Baaghi TV

Tag: عمران خان

  • ملک کی بہتری کیلیے آرمی چیف سے بات کرنے کو تیار ہوں،عمران خان

    ملک کی بہتری کیلیے آرمی چیف سے بات کرنے کو تیار ہوں،عمران خان

    چیئرمین پی ٹی آئی عمران خان سے صحافیوں نے ملاقات کی، اس ملاقات میں عمران خان نے صحافیوں سے بات کرتے ہوئے کہا ہے کہ میری اسٹیبلشمنٹ سے کوئی لڑائی نہیں، کوئی یہ سمجھتا ہے گھٹنے ٹیک دوں تو یہ نہیں ہو سکتا، اب کوئی بات کرنے کو تیار نہیں تو میں کیا کروں، ملک کی بہتری کے لیے آرمی چیف سے بات کرنے کو تیار ہوں، میں چیلنج کرتا ہوں مجھ اور اہلیہ پر ایک کرپشن کا کیس ثابت کر دیں،

    عمران خان کا کہنا تھا کہ آرمی چیف ہی میرے خلاف کوئی کرپشن کا کیس نکال لیں، ایسے لگتا ہے آرمی چیف مجھے اپنا دشمن سمجھ رہے ہیں، ہماری اسٹیبلشمنٹ کو سمجھ نہیں ہے کہ سیاست کیا ہوتی ہے، پورا زور لگایا گیا کہ پرویز الہی میرا ساتھ چھوڑ دیں، اب ہم نے پرویز الہی کے ساتھ وفاداری دکھانی ہے،میں کسی کے ساتھ بے وفائی نہیں کر سکتا، جان کے خطرے سے متعلق میری ریکارڈ شدہ ویڈیو موجود ہے، یہ ویڈیو بیرون ملک موجود ہے، اگر ایک ہی بار میں عام انتخابات ہو جائیں تو پیسے کی بچت ہو گی، ع جنرل ریٹائرڈ باجوہ نے میری کمر میں چاقو مارا، ہم پی ڈی ایم کے امپائرز کے باوجود الیکشن جیتیں گے، اوورسیز پاکستانی پی ٹی آئی کے ساتھ ہیں، مخصوص نشستوں پر خواتین بھی چاہتی ہیں وہ وزیراعلی پنجاب بنیں، پنجاب کے وزیراعلی کا فیصلہ ابھی کر لیا تو قتل عام ہو جائے گا،

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    فرح خان کیسے کرپشن کر سکتی ؟ عمران خان بھی بول پڑے

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    عمران خان کا مزید کہنا تھا کہ محمد بن سلمان اب بھی میرے ساتھ رابطے میں ہیں،جنرل ریٹائرڈ باجوہ نے روس کی مخالف میں تقریر کی، اس تقریر پر جنرل ریٹائرڈ باجوہ کا کورٹ مارشل ہونا چاہیے، فوج کا مضبوط ہونا بہت ضروری ہے، اسلام آباد ہوائی جہاز سے نہ جانے کا فیصلہ رات 12 بجے کیا، خبر آئی کہ مجھے ہوائی اڈے سے گرفتار کر کے بلوچستان لے جانا چاہتے تھے، جنہوں نے میری حفاظت کرنی ہے مجھے ان سے ہی خطرہ ہے، جیل میں ڈالنے سے اور ووٹ پڑتے ہیں،

  • معلوم نہیں عمران خان کی ٹانگ خراب ہے یا دماغ،اسحاق ڈار پھٹ پڑے

    معلوم نہیں عمران خان کی ٹانگ خراب ہے یا دماغ،اسحاق ڈار پھٹ پڑے

    باغی ٹی وی کی رپورٹ کے مطابق ن لیگی رہنما، وفاقی وزیر خزانہ اسحاق ڈار نے کہا ہے کہ عمران خان نے ملک کو تباہی کے دہانے پر لا کھڑا کیا،

    اسحاق ڈار کا کہنا تھا کہ آج عمران خان کو آئینہ دکھاؤں گا،عمران خان اپنا ماضی کا ریکارڈ دیکھیں،عمران خان کے وزیر خزانہ ڈیفالٹ ڈیفالٹ کی رٹ لگاتے ہیں،اللہ کے فضل سے نہ دیوالیہ ہوئے نہ ہوں گے اتحادی حکومت نے سیاست پر ریاست کو ترجیح دی،ملک ڈیفالٹ ہونے کی سوچ رکھنے والے اپنے مفاد رکھتے ہیں،عمران خان کو اپنے اقتدار کے سوا کچھ نظر نہیں آتا،عمران خان کی خواہش ہے کہ ملک ڈیفالٹ کرے،ملکر بیٹھ کرسوچیں کہ پاکستان کو کیسے استحکام دینا ہے،عمران خان کی حکومت نے ملکی معیشت کابیڑاغرق کیا،بہت سے لوگوں نے کہا کہ آپ نے بیوقوفی کی،عمران خان خود گرجاتا،

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

    لاہور میں خواجہ سرا کو قتل کر دیا گیا

     سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ

    خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

    وزیرخزانہ اسحاق ڈار کا مزید کہنا تھا کہ ڈیفالٹ کی باتیں کرنے سے اسٹاک مارکیٹ پر اثر پڑتا ہے مس مینجمنٹ اور بیڈ گورننس پاکستان کے یہاں پہنچنے کی وجہ بنی،پی ٹی آئی حکومت نے مالی خسارہ 7.9 پر چھوڑا تھا، پاکستان میں سیلاب کی وجہ سے ہمیں گندم باہرسے منگوانا پڑی،معلوم نہیں عمران خان کی ٹانگ خراب ہے یا دماغ،فی کس آمدنی میں ہم نے ماضی میں 27 فیصد اضافہ کیا حکومت ملتے ہی سیلاب آیا اور اربوں ڈالرز کا نقصان ہوا،سیلاب کی وجہ سے 30 ارب ڈالر سےزائد کا نقصان برداشت کرنا پڑا ،حکومت کسی کی میراث نہیں ہے حکومت میں ہوں یا اپوزیشن میں کوئی فرق نہیں پڑتا سیاست کی جگہ ریاست بچائی ہے اس پر فخر ہے پاکستان کو نقصان پہنچانا عمران خان کی سیاست کا حصہ ہے عمران خان حقائق سے ہٹ کرباتیں کرتے ہیں،عمران خان نے ریاست کا نہیں سیاست کا سوچا،سیلاب متاثرین کی بحالی کیلئے 16ارب ڈالر کے وعدے ملے ہیں،پی ٹی آئی حکومت نے مالی خسارہ 7.9پر چھوڑا تھا ،جولائی 2022سے فروری2023میں مہنگائی کی شرح26فیصد ہے،کم آمدن والے افراد کی فلاح و بہبود کیلئے خصوصی اقدامات کیے جا رہے ہیں عمران خان اپنے سارے افلاطون لے آئے اور مناظرہ کرلیں،پاکستان کو درپیش معاشی مشکلات کے پیچھے عمران نیازی کی نااہلی ہے۔

  • فواد چودھری کے کارنامے حامد خان کی زبانی

    فواد چودھری کے کارنامے حامد خان کی زبانی

    تحریک انصاف کے رہنما حامد خان کے فواد چودھری کے بارے میں ریمارکس سامنے آئے ہیں

    حامد خان انکشاف کرتے ہیں کہ میں نے پاکستان کی عدالتی تاریخ پر کتاب لکھی ہے،جو 2015 میں چھپی ہے،اور اس میں لاہور ہائیکورٹ کی تاریخ کے حوالہ سے افتخار حسین چودھری صاحب،جو 2002 سے 2007 تک چیف جسٹس رہے ہیں،انکے دور کے بارے میں تاریخی حوالے سے لکھا ہے کہ اس دور میں بڑی بد عنوانیاں ہوئی ہیں، صحافی نے حامد خان سے سوال کیا کہ کل رانا ثناء اللہ نے انکو فواد چودھری کے ساتھ جوڑا ہے، کیا وہ صحیح کہہ رہے ہیں جس پر حامد خان کا کہنا تھا کہ بات یہی ہے یہی شخص تھا لیکن میں نام لینا مناسب نہیں سمجھتا

    واضح رہے کہ فواد چودھری اور اسکے بھائی کی آڈیو آج لیک ہوئی ہے، آڈیو لیک ہونے پرن لیگی رہنما عطا تارڑ نے ٹویٹ کرتے ہوئے کہا کہ ان کو نہیں معلوم راشد بھائی، ہم صرف اور صرف اللہ تعالٰی سے ڈرتے ہیں۔ سزا سے کس کو ڈراتے ہیں یہ، نہیں ڈرتے ہم ان کی دھمکیوں سے۔ ایک جج کو کلین چٹ دینے کے لئے، ہر چیز داو پر لگا رہے ہیں۔ میری آج کی پریس کانفرنس کو سنسر کیا گیا

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

    لاہور میں خواجہ سرا کو قتل کر دیا گیا

     سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ

    خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

  • فرح گوگی اور اسکے خاندان کی بیرون ملک کمپنیاں

    عمران خان کے خلاف عدم اعتماد آئی ، کامیاب ہوئی،وہ سابق وزیراعظم ہو گئے، اسوقت سے فرح گوگی کے مسلسل چرچے ہیں

    ن لیگ نے فرح گوگی پر الزام لگائے تو عمران خان فرح گوگی کے ترجمان بن کر پریس کانفرنس کرتے رہے، فرح گوگی نے جو کرپشن کی اسکے ثبوت بھی آ چکے ہیں، اب دی نیوز میں فخر درانی کی ایک رپورٹ شائع ہوئی ہے جس میں بتایا گیا ہے کہ جس وقت عمران خان بیرون ملک مقیم پاکستانیوں کو کہہ رہے تھے کہ پاکستان میں سرمایہ کاری کریں، اسوقت فرح گوگی جو عمران خان کی اہلیہ بشریٰ بی بی کی دوست ہے ، فرح اور اسکا خاندان بیرون ممالک میں کاروبار کرتا رہا اور اسی دوران برطانیہ میں نئی کمپنیاں قائم کی گئیں، فرحت شہزادی نے 2019 سے 2021 کے درمیان برطانیہ میں چار ریئل اسٹیٹ کمپنیاں قائم کیں جن میں سے ایک کمپنی ان کے اور ان کے شوہر کے نام جبکہ تین ان کی بہن کے نام پر ہیں۔ مجموعی طور پر فرح کی بہن مسرت خان کے نام پر برطانیہ میں 6؍ کے قریب کمپنیاں قائم ہیں

    فرح گوگی اور ان کے شوہر احسن اقبال جمیل پر کرپشن کے سنگین الزامات ہیں اور یہ لوگ فی الوقت بیرون ملک قیام پذیر ہیں عمران خان کی حکومت میں فرح گوگی کی دولت میں بے پناہ اضافہ ہوا اور اندازہ ہے کہ ان کی دولت میں 4 گنا اضافہ ہوا ہے ،فرح خان، ان کے شوہر اور 3 دیگر پارٹنرز نے 14مئی 2020 کو برطانیہ میں گولڈ اسٹار یورو کے نام سے کمپنی حاصل کی۔ دی نیوز کے مطابق ذرائع نے بتایا کہ فرح اور ان کے شوہر نے یہ کمپنی منی لانڈرنگ کیلئے حاصل کی تاہم، فرح خان کے شوہر نے ان الزامات کو مسترد کر دیا ہے

    فرح خان کی بہن مسرت خان نے ریئل اسٹیٹ کیلئے بلیک ایپل انویسٹمنٹ کے نام سے 9 نومبر 2021 کو کمپنی رجسٹر کرائی۔ دی نیوز کے پاس دستیاب دستاویزات کو دیکھ کر معلوم ہوتا ہے کہ یہ کمپنی فیس یا کنٹریکٹ کی بنیاد پر مینجمنٹ کا کام بھی کرتی ہے۔ فرح کی بہن نے ایک اور کمپنی 19 اگست 2019 کو رجسٹر کرائی تھی جس کا نام ال معیز ہے اور یہ بھی ریئل اسٹیٹ کمپنی ہے۔ ال معیز اس خاندان کا برانڈ ہے کیونکہ پاکستان میں بھی فرح خان کے کئی کاروبار اسی نام سے چلتے ہیں جن میں ال معیز ڈیری بھی شامل ہے۔ ایف آئی اے کا کہنا ہے کہ فرح شہزادی نے فیصل آباد میں ال معیز ڈیری کیلئے سبسڈی پر 10.3 ایکڑ پلاٹ حاصل کیا

    مسرت خان کی ایک اور کمپنی ڈی ایم کے انٹرپرائزز لمیٹڈ کے نام سے ہے جو 4جولائی 2019 کو رجسٹر کرائی گئی، کمپنی مارچ 2021 میں ختم کر دی گئی۔ اس کے علاوہ مسرت خان کی دیگر کمپنیوں کے نام دایان انٹرپرائزز، میکسیمم ایم کے ٹریڈنگز، ڈی خانز کنسٹرکشن وغیرہ ہیں۔دی نیوز کے پاس دستاویزات سے معلوم ہوتا ہے کہ فرح، مسرت اور احسن اقبال جمیل کے اکاؤنٹس میں پیسے آ تو رہے ہیں لیکن آؤٹ فلو کوئی نہیں، فرح خان نے غیر ملکی زر مبادلہ کی مد میں 41 لاکھ 90 ہزار 400 ر وپے وصول کیے جبکہ ان کی بہن کو دو سال میں غیر ملکی زر مبادلہ کی صورت میں 8کروڑ 40 لاکھ ملے،

    عمران خان کے وزیراعظم بننے سے پہلے یعنی 2017 تک فرح خان کی دولت صرف 231 ملین روپے تھی لیکن عمران خان حکومت کے تین سال میں 2021 تک یہ دولت بڑھ کر 971 ملین روپے ہوگئی۔ فرح اور ان کے شوہر نے عمران خان کی ہی حکومت میں کالا دھن سفید کرنے کی اسکیم (ٹیکس ایمنسٹی اسکیم 2019) سے بھی استفادہ کیا۔

    رابطہ کرنے پر احسن اقبال جمیل کا کہنا تھا کہ ایف آئی اے نے جو مقدمہ درج کیا ہے وہ خالصتاً سیاسی بنیادوں پر ہے، وزیر داخلہ، مریم نواز، عطا تارڑ اور دیگر سرکاری عہدیدار کئی مرتبہ فرحت شہزادی کو دھمکیاں دے چکے ہیں اور ان میں ریڈ وارنٹس کا بھی ذکر کر چکے ہیں۔ ہم اسلام آباد میں ایک اسپتال قائم کرنا چاہتے تھے لیکن معاملات منصوبہ بندی سے آگے نہ بڑھ سکے۔یورو اسٹار کے ساتھ کوئی پراپرٹی جڑی نہیں ہے، یہ صرف ایک کارپوریشن تھی جس کے اثاثہ جات صفر تھے۔ جب ان سے پوچھا گیا کہ جب اسپتال اسلام آباد میں بنانا تھا تو کمپنیاں برطانیہ میں کیوں رجسٹر کرائی گئیں تو انہوں نے کہا کہ میرے خیال میں بیرون ممالک سے کئی ڈاکٹرز نے تجویز دی تھی کہ وہ ایسی کمپنیوں میں حصہ لیں گے، کئی ناموں پر غور کیا گیا، معاملات صرف پلاننگ کی سطح تک ہی رہے، کوئی مالی لین دین نہیں ہوا۔ ہم لوگ ٹیکس دینے والے لوگ ہیں، ہماری جتنی جائیداد ہے اس پر ہم ٹیکس دیتے ہیں اور یہ سب اعلانیہ جائیدادیں ہیں، کرپشن کا کوئی ثبوت موجود نہیں ہے۔

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    فرح خان کیسے کرپشن کر سکتی ؟ عمران خان بھی بول پڑے

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

     

  • عمران خان کی جان لینے کی دوبارہ کوشش ہو رہی ہے،بابر اعوان کا دعویٰ

    عمران خان کی جان لینے کی دوبارہ کوشش ہو رہی ہے،بابر اعوان کا دعویٰ

    باغی ٹی وی کی رپورٹ کے مطابق تحریک انصاف کے رہنما بابر اعوان نے کہا ہے کہ تازہ ترین اطلاعات ہیں کہ عمران خان کی ایک بار پھر جان لینے کی کوشش ہو رہی ہے

    بابر اعوان نے پریس کانفرنس کرتے ہوئے کہا کہ عمران خان ایک بڑی جمہوری پارٹی کے سربراہ ہیں اطلاعات پہلے سے تھیں کہ عمران خان پر قاتلانہ حملہ ہو گا عمران خان نے خود پر قاتلانہ حملے سے متعلق دوبار بتایا عمران خان پر قاتلانہ حملے میں ایک کارکن شہید اور 11 زخمی ہوئے ہیں عمران خان کی جان لینے کی دوبارہ کوشش ہو رہی ہے عمران خان کے موقف پر ایف آئی آر اب تک نہیں کاٹی گئی عمران خان کو سنائپر یا خود کش حملے میں نشانہ بنانے کی سازش ہے عمران خان کو سیکیورٹی کے حوالے سے تنہا کیا جارہا ہےعمران خان کو اسلام آباد کچہری بلا کر بم سے اُڑانے کا منصوبہ بنایا جا رہا ہے اسلام آباد کچہری میں ایک نہیں کئی قتل ہوئے مگر قاتل کا پتہ نہیں چلتا

    متنازع یو ٹیوبر میجرریٹائرڈ عادل راجہ نے بھی گزشتہ روز ایک ٹویٹ کی جس میں عادل راجہ نے عمران خان کو قتل کرنے کی منصوبہ بندی ہو رہی ہے، عادل راجہ نے ماضی کی طرح اداروں پر الزام لگائے تھے، ممکنہ طور پر تحریک انصاف کے رہنما اسی کو بنیاد بنا کر یہ دعویٰ کر رہے ہیں کہ عمران خان کو قتل کیا جا سکتا ہے، گزشتہ روز وفاقی وزیر داخلہ رانا ثناء اللہ نے بھی عادل راجہ کے پروپیگنڈہ کے بعد کہا تھا کہ وزیراعظم شہباز شریف کی ہدایت پر حکومت نے تحریک انصاف کے حامی ان مجرم بھگوڑوں کے خلاف سخت قانونی کارروائی کا فیصلہ کیا ہے جو اندرون و بیرون ملک بیٹھ کر قومی اداروں اور ان کے سربراہ کے خلاف مذموم بھارتی ایجنڈا چلا رہے ہیں۔ پاکستان دشمن مہم کی مذمت کرتے ہیں، ان زبانوں کو لگام ڈالیں گے۔

    پاک فوج کے حاضرسروس افسر نے پاک فوج کے ریٹائرڈ افسر کے خلاف برطانیہ میں ہتک عزت کا مقدمہ دائر کردیا

     جواد احمد نے کہا ہے کہ عادل راجہ جیسے گھٹیا کردار پی ٹی آئی کی ایما پر پاکستان کی نمائندہ فنکارائوں‌ کے خلاف مہم چلا رہا ہے.

    ہ عادل راجہ نے اداکارائوں کے خلاف اخلاق سے گرا بیان دیکر اپنا آپ ظاہر کر دیا ہے

  • پی ٹی آئی کا فوری انتخابی مہم شروع کرنیکا فیصلہ، پرویزالہیٰ

    پی ٹی آئی کا فوری انتخابی مہم شروع کرنیکا فیصلہ، پرویزالہیٰ

    باغی ٹی وی کی رپورٹ کے مطابق سابق وزیراعلیٰ پنجاب، تحریک انصاف کے رہنما چودھری پرویز الہیٰ نے کہا ہے کہ پی ٹی آئی نے انتخابی مہم فوری شروع کرنے کا فیصلہ کیا ہے،

    پرویز الہیٰ کا کہنا تھا کہ عمران خان ہفتے کی شام سے انتخابی مہم کا آغاز کر دیں گے، ن لیگ پریشان ہے کہ اس کا سیاسی مستقبل تاریک ہو چکا ہے، عمران خان سیاست کے ہیرو ہیں ، عوام کے دلوں میں بستے ہیں، حکمران عدلیہ کوتقسیم کرنےکی سازش کر رہے ہیں،عدالتی بینچ کے فیصلوں سے مرضی کا مطلب اخذ کیا جا رہا ہے، عدلیہ کے خلاف کوئی سازش برداشت نہیں کریں گے،حکومت آئین اورعدلیہ سے کھیلنےکی کوشش نہ کرے ،آئین اور عدلیہ سےکھیلنے کی کوشش کی گئی تو وکلا بھرپور مزاحمت کریں گے پی ڈی ایم کو الیکشن کے نام سے سیاسی موت نظر آ رہی ہے،

    ،ڈی سی کیماڑی کے دفترکے باہر پیپلزپارٹی اور پی ٹی آئی کے احتجاج کے دوران کارکنان میں تصادم

     پیپلز پارٹی اور جماعت اسلامی کا کراچی بلدیاتی الیکشن کے بعد رابطہ

    متنازع ٹوئٹ کیس؛ اعظم خان سواتی کے بیٹے نے چیف جسٹس اسلام آباد ہائیکورٹ کے خلاف عدم اعتماد کا خط واپس لے لیا۔
    ڈومیسٹک کرکٹرز کی سن لی گئی، پیر سے بقایاجات کی ادائیگی کا کام شروع

    تحریک انصاف کے رہنما حماد اظہر کا کہنا تھا کہ الیکشن کمیشن کو جانبدار بنادیا، مذاق بنا دیا گیا ہم بار بار خبردار کر تے رہے کہ ان سے معیشت نہیں چلنی،گزشتہ روز واضح فیصلے پر زیر قانون اور اٹارنی جنرل نے کیا کہا سب کو علم ہے اسحاق ڈار چار ماہ آئی ایم ایف کو آنکھیں دکھاتے رہے، آج دوست ممالک، عالمی اداروں کو پی ڈی ایم پر اعتماد نہیں رہا، شوکت ترین اورعمران خان پرجعلی پرچے بنوا دیئے گئے،ملک کو نئے مینڈیٹ کی ضرورت ہے، عوام مایوس ہوچکے ہیں ، مایوسی غصے میں تبدیل ہورہی ہے، ہمارا ملک 11 ماہ پہلے کہاں کھڑا تھا، اب کہاں ہے، کوئی امید نہ رکھے کہ یہ لوگ باہر نکل سکیں گے، دنیا کو پتہ ہے کہ پی ڈی ایم حکومت منتخب نہیں،عمران خان نے لیگل ٹیم تشکیل دے دی ہے، جعلی کیسز سے کچھ نہیں ہوتا معاملات آگے چلے گئے ،سنا ہے حکمرانوں نے ذمہ داروں کو کہا کہ الیکشن ہوئے تو آئی ایم ایف سے بات نہیں کرینگے

  • عمران خان نے اپنے جرم کوچھپانے کے لیے لوگوں کاسہارا لیا،رانا ثنااللہ

    عمران خان نے اپنے جرم کوچھپانے کے لیے لوگوں کاسہارا لیا،رانا ثنااللہ

    اسلام آباد: وفاقی وزیر داخلہ رانا ثنااللہ نے کہا ہےکہ عمران خان نے اپنے جرم کوچھپانے کے لیے لوگوں کاسہارا لیا-

    باغی ٹی وی :اسلام آباد میں پریس کانفرنس کرتے ہوئے وزیر داخلہ رانا ثنااللہ نے کہا کہ عمران خان نے اپنے جرم کوچھپانےکےلیے لوگوں کاسہارا لیا،عمران خان گزشتہ روز جوڈیشل کمپلیکس میں ہجوم سمیت داخل ہوئے-

    انہوں نے کہا کہ 3چارسو بندوں کو جمع کرنا مشکل کام نہیں ،عمران خان نے گزشتہ روز سازش کےتحت لوگوں کوجمع کیااور طے کرکے عدالت پر حملہ کیا، اسلام آباد ہائیکورٹ اور جوڈیشل کمپلیکس پر حملہ ناقابل قبول ہے، کوشش کریں گے عمران خان کو عدالتوں پر حملے کے کیس میں گرفتار کریں۔

    انہوں نے کہا کہ جیل بھرو تحریک میں یہ لوگ شوق سے جیل میں گئے اب اندر جانے والے باہر آنے کے لیے منتیں کررہے ہیں گزشتہ روز ہجوم اور ہنگامے پر پی ٹی آئی رہنماوں کے خلاف مقدمہ درج کیاگیا-

    وفاقی وزیر داخلہ نے کہا کہ عمران خان کے ناز نخرے اٹھائے گئے، عدلیہ سے اپیل ہے آپ نے اسے رعایت دی، اس کے نخرے اٹھائے اس کو وقت دیا اب اس کا یہ نتیجہ نکلا، اس میں نہ کوئی اخلاق ہے اور نہ ہی کوئی انسانیت ہے۔

    لیگی رہنما نے کہا کہ سپریم کورٹ کے فیصلے میں اختلاف رائے ہے ،ہائیکورٹ میں زیرالتو ہونے پر ججز نے اختلافی نوٹ لکھا،وفاقی حکومت سپریم کورٹ فیصلے کو تسلیم کرے گی، اکثریتی فیصلہ 4 تین سے ہے،سپریم کورٹ کے 2ججز نے از خود نوٹس کو غیر قانونی قراردیا ،اختلاف کرنے والے ججز کی تعداد 4 ہے ،2 ججز نے سابق ارکان کی تائید کی عمران خان جب تک رہے گا اس وقت تک یہی حال رہے گا-

  • عمران خان صادق اور امین ہیں تو کیوں چھپ رہے ہیں،عطا تارڑ

    عمران خان صادق اور امین ہیں تو کیوں چھپ رہے ہیں،عطا تارڑ

    وزیراعظم پاکستان محمد شہباز شریف کے مشیر خاص اور رہنما مسلم لیگ ن عطا تارڑ کا کہنا ہے کہ عمران خان صادق اور امین ہیں تو کیوں چھپ رہے ہیں-

    باغی ٹی وی: عطاتارڑ نے کہا کہ کوشش کی جا رہی ہے کہ اس معاملے کو مزید تاخیر کی جا ئے، عمران خان نے گوشواروں میں ذاتی معلومات چھپائی ہیں،عمران خان اس کیس کو تاخیر کا شکار کرنا چاہتے ہیں-

    عطا تارڑ کا کہنا ہے کہ عمران خان مسلسل عدالتوں سے بھاگ رہے ہیں،ایک وزیراعظم کو بیٹے سے تنخواہ نہ لینے پر نااہل کیا گیا،عمران خان کا کیس جھوٹے بیان حلفیہ کا بھی ہے،اگلے ہفتے جب اس کیس کی سماعت ہوگی، دلائل مکمل ہوں گے-

    لیگی رہنما کا کہنا ہے کہ اگر چھپانے کیلئے کچھ نہیں تو دائرہ اختیار کو چیلنج کیوں کیا جارہا ہے، فارن فنڈنگ کیس کو مکمل ہونے میں 6 سال لگے،آپ کی سیکیورٹی کے لیے خار دار تاریں لگائی گئی ہیں، کل جو صحافیوں کے ساتھ ہوا اس کی مذمت کرتا ہوں-

    عطا تارڑ کا مزید کہنا تھا کہ بچنے کے لیے جو حیلے بہانے تلاش کر رہے ہیں، یہ مناسب نہیں، باہر آپ بڑھکیں مارتےہیں، عدالتوں میں آکر کہتے ہیں یہ کیس آپ کے دائرہ اختیار میں نہیں ،عدالتوں کے اندر جلسے کیے جاتے ہیں جو قابل مذمت ہے-

  • ٹریان وائٹ سے متعلق تمام ریفرنسسز ریکارڈ پر لانے کا حکم

    ٹریان وائٹ سے متعلق تمام ریفرنسسز ریکارڈ پر لانے کا حکم

    اسلام آباد ہائیکورٹ نے عمران خان نااہلی کیس میں ٹریان وائٹ کیس سے متعلق تمام ریفرنسسز ریکارڈ پر لانے کا حکم دے دیا۔

    باغی ٹی وی: چیف جسٹس عامرفاروق کی سربراہی میں اسلام آباد ہائیکورٹ کے لارجر بنچ نے عمران خان نااہلی کیس کی سماعت کی جسٹس محسن اختر کیانی اور جسٹس ارباب محمد طاہر لارجر بینچ میں شامل ہیں –

    وکیل سلمان اکرم راجہ نے کہا کہ عمران خان نے متفرق درخواست دائر کی ہے جس پر اعتراض عائد کیا گیا،نادرا نے بائیومیٹرک تصدیق سے انکار کر دیا ہے-

    چیف جسٹس نے کہا کہ آپ کسی د کان پر چلے جائیں وہاں بائیومیٹرک ہو جائے گا،عمران خان کے وکیل نے گزشتہ سماعت پر اعتراض اٹھایا تھا،عمران خان کے وکیل کا موقف ہے کہ قومی اسمبلی کے رکن نہیں ہیں-

    وکیل سلمان اکرم راجہ نے کہا کہ عمران خان کے رکن قومی اسمبلی نہ ہونے پر درخواست قابل سماعت نہیں-

    مدعی کے وکیل اور سابق جسٹس حامد علی شاہ نے کہا کہ عمران خان نے بیٹی ٹیریان جیڈ وائٹ کوکاغذات نامزدگی میں ظاہرنہیں کیا لہذا ہماری استدعا ہے کہ عمران خان کو نااہل قرار دیا جائے،عمران خان حلف نہ اٹھا کر بھی ممبر قومی اسمبلی ہیں-

    عمران کے وکیل سلمان اکرم راجہ نے کہا کہ دو دفعہ الیکشن کمیشن اس معاملے کا فیصلہ کر چکا ہے۔

    عدالت نے استفسار کیا کہ اگر عمران خان ممبر قومی اسمبلی نہیں تو پھر کیا صورت حال بنے گی ؟ مدعی کے وکیل اور سابق جسٹس حامد علی شاہ نے کہا کہ عمران خان ابھی بھی ممبر قومی اسمبلی ہیں۔

    عدالت نے کہا کہ کیا آپ نے دیکھا لاہور ہائیکورٹ نے ابھی فیصلہ دیا ہے الیکشن کمیشن نا اہل نہیں کر سکتا؟ اہلیت دیکھنے کا اختیار ہائی کورٹس اور عدالتوں کا ہے۔

    چیف جسٹس عمر فاروق نے استفسار کیا کہ کیا حلف اٹھانے کیلئے کوئی مدت متعین ہے؟حامد علی شاہ نے کہا کہ قانون حلف لینے کیلئے کوئی مدت مقرر نہیں کرتا،چودھری نثار حلف نہ اٹھا کر بھی ممبر صوبائی اسمبلی ہیں-

    چیف جسٹس ہائیکورٹ نے کہا کہ اسحاق ڈار کے حلف سے متعلق معاملہ بھی الیکشن کمیشن کے سامنے آیا تھا چیف جسٹس نے الیکشن کمیشن کو اسحاق ڈار کے حلف سے متعلق ریکارڈ پیش کرنے کا حکم دیا اور کہا کہ اسحاق ڈار کے حلف سے متعلق فیصلہ عدالت کے سامنے پیش کریں-

    وکیل حامد علی شاہ نے دوران سماعت اپنے ہی لکھے پرانے فیصلے کا حوالہ دیا جس پر جسٹس عمر فاروق نے کہا کہ یہ تو آپ کا ہی فیصلہ ہے، چیف جسٹس کی نشاندہی پر کمرہ عدالت میں قہقہے گونج اٹھے انہوں نے کہا کہ سپریم کورٹ نے فیصلے میں امیدوار کیلئے بیان حلفی جمع کرانے کی شرط رکھی تھی-

    وکیل نے کہا کہ الیکشن ٹربیونل کے پاس غلط معلومات ملنے پر الیکشن کالعدم قرار دینے کا اختیار ہے، چیف جسٹس عمر فاروق بولے کہ کیس میں ایسا نہیں ہوا، اس الیکشن کو تو کسی نے چیلنج ہی نہیں کیا،فیصلے کیمطابق اہلیت دیکھنے کا اختیار ہائیکورٹس اور عدالتوں کا ہے،اس فیصلے کو بھی دیکھ لیں گے-

    چیف جسٹس ہائی کورٹ نے کہا کہ حبیب اکرم کیس میں سپریم کورٹ نے بیان حلفی کاغذات کا حصہ بنایا، الیکشن ایکٹ کے مطابق زیر کفالت بچوں کی تفصیلات بتانا لازم تھیں، مگر بچوں کی تفصیلات بتانا تو لازم نہیں ہیں نا؟۔

    وکیل الیکشن کمیشن نے کہا کہ یہ تفصیلات لازم نہیں ہیں، مگر اثاثوں کی فہرست میں بچوں کے اثاثوں کی تفصیلات بتانی ہیں، اس اعتبار سے بالواسطہ طور پربچوں کی تفصیلات لازم ہیں۔

    چیف جسٹس نے پوچھا کہ اگر تفصیلات غلط جمع کرائی گئی ہوں تو الیکشن ایکٹ کیا کہتا ہے؟۔ وکیل الیکشن کمیشن نے جواب دیا کہ اگر تفصیلات غلط ہوں تو یہ کرپٹ پریکٹس میں آئے گا۔

    چیف جسٹس نے کہا کہ غلط تفصیلات پر الیکشن کمیشن نے 120دن کے اندر ایکشن لینا ہوتا ہے، اگر الیکشن کمیشن نے ایکشن نہیں لیا تو پھر بس نہیں لیا۔

    وکیل نے کہا کہ عدالتی فیصلوں کے مطابق پارٹی سربراہ کو پبلک آفس ہولڈر تصور کیا جائے گا، اس دوران عمران خان کے وکیل سلمان اکرم راجہ بولنے لگے تو چیف جسٹس نے کہا کہ تحمل کریں، انکی بات بھی سن لیں کوئی جلدی نہیں ہے-

    چیف جسٹس عامر فاروق نے استفسار کیا کہ کیا یہ معاملہ الیکشن ٹربیونل میں تو نہیں گیا؟وکیل نے کہا کہ معاملہ ٹربیونل میں گیا لیکن وہاں میرٹ پر فیصلہ نہیں ہوا، چیف جسٹس نے استفسار کیا کہ الیکشن کمیشن عمران خان کے خلاف 2 ریفرنسز مسترد کر چکا ہے؟-

    وکیل نے کہا کہ الیکشن کمیشن نے عمران خان کے خلاف ریفرنس تکنیکی بنیادوں پر خارج کیے، چیف جسٹس نے پوچھا کہ اگر بیان حلفی غلط ثابت ہوتا ہے تو اسکے کیا نتائج ہونگے؟وکیل درخواست گزار نے جواب دیا غلط بیان حلفی پر 62 ون ایف لگتا ہے، چیف جسٹس نے ریمارکس دیئے کہ ہمارے سامنے فیصل واوڈا کیس موجود ہے، اسکو دیکھ لیجئے گا،

    عدالت نے وکیل درخواست گزار کو ٹریان وائٹ کیس سے متعلق تمام ریفرنسسز ریکارڈ پر لانے کا حکم دے دیا اور سماعت آئندہ بدھ تک ملتوی کردی۔

    عمران خان کی نااہلی کی درخواست پر لارجر بینچ کی سماعت 8مارچ تک ملتوی کرتے ہوئے چیف جسٹس نے درخواست گزار کے وکیل کو آئندہ بدھ اور جمعرات کو دلائل مکمل کرنے کا حکم دیا-

    چیف جسٹس عامر فاروق نے کہا کہ بدھ اور جمعرات کو آپ دلائل مکمل کریں، عمران خان کے وکیل سلمان اکرم راجہ کے دلائل سنیں گے-

    کیس قابل سماعت ہونے پر آئندہ بھی دلائل جاری رہیں گے۔

  • عمران خان کی نااہلی کی درخواست،اسحاق ڈار کے حلف سے متعلق فیصلہ پیش کرنیکا حکم

    عمران خان کی نااہلی کی درخواست،اسحاق ڈار کے حلف سے متعلق فیصلہ پیش کرنیکا حکم

    اسلام آباد ہائیکورٹ ،عمران خان کی نااہلی کی درخواست پر لارجر بینچ نے سماعت کی

    جسٹس محسن اختر کیانی اور جسٹس ارباب محمد طاہر لارجر بینچ میں شامل تھے،وکیل نے کہا کہ عمران خان نے متفرق درخواست دائر کی ہے جس پر اعتراض عائد کیا گیا، نادرا نے بائیومیٹرک تصدیق سے انکار کر دیا،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ آپ کسی د کان پر چلے جائیں وہاں بائیومیٹرک ہو جائے گا،عمران خان کے وکیل نے گزشتہ سماعت پر اعتراض اٹھایا تھا،عمران خان کے وکیل کا موقف ہے کہ قومی اسمبلی کے رکن نہیں ہیں، وکیل سلمان اکرم نے کہا کہ عمران خان کے رکن قومی اسمبلی نہ ہونے پر درخواست قابل سماعت نہیں، وکیل حامد علی نے کہا کہ ہماری استدعا ہے کہ عمران خان کو نااہل قرار دیا جائے عمران خان حلف نہ اٹھا کر بھی ممبر قومی اسمبلی ہیں،

    اسلام آباد ہائیکورٹ کے چیف جسٹس عامر فاروق نے استفسار کیا کہ کیا حلف اٹھانے کیلئے کوئی مدت متعین ہے؟ وکیل حامد علی نے کہا کہ قانون حلف لینے کیلئے کوئی مدت مقرر نہیں کرتا،چودھری نثار حلف نہ اٹھا کر بھی ممبر صوبائی اسمبلی ہیں، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ اسحاق ڈار کے حلف سے متعلق معاملہ بھی الیکشن کمیشن کے سامنے آیا تھا، اسلام آباد ہائیکورٹ کے چیف جسٹس نے الیکشن کمیشن کو اسحاق ڈار کے حلف سے متعلق ریکارڈ پیش کرنے کا حکم دے دیا،اور کہا کہ اسحاق ڈار کے حلف سے متعلق فیصلہ عدالت کے سامنے پیش کریں،وکیل حامد علی شاہ نے کہا کہ چودھری نثار حلف نہ اٹھا کر بھی ممبر صوبائی اسمبلی رہے،

    حامد علی شاہ نے دوران سماعت اپنے ہی لکھے پرانے فیصلے کا حوالہ دیا،جس پر اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ یہ تو آپ کا ہی فیصلہ ہے، چیف جسٹس کی نشاندہی پر کمرہ عدالت میں قہقہے گونج اٹھے،عدالت نے کہا کہ سپریم کورٹ نے فیصلے میں امیدوار کیلئے بیان حلفی جمع کرانے کی شرط رکھی تھی، وکیل نے کہا کہ الیکشن ٹربیونل کے پاس غلط معلومات ملنے پر الیکشن کالعدم قرار دینے کا اختیار ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ کیس میں ایسا نہیں ہوا، اس الیکشن کو تو کسی نے چیلنج ہی نہیں کیا،فیصلے کیمطابق اہلیت دیکھنے کا اختیار ہائیکورٹس اور عدالتوں کا ہے، اس فیصلے کو بھی دیکھ لیں گے، حبیب اکرم کیس میں سپریم کورٹ نے بیان حلفی کاغذات کا حصہ بنایا،فیصلے کے مطابق زیر کفالت بچوں کی تفصیلات بتانا لازم تھیں،وکیل الیکشن کمیشن نے کہا کہ الیکشن ایکٹ کے مطابق یہ تفصیلات لازم نہیں ہیں،وکیل نے کہا کہ اثاثوں کی فہرست میں بچوں کے اثاثوں کی تفصیلات بتانی ہیں، عدالت نے استفسار کیا کہ اگر تفصیلات غلط جمع کرائی گئی ہوں تو الیکشن ایکٹ کیا کہتا ہے؟ وکیل الیکشن کمیشن نے کہا کہ اگر تفصیلات غلط ہوں تو یہ کرپٹ پریکٹس میں آئے گا، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ غلط تفصیلات پر الیکشن کمیشن نے 120 دن کے اندر ایکشن لینا ہوتا ہے، اگر الیکشن کمیشن نے ایکشن نہیں لیا تو پھر بس نہیں لیا،

    وکیل نے کہا کہ عدالتی فیصلوں کے مطابق پارٹی سربراہ کو پبلک آفس ہولڈر تصور کیا جائے گا،اسلام آباد ہائیکورٹ کے چیف جسٹس عامر فاروق نے وکیل سلمان اکرم سے مکالمہ کرتے ہوئے کہا کہ تحمل کریں، انکی بات بھی سن لیں کوئی جلدی نہیں ہے، کیا یہ معاملہ الیکشن ٹربیونل میں تو نہیں گیا؟ وکیل نے کہا کہ معاملہ ٹربیونل میں گیا لیکن وہاں میرٹ پر فیصلہ نہیں ہوا، عدالت نے استفسار کیا کہ الیکشن کمیشن عمران خان کے خلاف 2 ریفرنسز مسترد کر چکا ہے؟ وکیل نے کہا کہ الیکشن کمیشن نے عمران خان کے خلاف ریفرنس تکنیکی بنیادوں پر خارج کیے، اسلام آباد ہائیکورٹ کے چیف جسٹس عامر فاروق نے استفسار کیا کہ اگر بیان حلفی غلط ثابت ہوتا ہے تو اسکے کیا نتائج ہونگے؟ وکیل درخواست گزار نے کہا کہ غلط بیان حلفی پر 62 ون ایف لگتا ہے،عدالت نے کہا کہ ہمارے سامنے فیصل واوڈا کیس موجود ہے، اسکو دیکھ لیجئے گا،