Tag: عظمی بخاری

وزیر اطلاعات پنجاب عظمیٰ بخاری نے کہا ہے کہ خیبرپختونخوا حکومت کو عوام کے مسائل سے کوئی غرض نہیں، ان کے لیے عمران خان کی آنکھ، دانت اور آسائشیں اہم ہیں۔

لاہور میں میڈیا سے گفتگو کرتے ہوئے انہوں نے کہاکہ پنجاب میں رمضان نگہبان پیکج کی فراہمی مرحلہ وار اور منظم انداز میں جاری ہے، جہاں مستحق افراد کو امداد ان کی دہلیز تک شفاف طریقے سے پہنچائی جا رہی ہے اس عمل میں میرٹ کو اولین ترجیح دی گئی ہے۔

انہوں نے خیبرپختونخوا کی حکومت پر تنقید کرتے ہوئے کہا کہ وہاں ابھی تک رمضان پیکج کے حوالے سے نہ باقاعدہ پیشرفت سامنے آئی ہے اور نہ ہی کوئی واضح اعلان کیا گیا ہے، صوبائی حکومت کی ترجیحات عوامی ریلیف کے بجائے دیگر معاملات پر مرکوز دکھائی دیتی ہیں،مخصوص فہرستوں کے ذریعے تقسیم کیا گیا ،خیبرپختونخوا حکومت کو عوام کے مسائل سے کوئی غرض نہیں، ان کے لیے عمران خان کی آنکھ، دانت اور آسائشیں اہم ہیں۔

انہوں نے کہا کہ اس کے برعکس پنجاب حکومت نے اپنے وسائل سے صوبہ بھر میں جامع سروے مکمل کیا، جس کے تحت ہر شہری کا ڈیٹا مرتب کیا گیااسی سروے کی بنیاد پر 42 لاکھ خاندانوں کو رمضان نگہبان کارڈ جاری کیے جا رہے ہیں، جبکہ مسیحی برادری کے لیے بھی الگ سے مالی معاونت رکھی گئی ہے، یہ ملک کی تاریخ کا سب سے بڑا رمضان ریلیف پروگرام ہے۔

وزیر اطلاعات پنجاب عظمیٰ بخاری نے کہا ہے کہ آج پنجاب تعلیم، صحت اور ٹرانسپورٹ کے شعبوں میں باقی صوبوں سے آگے جا رہا ہے-

عظمیٰ بخاری نے کہا کہ وزیراعلیٰ پنجاب مریم نواز ٹیکنالوجی کو ترجیح دے رہی ہیں اور زراعت کے شعبے میں پہلی مرتبہ حقیقی معنوں میں جدت متعارف کروائی گئی ہے، انہوں نے زراعت کو ہمیشہ ریڑھ کی ہڈی قرار دیا اور کہا کہ مریم نواز کے اقدامات سے یہ شعبہ مزید ترقی کر رہا ہے، تعلیم، صحت، زراعت اور انفراسٹرکچر کے شعبوں میں دورِ حاضر کے تقاضوں کے مطابق کام کیا جا رہا ہے۔

وزیر اطلاعات نے کہا کہ آج پنجاب تعلیم، صحت اور ٹرانسپورٹ کے شعبوں میں باقی صوبوں سے آگے جا رہا ہے اور مریم نواز کے طرزِ حکومت نے ثابت کیا ہے کہ وہ ایک کامیاب ایڈمنسٹریٹر ہیں، باقی صوبے بھی آج مریم نواز سے سیکھنے کے خواہش مند ہیں،پنجاب میں گڈ گورننس، میرٹ اور شفافیت رول ماڈل بن چکے ہیں، جبکہ مخالفین کو چاہیے کہ وہ پنجاب سے ترقی اور خوشحالی میں مقابلہ کریں، سیاسی شعبدہ بازی اور منفی سیاست کرنے والوں کا ترقی اور خوشحالی سے کوئی تعلق نہیں ہے۔

لاہور:پنجاب کی وزیر اطلاعات و نشریات عظمیٰ بخاری کا کہنا ہے کہ وزیر اعلی کے پی کراچی کے دورے پر ہیں جن کا کام صرف انارکی پھیلانا، بدتمیزی کرنا اور میڈیا پر حملہ کرنا ہے۔

لاہور ڈی جی پی آر میں پریس کانفرنس کرتے ہوئے صوبائی وزیر اطلاعات عظمیٰ بخاری نے کہا کہ 9 مئی کو پشاور میں ہونے والے ہنگاموں میں وزیر اعلیٰ کے پی کی فوٹیج سامنے آئی ہے جو پنجاب فرانزک سے تصدیق شدہ ہے، ان کو جھوٹ بولنے اور اپنے گناہوں کو نہ ماننے کی بیماری ہے، وزیر اعلیٰ کے پی نے بھی کچھ پوسٹیں اپنے سوشل میڈیا پر لگائی تھیں لیکن بعد میں ڈیلیٹ کر دی گئی تھیں کامران بنگش، تیمور جھگڑا اور سہیل آفریدی کی فوٹیج جو ان کے اپنے سوشل میڈیا پلیٹ فارمز پر تھیں ان کا مکمل تجزیہ کیا گیا ہے، مراد سعید کی فوٹیج بھی ریکارڈ پر ہے جس میں وہ کہہ رہے ہیں آپ کو جگہیں بتا دی گئی ہیں۔

عظمیٰ بخاری نے کہا کہ ابھی یہ کہتے ہیں 9 مئی کو فالس آپریشن تھا، ان کے لیے بے شمار ثبوت اکٹھے ہو چکے ہیں پشاور میں ریڈیو اسٹیشن کے پاس کور کمانڈر ہاؤس ہے جب ان کو وہاں جانے کی اجازت نہیں ملی تو انہوں نے ریڈیو اسٹیشن کو آگ لگا دی، وزیر اعلی کے پی کراچی کے دورے پر ہیں جن کا کام صرف انارکی پھیلانا، بدتمیزی کرنا اور میڈیا پر حملہ کرنا ہے سی ایم کے پی کے مزار قائد بھی گئے اور مجھے یقین ہے انہوں نے قائد کے مزار پر معافی مانگی ہو گی کہ کس طرح انہوں نے جناح ہاؤس پر جلاؤ گھیراؤ کیا۔


ٹی ٹوئنٹی ورلڈ کپ, بنگلادیشی ٹیم کے بھارت نہ آنے پر بھارتی میڈیا کا منفی پروپیگنڈا شروع

عظمیٰ بخاری نے کہا کہ کل میں نے ایک فوٹیج دیکھی جس میں ایک بچے کو گود میں بٹھا کر ایک فوٹیج جاری کی گئی اور اس پر بڑے فخر سے بتا رہے ہیں کہ یہ بچہ خیبر پختونخوا سے یہاں کمانے آیا ہے ان کو شرم نہیں آتی کہ ایک بچہ ان کے صوبے کا چائلڈ لیبر پر مجبور ہے اور روزگار بھی اسے اپنے صوبے میں نہیں ملا۔

انہوں نے کہا کہ انہیں جلسہ کرنے کا شوق تھا اور جب جلسے کے لیے جگہ دی گئی تو وہاں کے بجائے سڑکوں پر لوگوں تنگ کر کے نکلنے کی ضد کی گئی، فساد گروپ کی ہمیشہ سے کوشش رہتی ہے کہ ملک میں حالات خراب کیے جائیں، ان کی کوشش ہوتی ہے کہ پاکستان کو پیسے بھی سیدھے طریقے سے لوگ نہ بھیجےایک مہاتما کہتے تھے کہ ان کی پارٹی کے لوگ دہشت گردی میں ملوث ہوئے تو ان کے خلاف کارروائی کریں گے، ایک فرانزک رپورٹ سامنے آئی ہے جس میں ریڈیو پشاور پر حملہ کرنے والوں کے نام سامنے آئے ہیں کے پی والے کہہ رہے ہیں کہ فرانزک رپورٹ لاہور کیوں بھجوائی، بھائی آپ 13 سال سے کے پی میں ہیں تو بنا لیتے۔

ٹرمپ نے خود کو وینزویلا کا قائم مقام صدر قرار دے دیا، سوشل میڈیا پر تصویر وائرل

عظمیٰ بخاری نے کہا کہ کیا کوئی نئی سازش پلان ہو رہی ہے، ادھر ہم ادھر تم کا نعرہ لگا تھا اور اس کی قیمت ادا کی، تمھارا پاکستان اور ہمارا پاکستان کا مطلب کیا ہے۔ ریاست کو اپنے سامنے جھکانے اور قانون کو باندھی بنانے کی کسی صورت اجازت نہیں دی جائے گی پنجاب کے اندر مقدمات میں سزائیں ہو چکی ہیں، ہم رانا ثناء اللہ کی طرح فیک ہیروئن ڈال کر سزائیں موت نہیں دینا چاہتےمریم نواز کو کہا گیا تھا کہ بی کلاس لے سکتی ہیں لیکن انھوں نے نہیں لی، جب انقلاب نکلتا ہے تو وہ یہ نہیں کہتا کہ مجھے ڈنڈے مارو گے تو میں نہیں نکلوں گا، ان کو کھلی چھوٹ اب تک ملی ہوئی ہے۔

انہوں نے کہا کہ جتنے بھی ملک میں اچھے کام ہوئے ہیں چاہے وہ ملک کو ناقابل تسخیر بنانے کے کام ہوں یا ترقیاتی کام ہوں وہ ایک ہی پولیٹیکل پارٹی کے دور میں ہوئے ہیں جبکہ دوسری جانب ایک سیاستدان کو اس ملک نے بہت عزت دی لیکن اس کی کارکردگی کو دیکھیں تو سوائے بھنگ کی کاشت اور انڈے کٹے کے علاوہ کچھ نہیں ہےہر نیا سال پاکستان کے لیے اچھی خوشخبریاں اور خوشحالی کی طرف بڑھ رہا ہے، انٹرنیشنل ریٹنگز اکانومی کے حوالے سے ہوں یا کسی اور سے متعلق پوری دنیا میں مانا جارہا ہے۔ اوورسیز کی طرف سے ریکارڈ پیسے پاکستان بھیجے گئے ہیں۔


ہم جنگ اور مذاکرات دونوں کے لیے تیار ہیں: ایرانی وزیر خارجہ عباس عراقچی

لاہور: وزیر اطلاعات پنجاب عظمیٰ بخاری نے کہا ہے کہ میرے خلاف جھوٹے اور ہتک آمیز الزامات لگائے گئے میں معین قریشی کو نہیں چھوڑوں گی۔

وزیر اطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ اپوزیشن لیڈر پنجاب اسمبلی معین قریشی کے خلاف ڈیفامیشن کورٹ میں پہلا کیس دائر کرنے جا رہی ہوں، میرے خلاف جھوٹے اور ہتک آمیز الزامات لگائے گئے میں معین قریشی کو نہیں چھوڑوں گی، یہ بیان سیاسی اختلاف نہیں بلکہ میری شخصیت اور کردار کے خلاف ایک واضح ہتک عزت ہے۔

عظمیٰ بخاری نے اس الزام کو بے بنیاد، جھوٹا اور کردار کشی قرار دیا اور کہا کہ صحافیوں کو ذاتی ملازم کہنا توہین آمیز ہے سچ اور جھوٹ کا فیصلہ اب عدالت کرے گی اور یہ کیس ہتکِ عزت کے خلاف ایک اہم قانونی قدم کے طور پر لیا جا رہا ہے۔

واضح رہے کہ معین قریشی نے سابقہ بیان میں کہا تھا کہ وزیراعلیٰ خیبرپختونخوا سے سوال کرنے والے عظمیٰ بخاری کے پیڈ ملازم ہیں-

پی ایس ایل کی ساتویں ٹیم حیدرآبادکے مالک فواد سرور کون ہیں؟

بی سی بی کا آئی سی سی کو خط،بھارت میں سکیورٹی خدشات کی نشاندہی

رواں مالی سال کے پہلے 6 ماہ میں کتنی کمپنیاں جسٹر ہوئیں؟

وزیراطلاعات پنجاب عظمیٰ بخاری نے کہا ہے کہ ہم بلدیاتی الیکشن کیلئے تیار ہیں، بلدیاتی انتخابات کی تاریخ کا انتظار کر رہے ہیں-

وزیراطلاعات پنجاب عظمیٰ بخاری نے کہا ہے کہ چاہتے ہیں جلد بلدیاتی انتخابات ہوں، پی ٹی آئی کو جمہوری حق کے استعمال کا پورا حق ہے، پنجاب اسمبلی میں 30 افراد کی فہرست جمع کروائی گئی تھی، پنجاب اسمبلی چوک چوراہا تو نہیں تھا کہ جو چاہتا گھس آتاجتنے لوگ آئے تھے ، گارڈ کو دھکے مارےاور دروازے توڑے، صوبائی اسمبلی کی حدود میں نامناسب زبان استعمال کی گئی، وزیرداخلہ کےخلاف بھی نامناسب زباناستعمال کی گئی۔

میری شخصیت کو تباہ کرنے کی کوشش کی گئی،وزیراعلیٰ خیبر پختونخوا کا مریم نواز کو خط

انہوں نے کہا کہ ہم ایکشن لیتے تو کہتے مہمان تھے، گاڑی چیک کرتے تو کہتے توہین کردی، پی ٹی آئی والے مطالعاتی دورہ پر لاہور آئے تھے، واپسی جانے کا دل نہیں کر رہا تھا، پی ٹی آئی سیاسی جماعت نہیں، یہ مذاکرات پر یقین نہیں رکھتے، این آر او چاہتے ہیں، ہم بلدیاتی الیکشن کیلئے تیار ہیں، بلدیاتی انتخابات کی تاریخ کا انتظار کر رہے ہیں، پنجاب کے ضمنی انتخابات ن لیگ نے جیتے ہیں۔

ریاستی اداروں اور انسداد پولیو مہم کے خلاف سوشل میڈیا پر وڈیو نشر کرنے پر مقدمہ درج

لاہور:پنجاب کی وزیر اطلاعات و ثقافت عظمیٰ بخاری نے پاکستان تحریک انصاف (پی ٹی آئی) کی اسٹریٹ موومنٹ پر ردعمل دیتے ہوئے وزیراعلیٰ خیبرپختونخوا سہیل آفریدی سے کہا ہے کہ پاکستان کے یورپ لاہور کی بہت سیر کرلی، واپس چلے جائیں۔

سماجی رابطے کی ویب سائٹ ایکس پر جاری بیان میں وزیراطلاعات پنجاب عظمیٰ بخاری نے کہا کہ ‘‏ماشااللہ اسڑیٹ موومنٹ!، کل رات سے بنگلہ دیش کی تصویریں لگا کے خوش ہو رہے تھےلیکن آج دن کی روشنی میں اسٹریٹ موومنٹ کا پول کھل گیا، اسٹریٹ موو منٹ والوں کو نعروں کا جواب دینے والا بھی کوئی نہیں ملا، بہت سیر کرلی پاکستان کے یورپ لاہور کی، اب خدا کے لیے واپس تشر یف لے جائیں، آپ لاہور کو سکھ کا سانس لینے دیں، بہت پروٹوکول میں لاہور دیکھ لیا، واپس جا کر خیبر پختونخواہ کے لوگوں کی بھی داد رسی کرلیں اور ان کی بھی سن لیں۔

قلات میں انٹیلیجنس بیسڈ آپریشن، 4بھارتی حمایت یافتہ دہشتگرد ہلاک

واضح رہے کہ وزیراعلیٰ خیبرپختونخوا سہیل آفریدی پنجاب کے دورے پر لاہور میں موجود ہیں جہاں انہوں نے پہلے دن پنجاب اسمبلی کے پی ٹی آئی اراکین سے اسمبلی میں ملاقات کی اور اس کے بعد مختلف شخصیات سےملاقاتیں کیں اور تاریخی مقامات کے دورے بھی کیے۔

ملک کو اس وقت انتشار نہیں بلکہ استحکام کی ضرورت ہے،فیصل کریم کنڈی

وزیر اطلاعات و ثقافت پنجاب عظمیٰ بخاری نے کہا ہے کہ پنجاب حکومت کی سالانہ کارکردگی عوامی اعتماد، شفافیت اور زمینی حقائق پر مبنی منصوبہ سازی کا عملی ثبوت ہے۔

ڈی جی پی آر میں پنجاب حکومت کی سالانہ کارکردگی پر پریس کانفرنس کرتے ہوئے عظمیٰ بخاری نے کہا وزیراعلیٰ پنجاب مریم نواز کی قیادت میں صوبہ پنجاب نے ترقی، فلاح اور بہتر طرزِ حکمرانی کی نئی مثالیں قائم کی ہیں پنجاب حکومت کی سالانہ کارکردگی عوامی اعتماد، شفافیت اور زمینی حقائق پر مبنی منصوبہ سازی کا عملی ثبوت ہے –

انہوں نے کہا کہ سال 2025 اپنے اختتامی مرحلے میں ہے اور یہ سال پنجاب کی ترقی، عوامی فلاح اور سیاسی استحکام کا سال ثابت ہوا۔ وزیراعلیٰ پنجاب مریم نواز کی قیادت کو قومی و بین الاقوامی سطح پر تحسین ملی، جس سے صوبے کی مثبت شناخت مزید مضبوط ہوئی، پنجاب میں امن و امان کی صورتحال میں نمایاں بہتری آئی، جرائم پیشہ گروہوں کے خلاف مؤثر کارروائیاں ہوئیں اور منشیات فروش نیٹ ورکس کو توڑا گیا۔

عظمیٰ بخاری نے کہا کہ مریم نواز نے ایک سال میں 90 فلیگ شپ منصوبے شروع کیے جو نہ صرف کاغذوں سے نکل کر عملی شکل اختیار کرچکے ہیں بلکہ عوام براہِ راست ان منصوبوں سے مستفید بھی ہورہے ہیں، پولیس کی استعداد کار بڑھانے کے لیے جدید ساز و سامان، ڈرون ٹیکنالوجی، اینٹی ڈرون سسٹمز، تھرمل ڈیوائسز اور آپریشنل گاڑیاں فراہم کی گئیں تاکہ اہلکاروں کی جانوں کا تحفظ یقینی بنایا جا سکے –

مغربی ہواؤں کے نئے سلسلے کی آمد،بارش اور برفباری کی پیشگوئی

انہوں نے کہا کہ کسان، طلباء، مزدور، نوجوان اور خواتین سمیت معاشرے کے ہر طبقے کو ساتھ لے کر چلنے کی پالیسی نے پنجاب کو دیگر صوبوں کی نسبت ترقی کے سفر میں سب سے آگے کر دیا ہے، الیکٹرک بسیں، گرین ٹرین، الیکٹرک بائیکس، ستھرا پنجاب، اپنی چھت اپنا گھر، آسان کاروبار اور کسان کارڈ مریم نواز کے ایسے فلیگ شپ پروگرام ہیں جنہوں نے سہولت، روزگار، تعلیم، ٹرانسپورٹ، ماحولیات اور معاشی بہتری کے نئے دروازے کھولے ہیں انہی منصوبوں کی بدولت پنجاب آج خدمات، اصلاحات اور پائیدار ترقی میں دیگر صوبوں پر سبقت رکھتا ہے۔

وزیر اطلاعات نے بتایا کہ پنجاب میں ڈرون ٹیکنالوجی کو پہلی بار جائے وقوعہ تک فوری رسائی، ثبوت جمع کرنے اور آپریشنل معاونت کے لیے استعمال کیا جا رہا ہے، جبکہ کچے کے علاقوں میں آپریشنز کے لیے خصوصی بکتر بند گاڑیاں خریدی گئیں کچے کا علاقہ مکمل طور پر کلیئر ہونے تک کارروائیاں جاری رہیں گی اور جرائم پیشہ عناصر کا کوئی ٹھکانہ محفوظ نہیں رہے گا ”ستھرا پنجاب پروگرام“ کے تحت لاہور کے قدیم ویسٹ ڈپو ’’لکھو ڈیر‘‘ کو ویسٹ ٹو انرجی زون میں تبدیل کیا جا رہا ہے، جہاں پچاس میگاواٹ کا پاور پلانٹ لگایا جائے گا جو صوبے میں کچرے سے توانائی کے حصول کا پہلا بڑا قدم ہوگا۔

بھارت میں ریپ کے ملزم بی جے پی رہنما کلدیپ سنگھ کی ضمانت پر احتجاج

انہوں نے کہا کہ ابتدائی اعداد و شمار کے مطابق صفائی کے نظام میں نمایاں بہتری آئی ہے اور ویسٹ مینجمنٹ انفراسٹرکچر فعال ہے انہوں نے ’’اپنی چھت اپنا گھر‘‘ منصوبے کے تحت اب تک پچاس ہزار سے زائد گھر مکمل ہونے اور مجموعی تعداد میں مسلسل اضافے کو پنجاب کی سماجی فلاح کا مضبوط ثبوت قرار دیا، بیوہ خواتین، اقلیتوں اور کم آمدن شہریوں کی فراہمی کو خصوصی ترجیح دی گئی، جو پاکستان کے سماجی تحفظ کے نظام میں قابل تقلید مثال ہے۔

انہوں نے کہا کہ پنجاب میں ٹرانسپورٹ انفراسٹرکچر کو نئے مرحلے میں داخل کیا جا رہا ہے، جہاں فیصل آباد میں اورنج اور ریڈ لائن منصوبے، اور گوجرانوالہ کو میٹرو نیٹ ورک سے جوڑنے کا اعلان، شہری آمدورفت میں اہم تبدیلی لائے گا،آسان کاروبار سکیم کے تحت چھ ماہ میں اربوں روپے کے بلاسود قرضے دیئے گئے، جن میں خواتین اور نوجوانوں کا بڑا حصہ شامل ہے،طلباء کو لیب ٹاپ اور سکالرشپ تقسیم کی جارہی ہیں،1500 الیکٹرک بسیں پورے پنجاب میں چل رہی ہیں،1 لاکھ 26 ہزار گھر "اپنی چھت اپنا گھر پروگرام” کے تحت بن رہے ہیں،کسان کارڈ کے تحت 250 ارب دیئے جاچکے ہیں،گرین ٹریکٹر اور سپر سیڈر تقسیم کیے گئے ہیں۔

اسرائیلی فوجی نے سڑک کنارے نماز پڑھنے والے فلسطینی پر گاڑی چڑھا دی، ویڈیو

وزیراطلاعات نے بتایا کہ نوازشریف کینسر ہسپتال جنوری میں اپنا کام شروع کرنے جارہا ہے جبکہ سرگودھا کارڈیالوجی ہسپتال میں کام شروع ہوچکا ہے جلد مریم نواز اسکا افتتاح کریں گی،جس سے صوبے میں چھوٹے کاروبار اور روزگار کے مواقع تیزی سے بڑھ رہے ہیں، نواز شریف کینسر ہسپتال، سرگودھا کارڈیالوجی ہسپتال، میڈیکل ڈسٹرکٹ لاہور اور رحیم یار خان و نارووال میں نئے برن یونٹس کا افتتاح نئی صحت پالیسی کی بنیاد ہوں گے، جبکہ4300 بچوں کی کامیاب دل کی سرجریز پنجاب کے علاج معالجے کے شعبے میں تاریخی سنگ میل ہیں۔

عظمیٰ بخاری نے کہا کہ جرنلسٹ ہاؤسنگ سوسائٹی فیز ٹو کی سکروٹنی کمیٹی اپنا کام مکمل کر رہی ہے، جس کے بعد وزیر اعلیٰ الاٹمنٹ لیٹرز جاری کریں گیانہوں نے صحافیوں سے متعلق گزشتہ روز پیش آئے ناخوشگوار واقعے کی مذمت کی اور کہا کہ میڈیا کی عزت اور تحفظ حکومت کی ترجیح ہے۔

دوستی، انسان سے انسان تک کا خاموش سفر.تحریر:جان محمد رمضان

عظمیٰ بخاری نے کہا کہ سہیل آفریدی محترم مہمان ہیں اور پنجاب حکومت مہمان نوازی، سیاسی شائستگی اور احترام کی روایت پر قائم ہے، تاہم ان کی گفتگو اور انداز میں مناسب سنجیدگی اور ذمہ داری کا مظاہرہ ہونا چاہیے تھا جو افسوس کے ساتھ نظر نہیں آیا،ہم مثبت سیاست اور عملی کارکردگی پر یقین رکھتے ہیں، جھوٹ، الزام تراشی اور غیر سنجیدہ بیانات پر نہیں۔

انہوں نے کہا کہ مہمان نوازی پنجاب کی روایت ہے اور ہم نے خیبر پختونخوا کے وزراء کو اسی وقار کے ساتھ خوش آمدید کہا، تاہم کچھ غیر سنجیدہ گفتگو اور نامناسب زبان نے افسوس پیدا کیا، پنجاب اسمبلی میں بدتمیزی، دھکم پیل اور ناشائستہ زبان نے جمہوری ماحول کو داغدار کیا، جبکہ حکومت نے ہر سطح پر ضبط اور شائستگی کا مظاہرہ کیا۔

وزیر اطلاعات و ثقافت پنجاب عظمٰی بخاری نے کہا ہے کہ’’ستھرا پنجاب ‘‘ کے بعد اب’’ستھرا پاکستان‘‘کی مہم کا عملی آغاز ہو چکا ہے جس کے تحت احتساب کے عمل کو مؤثر بنایا جا رہا ہے،وقت آ گیا ہے کہ ہر ادارہ اپنے کردار اور ذمہ داری کا سنجیدگی سے جائزہ لے-

ڈی جی پی آر میں وزیر زراعت سید عاشق حسین کرمانی کے ہمراہ پریس کانفرنس کرتے ہوئے عظمیٰ بخاری نے کہا ہے کہ جو عناصر یہ دعویٰ کرتے تھے کہ اداروں میں احتساب نہیں ہوتا، ان کے لیے یہ واضح پیغام ہے کہ ایک ادارے نے اپنے ملازم کو سزا دے کر مثال قائم کی ہے، اور اب دیگر اداروں کو بھی اسی جذبے کے ساتھ آگے بڑھنا چاہیے وزیراعلیٰ مریم نواز کی عوامی خدمت پر مبنی پالیسیوں اور عملی اقدامات کی آواز آج عالمی سطح پر سنی جا رہی ہے،ماضی میں ہمیں یورپ اور برطانیہ کی مثالیں دی جاتی تھیں، مگر آج دنیا پنجاب کے ترقیا تی ماڈل اور شفاف گورننس کی مثالیں دے رہی ہے، جو پنجاب اور پاکستان دونوں کے لیے باعثِ فخر ہے۔

عظمیٰ بخاری نے کہا کہ ملک کو درپیش دہشت گردی کی نئی لہر کے خلاف پاک فوج اور تمام قانون نافذ کرنے والے ادارے بھرپور عزم کے ساتھ برسرِپیکار ہیں اور دہشت گردوں کو ان کے منطقی انجام تک پہنچایا جا رہا ہے انہوں نے آرمی پبلک سکول کے شہداء کو خراجِ عقیدت پیش کرتے ہوئے کہا کہ شہداء کی قربانیاں کبھی فراموش نہیں کی جا سکتیں۔

زرمبادلہ کے ملکی ذخائر میں سالانہ بنیادوں پر 3.203ارب ڈالر اضافہ ریکارڈ کیاگیا،اسٹیٹ بینک

وزیر اطلاعات نے پنجاب کابینہ کے حالیہ اجلاس میں کیے گئے اہم فیصلوں سے آگاہ کرتے ہوئے کہا کہ وزیراعلیٰ مریم نواز کی حکومت نے گورننس، شفافیت اور میرٹ کا ایک نیا ماڈل متعارف کرایا ہے جسے اب بین الاقوامی سطح پر سراہا جا رہا ہے،’’ستھرا پنجاب ‘‘ماڈل میں عالمی ادارے دلچسپی لے رہے ہیں اور اسے دیگر ممالک میں نافذ کرنے کی خواہش ظاہر کی جا رہی ہے، جو نہ صرف پنجاب بلکہ پاکستان کے لیے بھی اعزاز ہے۔

انہوں نے بتایا کہ کابینہ نے افسران کے خلاف انکوائری کے نظام میں بڑی اصلاحات کی منظوری دی ہے اب کسی بھی افسر کے خلاف انکوائری 3 ماہ میں مکمل کرنا لازم ہوگا تاکہ بے گناہ افراد کو طویل اذیت سے بچایا جا سکے اور قصورواروں کو بروقت سزا ملے وزیراعلیٰ پنجاب نے راولپنڈی میں دوسرے آئی ٹی سٹی کے قیام کی منظوری دی ہے، جبکہ جدید ٹریفک مینجمنٹ سسٹم کے تحت بین الاقوامی معیار کی سمارٹ ٹریفک لائٹس نصب کی جائیں گی جن میں پیدل چلنے والوں کے لیے خصوصی بٹن سسٹم بھی شامل ہوگا۔امتحانی نظام کی شفافیت مزید بہتر بنانے کے لیے ایک خودمختار اور آزاد ادارہ قائم کرنے کا فیصلہ کیا گیا ہے جو سکول انتظامیہ سے الگ ہو کر امتحانات کا انعقاد کرے گا، تاکہ مکمل میرٹ اور شفافیت کو یقینی بنایا جا سکے۔

کمسن بچیوں کے خلاف جنسی جرائم ناقابلِ برداشت ہیں،حنا پرویز بٹ

عظمیٰ بخاری نے کہا کہ پنجاب میں امتحانی نظام باقی تمام صوبوں سے بہت بہتر ہے۔ پنجاب میں کبھی ایسی خبر سننے کو نہیں ملی کہ پورے کا پورا امتحانی مرکز ہی بک گیا ہو۔ صحت کے شعبے میں فیصل آباد کے ہولی فیملی اسپتال میں درکار آلات کی فوری فراہمی، مری کے مدر اینڈ چائلڈ اسپتال کو جنرل اسپتال کا درجہ دینے، اور گوجرانوالہ میں نئے کارڈیالوجی اسپتال کے قیام کی منظوری دی گئی ہے، جو عوام کا دیرینہ مطالبہ تھا۔

انہوں نے بتایا کہ وزیراعلیٰ نے 720 محنت کشوں کے فلیٹس کی قرعہ اندازی مکمل کر کے 7 دن میں حوالگی کی ہدایت دی ہے، جبکہ مزید 1872 فلیٹس 18 ماہ میں مکمل ہوں گے۔ 36 لاکھ روپے مالیت کے یہ فلیٹس محنت کشوں کو بالکل مفت فراہم کیے جا رہے ہیں وزیر اعلیٰ پنجاب مریم نواز نے واضح ہدایات دیں ہیں کہ تمام بیواؤں اور معذور محنت کشوں کو بغیر قرعہ اندازی کے فلیٹس دیئے جائیں یہ یقیناً ان کا لوگوں کو اپنی چھت دینے کا جو منصوبہ اور خواہش ہے یہ اسی کا ایک تسلسل ہے۔

ملک بھر میں پیٹرول پمپس کی جانچ کے لئے ٹیمیں متحرک

زراعت کے شعبے میں گندم کی ریکارڈ پیداوار پر وزیر زراعت اور ان کی ٹیم کو خراجِ تحسین پیش کرتے ہوئے عظمٰی بخاری نے کہا کہ پنجاب نے ایک بار پھر اپنا ہدف کامیابی سے حاصل کیا ہے۔وزیراعلیٰ مریم نواز کا کسانوں کے ساتھ کھڑے رہنے کا عزم غیر متزلزل ہے۔ پنجاب میں ہونے والے یہ اقدامات محض پروگرامز نہیں بلکہ حقیقی معنوں میں’’معجزات‘‘ہیں جو عوامی خدمت اور ترقی کے نئے باب رقم کر رہے ہیں۔

عظمٰی بخاری نے کہا کہ یہ ایک خوش آئند پیش رفت ہے کہ ایک ادارے نے اپنے ملازم کے خلاف کارروائی کرتے ہوئے سزا سنائی اب وقت آ گیا ہے کہ دیگر ادارے بھی اسی سمت میں عملی اقدامات کریں جو عناصر اپنے اختیارات سے تجاوز کرتے ہوئے سیاست میں مداخلت کرتے ہیں، یا کسی ایک سیاسی جماعت کے مفادات کے لیے معاملات کو موڑنے کی کوشش کرتے ہیں، ایسی روایت کا اب مکمل طور پر خاتمہ ہونا چاہیے۔

حکمران پاکستان کے آئین اور قانون کے تقاضوں کو پورا نہیں کر رہے،مولانا فضل الرحمان

عظمٰی بخاری نے کہا کہ ’’ستھرا پاکستان ‘‘کی اصلاح کی مہم کو وہ آگے بڑھتا ہوا دیکھ رہی ہیں اور ان کی خواہش ہے کہ یہ عمل تسلسل کے ساتھ جاری رہےماضی میں بوئے گئے ایک غلط بیج سے جو زہریلی فصل تیار ہوئی، اس کے منفی نتائج پاکستان آج تک بھگت رہا ہے، اور یہ کہنا مشکل ہے کہ ان اثرات کا سلسلہ کب تک جاری رہے گا تاہم اب ایک واضح فیصلہ ہو چکا ہے کہ اس طرزِ عمل کو’’ون فار آل‘‘ختم کیا جانا چاہیے اس مسئلے کی جڑیں گہری ہیں، اور صرف ایک ادارے میں ایک فرد کے خلاف کارروائی کافی نہیں۔ دیگر اداروں کو بھی اپنے احتساب کا آغاز کرنا ہوگا اور خود احتسابی کے عمل سے گزرنا ہوگا اب وقت آ گیا ہے کہ ہر ادارہ اپنے کردار اور ذمہ داری کا سنجیدگی سے جائزہ لے تاکہ نظام کو درست سمت میں لایا جا سکے-

وزیر اطلاعات و ثقافت پنجاب عظمٰی بخاری نے پنجاب اسمبلی پارلیمانی رپورٹرز پریس گیلری کے نو منتخب عہدیداران کو مبارکباد پیش کی ہے۔

عظمٰی بخاری نے بلا مقابلہ منتخب ہونے والے صدر خواجہ نصیر، جنرل سیکرٹری سید عباس نقوی، جوائنٹ سیکرٹری سید فرزند علی اور اسسٹنٹ سیکریٹری واصف محمود کے لیے نیک تمناؤں کا اظہار کیا،عظمٰی بخاری نے کہا کہ پنجاب اسمبلی پارلیمانی رپورٹرز پریس گیلری اسمبلی کا لازمی اور فعال جز ہے، جو نہ صرف ایوان کی کارروائی کو شفاف انداز میں عوام تک پہنچاتی ہے بلکہ جمہوری اقدار کے فروغ میں بھی اہم کردار ادا کرتی ہے۔

انہوں نے کہا کہ پریس گیلری ایک شاندار ماضی اور پیشہ ورانہ روایات کی امین ہے، پریس گیلری حکومت، اسمبلی اور عوام کے درمیان مضبوط پل ہے،امید ہے کہ نو منتخب قیادت حکومت، پارلیمان اور عوام کے درمیان مؤثر رابطے کو مزید بہتر بنائے گی اور اپنی ذمہ داریاں بھرپور جذبے اور راست بازی کے ساتھ ادا کرے گی۔