Baaghi TV

Tag: عمران خان

  • عمران خان کو عدلیہ بچاؤ تحریک شروع کرنے کا اب خیال آیا؟ اعظم نذیر تارڑ

    عمران خان کو عدلیہ بچاؤ تحریک شروع کرنے کا اب خیال آیا؟ اعظم نذیر تارڑ

    باغی ٹی وی کی رپورٹ کے مطابق وفاقی وزیر قانون اعظم نذیر تارڑ نے کہا ہے کہ ہم نے خواتین کے لیے سازگار ماحول فراہم کرنا ہے خواتین کے حقوق کے لیے پاکستان میں بھی قوانین بنائے گئے ہیں ویمن رائٹس کمیشن کو بھی فعال کیا گیا ہے

    تقریب سے خطاب کرتے ہوئے وفاقی وزیر قانون اعظم نذیر تارڑ کا کہنا تھا کہ عمران خان کو عدلیہ بچاو تحریک شروع کرنے کا اب خیال آیا؟ عمران خان کو ماضی میں بھی جھانکنا چاہیے،ماضی میں بھی صدائیں اٹھ رہی تھی کہ عدلیہ دباو کا شکار ہے سیاسی مخالفین کو دیوار سے لگانے کے لیے کچھ اداروں کا استعمال کیا گیا،آئین اور قانون کے تحت تحریک عدم اعتماد لائی گئی عمران خان کے اپنے اتحادیوں نے ان سے علیحدگی اختیار کی ،عمران خان نے عدالتی فیصلے کو ماننے سے انکار کردیا،پاکستان کی سیاسی تاریخ میں عدلیہ سے شکایت رہی ہے،

    وفاقی وزیر قانون اعظم نذیر تارڑ کا کہنا تھا کہ کچھ شخصیات کی وجہ سے انصاف کے معیار میں فرق آیا ،لوگ کہتے ہیں کہ تنقید نہ کی جائے اس سے عدالتی توہین کے مرتکب ہوں گے،میری رائے اس سے مختلف ہے کیوں بعض ججز خبروں کی سرخیوں پر نہیں رہے؟ ان ججز نے متوازن اور غیر متنازع فیصلے کئے کیا وجہ ہے کہ بعض ادوار کے بارے میں گفتگو ہوتی ہے عمران خان کے دامن پر سیاہ دھبے نمایاں ہیں عمران خان کو اپنے دامن میں جھانکنا چاہیے،عدالتیں نوٹسز اور سمن بھیجتی ہیں اور آپ اپنی مرضی کرتے ہیں عمران خان پیغام بھیجتے ہیں کہ ایک عمارت میں نہیں دوسری عمارت میں پیش ہوں گا،آپ نعرے لگاتے ہیں کہ انصاف کے لیے تحریک چلا رہے ہیں دوسری طرف آپ اس عدالت کی تضحیک کرتے ہیں ہر عدالت کی تکریم بالا تر ہے یہ درست ہے کہ عدالتوں پر تنقید دونوں طرف سے ہوتے ہیں ،جب عدالتیں بلاتی ہیں آپ عدالت میں پیش ہوں

    اعظم نذیر تارڑ کا مزید کہنا تھا کہ نواز شریف کو انجینئرڈ طریقے سے وزارت عظمیٰ سے ہٹایا گیا،نواز شریف نے انکساری کے ساتھ عدالتی کارروائی کا احترام کیا، نواز شریف اپنی بیمار اہلیہ کو چھوڑ کر بیٹی کے ساتھ واپس آئے ،عمران خان پر نوٹس پر نوٹس بھیج رہی ہے،عمران خان ٹانگ پر ٹانگ رکھے عدالت پیش ہونے کی زحمت گوارا نہیں کی،عدالتوں پر تحریک چلانے سے پہلے موجودہ عدالتی کارروائیوں پر غور کریں

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

  • عمران خان توشہ خانہ کیس میں مسلسل 7 مرتبہ حاضر نہیں ہوئے،عدالت

    عمران خان توشہ خانہ کیس میں مسلسل 7 مرتبہ حاضر نہیں ہوئے،عدالت

    باغی ٹی وی کی رپورٹ کے مطابق توشہ خانہ کیس میں عمران خان کے 13 مارچ تک وارنٹ گرفتاری معطلی کیس کا عدالت نے تحریری فیصلہ جاری کر دیا ہے

    اسلام آباد ہائیکورٹ نے تحریری فیصلہ جاری کیا ہے ،ناقابل ضمانت وارنٹ منسوخ کرنے کی درخواست پر سماعت کے بعد تحریری فیصلے میں عدالت نے عمران خان کی عدالت میں عدم پیشیوں کی تفصیلات بھی لکھیں، تحریری فیصلے کے مطابق عمران خان توشہ خانہ کیس میں مسلسل 7 مرتبہ حاضر نہیں ہوئے عمران خان مسلسل آئین کی پامالی کر رہے ہیں 15 دسمبر 2022 سے اب تک ایک بار بھی عدالت میں پیش نہیں ہوئے اگرعمران خان 13 مارچ کو بھی عدالت کے سامنے پیش نہ ہوئے تو وارنٹ گرفتاری دوبارہ بحال ہوسکتے ہیں

    گزشتہ روز اسلام آباد ہائی کورٹ نے توشہ خانہ کیس میں سیشن کورٹ کی جانب سے عمران خان کے جاری ناقابل ضمانت وارنٹ منسوخ کرنے کی درخواست پر فیصلہ سناتے ہوئے عمران خان کے وارنٹ گرفتاری معطل کر دیے تھے عدالت نے عمران خان کو حکم دیا کہ وہ 13 مارچ کو سیشن عدالت میں پیش ہوں

    واضح رہے کہ28 فروری کو عدالت میں پیش نہ ہونے پر عدالت نے سابق وزیراعظم عمران خان کے وارنٹ گرفتاری جاری کیے تھے ،اسلام آباد پولیس وارنٹ پر عملدرآمد یقینی بنانے کے لئے زمان پارک گئی تھی مگر عمران خان کو گرفتار نہیں کر سکی تھی، عمران خان کو اسلام آباد ہائیکورٹ نے 13 مارچ تک کا ریلیف دے دیا ہے

    اسلام آباد ہائیکورٹ کے فیصلے کے بعد توشہ خانہ کیس میں ایڈیشنل سیشن جج نے فرد جرم عائد کرنے کے لیے عمران خان کو 13 مارچ کو طلب کر لیا ہے

     عدالت نے عمران خان کو 13 مارچ کو سیشن کورٹ میں پیش ہونے کا حکم دیا

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

  • زمان پارک سے داتا دربار ریلی ،شیڈول جاری

    زمان پارک سے داتا دربار ریلی ،شیڈول جاری

    تحریک انصاف کی ریلی، محکمہ داخلہ پنجاب نے سات روز کے لئے جلسوں،ریلیوں پر لگائی پابندی

    باغی ٹی وی کی رپورٹ کے مطابق محکمہ داخلہ پنجاب نے لاہور میں جلسے جلوسوں اور ریلیوں پر پابندی لگا دی ،اس حوالہ سے نوٹفکیشن جاری کر دیا گیا،پابندی کا نفاذ آج سے شروع ہو گا پابندی آئندہ 7 روز تک جاری رہے گی ، پابندی لاہور میں ٹریفک اورسیکیورٹی کی خراب صورتحال کے پیش نظر لگائی گئی ،

    تحریک انصاف کے چیئرمین عمران خان آج لاہور سے انتخابی مہم کا آغاز کر رہے ہیں ،عمران خان آج لاہور میں ریلی کی قیادت کریں گے،تحریک انصاف کی جانب سے ریلی کا شیڈول جاری کیا گیا ہے، ریلی کا آغاز زمان پارک سے کیا جائے گا،زمان پارک تا داتا دربار ریلی کے شیڈول کے مطابق زمان پارک سے چیئرمین عمران خان کی قیادت میں ریلی ایک بجے داتا دربار کی طرف روانہ ہو گئی۔ زمان پارک میں آنے والے تمام قافلوں کا اکمل خان باری استقبال کریں گے مال روڈ انڈرپاس کراس کرکے علی علی حسن عباس ایڈووکیٹ ریلی کے شرکاء کے لیے دودھ کی سبیل لگائیں گے جیل روڈ انڈر پاس کراس کرکے ناصر سلمان ریلی کے شرکاء کو ویلکم کریں گے ایف سی کالج انڈرپاس کراس کرکے شنیلا روتھ کرسچن کمیونٹی کے ہمراہ ریلی کے شرکاء کا استقبال کرینگے ۔ فیروز پور روڈ نہر پر حاجی کرامت کھوکھر ظہیر عباس کھوکھر ندیم عباس بارا ریلی کے شرکاء کا استقبال کریں گے مسلم ٹاؤن موڑ فیروز پور روڈ پر علامہ اصغر عارف چشتی کی قیادت میں علماء ونگ ریلی کے شرکاء کا استقبال کریں گے

    پتھر مارکیٹ مین فیروز پور روڈ پر انصاف ٹریڈر لاہور کے صدر ملک عثمان اور جنرل سیکرٹری میاں مقبول کی قیادت میں ریلی کے شرکاء کا استقبال کریں گے مین اچھرہ چوک پر میاں محمود الرشید سمن آباد ٹاؤن کے عہدے دران ریلی کے شرکاء کا استقبال کریں گے ایل او ایس چوک میں میاں اسلم اقبال ریلی کے شرکا کا استقبال کریں گے مزنگ چونگی میاں اکرم عثمان علی امتیاز وڑائچ علی حسن عباس ریلی کے شرکاء کا استقبال کریں گے بڑی سکرین نصب کی جائے گی اور عمران خان صاحب ریلی کے شرکاء سے خطاب کریں گے ہمدرد سینٹر کے سامنے لٹن روڈ پر آصف بھٹی کی قیادت میں منیارٹی کے عہدیدران ریلی کے شرکاء کو ویلکم کریں گے ایم اے او کالج ڈاکٹر یاسمین راشد اور داتا گنج بخش ٹاؤن کے عہدے دران ریلی کے شرکاء کو ویلکم کریں گے پی ایم جی چوک پر انصاف لائرز فورم شاداب جعفری اور حسان نیازی کی قیادت میں ریلی کے شرکاء کا استقبال کریں گے گورنمنٹ کالج ناصر احمد انصاری تاجروں کے ہمراہ ریلی کے شرکاء کا استقبال کریں گے سنٹرل ماڈل سکول ملک رضوان ریاض ریلی کے شرکاء کا استقبال کریں گے داتا دربار چوک پر اصغر گجر یاسر گیلانی مہر واجد عظیم ملک وقار محمد خان مدنی اور غلام محی الدین دیوان ریلی کے شرکاء کا استقبال کریں گے

    دوسری جانب محکمہ داخلہ پنجاب نے آج لاہور میں ریلی نکالنےکے معاملے پر تحریک انصاف کو خط لکھا ہے خط میں کہا گیا ہے کہ پی ٹی آئی نے زمان پارک سے داتا دربار تک ریلی نکالنے کا اعلان کیا ہے جب کہ آج عورت مارچ بھی ہے موجودہ صورتحال میں پی ٹی آئی کا اجتماع درست نہیں پی ٹی آئی ریلی کے آرگنائزرز زیادہ حفاظتی انتظامات کریں

    انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس

    عمران خان لاپتہ، کیوں نہ نواز شریف کیخلاف مقدمے کا حکم دوں، عدالت کے ریمارکس

    لاپتہ افراد کا سراغ نہ لگا تو تنخواہ بند کر دیں گے، عدالت کا اظہار برہمی

    لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

     لگتا ہے لاپتہ افراد کے معاملے پر پولیس والوں کو کوئی دلچسپی نہیں

  • بلوچستان پولیس کی ٹیم عمران خان کے وارنٹ گرفتاری لے کر لاہور روانہ

    بلوچستان پولیس کی ٹیم عمران خان کے وارنٹ گرفتاری لے کر لاہور روانہ

    اداروں کے خلاف ہرزہ سرائی، بلوچستان پولیس کی ٹیم عمران خان کے وارنٹ گرفتاری لے کر لاہور روانہ ہو گئی ہے

    عمران خان کے خلاف کوئٹہ میں مقدمہ درج کیا گیا تھا،باخبر ذرائع کے مطابق عمران خان کے خلاف کوئٹہ میں درج مقدمے میں پولیس وارنٹ لے کر زمان پارک آ رہی ہے، بلوچستان پولیس پنجاب پولیس کی مدد سے عمران خان کو گرفتارکرے گی، کوئٹہ میں درج مقدمے میں کہا گیا تھا کہ جب پولیس عمران خان کو گرفتار کرنے ان گھر زمان پارک گئی تو انہوں نے ٹی وی پر آکر اعلیٰ افسران کیخلاف نفرت انگیز تقریر کی جس سے ان کی جان کو خطرہ ہوا اور انہوں نے ریاستی اداروں کے خلاف اپنے لوگوں کو اکسایا.

    تحریک انصاف کے رہنماؤں کا کہنا ہے کہ عمران خان کے خلاف کوئٹہ میں کیس عدالتی فیصلوں کی خلاف ورزی ہے اعلیٰ عدلیہ کے فیصلوں کا مذاق اڑایا جا رہا ہے یہ صورتحال ناقابل قبول ہے،چیف جسٹس عدلیہ کے واضح فیصلوں کی توہین کا نوٹس لیں،وزیر اعظم، وزیر داخلہ اور وزرائے اعلیٰ کو طلب کیا جائے،عالم کاکڑ نائب صد رپی ٹی آئی بلوچستان کا کہنا ہے کہ عمران خان کیخلاف مقدمہ درج ہونے پر کارکن سخت مشتعل ہیں، حکومت اوچھے ھتکنڈوں پہ اتر آئی ہے ، عمران خان کیخلاف ایف آئی آر کوئٹہ کا امن و امان خراب کرنے کی سازش ہے،آئی جی بلوچستان پولیس اور عوام کے تعلقات میں دراڑ ڈالنے والوں کیخلاف نوٹس لے، فوری طور پر بوگس مقدمہ واپس لیا جائے

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا

    دوسری جانب عمران خان نے تمام کیسز میں ویڈیولنک کے ذریعے حاضری کیلئے درخواست دائر کر دی ،دائر درخواست میں کہا گیا کہ اسلام آباد کے تمام کیسز میں ویڈیو لنک پر پیشی کی اجازت دی جائے، دوسری صورت میں اسلام آباد کے تمام کیسز جوڈیشل کمپلیکس منتقل کی جائیں سکیورٹی وجوہات پر ذاتی پیشی سے عدالتی کارروائیاں بھی تعطل کا شکار ہوتی ہیں، پولیس کو عدالت پیشیوں کے دوران مکمل سیکیورٹی فراہم کرنے کا حکم دیاجائے، موٹروے ہائی وے پر بھی سیکیورٹی فراہمی کے احکامات دیئے جائیں،

  • عمران خان نااہلی کیس،سماعت بغیرکاروائی ملتوی

    عمران خان نااہلی کیس،سماعت بغیرکاروائی ملتوی

    عمران خان کی نااہلی کیس،سماعت بغیر کاروائی ملتوی
    اسلام آبادہائیکورٹ ،ذاتی معلومات چھپانے پر عمران خان کی نااہلی کا کیس ،اسلام آباد ہائیکورٹ میں عمران خان کی نااہلی کی درخواست پر سماعت بغیر کارروائی ملتوی کر دی گئی ,جسٹس محسن اختر کیانی کے رخصت پر ہونے کے باعث سماعت آج نہیں ہوسکے گی اسلام آباد ہائی کورٹ کے چیف جسٹس کی سربراہی میں لارجربینچ نے آج کیس کی سماعت کرنی تھی

    لاپتہ افراد کی بازیابی کیلئے دائر متفرق درخواستوں پر سماعت بھی بغیر کارروائی ملتوی کر دی گئی،لاپتہ افراد کیس میں وزارت دفاع کی اپیلوں پر سماعت بھی بغیر کارروائی ملتوی کر دی گئی،

    واضح رہے کہ اسلام آباد کے شہری محمد ساجد نے عمران خان کی نااہلی کی درخواست دائر کر رکھی ہے ,درخواست میں موقف اختیار کیا گیا ہے کہ عمران خان نے کاغذاات نامزدگی جمع کراتے وقت غلط معلومات فراہم کیں ،عمران خان نے بچوں کی تفصیل میں ایک بچے کی معلومات چھپائیں، عمران خان نے اپنے کاغذات نامزدگی میں اپنی بیٹی کا ذکر نہیں کیا درخواست میں استدعا کی گئی ہے کہ عدالت کاغذات نامزدگی میں جھوٹ بولنے پر عمران خان کو نااہل قرار دے، عدالت آئین کے آرٹیکل 62 ون ایف کے تحت عمران خان کو نااہل قرار دے۔

    انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس

    عمران خان لاپتہ، کیوں نہ نواز شریف کیخلاف مقدمے کا حکم دوں، عدالت کے ریمارکس

    لاپتہ افراد کا سراغ نہ لگا تو تنخواہ بند کر دیں گے، عدالت کا اظہار برہمی

    لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

     لگتا ہے لاپتہ افراد کے معاملے پر پولیس والوں کو کوئی دلچسپی نہیں

  • توشہ خانہ کیس،13 مارچ تک عمران خان گرفتاری سے بچ گئے

    توشہ خانہ کیس،13 مارچ تک عمران خان گرفتاری سے بچ گئے

    اسلام آباد ہائیکورٹ میں توشہ خانہ فوجداری کا رروائی کے کیس میں عمران خان کی وارنٹ منسوخی کی درخواست پر سماعت ہوئی،

    عدالت نے محفوظ فیصلہ سنا دیا، عدالت نے عمران خان کو 13 مارچ کو سیشن کورٹ میں پیش ہونے کا حکم دیا عمران خان 13مارچ تک گرفتاری سے بچ گئے اسلام آباد ہائیکورٹ نے عمران خان کی وارنٹ معطل کرنے کی درخواست منظور کرلی ،عدالت نےعمران خان کو توشہ خانہ کیس میں 13 مارچ کو ٹرائل کورٹ میں پیش ہونے کا حکم دیا

    اسلام آباد ہائیکورٹ کے چیف جسٹس عامر فاروق نے سماعت کی ، عمران خان کے وکیل قیصر امام، علی بخاری اور بیرسٹر گوہر عدالت کے سامنے پیش ہوئے ، ایڈووکیٹ جنرل اسلام آباد جہانگیر جدون بھی عدالت میں موجود تھے۔وکیل عمران خان نے کہا کہ 28 فروری کیلئے عمران خان کی طلبی کا کیس سماعت کیلئے مقرر تھا،عمران خان 28 فروری کو 2 سپیشل کورٹس اور ایک ہائیکورٹ میں پیش ہوئے ناقابل ضمانت وارنٹ جاری کئے جس کے بعد منسوخی کی درخواست بھی خارج ہو گئی اسلام آباد ہائیکورٹ کے چیف جسٹس عامرفاروق نے ریمارکس دیتے ہوئے کہا کہ وارنٹ گرفتاری کے تو نہیں تھے؟ وکیل عمران خان نے کہا کہ وارنٹ گرفتاری کے تھے، اسلام آباد ہائیکورٹ کے چیف جسٹس عامرفاروق نے مسکراتے ہوئے ریمارکس دیتے ہوئے کہا کہ قیصر صاحب!اب ایسی بات نہ کریں، یہ وارنٹ ان کی پیشی یقینی بنانے کیلئے تھا ،وکیل عمران خان نے کہا کہ ابھی ہم نے 2 درخواستیں قابل سماعت ہونے سے متعلق دائر کرنی ہیں، چیف جسٹس ہائیکورٹ نے کہا کہ کورٹ فریم آف چارج کیلئے ہی تو بلا رہی ہے،عدالت نے عمران خان کی حاضری یقینی بنانے کیلئے حکم دیا ہے

    اسلام آباد ہائیکورٹ کے چیف جسٹس عامرفاروق نے ریمارکس دیتے ہوئے کہا کہ آپ پیش نہیں ہوئے،وکیل عمران خان نے کہا کہ جووارنٹ لے کر کھڑے ہیں وہ چاہتے ہیں گرفتار کیا جائے،2 مقدمے اسی بنیاد پر درج کئے گئے اسلام آباد ہائیکورٹ کے چیف جسٹس عامرفاروق نے ریمارکس دیتے ہوئے کہا کہ وہ مقدمے کسی اور وجہ سے درج ہوئے،عدالت نے استفسار کیا آپ نے اس آرڈر کے تحت پیش ہونا تھا اب یہ بتائیں کب پیش ہونا ہے؟وکیل عمران خان نے کہا کہ اس وقت عمران خان کے خلاف 4 مقدے درج ہوئے ہیں۔عدالت نے کہا کہ چارج فریم کیلئے آپ کب ٹرائل کورٹ کے سامنے پیش ہوں گے؟ابھی عدالت ٹرائل کورٹ کو کارروائی سے روکنے کا کوئی حکم نہیں دے رہی،چارج فریم ہو جائے اس کے بعد جتنی مرضی آپ استثنیٰ لے لیں،

    اسلام آباد ہائیکورٹ کے چیف جسٹس عامرفاروق نے ریمارکس دیتے ہوئے کہا کہ آپ کو ہائیکورٹ میں 9 مارچ کو پیش ہونا ہے کیا آپ عدالت کو یقین دہانی کرا سکتے ہیں آپ نے واقعی اس دن عدالت پیش ہونا تھا،عدالت نے عمران خان کے وکیل سے مکالمہ کرتے ہوئے کہا کہ آپ جس دن پیش ہو سکتے ہیں وہ تاریخ دے دیں ،سسٹم کے ساتھ مذاق نہ کریں ،آپ کو سہولت دیتا ہوں توپھر ہر کسی کو یہ سہولت دوں گا،آپ صبح یا ابھی ہدایات لے کر آجائیں عدالت سن لے گی،ایڈووکیٹ جنرل نے کہا یہ ایک طرف سکیورٹی ایشو اٹھا رہے ہیں دوسری طرف مہم شروع کررہے ہیں،عدالت نے ایڈووکیٹ جنرل کو ہدایت کی کہ سیاسی بات نہ کریں

    وکیل بیرسٹر گوہر نے کہا کہ عمران خان کو سکیورٹی خدشات بھی ہیں،عدالت نے کہا کہ عمران خان کب ٹرائل کورٹ پیش ہوں گے؟عدالت کو ہدایات لے کر بتا دیں ، عدالت نے کہا ہمیں روزانہ تھریٹس آ رہے ہیں کیا میں یہ عدالت بند کر دوں ؟ آئی جی میرے پاس آئے کہ ججز کو سکیورٹی تھریٹس ہیں، میں آپ کے ساتھ سکیورٹی تھریٹس خطوط شیئر کر دیتا ہوں، اسلام آباد ہائیکورٹ کے چیف جسٹس عامرفاروق نے ریمارکس دیتے ہوئے کہا کہ گزشتہ ہفتے ہائیکورٹ میں کیا ہوا؟ کیا بے نظیر بھٹو کے واقعہ کو دہرانا چاہتے ہیں؟ آپ کچھ لوگ آئیں تاکہ ایسی صورتحال ہی نہ بنے۔

    چیف جسٹس اسلام آباد ہائی کورٹ نے توشہ خانہ کیس میں فرد جرم کے لئے دو ماہ کی مہلت کی پیش کش کردی ، کہا کہ آپ بیان حلفی دیں کہ عدالت میں پیش ہوں گے میں دو ماہ کے لئے ٹرائل روک دیتا ہوں۔ عمران خان سے مشورہ کرلیں۔ چیف جسٹس نے سماعت میں نصف گھنٹے کا وقفہ کردیا

    بعد ازاں دوبارہ سماعت ہوئی، تو عمران خان کے وکیل نے کہا کہ ہم نے مشاورت کی ہے عمران خان چار ہفتے میں پیش ہو جائیں گے،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ یعنی میری دو ہفتے والی بات درست ثابت ہوئی،وارنٹ منسوخ نہیں کرسکتے پھر ٹرائل کورٹ کو کارروائی مکمل کرنے دیتے ہیں چار ہفتے بعد بھی کچہری ایف ایٹ میں ہی رہے گی کوئی نئے حالات نہیں ہونگے ،پھر میں ٹرائل کورٹ سے کہتا ہوں وہ اشتہاری قرار دینے کی کارروائی شروع کرے،اس طرح چار ہفتے میں اشتہاری قرار دینے کی کارروائی بھی مکمل ہو جائے گی،اسکا مطلب ہے عمران خان 9 مارچ کو ہائیکورٹ میں بھی پیش نہیں ہونگے؟ اسلام آباد ہائیکورٹ کے چیف جسٹس عامر فاروق نے عمران خان کے وکیل سے مکالمہ کرتے ہوئے کہا کہ کوئی مناسب بات کریں،ایڈوکیٹ جنرل اسلام آباد نے کہا کہ عمران خان پیش نہیں ہورہے، تاخیری حربے اپنائے جارہے ہیں ،اب یہ کہیں گے جج ہمارے گھر آجائیں ان کے کہنے پر اب ہم یہ گزارش کر دیتے ہیں،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ 9مارچ کو آپ کا کیس 3 بجے سماعت کے لیے مقرر ہوا ہے،وکیل عمران خان نے کہا کہ سیکیورٹی کے حوالے سے مناسب انتظامات کا حکم دے دیں عمران خان پر وزیر آباد میں قاتلانہ حملہ ہوچکا ہے، عدالت نے کہا کہ جان اللہ کی امانت ہے ایک دن دینی ہے،مقامی عدالت پیشی کے موقع پر سیکیورٹی کے انتظامات کرے گی آپ فکر نہ کریں، کچہری جہاں بھی ہوگی وہاں مجمع ہوتا ہے ہمیں خود کو خود گارڈ کرنا ہے ،ہم مناسب آرڈر جاری کریں گے،

  • قانون سب کے لیے برابر، توشہ خانہ کیس کا فیصلہ دیں گے،عدالت

    قانون سب کے لیے برابر، توشہ خانہ کیس کا فیصلہ دیں گے،عدالت

    اسلام آباد کی مقامی عدالت میں عمران خان کے خلاف توشہ خانہ کیس کی سماعت ہوئی

    ایڈیشنل سیشن جج ظفر اقبال نے الیکشن کمیشن کی کمپلینٹ پر سماعت کی ،وکیل عمران خان نے کہا کہ ہمیں سمجھ نہیں آ رہی 9 مارچ کو پیش ہونے کا کس نے کہا ہے؟ جج ظفر اقبال نے کہا کہ 9 مارچ کو ہائیکورٹ اور جوڈیشل کمپلیکس میں عمران خان کے کیسز کی سماعت ہے، 9مارچ کو تو عمران خان نے اسلام آباد آنا ہی ہے توشہ خانہ کیس کو قانون کے مطابق چلایا جائے گا، عمران خان کی وارنٹ منسوخی کی درخواست پر فیصلہ آدھے گھنٹے میں سنایا جائے گا

    قبل ازیں ڈسٹرکٹ اینڈ سیشن کورٹ اسلام آباد میں عمران خان کے خلاف توشہ خان کیس کی سماعت میں وقفے کے بعد جج نے ریمارکس دیئے کہ سوا 3 بجے توشہ خانہ کیس کا فیصلہ کردیا جائے گا۔ڈسٹرکٹ اینڈ سیشن کورٹ اسلام آباد میں عمران خان کے خلاف توشہ خانہ کیس کی سماعت جاری ہے۔عمران خان کے خلاف توشہ خانہ کیس کی سماعت ایڈیشنل سیشن جج ظفر اقبال کر رہے ہیں۔عمران خان کے جونیئر وکیل سردار مصروف خان، محسن شاہنواز رانجھا اور الیکشن کمیشن کے وکیل سعد حسن عدالت پیش ہوئے۔آج سماعت میں دو بار وقفہ ہوا، دوسرے وقفے کے بعد عمران خان کے وکیل شیر افضل مروت اور فیصل چوہدری عدالت میں پیش ہوئے۔

    وکیل شیر افضل مروت نے عدالت میں کہا کہ عمران خان کے وارنٹ منسوخی پر اپیل اسلام آباد ہائیکورٹ میں دائرکردی ہے۔
    جج نے ریمارکس  دیئے کہ اسلام آباد ہائیکورٹ میں اپیل کے باعث ہی کیس کی سماعت میں وقفہ کیا تھا، دیکھ لیتے ہیں لیکن سوا 3 بجے توشہ خانہ کیس کا فیصلہ کردیاجائے گا۔ وکیل شیرافضل مروت نے کہا کہ عمران خان کے سیشن عدالت میں نہ آنے کے پیچھے چند وجوہات تھیں، عمران خان نے متعدد بار کہا کہ ان کی جان کو خطرہ ہے۔

    جج ظفر اقبال نے عمران خان کے وکیل سے سوال کیا کہ عمران خان آج بھی  پیش نہیں ہو رہے کیا؟عمران خان کے وکیل نے بتایا کہ عمران خان کی پیشی کا مجھے معلوم نہیں، تاہم لیگل ٹیم کچھ دیر میں آ جائے گی۔ جج نے سوال کیا کہ آپ کے پاس عمران خان کی کچہری پیشی کی کوئی انفارمیشن نہیں؟وکیل سردار مصروف خان نے کہا کہ عمران خان کی سینئر لیگل ٹیم 10 بجے عدالت پیش ہو گی۔جج ظفر اقبال نے پھر استفسار کیا کہ عمران خان کے ضامن پیش نہیں ہوئے؟عمران خان کے وکیل نے کہاکہ ضامن کو کیسے نوٹس کرسکتے؟ طریقہ کار مکمل نہیں ہوا۔جج نے ریمارکس دیتے ہوئے کہا کہ ضامن پابند ہیں کہ عمران خان عدالت پیش ہوں۔عدالت نے اس سے قبل سماعت میں 10 بجے تک وقفہ کیا تھا۔

    وقفے کے بعد سماعت کا آغازہوا، الیکشن کمیشن کے وکیل نے دلائل دیتے ہوئے کہا کہ عمران خان کی پیشی کا صبح صبح بتا دیا کریں، وقت کیوں ضائع کرتے ہیں۔وکیل شیر افضل مروت نے عدالت میں پیش ہو کر کہا ہے کہ وکالت نامہ ایک دو دن تک دے دیتا ہوں۔وکیل شیر افضل مروت نے دلائل دیتے ہوئے کہا کہ عمران خان کی لیگل ٹیم اسلام آباد ہائی کورٹ میں موجود ہے۔عمران خان کے وکیل نے استدعا کی اگلے ہفتے کوئی تاریخ دے دیں، جج نے ریمارکس دیتے ہوئے کہا کہ عمران خان کی طلبی کے لیے سماعت چل رہی ہے۔ وکیل شیرافضل مروت نے کہا کہ عمران خان کی صحت خراب ہے، معذوری کی حالت ہے، دنیا میں عمران خان سے متعلق تماشہ چل رہا ہے۔الیکشن کمیشن کے وکیل نے کہا کہ ضامن کو عدالت نوٹس کرے اور شورٹی کو کینسل کیا جائے۔ الیکشن کمیشن کے وکیل کی جانب سے 9 مارچ تک سماعت ملتوی کرنے کی استدعا کی گئی ہے۔
    محسن شاہنواز رانجھا نے کہا کہ 9 مارچ کو عمران خان نے ہائی کورٹ میں پیش ہونا ہے، وہ یقینی طور پر 9 مارچ کو اسلام آباد ہائی کورٹ میں پیش ہوں گے۔عمران خان کے وکیل نے کہا کہ مجھے بتایا گیا ہے کہ عمران خان کے لیے اگلے ہفتے کچہری پیش ہونا آسان ہو گا۔جج نے ریمارکس دیتے ہوئے کہا کہ یعنی دوسرے لفظوں میں عمران خان نے 9 مارچ کو بھی سیشن عدالت پیش نہیں ہونا۔

    جج نے وکیل شیر افضل مروت پر اعتراض کرتے ہوئے کہا کہ آپ کا وکالت نامہ پہلے آنا چاہیے، بات بعد میں ہونی چاہیے۔
    جج نے ریمارکس دیتے ہوئے کہا کہ عمران خان کے وکیل نہیں آئے، کیا کریں اس کا؟ میں نے انتظار بھی اس لیے کیا کہ شاید اسلام آباد ہائی کورٹ کا کوئی فیصلہ آ جائے گا، اگر صورتحال یہی رہنی ہے تو کوئی فیصلہ کر دیتے ہیں، عمران خان خود بھی ابھی تک ذاتی طور پر پیش نہیں ہوئے۔ جج نے عمران خان کے وکیل شیر افضل مروت کو وکالت نامہ جمع کروانے کی ہدایت کر دی۔وکیل شیر افضل مروت نے کہا کہ 11 بجے عمران خان کی جانب سے وکالت نامہ دے دیتا ہوں۔

    جج نے کہا کہ ظاہر ہو رہا ہے کہ عمران خان آج بھی سیشن عدالت میں پیش نہیں ہوں گے۔محسن شاہنواز رانجھا نے کہا کہ میں نے عمران خان کے خلاف ریفرنس دائر کیا، چھ ماہ سے معاملہ چل رہا ہے۔جج نے ریمارکس دیتے ہوئے کہا کہ عمران خان کے کیس میں قانون سب کے لیے برابر ہو گا، قانون کے مکمل تقاضوں کو پورا کر کے توشہ خانہ کیس کو چلایا جائے گا۔ عمران خان کے وکیل نے دو بجے تک سماعت میں وقفہ کرنے کی استدعا کر دی۔عدالت نے سماعت کی مزید کارروائی کے لیے 2 بجے تک وقفہ کر دیا

  • توشہ خانہ گھڑی کیس، نیب ٹیم کی یو اے ای میں تحقیقات، عمران خان مشکل میں

    توشہ خانہ گھڑی کیس، نیب ٹیم کی یو اے ای میں تحقیقات، عمران خان مشکل میں

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، نیب ٹیم نے گھڑی کے حوالہ سے بیانات ریکارڈ کر لئے، آنیوالے دنوں میں عمران خان اور بشریٰ بی بی کے لئے مزید مشکلات کھڑی ہو سکتی ہے

    باخبر ذرائع کے مطابق نیب کی چار رکنی ٹیم یو اے ای گئی، رضوان خان نے نیب ٹیم کی سربراہی کی، نیب ٹیم نے یو اے ای میں عمران خان کی جانب سے توشہ خانہ سے لی جانے والی گھڑی فروخت کرنے کے حوالہ سے تحقیقات کی گئیں، نیب ٹیم نے یو اے ای میں گھڑی سے متعلقہ افراد کے بیانات ریکارڈ کئے اور معلومات لیں، باخبر ذرائع کے مطابق نیب نے توشہ خانہ کی قیمتی گھڑی جو سابق وزیراعظم عمران خان نے فروخت کی تھی، کی تحقیقات شروع کر رکھی ہیں اور عمران خان کو طلب بھی کر رکھا ہے، نیب کی ٹیم یو اے ای گئی اور تحقیقات کیں، نیب ٹیم نے توشہ خانہ کی وہ گھڑی جس کو عمران خان نے فروخت کیا اس کی یو اے ای میں ویری فکیشن کی، نیب ٹیم نے گھڑی سے متعلقہ ڈاکومنسٹس کو سیز کیا، نیب ٹیم نے یو اے ای میں گھڑی کی ویلیو ایشن کے حوالہ سے بھی تحقیقات کیں، باخبر ذرائع کے مطابق نیب ٹیم دکاندار سے بھی ملی جس نے نیب ٹیم کو یہ بتایا کہ یہ گھڑی دنیا میں ایک ہی ہے، اس جیسا کوئی دوسرا پیس کمپنی نے نہیں بنایا، یہ ایک ہی گھڑی تھی جو عمران خان کو تحفہ میں ملی اور انہوں نے آگے فروخت کری، نیب تحقیقاتی ٹیم کو کہا گیا کہ گھڑی کی ویلیوایشن کے لئے گراف کے آفس لندن رابطہ کریں، نیب ٹیم نے شفیق سے بھی تحقیقات کیں جس کی جعلی رسیدیں دکھائی گئی تھیں، آرٹ آف ٹائم والوں نے نیب ٹیم کو بیان ریکارڈ کرواتے ہوئے کہا کہ یہ رسیدیں ہماری نہیں تھیں، جعلی لگائی گئی ہیں

    تحریک انصاف کی جانب سے جس دکاندار کی رسیدیں دکھائی گئی تھیں ، شفیق نامی دکاندار میڈیا پر پہلے بھی بیان دے چکے ہیں میں نے کوئی گھڑی نہیں خریدی اور نہ مجھے اس کا علم ہے میرے خلاف پرو پیگنڈا چل رہا ہے کہ میں نےعمران خان کی گھڑی خریدی لیکن میں نے کوئی گھڑی خریدی ، نہ مجھے اسکا کوئی علم ہے نہ وہ میرا بل ہے، نہ دستخط اور نہ ہینڈ رائٹنگ ہے

    عمران خان کی اہلیہ بشریٰ بی بی کی دوست فرح گوگی نے گھڑی دبئی میں معروف کاروباری شخصیت عمر فاروق کو فروخت کی تھی، فرح گوگی خود دبئی گئی تھی اور گھڑی بیچی تھی، مذکورہ گھڑی کا سیٹ سعودی ولی عہد محمد بن سلمان نے عمران خان کو تحفہ دیا تھا جو عمران خان نے توشہ خانہ سے خرید لیا، عمران خان نے جو گھڑی بیچی اس گھڑی کا سیٹ گراف نے تیار کیا یہ کمپنی گھڑیوں میں ہیرے جواہرات جڑنے کے لیے بھی مشہور ہے، عمران خان کی جانب سے فروخت کی جانے والی گھڑی ایک سپیشل ایڈیشن ہے جس کے ڈائل پر خانہ کعبہ کا ماڈل بھی بنا ہوا ہے اور اس میں ہیرے بھی جڑے ہوئے ہیں اس سیٹ پر بہت باریک بینی اور مہارت کے ساتھ 16 قیراط کے 266 ہیروں کی کندہ کاری کی گئی جبکہ گھڑی میں 18 قیراط سونا استعمال کیا گیا ہے

    نیب نے توشہ خانہ کیس میں عمران خان کو اور ان کی اہلیہ بشری بی بی کو 9 مارچ کو طلب کررکھا ہے، عمران خان کو نیب راولپنڈی کی جانب سے نوٹس جاری کیا گیا ہے اور انہیں ریکارڈ بھی ساتھ لانے کی ہدایت کی گئی ہے نوٹس میں کہا گیا ہے کہ عمران خان نے اپنے دور حکومت میں ملنے والے تحائف کو خلاف قانون فروخت کیا نیب نے 8 نومبر 2022 کو عمران خان کے خلاف توشہ خانہ کیس میں تحقیقات شروع کی تھیں

    GRAFF Certificate Cufflinks Certificate_Fountain Pen Set Certificate_GR46899_Diamond GIA diamond grading report_2194668569 GIA dimond grading report_2185824138 GIA dimond grading report_2197581954 KSA Spec.edition collection Set 2

  • عمران خان کے خلاف توہین عدالت کی کارروائی ناقابل سماعت قرار

    عمران خان کے خلاف توہین عدالت کی کارروائی ناقابل سماعت قرار

    لاہور ہائیکورٹ نے چیئرمین تحریک انصاف عمران خان کے خلاف توہین عدالت کی کارروائی کو ناقابل سماعت قرار دے دیا۔

    باغی ٹی وی: توہین عدالت کی کارروائی کے لیے درخواستوں پر سماعت ہوئی، لاہور ہائیکورٹ نے آفس اعتراض کو برقرار رکھتے ہوئے درخواستوں کو ناقابل سماعت قرار دے دیا-

    غلط بیانی کرنے اور کار سرکار میں مداخلت پر شبلی فراز پر مقدمہ درج

    لاہور ہائیکورٹ نے کہا کہ بادی النظر میں عمران خان کے بیانات سپریم کورٹ کے جج کے بارے ہیں،ایسے میں درخواستیں ہائیکورٹ میں کیسے قابل سماعت ہیں-

    آفس ہائیکورٹ نے درخواست کے قابل سماعت ہونے پر اعتراض لگا یا تھااور آفس ہائیکورٹ نے درخواست گزار کو سپریم کورٹ سے رجوع کرنے کی ہدایت کی تھی۔ اعتراض کیا گیا تھا کہ ججوں کو درخواست میں فریق نہیں بنایا جا سکتا۔

    واضح رہے کہ درخواست گزار نے آفس ہائیکورٹ کے اعتراض کو چیلنج کیا تھا۔ جسٹس شجاعت علی خان نے مشکور احمد کی اعتراض کی درخواست پر سماعت کی جس میں عمران خان کو فریق بنایا گیا درخواست میں استدعا کی گئی تھی کہ لاہورہائیکورٹ عمران خان کے خلاف توہین عدالت کی کارروائی کرے ،اپیل میں عمران خان کے ناقابل ضمانت وارنٹ گرفتاری خارج کرنے کی استدعا کی گئی تھی-

    جنرل (ر ) باجوہ یا فیض حمید سے متعلق کوئی بات نہیں کی،سابق چیف …

    درخواست میں موقف تھا کہ عمران خان کی سربراہی میں عدلیہ کے خلاف منظم مہم چلائی جا رہی ہے، ڈپٹی اسپیکر کی رولنگ کو کالعدم قرار دینے پر ججز کےخلاف مہم چلائی گئی لاہور ہائیکورٹ اور اسلام آباد میں پیشی پر عمران خان جتھوں کے ساتھ عدالتوں میں پیش ہوئے لیکن سرکاری عمارتوں کو نقصان اور نعرے بازی کرتے ہوئے عدالت میں پیش ہونا توہین عدالت ہے۔

    اسلام آباد کے جوڈیشل کمپلیکس پر پلان کر کے حملہ کیا گیا جس کے ماسٹر مائنڈ عمران خان تھے، عمران خان نے عدلیہ کو پریشرائز کرنے کے لیے ورکرز کو جوڈیشل کمپلیکس بلایا درخواست میں استدعا کی گئی تھی کہ لاہور ہائیکورٹ عمران خان کے خلاف توہین عدالت کی کارروائی کرے، عدالت عمران خان کو عدالت میں طلب کر کے جواب دہی کرے۔

    کوئٹہ میں دھماکا،6 افراد جاں بحق

  • غلط بیانی کرنے اور کار سرکار میں مداخلت پر شبلی فراز پر مقدمہ درج

    غلط بیانی کرنے اور کار سرکار میں مداخلت پر شبلی فراز پر مقدمہ درج

    لاہور: اسلام آباد پولیس نے شبلی فراز سمیت ڈیڑھ سو نامعلوم کارکنوں کے خلاف مقدمہ درج کرا دیا۔

    باغی ٹی وی : پاکستان تحریک انصاف (پی ٹی آئی) کے چیئرمین عمران خان کو وارنٹ گرفتاری موصول کرانےکے لیے لاہور آنے والی اسلام آباد پولیس نے یہ مقدمہ ایس ایچ او تھانہ سیکرٹریٹ اسلام آباد ندیم طاہر کی مدعیت میں تھانہ ریس کورس لاہور میں درج کرایا –

    پی ٹی آئی رہنما شاہ محمود قریشی اور فواد چودھری کے خلاف مقدمہ درج

    ایف آئی آر کے مطابق ایس ایچ او تھانہ سیکرٹریٹ اسلام آباد ندیم طاہر ایڈیشنل سیشن جج اسلام آباد کی جانب سے جاری وارنٹ گرفتاری لے کر عمران خان نیازی کی رہائش گاہ زمان پارک لاہور پہنچے۔

    ایف آئی آر میں کہا گیا ہےکہ شبلی فراز نے غلط بیانی کرتے ہوئےکارِ سرکار میں مداخلت کی اور لکھ کر دیا کہ عمرن خان نیازی وہاں موجو دنہیں ہیں، اس موقع پرڈنڈوں سے مسلح 100 سے ڈیڑھ سو کارکنوں نے انہیں روکے رکھا اور جان سے مارنے کی دھمکیاں بھی دیں۔

    قبل ازیں پی ٹی آئی کے سینئر رہنما فواد چوہدری اور شاہ محمود قریشی کے خلاف ایک اور مقدمہ درج کیا گیا ہے، مقدمہ نمبر 373 محمد وسیم سب انسپکٹر کی مدعیت میں تھانہ ریس کورس لاہور میں درج کیا گیا۔

    جنرل (ر ) باجوہ یا فیض حمید سے متعلق کوئی بات نہیں کی،سابق چیف

    ایف آئی آر میں مقدمہ درج کرنے کی وجہ شاہ محمود قریشی اور فواد چوہدری کی زمان پارک میں پریس کانفرنس اور اس کے باعث رش کی وجہ سے کینال روڈ بلاک ہونا لکھی گئی ہے، مزید یہ کہ فواد چوہدری نے فتنہ انگیزی اور اشتعال انگیزتقریر کی انہوں نے عوام کو حکومت پاکستان کے ریاستی اداروں کے خلاف اکسایا، انہوں نے شارع عام پر آمدورفت میں خلل ڈال کر جرم کا ارتکاب کیا۔

    مقدمہ میں روڈ بلاک، دھمکیوں، اشتعال انگیز تقاریر سمیت دیگر دفعات شامل کی گئی ہیں جب کہ ایف آئی آر میں یہ بھی کہا گیا کہ فواد چوہدری نے ریاستی اداروں پر قتل کی منصوبہ بندی کا بھی الزام لگایا۔

    رمضان المبارک میں قرآن پاک کے 10 لاکھ نسخے تقسیم کرنے کی منظوری

    مارچ 7, 2023