لاہور: اسلام آباد کی ڈسٹرکٹ اینڈ سیشن کورٹ نے توشہ خانہ کیس میں جج نے ریمارکس دیئے کہ ضامن پابند ہیں کہ عمران خان عدالت پیش ہوں-

باغی ٹی وی :چیئرمین پی ٹی آئی عمران خان کے جونیئر وکیل سیشن کورٹ اسلام آباد میں پیش ہوئے،ن لیگی رہنما محسن شاہنواز رانجھا اور الیکشن کمیشن کے وکیل بھی عدالت میں پیش ہوئے-

پی ٹی آئی رہنما شاہ محمود قریشی اور فواد چودھری کے خلاف …

جج نے وکیل سے استفسار کیا کہ کیاعمران خان آج بھی نہیں پیش ہورہے ؟ وکیل نے کہا کہ عمران خان کی پیشی کا مجھے معلوم نہیں لیکن لیگل ٹیم کچھ دیر کے بعد پیش ہوگی-

جج نے استفسار کیا کہ آپ کے پاس عمران خان کی کچہری پیشی کی کوئی انفارمیشن نہیں؟ وکیل مصروف خان نے کہا کہ عمران خان کی سینئر لیگل ٹیم 10 بجے عدالت پیش ہوگی-

نیب قوانین میں ترامیم؛ چیئرمین نیب کو مزید بااختیار بنانے کا فیصلہ کرلیا گیا

جج سیشن کورٹ اسلام آباد نے استفسار کیا کہ عمران خان کے ضامن پیش نہیں ہوئے؟ جس پر وکیل مصروف خان نے کہا کہ ضامن کو کیسے نوٹس کرسکتے ہیں؟ طریقہ کار مکمل نہیں ہوا، جج سیشن کورٹ اسلام آباد نے کہا کہ ضامن پابند ہیں کہ عمران خان عدالت پیش ہوں-

وکیل الیکشن کمیشن نے کہا کہ عمران خان کی پیشی کا صبح بتا دیا کریں، وقت کیوں ضائع کرتےہیں-

سیشن کورٹ اسلام آباد میں عمران خان کے خلاف توشہ خانہ کیس کی سماعت میں 10بجےتک وقفہ کر دیا-

ٹوئٹر سروس ایک بار پھر ڈاؤن؛ صارفین کو تصاویر اور ویڈیوز تک رسائی میں مشکلات

سیشن کورٹ اسلام آباد میں عمران خان کے خلاف توشہ خانہ کیس کی سماعت وقفے کے بعد دوبارہ شروع ہو ئی تو وکیل شیرافضل مروت سیشن کورٹ اسلام آباد میں پیش ہوئے-

وکیل شیرافضل نے کہا کہ وکالت نامہ ایک دو دن تک دے دیتاہوں،عمران خان کی لیگل ٹیم اسلام آباد ہائیکورٹ میں ہے وکیل شیرافضل مروت نے استدعا کی کہ اگلے ہفتے کوئی تاریخ دےدیں-

جج نے ریمارکس دیئے کہ عمران خان کی طلبی کے لیے سماعت چل رہا ہے، عمران خان کی صحت خراب ہے، معذوری کی حالت ہے،دنیا میں عمران خان کے حوالے سے تماشہ چل رہا ہے-

وکیل الیکشن کمیشن نے کہا کہ ضامن کو عدالت نوٹس کرے اور شورٹی کوکینسل کیاجائے-

الیکشن کمیشن کے وکیل نے سماعت 9 مارچ تک ملتوی کرنے کی استدعا کر دی ،محسن شاہنواز رانجھا نے کہا کہ 9مارچ کو عمران خان نے ہائیکورٹ پیش ہونا ہے،عمران خان یقینی طور پر 9 مارچ کو اسلام آباد ہائیکورٹ پیش ہوں گے-

وکیل عمران خان نے کہا کہ مجھے بتایا گیا ہےکہ عمران خان کے لیے اگلے ہفتے کچہری پیش ہونا آسان ہوگا، جج نے کہا کہ یعنی دوسرے لفظوں میں عمران خان نے 9 مارچ کو بھی سیشن عدالت پیش نہیں ہونا-

جج نے عمران خان کے وکیل شیرافضل مروت کو وکالت نامہ جمع کروانے کی ہدایت کردی،وکیل شیرافضل مروت نے کہا کہ 11بجے عمران خان کی جانب سے وکالت نامہ دےدیتاہوں،جج نے کہا کہ ظاہر ہورہاہے کہ عمران خان اج بھی سیشن عدالت پیش نہیں ہوں گے-

دوسری جانب عمران خان آج بھی سیشن عدالت کے سامنے ذاتی حیثیت پر پیش نہیں ہوئے،ان کی لیگل ٹیم کا کہنا ہے کہ عمران خان کو درپیش سیکیورٹی مسائل اور جان کے خدشے سے متعلق خدشات ہیں-

ذرائع لیگل ٹیم کے مطابق عمران خان نے حفاظتی ضمانتوں کے ڈرافٹ ہر دستخط کر دئیے ہیں، ہائیکورٹ فیصلے کے بعد حفاظتی ضمانت لینے یا نہ لینے کا فیصلہ لیا جائے گا-

خیال رہے کہ 28 فروری کو عدالت نے عدم پیشی پر عمران خان کے وارنٹ گرفتاری جاری کیے تھے، عدالت نے اسلام آباد پولیس کو احکامات جاری کیے تھے کہ عمران خان کو گرفتار کرکے 7 مارچ (آج) کو عدالت میں پیشی یقینی بنائی جائے۔

گزشتہ روز عدالت نے عمران خان کے توشہ خانہ کیس میں جاری ناقابل ضمانت وارنٹ گرفتاری کی منسوخی کی درخواست کو مستردکر دیا تھا۔

ناقابل ضمانت وارنٹ گرفتاری جاری ہونے کے باوجود اسلام آباد پولیس تاحال عمران خان کو گرفتار کرنے میں ناکام ہے۔

یاد رہے کہ توشہ خانہ کیس میں ایڈیشنل سیشن جج نے فردجرم عائدکرنےکے لیے عمران خان کو 8 جنوری سے طلب کر رکھا ہے لیکن ہر پیشی پر عمران خان کی جانب سے طبی یا سکیورٹی وجوہات کے باعث حاضری سے استثنیٰ کی درخواستیں دائر ہوتی رہیں۔

عدالت نے گزشتہ روز وارنٹ منسوخی کی درخواست مسترد کرنے کے تفصیلی فیصلے میں قرار دیا تھا کہ عمران خان جان بوجھ کر سیشن عدالت پیش نہیں ہوئے۔

باغی ٹی وی کی رپورٹ کے مطابق ن لیگی رہنما وفاقی وزیر دفاع خواجہ آصف نے کہا ہے کہ عمران خان کو گرفتار کرنے سے بہتر ہے انہیں دوڑائیں،

خواجہ آصف کا کہنا تھا کہ عمران کی سیاسی بزدلی سے تو حکومت کو فائدہ ہے،گزشتہ روز قوم نے عمران خان کی بزدلی دیکھی،عمران خان گرفتار ی سے چھپ رہے تھے شبلی فراز کہتے ہیں کہ عمران خان یہاں نہیں ہیں حقیقت میں عمران خان وہیں سے خطاب کررہے تھے،جہاں بھی اتحادی حکومت ہوتی ہے وہاں چھوٹے موٹے اختلاف ہوتے ہیں ،اختلافات باہمی گفتگو سے حل ہو جاتے ہیں پیپلز پارٹی وزرا نے ہمیشہ اتحادی حکومت کا ساتھ دیا ،

خواجہ آصف کا مزید کہنا تھا کہ بلاول بھٹو کہتے ہیں مسلم لیگ ن کے وزراء تعاون نہیں کررہے ہوسکتا ہے انکا اعتراض درست ہو ہمیں پیپلزپارٹی کے وزراء سے سپورٹ ملتی ہے اور ہمارے وزراء کوشش کرتے ہیں میرا خیال ہے کل عمران خان کی گرفتاری نہیں ہوئی توبہترہوا اس طرح کی بزدلی دیکھتے رہیں توہمارا ہی فائدہ ہے بجائے اسکے کہ عمران خان کو جیل میں بند کردیا جائے کوئی کہتا ہے عمران خان واش روم میں چھپے ہوئے تھے کوئی کہتا ہے اسٹور میں چھپے ہوئے تھے عمران خان گرفتارنہ ہونا بہت اچھا ہوا ہے

بے بس عوام:بےحس افسران:ACسیالکوٹ اورفردوس عاشق کےدرمیان ہونے والی نوک جھوک:ویڈیووائرل

اسلام آباد : وفاقی وزیر اطلاعات مریم اورنگزیب کا کہنا ہے کہ عمران خان نے پاکستان کے آئین اور قانون کو یرغمال بنا رکھا ہے-

باغی ٹی وی: تفصیلات کے مطابق وفاقی وزیر اطلاعات مریم اورنگزیب نے اپنے بیان میں عمران خان پر کڑی تنقید کرتے ہوئے کہا کہ عوام کافی دنوں سے دیکھ رہی ہے کہ گھڑی چور کو جب پولیس پکڑنے آتی ہے تو یہ چوہوں کی طرح بل میں گھس جاتا ہے جس دن یہ شخص پیش ہوگا پکڑاجائےگا، عمران خان کارکنوں کو ڈھال بناکربچ جاتاہے گھڑی چورجب پولیس کودیکھتاہےتو بھاگ جاتاہے اور پولیس کےجاتے ہی عمران خان بڑھکیں مارنا شروع کردیتا ہے-

توشہ خانہ کیس: عمران خان کی ناقابل ضمانت وارنٹ گرفتاری کی منسوخی کی درخواست پر فیصلہ محفوظ

وفاقی وزیر اطلاعات مریم اورنگزیب اہم گفتگو کر رہی ہیں ۔ https://t.co/j8McB4gfxV

— PMLN (@pmln_org) March 6, 2023

وفاقی وزیر اطلاعات نے عمران خان کو مخاطب کرتے ہوئے کہا کہ تم نےچوری نہیں کی توبھاگ کیوں رہےہوعدالت میں پیش ہو۔

ان کا کہنا تھا کہ اس شخص نےپاکستان کےقانون اورآئین کویرغمال بنارکھاہے، اسے معلوم ہےکہ یہ عدلیہ پر حملہ آور ہوگا تو اسے ضمانت مل جائے گی اس شخص نے پاکستان کے عوام کو لوٹا ہے، مہنگائی کی چکی میں پیسا ہے،یہ شخص جانتا ہے کہ جس دن یہ عدالت میں پیش ہوگیا تو یہ پکڑا جائے گا۔

مریم نواز کیخلاف توہین عدالت کی کارروائی کے لیے دائر درخواست پرفیصلہ محفوظ

عدالت آئے گا عدالت پر حملہ کرے گا غنڈہ گردی کرے گا تو ضمانت مل جائے گی،فارن ایجنٹ بدمعاشی کرے گا جج کو گالی دے گا عدالت کو دھمکائے گا تو ضمانت مل جائے گی،اور یہ معلوم ہو چکا ہے کہ اس شخص کو قانون لے ہاتھ پکڑ نہیں سکتے اور یہ اس بات کا ثبوت ہے کہ یہ چوہا گیدڑ عدالت میں اس لئے پیش نہیں ہوتا کیونکہ یہ گھڑی چور بھی ہے فارن ایجنٹ بھی ہے یہ جس دن عدالت میں پیش ہوگا پکڑا جائے گا-

وزیر اطلاعات کا کہنا تھا کہ اسے جب پولیس پکڑنے آتی ہے تو یہ چیخیں مارنے لگتا ہے اور بل میں گھس جاتا ہے،یہ خود کو بچانے کے لئے عورتوں اور بچوں کو ڈھال بنا لیتا ہے، پورے کا پورا نظام اس کے ہاتھوں مجبور ہے۔

انھوں نے مزید کہا کہ عمران خان کوکوئی گرفتار نہیں کر سکتا اور عدالت اسے بلا نہیں سکتی، غلاظت اگلتا ہے اداروں کے خلاف اگر اس نے جرم نہیں کیا تو عدالت میں پیش ہو۔

لاہور ہائیکورٹ عمران خان کے دو مقدمات میں حفاظتی ضمانت کی درخواستوں پر اعتراض لگا …