Tag: طیارہ

امریکی صدر ڈونلڈ ٹرمپ نے قطر کی جانب سے تحفے میں دیے گئے لگژری بوئنگ 747-8 طیارے پر اپنی پہلی پرواز مکمل کی اس موقع پر طیارے کی تعریف کرتے ہوئے ٹرمپ کا کہنا تھا کہ ہم خود ایسا طیارہ نہیں بنا سکتے تھے کیونکہ ہم اتنی خطیر رقم خرچ کرنے کو تیار ہی نہ ہوتے-

تقریباً $40 کروڑ (400 ملین ڈالر) مالیت کا یہ بوئنگ طیارہ قطری حکومت کی جانب سے امریکا کو بغیر کسی شرط کے تحفے میں دیا گیا ہے،طیارے کا نیا رنگ و ڈیزائن سفید، سرخ اور نیوی بلیو پر مشتمل ہے، جو صدر ٹرمپ کے ذاتی طیارے سے بھی مشابہت رکھتا ہے اس انتہائی پرتعیش طیارے کو عارضی طور پر نئے ‘ایئر فورس ون’ کا درجہ دیا گیا ہےرپورٹس کے مطابق یہ طیارہ امریکی محکمہ دفاع کو باضابطہ طور پر منتقل کیا گیا ہے، جبکہ اس کے مستقبل کے استعمال کے حوالے سے وائٹ ہاؤس سے وضاحت طلب کی گئی ہے۔

ٹرمپ نے کہا کہ ان کا پرانا صدارتی طیارہ 35 سال پرانا تھا، اور یہ نیا تحفہ ملک کے شایانِ شان ہے، صدر ٹرمپ نے اس طیارے میں پہلی صدارتی پرواز میری لینڈ کے جوائنٹ بیس اینڈریوز سے شمالی ڈکوٹا کے لیے مکمل کی، طیارے کو صدارتی معیار کے مطابق تیار کیا گیا ہے، جس میں جدید ترین سیکیورٹی نظام اور اضافی سہولیات شامل کی گئی ہیں ان کے مطابق یہ ایک انتہائی پیچیدہ مگر شاندار مشین ہے۔

صدر ٹرمپ کا کہنا تھا کہ جب بوئنگ کے سربراہ نے انہیں اس طیارے کے بارے میں بتایا تو انہوں نے قطر سے اسے کچھ عرصے کے لیے استعمال کرنے کی درخواست کی تھی، تاہم بعد میں قطر کے امیر نے یہ طیارہ امریکا کو بطور تحفہ دینے کی پیشکش کر دی،وہ اس طیارے کو اس وقت تک استعمال کریں گے جب تک امریکا میں تیار ہونے والے نئے صدارتی طیارے مکمل نہیں ہو جاتے، جس میں تقریباً 2 سال لگ سکتے ہیں،انہوں نے قطر کی جانب سے اس طیارے پر کیے گئے اخراجات کو ’اعلیٰ معیار کی سرمایہ کاری‘ قرار دیتے ہوئے کہا کہ ایسا طیارہ امریکا کے لیے خود تیار کرنا مشکل تھا۔

اس تحفے کو امریکی سیاست میں کانگریس اور اخلاقی گروپس کی جانب سے تنقید کا نشانہ بھی بنایا گیا ہے، تاہم انتظامیہ نے ان خدشات کو مسترد کرتے ہوئے اسے ملک کے مفاد میں قرار دیا ہے،یہ طیارہ، جس کی مالیت تقریباً 40 کروڑ ڈالر بتائی جاتی ہے، بغیر کسی شرط کے امریکا کو دیا گیا ہے اور اسے اِس وقت قانونی، اخلاقی اور قومی سلامتی سے متعلق سوالات کا سامنا ہے۔

اس سے قبل 1990 سے استعمال ہونے والا بوئنگ 747-200 ایئر فورس ون مرحلہ وار سروس سے ہٹایا جا چکا ہے، جبکہ 2 نئے بوئنگ 747-800 طیاروں کو VC-25B کے طور پر اپ گریڈ کیا جا رہا ہے تاکہ پرانے اور نئے صدارتی طیاروں کے درمیان عبوری خلا پُر کیا جا سکے۔

امریکا میں مسافر طیارہ ڈرون سے ٹکرا گیا-

برطانوی خبر رساں ادارے رائٹرز کے مطابق امریکا کے وفاقی ادارے فیڈرل ایوی ایشن ایڈمنسٹریشن (ایف اے اے) نے کہا ہے کہ نیویارک کے جان ایف کینیڈی انٹرنیشنل ائیرپورٹ پر اترنے والے جیٹ بلیو کے ایک مسافر طیارے سے مبینہ طور پر ڈرون ٹکرانے کی اطلاع کے بعد تحقیقات شروع کر دی گئی ہیں یہ واقعہ پیر کے روز اس وقت پیش آیا جب لاس ویگاس سے آنے والا ایئربس اے 321 طیارہ لینڈنگ کی تیاری کر رہا تھا پائلٹ نے تقریباً 3 ہزار فٹ کی بلندی پر اطلاع دی کہ طیارہ ممکنہ طور پر ایک ڈرون سے ٹکرایا ہے۔

جیٹ بلیو ایئرلائن نے اپنے بیان میں کہا کہ پرواز محفوظ طریقے سے لینڈ کر گئی، تمام مسافر معمول کے مطابق طیارے سے اتر گئے، اور بعد ازاں جہاز کو تفصیلی معائنے کے لیے سرو س سے ہٹا دیا گیا،معائنے کے دوران نہ تو کسی نقصان کے آثار ملے اور نہ ہی کسی ٹکراؤ کا ثبوت سامنے آیا۔

اس واقعے پر جان ایف کینیڈی انٹرنیشنل ائیرپورٹ چلانے والے پورٹ اتھارٹی آف نیویارک اینڈ نیو جرسی کی جانب سے فوری طور پر کوئی ردعمل سامنے نہیں آیا۔

یہ واقعہ ایسے وقت میں پیش آیا ہے جب چند روز قبل بھی یونائیٹڈ ایئرلائنز کی ایک پرواز کو نیوارک لبرٹی انٹرنیشنل ائیرپورٹ پر اترتے وقت ایک ڈرون کا سامنا کرنا پڑا تھا میڈیا رپورٹس کے مطابق یہ واقعہ جمعے کے روز پیش آیا تھا پورٹ اتھارٹی نے مئی کے آخر میں ایک ای میل میں کہا تھا کہ ہم اپنی تمام تنصیبات پر بڑھنے والی آمدورفت کی تیاری کر رہے ہیں، کیونکہ نیویارک اور نیو جرسی کا علاقہ 2026 کے فیفا ورلڈ کپ کے کئی میچوں، بشمول 19 جولائی کو ہونے والے فائنل، کی میزبانی کرے گا۔

دوسری جانب امریکی وفاقی تحقیقاتی ادارے ایف بی آئی نے پیر کے روز سوشل میڈیا پلیٹ فارم ایکس پر بتایا کہ اس نے اپنے وفاقی شراکت دار اداروں کے ساتھ مل کر رواں ماہ شروع ہونے والے فٹبال ٹورنامنٹ کے بعد سے امریکا کے تمام 11 میزبان شہروں میں ممنوعہ فضائی حدود سے 500 سے زائد ڈرون قبضے میں لیے ہیں ڈرونز کو ائیرپورٹس کے قر یب نہیں اڑانا چاہیے،کیونکہ پرواز کے دوران پائلٹس کے لیے ڈرون کو دیکھنا اور اس سے بچنا بہت مشکل ہو سکتا ہے،ہر ماہ ائیرپورٹس کے قریب ڈرون دیکھے جانے کی 100 سے زیادہ اطلاعات موصول ہوتی ہیں۔ ایف اے اے نے خبردار کیا ہے کہ بغیر اجازت ڈرون اڑانے والوں کو بھاری جرمانے یا قید کی سزا کا سامنا بھی کرنا پڑ سکتا ہے۔

امریکی ریاست میسوری میں کینساس سٹی کے قریب ایک چھوٹا طیارہ گر کر تباہ ہوگیا، جس کے نتیجے میں طیارے میں سوار 11 اسکائی ڈائیورز اور پائلٹ سمیت تمام 12 افراد ہلاک ہوگئے۔

امریکی میڈیا رپورٹس کے مطابق میسوری اسٹیٹ ہائی وے پیٹرول نے بتایا کہ امریکا میں ایک چھوٹا طیارہ گر کر تباہ ہوگیا، طیارہ امریکی ریاست مسوری میں گرکر تباہ ہوا، طیارہ ٹیک آف کے بعد اچانک واپس پلٹا اور پھر گر گیا، طیارہ اسکائی ڈائیونگ کے لیے لوگوں کو لے جا رہا تھا اور حادثے کے بعد آگ لگ گئی۔

حکام کے مطابق یہ حادثہ بٹلر میموریل ایئرپورٹ کے قریب پیش آیا، جو کینساس سٹی سے تقریباً 60 میل جنوب میں واقع ہے طیارے میں 11 اسکائی ڈائیورز اور ایک پائلٹ سوار تھا، جو موقع پر ہلاک ہوگئے ہیں۔ حادثے کے فوراً بعد طیارہ شعلوں کی لپیٹ میں آ گیا۔

میسوری ہائی وے پیٹرول کے سارجنٹ جسٹن ایونگ نے بتایا کہ اتوار کی صبح تقریباً 11 بج کر 30 منٹ پر ایمرجنسی سروسز کو اطلاع ملی کہ ایک طیارہ گر گیا ہے اور اس میں آگ لگی ہوئی ہے طیارہ ایئرپورٹ کے ساتھ واقع ایک کھیت میں جا گرا جب کہ احتیاطی تدابیر کے طور پر قریبی سڑک کو بند کرنے پر بھی غور کیا گیا۔

نیشنل ٹرانسپورٹیشن سیفٹی بورڈ (این ٹی ایس بی) نے حادثے کی تحقیقات شروع کردی ہیں جب کہ ادارے کے ترجمان کے مطابق واقعے سے متعلق معلومات جمع کی جا رہی ہیں اور مزید تفصیلات بعد میں جاری کی جائیں گی،حادثے کے بعد بٹلر پولیس ڈیپارٹمنٹ، بیٹس کاؤنٹی شیرف آفس اور دیگر امدادی ادارے موقع پر موجود رہے۔

اسرائیلی مسافر بردار طیارے سے رابطہ منقطع ہونے پر نیٹو نے جنگی طیارے فضا میں بھیج دیے۔

عبرانی میڈیا کے مطابق اسرائیل سے یورپ جانے والی ایک مسافر پرواز سے فضائی رابطہ منقطع ہونے پر ہنگری کی فضائیہ نے فوری کارروائی کرتے ہوئے جنگی طیارے روانہ کر دیے جس سے سیکیورٹی اداروں میں ہلچل مچ گئی-

رپورٹ کے مطابق اسرائیلی فضائی کمپنی آرکیا کی پرواز تل ابیب سے جمہوریہ چیک کے دارالحکو مت پراگ جا رہی تھی کہ ہنگری کی فضائی حدود میں داخل ہونے کے بعد مقامی ایئر ٹریفک کنٹرول سے اس کا رابطہ قائم نہ ہوسکارابطہ نہ ہونے پر نیٹو کے فضائی دفاعی نظام نے اعلیٰ درجے کا الرٹ جاری کیا جس کے بعد ہنگری کی فضائیہ کے دو جنگی طیاروں کو فوری طور پر فضا میں بھیجا گیا تاکہ مسافر طیارے سے بصری اور ریڈیو رابطہ قائم کیا جا سکے۔

ذرائع کا کہنا ہے کہ ان جنگی طیاروں نے اسرائیلی مسافر طیارے کے قریب پہنچ کر اس سے رابطہ کیا اور ہائی جیک ہونے یا کسی اور مشکوک سرگرمی کے بارے میں تصدیق کی،اسرائیلی پائلٹ کی جانب سے نفی میں جواب ملنے پر صورتحال معمول پر آ گئی اور پرواز نے بغیر کسی رکاوٹ کے اپنا سفر جاری رکھتے ہوئے پراگ میں بحفاظت لینڈنگ کی۔

واقعے کے بعد آرکیا ایئرلائن نے ایک مختصر بیان میں کہا کہ اس حساس معاملے کی اندرونی سطح پر تحقیقات کی جا رہی ہیں پرواز کا عملہ منظور شدہ فلائٹ پلان اور پہلے سے طے شدہ فضائی راستوں کے مطابق کام کر رہا تھا مذکورہ پرواز کے دوران کسی بھی مرحلے پر نہ طیارے، نہ مسافروں اور نہ ہی عملے کو کوئی خطرہ درپیش ہوا تھا۔

واضح رہے کہ یورپ کی فضائی حدود میں کسی بھی مسافر طیارے کا ایئر ٹریفک کنٹرول سے رابطہ منقطع ہونا انتہائی سنجیدگی سے لیا جاتا ہے کیونکہ موجودہ عالمی سکیورٹی حالات میں ایسے واقعات کو ممکنہ ہائی جیکنگ، تکنیکی خرابی یا سکیورٹی خطرے کے تناظر میں دیکھا جاتا ہے۔

امریکا میں ’یونائیٹڈ ایئرلائنز‘ کی ایک جہاز پرواز کے دوران مبینہ طور پر کاک پٹ میں زبردستی داخل ہونے کی کوشش کرنے والے مسافر کو گرفتار کر لیا گیا، جس کے بعد طیارے کو ہنگامی طور پر لینڈ کرانا پڑا۔

’یونائیٹڈ ایئرلائنز‘ کی پرواز یو اے 2005 شکاگو کے اوہیر انٹرنیشنل ایئرپورٹ سے منی ایپولس کے لیے روانہ ہوئی تھی، دورانِ پرواز ایک ’بے قابو‘ مسافر کے جارحانہ رویے کے باعث طیارے کا رُخ تبدیل کر کے وسکونسن کے ڈین کاؤنٹی ریجنل ایئرپورٹ پر اتار دیا گیا۔

رپورٹس کے مطابق نامعلوم مرد مسافر مبینہ طور پر روسی زبان میں چیخ و پکار کر رہا تھا اور اس نے کاک پٹ میں داخل ہونے کی کوشش کی، جس پر طیارے میں موجود عملے اور دیگر افراد کے ساتھ ہاتھا پائی بھی ہوئی واقعے کے دوران پائلٹ نے ایئر ٹریفک کنٹرول کو ’سکواک کوڈ 7500‘ ارسال کیا، جو طیارے کے ممکنہ ہائی جیک ہونے یا ہائی جیکنگ کی کوشش کی نشان دہی کے لیے استعمال کیا جاتا ہے، طیارے کی ہنگامی لینڈنگ کے بعد قانون نافذ کرنے والے اداروں نے فوری کارروائی کرتے ہوئے مسافر کو حراست میں لے لیا۔

ایئرلائن کے مطابق ’پرواز میں 147 مسافر اور عملے کے 6 ارکان سوار تھے اور خوش قسمتی سے واقعے میں کوئی شخص زخمی نہیں ہوا، حکام نے واقعے کی تحقیقات شروع کر دی ہیں، جبکہ مسافر کی شناخت تاحال ظاہر نہیں کی گئی، ایئرپورٹ انتظامیہ کے مطابق مشتبہ شخص کی گرفتاری کے بعد فضائی آپریشن معمول کے مطابق جاری رہا-

نیوآرک ایئرپورٹ پر لینڈنگ کے دوران یونائیٹڈ ایئر لائنز کا مسافر طیارہ شاہراہ پر موجود بجلی کے کھمبے اور ٹرک سے ٹکرا گیا۔

سی این این کے مطابق مسافر طیارہ لینڈنگ کے دوران حادثے کا شکار ہوا یہ واقعہ اتوار کے روز دوپہر دو بجے کے قریب اس وقت پیش آیا جب فلائٹ نمبر 169 وینس، اٹلی سے نیوارک لبرٹی انٹرنیشنل ایئرپورٹ پہنچ رہی تھی طیارہ جب اپنی منزل کے قریب تھا تو اس کا نچلا حصہ اور ٹائر نیو جرسی ٹرن پائیک نامی شاہراہ پر موجود ایک بجلی کے کھمبے اور ٹریلر سے ٹکرا گئے۔

فیڈرل ایوی ایشن انتظامیہ نے اس حوالے سے تصدیق کی ہے کہ یہ طیارہ بوئنگ 767-400 ماڈل کا تھا اور ٹکر کے باوجود پائلٹ اسے رن وے پر بحفا ظت اتارنے میں کامیاب رہا خوش قسمتی سے طیارے میں سوار کسی بھی مسافر یا عملے کے رکن کو کوئی چوٹ نہیں آئی، البتہ طیارے کو معمولی نقصان پہنچا ہے۔

یونائیٹڈ ایئر لائنز کے ترجمان کا کہنا ہے کہ ان کی تکنیکی ٹیم جہاز کو پہنچنے والے نقصان کا جائزہ لے رہی ہے اور حفاظتی پروٹوکول کے تحت متعلقہ پرواز کے عملے کو فی الحال ڈیوٹی سے ہٹا دیا گیا ہے تاکہ واقعے کی شفاف تحقیقات کی جا سکیں اس حادثے کے نتیجے میں ٹریلر کا ڈرائیور معمولی زخمی ہوا جسے فوری طور پر ہسپتال منتقل کیا گیا، تاہم ابتدائی طبی امداد کے بعد اسے فارغ کر دیا گیا ہے۔

پولیس کے مطابق جہاز سے ٹکرانے والا بجلی کا کھمبا وہاں سے گزرنے والی ایک جیپ پر بھی گرا جس سے گاڑی کو نقصان پہنچا ایئرپورٹ حکام نے رن وے کی صفائی اور ملبے کی جانچ پڑتال کے بعد پروازوں کی آمد و رفت کا سلسلہ دوبارہ بحال کر دیا ہے۔

نیشنل ٹرانسپورٹیشن سیفٹی بورڈ اور وفاقی حکام نے اس معاملے کی باقاعدہ تحقیقات کا آغاز کر دیا ہے تحقیقاتی ادارے کے اہلکار پیر کے روز نیوآرک پہنچیں گے تاکہ جائے وقوعہ کا معائنہ کیا جا سکے اس سلسلے میں یونائیٹڈ ایئر لائنز کو ہدایت جاری کی گئی ہے کہ وہ طیارے کا کاک پٹ وائس ریکارڈر اور فلائٹ ڈیٹا ریکارڈر حکام کے حوالے کرے تاکہ حادثے کی اصل وجوہات کا تعین کیا جا سکے۔

نیویارک کے لاگارڈیا ایئرپورٹ پر ایئر کینیڈا کی پرواز ایک پورٹ اتھارٹی کی گاڑی (ٹرک) سے ٹکرا گئی، جس کے نتیجے میں طیارےکے اگلے حصے کو شدید نقصان پہنچا، اس حادثے میں 4 افراد زخمی ہوئے، یہ تصادم 23 مارچ 2026 کو ہوا-

میڈیا رپورٹس کے مطابق کینیڈا کے شہر مونٹریال سے آنے والی ایئر کینیڈا ایکسپریس کی پرواز رن وے 4 پر ایک فائر ٹرک سے ٹکرا گئی،سوشل میڈیا پر واقعے کے بعد کی متعدد ویڈیوز گردش کر رہی ہیں جن میں ایئرپورٹ پر ریسکیو اور انخلاء کی کارروائیاں دیکھی جا سکتی ہیں۔

نیویارک پوسٹ کی رپورٹ کے مطابق یہ واقعہ مقامی وقت کے مطابق رات تقریباً 11 بجکر 40 منٹ پر پیش آیا، جس میں 4 فائر فائٹرز شدید زخمی ہوئے فائر ٹرک کو رن وے 4 عبور کرنے کی اجازت دی گئی تھی تاکہ وہ ایک یونائیٹڈ ایئرلائنز کی بوئنگ 737 میکس پرواز کی مدد کر سکے طیارے میں تقریباً 100 مسافر سوار تھے جن کی حالت کا جائزہ لیا جا رہا ہے۔

بنگلہ دیش میں فضائیہ کا تربیتی حادثے سے بال بال بچ گیا،طیارے نے جیشور میں ہنگامی لینڈنگ ہنگامی لینڈنگ کی، تاہم تکنیکی خرابی کی اصل وجہ ابھی ظاہر نہیں کی گئی۔

عالمی خبر ایجنسی کے مطابق بنگلہ دیش میں ایک تربیتی طیارہ، جو بنگلہ دیش ایئر فورس کے زیر استعمال تھا، نے جیشور ائرپورٹ پر ہنگامی لینڈنگ کی، جب پرواز کے دوران تکنیکی خرابی سامنے آئی۔

بنگلہ دیشی افواج کے انٹر سروسز پبلک ریلیشنز کے بیان کے مطابق طیارہ معمول کی تربیتی پرواز کے دوران مکینیکل مسئلے کا شکار ہوا، جس کی وجہ سے پائلٹ نے احتیاطی طور پر ہنگامی لینڈنگ کی،پائلٹ محفوظ رہا اور لینڈنگ کے دوران طیارے کو کوئی نقصان نہیں پہنچ۔ حکام نے کہا کہ صورتحال فوری طور پر قابو میں آ گئی-

مجتبیٰ خامنہ ای کی بطور ایرانی سپریم لیڈر نامزدگی پر ٹرمپ کا براہِ راست تبصرہ کرنے سے گریز

مجتبیٰ خامنہ ای کی بطور ایرانی سپریم لیڈر نامزدگی پر ٹرمپ کا براہِ راست تبصرہ کرنے سے گریز

قطر میں سوشل میڈیا پر جھوٹی خبریں پھیلانے کے الزامات پر سینکڑوں افراد گرفتار

امریکی ریاست جارجیا میں ہنگامی لینڈنگ کے دوران ایک چھوٹا طیارہ سڑک پر موجود کئی گاڑیوں سے ٹکرا گیا جس کے نتیجے میں متعدد افراد زخمی ہوگئے۔

گینزویل پولیس ڈیپارٹمنٹ کے مطابق واقعہ پیر کی دوپہر اس وقت پیش آیا جب سنگل انجن طیارہ، ہاکر بیچ کرافٹ بی ای-36، اٹلانٹا کے شمال میں مختصر پرواز کے دوران انجن میں خرابی کا شکار ہوگیا فیڈرل ایوی ایشن ایڈمنسٹریشن (ایف اے اے) نے بتایا کہ طیارے کو تقریباً 12 بج کر 10 منٹ پر انجن کے مسائل کا سامنا ہوا۔

پولیس کے مطابق حادثے میں کئی افراد کو معمولی چوٹیں آئیں، جبکہ ایک ڈرائیور سمیت 2 افراد کو طبی امداد کے لیے مقامی اسپتال منتقل کیا گیا پولیس کی جانب سے جاری تصاویر میں سفید رنگ کے طیارے کو سڑک کے ایک چوراہے کے قریب دیکھا جا سکتا ہے جس کے اگلے حصے اور دائیں بازو کو نقصان پہنچا ایک تصویر میں ایک ایس یو وی کی اگلی باڈی بھی متاثر دکھائی دیتی ہے جبکہ فائر ڈیپارٹمنٹ کا عملہ جائے وقوعہ پر امدادی کارروائیوں میں مصروف ہے۔

حکام کے مطابق طیارہ گینزویل کے لی گلمر میموریل ایئرپورٹ سے اڑان بھر کر چیروکی کاؤنٹی ریجنل ایئرپورٹ کینٹن جا رہا تھا، تاہم پرواز کے فوراً بعد انجن کی رفتار (آر پی ایم) سے متعلق مسائل سامنے آئے طیارے میں 2 پائلٹ سوار تھے جنہوں نے واپسی کا فیصلہ کیا۔

نیشنل ٹرانسپورٹیشن سیفٹی بورڈ (این ٹی ایس بی) کے مطابق پائلٹ نے محسوس کیا کہ طیارے میں اتنی طاقت نہیں کہ وہ واپس ایئرپورٹ تک پہنچ سکے، جس پر انہوں نے سڑک پر ہنگامی لینڈنگ کی کوشش کی۔ اس دوران طیارہ 3 گاڑیوں سے ٹکرا گیا طیارے کے دائیں بازو کے ایک گاڑی سے ٹکرانے پر فیول ٹینک الگ ہو کر ایس یو وی کے پچھلے حصے سے جا ٹکرایا اور گاڑی کے اندر جا گرا۔

بھارت کی مغربی ریاست مہاراشٹر کے نائب وزیر اعلیٰ اجیت پوار بدھ کے روز ایک طیارہ حادثے میں ہلاک ہو گئے-

میڈیا رپورٹس کے مطابق اجیت پوار کا چارٹر طیارہ ممبئی سے روانہ ہوا تھا اور دورانِ پرواز تکنیکی خرابی کے باعث ہنگامی لینڈنگ کی کوشش کر رہا تھا کہ ریا ست کے شہر بارامتی کے قریب کھلے میدان میں گر کر تباہ ہو گیا ٹیلی ویژن پر نشر ہونے والی ویڈیوز میں حادثے کے بعد طیارے کا ملبہ جلتا ہوا دکھایا گیا، جب کہ جائے حادثہ سے دھویں کے گھنے بادل اٹھتے نظر آئے، طیارے کا ملبہ وسیع علاقے میں بکھرا ہوا تھا۔

ابھی تک حکام کی جانب سے حادثے کی وجوہات سے متعلق باضابطہ بیان جاری نہیں کیا گیا، تاہم ابتدائی اطلاعات کے مطابق طیارہ زمین سے ٹکرانے کے بعد آگ کی لپیٹ میں آ گیا تھاحادثے پرمہاراشٹر اور بھارت بھر میں سیاسی حلقوں میں گہرے صدمے کا اظہار کیا جا رہا ہے، جب کہ سکیورٹی اور امدادی اداروں نے علاقے کو گھیرے میں لے کر تحقیقات کا آغاز کر دیا ہے-