Baaghi TV

Tag: عدالت

  • جاپان: وزیراعظم شنزو آبے کے قاتل کو عمر قید کی سزا سنا دی گئی

    جاپان: وزیراعظم شنزو آبے کے قاتل کو عمر قید کی سزا سنا دی گئی

    سابق وزیراعظم شنزو آبے کے قتل کے ملزم کو عمر قید کی سزا سنا دی گئی-

    جاپانی میڈیا (این ایچ کے) کے مطابق نارا ڈسٹرکٹ کورٹ نے 45 سالہ تیتسویا یاماگامی کو سابق وزیراعظم شنزو آبے کے قتل کے جرم میں عمر قید کی سزا سنا دی یاماگامی نے جولائی 2022 میں نارا شہر میں انتخابی مہم کے دوران آبے کو نشانہ بنایا تھا، مجرم نے اعتراف کیا کہ اس نے یہ اقدام اپنی والدہ کی جانب سے یونیفیکیشن چرچ کو بھاری عطیات دینے کے نتیجے میں ہونے والی مالی تباہی کے انتقام میں کیا آبے کے اس گروپ سے قریبی روابط تھے۔

    استغاثہ نے اسے سنگین واقعہ قرار دیتے ہوئے عمر قید کی استدعا کی تھی، جبکہ وکلاء صفائی نے خاندانی حالات کے پیش نظر سزا 20 سال تک محدود کرنے کی درخواست کی تھی،تاہم عدالت نے ملزم کو عمر قید کی سزا سنا دی-

    ناکام خارجہ پالیسی کے باعث عالمی سطح پر بھارت کی ہزیمت کا سلسلہ جاری

    شنزو آبے جاپان کے طویل ترین عرصے تک رہنے والے وزیراعظم تھے ان کی ہلاکت کے بعد حکمراں جماعت ایل ڈی پی کے چرچ کے ساتھ تعلقات سامنے آئے، جس سے پارٹی کی مقبولیت کو شدید دھچکا پہنچا آبے کے ڈونلڈ ٹرمپ کے ساتھ انتہائی قریبی مراسم تھے، جن کا حوالہ موجودہ وزیراعظم ثنائے تاکائیچی اب بھی اپنے سفارتی تعلقات میں دیتی ہیں۔

    پی ایس ایل 11: آکشن سے قبل مقامی کھلاڑیوں کی ممکنہ نئی کیٹیگریز کی فہرست

  • پریکٹس اینڈ پروسیجر رولز 48 گھنٹوں میں اسلام آباد ہائیکورٹ کی ویب سائٹ پر اپ لوڈ کرنے کا حکم

    پریکٹس اینڈ پروسیجر رولز 48 گھنٹوں میں اسلام آباد ہائیکورٹ کی ویب سائٹ پر اپ لوڈ کرنے کا حکم

    جسٹس محسن اختر کیانی نے ہائیکورٹ کے پریکٹس اینڈ پروسیجر رولز سے متعلق حکم جاری کر دیا۔

    جسٹس محسن اختر کیانی نے پریکٹس اینڈ پروسیجر رولز 48 گھنٹوں میں اسلام آباد ہائیکورٹ کی ویب سائٹ پر اپ لوڈ کرنے کا حکم دے دیا کہا کہ اسلام آباد ہائیکورٹ اور ڈسٹرکٹ بارز کو بھی رولز کی کاپیاں فراہم کی جائیں۔

    جسٹس محسن اختر کیانی نے دورانِ سماعت پریکٹس اینڈ پروسیجر رولز سے متعلق وکیل سے استفسار کیا جس پر وکیل نے پریکٹس ایند پروسیجر رولز کی تفصیلات سے متعلق لاعلمی کا اظہار کیا جسٹس محسن اختر کیانی نے کہا کہ ہم نے وہ رولز بنائے جو ہمیں بھی نہیں ملے، میں جج ہوں مجھے نہیں ملے، آپ کو کیسے ملیں گے۔ پریکٹس اینڈ پروسیجر رولز ایک سیکریٹ ڈاکومنٹ ہے۔

    جسٹس محسن اختر کیانی نے وکیل سے مکالمہ کیا کہ آپ رجسٹرار کو لکھ دیں پریکٹس اینڈ پروسیجر رولز فراہم کرنے کے لیے، وکیل درخواستگزار نے کہا کہ وزارت قانون سے معلوم کیا ہے اب میں درخواست بھی لکھوں گا۔

    سیف علی خان نے 16 ہزار کروڑ روپے مالیت کی زمین کا مقدمہ جیت لیا

    جسٹس محسن اختر کیانی نے ریمارکس دیے کہ آپ درخواست لکھیں تین مہینے لگ جائیں گے، یہاں کوئی ڈاکومنٹ ہو تو رجسڑار وہ تین تین ماہ تک فراہم نہیں کرتا، 48 گھنٹوں میں ویب سائٹ پر اپلوڈ کرنے کی ہدایت کردی ہے، اگر حکم پر عمل نہیں ہوا تو آپ کرمنل پروسیجر فائل کردینا میں رجسٹرار کو بلا لوں گا۔

    وکیل نے استدعا کی کہ کیس کی سماعت 29 جنوری کو مقرر کردیں، جسٹس محسن اختر کیانی کے ریمارکس نے ریمارکس دیے کہ 29 کو پتہ نہیں میں یہاں ہوں گا یا نہیں ، عدالت نے کیس کی سماعت ملتوی کردی۔

    وزیراعظم کی فسران کی کارکردگی جانچنے کے لیے موثر نظام کی سفارشات مرتب کرنے کی ہدایت

  • سیف علی خان نے 16 ہزار کروڑ روپے مالیت کی زمین کا مقدمہ جیت لیا

    سیف علی خان نے 16 ہزار کروڑ روپے مالیت کی زمین کا مقدمہ جیت لیا

    بالی ووڈ کے معروف اداکار سیف علی خان اور پٹودی خاندان نے بھوپال میں واقع اپنی آبائی جائیداد سے متعلق طویل عرصے سے جاری قانونی تنازع میں کامیابی حاصل کر لی ہے-

    بھارتی میڈیا کے مطابق بھوپال کی ضلعی عدالت نے نیاپورہ علاقے میں واقع 16.62 ایکڑ زمین پر دائر تمام دعوے مسترد کرتے ہوئے فیصلہ سیف علی خان اور ان کے خاندان کے حق میں سنا دیا، اس زمین کی مجموعی مالیت کا تخمینہ تقریباً 16 ہزار کروڑ بھارتی روپے لگایا جا رہا ہے عدالتی فیصلے کے تحت زمین کی ملکیت کو باضابطہ طور پر پٹودی خاندان کے نام بحال کر دیا گیا ہے اس مقدمے میں سیف علی خان کے ساتھ ان کی والدہ اور سینئر اداکارہ شرمیلا ٹیگور، بہن سوہا علی خان اور دیگر قانونی وارث بھی فریق تھے۔

    یہ معاملہ 1998 سے عدالت میں زیرِ سماعت تھا، جب چند افراد، جن میں عقیل احمد بھی شامل تھے، نے دعویٰ کیا تھا کہ مذکورہ زمین پٹودی خاندان کی ملکیت نہیں بلکہ یہ زمین 1936 میں سابق ریاست بھوپال کے نواب حمید اللہ خان نے ان کے آبا ؤ اجداد کو بطور تحفہ دی تھی تاہم عدالتی کارروائی کے دوران مدعیان اپنے دعوے کے حق میں کوئی قابلِ اعتماد یا مستند دستاویزی ثبوت پیش کرنے میں ناکام رہے۔

    عدالت نے دستیاب ریکارڈ اور شواہد کا تفصیلی جائزہ لینے کے بعد قرار دیا کہ زمین کی منتقلی یا تحفے سے متعلق کوئی مصدقہ شہادت موجود نہیں، جس کے باعث دعویٰ مسترد کر دیا گیا عدالت کے اس فیصلے کے بعد زمین کی ملکیت سے متعلق طویل عرصے سے جاری غیر یقینی صورتحال کا خاتمہ ہو گیا ہےقانونی ماہرین کے مطابق یہ فیصلہ موروثی جائیداد سے متعلق مقدمات میں ایک اہم پیش رفت قرار دیا جا رہا ہے۔

    جبکہ سیف علی خان یا ان کے نمائندوں کی جانب سے تاحال اس فیصلے پر کوئی باضابطہ بیان سامنے نہیں آیا۔

  • عدالت کا علی امین گنڈاپور کیخلاف کل اخبارات میں اشتہارات دینے کا حکم

    عدالت کا علی امین گنڈاپور کیخلاف کل اخبارات میں اشتہارات دینے کا حکم

    سیشن کورٹ اسلام آباد نے سابق وزیراعلیٰ خیبرپختونخوا علی امین گنڈاپور کے وارنٹ گرفتاری جاری کر تے ہوئے کل اخبارات میں اشتہارات دینے کی ہدایات جاری کیں۔

    ڈسٹرکٹ اینڈ سیشن کورٹس اسلام آباد نے سابق وزیراعلیٰ علی امین گنڈا پور کے خلاف شراب و اسلحہ برآمدگی کیس کی سماعت کی جو کہ جوڈیشل مجسٹریٹ مبشر حسن چشتی کے روبرو ہوئی،علی امین گنڈا پور آج عدالت میں پیش نہ ہوئے گنڈا پور کے خلاف اشتہاری ہونے کی کارروائی مکمل نہ ہوسکی عدالت نے پولیس کو کل اخبارات میں اشتہارات دینے کی ہدایت کردی، عدالت نے علی امین گنڈا پور کے وارنٹ گرفتاری بھی جاری کردیئے۔

    علی امین گنڈا پور کی مسلسل غیر حاضری کے باعث عدالت نے وارنٹ گرفتاری کیے، کیس کی آئندہ سماعت 7 جنوری کو ہوگی،واضح رہے کہ شراب اور اسلحہ برآمدگی پر علی امین گنڈا پور کے خلاف تھانہ بارہ کہو میں مقدمہ درج ہے۔

    سونے کی قیمت میں اضافہ

    بنگلہ دیش کا ٹی 20 ورلڈ کپ کے میچز انڈیا میں کھیلنے سے انکار

    وزیراعظم کا خالدہ ضیا کی تعزیت کے لیے بنگلہ دیش کے ہائی کمیشن کا دورہ

  • فرانس :30 بچوں کو زہر دینے والے ڈاکٹر کو عمر قید اور جرمانہ

    فرانس :30 بچوں کو زہر دینے والے ڈاکٹر کو عمر قید اور جرمانہ

    فرانسیسی عدالت نے ایک ڈاکٹر کو 30 بچوں اور بالغ مریضوں کو جان بوجھ کر زہر دینے کا الزام ثابت ہونے پر عمر قید کی سزا سنادی۔

    عالمی میڈیا کے مطابق عدالت نے اپنے فیصلے میں کہا کہ ملزم نے یہ انتہائی ظالمانہ اقدامات محض اپنے ساتھی طبی عملے کو بدنام کرنے اور ان پر شبہات ڈالنے کے لیے کیے،استغاثہ نے بتایا کہ ڈاکٹر پیچیئر ایک نفسیاتی طور پر پیچیدہ شخصیت کا حامل تھا اور وہ خود کو بہترین ڈاکٹر ثابت کرنے کے جنون میں مبتلا تھا۔

    فیصلے کے تحت فریڈرک پیچیئر کو پیرول کے بغیر عمر قید کی سزا سنائی گئی، جبکہ متاثرہ خاندانوں کو ہرجانہ ادا کرنے کا بھی حکم دیا گیاسزا پانے والا اینستھیزیا کا ماہر ڈاکٹر 53 سالہ فریڈرک پیچیئر تھا جو 2008 سے 2017 کے درمیان فرانسیسی شہر بیسانکن کے 2 نجی کلینکس میں خدمات انجام دے رہا تھا۔

    عدالتی کارروائی کے دوران یہ بات سامنے آئی کہ فریڈرک پیچیئر نے آپریشن سے قبل یا دوران مریضوں کو ایسی دوائیں دیں جن سے ان کے جسم میں پوٹاشیم کی خطرناک مقدار بڑھ گئی،اس کے نتیجے میں متعدد مریضوں کو اچانک دل کے دورے پڑے، جو بظاہر پُراسرار اور ناقابلِ فہم معلوم ہوتے تھے۔

    تحقیقات میں ثابت ہوگیا کہ متاثرہ مریضوں میں بچے بھی شامل تھے جنھیں معمول کے آپریشن کے بعد صحت یاب ہو جانا چاہیے تھا مگر وہ غیر متوقع طور پر شدید طبی پیچیدگیوں کا شکار ہو گئے،عدالت نے قرار دیا کہ ملزم نے اپنے پیشے، اعتماد اور انسانی جانوں کا بدترین استحصال کیا، اس لیے کسی نرمی کی گنجائش نہیں۔

    عدالت کو بتایا گیا جن 30 مریضوں کو زہر دیا گیا ان مریضوں میں سے 12 افراد جانبر نہ ہو سکے اور دورانِ علاج زندگی کی بازی ہار گئے، عدالت کے باہر موجود متاثرہ خاندانوں نے فیصلے کو انصاف کی فتح قرار دیا، تاہم ان کا کہنا تھا کہ یہ سزا ان کے پیاروں کی کمی کو کبھی پورا نہیں کر سکتی۔

  • شراب برآمدگی کیس: علی امین گنڈاپور کے وارنٹ گرفتاری جاری

    شراب برآمدگی کیس: علی امین گنڈاپور کے وارنٹ گرفتاری جاری

    ڈسٹرکٹ اینڈ سیشن کورٹس اسلام آباد نے وزیراعلیٰ خیبر پختونخوا علی امین گنڈاپور کے وارنٹ گرفتاری جاری کر دیے۔

    سینیئر سول جج مبشر حسن چشتی نے وزیر اعلیٰ کے پی کیخلاف شراب و اسلحہ برآمدگی کیس کی سماعت کی،علی امین گنڈا پور عدالت میں پیش نہ ہوئے جس پر عدالت نے وزیراعلیٰ خیبر پختونخوا کے وارنٹ گرفتاری جاری کر دیےکیس کی سماعت 27 ستمبر تک ملتوی کر دی گئی،وزیر اعلیٰ کے پی علی امین گنڈا پور کے خلاف تھانہ بارہ کہو میں مقدمہ درج ہے۔

    دوسری،جانب،وزیراعلیٰ خیبرپختونخوا علی امین گنڈا پور نےکہا ہے کہ صوبے کو امن و امان کے مسائل کا سامنا ہے، جب تک افغانستان میں حالات ٹھیک نہیں ہوں گے، خطے میں پائیدار امن کا قیام ممکن نہیں۔

    رقوم کی ٹرانزیکشن پر ودہولڈنگ ٹیکس غیر شرعی قرار

    وزیر اعلی خیبر پختونخوا علی امین گنڈا پور سے پاکستان میں تعینات برٹش ہائی کمشنر جین میریٹ سے ملاقات کی، جس میں باہمی دلچسپی کے امور اور خطے میں امن و امان کی صورتحال پر تبادلہ خیال کیا گیا،اس موقع پر علی امین گنڈا پور نےکہا کہ خطے میں قیامِ امن کے مستقل حل کے لیے مذاکرات اور جرگوں کا راستہ اپنانے کی ضرورت ہے۔

    انہوں نےکہا کہ خیبر پختونخوا نےکئی عشروں تک افعان بہن بھائیوں کی مہمان نوازی کی، ہم افغان مہاجرین کی باعزت انداز میں واپسی چاہتے ہیں، صوبائی حکومت وطن واپس جانے والے افعان مہاجرین کو ہر ممکن سہولیات فراہم کر رہی ہے،صوبائی حکومت برطانوی حکومت کے ذیلی اداروں خصوصا سیڈ اور ایس این جی پروگرام کی معاونت کو قدر کی نگاہ سے دیکھتی ہے، ان پروگرامز نے صوبائی محکموں کی استعداد کو بڑھانے میں اہم کردار ادا کیا۔

    جلدہی،ملک کے 7 بڑے شہروں میں 5G کی سہولت فراہم کی جائے گی،شزا فاطمہ

    صوبائی حکومت دونوں پروگرامز کے تسلسل کو جاری رکھنے کی خواہاں ہے، ہمیں کلائمیٹ چینج کے چیلنجز درپیش ہیں، ان اثرات سے نمٹنے کے لیے خطیر سرمایہ کاری کر رہے ہیں، حالیہ سیلابوں سے تباہ شدہ انفراسٹرکچرز کی بحالی کا عمل بھی جاری ہے،صوبائی حکومت معاشی ترقی، خصوصا ضم شدہ اضلاع میں روزگار کے مواقع کی فراہمی پر خصوصی توجہ دے رہی ہے۔

    ترقیاتی وسائل کے بہتر استعمال کے لیے منصوبوں کی مؤثر پلاننگ اور شفافیت کے لیے سرکاری امور کی ڈیجیٹائزیشن پر کام کر رہی ہے، صوبائی حکومت کو ان شعبوں میں بین الاقوامی شراکت دار اداروں کے تعاون کی ضرورت ہے۔

    سونے کی قیمت بلند ترین سطح پر برقرار

    صوبے میں برطانوی حکومت کے تعاون سے جاری عوامی فلاح و بہبود کے منصوبوں پر گفتگو کرتے ہوئے وزیر اعلیٰ خیبرپختونخوا نے کہا کہ سماجی شعبوں میں صوبائی حکومت اور برطانوی اداروں کی شراکت داری اور تعاون کو مزید وسعت دینے کی ضرورت ہے۔

    دوران ملاقات برطانوی ہائی کمشنر جین میریٹ نے سیڈ اور ایس این جی پروگرامز کے بعد صوبے میں ایک نیا پروگرام شروع کرنے کا بھی عندیہ دیا۔

  • متنازع ٹوئٹ کیس: ایمان مزاری اور ان کے شوہرکے وارنٹ گرفتاری منسوخ

    متنازع ٹوئٹ کیس: ایمان مزاری اور ان کے شوہرکے وارنٹ گرفتاری منسوخ

    اسلام آباد کی عدالت نے متنازع ٹوئٹ کیس میں ایڈووکیٹ ایمان مزاری اور ان کے شوہر ہادی علی چٹھہ کے عدالت میں پیش ہونے پر وارنٹ گرفتاری منسوخ کرتے ہوئے سماعت ملتوی کر دی۔

    ایڈیشنل ڈسٹرکٹ اینڈ سیشن جج اسلام آباد محمد افضل مجوکہ نے ہادی علی چٹھہ اور ایمان مزاری کے خلاف متنازعہ ٹوئٹ کیس کی سماعت کی،ملزمان کی جانب سے عدالت میں پیش ہونے پر عدالت نے ایمان مزاری اور ہادی علی چٹھہ کے وارنٹ گرفتاری منسوخ کر دیے،عدالت نے کیس کی مزید سماعت 29 ستمبر تک ملتوی کر دی۔

    واضح،رہے کہ ہادی علی چٹھہ اور ایمان مزاری کیخلاف نیشنل سائبر کرائم انویسٹی گیشن ایجنسی (این سی سی آئی اے) نے مقدمہ درج کر رکھا ہےاین سی سی آئی اے کی جانب سے درج مقدمے کے مطابق ایمان مزاری اور ان کے شوہر پر الزام ہے کہ وہ سوشل میڈیا پوسٹس کے ذریعے لسانی بنیادوں پر تقسیم کو ہوا دینے کی کوشش کر رہے تھے۔

    وزیراعظم شہباز شریف سے ورلڈ بینک کے صدرآئی ایم ایف سربراہ سے علیحدہ علیحدہ ملاقاتیں

    الزام لگایا گیا کہ انہوں نے خیبر پختونخوا اور بلوچستان میں لاپتا افراد کے معاملات کی ذمہ داری سیکیورٹی فورسز پر ڈالی،یہ مقدمہ الیکٹرانک جرائم کی روک تھام کے ایکٹ (پیکا) کی دفعات 9، 10، 11 اور 26 کے تحت درج کیا گیا تھا، بعد ازاں 22 ستمبر کو اسلام آباد کی عدالت نے دونوں ملزمان کے وارنٹ گرفتاری جاری کر دیے تھے، جو آج عدالت میں پیشی کے بعد منسوخ کر دیے گئے ہیں۔

    سیلاب متاثرہ شحض کی قیمتی بھینس چوری،برآمد کرنے کی استدعا

  • ایمان مزاری اور ان کے شوہر کو راہداری ضمانت مل گئی

    ایمان مزاری اور ان کے شوہر کو راہداری ضمانت مل گئی

    پشاور ہائیکورٹ نے ایمان مزاری ایڈووکیٹ اور ان کے شوہر ہادی علی چھٹہ ایڈووکیٹ کو 9 اکتوبر تک راہداری ضمانت دے دی۔

    ایمان مزاری ایڈووکیٹ اور ہادی علی چھٹہ ایڈووکیٹ کی راہداری ضمانت کی درخواست پر سماعت ہوئی، سماعت چیف جسٹس ایس ایم عتیق شاہ نے کی،ایمان مزاری کے وکلا عطاء اللہ کنڈی، جہانزیب محسود، طارق افغان، اور ایڈیشنل اٹارنی جنرل ثناء اللہ عدالت میں پیش ہوئے، عدالت نے ایمان مزاری اور ہادی علی چھٹہ کو 9 اکتوبر تک راہداری ضمانت دے دی۔

    عدالت نے ایمان مزاری اور ہادی علی چھٹہ کو 9 اکتوبر تک متعلقہ عدالت میں پیش ہونے کی ہدایات کی،وکیل درخواست گزار عطاء اللہ کنڈی ایڈووکیٹ نے مؤقف اپنایا کہ درخواست گزار اسلام آباد میں وکیل ہے، سماجی کارکن ہے، درخواست گزارہ کے خلاف اسلام آباد میں مقدمہ درج کیا گیا ہے۔

    پی ڈی ایم اے پنجاب کی سیلاب سے نقصانات کی تازہ ترین رپورٹ جاری

    چیف جسٹس ایس ایم عتیق شاہ نے استفسار کیا کہ یہ دونوں وکیل ہیں؟، وکیل درخواست گزار نے جواب دیا کہ جی دونوں درخواست گزار وکیل ہیں اور عدالت میں پیش ہونا چاہتے ہیں،چیف جسٹس نے پوچھا کہ آپ پہلی بار پشاور آئی ہیں؟ ایمان مزاری نے جواب دیا کہ جی میں پہلی بار پشاور ہائیکورٹ میں آئی ہوں۔

    بھارت کے ایک گاؤں میں 78 سال بعدپہلی بار بجلی کی فراہمی

    چیف جسٹس ایس ایم عتیق شاہ نے کہا کہ چلو آپ ایف آئی آر کے بہانے پشاور تو آئیں، آپ لوگ تو ویسے بھی خیبرپختونخوا نہیں آتے،وکیل ایمان مزاری عطاء اللہ کنڈی ایڈووکیٹ نے کہا کہ ایمان مزاری خیبرپختونخوا اور بلوچستان کے مظلوم لوگوں کی آواز ہے۔

    عدالت نے ایمان مزاری اور ہادی علی چھٹہ کو 9 اکتوبر تک راہداری ضمانت دے دی۔

  • عدالتوں سے غیر حاضر ی:پی ٹی آئی رہنماؤں اور کارکنوں کی گرفتار ی کا حکم

    عدالتوں سے غیر حاضر ی:پی ٹی آئی رہنماؤں اور کارکنوں کی گرفتار ی کا حکم

    عدالت نے پیشی پر غیر حاضر رہنے والے پی ٹی آئی رہنماؤں اور کارکنوں کو گرفتار کرکے پیش کرنے کا حکم جاری کردیا۔

    انسداد دہشت گردی عدالت اسلام آباد کے جج طاہر عباس سپرا کے روبرو پی ٹی آئی رہنماؤں اور کارکنوں کیخلاف مختلف مواقع پر احتجاج کے مقدمات کی سماعت ہوئی،دورانِ سماعت پی ٹی آئی رہنما راجہ بشارت، واثق قیوم و دیگر عدالت میں پیش ہوئے بعد ازاں عدالت نے ملزمان کی حاضری کے بعد سماعت ملتوی کردی اور آج کی سماعت سے غیر حاضر ملزمان کو دوبارہ طلبی کے نوٹسز جاری کردیے،اورمسلسل غیر حاضر رہنے والے ملزمان کے وارنٹ گرفتاری جاری کردیے۔

    واضح رہے کہ عدالت نے تھانہ کوہسار، رمنا ،نون، ترنول کے مقدمات کی سماعت 29 ستمبر تک ملتوی کی ہے اس کے علاوہ تھانہ رمنا کے مقدمہ نمبر 154 اور 155 کی سماعت 3 اکتوبر تک ملتوی کی گئی ہے جب کہ تھانہ کراچی کمپنی کے مقدمہ نمبر 1195 کی سماعت 23 اکتوبر تک ملتوی ہوئی ہے،پی ٹی آئی کارکنان کیخلاف 26نومبر احتجاج، 4 اکتوبر احتجاج ،فیض آباد احتجاج پر دہشت گردی کی دفعات کے تحت مقدمات درج ہیں۔

    سپر ٹائیفون راگاسا : چین کے 10 شہروں میں اسکول، کاروبار بند

    علی امین گنڈاپور کے خلاف وفاق کے کتنے مقدمات ہیں؟ تفصیلات عدالت میں پیش

    حکومتِ سندھ کا خواتین کے لیے پنک الیکٹرک اسکوٹیز فراہم کرنے کا فیصلہ

  • کراچی:ملزم شبیر تنولی کا 5 بچوں کو زیادتی کا نشانہ بنانے کا اعتراف

    کراچی:ملزم شبیر تنولی کا 5 بچوں کو زیادتی کا نشانہ بنانے کا اعتراف

    بچوں سے زیادتی میں ملوث ملزم شبیر تنولی نے 5 بچوں کو زیادتی کا نشانہ بنانے کا اعتراف کر لیاکہاکہ، ایک ایک بچی کو کئی کئی مرتبہ زیادتی کا نشانہ بنایا-

    ملزم نے کوڈیشل مجسٹریٹ کراچی کی عدالت میں اعترافی بیان دیتے ہوئے بتایا کہ وہ بچوں کو پیسوں کا لالچ دے کر اپنے کمرے اور ویران جھاڑیوں میں لے جاتا تھا جہاں ان سے غیر اخلاقی حرکات کرتا تھا،بیان ریکارڈ کرانے سے قبل عدالت نے ملزم کو 2 گھنٹے کا وقت دیا تاکہ وہ اپنے فیصلے پر غور کر سکے۔

    عدالت نے ملزم سے سوال کیاکہ،پولیس کی جانب سے تمہیں تشدد کا نشانہ تو نہیں بنایا گیا؟ مارا تو نہیں گیا؟ جس پر ملزم نے کہا کہ نہیں مجھے تشدد کا نشانہ نہیں بنایا گیا،عدالت نے ملزم کو واضح کیا کہ آپ بیان دیں یا نہ دیں، آپ کو جیل کسٹڈی میں رکھا جائے گا، آپ کا بیان آپ کے خلاف جا سکتا ہے، کیا آپ کسی دباؤ میں بیان نہیں دے رہے؟ملزم نے کہا کہ میں کسی کے دباؤ میں بیان نہیں دے رہا۔

    تحصیل آفس میں مبینہ بدعنوانیاں ،سائل پریشان،نوٹس کی اپیل

    عدالت کے سوال پر کہ آیا اس کے ساتھ کوئی شریک جرم ہے، ملزم نے انکار کرتے ہوئے کہاکہ،نہیں، میرے ساتھ کوئی شریک جرم نہیں ہے،میں 8 دن قبل گرفتار ہوا، میرے ساتھ کوئی اور موجود نہیں تھا میں 2011 میں کراچی آیا تھا، میں نے 2022 میں ایک بچے سے دوستی کی، اسے اپنے کمرے میں لے جا کر کئی بار غلط کام کیا کئی بار ویران جھاڑیوں میں بھی لے گیا ہوں، بچیوں کو بھی پیسوں کا لالچ دے کر اپنے کمرے میں لے جاتا تھا وہاں ان سے غلط کام کرتا تھا اور اس کی ویڈیوز بھی بناتا تھا میں اپنے کیے پر شرمندہ ہوں۔

    عدالت نے 6 مقدمات میں ملزم کا الگ الگ اقبالی بیان ریکارڈ کیا بیان ریکارڈ کرنے کے بعد ملزم کو پڑھ کر سنایا گیا، جس پر ملزم نے اپنا جرم قبول کیا، عدالت نے ملزم کا دفعہ 164 کے تحت بیان ریکارڈ پر رکھ لیا۔

    چین اور امریکا کے دفاعی مذاکرات کا آغاز، فوجی روابط بہتر بنانے پر زور

    11 ستمبر کو کراچی کے علاقے قیوم آباد میں 100 سے زائد کمسن بچوں اور بچیوں کو زیادتی کا نشانہ بنانے کے بعد ان کی ویڈیوز بنانے والے ملزم کو گرفتار کیا گیا تھا، جس نے دوران تفتیش اعتراف کیا تھا کہ بچوں کو پیسے دیکر اپنے کمرے میں لاتا تھا اور انہیں ریپ کرتے ہوئے ویڈیوز بھی بناتا تھا،پولیس کے مطابق، ایبٹ آباد کے رہائشی گرفتار ملزم شبیر نے زیادتی کا نشانہ بننے والے 5 سے 12 سال کے بچوں اور بچیوں کے ناموں کی فہرست بنا رکھی تھی تفتیش کے مطابق ملزم 2011 میں کراچی آیا اور قیوم آباد میں پرچون کی دکان کھولی جہاں وہ اسٹیشنری کا سامان رکھتا تھا چھوٹی بچیاں دکان پر آتیں جنہیں وہ رقم کے لالچ میں گھر لے جاتا۔

    2016 میں ملزم قیوم آباد منتقل ہو گیا اور شربت کا ٹھیلا لگا لیا، جہاں وہ 5 سے 12 سال کے بچوں کو انعام کے لالچ میں بدفعلی کا نشانہ بناتا رہا، ملزم نے ایک ڈائری میں بچوں کی تفصیلات لکھ رکھی تھیں، ملزم کے موبائل اور یوایس بی ڈرائیوز سے 200 سے زیادہ ویڈیوز برآمد ہوئیں، ایک بچی کے ملزم کی یوایس بی موبائل شاپ پر لے جانے کے بعد ملزم کا بھانڈا پھوٹ گیا۔

    ایچ-1 بی ویزا فیس میں ڈاکٹرز کو استثنیٰ دینے پر غور

    ڈی آئی جی ساؤتھ کا کہنا تھا کہ ڈیفنس پولیس نے قیوم آباد کے سی-ایریا میں 28 سالہ پھل فروش شبیر احمد کو نابالغ لڑکیوں کے ساتھ مبینہ جنسی زیادتی کے الزام میں لوگوں کی مدد سے پکڑا تھا،پولیس کے مطابق ملزم نے گزشتہ 10 سالوں کے دوران نابالغ لڑکیوں اور لڑکوں کے ساتھ جنسی زیادتی کرنے اور اپنے موبائل فون سے ان کی ویڈیوز بنانے کا اعتراف کیا تھا۔