوران بھی اسلام آباد میں ہنگامہ آرائی ہوئی جوڈیشل کمپلیکس کےباہرپی ٹی آئی مظاہرین اور پولیس کےمابین شدید ہنگامہ آرائی میں متعدد پولیس اہلکارزخمی ہوئےپی ٹی آئی مظاہرین کی پتھراؤ سے 9 پولیس اہلکار زخمی ہوئے جنہیں فوری طبی امداد کے لیے اسپتال منتقل کیا گیا جبکہ مشتعل مظاہریں نے 25 سے زائد موٹر سائیکل اور گاڑیاں نذر آتش کردیں۔

    وقت کی ضرورت ہے تمام سیاستدان یکجا ہوں،عارف علوی

    علاوہ ازیں پولیس حکام کے مطابق پولیس کی بم ڈسپوزل اسکواڈ کی گاڑی کوبھی مظاہرین بنے توڑ پھوڑ کے بعد جلا دیا پولیس حکام کے مطابق مظاہرین کی جانب سے پولیس پر مبینہ طور پر پٹرول بموں سے حملہ کیا گیا۔

    پولیس کی جانب سے مظاہرین کو منتشر کرنے اور انہیں کمپلیکس سے دور رکھنے کے لیے بدترین لاٹھی چارج اور آنسو گیس کا استعمال کیا جس کے جواب میں مظاہرین نے بھی پولیس اہلکاروں پر ڈنڈوں سے حملے کیا-

    گرفتاری کی صورت میں پارٹی کون چلائے گا،عمران خان کا بیان سامنے‌آ گیا

  • آج عمران خان کہتا ہے کہ میں ایماندار ہوں تو سب سے بڑا جھوٹ ہے،وزیراعظم

    آج عمران خان کہتا ہے کہ میں ایماندار ہوں تو سب سے بڑا جھوٹ ہے،وزیراعظم

    باغی ٹی وی کی رپورٹ کے مطابق وزیراعظم شہباز شریف نے کہا ہے کہ عمران خان کے حوالہ سے وہ کچھ نہیں کر رہے، عمران خان کی گرفتاری کے نوٹس عدالتوں سے جاری ہورہے ہیں

    سی پی این ای کے وفد سے گفتگو کرتے ہوئے وزیراعظم شہباز شریف کا کہنا تھا کہ آئی ایم ایف کی سخت ترین شرائط کا سامنا ہے پاکستان کو معاشی، خارجی اور سیاسی چیلنجز کا سامنا ہے تاہم دیوالیہ پن کا جو خوف تھا وہ ختم ہوگیا عمران خان نے حکومت کے خاتمے کے خوف سے آئی ایم ایف کے معاہدے کی دھجیاں اڑائیں آئی ایم ایف نے ہماری حکومت کو کہا کہ معاہدے کو من وعن ماننا ہوگا آئی ایم ایف سے اسٹاف لیول کا معاہدہ جلد ہوجائے گا تاثر تھا شہباز شریف حکومت نہیں چلا سکے گا لیکن ہم آگے بڑھ رہے ہیں الیکشن وقت پرہوں گے تو آئین، قانون اور ریاست جاندار ہوگی، ملک آگے چلے گا عمران خان نے اپنا گھر ریگولرائز کرالیا غریبوں کے گھر کو گرا دیا، حکومت نے توشہ خانہ سے متعلق نئے قوانین بنائے ہیں

    وزیراعظم شہباز شریف کا مزید کہنا تھا کہ ملک میں مردم شماری کا آغاز ہوچکا ہے فنڈز مہیا کردیے گئے ہیں، صوبائی حکومتوں نے مردم شماری میں حصہ ڈالنا ہے صوبائی حکومت کے مردم شماری سے متعلق تحفظات ہیں،تحفظات دور کریں گے تو آگے چلیں گے ،وزیراعظم شہباز شریف نے گزشتہ شام سے بنی گالہ میں عمران خان کی گرفتاری کے لئے ہونے والے آپریشن پر بات کرتے ہوئے کہا کہ ایک شخص خود کو قانون سے بالاتر سمجھتا ہے عمران خان اس وقت بیماری، بزرگی اور لاچاری کا واویلا کر رہے ہیں عدالتوں پردھاوے اور ججز پرفقرے کسے جا رہے ہیں، نوازشریف روز عدالت جاتے تھے ان پر جعلی کیسز بنائے گئے تھے، کبھی کسی نے کہا کہ میں نہیں پیش ہوں گا میں تو کچھ نہیں کررہا،گرفتاری کے نوٹس عدالتوں سےجاری ہورہے ہیں،ایک شخص جو خود کرتا تھا اس کا الزام ہمیں دے رہا ہے، آج عمران خان کہتا ہے کہ میں ایماندار ہوں تو سب سے بڑا جھوٹ ہے،

    ،قانون کو کوئی بھی ہاتھ میں لے گا تو کاروائی ہوگی ،ڈی آئی جی آپریشنز اسلام آباد

     کل شام سے گرفتاری کے لئے شروع ہونے والا آپریشن تاحال مکمل نہ ہو سکا،

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

  • سلیمان شہباز کی بریت کی درخواستوں پردلائل،دائرہ اختیار پر فیصلہ محفوظ

    سلیمان شہباز کی بریت کی درخواستوں پردلائل،دائرہ اختیار پر فیصلہ محفوظ

    اسپیشل سینٹرل کورٹ لاہور میں ایف آئی اے منی لانڈرنگ کیس کی سماعت ہوئی

    اسپیشل سینٹرل کورٹ لاہور میں سلیمان شہباز کی بریت کی درخواستوں پر دلائل دیئے گئے،جج نے وکیل سے مکالمہ کرتے ہوئے کہا کہ میں نے جو دیکھا اس کے مطابق حکم جاری کیا،وکیل امجد پرویز نے کہا کہ ایف آئی اے نے ایک سال پہلے مقدمہ درج کیا ،ایک سال کے دوران کوئی ایف آئی اے نے پیش رفت نہیں کی،اسپیشل سینٹرل کورٹ لاہور نے دائرہ اختیار سے متعلق قانونی نکات پر فیصلہ محفوظ کر لیا،عدالت نے کہا کہ فیصلہ آج ہی سنائیں گے،

    عدالت نے امجد پرویز سے استفسار کیا کہ کیا آپ بریت کی درخواستوں پر دلائل کیلئے تیار ہیں؟ عدالت نے پراسیکیوٹر سے استفسار کیا کہ آپ سے تحریری دلائل مانگے تھے، پراسیکیوٹر نے کہا کہ تفتیشی افسر ٹریننگ پر ہیں، عدالتی حکم پر تعمیل ہو گی، وکیل امجد پرویز نے کہا کہ شہباز شریف اور حمزہ شہباز کی بریت کے بعد کوئی بھی ملزم پبلک سرونٹ نہیں،جج نے استفسار کیا کہ آپ کیس میں بریت کیلئے دلائل دے رہے ہیں یا دائرہ اختیار پر بحث کر رہے ہیں؟ وکیل امجد پرویز نے کہا کہ دائرہ اختیار کا معاملہ پہلے طے ہونا چاہیے اسکے بعد بریت پر دلائل سن لیے جائیں،شہباز شریف کی بریت کا فیصلہ چیلنج نہ ہونے پر حتمی صورت اختیار کر چکا ہے ،اسپیشل پراسیکیوٹر نے عدالت میں کہا کہ کیس کی قانونی حیثیت پر کوئی اعتراض نہیں ہے،عدالت نے پراسیکیوٹر نے کہا کہ آپ کے دلائل کوئی قابل اپیل نظر نہیں آ رہے،اسپیشل پراسیکیوٹر نے کہا کہ بدقسمتی سے مجھے کیس ہی ایسا ملا ہے جو سارے کا سارا ریکارڈ پر کھڑا ہے

    رواں برس ہی روسی افواج کو یوکرینی علاقوں سے نکالنا بہت مشکل ہے،امریکا
    بلوچستان مالی بحران:فوری اقدامات نہ کئےتوہم سخت فیصلے کرنے پرمجبور ہوںگے، وزیراعلیٰ بلوچستان
    جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول
    نیا پاکستان اورنیا پاکستان اسلامک سرٹیفکیٹ پرمنافع کی شرح میں اضافہ

  • بزدل شخص عدالتوں کو تلاشی نہیں دے رہا کیونکہ یہ مجرم ہے،وزیراعظم

    بزدل شخص عدالتوں کو تلاشی نہیں دے رہا کیونکہ یہ مجرم ہے،وزیراعظم

    باغی ٹی وی کی رپورٹ کے مطابق وزیراعظم شہباز شریف نے کہا ہے کہ عمران خان اپنے ہی آئی ایم ایف پروگرام کی بحالی کو ناکام بنانے کی کوشش کررہا ہے

    وزیراعظم شہباز شریف کا کہنا تھا کہ عمران خان چاہتے ہیں کہ ملک میں عدم استحکام کی آگ بھڑکے،عمران خان نہیں چاہتے کہ غریب عوام کو ریلیف ملے،بزدل شخص عدالتوں کو تلاشی نہیں دے رہا کیونکہ یہ مجرم ہے،پہلے اپنے وعدوں اور نظریات سے بھاگ گئے،اب عدالتوں سے بھاگ رہے ہیں،مسلم لیگ ن کے رہنما سزائے موت کی چکیوں میں رہے ،منشیات جیسے جھوٹے مقدمات کا سامنا کیا،

    قبل ازیں مسلم لیگ ن کے رہنما اور وزیراعظم کے مشیر عطا تارڑ کا کہنا ہے کہ ظل شاہ کے جاں بحق ہونے کے واقعہ پر سیاست کی جارہی ہے،عطا تارڑ کا کہنا تھا کہ پی ٹی آئی لاشوں کی سیاست کرنا چاہ رہی ہے پی ٹی آئی والے چاہتے ہیں کہ لاوارث لاش ملے اور اس پر سیاست کی جائے،تحریک انصاف کسی بھی انسانی سانحے کی تلاش میں رہتی ہے،سروسزاسپتال کے ریکارڈ کے مطابق ظل شاہ کی موت ہوچکی تھی،سیاسی مفاد کی خاطر ایک معصوم کی جان گئی،پہلے کہا امریکہ نے سازش کی،بعد میں کہا مجھے ہٹانے کے پیچھے جنرل ریٹارئرڈ باجوہ تھے،عمران خان نے سائفر معاملے پر جھوٹ بولا،

    عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

     عمران خان جھوٹے بیانیے پر سیاست کر رہے ہیں،

     مریم نواز نے عمران خان پر کڑی تنقید 

  • رواں سال مختلف تقریبات میں محنتی بچوں کو لیپ ٹاپ دیئے جائیں گے،شہباز شریف

    رواں سال مختلف تقریبات میں محنتی بچوں کو لیپ ٹاپ دیئے جائیں گے،شہباز شریف

    وزیراعظم محمد شہباز شریف کا کہنا ہے کہ رواں سال مختلف تقریبات ہوں گی ،محنتی بچوں کو لیپ ٹاپ دیئے جائیں گے –

    باغی ٹی وی: وزیراعظم شہبازشریف نے کہا کہ نوجوانوں کی حوصلہ افزائی کا سلسلہ جاری رہے گا،پاکستان کی 68فیصد آبادی نوجوانوں پر مشتمل ہے ،صحت اور روز گار سے ہی پاکستان کی ترقی ہوگی-

    وزیراعظم شہبازشریف نے کہا کہ یوتھ پروگرام کے ذریعے نوجوانوں کو آسان اقساط پر قرض دیئے گئے ،یوتھ پروگرام کو 10سال مکمل ہوگئے ہیں-

    مخلوط حکومت نے رواں سال کو نوجوانوں کا سال قرار دیا ہے-

    قبل ازیں نوجوانوں کو قرض (یوتھ لون) اسکیم کی افتتاحی تقریب سے خطاب کرتے ہوئے شہباز شریف نے کہا تھا کہ حکومت ایک لاکھ نوجوانوں میں میرٹ کی بنیاد پر مفت لیپ ٹاپ تقسیم کرے گی-

    وزیراعظم نے میرٹ کے حوالے سے بتایا تھا کہ ملک بھر میں تعلیم کے شعبے میں نمایاں کارکردگی دکھانے والے نوجوانوں منتخب کر کے انہیں لیپ ٹاپ دیے جائیں گے۔

    انہوں نے کہا تھا کہ نوجوانوں کو کوئی کلاشنکوف نہیں دے رہا بلکہ ہم انہیں بہتر مستقبل اور روزگار کیلیے لیپ ٹاپ دے رہے ہیں پنجاب حکومت نے پہلے جو لیپ ٹاپ دیئے وہ نوجوانوں کیلئے روزگار کا باعث بنے۔

  • باتیں ،نعرے نہیں کشمیر کاذ کیلئے عملی اقدام کرنا ہوں گے،وزیر اعظم

    باتیں ،نعرے نہیں کشمیر کاذ کیلئے عملی اقدام کرنا ہوں گے،وزیر اعظم

    مظفرآباد: وزیراعظم شہبازشریف کاآزادکشمیر کی قانون سازاسمبلی سے خطاب میں کہا کہ جب کسی قوم میں اتفا ق و اتحاد پیدا ہوتا تو وہ اپنے اہداف آسانی سے حاصل کرتے ہیں-

    باغی ٹی وی : خطاب میں وزیر اعظم نے کہا کہ قائداعظم نے کہا تھا کہ کشمیرپاکستان کی شہ رگ ہے،مجھے فخر ہے میں آج وہاں کھڑا ہوں جہاں قائد اعظم نے یہ الفاظ ادا کئے تھے-


    وزیر اعظم شہباز شریف نے کہا کہ ہمارے معاشرے میں تقسیم در تقسیم پیدا ہوئی جو افسوسناک ہے، جب کسی قوم میں اتفا ق و اتحاد پیدا ہوتا تو وہ اپنے اہداف آسانی سے حاصل کرتے ہیں،کشمیر کے اندر 75سال سے لاکھوں مسلمانوں کو ظلم کا نشانہ بنایا جارہا ہے،مودی سرکار نے مقبوضہ کشمیر کااسپیشل اسٹیٹس تبدیل کیا،بظاہر لگ رہاہے کہ کشمیر کامسئلہ دب گیا ہے-

    انہوں نے کہا کہ مذہبی بنیادوں پرعالمی طاقتوں نے سوڈان کو تقسیم کیا،پاکستان نے ہمیشہ کشمیریوں کوسپورٹ کیا،کشمیر کی وادی بے گناہ مسلمانوں کے خون سے رنگ گئی ہے،پاکستانیوں نے ہمیشہ اپنے کشمیریوں بھائیوں کو یادرکھا-

    وزیر اعظم پاکستان نے کہا کہ بوسنیا کے مسلمانوں پرظلم ڈھائے گئے،بھارت نےمقبوضہ کشمیر کو جیل میں تبدیل کررکھا ہے،مودی نے 2019میں مقبوضہ کشمیر کے اسپیشل اسٹیٹس کو تبدیل کیا-


    وزیراعظم شہبازشریف نے خطاب میں کہا کہ کشمیرپالیسی میں مزید جدت اور وسعت پیداکرنا ہوگی،پاکستانی حکومتوں اور عوام نے ہمیشہ کشمیریوں کو سپورٹ کیا،75سالوں میں کشمیر میں لاکھوں مسلمانوں کو شہید کیا گیا،باتیں ،نعرے نہیں کشمیر کاذ کیلئے عملی اقدام کرنا ہوں گے،کشمیریوں کی آزادی کی جدوجہد ضرور رنگ لائی گی،اگرکشمیر کو آزادی دلانی ہے تو معاشی طاقت کیساتھ دلانی ہوگی،پاکستان کو اللہ نے اس لیے بنایا تھا کہ دنیا کو لیڈ کرے،کشمیریوں کو ان کاحق مل کررہے گا،نوازشریف نے ایٹمی دھماکے کرکے ملک کو ناقابل تسخیر بنایا،نوازشریف نے امریکا کی 5ارب ڈالر کی آفر کو ٹھکرایا،ایک دن کشمیرضرور آزاد ہوگا،پاکستان کو کشمیر کی آزادی میں کلیدی کردار اداکرنا ہوگا،کشمیر کے عوام 22کروڑ پاکستانیوں کی طرف دیکھ رہے ہیں،

  • کراچی نیوکلیئر پاور پلانٹ تھری پاکستان چین دوستی کا منہ بولتا ثبوت ہے،وزیراعظم

    کراچی نیوکلیئر پاور پلانٹ تھری پاکستان چین دوستی کا منہ بولتا ثبوت ہے،وزیراعظم

    کراچی نیوکلیئر پاور پلانٹ تھری کی تقریب سے وزیراعظم شہباز شریف نے خطاب کرتے ہوئے کہا ہے کہ کراچی نیوکلیئر پاور پلانٹ تھری کاافتتاع کرنا باعث فخر ہے کراچی نیوکلیئر پاور پلانٹ تھری پاکستان چین دوستی کامنہ بولتا ثبوت ہے،

    وزیراعظم شہباز شریف کا کہنا تھا کہ پاکستان 27ارب ڈالر کا ایندھن برآمد کررہا ہے،اللہ تعالیٰ نے پاکستان کو بہت سے وسائل سے نوازا ہے،داسو ڈیم منصوبے پر کام جاری ہے نیوکلیئر کے تھری منصوبے نے نوازشریف دور میں حتمی شکل اختیار کی تھی توانائی کی ضرورت پوری کرنے میں پن بجلی کردار ادا کرسکتی ہے،امید ہے دوست ملک چین فی میگاواٹ کی قیمت کم کرے گا،پاکستان میں 60 ہزارمیگاواٹ ہائیڈل پاور کی پیداواری صلاحیت ہے،امید ہے سی پیک کے جو منصوبے ماضی میں تعطل کا شکار ہوئے دوبارہ بحال ہونگے،دیامربھاشا اور داسوڈیم کی تکمیل میں 5سال لگ سکتے ہیں،بے پناہ کوئلہ تھر کی خوشحالی میں اہم کردار ادا کرسکتا ہے

    وزیراعظم شہباز شریف نے نیوکلیئر پاور پلانٹ کا افتتاح کر دیا اس موقع پر وزیراعلیٰ سندھ سمیت دیگر موجود تھے، وفاقی وزیر توانائی انجینئر خرم دستگیر، وفاقی وزیر منصوبہ بندی و ترقی پروفیسر احسن اقبال و دیگر بھی موجود تھے ۔ اس منصوبے سے ماحول دوست 1100میگاواٹ بجلی حاصل ہوگی جبکہ جوہری توانائی بجلی گھر سے مجموعی پیداوار 2200 میگاواٹ ہو جائے گی

    کالا باغ ڈیم ضروری،نئے ڈیمز نہ بنے تو صوبے آپس میں لڑتے رہیں گے ،چیئرمین ارسا

    عدالت کیا کرے جو ڈیم بنا رہے ہیں وہی ان معاملات کو دیکھیں گے،سپریم کورٹ

    بھارتی آبی جارحیت،پاکستان کا پانی روکنے کے منصوبہ کی دی مودی سرکار نے منظوری

    دیامر بھاشا ڈیم منصوبے سے دشمن کو تکلیف ہو رہی ہے،فیصل واوڈا

    ڈیم مخالف ٹرینڈ ، بھارتی عزائم کا ٹرینڈ ہے ، بھارتی پراپیگنڈہ چند شرپسند عناصرپھیلا رہے ہیں‌، جویریہ صدیقی

    ڈیمزفنڈ، کتنی رقم جمع ہو چکی؟ تفصیلات سامنے آ گئیں

    بلوچستان میں سرکاری ملازمت کے کوٹہ کے تحت بھرتیوں کی تفصیلات ایوان میں پیش

  • وزیراعظم کا سیاسی قوتوں کو پاکستان دشمن عناصر کے خلاف اتحاد کا پیغام

    وزیراعظم کا سیاسی قوتوں کو پاکستان دشمن عناصر کے خلاف اتحاد کا پیغام

    باغی ٹی وی کی رپورٹ کے مطابق پشاور دھماکے کے بعد وزیراعظم شہباز شریف نے سیاسی جماعتوں کو ایک بار پھر اتحاد کا پیغام دے دیا

    وزیراعظم شہباز شریف کا کہنا تھا کہ اپنی گھناؤنی حرکتوں کے ذریعے دہشت گرد عوام میں خوف و ہراس پھیلانا چاہتے ہیں، یہ لوگ دہشت گردی کے خلاف ہماری محنت سے حاصل کامیابیوں کو پلٹنا چاہتے ہیں، تمام سیاسی قوتوں کو پاکستان دشمن عناصر کے خلاف اتحاد کا پیغام دیتا ہوں ہم اپنی سیاسی لڑائی بعد میں لڑ سکتے ہیں، پاکستان دشمن عناصر کے خلاف ایک ہونے کا وقت ہے

    قبل ازیں سینیٹ کا اجلاس ہوا، اجلاس میں سانحہ پشاور کے حوالے سے تحریک پر بحث میں حصہ لیتے ہوئے سینیٹر رضا ربانی نے کہا کہ پارلیمنٹ کے 8 فروری کو ہونے والے مشترکہ اجلاس میں انسداد دہشت گردی کی نئی پالیسی تشکیل دی جائے جس میں تمام سٹیک ہولڈرز کو بلایا جائے، ایوان کو پارلیمنٹ اور عوام کو اعتماد میں لئے بغیر ٹی ٹی پی سے مذاکرات کرنے کے معاملے کا بھی جائزہ لینا چاہیے پارلیمنٹ میں قومی مذاکرہ کو فروغ دیا جائے، ملک کو دہشت گردی سمیت کئی چیلنجز درپیش ہیں۔ سیاسی جماعتیں انتخابات کی تاریخ پر بحث میں مصروف ہیں حالانکہ اس حوالے سے آئین میں سب کچھ واضح ہے۔

    سینیٹر بہرہ مند تنگی نے کہا کہ خیبرپختونخوا خون سے لہو لہو ہے، ہمیں اس معاملے پر سیاست نہیں کرنی چاہیے، نیشنل ایکشن پلان پر عملدرآمد یقینی بنایا جائے۔ سینیٹر محمد اکرم نے کہا کہ مضبوط معیشت نہ ہونے کے باعث مشکلات کا سامنا ہے۔ سینیٹر مشاہد حسین سید نے کہا کہ سانحہ پشاور کی مذمت کرتے ہیں اور اس پر افسوس کا اظہار کرتے ہیں، ہم ابھی تک انسداد دہشت گردی پالیسی وضع نہیں کر سکے، ہمیں ماضی سے سبق سیکھ کر درست راہ کا تعین کرنا ہو گا، ہمیں اقتدار کی جنگ چھوڑ کر پاکستان کے لئے متحد ہونا ہو گا، مسائل کے حل کے لئے انتخابات کی طرف جانا ہو گا، 8 فروری کو پارلیمنٹ کے مشترکہ اجلاس میں اس معاملے پر بحث کرائی جائے، انسداد دہشت گردی پالیسی کی تشکیل کے لئے ٹاسک فورس قائم کی جائے۔

    واضح رہے کہ گزشتہ روز پشاور میں پولیس لائنز کی مسجد میں نماز ظہر کے دوران خودکش دھماکے میں امام مسجد اور پولیس اہلکاروں سمیت شہید ہونے والوں کی تعداد 95 ہوگئی جب کہ 140 سے زائد افراد زخمی ہوئے ہیں

    وزیراعظم شہباز شریف پشاور پہنچ گئے،

    مقدس مقام اور عبادت کے دوران حملہ سفاکیت کی انتہاء ہے,مولانا فضل الرحمان

    سیکیورٹی کے باوجود خود کش حملہ آور کیسے مسجد پہنچا انکوائری ہو گی،وزیر داخلہ

    پشاور دھماکہ / شہداء فہرست

    امریکہ، ایران، ترکی، سمیت دیگر ممالک نے بھی مذمت کی

    ہوسکتا ہے کہ حملہ آور پہلے سے ہی پولیس لائنز میں موجود ہو 

    نیشنل ایکشن پلین پر سختی سے عمل کرنے کی ضرورت ہے،

  • ملک بھر میں بجلی بریک ڈاؤن، وزیراعظم شہباز شریف کی قوم سے معذرت

    ملک بھر میں بجلی بریک ڈاؤن، وزیراعظم شہباز شریف کی قوم سے معذرت

    اسلام آباد: وزیراعظم شہباز شریف نے ملک بھر میں بجلی کے بڑے بریک ڈاؤن پرمعذرت کرتے ہوئے کہا ہے کہ عوام کو پہنچنے والی زحمت پر افسوس ہے-

    باغی ٹی وی: ٹوئٹر پر جاری بیان میں وزیراعظم شہباز شریف نے کہا کہ گزشتہ روز کے پاوربریک ڈاؤن پر شہریوں کوپہنچنےوالی تکلیف پر حکومت کی طرف سے معذرت خواہ ہوں، میرے حکم پر پاور بریک ڈاؤن کی تحقیقات جاری ہیں اور اس سلسلے میں ذمہ داروں کا تعین کیا جائے گا۔

    بجلی بریک ڈاون، وزیر توانائی کی ٹویٹ، استعفی کی بجائے ڈھٹائی

    قبل ازیں وفاقی کابینہ کا اجلاس منعقد ہوا تھا جس میں وزیر توانائی خرم دستگیر نے بجلی بریک ڈاؤن پر ارکان کو بریفنگ بھی دی۔ بجلی بریک ڈاؤن پر وفاقی کابینہ نے سخت اظہار برہمی کیا جس پر وزیراعظم نے کہا کہ ذمہ داران کے خلاف کارروائی کی جائے۔

    قبل ازیں اسلام آباد میں پریس کانفرنس کرتے ہوئے خرم دستگیر نے کہا تھا کہ ملک میں این ٹی ڈی سی کے 1112 گرڈ اسٹیشنز ہیں جن کو بحال کردیا ہے جس کے بعد ملک بھر میں بجلی کا نظام مکمل بحال کر دیا ہے گزشتہ روز صبح ساڑھے سات بجے تکنیکی خرابی ہوئی جس کا ابھی پتا نہیں چل سکا ہے۔

    بجلی کا تاریخی بریک ڈاؤن، 24 گھنٹے گزرنے کے بعد بھی بجلی مکمل طور پر بحال نہ ہو سکی

    خرم دستگیر نے کہا تھا کہ جوہری پلانٹ کو دوبارہ شروع ہونے میں 24 سے 48 گھنٹے چاہئیں جب کہ کوئلے کے پلانٹ کو بھی 48 گھنٹے چلانے کیلئے درکار ہوتے ہیں اس لیے اگلے 48 گھنٹوں میں ملک میں بجلی کی کمی رہے گی جس وجہ سے اگلے 48 گھنٹوں میں ملک میں لوڈشیڈنگ رہے گی، پرسوں تک سب کچھ بحال ہوجائے گا ملک کا ترسیلی نظام محفوظ رہا ہے، بجلی کے کارخانے چلانے کے لئے وافر مقدار میں تیل موجود ہے۔

    وفاقی وزیر کا کہنا تھا کہ خدشہ ہے اور تفتیش کرنی ہے کیا ہمارے سسٹم میں ہیکنگ کے ذریعےبیرونی مداخلت تو نہیں ہوئی، اس بات کی بھی تحقیقات کی جائیں گے البتہ انٹرنیٹ سے بیرونی مداخلت کے امکان کم ہیں، وزیراعظم نے تین رکنی انکوائری کمیٹی بنائی ہے جس کی سربراہی مصدق ملک کریں گے۔

    اگلے 48 گھنٹوں میں ملک میں بجلی کی کمی رہے گی،خرم دستگیر