عراقی حکومت کی جانب سے 1990-1991 کی خلیجی جنگ کے بعد سے لاپتہ ہونے والے عراقیوں اور کویتی باشندوں کی تدفین کے مقامات کے حوالے سے معلومات فراہم کرنے والے لوگوں کو سامنے آنے کا کہا گیا ہے-

باغی ٹی وی: "الجزیرہ” کے مطابق بغداد نے 1990سے 1991 کی خلیجی جنگ کے عراقی اور کویتی متاثرین کی تدفین کے مقامات کی معلومات کے لیے مالی انعام کا اعلان کیا ہے اتوار کے روز ایک مشترکہ بیان میں عراقی وزارت دفاع اور داخلہ نے ہر اس شخص سے مطالبہ کیا کہ جس کے پاس عراق یا کویت کے اندر لاپتہ افراد کی قبروں کے بارے میں معلومات ہوں وہ سامنے آئیں۔

عراقی وزارت دفاع اور داخلہ نے ایکس پر ایک بیان میں کہا ہے کہ انعام ان لوگوں کو دیا جائے گا جو ہمیں ٹھوس نتائج تک پہنچنے میں مدد دیں گے اور مفید معلومات فراہم کریں گے۔

خواتین مردوں سے زیادہ دھوکے باز ہوتی ہیں، نئی تحقیق

واضح رہے کہ1991 کی خلیجی جنگ کے دوران ہلاک ہونے والے لاپتہ افراد کی باقیات تلاش کرنے کی کوششیں تنازع کے خاتمے کے بعد سے جاری ہیں، اس حوالے سے سہ فریقی کمیشن اور اس کی تکنیکی ذیلی کمیٹیاں 1991 اور 1994 میں قائم کی گئی تھی، تاکہ عراق اور کویت میں سینکڑوں خاندانوں کو ان کے پیاروں کے حوالے سے جوابات دیئے جاسکیں۔

کمیٹی کی صدارت ریڈ کراس کی بین الاقوامی کمیٹی (آئی سی آر سی) کرتی ہے اور اس میں عراق، کویت، سعودی عرب، امریکا، برطانیہ اور فرانس کے نمائندے شامل ہیں، جب کہ اقوام متحدہ کے امدادی مشن (یو این اے ایم آئی) نے 2014 میں ایک مبصر کی حیثیت سے اس کمیٹی میں شمولیت اختیار کی تھی۔

یواےای میں 50 ڈگری سینٹی گریڈ کی حد کو عبور

خلیجی جنگ کے نتیجے میں لاپتہ ہونے والے افراد کا معاملہ اب بھی دونوں ہمسایہ ممالک کے درمیان تنازع کی بنیادی وجہ ہے، کویت پر عراقی حملے کے بعد دونوں کے سفارتی تعلقات منقطع ہوگئے تھےتاہم سابق عراقی رہنما صدام حسین کو 2003 میں ایک امریکی حملے کے بعد اقتدار سے ہٹا دیا گیا تھا جس کےبعد تعلقات بحال ہوئے تھےآئی سی آر سی کے گزشتہ اعداد و شمار کے مطابق اس جنگ میں 215 کویتی اور 85 عراقی لاپتہ ہوگئے تھے، جن میں سے زیادہ تر جنوبی عراق سے ہیں کویت کا کہنا ہے کہ اس کے لاپتہ افراد کی تعداد 320 ہے، جب کہ بغداد کا کہنا ہے کہ جنگ کے خاتمے کے بعد سے اب تک 5 ہزار سے زائد عراقی لاپتہ ہیں۔

فرانسیسی اسکولوں میں عبایہ پہننے پر پابندی عائد

عراق نے فروری 2017 میں اعلان کیا تھا کہ کویت کو ملک میں قید تقریبا 300 قیدیوں کی باقیات مل گئی ہیں اور اگست 2019 میں عراق نےجنگ میں ہلاک ہونے والے 48 کویتی قیدیوں کی باقیات ان کے حوالے کی تھیں۔ ان کی باقیات عراق میں اجتماعی قبروں سے نکالی گئیں۔

آئی سی آر سی کے مطابق کویتی فوجیوں کو صدام حسین کی افواج نے قیدی بنا لیا تھا اور عراق میں سماوا کے قریب صحرا میں منتقل کیے جانے کے بعد وہ لاپتہ ہو گئے تھے۔

گزشتہ سال فروری میں عراق نے 52.4 ارب ڈالر کی ادائیگی مکمل کی تھی تاکہ ان افراد، کمپنیوں اور حکومتوں کو معاوضہ دیا جا سکے جنہوں نے 1990 میں کویت پر حملے اور قبضے کے نتیجے میں اپنے ہونے والے نقصانات ثابت کیے تھے۔

اسامہ بن لادن کوقتل کرنے والا امریکی فوجی گرفتار

کویت پر 7 ماہ کے قبضے اور خلیجی جنگ میں صدام حسین کی افواج کی امریکا کی قیادت میں شکست کے بعد اقوام متحدہ کی سلامتی کونسل کی طرف سے قائم کردہ اقوام متحدہ کے معاوضہ کمیشن نے کویت کو یہ رقم ادا کرنے کا حکم دیا تھا۔ کویت کو گزشتہ 30 سالوں سےعراقی تیل کی فروخت سے حاصل ہونے والی آمدنی کا ایک حصہ مل رہا ہے۔

عراقی وزارتوں نے قبروں کے بارے میں معلومات رکھنے والے افراد کو عراقی سفارت خانوں اور قونصل خانوں یا ہاٹ لائن نمبر کے ساتھ رابطہ کرنے کی ہدایت کی بیان میں عراقی وزارت خارجہ، بغداد میں آئی سی آر سی، بغداد میں کویتی سفارت خانے اور بصرہ اور اربیل میں کویتی قونصل خانوں کے نمبر بھی شامل تھے-

بھارتی حکومت چاند کو ہندو سلطنت قراردے،ہندو مہاسبھا کے قومی صدر کا مطالبہ

تہران: عراق میں گرمی کی شدید لہر کچھ علاقوں میں درجہ حرارت 50 ڈگری سے تجاوز کر گیا-

باغی ٹی وی :حال ہی میں تاریخ میں سب سے زیادہ درجہ حرارت ریکارڈ کیا گیا ہے،اس حوالے سے تیل کی کمپنیاں پہلے سے تیار تھیں اور انہوں نے خطرے کے اظہار کے لیے بنفشی جھنڈے لہرا دئیے ہیں العربیہ کے مطابق اتوار کے روز درجہ حرارت 52 ڈگری سے تجاوز کرنے کے بعد بصرہ گورنریٹ کی تیل کمپنیوں نے بنفشی پرچم کو بلند کیا تھا۔

بہت سی کمپنیاں اپنے ملازمین کو سب سے زیادہ احتیاط برتنے کی طرف مائل کرنے کے لیے جان بوجھ کر بھی انتباہی علامت کے طور پر بنفشی جھنڈا لہرا رہی ہیں،اس جھنڈے سے مراد مختصر الٹرا وائلٹ شعاعیں ہیں جو انسانوں کے لیے سب سے زیادہ خطرناک ہیں یہ ہیٹ سٹروک کا باعث بنتی ہیں اور جسم میں زندہ خلیات کو ہلاک کرتی ہیں،یہ اکثر کاروباری اداروں کے ذریعہ کارکنوں کو انتہائی احتیاط کے ساتھ آگے بڑھنے کی ترغیب دینے کے لیے ایک انتباہی علامت کے طور پر استعمال کیا جاتا ہے۔

اسلام آباد انٹرنیشنل ائیر پورٹ کو آؤٹ سورس کرنےکی منظوری مل گئی

موسمیاتی اتھارٹی نے پہلے ہی اطلاع دے دی تھی کہ 13 گورنریٹس میں زیادہ سے زیادہ درجہ حرارت 50 سیلسیس سے زیادہ ہوجائے گا خانقین سٹیشن میں گزشتہ ہفتہ کو سب سے زیادہ درجہ حرارت 52.5 ڈگری ریکارڈ کیا گیا۔

دوسری جانب اقوام متحدہ کے انسانی حقوق کے ہائی کمشنر وولکر تورک نے بدھ کو اپنے دورے کے اختتام پر خبردار کیا تھا کہ عراق کو زیادہ درجہ حرارت اور خشک سالی کا انتباہ جاری کیا تھا,عراق مسلسل چوتھے سال اقوام متحدہ کے مطابق دنیا میں موسمیاتی تبدیلیوں سے سب سے زیادہ متاثر ہونے والا پانچواں ملک ہے، ملک کے جنوب میں کھیت بنجر ہیں ۔ خشک سالی کے بوجھ تلے دم گھٹ رہے ہیں۔

نگران وزیرِ اعظم سے گورنر گلگت و دیگرکی ملاقاتیں

عراق میں باپ نے اپنی جوان بیٹی کو لوہے کی زنجیروں سے جکڑ کر ایک ماہ تک قید کئے رکھا۔

باغی ٹی وی :غیر ملکی خبررساں ادارے کے مطابق خفیہ اطلاع ملنے پر سکیورٹی فورسز نے لڑکی کو آزاد کرا دیا اس خاتون کو اس کے سفاک والد نے تقریباً 30 دنوں تک اپنے گھر میں "قید” کر رکھا تھا۔

کرکوک پولیس کے ایک سینئر افسر نے نام ظاہر نہ کرنے کی شرط پر بتایا کہ مقامی پولیس کو تصدیق شدہ اطلاع ملی کہ ایک باپ نے اپنی بیٹی کو گھر کے اندر قید کر رکھا ہے اور اس کے پاؤں اور ہاتھوں کو زنجیروں میں جکڑ کر تالا لگایا ہوا ہے۔ والد نے خاندانی وجوہات کی بنا پر بیٹی کو قید کر رکھا تھا پولیس فوری طور پر اس گھر پر پہنچ گئی اور لوہے کو کاٹنے کے لیے ایک ڈیوائس کا استعمال کرتے ہوئے نوجوان خاتون کو کھولا اور اسے کرکوک پولیس ڈائریکٹوریٹ منتقل کر دیا۔ خاتون کے والد کو گرفتار کرلیا گیا۔ قانونی اقدامات کرنے کے بعد کیس کو عدالت بھیج دیا گیا۔

بغداد؛ شاہراہ عام پر خاتون کو سرعام بے لباس کردیا گیا

دوسری جانب عراق کے دارالحکومت بغداد کی ایک شاہراہ پر سرعام ایک خاتون کو بے لباس کرنے اور اس پر چاقو سے حملے کی وڈیو سوشل میڈیا پر وائرل ہے۔ عالمی ادارے کی خبر کے مطابق 27 سالہ متاثرہ خاتون بغداد کے الکندی ہسپتال میں زیر علاج ہے۔ گہرے زخموں کی وجہ سے وہ قوت گویائی سے محروم ہو سکتی ہے۔

چین میں طوفانی بارشوں نے تباہی مچادی،ہزاروں افراد شیلٹرز ہوم میں پناہ لینے پر مجبور

عراقی خاتون اسما کے والد بتایا کہ ’میری بیٹی کو اس کے سابق خاوند نے ایک شاہراہ پر بے لباس کیا اور چاقو سے 31 وار کیےسات ماہ قبل دونوں میں علاحدگی ہوئی تھی۔ بچوں پر جھگڑا چل رہا تھا‘۔ یہ کہاں کی انسانیت، کیسی غیرت اور کیسا نام نہاد وقار ہے۔ جسے جواز بنا کر سابق خاوند نے میری بیٹی کا یہ حشر کیا ہے‘۔ متاثرہ خاتون کے والد نے دکھ بھرے لہجے میں کہا کہ ’ملزم مفرور ہے۔ ابھی تک گرفتار نہیں ہوا۔ بغداد پولیس نے کوئی موقف نہیں دیا ہے، ہمیں تحفظ فراہم کیا جائے-

سعودی عرب میں نصابی کتب سے اسرائیل مخالف مواد ہٹا دیا گیا

عراقی انسانی حقوق کی تنظیموں نے کہا ہے کہ ملک بھر میں گھریلو تشدد کی شرح میں اضافہ ریکارڈ کیا گیا ہے۔ تشدد کے واقعات میں خواتین، بچوں اور بوڑھوں کو نشانہ بنایا گیا ہے۔ گھر والوں پر تشدد کے واقعات سالانہ 15 ہزار سے بڑھ گئے ہیں۔ گھریلو تشدد کی روک تھام کے لیے ایک بل حکومتی کابینہ نے 2020 میں منظور کیا تھا لیکن اس بل کو تاحال پارلیمنٹ سے منظور نہیں کرایا جا سکا۔

قطر میں افغان طالبان کی دو سال بعد امریکی حکام سے ملاقات

اسلامی تعاون کی تنظیم (OIC) نے 31 جولائی کو رکن ممالک کے وزرائے خارجہ کی کونسل کے لیے ایک غیر معمولی ورچوئل اجلاس منعقد کرے گی جس میں سویڈن اور ڈنمارک میں قرآن پاک کے نسخوں کی بے حرمتی اور جلانے کے بار بار ہونے والے واقعات پر تبادلہ خیال کیا جائے گا۔یہ اجلاس سعودی عرب،اور جمہوریہ عراق کی درخواست پر بلایا گیا ہے۔وزراء کا یہ ہنگامی اجلاس رواں سال 02 جولائی کو جدہ میں او آئی سی جنرل سیکرٹریٹ میں منعقدہ ایک غیر معمولی اجلاس کے بعد او آئی سی کی ایگزیکٹو کمیٹی کے جاری کردہ حتمی بیان کے جواب میں بلایا گیا ہے۔بیان میں سویڈن میں قرآن پاک کے نسخے کو نذرآتش کرنے پر توجہ دلائی گئی اور ضرورت پڑنے پر اعلیٰ سطحی ہنگامی اجلاس بلانے کا مطالبہ کیا گیا۔اجلاس میں او آئی سی کے سیکرٹری جنرل حسین برہم طحہ کی ایگزیکٹو کمیٹی کے جاری کردہ حتمی بیان پر عمل درآمد کے حوالے سے رکن ممالک کے ساتھ مشاورت پر غور کیا جا رہا ہے۔ اجلاس میں بار بار کی جانے والی اشتعال انگیز کارروائیوں کے جواب میں مزید اقدامات پر بھی غور کیا جا رہا ہے جو جان بوجھ کر مذہبی منافرت اور عدم برداشت کی نمائندگی کرتے ہیں۔
واضح رہے انتہائی دائیں بازو کے گروپ ڈانسکے پیٹریاٹر نے پیر کو ایک ویڈیو پوسٹ کی جس میں ایک شخص قرآن پاک کی بے حرمتی اور جلاتے ہوئے نظر آ رہا ہے۔
جس پر مسلم دنیا میں غم و غصہ کو مزید ابھارہ گیا ہے۔ سعودی عرب، نے بھی سویڈن میں مقیم ایک عراقی پناہ گزین کے احتجاج کی مذمت کی ہے جس نے گزشتہ ماہ اسٹاک ہوم کی مرکزی مسجد کے باہر قرآن پاک کے صفحات کو نذر آتش کیا تھا۔