Tag: شہباز شریف

اسلام آباد: وزیر اعظم شہباز شریف نے کہا ہے کہ دھرنوں نے ملک میں ہیجانی کیفیت پیدا کردی تھی،دھرنے کی وجہ سے ایک دن میں اسٹاک مارکیٹ ساڑھے 3 ہزار پوائنٹ گری۔

باغی ٹی وی: اسلام آباد میں وفاقی کابینہ کے اجلاس سے خطاب کرتے ہوئے وزیر اعظم نے کہا کہ طویل عرصے کے بعد مہنگائی کم ہوکر 4.9 فیصد پر آگئی ہےمہنگائی وہ معاملہ ہے جس سے غریب آدمی براہ راست متاثر ہوتا ہے، مہنگائی کم ہوئی ہے، امید ہے عام آدمی پر بوجھ کم ہوگا، اب ہمیں گروتھ کی طرف بڑھنا ہے، افراط زر اب مزید کم ہوگا تاہم یہ فیصلہ اسٹیٹ بینک کو کرنا ہے۔

وزیر اعظم نے کہا کہ ہم نے چینی کی برآمد کی اجازت دی لیکن قیمت نہیں بڑھنے دی، ، چینی برآمد ہونے کے باوجود قیمت میں کمی ہوئی، چینی برآمد کرنے سے ملک کو 500 ملین ڈالر کا فائدہ ہوا، چینی کی افغانستان اسمگلنگ صفر ہوگئی ہے، دھرنوں نے ملک میں ہیجانی کیفیت پیدا کردی تھی، بالخصوص اسلام آباد میں ایک افراتفری کا عالم تھا، توڑ پھوڑ ہوئی، رینجرز اور پولیس والے شہید ہوئے، ان لوگوں نے اپنے غیرقانونی ہتھکنڈوں نے ملک کی بے عزتی کرائی-

انہوں نے کہا کہ دھرنے کی وجہ سے ایک دن میں اسٹاک مارکیٹ ساڑھے 3 ہزار پوائنٹ گری،لیکن جیسے ہی دھرنے کے خلاف کارروائی ہوئی اور دھرنا ختم ہوا تو اسٹاک مارکیٹ اگلے دن دوبارہ کم بیک کرگئی پچھلا نقصان بھی پورا کیا اور مزید گین کیا، اس کا مطلب ہے کہ استحکام ہو تو معیشت بہتر ہوتی ہے، اس لئے ہمیں معاشی استحکام کی طرف بڑھنا ہے،ملکی معیشت کی بہتری کیلئے اقتصادی اہداف حاصل کریں گے، معاشی بہتری کے اثرات آنے والے دنوں میں مزید مثبت ہوں گے۔

وزیر اعظم شہباز شریف نے کہا کہ ماضی میں اسمبلی میں کھڑے ہوکر کہا گیا کہ پائلٹس کی ڈگریاں جعلی ہیں، پائلٹس کے جعلی ڈگری کے بیان سے بہت نقصان پہنچا،قومی ایئرلائن کی یورپ میں پروازوں کی بحالی پر خواجہ آصف کو مبارکباد پیش کرتا ہوں،ماضی کی حکومت کے وزیر نے پارلیمنٹ میں کھڑے ہوکرغیرذمہ دارانہ بیان دیا، سابق وزیر کے بیان سے ملک کو اربوں کا نقصان پہنچا، میں خواجہ سعد اور اتحادیوں کو بھی مبارکباد دیتا ہوں، گزشتہ اتحادی حکومت نے بھی معاملے کیلئے بھرپور کاوشیں کیں۔

اسلام آباد:وزیراعظم شہباز شریف نے کہا ہے کہ بدقسمتی سے دہشت گردی پھر سے سر اٹھارہی ہے، کے پی اور بلوچستان میں آئے دن افسوسناک واقعات ہورہے ہیں-

باغی ٹی وی : نیشنل ڈیفنس یونیورسٹی میں سیکیورٹی ورکشاپ کے شرکا سے خطاب کرتے ہوئے وزیراعظم شہباز شریف نے کہا کہ سب سے پہلے آپ سب کو مبارکباد کہ ہمارا اسٹاک ایکسچینج آج ایک لاکھ پوائنٹس سے بڑھ گیا ہے، اور یہ میرا یا وزیرخزانہ کا کمال نہیں بلکہ پوری ٹیم کی محنت کا نتیجہ ہے، اور اس بارے میں کوئی دو رائے نہیں ہے، میرا یقین ہے کہ ہماری قومی سلامتی معیشت کے ساتھ براہ راست منسلک ہےاور یہ دونوں ساتھ ساتھ چلتی ہیں،اب پاکستان بتدریج درست سمت میں آگےبڑھ رہا ہےمگر دھرنوں کیوجہ سے معیشت کو نقصان پہنچایا گیا۔

انہوں نے کہا کہ پرسوں یہاں اسلام آباد میں جو کچھ ہورہا تھا اس کا نتیجہ یہ ہوا کہ اسٹاک ایکسچینچ چار ہزار پوائنٹس گرگیا مگر کل اس میں بہتری آئی اور آج یہ ایک لاکھ پوائنٹس کی سطح سے بڑھ گیا ہےملک میں انتشار پھیلانے کے لیے اسلام آباد پر چرھائی کی گئی، ملک دشمن عناصر پاکستان کے خلاف نفرت انگیزاورپاکستان کوغیرمستحکم کرنے کے ایجنڈے پر کام کررہے ہیں، ہمیں پاکستان کا تحفظ کرنا ہوگا۔

وزیراعظم نے کہا کہ آج ملک ترقی کی راہ گامزن ہوچکا ہے، گذشتہ دہائی میں ملک میں تمام شعبے زوال پذیر تھے، جون 2023 میں پاکستان ڈیفالٹ کے دہانے پر تھا، پھر ہم آئی ایم ایف سے 37 ماہ پر مبنی معاہدہ کرنے میں کامیاب ہوئے ڈیفالٹ سے بچنے کے لیے آئی ایم ایف کے پاس جانے کے سوا کوئی چارہ نہیں تھا، اس سے پاکستان کے عوام کے لیے مشکل وقت آئے گا مگر یہ آئی ایم ایف کے ساتھ ہمارا آخری معاہدہ ہے اور دوبارہ ہم آئی ایم ایف سے رجوع نہیں کریں گے۔

وزیراعظم کا کہنا تھا کہ بدقسمتی سے دہشتگردی پھر سے سر اٹھارہی ہے، کے پی اور بلوچستان میں آئے دن افسوسناک واقعات ہورہے ہیں، افواج پاکستان نے دہشت گردی کا بہادری سے مقابلہ کیا دہشت گردی کے خلاف جنگ میں ہمیں 130 ارب ڈالر کا نقصان ہوا۔

واضح رہے کہ پاکستان اسٹاک ایکسچینج کے 100 انڈیکس نے نئی تاریخ رقم کر ایک لاکھ پوائنٹس کی سطح عبور کرلی، پاکستان اسٹاک ایکسچینج میں کاروبار کے آغاز پر ہی تیزی دیکھنے میں آئی اور 100 انڈیکس نے بلند ترین سطح ایک لاکھ 540 پوائنٹس کو چھوا، کاروبار کے اختتام پر 100 انڈیکس مجموعی طور پر 813 پوائنٹس اضافے سے ایک لاکھ 82 پوائنٹس پر بند ہوا، بازار میں آج ایک ارب 16 کروڑ شیئرز کے سودے ہوئے جن کی مالیت 39 ارب 77 کروڑ روپے رہی، مارکیٹ کیپٹلائزیشن 138ارب روپے بڑھ کر 12 ہزار 716 ارب روپے ہے۔

اسلام آباد: وزیراعظم میاں محمد شہبازشریف نے وفاقی کابینہ کا اجلاس کل طلب کرلیا-

باغی ٹی وی : وزیراعظم کی زیر صدارت کابینہ کے اجلاس میں ملک کی مجموعی سیاسی صورتحال سمیت دیگر امور زیر غور آئیں گے، وزیراعظم پاکستان تحریک انصاف( پی ٹی آئی) کے احتجاج کے حوالے سے حکومتی حکمت عملی کا جائزہ لیں گے۔

قبل ازیں وزیر اعظم شہباز شریف نے سری نگر ہائی وے پر پی ٹی آئی مظاہرین کی جانب سے رینجرز اور پولیس اہلکاروں پر گاڑی سے حملے کی شدید الفاظ میں مذمت کی اور حملے میں گاڑی سے کچلے گئے رینجرز اہلکاروں کی شہادت پر گہرے دکھ اور غم کا اظہار بھی کیا ۔

شہباز شریف نے شہید اہلکاروں کی بلندی درجات اور اہل خانہ کے لیے صبر جمیل کی دعا کی اور واقعہ میں ملوث افراد کی فوری نشاندہی کر کے انہیں قرار واقعی سزا دلوانے کی ہدایت بھی کر دی،وزیر اعظم نے حملے میں زخمی ہونے والے رینجرز و پولیس اہلکاروں کو بہترین طبی سہولیات فراہم کرنے کی ہدایت بھی ہے۔

اس حوالے سے شہباز شریف نے کہا کہ نام نہاد پر امن احتجاج کی آڑ میں پولیس و رینجرز کے اہلکاروں پر حملے قابل مذمت ہیں، انتشار ی ٹولہ قانون نافذ کرنے والے اداروں کو دانستہ طور پر نشانہ بنا رہا ہے، پولیس و رینجرز کے اہلکار شہر میں امن و امان کے نفاذ کے لیے مامور ہیں انتشاری ٹولے کے ہاتھوں سکیورٹی اہلکاروں کے خاندانوں کی زندگیاں تباہ کر دی گئیں، انتشاری ٹولہ گزشتہ روز پولیس اہلکار اور آج شہید کئے گئے رینجرز اہلکاروں کے معصوم بچوں و اہلِ خانہ کو جوابدہ ہے۔

وزیراعظم شہباز شریف کا مزید کہنا تھا کہ انتشاری ٹولہ انقلاب نہیں، خونریزی چاہتا ہے، یہ پر امن احتجاج نہیں شدّت پسندی ہے، پاکستان کسی بھی انتشار اورخوںریزی کا متحمل نہیں ہو سکتا،مذموم سیاسی مقاصد کے لئے خون ریزی نا قابل قبول اور انتہائی قابل مذمت ہے، مجھ سمیت پوری قوم شہید ہونے والے رینجرز و پولیس کے اہلکاروں کو خراج عقیدت پیش کرتی ہے-

وزیراعظم شہباز شریف نےعالمی یومِ اطفال کے موقع پر پیغام میں کہا ہے کہ آج، عالمی یومِ اطفال کے موقع پر، میں پاکستان کے بچوں کے حقوق، فلاح و بہبود، اور ترقی کے لئے اپنے عزم کا اعادہ کرتا ہوں۔ یہ بچے ہمارے مستقبل کے معمار ہیں اور ہماری قوم کا سب سے قیمتی اثاثہ ہیں۔

وزیراعظم شہباز شریف کا کہنا تھا کہ یہ دن ہمیں اس اجتماعی ذمہ داری کی یاد دلاتا ہے کہ ہم بلا تفریق ہر بچے کے حقوق کے تحفظ اور تکمیل کو یقینی بنائیں۔ یہ ہمارا فرض ہے کہ ہم ہر بچے کو معیاری تعلیم، صحت کی سہولیات، اور ایک محفوظ اور پرورش کرنے والا ماحول فراہم کریں، تاکہ وہ اپنی مکمل صلاحیتوں کو حاصل کر سکیں اور معاشرے میں مثبت کردار ادا کر سکیں۔پاکستان کی حکومت نے بچوں کی زندگیوں کو بہتر بنانے کے لئے متعدد اقدامات کئے ہیں، جیسے دانش اسکولز کا قیام، جو دور دراز اور پسماندہ علاقوں میں کم وسیلہ بچوں کو معیاری تعلیم فراہم کر رہے ہیں۔ ان اسکولز نے بے شمار بچوں کی زندگیاں بدل دی ہیں اور انہیں ایک روشن مستقبل کی راہ دکھائی ہے۔ ہم نے تعلیمی ایمرجنسی کا اعلان کیا ہے، جس کے تحت وسائل کو متحرک کرکے خواندگی کی شرح میں اضافہ، اسکولوں کی تعمیر نو، اور بچوں کو معیاری تعلیم کی فراہمی کو یقینی بنایا جا رہا ہے۔

وزیراعظم شہباز شریف کا کہنا تھا کہ کمیونٹی آؤٹ ریچ اور خاندانوں کو بچوں کو اسکول بھیجنے کی ترغیب دینے کے لئے خصوصی مہمات کے ذریعے اسکول نہ جانے والے لاکھوں بچوں کے داخلے کے لئے کوششیں کی جا رہی ہیں۔ غذائی قلت کو دور کرنے اور تعلیمی نتائج کو بہتر بنانے کے لئے، حکومت نے سرکاری اسکولوں میں غذائیت کا پروگرام متعارف کیا ہے تاکہ بچوں کو صحت مند کھانا ملے جو ان کی جسمانی اور ذہنی نشوونما میں معاون ہوں۔یہ تمام تر اقدامات اس عزم کی عکاسی کرتے ہیں کہ ہم اپنے نوجوان نسل کی نشوونما اور خوشحالی کے لئے کوششیں کر رہے ہیں۔میں والدین، اساتذہ، سول سوسائٹی، اور پالیسی سازوں سے اپیل کرتا ہوں کہ وہ مل کر ایک ایسا معاشرہ تشکیل دیں جہاں ہر بچے کی اہمیت ہو اور وہ خود کو محفوظ اور قیمتی محسوس کرے۔ عالمی یومِ اطفال کے موقع پر، آئیں ہم عہد کریں کہ اپنے بچوں کو قومی ترجیحات میں اولیت دیں گے، اور ایک ایسا مستقبل یقینی بنائیں گے جہاں وہ عزت، برابری، اور امید کے ساتھ پروان چڑھ سکیں۔

وزیراعظم پاکستان شہباز شریف نے سابق امریکی صدر ڈونلڈ ٹرمپ کو اُن کے انتخابی نتائج پر مبارکباد دی ہے، جس پر سوشل میڈیا پر دلچسپ ردعمل سامنے آیا ہے۔ وزیراعظم شہباز شریف نے ٹویٹر پر ایک پیغام جاری کرتے ہوئے کہا کہ "ڈونلڈ ٹرمپ کو دوبارہ انتخاب میں کامیابی پر دل کی گہرائیوں سے مبارکباد پیش کرتا ہوں۔”ہم امریکا کے ساتھ ملکر کام کرنے کے خواہاں ہیں

وزیراعظم شہباز شریف کی جانب سے مبارکباد کے پیغام کے بعد ایکس پر کمیونٹی نوٹ لگ گیا،ایکس کی جانب سے کمیونٹی نوٹ میں کہا گیا کہ پاکستان میں وزیراعظم شہباز شریف نے ایکس پر پابندی لگا ئی ہوئی ہےاور انہوں نے خود وی پی این کا استعمال کر کے ٹرمپ کو مبارکباد دی ہے، جو پاکستانی قوانین کی خلاف ورزی ہے،

سماجی رابطے کی ویب سائٹ ایکس پر وزیراعظم کے مبارکباد کے پیغام پر کمیونٹی نوٹ لگنے کے بعد صارفین کا کہنا ہے کہ یہ حقیقت ہے پاکستان میں ایکس بند ہے اور وزیراعظم سمیت سبھی افراد وی پی این کا استعمال کر رہے ہیں اگر ایکس اتنا ہی ضروری ہے تو حکومت نے پابندی کیوں لگائی، حکومت کو ایکس کو فوری کھولنا چاہئے،

پاکستان میں سوشل میڈیا پلیٹ فارم ایکس پر پابندی کے بعد وی پی این (ورچوئل پرائیویٹ نیٹ ورک) کا استعمال تیزی سے بڑھ گیا ہے۔ حکومتی فیصلے کے بعد صارفین ایکس تک رسائی حاصل کرنے کے لئے مختلف ذرائع تلاش کرنے لگے ہیں، جن میں وی پی این ایک مقبول ترین طریقہ ہے۔پی ٹی اے کی جانب سے ایکس پر عائد کی گئی پابندی کے باوجود، صارفین نے مختلف وی پی این سروسز استعمال کرنا شروع کر دی ہیں تاکہ وہ اپنی پسندیدہ سروسز کو بلا روک ٹوک استعمال کر سکیں۔ وی پی این کے ذریعے صارفین اپنی انٹرنیٹ کنکشن کو انکرپٹ کر کے غیر محدود رسائی حاصل کر لیتے ہیں۔وی پی این کے استعمال کی بڑھتی ہوئی مقبولیت نے سیکیورٹی اور پرائیویسی کے مسائل کو جنم دیا ہے۔ ماہرین کا کہنا ہے کہ اگرچہ وی پی این ایک مفید ٹول ہے، لیکن اس کا غلط استعمال صارفین کی ذاتی معلومات کو خطرے میں ڈال سکتا ہے۔پاکستان میں ایکس پر پابندی کا فیصلہ حکومت کی جانب سے ‘نظریاتی تحفظ’ اور ‘قومی سلامتی’ کے حوالے سے کیا گیا تھا، لیکن اس پابندی نے عوامی ردعمل کو بھی جنم دیا ہے۔ سوشل میڈیا صارفین کا کہنا ہے کہ اس طرح کی پابندیاں آزادی اظہار رائے کے خلاف ہیں، اور انہیں کسی بھی صورت میں درست نہیں سمجھا جا سکتا۔

ماہرین کا کہنا ہے کہ وی پی این کا استعمال قانونی لحاظ سے مبہم ہے، کیونکہ کچھ ممالک میں یہ قانونی ہے، جبکہ پاکستان میں حکومت اس کا استعمال محدود کرنے کی کوشش کر رہی ہے۔ تاہم، جب تک صارفین کو ایکس تک رسائی حاصل کرنے کی کوئی اور قانونی طریقہ مہیا نہیں کیا جاتا، وی پی این کا استعمال بڑھتا رہے گا۔

پاکستان میں ایکس پر پابندی کے بعد وی پی این کا استعمال اس بات کا غماز ہے کہ حکومت کے اقدامات کے باوجود ٹیکنالوجی کو کنٹرول کرنا ہمیشہ ممکن نہیں ہوتا۔ سوشل میڈیا اور انٹرنیٹ کی آزادی ایک ایسا حق ہے جسے عام شہری جلدی نہیں چھوڑنا چاہتے۔ تاہم، اس کے ساتھ ساتھ وی پی این جیسے ٹولز کے استعمال میں سیکیورٹی اور پرائیویسی کے خطرات بھی ہیں، جو حکومت کے لئے ایک چیلنج بنے ہوئے ہیں۔

ٹرمپ کی صدارت کی دوسری مدت پہلی سے بالکل مختلف

ٹرمپ نے وائیٹ ہاؤس میں پہلی تقرری کر دی،خاتون کو ملا بڑا عہدہ

ٹرمپ کی کامیابی،شہزادہ ہیری کی امیگریشن فائل منظر عام پر آنے کاامکان

روسی صدر کی ٹرمپ کو کال،تعلقات بحال کرنے کو تیار ہیں،پیوٹن

بھارت میں روپوش حسینہ واجد کی ٹرمپ کو مبارک

ٹرمپ کی ٹیم کی اگلے ہفتے جوبائیڈن سے ملاقات متوقع

ٹرمپ کی تین شادیاں،26 جنسی ہراسانی کے الزامات،امیر ترین صدر

ٹرمپ کی جیت،زلفی بخاری کی مبارکباد،ملاقات کی تصویر بھی شیئر کر دی