Tag: عامر خان

بالی ووڈ سُپر اسٹار عامر خان جلد اپنی قریبی ساتھی گوری سپراٹ کے ساتھ تیسری شادی کرنے جا رہے ہیں۔

خاندانی ذرائع کے مطابق عامر خان اور گوری گزشتہ ایک سال سے زائد عرصے سے ایک ساتھ رہ رہے ہیں اور دونوں نے اپنی زندگی کو خوشگوار اور مستحکم انداز میں آگے بڑھایا ہے،جوڑا کافی عرصے سے ایک خاندان کی طرح زندگی گزار رہا ہے اور اب انہوں نے اپنے رشتے کو باضابطہ شکل دینے کا فیصلہ کیا ہے۔

بھارتی میڈیا رپورٹس کے مطابق شادی کی تقریب 5 جولائی کو منعقد ہوگی جس میں صرف قریبی رشتہ داروں اور خاندان کے افراد کو مدعو کیے جانے کا امکان ہے،تقریب عامر خان کی رہائش گاہ پر سادگی کے ساتھ منعقد کی جائے گی۔

واضح رہے کہ عامر خان ہمیشہ اپنی نجی زندگی کو میڈیا کی توجہ سے دور رکھنے کو ترجیح دیتے رہے ہیں، اسی لیے اس موقع پر بھی وہ کسی بڑے یا شاندار عوامی ایونٹ کے بجائے محدود اور خاندانی تقریب کا انتخاب کر رہے ہیں۔

بالی ووڈ اداکار جنید خان نے اپنی تازہ ترین فلم ’ایک دن‘ کی ناکامی پرکہا کہ اس پروجیکٹ میں انہوں نے ایک غلطی کی۔

وکی لالوانی کے یوٹیوب چینل پرجنید خان نے فلم کی ناکامی پر بات کرتے ہوئے کہا کہ ہمیں امید تھی کہ فلم اچھی رہے گی، لیکن ایسا نہیں ہوا یہ کبھی کبھار ہوتا ہے،یہ فلم مجھے بہت پسند تھی اور مجھے واقعی اسے کرنے میں لطف آیا، مجھے لگتا ہے کہ بہت سے لوگوں کو بھی یہ فلم پسند آئی، لیکن شاید زیادہ تر لوگو ں کو یہ متاثر نہیں کرسکی۔

جب جنید سے پوچھا گیا کہ ان کے والد عامر خان اس ناکامی کو کیسے دیکھ رہے ہیں؟ تو انہوں نے بتایا کہ عامر خان اپنی بنائی ہوئی فلموں سے بہت زیادہ جذبا تی لگاؤ رکھتے ہیں اور انہیں ان کے نتائج قبول کرنے میں وقت لگتا ہے ان کے والد اب بھی پرامید ہیں اور اتنے سال اس صنعت میں گزارنے کے باو جود فلم کی ناکامی انہیں آج بھی پریشان کرتی ہے، لیکن وہ خود کو مصروف کر لیتے ہیں اور دوبارہ نئے عزم کے ساتھ کام شروع کر دیتے ہیں۔

جنید خان نے کہا کہ وہ اب اپنے والد کو اپنی فلمیں پروڈیوس نہیں کرنے دیں گے میں نے ’ایک دن‘کے ساتھ یہ غلطی کی دراصل یہ فلم ’مہاراجہ‘ کے ہدایت کار سدھارت پی ملہوترا کے تحت بننے والی تھی، لیکن میں نے والد کی رائے لینے کا فیصلہ کیا، جس سے فلم عامر خان کی پروڈکشن میں چلی گئی، والد نے کہا میں اپنی بیٹے کے لیے فلم بنانا چاہتا ہوں، ہر کوئی اس کے لیے فلم بنا رہا ہے، اب میری باری ہے، یہ ایک جذباتی فیصلہ تھا۔

جنید نے مزید وضاحت کی کہ عامر خان ایک بہترین پروڈیوسر ہیں، لیکن ان کے ساتھ کام کرنے کا مطلب یہ ہے کہ ایک فلم مکمل ہونے میں پانچ سال لگ جائیں گےمیرے والد اپنے کیریئر کے اس مقام پر ہیں جہاں وہ پانچ سال میں ایک فلم کر سکتے ہیں، لیکن میں ابھی کیریئر کی شروعات میں ہوں اور مجھے مسلسل کام کی ضرورت ہے، اس لیے والد کے ساتھ ہر پروجیکٹ نہیں کرنا چاہتا۔‘

واضح رہے کہ جنید خان کا فلمی سفر اب تک کافی اتار چڑھاؤ کا شکار رہا ہے، جہاں ان کی ابتدائی فلموں ’مہاراج‘ اور ’لو پاپا‘ کو ملا جلا ردعمل ملا، وہیں ان کی تیسری فلم ’ایک دن‘ بھی شائقین کی توجہ حاصل کرنے میں ناکام رہی۔ اس فلم کو خود عامر خان نے پروڈیوس کیا تھا، لیکن یہ باکس آفس پر کوئی خاص کمال نہ دکھا سکی،’ایک دن‘ 2016 کے تھائی رومانٹک ڈرامہ ’ون ڈے‘ کی ریمیک ہے اور ایک نوجوان کے اپنے کولیگ کے ساتھ محبت کے جذبات اور ایک دن ساتھ گزارنے کی خواہش پر مبنی ہے، رپورٹس کے مطابق، فلم نے 11 دنوں میں دنیا بھر میں صرف 5.4 کروڑ روپے کا بزنس کیا ہے۔

اداکار عامر خان پر ان کے بھائی فیصل خان نے ایک عورت سے ناجائز تعلقات اور بچہ پیدا کرنے کا الزام عائد کردیا۔

فیصل خان نے ممبئی میں ایک پریس کانفرنس کے دوران عامر خان اور اپنے پورے خاندان پر سنگین الزامات عائد کیے ہیں فیصل خان نے اپنے بیانات میں کہا کہ ان کا خاندان منافق ہے اور عوام کے سامنے جھوٹ بول کر انہیں گمراہ کرتا رہا ہے ان کے بارے میں جھوٹا تاثر پھیلایا گیا کہ وہ ذہنی طور پر بیمار ہیں، یہاں تک کہ ان کا زبردستی نفسیاتی معائنہ بھی کروانے کی کوشش کی گئی انہیں ذہنی بیماری کا بہانہ بنا کر نشہ آور دوائیں دی گئیں اور ایک سال تک گھر میں قید رکھا گیا، 2005 سے 2007 کے دوران مجھے زبردستی دوائیں دی گئیں ، اکتوبر 2007 میں جب ان سے دستخطی اختیارات چھیننے کی کوشش کی گئی تو وہ گھر چھوڑنے پر مجبور ہوئے۔

پریس کانفرنس کے دوران فیصل خان نے دعویٰ کیا کہ عامر خان نے شادی شدہ ہونے کے باوجود ایک غیر ملکی صحافی جیسیکا ہائنس کے ساتھ تعلقات قائم کیے اور ان سے ایک بچہ بھی پیدا ہوا،ان کی بہن نے اس پریس کانفرنس کو روکنے کی کوشش کی لیکن وہ اپنی بات پر ڈٹے رہےفیصل خان نے اس موقع پر اپنے خاندان سے مکمل لاتعلقی کا اعلان کیا اور کہا کہ وہ والدین طاہر حسین اور زینت طاہر حسین،کی جائیداد میں اپنا کوئی حصہ نہیں رکھنا چاہتے، نہ ہی آئندہ عامر خان کے ساتھ رہیں گے یا ان سے کسی قسم کی مالی مدد قبول کریں گے۔

عمران خان نے محمود خان اچکزئی کو قومی اسمبلی میں اپوزیشن لیڈر نامزد کر دیا

بعد ازاں فیصل خان کی والدہ اور بہن نے عدالت میں الزام لگایا کہ وہ شیزو فرینیا کے مریض ہیں اور معاشرے کے لیے خطرہ ہیں۔ تاہم 2008 میں عدالت نے فیصل کے حق میں فیصلہ سنایا اور خاندان کے الزامات مسترد کر دیے،حال ہی میں ان کے خاندان نے میڈیا میں ان کے خلاف بیانات دے کر انہیں بدنام کیا ہے۔ میں اگلے ماہ عدالت میں پٹیشن دائر کرنے کا ارادہ رکھتا ہوں تاکہ مزید قانونی کارروائی کر سکوں۔

یہ پہلا موقع نہیں جب فیصل خان نے اپنے خاندان پر اس نوعیت کے الزامات لگائے ہوں اس سے قبل بھی ایک انٹرویو اور سوشل میڈیا پوسٹ کے ذریعے وہ اسی طرح کے دعوے کر چکے ہیں۔

وفاقی حکومت نے پاکستان ڈیجیٹل اتھارٹی قائم کردی

فیصل خان کے ان بیانات پر عامر خان اور ان کے دیگر اہلِ خانہ نے ایک مشترکہ اعلامیہ جاری کرتے ہوئے الزامات کو بے بنیاد، گمراہ کن اور تکلیف دہ قرار دیا ان کا کہنا تھا کہ فیصل کی فلاح و بہبود کے لیے ہمیشہ ماہرینِ طب کے مشورے سے فیصلے کیے گئے، مگر خاندان نے اس معاملے کو کبھی عوامی بحث کا حصہ نہیں بنایا۔ اعلامیے میں میڈیا سے اپیل کی گئی کہ یہ ایک خاندانی معاملہ ہے، اسے سنسنی خیز اور اشتعال انگیز انداز میں پیش نہ کیا جائے۔

عامر خان کی بیٹی ایرا خان نے اعتراف کیا کہ وہ 27 سال کی عمر میں پیسے نہ کمانے پر خود کو مجرم اور بیکار محسوس کرتی ہیں۔

حال ہی میں بھارتی میڈیا کو دیئے گئے ایک انٹرویو میں عامر خان کی بیٹی ایرا خان نے اعتراف کیا کہ وہ 27 سال کی عمر میں پیسے نہ کمانے پر خود کو مجرم اور بیکار محسوس کرتی ہیں میں 27 سال کی ہوں، میرے ماں باپ نے مجھ پر بہت پیسہ خرچ کیا لیکن میں دنیا میں بیکار انسان ہوں جو کچھ نہیں کر تی۔

دوران گفتگو عامر خان نے بیٹی کی بات پر واضح کیا کہ ایرا یہ کہنا چاہتی ہیں کہ یہ پیسہ نہیں کماتی اور نہ ہی کوئی قابل کام کر رہی ہیں حالا نکہ اس سےپہلےکہ ایرا نے دماغی مسائل کا شکار افراد کی مدد کرنے کیلئے اگاتسو فاؤنڈیشن شروع کی تھی میرے لیے کبھی یہ مسئلہ نہیں رہا کہ ایرا کیوں نہیں کماتی اس کے برعکس میں فخر محسوس کرتا ہوں کہ ایرا نے خود کو دوسروں کی مدد کے لیے وقف کیا، آپ پیسہ کماتے ہیں یا نہیں یہ میرے لیے اہم نہیں، آپ کام اچھا کر رہے ہو میرے نزدیک یہ ضروری ہے ، پیسہ درحقیقت ایک ایسا نوٹ ہے جسے ہر کوئی قبول کرنے کا فیصلہ کرتا ہے، ورنہ یہ صرف کاغذ کا ایک ٹکڑا ہے-

ممبئی: مسٹر پرفیکشنسٹ عامر خان اور گوری اسپریٹ پہلی بار ایک ساتھ منظر عام پر آگئے جس کی ویڈیو وائرل ہوگئی۔

باغی ٹی وی : حال ہی میں عامر خان نے 60 ویں سالگرہ کے موقع پر اپنی نئی گرل فرینڈ گوری اسپریٹ سے تعلقات کا انکشاف کیا تھاا ور تعلقات کی تصدیق کے بعد جوڑے کی پہلی بار میڈیا پر ایک ساتھ ویڈیو سامنے آئی ہے گزشتہ شب ممبئی میں ایک دفتر کے باہر عامر خان کو اپنی گرل فرینڈ گوری اسپریٹ کے ہمراہ دیکھا گیا۔

انسٹاگرام پر وائرل ہونے والی ایک ویڈیو میں عامر خان اور گوری اسپریٹ کو ممبئی میں ایکسپل آفس کے باہر دیکھا گیا ویڈیو میں گوری اسپر یٹ سادہ مگر اسٹائلش لباس میں، سفید ٹاپ اور خاکی پینٹس کے ساتھ سن گلاسز پہنے نظر آئیں، انہوں نے میڈیا سے بچنے کی کوشش کی، تاہم پاپارازی نے انہیں کیمرے میں قید کر لیا۔

59 سالہ خاتون یوٹیوب سے ٹپس سیکھ کر ماؤنٹ ایورسٹ کے بیس کیمپ پر پہنچ گئی

ویڈیو میں عامر خان کو گوری کے دفتر سے باہر نکلنے سے قبل ان کا انتظار کرتے اور پاپارازی کو ہاتھ ہلاتے دیکھا گیا جس کے بعد جیسے ہی گوری دفتر سے باہر نکلیں تو عامر خان ان کے ساتھ گاڑی میں سوار ہوکر چلے گئے۔

ا س سے قبل عامر خان نے گوری اسپریٹ سے تعلقات کے حوالے سے میڈیا سے گفتگو کرتے ہوئے بتایا تھا کہ’میں کسی ایسے شخص کی تلاش میں تھا جو مجھے سکون فراہم کرسکے اور گوری میں مجھے یہ سکون مل گیا، دوسری جانب گوری اسپریٹ نے بھی عامر سے محبت کیوں کی ؟ کے سوال پر بتایا تھا کہ ’میں اپنے لیے کسی ایسے شخص کی تلاش میں تھی جو مہربان، شریف اور خیال رکھنے والا ہو‘۔

کرایے کاتنازعہ،خواتین پر وحشیانہ تشدد،بس ڈرائیور اور کنڈیکٹر گرفتار

واضح رہے کہ عامر خان نے پہلی شادی فلم پروڈیوسر رینا دتہ سے کی تھی جن سے ان کے 2 بچے جنید اور ایرا خان ہیں، ان کی دو سر ی بیوی ہدایت کار کرن راؤ ہیں جن سے عامر نے 2005 میں شادی کی تھی اور دونوں کے درمیان 2021 میں علیحدگی ہوئی، کرن راؤ سے عامر کا بیٹا آزاد ہے،عامر خان اپنی آنے والی فلم ‘ستارے زمین پر’ میں نظر آئیں گے، جو اس سال 25 دسمبر کو کرسمس کے موقع پر ریلیز کی جائے گی۔