Baaghi TV

Tag: شہباز شریف

  • عمران خان کو ہٹانے کے لئے ہم ہر قدم اٹھانے کو تیار ہیں،بلاول،مریم، فیصلہ ہو گیا

    عمران خان کو ہٹانے کے لئے ہم ہر قدم اٹھانے کو تیار ہیں،بلاول،مریم، فیصلہ ہو گیا

    عمران خان کو ہٹانے کے لئے ہم ہر قدم اٹھانے کو تیار ہیں،بلاول،مریم، فیصلہ ہو گیا
    باغی ٹی وی کی رپورٹ کے مطابق ،آصف علی زرداری اور بلاول بھٹو ماڈل ٹاؤن پہنچ گئے

    شہباز شریف نے پیپلزپارٹی کی قیادت کے اعزاز میں ظہرانہ دیا ہے ن لیگی نائب صدر مریم نواز بھی ماڈل ٹاون میں موجود ہیں ن لیگی ترجمان مریم اورنگزیب،سعد رفیق اور دیگر بھی شہبازشریف کی رہائش گاہ پر موجود ہیں ، ن لیگی ترجمان مریم اورنگزیب کا کہنا ہے کہ شہباز شریف نے آصف زرداری اور بلاول بھٹو کا استقبال کیا،مریم نواز اور حمزہ شہبازدوران استقبال شہبازشریف کے ہمراہ تھے، پیپلزپارٹی کی قیادت کے ہمراہ پی پی پی وسطی پنجاب کے جنرل سیکریٹری حسن مرتضی اور رخسانہ بنگش موجود تھے

    آصف زرداری اور بلاول بھٹو نے مریم نواز سے نواز شریف کی صحت سے متعلق نیک تمناؤں کا اظہارکیا آصف زرداری اور بلاول بھٹو نے شہباز شریف سے ان کی خیریت دریافت کی ملاقات میں پیپلزپارٹی اور ن لیگی قیادت کے درمیان ملکی سیاسی صورت حال پر تبادلہ خیال کیا گیا

    شہباز شریف نے سابق صدر آصف زرداری کے لئے خصوصی پکوان تیار کروائے ہیں، شرکاء کے لئے ظہرانے میں سوپ، مٹن بریانی، سندھی بریانی، گرل فش، بار بی کیو، قورمہ، گاجر کا حلوہ اور سبز چائے شامل ہے،

    دوسری جانب اطلاع ہیں کہ سابق صدر آصف زرداری شہباز شریف کا بنوایا ہوا خصوصی کھانا نہیں کھائیں گے بلکہ
    آصف زرداری کیلئے انکا سٹاف الگ سے پرہیزی کھانا اور ادویات ساتھ لیکر آیا ہے، اس ضمن میں صحافی غضنفر عباس نے سماجی رابطے کی ویب سائٹ ٹویٹر پر ایک ویڈیو ٹویٹ کی ہے جس میں دیکھا جا سکتا ہے کہ گاڑی سے آصف زرداری کا عملہ سامان اتار رہا ہے، ساتھ پیغام میں لکھا گیا ہے کہ آصف علی زرداری اور بلاول بھٹو شہباز شریف کے ظہرانے پر پہنچ گئے آصف زرداری کیلئے انکا سٹاف الگ سے پرہیزی کھانا اور ادویات ساتھ لیکر آیا،

    ملاقات کے بعد میڈیا ٹاک کرتے ہوئے شہباز شریف کا کہنا تھا کہ آج یوم کشمیر ہے ،پورے پاکستان میں ریلیاں نکالی جارہی ہیں ہم نے ملک سے دہشتگردی کا خاتمہ کردیا تھا،موجودہ حکومت نے نیشنل ایکشن پلان کو سرد خانے میں ڈال دیا ہے، آج ملک میں مہنگائی، غربت اور بے روزگاری ہے،پاکستان کا بچہ بچہ کشمیریوں کے ساتھ کھڑا ہے، ہم سب نے آصف زرداری اور بلاول بھٹو کو دل کی گہرائیوں سے خوش آمدید کہا ہے نوازشریف کے دور میں بھی قرضے لیے گئے، لیکن ترقیاتی کام کیے، موجودہ حکومت نے کھربوں روپے کے قرضے لیے لیکن کہیں ایک اینٹ نہیں لگائی،عوام ہم سے پوچھتے ہیں کہ کب اس حکومت سے ہماری جان چھڑوائیں گے موجودہ حکومت قرضے لینے کے سوا کچھ نہیں کررہی، پاکستان کو تباہی سے بچانے کیلئے ہمیں متحد ہونا ہوگا،

    شبہباز شریف کا مزید کہنا تھا کہ عدم اعتماد کے حوالے سے پیپلزپارٹی کلیئر تھی عدم اعتماد کے حوالے سے ہماری پارٹی میں مختلف آرا تھیں، شہباز شریف صحافی کے سوال پر برہم ہو گئے اور سوال کا جواب دیتے ہوئے کہا کہ کیا ہم گزشتہ تین سال سے اشاروں پر چل رہے ہیں، عدم اعتماد کے حوالے سے معاملہ سی ای سی اور پی ڈی ایم کے سامنے رکھیں گے،عدم اعتماد کے حوالے سے چند دن میں فیصلہ کرلینگے،

    ن لیگی رہنما مریم نواز کا کہنا تھا کہ سیاسی پارٹیوں کے اندر اختلاف ہوتے ہیں لیکن جو چیز بلاول اور ہم سب کو جوڑتی ہے وہ عوام کے مسائل ہیں، عوام کی بہتری کے لئے اکٹھے ہم آگے بڑھیں گے،

    بلاول زرداری کا کہنا تھا کہ عمران خان کو ہٹانے کے لئے ہم ہر قدم اٹھانے کو تیار ہیں، شہباز شریف کا شکریہ ادا کرتا ہوں ، بلاول بھٹو زرداری نے بلوچستان میں موجودہ دہشتگردی کی لہر اور حکومتی نااہلی پر تشویش کا اظہار کیا اور کہا کہ دہشت گردی کے خلاف متحد ہیں، حکومت کی نااہلی سامنے آ رہی ہے، پچھلے کچھ دنوں میں بلوچستان سے جو خبریں آ رہی ہیں یہ بہت خطرناک ہے شہباز شریف اپنی ذمہ داری سے پیچھے نہیں ہٹے ہیں،حکومت سے عوام کا اعتماد اٹھ چکا ہے،پارٹی کی رائے کو ن لیگ کی قیادت کے سامنے رکھا گیا ہے،ہر سیاسی جماعت کی مختلف رائے ہوتی ہے،

    صحافی نے سوال کیا مریم نواز آپ اور بلاول کے درمیان جو سیاسی ہم آہنگی تھی وہ چپکلش میں تبدیل ہوئی اس کے بارے میں کیا کہیں گی، جس پر دونوں چپ رہے اور شہباز شریف بولے، شہباز شریف کا کہنا تھا کہ بھائی ان دونوں بلاول اور مریم کے بیچ کھڑا ہوں میں ہوں نہ

    قبل ازیں ن لیگ کی رہنما مریم نواز ماڈل ٹاؤن میں شہباز شریف کی رہائش گاہ پر پہنچ گئی ہیں

    شہبا زشریف اور آصف زرداری کے مابین ملاقات میں ملکی سیاسی صورتحال اور حکومت کے خلاف تحریک پر مشاورت ہو گی

    قبل ازیں پاکستان پیپلزپارٹی کے چیئرمین بلاول بھٹو زرداری کی سربراہی میں لانگ مارچ کی تیاریوں کے سلسلے میں اجلاس ہوا، چیئرمین بلاول بھٹو زرداری کو وسطی پنجاب میں لانگ مارچ کی آمد کی تیاریوں اور راستے میں ہونے استقبال سے متعلق بریف کیا گیا چیئرمین بلاول بھٹو زرداری نے پنجاب کی صوبائی اور لاہور کی تنظیم کو لانگ مارچ سے متعلق اہم ٹاسک سونپ دئیے بلاول ہاؤس میں ہونے والے اجلاس میں حسن مرتضی، ثمینہ خالد گھرکی، اسلم گل، جمیل منج اور فائزہ ملک شریک تھے

    ضروری ہے کہ عدم اعتماد کی تحریک لیکر آئیں،راجہ پرویز اشرف

    بریکنگ،وزیراعظم کے خلاف تحریک عدم اعتماد کا معاملہ اہم مرحلے میں داخل

    اک زرداری سب پر بھاری،آج واقعی ایک بار پھر ثابت ہو گیا

    مبارک ہو، راہیں جدا ہو گئیں مگر کس کی؟ شیخ رشید بول پڑے

    پاکستان میں جنگ زدہ افغانستان سے بھی زیادہ مہنگائی ہے، بلاول

    پٹواریوں سے نہ مولانا سے ،حکومت کا مقابلہ صرف جیالوں سے ہے،بلاول

    وہ دن دور نہیں جب نثارکھوڑو اور مرادعلی شاہ کی جگہ خواتین کام کرینگی،بلاول

    بلاول پنجاب میں ن لیگ کے ساتھ جے یو آئی کی وکٹیں بھی گرانے لگے

    پنجاب کے ہر گھر میں پیپلزپارٹی کا جھنڈا لہرائیں گے ،راجہ پرویز اشرف

    لانگ مارچ عمران خان حکومت کیخلاف چارج شیٹ ہوگا،بلاول

  • شہدا کو سلام،آزادی زیادہ دور نہیں،آصف زرداری، بلاول ،شہباز شریف

    شہدا کو سلام،آزادی زیادہ دور نہیں،آصف زرداری، بلاول ،شہباز شریف

    شہدا کو سلام،آزادی زیادہ دور نہیں،آصف زرداری، بلاول ،شہباز شریف

    سابق صدر پیپلز پارٹی کے رہنما آصف زرداری کا کہنا تھا کہ مقبوضہ کشمیر کی آزادی زیادہ دور نہیں ہے خطہ میں امن کیلئے کشمیری عوام کو رائے شماری کا حق دیا جائے پیپلزپارٹی کی حکومت ہوتی تو مودی مقبوضہ کشمیر میں جارحیت کی ہمت نہ کرتے کشمیر کی آزادی قائد عوام ذوالفقار علی بھٹو کا خواب تھا

    قومی اسمبلی میں قائد حزب اختلاف شہباز شریف کا کہنا تھا کہ مسئلہ کشمیر کے منصفانہ حل کے بغیر جنوبی ایشیا میں امن و ترقی کا خواب پورا نہیں ہوسکتا 5اگست 2019 کے غیر قانونی بھارتی اقدامات یواین قراردادوں کی خلاف ورزی ہیں عالمی برادری بھارت کو انسانی حقوق کی سنگین پامالیوں پر جوابدہی کے کٹہرے میں کھڑا کرے،آج کشمیری شہدا کو سلام عقیدت پیش کرتے ہیں،فلسطین اورکشمیر تنازعات اقوام متحدہ، سلامتی کونسل اور عالمی برادری کے لیے چیلنج ہیں تنازعات کے حل تک اقوام متحدہ کے قیام کے بنیادی مقاصد پورے نہیں ہوں گے اقوام متحدہ کو اپنی ساکھ کی بحالی کے لیے کشمیر اور فلسطین تنازعات کا منصفانہ حل یقینی بنانا ہوگا،

    پیپلز پارٹی کے چیئرمین بلاول زرداری کا کہنا تھا کہ مقبوضہ کشمیر کی آزادی قائدِ عوام ذوالفقار علی بھٹو کا مشن تھا،حقِ خود ارادیت کے لیے جاری جدوجہد کو پیپلزپارٹی کی حمایت حاصل رہے گیمسئلہ کشمیر تقسیمِ برصغیر کا نامکمل ایجنڈا اور عالمی ضمیر پر بوجھ ہے، بھارت کشمیریوں کی جدوجہد کو دبانے میں ناکام ہوا ہے، عالمی برادری کو اپنی ذمیداریاں نبھانا ہوں گی،اگر پیپلزپارٹی کی حکومت ہوتی، تو مودی کے دانت کھٹے کر دیئے ہوتے،

    وفاقی وزیر اسد عمر کا کہنا تھا کہ حقِ خودارادیت اہلِ کشمیر کا بنیادی حق ہے،پاکستان پورے عزم و استقلال سے کشمیر کاز کے ساتھ کھڑا ہے، مودی کی ہندوتوا سرکار جذبہ حریت دبانے کیلئے جبر و بربریت میں شدت لائی، کشمیر پر دائمی قبضے کی مودی کی کوشش نے کشمیریوں کی مزاحمت میں نئی روح پھونکی ، اقوام عالم مقبوضہ وادی میں بھارتی وحشت و بربریت کے تدارک کیلئے اقدام کریں،

    سپیکر قومی اسمبلی اسد قیصر نے کہا ہے کہ خطے میں پائیدار امن کے قیام کے لیے مسئلہ کشمیر کا حل ناگزیر ہے،پاکستان ہر پلیٹ فارم پر اپنے کشمیری بھائیوں کی حمایت جاری رکھے گا، بھارت کے جھوٹے پروپیگنڈے سے کشمیر کی آزادی کی آواز کو دبایا نہیں جاسکتا ہے،مسئلہ کشمیر پر پوری پاکستانی قوم متحد ہے،پاکستان کا بچہ بچہ اپنے کشمیری بھائیوں کے ساتھ کھڑا ہے،

    ایڈ منسٹریٹر کراچی مرتضیٰ وہاب کا کہنا تھا کہ کشمیر یوں کے ساتھ کھڑے رہیں گے ،عالمی برادری کو اپنی ذمیداریاں نبھانا ہوں گی ہم کشمیریوں کو خراج عقیدت پیش کرتے ہیں،ہم اقوام متحدہ کی قرار داد کے تحت کشمیریوں کے حق خود ارادیت کا مطالبہ کرتے ہیں،

    وزیراعظم کے معاون خصوصی شہباز گل کا کہنا ہے کہ بھارت جتنی بھی کوشش کر لے کشمیری عوام کو دبا نہیں سکتا،

    ن لیگی رہنما رکن قومی اسمبلی خواجہ سعد رفیق کا کہنا تھا کہ کشمیرکی آزادی، خوشحالی اور پائیدار امن تک چین سے نہیں بیٹھے گا،کشمیر پاکستان کی لائف لائین ہے،

    وزیر انسانی حقوق شیریں مزاری کا کہنا تھا کہ ہم کشمیری بہن بھائیوں کی جدوجہد میں ان کے ساتھ کھڑے ہیں،کشمیریوں کو جس قسم کی بھی سپورٹ چاہیے،دے رہے ہیں اور دیں گے، وزیر اعظم نے ہر فورم پر کشمیریوں کے حق آواز اٹھائی ہےکشمیر میں جنگی جرائم کا اقوام متحدہ نوٹس لے کر بھارت کے خلاف ایکشن لے،بھارت مقبوضہ کشمیر میں نسل کشی کر رہا ہے اور ڈیمو گرافی کو تبدیل کر رہا ہے

    پاکستان کا ہر جوان تحریک کشمیر کا ترجمان ہے،ورلڈ کالمسٹ کلب کے زیر اہتمام یکجہتی کشمیر سیمینار سے میاں اسلم اقبال کا خطاب

    یوم یکجہتی کشمیر،بھارتی ناجائز تسلط کے خلاف ہو گا دنیا بھر میں احتجاج، سفیرکشمیر جائیں گے مظفر آباد

    یوم یکجہتی کشمیر،وزیرخارجہ نے کیا عالمی دنیا سے بڑا مطالبہ

    مودی مسلمانوں کا قاتل، کشمیر حق خودارادیت کے منتظر ہیں، صدر مملکت

    یوم یکجہتی کشمیرپرتحریک آزادی بارے مفتیان نے کیا فتویٰ دیا؟ لیاقت بلوچ نے بتا دیا

    یکجہتی کشمیر،جماعت اسلامی کی ہوں گی ملک بھر میں ریلیاں، شیڈول جاری

    کشمیر متنازعہ علاقہ، بھارت فوج بھیج سکتا ہے تو پاکستان کیوں نہیں؟ سراج الحق

    تمام پارلیمانی فورموں پر مسئلہ کشمیر کو اجاگر کیا،سپیکر قومی اسمبلی اسد قیصر

    ہماری امن پسندی کو کمزوری نہ سمجھا جائے، یوم یکجہتی کشمیر پر وزیر داخلہ کا پیغام

    یوم یکجہتی کشمیر، وزیراعظم عمران خان نے جاری کیا کشمیریوں کیلئے خصوصی پیغام

    یوم یکجہتی کشمیر، سینیٹ کا ایک اجلاس کشمیر میں منعقد کرنے کا فیصلہ

    سینیٹ اجلاس،ہندو خاتون رکن نے کی صدارت ،کشمیریوں سے یکجہتی کی قرارداد منظور

    بلوچستان میں دہشتگردی کے واقعات،بھارت کی معاونت تھی،ترجمان دفتر خارجہ

    جی سی ویمن یونیورسٹی میں یوم یکجہتی کشمیرکی تقریب

    یوم یکجہتی کشمیر، آرمی چیف کا کشمیریوں کے لئے پیغام

    https://login.baaghitv.com/yomue-yakheht0kashmir-mioulana-cpeck-ka-iftitah-karnay-nikla-paraya/

  • حمزہ شہباز کی عدالت پیشی، ن لیگی کارکنان آپس میں لڑ پڑے

    حمزہ شہباز کی عدالت پیشی، ن لیگی کارکنان آپس میں لڑ پڑے

    حمزہ شہباز کی عدالت پیشی، ن لیگی کارکنان آپس میں لڑ پڑے
    اسپیشل سینٹرل کورٹ لاہورمیں اپوزیشن لیڈر شہباز شریف اور حمزہ شہباز کی عبوری ضمانتوں پر سماعت ہوئی

    اسپیشل سینٹرل کورٹ لاہورنے وکیل سے سوال کیا کہ شہبازشریف کہاں ہیں؟ وکیل نے عدالت میں کہا کہ شہباز شریف کورونا میں مبتلا ہیں،ابھی صحت یاب نہیں ہوئے،شہباز شریف کی جانب سے حاضری معافی کی درخواست دائر کی گئی،حمزہ شہباز عدالت میں پیش ہوئے، وکیل شہباز شریف نے کہا کہ ڈاکٹرز نے شہباز شریف کا کووڈ کا ٹیسٹ دوبارہ 2 فروری کو کرنے کا کہا ہے.کوووڈکا ٹیسٹ 14 روز بعد دوبارہ کیا جاتا ہے.جج نے استفسار کیا کہ حمزہ شہباز کہاں ہیں. وکیل نے کہا کہ حمزہ شہباز حاضر ہیں. وکیل ایف آئی اے نے کہا کہ ہم بحث کے لیے تیار ہیں، وکیل لیگی رہنما نے کہا کہ ہماری جانب سے التوا کی استدعا ہے. وکیل ایف آئی اے نے کہا کہ ملزم اگر حاضر نہ ہو تو عدالت اسکی ضمانت کینسل کر سکتی ہے.

    عدالت نے شہباز شریف اور حمزہ شہباز کی عبوری ضمانت میں 10 فروری تک توسیع کردی اسپیشل سینٹرل کورٹ لاہور نے شہباز شریف کی حاضری سے استثنیٰ کی درخواست منظور کرلی

    لاہور میں ن لیگی رہنما حمزہ شہباز کی عدالت سے واپسی پرن لیگی کارکنان آپس میں لڑ پڑے، لیگی کارکن حمزہ شہباز کی گاڑی کے قریب پہنچ کر نعرے لگانے کی دوڑ میں آپس میں جھگڑپڑے لیگی کارکنوں نے ایک دوسرے پر مکوں گھونسوں سے حملہ کیا۔ سیکیورٹی پر مامور پولیس اہلکاروں نے کارکنوں کے درمیان بیچ بچاؤ کرایا

    اس موقع پر حمزہ شہباز کا کہنا تھا کہ ن لیگ کے خلاف کیسز میں 4 سال سے ایک پائی کرپشن ثابت نہیں ہوسکی.عمران نیازی کی آنکھوں کے سامنے قمرالاسلام کو بری کیا گیا،اس کیس میں شہبازشریف اور میں 150 سے زائد پیشیاں بھگت چکے، فارن فنڈنگ کیس، عمران نیازی اسٹےآرڈر کے پیچھے چھپے رہے، نئے پاکستان والوں نے ملک کے ساتھ کھلواڑ کیا عمران خان نے پاکستانی عوام کے ساتھ ظلم کیا عمران خان نے مافیا کے ساتھ ملکر عوام کو لوٹنے میں ٹاپ کیا ہے عمران نیازی کے جھوٹ ایک ایک کرکے بےنقاب ہو رہے ہیں، مقدے سے بری ہونے کا مطلب ہے یہ صریحاً جھوٹا مقدمہ تھا

    دوسری جانب صاف پانی کمپنی ریفرنس میں ن لیگی رہنما قمر الاسلام سمیت دیگر کی بریت نیب لاہور نے احتساب عدالت کا فیصلہ ہائیکورٹ چیلنج کرنے کا فیصلہ کرلیا نیب کی پراسیکیوشن ٹیم آئندہ ہفتے لاہور ہائیکورٹ میں اپیل دائر کرے گی، ترمیمی آرڈیننس کی بنیاد پر قمرالاسلام اوردیگر کی بریت کی درخواستیں منظورہوئی تھیں

    علاوہ ازیں سابق وزیراعظم، ن لیگی رہنما شاہد خاقان عباسی نے کہا ہے کہ چور خود دوسروں کا احتساب کر رہے ہیں ، عمران خان نے کرپشن سے متعلق نیب اور ایف آئی اے کو کتنے خط لکھیں ؟حکومت کی نااہلی کے باعث مہنگائی عروج پر ہے بجلی کی قیمتوں میں اضافہ اورعوام کی جیبوں پر ڈاکہ ڈالا جا رہا ہے وزیر اعظم کے مشیر فرار ہو گئے ،مشیر کی نوکری چھوڑنے والے اپنے اثاثے سامنے لائیں،

    قبل ازیں سابق وفاقی وزیر احسن اقبال کے خلاف نارووال سپورٹس سٹی ریفرنس کیس کی سماعت ہوئی، احتساب عدالت اسلام آباد کے جج سید اصغر علی نے ریفرنس کی سماعت کی عدالت نے احسن اقبال کو حاضری لگا کر جانے کی اجازت دیدی، ن لیگی رہنما احسن اقبال نے عدالت پیشی کے موقع پر کہا کہ قمرالاسلام کو عدالت نے باعزت بری کیا ،قمرالاسلام پرنیب چارج فریم نہیں کرسکا،الیکشن خراب کرنے کیلئے راجہ قمرالاسلام کوگرفتارکیا گیا ،نیب کا سارا کاروبارحکومت کے اشاروں پر ہو رہا ہے، وزیراعظم چین اور قازقستان سے قرض لینے جارہے ہیں،

    اومیکرون….احتیاط کریں نہیں تو پابندیاں لگائی جا سکتی ہیں. اعلان ہو گیا

    گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

    وفاقی دارالحکومت میں بھی کرونا وائرس کا مشتبہ کیس سامنے آ گیا

    کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز

    کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا

  • شہبازشریف بھی باہرجانے کی اجازت کی شرط پر استعفے کی پیشکش کرچکے ہیں،شہباز گل کا دعویٰ

    شہبازشریف بھی باہرجانے کی اجازت کی شرط پر استعفے کی پیشکش کرچکے ہیں،شہباز گل کا دعویٰ

    اسلام آباد: وزیراعظم عمران خان کے معاون خصوصی شہباز گل نے سینیٹ میں قائد حزب اختلاف سید یوسف رضا گیلانی کی جانب سے دیے جانے والے استعفے پرتبصرہ کرتے ہوئے کہا ہے کہ بل پاس کرانے میں آپ کے تعاون کا شکریہ، آپ کا استعفیٰ دینا بنتا ہے۔

    باغی ٹی وی : معاون خصوصی شہباز گل نے دعویٰ کیا کہ شہبازشریف بھی باہرجانے کی اجازت کی شرط پر استعفے کی پیشکش کرچکے ہیں استعفیٰ لینے کے لیے آنے والے اب استعفے دے رہے ہیں اب یہ لوگ لوٹ مار کا حساب بھی دیں گے ، بس دیکھتے جائیں۔

    بریکنگ،ایوان سے ایک اور بڑا استعفیٰ آ گیا

    قبل ازیں وفاقی وزیر اطلاعات فواد چودھری نے یوسف رضا گیلانی کے استعفے پر تبصرہ کرتے ہوئے کہا کہ یوسف رضاگیلانی شریف آدمی ہیں،استعفیٰ بلاول کا بنتاہے،زرداری کے کہنے پر پیپلزپارٹی کے سینیٹرز تشریف نہیں لائے،استعفیٰ ان کا بھی بنتا ہے ن لیگ اور پیپلزپارٹی کے رہنما لیڈرشپ کے کرتوتوں سے پریشان ہیں،ن لیگ اور پیپلزپارٹی میں تبدیلیوں کا سفر خوش آئند ہے،

    2024 تک آزاد کشمیر بھارت کا حصہ ہو گا،مودی سرکار کے مرکزی وزیرکی ہرزہ سرائی

    واضح رہے کہ سینیٹ میں قائد حزب اختلاف سید یوسف رضا گیلانی نے بطور اپویشن لیڈر اپنا استعفیٰ پاکستان پیپلز پارٹی کی قیادت کو جمع کرا دیا ہے انہوں ںے سینیٹ اجلاس سے خطاب کرتے ہوئے کہا کہ سینیٹ میں اپوزیشن لیڈر نہیں رہنا چاہتا اس لیے اپنا استعفی پارٹی قیادت کو جمع کرا دیا ہے میں اپنے مخالفین کے سخت الفاظ سے نہیں بلکہ اپنے ہمدردوں کی خاموشی سے پریشان ہوں۔

    پشاور میں پادری کا قتل،بلاول، مریم کی مذمت

    واضح رہے کہ سینیٹ میں اپوزیشن کی اکثریت ہونے کے باوجود ایوان بالا میں اسٹیٹ بینک کی خود مختاری کا حکومتی بل پاس ہونے پر سید یوسف رضا گیلانی کو پاکستان مسلم لیگ (ن) کی جانب سے بھی تنقید کا نشانہ بنایا جا رہا ہے سابق وزیراعظم جمعہ کے دن اجلاس میں شریک نہیں ہوئے تھے اور حکومتی بل ایک ووٹ کی اکثریت سے منظور ہو گیا تھا۔

    سینیٹ میں جب حکومتی بل پیش کیا گیا تھا تو چئیرمین سینٹ صادق سنجرانی نے اپنا ووٹ حکومتی بل کے حق میں استعمال کیا تھا کیونکہ گنتی میں دونوں جانب کے ووٹ برابر ہو گئے تھے۔

    کپتان سعودیہ کے بعد چین، روس،قازقستان سے قرض لینے کو تیار

    سید یوسف رضا گیلانی نے اجلاس سے خطاب میں دعویٰ کیا کہ مجھے نہیں معلوم تھا کہ اسٹیٹ بینک کا بل پیش کیا جا رہا ہے بلکہ ان کی طرف سے اپنی پارٹی کے سینیٹرز کو بھیجے گئے خط میں کہا گیا تھا کہ سینیٹ کا اجلاس 28 جنوری کو ہو رہا ہے آپ شریک ہوں۔ انہوں ںے کہا کہ اس میں کہیں نہیں لکھا تھا کہ اس میں اسٹیٹ بینک کا بل پیش ہوگا اگر ساکھ والے وزرا ان پر تنقید کریں تو انہیں قبول ہے لیکن اگر ایسے لوگ جن کی ساکھ نہیں ہے اور جو پارٹی وفاداریاں تبدیل کرتے ہیں وہ کہیں کہ میں نے حکومت کی مدد کی ہے تو بات نہیں بنتی۔

    کالعدم ٹی ٹی پی کا انتہائی مطلوب دہشتگرد افغانستان میں جہنم واصل

    انہوں ںے کہا کہ میں کہتا ہوں کہ چئیرمین صاحب! آپ کے ووٹ سے حکومت جیتی ہے کریڈٹ آپ کو ملنا چاہیےاور دھاندلی نہیں ہونی چاہیے میں جب وزیراعظم تھا تو آئین کے تحفظ کے لیے صدر کے خلاف خط نہیں لکھا کیونکہ وہ پارلیمنٹ کا حصہ ہیں۔ ان کا کہنا تھا کہ میں نے قانون کے مطابق عمل کیا اور وزارت عظمیٰ چھوڑ دی تھی۔

    راوی اربن پراجیکٹ ، ہائیکورٹ کے فیصلے کیخلاف پنجاب حکومت کی اپیل منظور

  • شہبازشریف اورحمزہ شہبازکےخلاف عالیہ حمزہ میدان میں‌ آگئیں‌:سارے پردے ہی چاک کردیئے:خاندان سخت پریشان

    شہبازشریف اورحمزہ شہبازکےخلاف عالیہ حمزہ میدان میں‌ آگئیں‌:سارے پردے ہی چاک کردیئے:خاندان سخت پریشان

    لاہور:شہبازشریف اورحمزہ شہبازکے خلاف عالیہ حمزہ کا بڑا اقدام :سارے پردے ہی چاک کردیئے،اطلاعات کے مطابق شہباز شریف اور ان کے بیٹے حمزہ شہباز کے کارہائے نمایاں کو بے نقاب کرتے ہوئے عالیہ حمزہ نے چیئرمین پبلک اکاونٹس کمیٹی کو خط لکھ دیا ہے اور کہا ہے کہ انصاف کا تقاضا یہ ہے کہ مجرموں کو ریلیف دینے کا سلسلہ اب بند ہونا چاہیے ،

    پارلیمانی سیکرٹری عالیہ حمزہ نے چئیرمین پی اے سی کو خط لکھتے ہوئے کہا ہے کہ شہباز شریف فیملی کے ملازمین کے اکاونٹس سے اربوں روپے کی ٹرانزیکشن ہوئی ہیں اور یہ حقائق ساری دنیا کے سامنے ہیں

    عالیہ حمزہ نے چیئرمین پبلک اکاونٹس کمیٹی کو خط لکھتے ہوئے کہا ہےکہ ان حالات میں جبکہ ایک شخص کی کرپشن اب بینک سٹیٹمنٹس کے ثبوتوں کے ساتھ موجود ہے تو شہباز شریف کا اپوزیشن لیڈر رہنے کا کوئی جواز نہیں، عالیہ حمزہ نے درخواست میں حقائق پیش کرتے ہوئے کہا ہے کہ اپوزیشن لیڈر ایک کرپٹ انسان نہیں ہو سکتا،اس لیے کرپشن کے بے تاج بادشاہ اور سابق حکمران خاندان کے مرکزی کردار شہباز شریف کی سربراہ اپوزیشن کی حیثیت ختم کردے

    عالیہ حمزہ نے چیئرمین پبلک اکاونٹس کمیٹی سے سوال کیا ہے کہ ان حالات میں جبکہ تمام ثبوت لف ہیں کیا پی اے سی اپوزیشن لیڈر کی کرپشن پر خاموش رہے گی؟
    عالیہ حمزہ نے درخواست کی ہے کہ پی اے سی شہباز شریف کی کرپشن پر احتساب کرے،

    عالیہ حمزہ نے اپنے خط میں حقائق پیش کرتے ہوئے کہا ہے کہ پی اے سی شہباز شریف فیملی ملازمین کے اکاونٹس سے اربوں روپے کی منتقلی کا نوٹس لے،
    اس خط میں یہ بھی کہا گیا ہے کہ شریف فیملی کے ملازمین کے اکاونٹس سے اربوں روپے کی منی لانڈرنگ کی گئی،

    خط میں انکشاف کیا ہے کہ ہزاروں روپے تنخواہ والے ملازمین کے اکاونٹس سے کروڑوں روپے شہباز شریف کے اکاونٹ میں منتقل ہوئے،عالیہ حمزہ نے ثبوت دیتے ہوئے کہاکہ ایف آئی اے نے شریف فیملی کے 14 ملازمین کے 28 بے نامی اکاونٹس کا سراغ لگایا، خط کے ذریعے چیئرمین پی اے سی سے پوچھا گیا ہے کہ کیا پی اے سی کا کام پبلک آفس ہولڈر کی کرپشن بے نقاب کرنا نہیں؟

    عالیہ حمزہ نے کہا کہ شہباز شریف جواب دیں، ہزاروں روپے ماہانہ کمانے والے ملازمین کے اکاؤئنٹس میں کروڑوں روپے کہاں سے آئے،ملازمین کے مرنے کے بعد بھی ان کے اکاؤنٹس سے شہباز شریف اور فیملی کے اکاؤنٹس میں پیسے آتے رہے،اس خط میں کچھ حقائق پیش کرنے کے بعد پھرپوچھا گیا ہے کہ کیا پبلیک اکاؤنٹس کمیٹی اپوزیشن لیڈر کی اس ننگی کرپشن پر خاموش رہے گی؟

    پارلیمانی سیکرٹری عالیہ حمزہ نے کہا ہے کہ کیا کوئی اخلاقی جواز بنتا ہے کہ شہباز شریف اپوزیشن لیڈر رہیں؟ پارلیمانی سیکرٹری نے اپنے خط میں کہا ہے کہ وہ شواہد اور ثبوتوں کی بنیاد پر مطالبہ کرتی ہیں کہ پی اے سی شہباز شریف کا احتساب کرے،

    ذرائع کےمطابق پارلیمانی سیکرٹری عالیہ حمزہ نےمطالبہ کرنے کے ساتھ ساتھ ملازمین کی تنخواہیں اور اکاونٹس سے رقوم منتقلی کی تفصیلات بھی جاری کر دیں۔
    وہ انکشاف کرتے ہوئے کہتی ہیں کہ ملک مقصود چپڑاسی کی تنخواہ 25 ہزار، اکاونٹ میں 3.74 ارب روپے ڈپازٹ ہوئے، محمد اسلم کیشیئر کی تنخواہ 10 ہزار، 1.781 ارب روپے ڈپازٹ ہوئے،اظہر عباس کلرک کی تنخواہ 9 ہزار، 1.677ارب روپے ڈپازٹ ہوئے۔غلام شبیر قریشی سٹور کیپرکی تنخواہ 10600، 1.545ارب روپے ڈپازٹ ہوئے

    پارلیمانی سیکرٹری عالیہ حمزہ نے مزید انکشافات کی ایک جھلک پیش کرتے ہوئے کہا ہے کہ خضرحیات نذر اسسٹنٹ کی ماہانہ تنخواہ 21 ہزار 5 سو، 1.425ارب روپے ڈپازٹ ہوئے، گلزار احمد چپڑاسی کی تنخواہ 12 ہزار 8 سو، 1.2ارب روپے ڈپازٹ ہوئے۔ایسے ہی اقرار حسین کلرک کی تنخواہ 13 ہزار، 1.186ارب روپے ڈپازٹ ہوئے۔ایم انور اسسٹنٹ 15 ہزار تنخواہ، 88.3 کروڑ روپے ڈپازٹ ہوئے۔

    پارلیمانی سیکرٹری عالیہ حمزہ نے شہباز کی شریفانہ کرپشن کے ثبوت پیش کرتے ہوئے کہا کہ ایم یاسین گودام کلرک کی تنخواہ 31 ہزار، 71.5 کروڑ روپے ڈپازٹ ہوئے۔ توقیرالدین اسلم ملازم کی تنخواہ 21 ہزار، 48 کروڑ روپے ڈپازٹ ہوئے۔ظفر اقبال انجم اسسٹنٹ کی تنخواہ 14 ہزار، 52.5 کروڑ روپے ڈپازٹ ہوئے۔

    پارلیمانی سیکرٹری عالیہ حمزہ نے کرپشن کی ایک جھلک پیش کرتے ہوئے چیئرمین پی اے سی سے کہا ہے کہ انصاف کا تقاضا یہی ہےکہ میاں شہبازشریف کوکرپشن اور ان جرائم کی وجہ سے اپوزیشن لیڈر کی حیثیت سے الگ کیا جائے اور جب تک ان کے مقدمات کا فیصلہ نہیں ہوجاتامیاں شہبازشریف کو ایک قومی مجرم سمجھ کرکسی بھی قسم کے حکومتی عہدے سے الگ کیا جائے

  • ٹرانسپرنسی انٹرنیشنل کی رپورٹ ثبوت ہےکہ عمران نیازی نے کرپشن میں 10 سال کا ریکارڈ توڑ دیا

    ٹرانسپرنسی انٹرنیشنل کی رپورٹ ثبوت ہےکہ عمران نیازی نے کرپشن میں 10 سال کا ریکارڈ توڑ دیا

    مسلم لیگ (ن) کے صدر اور قومی اسمبلی میں اپوزیشن لیڈر شہبازشریف کا کہنا ہے کہ ٹرانسپرنسی انٹرنیشنل کی رپورٹ ثبوت ہے کہ عمران نیازی کے نئے پاکستان میں صرف کرپشن ہوئی۔

    باغی ٹی وی : قائد حزب اختلاف شہباز شریف کا کہنا تھا کہ ٹرانسپرنسی انٹرنیشنل کی رپورٹ پر غور کرنا ہوگا کہ ایک نااہل، نالائق اور کرپٹ شخص ملک و قوم کے لئے کتنا خطرناک ثابت ہوتا ہے، غیرملکی ادارے کی یہ رپورٹ نظام بیٹھ جانے کا اعلان ہے، اور ثبوت ہے کہ عمران نیازی کے نئے پاکستان میں صرف کرپشن ہوئی عمران نیازی نے کرپشن میں 10 سال کا ریکارڈ توڑ دیا ہے-

    وزیراعظم صاحب، ہم گھبرا لیں،لوگوں کی جانیں بچانیوالے طبی عملہ کی دہائی

    اپوزیشن لیڈر نے کہا کہ کرپشن میں انہیں پیچھے چھوڑ گئے جن کے خلاف سیاست میں آنے کا دعویٰ کیا تھا، وہ پاکستان اور پاکستانیوں کے لئے خطرناک نہیں بلکہ مہلک ترین ثابت ہوئے، وہ اس سے زیادہ اور کیا خطرناک ہوں گے کہ 16 درجے کرپشن بڑھ گئی، معیشت تباہ، مہنگائی اور بے روزگاری آسمان پر پہنچ چکی ہے، عمران نیازی کو اب بھی ملک یا اس کے نام کی نہیں، اپنے جھوٹے امیج کوبچانے کی فکر پڑی ہوئی ہے، ان کی سوچ پر افسوس ہے۔

    کیوں نہ اپنے ملک کے لیے لڑوں، وزیراعظم

    شہبازشریف کا کہنا تھا کہ رپورٹ ہمیں قومی سطح پر اصلاح احوال کی دعوت فکر دے رہی ہے، اسے چھپانے سے مسئلہ حل نہیں ہوگا، رپورٹ جھٹلانے کے بجائے گریباں میں جھانکنا اور خود احتسابی درکار ہے، ہمیں ان عوامل، محرکات اور مضمرات پر غور کرنا چاہئے جس سے یہ رپورٹ مرتب ہوئی ہے،مجموعی طور پر پاکستان کرپشن انڈیکس میں 23 پوائنٹس گرا ہے جس سے پاکستان میں براہ راست سرمایہ کاری اور کاروباری ماحول کو شدید نقصان پہنچے گا۔

    مسلم لیگ(ن) پنجاب کی ترجمان عظمیٰ بخاری نے عثمان بزدار کے بیان پر ردعمل میں کہا ہے کہ عثمان بزدار کی کارکردگی میں نمبر ون نہیں ”دو نمبری “میں نمبر ون ہیں دنیا کا کرپٹ ترین شخص کا”چابی والے کھلونے“ وزیراعلیٰ کو نمبر ون کہنا باعث حیرت نہیں ایک بڑا کرپٹ اور نالائق چھوٹے کرپٹ اور نالائق کی تعریفیں کر رہا ہے چینی مافیا،گندم مافیا،رنگ روڈ مافیا اور فرنٹ مین مافیا کی پشت پناہی کرنے والا شخص ہی اس لسٹ میں نمبر ون ہو سکتا ہے بزدار صاحب،پنجاب کے ہسپتالوں میں مفت ادویات اور مفت ٹیسٹوں کی سہولت بندکرکے کونسا نیا پاکستان بنارہے ہیں؟ عثمان بزدار نے پنجاب میں ہیلتھ سسٹم کا بیڑا غرق کردیا ہے شہبازشریف دور میں تمام سرکاری ہسپتالوں میں شہریوں کو علاج معالجہ کی مفت سہولیات مہیا تھیں شہبازشریف نے میو ہسپتال،جناح ہسپتال،سروسز اور جنرل ہسپتال کےلئے اربوں روپے کی جدید مشینری خریدی ،آج انہیں ہسپتالوں میں وہ مشینری عرصہ دراز سے خراب پڑی ہیں پنجاب کے سرکاری ہسپتالوں میں طبی سہولیات ہی موجود نہیں تو ہیلتھ کارڈ کے عوام تعویذ بناکے گلے میں ڈالے گی؟ عثمان بزدار چار سالوں سے پنجاب میں 9نئے ہسپتال بنانے کے جھوٹے وعدے کررہے ہیں یہ 9ہسپتال شاید تونسہ اور بنی گالہ میں بن رہے ہیں ؟

    واضح رہے کہ ٹرانسپرنسی انٹرنیشنل رپورٹ سامنے آنے پر اپوزیشن نے وزیر اعظم عمران خان سے استعفے کا مطالبہ کر دیا وزیراعظم سے مستعفی ہونے کے مطالبے کی قرارداد پنجاب اسمبلی میں جمع کرا دی گئی۔ قرارداد مسلم لیگ (ن) کی رکن سمیرا کومل کی جانب سے جمع کرائی گئی۔

    فی الحال کسی پلیئر نے پاکستان کے ٹور سے انکار نہیں کیا،جلد اسکواڈ کا اعلان کریں گے، آسٹریلوی…

    قرار داد کے متن میں کہا گیا ہے کہ ٹرانسپرنسی انٹرنیشنل کی حالیہ رپورٹ حکومت کےخلاف چارج شیٹ ہے۔ پی ٹی آئی کے دور حکومت میں پاکستان میں کرپشن کے ریکارڈ قائم کردیے گئے ہیں پاکستان دنیا کے 40کرپٹ ترین ممالک میں شامل ہو گیا ہے پاکستان مہنگائی کے حوالے سے دنیامیں تیسرے نمبر پر آگیا ہے۔ ٹرانسپرنسی انٹرنیشنل رپورٹ کے مطابق موجودہ حکومت پاکستان کی کرپٹ ترین حکومت ہے۔ پاکستان میں کرپشن بڑھنے کے ذمہ دار وزیراعظم عمران خان ہیں۔ وزیراعظم عمران خان کو فوری مستعفی ہو جانا چاہیے۔

    شہزاد اکبر کا نام ای سی ایل میں ڈالا جائے، اسمبلی میں قرارداد جمع

    خیال رہے کہ گزشتہ روز ٹرانسپرنسی انٹرنیشنل نے 180ممالک کا کرپشن پرسیپشن انڈیکس جاریکی تھی، جس میں پاکستان کرپشن رینکنگ میں 16درجے اوپر چلا گیا ہے ٹرانسپرنسی انٹر نیشنل کے مطابق پاکستان 180ممالک میں سے 140 ویں نمبر پر آگیا ہے، کرپشن پرسیپشن انڈیکس اسکورکا کم ہونا بدعنوانی میں اضافے کو ظاہر کرتا ہے2021 میں پاکستان کا اسکور 28 رہا، 2020 میں 31 جبکہ 2019 میں اسکور 32 تھا ، پی ٹی آئی کے تین سالہ دور حکومت میں چاردرجےتنزلی ہوچکی کرپشن کی عالمی درجہ بندی کرنے والے ادارے کی رپورٹ میں لکھا گیا کہ پاکستان میں حکومتی دعووں کے برعکس کرپشن کم ہونے کے بجائے بڑھی ہے۔

    غلط تاثر دیا جا رہا ہے کہ اسٹیٹ بینک حکومت کے کنٹرول میں نہیں ہو گا ،گورنر اسٹیٹ…

    جس کے بعد فاقی کابینہ کے اجلاس میں ٹرانسپیرنسی انٹرنیشنل کی پاکستان میں کرپشن کے حوالے سے حالیہ رپورٹ پر تبادلۂ خیال کیا گیا تھا وزیراعظم عمران خان نے ٹرانسپیرنسی انٹرنیشنل کی رپورٹ پر ردعمل دیتے ہوئے کہا تھا کہ موجودہ حکومت نے کرپشن کے خلاف سب سے زیاد اقدامات کیےوزیراعظم نے کابینہ اراکین کو کہا کہ موجودہ حکومت نے کرپشن کے خلاف سب سے زیادہ اقدامات کیے، کرپشن کرنے والے مقدمات کا سامنا کرنے کی بجائے ملک سے باہر بیٹھے ہوئے ہیں کرپشن کرنے والے مقدمات میں غیر ضروری التوا کے بہانے بنا رہے ہیں، حکومت نے کرپشن کے زیر التوا کیس جلد نمٹانے کے لیے عدالتوں میں مؤثر پیروی کرنے کا فیصلہ کیا ہے۔

    شہزاد اکبر کا استعفیٰ اچھا چھٹکارا ہے،سربراہ براڈ شیٹ

  • شہباز شریف کا مقدمہ براہ راست نشر ہونا چاہیے، فواد چوہدری

    شہباز شریف کا مقدمہ براہ راست نشر ہونا چاہیے، فواد چوہدری

    وزیراطلاعات فواد چودھری نے مطالبہ کیا ہے کہ مسلم لیگ ن کے صدر شہباز شریف کا مقدمہ لائیو ٹیلی کاسٹ ہونا چاہیے تاکہ عوام کو سارے حقائق معلوم ہوں کہ کیس کیا ہے اور کس طرح شہبازشریف نے ملک کو لوٹا۔

    باغی ٹی وی : میڈیا سے گفتگو کرتے ہوئے فواد چودھری نے کہا کہ شہباز شریف جب وزیراعلیٰ تھے تو انہوں نےلوکل گورنمنٹس ختم کر کے سارے وسائل اپنے پاس رکھ لئے، اس کے بعد سارا پیسہ شہباز شریف اینڈ کمپنی اپنے اکائونٹس میں جمع کرواتی رہی، ملک مقصود رمضان شوگر مل میں چپڑاسی بھرتی ہوئے، اس کے اکائونٹ میں چار ارب روپے نکلے، منظور پاپڑ اور مشتاق چینی کے ناموں سے اربوں روپے کی ٹی ٹیز شہباز شریف اور ان کے بچوں کے اکائونٹس میں گئیں۔

    چودھری شجاعت حسین نے وزیراعظم کومشیروں سے خبردار کر دیا

    فواد چودھری نے کہا کہ عدالتوں کو بلاخوف و خطر ان مقدمات کے فیصلے کرنے چاہیں اورعدالتوں میں کیمرے لگائیں تاکہ لوگ دیکھیں شریف برادران پر مقدمات کی نوعیت کیا ہے انہوں نے زور دیا کہ شہبازشریف کا کیس روزانہ کی بنیادپرچلنا چاہیے جبکہ ان کے بھائی سابق وزیر اعظم نوازشریف نے عدالتوں پر اثرانداز ہونے کی کوشش کی۔

    انہوں نے کہا کہ وزیراعظم عمران خان اسی نظام کا خاتمہ چاہتے ہیں، بااختیار مقامی حکومتوں کے نظام سے ایسے نظام کا خاتمہ ہوگاہمارا مطالبہ ہے کہ شہباز شریف نواز شریف کے واپس نہ آنے کی وجوہات بتائیںن واز شریف اپنے عالیشان محلوں میں میڈیا سے ملاقاتیں کرتے ہیں اور ان سے کہتے ہیں کہ یہ میرا گھر نہیں ہے تین مرتبہ وزیراعظم رہنے والا کہتا ہے کہ میرے بچوں پر پاکستانی قانون ہی لاگو نہیں ہوتا، نواز شریف اور زرداری اینڈ کمپنی نے اربوں روپے قوم کے لوٹے، قوم اس پیسے کا حساب چاہتی ہے۔

    تمباکو کی کم از کم قیمت مقرر

    وزیر اطلاعات نے کہا کہ عوام کا حق ہے کہ وہ دیکھ سکیں کہ ان پر الزامات سچے ہیں یا نہیں، ہماری عدلیہ سے استدعا ہے کہ ان کے مقدمات پر سماعت براہ راست عوام کو دکھائی جائے، ساڑھے تین سال گذر گئے ہیں، ان سے ریکوریاں بہت ضروری ہیں، ان کا بچہ پیدا بعد میں ہوتا ہے، محل اس کے نام پر پہلے خرید لیا جاتا ہے۔

    فواد چوہدری نے کہا کہ راناشمیم نے نوازشریف کے سامنے بیٹھ کر بیان حلفی لکھا، اومنی اسیکنڈل میں پانچ ہزار جعلی اکاؤنٹس بنائے گئے، شہباز شریف اینڈ کمپنی سارا پیسہ اپنے اکاؤنٹ میں جمع کررہی تھی، رمضان شوگر مل کے ملک مقصود چپراسی کے اکاؤنٹ میں 4 ارب روپے نکل آئے۔

    آٹا مہنگا ہونے کی ذمہ دار سندھ حکومت ہے، عمران اسماعیل

    انہوں نے کہا کہ پاکستان تحریک انصاف نے مقامی حکومتوں کے حوالے سے انقلابی اقدامات اٹھائے، کسی بھی حکومت نے اس سے پہلے اس طرح کا نظام نہیں دیا جس میں مقامی سطح پر لوگوں کو بااختیار بنایا جائے، 18 ویں ترمیم کے ذریعے اختیارات کی تقسیم وفاق سے صوبوں کو منتقل کر دی گئی لیکن صوبوں سے اضلاع کو اختیارات منتقل نہیں ہوئے، آج اسی وجہ سے شہروں میں مسائل ہیں، صوبائی حکومت کراچی کو اس کا حصہ نہیں دے رہی، باقی شہر بھی اسی لئے پس رہے ہیں کہ انہیں ان کا حصہ نہیں مل رہا۔

    اسٹیٹ بینک آف پاکستان کا آئندہ 2 ماہ کیلئے شرح سود 7.75 فیصد پر برقراررکھنے کا فیصلہ

    فواد چودھری نے کہا کہ عمران خان نے بااختیار مقامی حکومتوں کا نظام بنانے کا فیصلہ کیا ہے،اس نظام کے ذریعے نہ صرف نیشنل فنانس کمیشن سے پیسہ صوبوں کو منتقل ہوگا بلکہ صوبوں سے اضلاع کو بھی منتقل ہوگا، اس نظام کے تحت براہ میئر براہ راست منتخب ہوگا جو اپنے اضلاع کو چلائے گا یہی ماڈرن نظام نیویارک، لندن اور پیرس میں بھی چل رہا ہے،بدقسمتی سے سندھ حکومت نے ایک مرتبہ پھر اپنے لوگوں کو اس حق سے بھی محروم کر دیا ہے سندھ حکومت نے سندھ کے لوگوں کو صحت کارڈ اور راشن کارڈ جیسی سہولت بھی نہیں لینے دی

    مراکش کے سفیر کی آرمی چیف سے ملاقات

  • چین کی حکمران جماعت کا شہباز شریف کو خط، اہم پیغام بھجوا دیا

    چین کی حکمران جماعت کا شہباز شریف کو خط، اہم پیغام بھجوا دیا

    چین کی حکمران جماعت کا شہباز شریف کو خط، اہم پیغام بھجوا دیا

    چین کی حکمران جماعت کمیونسٹ پارٹی (سی پی سی) نے پاکستان مسلم لیگ(ن) کے صدر اور قائد حزب اختلاف شہباز کو اظہار ہمدردی اور نیک تمناؤں کے پرتپاک جذبات پر مبنی خط لکھا ہے،

    سی پی سی کی سینٹرل کمیٹی کے بیورو آف ساؤتھ اینڈ ساؤتھ ایسٹ ایشیائی امور کے ڈائیریکٹر جنرل میم یو من نے شہباز شریف کو خط ارسال کیا ہے ،کمیونسٹ پارٹی کی جانب سے شہباز شریف کو لکھے گئے خط میں کہا گیا کہ آپ کے کورونا میں مبتلا ہونے کی خبر پر اظہارِ ہمدردی کرتے ہوئے آپ کی جلد صحت یابی کے متمنی ہیں ،پاکستان کے سیاسی منظر نامے میں ایک قد آور سٹیٹس مین اور چین کے دیرینہ دوست کے طور پر آپ نے دونوں جماعتوں اور ممالک کے درمیان تعلقات کو گہرا کرنے اور عوام میں دوستی بڑھانے کے لئے جو طویل المدتی کوششیں کی ہیں، چین ان اچھی یادوں کو ہمیشہ خوشی سے یاد کرتا ہے کمیونسٹ پارٹی کے قیام کے سوسال مکمل ہونے پر آپ کے تہنیتی کا خیر مقدم کرتے ہیں کورونا وبا کے دوران کمیونسٹ پارٹی اور پاکستان مسلم لیگ (نواز) شانہ بہ شانہ کھڑے ہوئے اور ایک دوسرے کی حمایت کی جس سے ہمارے درمیان اور بھی زیادہ قربت آئی ہے

    چین کی حکمران جماعت کی جانب سے شہباز شریف کو لکھے گئے خط میں مزید کہا گیا کہ کورونا کے خلاف جنگ میں ہم چین کی طرف سے آپ کی جماعت کی ہر ممکنہ مدد کے لئے ہمہ وقت تیار ہیں دعا ہے کہ پاکستان اس وائرس کو جلد شکست دے کورونا کے پس منظر میں ہم دونوں جماعتوں کے درمیان مزید رابطوں اور تبادلوں پر آمادہ ہیں تاکہ عوام کے مفاد میں ہمارے دونوں ممالک کے تعلقات نئی بلندیوں سے ہم کنار ہوں کمیونسٹ پارٹی کے خط میں شہباز شریف کے لئے پرتپاک جذبات کا اظہار کیا گیا

    لداخ میں انڈیا اور چین میں سرحدی کشیدگی، سینئر صحافی مبشر لقمان نے کیا دی تجویز

    ‏یہ وہ لات ہے جو ایک چینی فوجی نے لداخ میں ایک بھارتی فوجی کو تحفہ میں دی

    لداخ میں چین کے ہاتھوں شرمناک شکست پر جنرل بخشی نے ایک سائیڈ کی مونچھیں کٹوا دیں

    "پلیز گو بیک چائنہ” بھارتی فوج کے ترلے، بینر اٹھا لیے

    پاکستان پر جتنا بھی دباوَ آئے گا ہم چین کے ساتھ تعلقات میں تبدیلی نہیں لائیں گے، وزیراعظم

    مُودی فلموں میں بھی آزادی کے نعروں سے خوفزہ،بھارت کی فلم انڈسٹری بی جے پی کے زیرعتاب،مقدمہ درج

    بدنامہ زمانہ کلب نے مسلمانوں کے لئے "حلال سیکس” متعارف کروا دیا

    لاک ڈاؤن میں سوشل میڈیا پر لڑکیوں کا "ریپ” کرنے کی منصوبہ بندی

    لندن پلٹ جوان نے کئے گھریلو ملازمہ سے جسمانی تعلقات قائم، ملازمہ میں ہوئی کرونا کی تشخیص

  • وزیرخزانہ شوکت ترین بھی کورونا وائرس کا شکار،ای سی سی اجلاس ملتوی

    وزیرخزانہ شوکت ترین بھی کورونا وائرس کا شکار،ای سی سی اجلاس ملتوی

    اسلام آباد: وزیرخزانہ شوکت ترین بھی کورونا وائرس کا شکار ہوگئے۔

    باغی ٹی وی :فاقی وزیر خزانہ شوکت فیاض ترین کا کورونا ٹیسٹ مثبت آیا ہے، اور انہوں نے خود کو قرطینہ کرلیا ہے سرکاری ذرائع کے مطابق وزیر خزانہ شوکت ترین کے کورونا ٹسیٹ مثبت آنے کے باعث ای سی سی کا اجلاس ملتوی کردیا گیا ہے-

    سینیٹر اعجاز چودھری کا کورونا ٹیسٹ مثبت آ گیا

    وزیر خزانہ نے آج 4 اہم اجلاسوں کی صدارت کرنا تھی تاہم اب وہ اجلاس بھی ملتوی کر دیئے گئے ہیں، جب کہ شوکت ترین نے خود کو گھر میں ہی قرنطینہ کرلیا ہے اور وہ آج دفتر نہیں آئے۔

    اپوزیشن لیڈر،رہنما ن لیگ اور قومی اسمبلی میں قائد حزب اختلاف میاں شہباز شریف کا کورونا ٹیسٹ مثبت آیا ہے پاکستان مسلم لیگ کے سوشل میڈیا کے ہیڈ عاطف روؤف نے اپنے ٹوئٹر اکاؤنٹ پر میاں شہباز شریف کے کورونا ٹیسٹ کی رپورٹ شئیر کرتے ہوئے اس بات کی تصدیق کی اور لکھا کہ پوری قوم شہباز شریف کی صحتیابی کے لیے دعا گو ہے۔ اللہ تعالیٰ سے دعا ہے کہ وہ آپ کو شفاء کاملہ عطا فرمائے۔

    تعلیمی اداروں کی بندش سے متعلق تمام خبریں جھوٹی ہیں،جھوٹوں کے خلاف کارروائی شروع:این سی او سی

    دوسری جانب مسلم لیگ کے رہنما عطا تارڑ نے ٹوئٹ میں اس بات کی تصدیق کی، انہوں نے لکھا کہ شہباز شریف نے اپنی رہائش گاہ پر اپنے آپ کو قرنطینہ کر لیا ہے اور ڈاکٹروں کی ہدایات پر عمل کر رہے ہیں. علامات ظاہر ہونے پر ٹیسٹ کرایا گیا تھا۔ ڈاکٹروں نے مکمل آرام کا مشورہ دیا ہے۔

    انہوں نے قوم سے جلد صحتیابی کے لئے دعاؤں کی درخواست کی ہے-

    اسلام آباد پولیس کی کاروائی،کوویڈ 19کی خلاف ورزی کرنے والوں کو جرمانے

    صارفین کی جانب سے بھی شہباز شریف کی صحتیابی کے لئے دعاؤں اور نیک خواہشات کا سلسلہ جاری ہے-
    https://twitter.com/WajidShahPAK/status/1483682608097673216?s=20

    واضح رہے کہ اس سے قبل شیری رحمان۔ شفقت محمود۔ زین قریشی سمیت کئی اراکین پارلیمنٹ کورونا کا شکار ہو چکے ہیں-

    کورونا وبا: مزید 8 افراد جاں بحق

    یاد رہے کہ پاکستان میں عالمی وبا کورونا وائرس سے مزید 8 افراد جاں بحق ہو گئے نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 57 ہزار 669 کورونا ٹیسٹ کیے گئے مزید 5 ہزار 472 کورونا کیسز رپورٹ ہوئے این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 38 ہزار 993 جبکہ اموات کی مجموعی تعداد 29 ہزار 37 ہو گئی ہے اور مثبت کیسز کی شرح 9.48 فیصد رہی۔

    کورونا وائرس سے بچاؤ میں بھنگ بھی بہت مفید ،تحقیق

    سندھ میں کورونا کیسز کی تعداد 5 لاکھ 9 ہزار 308، خیبر پختونخوا میں ایک لاکھ 82 ہزار 619، پنجاب میں 4 لاکھ 55 ہزار 499، اسلام آباد میں ایک لاکھ 12 ہزار 557، بلوچستان میں 34 ہزار 744، آزاد کشمیر میں 34 ہزار 811 اور گلگت بلتستان میں 10 ہزار 455 ہو گئی ہے۔

    نیشنل کمانڈ اینڈ آپریشن سینٹر کے اجلاس میں اہم فیصلے:پھر سے پابندیوں کا امکان

    اب تک کورونا کے سبب سب سے زیادہ اموات پنجاب میں ہوئی ہیں جہاں 13 ہزار 091 افراد جان کی بازی ہار چکے ہیں جبکہ سندھ میں 7 ہزار 709، خیبرپختونخوا 5 ہزار 965، اسلام آباد 969، گلگت بلتستان 187، بلوچستان میں 367 اور آزاد کشمیر میں 749 افراد جان کی بازی ہار چکے ہیں۔

    وفاقی وزیر تعلیم شفقت محمود کا کورونا ٹیسٹ مثبت آگیا

  • میں عمران خان کے لیے ایک ڈراؤنا خواب ہوں،شہباز شریف، مہنگائی کے ذمہ دار وزیراعظم سے حساب لیں گے،بلاول بھٹو

    میں عمران خان کے لیے ایک ڈراؤنا خواب ہوں،شہباز شریف، مہنگائی کے ذمہ دار وزیراعظم سے حساب لیں گے،بلاول بھٹو

    مسلم لیگ (ن) کے صدر اور قومی اسمبلی میں اپوزیشن لیڈر شہباز شریف کا کہنا ہے کہ میں وزیر اعظم عمران خان کے لیے ایک ڈراؤنا خواب ہوں۔

    باغی ٹی وی :پیٹرولیم مصنوعات میں ایک بار پھراضافے پرردعمل کا اظہار کرتے ہوئےمسلم لیگ (ن) کےصدر اور پارلیمنٹ میں قائد حزب اختلاف شہبازشریف کا میڈیا سے گفتگو کرتے ہوئے کہنا تھا کہ عمران نیازی نے ساڑھےتین سال صرف مہنگائی میں اضافہ کیا ہے، پیٹرول، بجلی کی قیمتوں میں اضافہ عوام کا معاشی قتل ہے، پٹرول کی قیمتوں میں اضافہ کرکے عوام کی جیب پر ڈاکا ڈالا گیا ہے۔

    منی بجٹ نافذ،ویجیٹیبل گھی،دودھ، انڈے، گوشت، نمک،سونا،چاندی اور گاڑیوں سمیت 150 اشیاء مزید مہنگی

    شہبازشریف کا کہنا تھا کہ حکومتی نااہلی اور ظالمانہ مہنگائی نے عوام کا جینا دوبھر ہو گیا ہے، ملکی تاریخ کی سب سے زيادہ مہنگائی اس وقت ہے، یہ عمران خان نیازی اور ان کی حکومت کی بدترین غفلت اور کرپشن کا نتیجہ ہے۔

    ایک سوال کے جواب میں اپوزیشن لیڈر نے کہا کہ میں عمران نیازی کو رات کو ڈراؤنے خواب کی طرح آتا ہوں۔ عمران خان اور حکومت نےعوام کے ساتھ بہت بڑاظلم کیا، غربت اور بے روزگاری نے ڈیرے جما رکھے ہیں، پی ڈیم ایم کا لانگ مارچ عوام کو مہنگائی اور معاشی بحران سے نجات دلانے کیلئے ہے۔

    دوسری جانب پیپلز پارٹی کے چیئرمین بلاول بھٹو زرداری نے فی لیٹر پیٹرول پر 3 روپے اضافے پر حکمراں جماعت پاکستان تحریک انصاف (پی ٹی آئی) کو تنقید کا نشانہ بناتے ہوئے اسے عوام کا معاشی قتل قرار دیا ہے۔

    جماعت اسلامی کا بلدیاتی ترمیمی ایکٹ کے خلاف آج شاہراہ فیصل پر تاریخی مارچ کا اعلان

    انہوں نے کہا کہ بجلی کی قیمتوں میں 4 روپے سے زائد اضافے کے بعد اب پیٹرولیم مصنوعات کی قیمتوں میں اضافہ درحقیقت عوام کا معاشی قتل ہے گیس اور بجلی کے بعد اب پیٹرول کی قیمتوں میں اضافہ عوام کی جیب پر ڈاکا ہے، ریاستِ مدینہ کا دعویٰ کرنے والے حکمران کو خبر ہو کہ قیمتوں میں اضافے کے اثرات براہ راست عوام پر پڑیں گے۔

    چیئرمین پیپلز پارٹی نے کہا کہ عمران خان نے ملک کو عالمی مالیاتی ادارے (آئی ایم ایف) کے پاس گروی رکھ دیا ہے اور اب پاکستان سے متعلق تمام فیصلے بیرون ملک میں ہورہے ہیں پیٹرول مہنگا، بجلی مہنگی، گیس مہنگی، عوام کے صبر کا مزید امتحان نہ لیا جائے اور اب پاکستان پیپلزپارٹی کا لانگ مارچ عوام کو اسی مہنگائی اور معاشی بحران سے نجات دلانے کے لیے ہے۔

    ان کا کہنا تھا کہ اگر مہنگائی اور بے روزگاری کا خاتمہ چاہیے تو عمران خان کی حکومت سے نجات ضروری ہے جس کے لیے عوام 27 فروری کو اسلام آباد کے لیے نکلیں گے اور مہنگائی کے ذمہ دار وزیراعظم سے حساب لیں گے۔

    ایف بی آر کی پی او ایس کےتحت پہلی قرعہ اندازی،انعام جیتنے والے خوش نصیبوں میں ایف بی آر افسران بھی…