Tag: عدالت

اسلام آباد ہائیکورٹ نے لاپتہ شہری کے والد کو 30 لاکھ روپے معاوضہ دینے کا حکم دے دیا

خیبرپختونخوا کے لاپتہ شہری ہارون محمدکی بازیابی کی درخواست اسلام آباد ہائیکورٹ میں ہوئی، اسلام آباد ہائیکورٹ کے جسٹس میاں گل حسن اورنگزیب نے کیس کی سماعت کی،وکلا کے دلائل سننے کے بعد عدالت نے درخواست پر حکم جاری کیا اور کہا کہ وفاقی حکومت لاپتہ شہری کے والد کو آئندہ سماعت سے قبل 30 لاکھ روپے معاوضہ ادا کرے، عدالت نے آئی جی کے پی کو درخواست گزارکو سکیورٹی فراہم کرنے اور سکیورٹی اہلکاروں کے خلاف مقدمہ درج کرنے کی ہدایت بھی کی،عدالت نے کیس کی مزید سماعت دو ہفتوں کے لیے ملتوی کردی۔

لاپتہ افراد کی بازیابی کیس:وفاقی حکومت اور دیگر اداروں سے رپورٹ طلب

رپورٹ آ گئی، لاپتہ افراد کہاں ہیں، کہانی کھل گئی

لڑکی سمیت 9 لاپتہ افراد کی بازیابی کا کیس، پیشرفت نہ ہونے پرعدالت برہم

آٹھ برس سے لاپتہ شہری بازیاب کیوں نہ ہوا،عدالت برہم،رپورٹ طلب

ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

سپریم کورٹ میں تین ججز کی خالی نشستوں پر تقرری کے حوالہ سے چیف جسٹس قاضی فائز عیسیٰ کی زیر صدارت جوڈیشل کمیشن کا اجلاس ہوا

اجلاس میں چیف جسٹس لاہور ہائیکورٹ ملک شہزاد احمد ، چیف جسٹس سندھ ہائیکورٹ عقیل عباسی کو سپریم کورٹ تعینات کرنے کی سفارش کی گئی، لاہور ہائیکورٹ کے جج جسٹس شاہد بلال کو بھی سپریم کورٹ لانے کی سفارش کی گئی ، جوڈیشل کمیشن نے حتمی منظوری کیلئے معاملہ پارلیمانی کمیٹی کو بھجوا دیا .

چیف جسٹس لاہور ہائیکورٹ کی سپریم کورٹ تقرری کا فیصلہ پانچ ممبران کی اکثریت سے ہوا.جسٹس ملک شہزاد احمد کی سپریم کورٹ تقرری کی جوڈیشل کمیشن کے چار ممبران نے مخالفت کی،ذرائع کے مطابق جسٹس منصور علی شاہ نے چیف جسٹس لاہور ہائیکورٹ کی سپریم کورٹ تقرری کی مخالفت کی،جسٹس منیب اختر جسٹس یحیی آفریدی،جسٹس منظور ملک نے بھی مخالفت کی، چیف جسٹس قاضی فائز عیسی اور جسٹس امین الدین نے چیف جسٹس لاہور ہائیکورٹ کی تقرری کی حمایت کی.اٹارنی جنرل، وزیر قانون اور نمائندہ پاکستان بار اختر حسین نے بھی چیف جسٹس لاہور ہائیکورٹ کے نام کی حمایت کی، چیف جسٹس سندھ ہائیکورٹ عقیل عباسی اور جسٹس شاہد بلال کے ناموں کی سفارش متفقہ طور پر کی گئی

تحریک انصاف کے وکیل نعیم حیدر پنجوتھہ کی عمران خان سے جیل میں ملاقات کی درخواست پر سماعت ہوئی

اسلام آباد ہائیکورٹ کی جسٹس ثمن رفعت امتیاز نے درخواست پر سماعت کی۔ دوران سماعت ایڈیشنل ایڈووکیٹ جنرل پنجاب نے مکمل رپورٹ جمع کروانے کے لیے وقت مانگ لیا،جسٹس ثمن رفعت امتیاز نے ریمارکس دیتے ہوئے کہا کہ سپریٹنڈنٹ اڈیالہ کہتے ہیں جیل کے باہر کا اختیار ان کا نہیں تو پھر یہ بھی تو بتائیں کس کا اختیار ہے؟ اگلی سماعت پر بتائیں یہ کس کا دائرہ اختیار ہے عدالت نے جیل میں ملاقات کے لیے مختص کمرہ کی تصاویر مانگ لیں

وکیل شعیب شاہین نے کہا کہ حکومت پنجاب کی جانب سے جواب آیا ہے لیکن ملاقات نہ کروانے کی کوئی وجوہات نہیں بتائیں،عدالت نے ریمارکس دیتے ہوئے کہا کہ ” اس رپورٹ میں حکومت پنجاب کہہ رہی ہے جیل کے باہر کی ذمہ داریاں ضلعی پولیس کی ہیں اسکا کیا مطلب ہے کیا حکومت پنجاب کا اس میں کوئی اختیار نہیں؟اسٹیٹ کونسل نے کہا کہ یہ ڈپٹی سیکریٹری جیل خانہ جات کا جواب ہے۔شعیب شاہین نے کہا کہ یہ جواب حکومت پنجاب کا ہے اس میں ان کے دستخط ہیں۔جسٹس ثمن رفعت امتیاز نے ریمارکس دیتے ہوئے کہا کہ ہم نے تو یہ ڈائریکشن نہیں دی تھیں سکیورٹی پلان کی رپورٹ آئی ہے وہ ملی آپ کو؟شعیب شاہین نے کہا کہ اس رپورٹ میں تو کوئی تھریٹ نہیں ہے۔ایڈیشنل ایڈووکیٹ جنرل پنجاب نے کہا کہ عمران خان کی مرضی کے ساتھ ایس او پیز تیار کی گئیں جن پر عمل ہو رہا ہے۔جسٹس ثمن رفعت امتیاز نے ریمارکس دیتے ہوئے کہا کہ سپریٹنڈنٹ اڈیالہ سے اجازت نہ مانگنے اور ایس او پیز فالو نہ کرنے کی بنیاد پر درخواست اس عدالت نے مسترد کی ہے،شعیب شاہین نے کہا کہ یہ کوئی ڈاکومنٹ بھی اندر نہیں کے جانے دیتے۔

قیدی سے ملاقات کے وقت شیشے کی دیوار کیوں ہوتی ہے؟ عدالت کا استفسار
عدالت نے ریمارکس دیتے ہوئے کہا کہ بینک میں بھی سیکیورٹی کے ایشوز ہوتے ہیں وہاں چیکنگ آسانی سے ہو جاتی ہے،بینک میں سیکیورٹی بھی ہوتی ہے اور وہاں سہولیات بھی ہوتی ہیں، مجھے یہ بتائیں باقی جو قیدی ہیں انکے وکلاء کے ساتھ کیا کیا جاتا ہے؟کیا انکے ساتھ بھی ایسا ہی ہوتا ہے؟شعیب شاہین نے کہا کہ وکلاء جب جیل میں اپنے کلائنٹ سے ملنے جاتے ہیں ہے تو انکے پاس مختلف دستاویزات ہوتی ہیں،عدالت نے ریمارکس دیتے ہوئے کہا کہ : آپ نے اس قیدی کے معاملے میں درمیان میں شیشہ کی دیوار لگائی ہوئی اس سے تو بات جیت کیسے ہوتی ہے؟کیا دیگر قیدیوں کے ساتھ بھی ایسا ہوتا ہے”؟ایڈیشنل ایڈوکیٹ جنرل نے کہا کہ ہر قیدی سے جب ملاقات ہوتی ہے درمیان میں شیشہ کی دیوار موجود ہوتی ہے،شیشہ لگانے کا مقصد منشیات وغیرہ یا دیگر مشکوک چیز جیل میں نہ پہنچائی جا سکے،سرکاری وکیل نے کہا کہ دیگر جو قیدی ہیں انکو وکلاء کی اجازت نہیں ہے۔

شعیب شاہین نے کہا کہ عمران خان نے سپریم کورٹ میں بتایا کہ انکو وکلاء سے ملنے نہیں دیا جا رہا،پھر سپریم کورٹ نے ملاقات کی اجازت دی،اسٹیٹ کونسل نے کہا کہ اڈیالہ میں سنگین جرائم میں ملوث مجرمان قید ہیں، عدالت نے استفسار کیا کہ اس کا کیا مطلب ہے اب کوئی قیدی اپنے وکلاء سے بھی نہیں مل سکتا؟ ہم جیل میں وکلاء کی ملاقات نہیں کروا سکتے یہ کوئی بات ہے کرنے والی؟عدالت نے رپورٹ اور پولیس دائرہ اختیار سے متعلق دلائل طلب کرتے ہوئےسماعت عید کےاگلے ہفتے تک ملتوی کر دی۔

اڈیالہ جیل ،عمران خان کے سیل کی خصوصی تصاویر،باغی ٹی وی پر

اڈیالہ جیل میں ٹانگ پر ٹانگ رکھ کر دیسی مرغ کھانے سے انقلاب نہیں آتے،عظمیٰ بخاری

اڈیالہ جیل،بشریٰ بی بی نے عمران خان کی دوڑیں لگوا دیں،عمران کی بہنوں سے نہ ملیں

بشریٰ بی بی کامیڈیکل چیک اپ کروایا جائے، تحریک انصاف کا مطالبہ

بشریٰ بی بی کو زہر دے کر عمران خان کو جھکانے کی کوشش کی جارہی ہے،زرتاج گل

کھانے میں زہر،کوئی ثبوت ہے؟ صحافی کے سوال پر بشریٰ بی بی "لال” ہو گئیں

توشہ خانہ کیس میں عمران خان اور بشریٰ بی بی کی سزا معطل 

زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

کشمیری شاعر احمد فرہاد کی بازیابی اور اغواء کے ذمہ داران کا تعین کرنے کی درخواست پر سماعت ہوئی

اسلام آباد ہائیکورٹ کے جسٹس محسن اختر کیانی نے عروج زینب کی درخواست پر سماعت کی .درخواست گزار کی جانب سے ایمان مزاری ایڈووکیٹ اور سینئر صحافی حامد میر بطور عدالتی معاون عدالت میں پیش ہوئے،ایڈیشنل اٹارنی جنرل منور اقبال دوگل اور اسسٹنٹ اٹارنی جنرل بیرسٹر عثمان گھمن بھی عدالت میں موجود تھے،ایمان مزاری نے کہا کہ انسداد دہشت گردی کی عدالت نے درخواست ضمانت مسترد کر دی ہے،ابھی ضمانت کی درخواست کو ہائیر فورم پر چیلنج کر رہے ہیں، جسٹس محسن اختر کیانی نے استفسار کیا کہ کیا اس پر کوئی اور بھی پرچہ ہے؟ایمان مزاری نے کہا کہ پہلے ایک مقدمے کا بتایا گیا اور بعد میں ایک اور پرچہ درج ہونے کا بتایا گیا،جسٹس محسن اختر کیانی نے ریمارکس دیتے ہوئے کہا کہ مجھے لگ رہا ہے کہ اس کی مشکلات میں اضافہ ہو رہا ہے،ابھی یہ تو یقین ہے کہ وہ اب جوڈیشل کسٹڈی میں ہے، پولیس اگر ٹرائل میں کسی کو پکڑے اور دو دن تک پیش نہ کرے تو ٹرائل ہی ختم کر دیتے ہیں،

تمام مسنگ پرسنز کے کیسز کے لیے لارجر بنچ کی تشکیل کے لیے چیف جسٹس کو لکھ رہا ہوں.جسٹس محسن اختر کیانی
جسٹس محسن اختر کیانی نے استفسار کیا کہ احمد فرہاد گرفتاری سے قبل کہاں تھا؟ سوال جبری گمشدگی کا ہے، ایڈیشنل اٹارنی جنرل نے کہا کہ اگر مغوی ریکور ہو جائے تو حبسِ بے جا کی درخواست خارج ہو جاتی ہے،یہ کہتے ہیں کہ اغواء کاروں کا تعین کرنے کی ہدایات بھی جاری کی جائیں،یہ بات تفتیش میں سامنے آئے گی، مغوی جوڈیشل کسٹڈی میں ہے اور احمد فرہاد کا 161 کا بیان لکھا گیا ہے،جسٹس محسن اخترکیانی نے کہا کہ تفتیشی افسر نے کشمیر میں جا کر احمد فرہاد کا بیان ریکارڈ کیا ہے؟ ذرا وہ دکھائیں،لکھا ہے کہ میں ذہنی و جسمانی طور پر بیان دینے کے قابل نہیں، یہ بھی لکھا ہے کہ وہ خود عدالت میں پیش ہو کر یا وکیل کے ذریعے بیان دے گا،احمد فرہاد کی واپسی پر تھانہ لوئی بھیر کا تفتیشی جوڈیشل مجسٹریٹ کے سامنے 164 کا بیان کرائے،تمام مسنگ پرسنز کے کیسز کے لیے لارجر بنچ کی تشکیل کے لیے چیف جسٹس کو لکھ رہا ہوں،کریمنل ایڈمنسٹریشن کمیٹی میں ڈی جی آئی ایس آئی اور دیگر بھی پیش ہوں، اسلام آباد میں قانون کی عملداری کیسے ہونی ہے؟ اس پر فیصلے کے لیے معاملہ کمیٹی کو بھجوا رہا ہوں، ان کو مت آسمان پر بٹھائیں، پھر ان کو یہ بات بری لگے گی، قانون کو احترام دیں، ججز سمیت کوئی قانون سے بالاتر نہیں، ادارے اپنی حدود میں کام کریں، انا کے مسئلے میں ایک آدمی دو مقدموں میں چلا گیا، عدالت کی کارروائی کے نتیجے میں وہ دو مقدمات میں چلا گیا جس کی فیملی متاثر ہو رہی ہے،یہ ظلم کا ایک سلسلہ اور روز کا کام ہے، اسلام آباد کی حدود کو عدالتیں دیکھیں گی،قومی سلامتی کے معاملات پر عدالت ان کیمرا پروسیڈنگ اور اس کی رپورٹنگ پر پابندی لگائے گی،لارجر بینچ اس لیے بھجوا رہا ہوں کہ ایک جج کا موقف کچھ اور ہو تو دوسرے ججز بھی دیکھیں، ہو سکتا ہے کہ باقی ممبران اس سے متفق نہ ہوں کہ انٹیلی جنس ایجنسیوں کے سربراہان کو بلانا ہے،ہم نے کہیں بیٹھنا ہے اور طے کرنا ہے کہ کون سی لائن ہے جسے کراس نہیں کرنا،

حامد میر،اسد طور نے وی لاگ میں غلط دلائل رپورٹ کئے،غدار کہنے کی کوشش کی.ایڈیشنل اٹارنی جنرل کا شکوہ
ایڈیشنل اٹارنی جنرل نے کہا کہ گزشتہ سماعت کے بعد حامد میر صاحب اور اسد طور نے وی لاگ کیا، وی لاگ میں آزاد کشمیر غیر ملکی علاقہ سے متعلق مجھ سے منسوب دلائل رپورٹ کیے،میں نے یا کسی اور نے ایسا کچھ نہیں کہا وی لاگ میں غلط کہا گیا، میں نے اس حوالے سے اضافی دستاویزات بھی جمع کروا دی ہیں،جسٹس محسن اخترکیانی نے کہا کہ عدالت نے کسی وی لاگ یا رپورٹنگ پر پابندی نہیں لگائی، ایڈیشنل اٹارنی جنرل نے کہا کہ حامد میر نے ایک کالم لکھا جس میں میرے بیان کا غلط تاثر دینے کی کوشش کی،میں سینئر صحافی کا بہت احترام کرتا ہوں، جسٹس محسن اختر کیانی نے کہا کہ آپ کہتے ہیں کہ آزاد کشمیر کا اپنا وزیراعظم، پارلیمنٹ، آئین اور عدالتیں ہیں، یہ دائرہ اختیار کی بات ہے،صحافی کی اپنی ایک رائے ہے، اخبار خود کہتا ہے کہ اُس کا رائے سے متفق ہونا ضروری نہیں، ایڈیشنل اٹارنی جنرل نے کہا کہ صحافی نے ایک وی لاگ بھی کیا اور وفاق کا حوالہ دے کر غدار کہنے کی کوشش کی،جسٹس محسن اخترکیانی نے کہا کہ ایسی بات نا کریں، عدالت میں موجود حامد میر نے کہا کہ صرف یہ بات نہیں ہوئی کہ کشمیر فارن ٹیریٹری ہے، پراسیکیوٹر جنرل نے یہ بھی کہا ہے کہ کشمیر میں نو مئی جیسے واقعات ہوئے، پراسیکیوٹر جنرل اسلام آباد نے کہا کہ میں نے اس طرح کی بات نہیں کی تھی،جسٹس محسن اختر کیانی نے کہا کہ میں کیا کروں کہ ان کا کالم مسترد کر دوں؟ایڈیشنل اٹارنی جنرل، آپ حامد میر کو چائے پلائیں اور اپنی بات سمجھائیں، جہم نے اس کیس میں حامد میر کو خود عدالتی معاون کے طور پر بلایا ہے، عدالت نے حامد میر کو ہدایت کی کہ آپ بار کے صدر کے ساتھ ایڈیشنل اٹارنی جنرل کے پاس جائیں اور ان کی بات کو بھی سمجھیں،

احمد فرہاد کی درخواست ضمانت مسترد

احمد فرہاد کی بازیابی کیس، گزشتہ سماعت کا تحریری حکمنامہ جاری

وفاقی حکومت نے شاعر اور صحافی احمد فرہاد کی گرفتاری ظاہر کر دی

اسلام آباد ہائیکورٹ،اٹارنی جنرل کی احمد فرہاد کی بازیابی کی یقین دہانی پر سماعت ملتوی

عدالت کا احمد فرہاد کے طبی معائنے کا حکم