Tag: عمران خان

عمران خان کے خلاف 121 مقدمات کے اخراج کا معاملہ ،عمران خان کمرہ عدالت میں پہنچ گٸے

عمران خان کے وکلا بھی کمرہ عدالت میں موجود ہیں عمران خان کی پیشی پر سیکیورٹی کے سخت انتظامات کئے گئے ہیں، غیر متعلقہ افراد کو عدالت میں داخلے سے روک دیا گیا پولیس کی بھاری نفری احاطہ عدالت میں تعینات ہے،

لاہور ہائیکورٹ میں عمران خان کیخلاف 121 مقدمات کے اخراج کے لیےدرخواست پر سماعت ہوئی جسٹس علی باقر نجفی کی سربراہی میں پانچ رکنی بینچ نے کیس کی سماعت کی لارجر بنچ میں جسٹس عالیہ نیلم، جسٹس طارق سلیم شیخ شامل ہیں دیگر ججز میں جسٹس انوار الحق پنوں اور جسٹس امجد رفیق بھی شامل ہیں

عمران خان لاہور ہائیکورٹ پہنچ گئے#baaghitv #pakistan #lahore #court #BreakingNews pic.twitter.com/Ge5JN59c66

— Baaghi TV باغی ٹی وی (@BaaghiTV) May 2, 2023

عمران خان کیخلاف ملک بھر میں درج مقدمات کی تفصیلات جمع کروا دی گئی، عمران خان کیخلاف اسلام آباد میں 31 لاہور میں 30 فیصل آباد مین 14 بھکر، میں 4 شیخوپورہ 3 گجرانوالہ میں 2 جہلم میں 3 اٹک میں 4 راولپنڈی میں 10،اٹک،میں 4 بہاولپور میں 5 مقدمات درج ہیں،

جسٹس علی باقر نجفی نے ریمارکس دیتے ہوئے کہا کہ ہم نے آپکی درخواست پڑھی ہے ،پٹیشن اچھی ڈرافٹ کی گئی ہے ۔
لیکن درخواست میں زیادہ تر پی ٹی آئی کی کارکردگی کے بارے میں لکھا ہے ۔ جسٹس عالیہ نیلم نے ریمارکس دیتے ہوئے کہا کہ پٹیشن کے پیرا 7 سے آگے پڑھیں کیوں کہ اس سے پیچھے تو آپ نے درخواستگزار کے بارے میں ہی بتایا ہے ۔ کیا 121 ایف آئی آر تمام میں عمران خان نامزد ہیں ۔ بیرسٹر سلمان صفدر نے کہا کہ عدالت مجھے 15 منٹ کا وقت دے میں اپنا سارا کیس عدالت کے سامنے رکھ دیتا ہوں ۔وکیل عمران خان نے کہا کہ حکومت طاقت کا غلط استعمال کرتے ہوئے عمران خان کو سیاسی انتقام کا نشانہ بنا رہی ہے ۔ عمران خان کو سیاسی بنیادوں پر مقدمات درج کیے جا رہے ہیں،جسٹس علی باقر نجفی نے ریمارکس دیتے ہوئے کہا کہ آپ مقدمات کو خارج کروانا چاہتے ہیں وہ نکات بیان کریں ،وکیل بیرسٹر سلیمان صفدر نے عدالت میں کہا کہ عمران خان کے خلاف ایک ہی مدعی کے تحت مقدمات درج کیے جارہے ہیں ،وکیل عمران خان نے کہا کہ پولیس کی مدعیت میں مقدمات درج کیے جارہے ہیںجو بھی واقعہ ہوتا ہے مقدمہ عمران خان پر درج کیا جاتا ہے اسکی مثالیں موجود ہیں ظل شاہ قتل کیس ،وزیر آباد حملہ کیس ارشد شریف قتل کیس سمیت دیگر مقدمات کی مثالیں موجود ہیں

جسٹس علی باقر نجفی نے ریمارکس دیتے ہوئے کہا کہ آپ کیسز کی نشاندھی کریں ،جسٹس طارق سلیم شیخ نے ریمارکس دیتے ہوئے کہا کہ آپ جنرل باتیں کررہے ہیں وکیل عمران خان نے کہا کہ کیسز ڈسچارج ہورہے ہیں ضمانتیں ہورہی ہیں کوالٹی تو اس سے پتہ چل جاتی ہے ایک روٹ لگا ہوا ہے، کراچی، کوئٹہ، اسلام آباد، بھکر سمیت ملک بھر میں مقدمات درج ہے، ایسا لگتا ہے کہ کوئی بس سروس ہے جس نے ملک بھر جانا ہے، جسٹس علی باقر نجفی نے ریمارکس دیتے ہوئے کہا کہ یہ روٹ پہلی مرتبہ نہیں لگا بدقسمتی سے اس سے پہلے بھی ہوچکا ہے، وکیل نے کہا کہ یہ کیس 71 سالہ شخص کا ہے جو پاکستانی شہری ہے ۔ ہر روز ضمانت لینا پڑتی ہے جو ممکن نہیں ہے ،جسٹس علی باقر نجفی نے ریمارکس دیتے ہوئے کہا کہ اگر آپ مقدمات کا اخراج چاہتے ہیں تو نکات کی نشاندہی کریں ۔ سلمان صفدر نے کہا کہ عمران خان پر وزیر آباد میں حملہ ہوا ہر کیس میں پولیس ہی مدعی بنتی ہے ۔ 140 مقدمات ہیں پولیس بتائے کس میں عمران خان کی گرفتاری کی ضرورت ہے ۔ایک واقعے پر ایک سے زیادہ مقدمات درج کرنا بنیادی حقوق کی خلاف ورزی ہے ۔یہ سب سیاسی بنیادوں پر ہو رہا ہے تاکہ الیکشن نہ ہوں اور کیمپین نہ کی جا سکے۔ ایک ایسا مقدمہ ہے جس میں 2500 افراد کے خلاف کیس بنایا گیا لیکن اس کیس میں صرف عمران خان نے ضمانت لی ۔ میں نے زندگی میں کبھی نہیں دیکھا کہ 3 ماہ میں 140 مقدمات درج ہوگئے ہوں،ابتک ہم نے 25 مقدمات میں ضمانت لے لی ہے،عمران خان کیخلاف انہیں کوئی فنانشل کرپشن نہیں ملی،اسکے بعد انہوں نے فوجداری مقدمات درج کر دئیے دہشت گردی، غداری، مزہبی، مشورہ ،اقدام قتل سمیت سنگین دفعات کو مقدمات کا حصہ بنایا گیا ہے،

عمران خان روسٹرم پر آ گئے، جسٹس عالیہ نیلم نے ریمارکس دیتے ہوئے کہا کہ درخواستگزار کو سمن بھیجا گیا لیکن سمن کی تعمیل نہیں ہونے دی گئی کیا رکاوٹ نہیں ڈالی گئی ۔سمن تعمیل کی راہ میں رکاوٹ کا ایک اور پرچہ ہو گیا ۔جسٹس عالیہ نیلم نے عمران خان کے وکیل سے سوال کیا کہ کیا وارنٹ کے تعمیل والے دن کوئی پولیس افسر زخمی نہیں ہوا ۔ وکیل عمران خان نے کہا کہ پولیس افسر زخمی ہوا ہو گا ۔ جسٹس عالیہ نیلم نے کہا کہ اگر پولیس افسر زخمی ہوا ہو گا تو اس بارے انوسٹی گیشن درکار ہے انوسٹی گیشن افسر بتائے گا کہ کیا ہوا اس لیے انوسٹی گیشن ہونے دیں ۔ وکیل عمران خان نے کہا کہ عمران خان کو بطور سابق وزیر اعظم سیکیورٹی بھی نہیں دی گئی ۔کاغذوں میں عمران خان کو سیکیورٹی دے گئی گئی ہے حقیقت میں نہیں ملی ۔ جھوٹے کیسز میں انصاف لینے جان ہتھیلی پر رکھ کر روز عدالت آتے ہیں ۔جسٹس علی باقر نجفی نے استفسار کیا کہ جب سے کیس لارجر بینچ کے سامنے لگا ہے کوئی نئی ایف آئی آر ہوئی ہے ۔ وکیل عمران خان نے کہا کہ نہیں ۔ جسٹس علی باقر نجفی نے ریمارکس دیتے ہوئے کہا کہ سرکاری وکیل صاحب اس صورتحال میں عدالتیں خاموش تماشائی نہیں بن سکتی ہے ایک ایسا شخص جس پر زندگی بھر کوئی مقدمہ نہ ہو اقتدار سے نکلتے ہی اتنے مقدمات کیون درج ہوگئے ، عدالت نے پنجاب حکومت کے وکیل سے سوال کیا کہ کیا عمران خان کو انتخابات سے دور رکھنے کے لیے آیسا ہورہا ہے ؟

بیرسٹر سلمان صفدر نے کہاکہ جب وزیر آباد کا ملزم پکڑا تو کس نے اسکا اقبالی بیان لے کر ٹی وی پر چلایا۔ جب سے نگران حکومت ائی ہمیں سیکیورٹی نہیں ملتی۔ ہم جان ہتھیلی پر رکھ کر عدالت میں آتے ہیں ، جسٹس طارق سلیم شیخ نے ریمارکس دیتے ہوئے کہا کہ آپکی ساری باتیں ٹاک شو کے لیے اچھی ہونگی۔ لیکن میں تو قانونی نکات ہی مرتب نہیں کر پا رہا۔اپ کو اس درخواست میں ترمیم کرکے اسے قانون کے دائرہ میں لانا چاہیے۔ بیرسٹر سلمان صفد نے کہا کہ میں پہلے ہی ترمیم کر چکا ہوں۔ میں نے مقدمات کے اخراج کی استدعا نکال دی۔ صرف ضمانت لینا ممکن نہیں رہا۔ جسٹس عالیہ نیلم نے کہا کہ انفرادی طور پر کیسیز کی نشاندھی کریں جن پر آپکو اعتراض ہے۔ جسٹس علی باقر نجفی نے کہا کہ ابھی تک آپکے دلائل عمومی ہیں ۔ جسٹس عالیہ نیلم نے کہا کہ سلمان صفدر صاھب آپ ٹو دی پوائینٹ بات کرتے ہیں۔ آج بھی ایسے ہی کریں۔عمران خان کے خلاف کتنے کیسیز ہیں۔ وکیل عمران خان نے کہا کہ عمران خان نے اب تک 25 کیسیز میں ضمانت لی ہے۔ ان میں دہشتگردی کی دفعات اور اعانت جرم کی دفعات کا زیادہ استعمال کیا گیا ہے۔ جسٹس مس عالیہ نیلم نے استفسار کیا کہ آپ نے کیسیز کا اخراج نہیں مانگا ہوا۔ اگرآپ اخراج مقدمات مانگتے تو آفس کا اعتراض لگ جاتا۔ جسٹس انوارالحق پنوں نے عمران خان کے وکیل سے استفسار کیا کہ تو آپ اب چاہتے کیا ہیں۔جسٹس علی باقر نجفی نے کہا کہ بیرسٹر سلمان ، پہلے اپ اپنے دلائل مکمل کر لیں پھر لاء افسر سے سوالات پوچھیں گے۔

عمران خان نے عدالت کے سامنے چند گزارشات کی استدعا کردی، جسٹس علی باقر نجفی نے کہا کہ کیا آپ اپنے وکیل سے مطمن نہیں ہیں، عمران خان نے عدالت میں کہا کہ سلمان صفدر بہترین کیس پیش کر رہے ہیں،عمران خان نے عدالت میں کہا کہ آج میں عدالت کو کہا رہا ہوں انہوں نے مجھے قتل کرنا ہے میں آج یہ بات تیسری مرتبہ کر رہا ہوں، مجھے 2 مرتبہ قتل کرنے، کی کوشش کی گئی، پہلے وزیر آباد اور اسکے بعد اسلام آباد ہائیکورٹ پیشی کے دران کوشش ہوئی، میں جب بھی گھر سے باہر نکلنے کی کوشش کرتا ہوں تو مارنے کی کوشش کرتے ہیں،

لاہور ہائیکورٹ نے عمران خان کو تمام مقدمات میں شامل تفتیش ہونے کا حکم دے دیا ، بینچ نے ہدایت کی کہ جمعے کے روز 2 بجے عمران خان پولیس تفتیش جوائن کریں ۔پنجاب حکومت تفتیش مکمل کر کے 8 مئی تک مکمل رپورٹ عدالت میں جمع جائے ۔ عدالت نے سماعت پیر تک ملتوی کر دی عدالت نے عمران خان اور وکلاء کو کیسز میں شامل تفتیش ہونے سے متعلق لائحہ عمل طے کرنے کی ہدایت کر دی

سابق وزیراعظم عمران خان نے 121 مقدمات کو خارج کرانے کیلئے لاہور ہائیکورٹ سے رجوع کیا تھا لاہور ہائی کورٹ میں دائر درخواست میں سیکرٹری داخلہ، وزارت قانون، دفاع، سیکرٹری کیبنیٹ ڈویژن، چیف سیکرٹری، آئی جی پنجاب، اینٹی کرپشن، نیب، ایف آئی اے، وزیر اعظم، پیمرا اور الیکشن کمیشن کو فریق بنایا گیا ہے۔ درخواست میں موقف اختیار کیا گیا کہ ملک میں مجھ پر 121 ایف آئی آر درج کی گئیں، مقدمات کوئٹہ، کراچی، اسلام آباد اور لاہور میں درج کیےگئے ہیں، نگران صوبائی حکومت کی جانب سے انتقامی کاروائیاں کی گئی ہیں تحریک انصاف کے سپورٹرز اوررہنماؤں کو نظربند اور گرفتار کیا جا رہا ہے-درخواست میں استدعا کی گئی ہےکہ درخواست کےفیصلے تک عدالت درج مقدمات میں کارروائی روکنےکا حکم دے پہلے سے درج مقدمات میں تادیبی کارروائی سے روکا جائے، عدالت بغیرنوٹس فوجداری کارروائی کرنے سے روکنے کا حکم جاری کرے

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

 عمران خان جھوٹے بیانیے پر سیاست کر رہے ہیں،

رمضان میں ماہواری میں عورت کیا کرے؟

باغی ٹی وی کی رپورٹ کے مطابق تحریک انصاف کے رہنما ، سابق وزیراعظم آزاد کشمیر سردار تنویر الیاس پارٹی چیئرمین عمران خان کے خلاف پھٹ پڑے ہیں

نجی ٹی وی شو میں تنویر الیاس نے عمران خان سمیت دیگر پارٹی رہنماؤں کو کھری کھری سنائیں، تنویر الیاس کا کہنا تھا کہ آزاد کشمیر میں جو کچھ ہوا اس کے ذمہ دار پرویز خٹک ہیں پرویز خٹک نے پارٹی کو تقسیم کیا سیف اللہ نیازی بھی ٹکٹوں کی لوٹ سیل کے وقت باہر نکل آیا ہے ، پی ٹی آئی کا بیڑہ غرق ہوگیا ہے پارٹی میں ٹکٹوں کی لوٹ سیل لگی ہے جب ٹکٹوں کا وقت آتا ہے تو لوگ موسمی مینڈکوں کی طرح نکل آتے ہیں

سردار تنویر الیاس کا کہنا تھا کہ پارٹی چیئرمین عمران خان احسان فراموش ہیں یا نہیں اس کا جواب میں پھر کبھی دوں گا ،پارٹی نے میرا ساتھ نہیں دیا عمران خان کا ایک ٹویٹ تک نہیں آیا میں سمجھتا ہوں کہ پی ٹی آئی راستے سے ہٹ چکی ہے۔ ثاقب نثار کہتے ہیں آڈیو میرے بیٹے ہی کی ہے جبکہ فواد چودھری کہتے ہیں یہ جعلی ہے عمران خان ایاک نعبد پڑھتے ہیں انہیں چاہیے اھدنا الصراط المستقیم پرعمل بھی کریں.

واضح رہے کہ تنویر الیاس تحریک انصاف کے‌صدر بھی تھے تاہم انکو اس عہدے سے بھی ہٹا دیا گیا ہے،

تنویر الیاس نے سپریم کورٹ میں دائر اپیل میں خود کو” وزیراعظم” لکھ دیا،اپیل خارج

تنویر الیاس کے بیٹے کا آزاد کشمیر پولیس و مسلح ملزمان کے ہمراہ سینٹورس پر دھاوا، مقدمہ درج

،وزیر اعظم آزاد کشمیر کو اگر بلایا نہیں گیا تو انہیں جانا نہیں چاہیے تھا،

سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی 

باغی ٹی وی کی رپورٹ کے مطابق ن لیگی رہنما، مریم نواز نے یوم مزدور کے موقع پر تقریب سے خطاب کرتے ہوئے کہا ہے کہ سازش تو دیکھو کہ جوڈیشل اسٹیبلشمنٹ عمران خان کو بچانے آگئی،

مریم نواز کا کہنا تھا کہ مشکل اور سخت معاشی حالات کے باوجود کم از کم اجرت 35 ہزار روپے کیا گیا،کم ازکم اجرت 40 ہزار روپے ہونا چاہئے، مزدوروں کی آواز اسحاق ڈار اور شہباز شریف کو پہنچاؤں گی، مزدور انتہائی جانفشانی سے کام کرتے ہیں، اگر نواز شریف کے ویژن پر چلے تو بیرون ملک مزدوری کی ضرورت نہیں پڑے گی،2017 میں روٹی 2 روپے کی تھی، مزدور پیٹ بھر کر کھانا کھاتا اور اپنے بچوں کو اسکول بھیجتا،ملک ترقی کر رہا تھا، بجلی کے کارخانے لگ رہے تھے، دہشت گردی ختم ہو رہی تھی، دنیا کی 20، 25 معیشتوں میں پاکستان کا شمار تھا ، لوگ بھوکے نہیں مر رہے تھے،ملک میں جو سڑکیں موٹر ویز میٹرو بس اورنج لائن بن رہی تھیں اور ترقیاتی منصوبے لگ رہے تھے اسکا فائدہ پاکستان کے مزدور اور غریب کو ہورہا تھا پھر کس کو ان چیزوں کی تکلیف ہوئی،

مریم نواز کا کہنا تھا کہ عمران خان کے تمام حربے ناکام ہوئے تو نئی جوڈیشل اسٹبلشمنٹ اس کو بچانے آگئی، کچھ نئے چہرے آگئے،تمام حربے ناکام ہوئے تو تین رکنی بنچ آگیا، نوازشریف نہ کھاتا ہے نہ ان کو کھانے دیتا ہے، سازشی طریقوں سے اقتدار کے راستے کھولنا بند کرو ،یہ گینگ جس کا سرغنہ عمران خان ہے اس گینگ میں پاکستان کا ہر کرپٹ ترین شخص موجود ہے چاہے وہ ثاقب نثار ہو جنرل فیض ہو وہ کوئی بھی کرپٹ ترین شخص ہو وہ اس گینگ کا حصہ نکلے گا، پاکستان کی بری حالت کا ذمہ دار عمران خان اور اسکے ساتھ پورا گینگ ہے جس نے پاکستان کو نوچ نوچ کر کھایا، عمران خان ملکی ترقی کی راہ میں حائل ہے ،فتنہ مزدوروں کیلئے ریلی نکال رہا ہے تم ریلی نہ نکالو، انتشار پھیلانا بند کرو ،مزدور خوش ہو جائے گا ،جس شخص نے نواز شریف کو بیٹے سے تنخواء نہ لینے پر نکالا اس کا اپنا بیٹا ایک کروڑ بیس لاکھ رشوت لیتا پکڑا گیا

مریم نواز کا کہنا تھا کہ شرم سے سر جھک جاتے ہیں، نجم ثاقب باہر سے پڑھ کر آیا ہے اور گالی کے بغیر اس کی بات نہیں ہوتی، میہاں فیصلے ساس اور داماد اور بیٹوں کی رشوت پر ہوتے ہیں، دنیا میں انصاف پر ہوتے ہیں، یہاں سوا کروڑ میں انصاف بک رہا ہے، وزیراعظم کے خلاف توہین عدالت کا پرچہ دینے کی سازش ہو رہی ہے، جتنے مرضی پرچے دو ہم یہ بھگت کر آ رہے ہیں، نیا الیکشن اکتوبر میں ہونے جا رہا ہے۔ ان کا منصوبہ کامیاب نہیں ہونے دیں گے، یہ آؤٹ ہو گیا ہے، پیچھے بیٹھ کر ڈوریاں ثاقب نثار ہلا رہا ہے اور ایڑی چوٹی کا زور لگا رہا ہے، اس کا بیٹا ایک کروڑ 20 لاکھ رشوت لیتا پکڑا گیا ،چور کا بیٹا چور ہے، چوری کی تربیت والد نے دی،اب ریٹائر ہے تو یہ حال ہے جب انصاف کی کرسی پر تھا تو کیا کرتا ہوگا،ثاقب نثار بتاؤ نوازشریف کے فیصلے کا کیا لیا، بتایا جائے؟ وہ وقت تھا جب ڈالر 100 روپے کا تھا 2013 سے 2017 تک آٹے اور چینی کی قیمت کنٹرول میں تھی، اس ملک میں سڑکیں، موٹروے، اورنج لائن بن رہی تھی، آج 2 روپے کی روٹی 25 روپے کی ہے، 100 روپے ڈالر 290 کا ہے تو الزام کس کے سر پر ہے،صرف عمران خان نہیں پورا ٹولہ ہے جو ملک کو نوچ نوچ کر کھا رہا ہے، وہ بات آپ بتانا ہوگی کہ ملک کو نوچ کر کون کھا رہا ہے،

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

 عمران خان جھوٹے بیانیے پر سیاست کر رہے ہیں،

رمضان میں ماہواری میں عورت کیا کرے؟

وفاقی وزیر میاں جاوید لطیف نے پریس کانفرنس کرتے ہوئے کہا ہے کہ آج حالات اس نہج پر آ چکے ہیں کہ اب اداروں میں بیٹھے افراد کو مکمل سچ بولنا پڑے گا میثاق جمہوریت ہوا تو کچھ اداروں میں بیٹھے افراد کو لگے گا کہ ان کیخلاف اتحاد بن چکا ہے

ن لیگی رہنما، وفاقی وزیر میاں جاوید لطیف کا کہنا تھا کہ عمران خان نے اداروں میں بیٹھے افراد کے ساتھ مل کر اگلے 10 سے 15 سالوں کی منصوبہ بندی کی تھی اسی لئے عمران خان کو دوبارہ اقتدار میں لانے کے لئے سہولت کاری کی جا رہی ہے کوئٹہ میں وکیل رہنما امان اللہ، جسٹس شوکت صدیقی، جنرل باجوہ، ثاقب نثار سمیت سب کے اعترافات ظاہر کر رہے ہیں کہ سب کے مفادات ایک دوسرے سے جڑے ہوئے ہیں اگر عمران خان غلط کہہ رہے ہیں تو جنرل باجوہ سچی باتیں کیوں نہیں کرتے، انہیں کس نے روک رکھا ہے کیا ریاستی ادارے کمزور ہو چکے ہیں آپ کچے میں آپریشن کریں تو کامیاب لیکن زمان پارک یا ظہور الہی روڈ پر کریں تو ناکام ،یہ حکومت وقت کی ذمہ داری نہیں ہے بلکہ اداروں میں بیٹھے افراد کی انصاف کرنے کی ذمہ داری ہے عالمی طاقتوں کے نزدیک سی پیک، میثاق جمہوریت، دہشت گردی و لوڈشیڈنگ کا خاتمہ، مہنگائی کو کنٹرول کرنا نواز شریف کے جرائم ہیں نواز شریف کو انتخابی میدان سے باہر اسی لئے رکھا جا رہا ہے کیونکہ نواز شریف ان عالمی طاقتوں کے مفادات کیخلاف ہے آج ریاست مزید قربانی کی متحمل نہیں ہے

رمضان میں ماہواری میں عورت کیا کرے؟

 مریم نواز نے عمران خان پر کڑی تنقید 

 عمران خان جھوٹے بیانیے پر سیاست کر رہے ہیں،

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

ن لیگی رہنما، وفاقی وزیر میاں جاوید لطیف کا کہنا تھا کہ قانون کا اطلاق مارچ اپریل 2023 میں کیوں یاد آ رہا ہے، 2015 یا 2022 میں آئین دوبارہ تحریر کرتے وقت کیوں یاد نہیں آیا آج بھی اداروں میں بیٹھے افراد کے مفادات عمران خان سے وابستہ ہیں ہم اعتراف کرتے ہیں کہ 2015 میں سازش کے وقت ہم کھڑے ہو جاتے اور قوم کو کھل کر حقیقت بتا دیتے تو آج حالات یہ نہ ہوتے 2017 میں نواز شریف کی نااہلی کے وقت مسلم لیگ ن کھڑی ہو جاتی تو نوبت یہاں تک نہیں پہنچنا تھا میں سمجھتا ہوں کہ دہشت گردوں کے ونگز، ادراوں کو کمزور کرنے والوں سے کوئی مذاکرات نہیں ہوتے ملک کیخلاف سازش کرنے والوں سے مذاکرات نہیں ہوتے اس قوم کو انتشار میں مبتلا کرنے والے سے کس بنیاد پر مذاکرات ہو رہے ہیں اس شخص سے مذاکرات کرینگے تو ملکی دفاع پر کمپرومائز کرینگے قوم مطالبہ کرتی ہے کہ جن جن اداروں میں بیٹھے افراد سازش کرتے تھے ان کیخلاف کارروائی کی جائے ہم کبھی الیکشن سے نہیں بھاگے حالانکہ ہماری قیادت کو نااہل کر کے باہر رکھا گیا تھا ہم پٹرول بم تو نہیں پھینکیں گے لیکن پٹرول بم پھینکنے والے کو من مانی نہیں کرنے دینگے کیا کوئی ازخود نوٹس لے گا کہ ٹکٹوں کی تقسیم پر اربوں روپے کوئی اکٹھے کر رہا ہے ہم کسی طور پر بھی نواز شریف کے بغیر انتخابات قبول نہیں ہوں گے آپ نے آج تک اپنے بنائے ہوئے مجسمے کا احتساب نہیں ہونے دیا اداروں میں بیٹھے افراد اپنی غلطیوں کا اعتراف کر لیں تو بہتر ہے آئین سے ہٹ کر مذاکرات کسی کی خواہش پر نہیں ہو سکتے عدالتوں میں کبھی پنچائیت نہیں لگا کرتی پارلیمان کی کھوکھ سے آئین جنم لیتا ہے، آئین کو بنانے والی پارلیمان کو توقیر کرتے رہیں گے تو آئین ہی کسی شق پر عمل نہیں ہو پائے گاآج دنیا میں تاثر یہ پیدا کیا جا رہا ہے پاکستان ایک ناکام ریاست ہے ہم نے میثاق جمہوریت کر کے اپنے پس پردہ کئے گئے کاموں کا اعتراف کر لیا ہے اب اداروں میں بیٹھے سازش کا حصہ بننے والے افراد کی ذمہ داری ہے