باغی ٹی وی کی رپورٹ کے مطابق سندھ کے صوبائی وزیر اطلاعات شرجیل میمن نے کہا ہے کہ آج کے فیصلے کی روح میں عمران خان پر پابندی لگنی چاہیے،
شرجیل میمن کا کہنا تھا کہ جے آئی ٹی بننی چاہیے اور قانون کی گرفت میں لایا جائے ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھےچیف الیکشن کمشنر کو عمران خان نے خود تعینات کیا
وفاقی وزیر شازیہ مری کا کہنا تھا کہ عمران نیازی اپنی جماعت کو ممنوعہ فنڈنگ سے چلاتا رہا برسوں پہلے ایک شخص نے اپنی ہی جماعت کی فارن فنڈنگ کو چیلنج کیا عمران خان صادق ہے نہ امین یہ سب سے بڑا چور ہے وہ ممنوعہ فنڈنگ سے کس بنا پر ملک میں سیاست کر رہا تھا 34بھارتی صنعت کاروں سے عمران نیازی نے پیسے لیے،عارف نقوی کے ذریعے انہیں ممنوعہ فنڈنگ آئی پی ٹی آئی والے پھر بھی ڈھٹائی سے کہتے ہیں کہ وہ سچے تھےدیکھا جائے گا کہ فیصلے کے خدوخیال کیا ہے ؟ جو صادق اور امین کے سرٹیفکیٹس عمران نیازی لہرا رہا تھا وہ سب جھوٹے تھے عمران خان صادق اور امین نہیں رہا ، فیصلہ آگیا ہے تم صریحاً مجرم ثابت ہوئے ہو، کیا ڈھنڈورا پیٹ رہے ہو، یہ کیوں اتنا لاڈلا ہے کہ اس کے فیصلے سنائے نہیں جاتے کیا عمران خان نے عوام سے پوچھ کر بھارتی شہریوں سے پیسے لیے؟تھوڑی سی منی لانڈرنگ کی اس کے دوست نے،
تحریک انصاف فارن فنڈنگ کیس میں الیکشن کمیشن کی جانب سے دیئے گئے فیصلے کے بعد حکومتی رہنماؤں کے بیانات سامنے آرہے ہیں-
باغی ٹی وی : مسلم لیگ ن کے سینئیر رہنما اور وفاقی وزیر احسن اقبال نے الیکشن کمیشن کے فیصلے پر ردعمل دیتے ہوئے کہا کہ ثابت ہو گیا جو دوسروں کو چور کہتا تھا خود چور نکلا،جو دوسروں کو امپورٹڈ کہتا تھا خود فارن فنڈڈ ایجنٹ نکلا-
فارن فنڈنگ کیس: ثابت ہو گیا جو دوسروں کو چور کہتا تھا خود چور نکلا، جو دوسروں کو امپورٹڈ کہتا تھا خود فارن فنڈڈ ایجنٹ نکلا، جو دوسروں کو جھوٹا کہتا تھا خود جھوٹا نکلا، بیرونی فنڈنگ سے پاکستان میں انتشار اور انارکی کی سیاست کر رہا تھا۔ کوئی شرم کوئی حیا عمران نیازی جواب دو!
وفاقی وزیر ترقی و منصوبہ بندی احسن اقبال نے کہا کہ جو دوسروں کو جھوٹا کہتا تھا خود جھوٹا نکلا بیرونی فنڈنگ سے پاکستان میں انتشار اور انارکی کی سیاست کر رہا تھا۔
وفاقی وزیر ریلوے خواجہ سعد رفیق نے فیصلے پر ردعمل دیتے ہوئے کہا کہ امریکی ،بھارتی، اماراتی شہری کس کے ایماُ پرعمران خان پر سرمایہ کاری کرتے رہے-
انہوں نے کہا کہ ثاقب نثار گروہ کا ڈیکلئیرڈ صادق اور امین عمران خان بددیانت اور غیر ملکی سپانسرڈ ثابت ہوگئے-
پاکستان پیپلز پارٹی کے سینئیر رہنما اور وزیر اطلاعات سندھ شرجیل میمن الیکشن کمیشن نے عمران نیازی کے بیان حلفی کو غلط قرار دے دیا ہے،عمران خان کو صادق اور امین کے سرٹیفکیٹ دیئے گئے،ثابت ہو گیا کہ عمران خان نے قوم سے دھوکہ کیا –
The chief election commissioner of ECP who was appointed by PM Imran khan has given verdict on foreign funding case and it’s proved now that #ImranDeclaredChor
وزیر اطلاعات سندھ شرجیل میمن نے مزید کہا کہ الیکشن کمیشن نے بلا خوف اور آئین کے مطابق فیصلہ دیا ،بالآخر 8 سال کے بعد ممنوعہ فنڈنگ کا فیصلہ آگیا-
صوبائی وزیر ناصر حسین شاہ نے کہا کہ امریکہ مخالف عمران نیازی امریکی فنڈنگ پر سیاست کرتے رہے ،بیان حلفی جھوٹا ہونے کے بعد عمران خان صادق اور امین نہیں رہے-
سابق سیکریٹری الیکشن کمیشن کنور دلشاد نے کہا کہ الیکشن کمیشن کے فیصلے کی روشنی میں اہم کارروائی وفاقی حکومت کرے گی،
فیصلے میں کہا گیا کہ آئین آرٹیکل 17 کی خلاف ورزی کی گئی ،آئین آرٹیکل 17 کی خلاف ورزی کا جملہ خطرناک لکھا گیا ہے-
ن لیگی رہنما شاہد خاقان عباسی کا کہنا ہے کہ الیکشن کمیشن کے فیصلے سے پی ٹی آئی کی حقیقت سامنے آگئی ،8 سال بعد الیکشن کمیشن کی طرف سے تاریخی فیصلہ آیا ،پی ٹی آئی نے کوشش کی کہ کیس آگے نہ چل سکے، ہر حربہ استعمال کیا گیا-
شاہد خاقان عباسی نے کہا کہ الیکشن کمیشن پر دباؤ ڈالا گیا تاکہ معاملے آگے نہ بڑھ سکے،الیکشن کمیشن نے ا سکروٹنی کمیٹی بنائی ،پی ٹی آئی کی جانب سے الیکشن کمیشن کو کوئی ریکارڈ نہیں دیا گیا،اسکروٹنی کمیٹی کا فیصلہ آیا، الیکشن کمیشن نے ڈیڑھ دو سال لگائے-
شاہد خاقان عباسی نے کہا کہ ثابت ہوگیا کہ عمران خان اور پی ٹی آئی چور ہے، ڈیڑھ سو کروڑ روپے پاکستانی قانون کی اجازت کے بغیر جمع کیے گئے، قانون اجازت نہیں دیتا کہ وہ کسی بھی سیاسی جماعت کو فنڈنگ کر سکیں،دوسروں پر الزام لگانے والے جواب دیں کہ فنڈنگ سے کس کو فائدہ دے رہے تھے-
لیگی رہنما نے کہا کہ یہ کمپنیاں غیر ملکی شہریوں اور کمپنیوں سے رقم لیتی تھیں،عمران خان کو ووٹن کرکٹ کلب سے 55 کروڑ روپے بھیجےگئے،آج کہتے ہیں یہ کرکٹ اور فلاح و بہبود کے پیسے تھے،فلاح و بہبود کا پیسہ سیاسی جماعت کو کیوں آیا، فلاح و بہبود میں جاتا-
ن لیگی رہنما شاہد خاقان عباسی نے مزید کہا کہ ان کی کوئی ڈکلیئریشن الیکشن کمیشن کے پاس نہیں،تحقیقات پر پتہ چلا ان اکاؤنٹس کو پی ٹی آئی کا کوئی وزیر یا مشیر چلا رہا ہے، بیرون ملک 351 کمپنیوں کا کوئی علم نہیں کن کی ہیں، نواز شریف اس بات پر کہ بیٹے کی کمپنی سے تنخواہ نہیں لی تو وہ صادق اورامین نہیں، عمران خان جھوٹے فارم اور بیان حلفی جمع کراتے رہے-
ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’
باغی ٹی وی کی رپورٹ کے مطابق الیکشن کمیشن نے فارن فنڈنگ کیس کا فیصلہ سنا دیا
الیکشن کمیشن نے متفقہ فیصلہ سنایا ہے، چیف الیکشن کمشنر نے فیصلہ پڑھ کر سنایا،فیصلے میں کہا گیا کہ ممنوعہ فنڈز تحریک انصاف نے لئے ہیں 13 نامعلوم اکاؤنٹس سامنے آئے ہیں جن سے فنڈز لئے گئے ہیں، اکاؤنٹس چھپانا آئین کی خلاف ورزی ہے،آرٹیکل 17 کی شق تین کی خلاف ورزی کی گئی پی ٹی آئی چیئرمین نے فارم ون جمع کروایا جو غلط تھا، ،امریکہ ،آسٹریلیا سے عطیات لئے گئے، امریکی کاروباری شخصیت سے بھی فنڈز لئے گئے پی ٹی آئی نے شروع میں 8 اکاونٹس کی تصدیق کی
الیکشن کمیشن نے تحریک انصاف کو شوکاز نوٹس جاری کر دیا، جس میں کہا گیا کہ کیوں نہ فنڈز ضبط کر لئے جائیں ، الیکشن کمیشن نے کہا کہ پارٹی اکاؤنٹس کے حوالہ سے دیا گیا بیان حلفی جھوٹا ہے، سیاسی جماعتوں کے ایکٹ کے آرٹیکل 6 کے حوالہ سے ممنوعہ فنڈنگ ہے یہ کمیشن مطمئن ہے کہ جو ڈونیشن وصول ہوئی ابراج گروپ، ای پی آئی یوایس آئی سے لی گئی پی ٹی آئی کینیڈا کارپوریشن سے بھی فنڈنگ وصول کی گئی،34غیر ملکیوں سے بھی ڈونیشن وصول کی گئی تحریک انصاف نے 16 اکاونٹس کے حوالے سے وضاحت نہیں دی،ووٹن کرکٹ کلب سے فنڈ ریزنگ کے نام پر ملنے والی فنڈنگ ممنوعہ قرار دی گئی،پی ٹی آئی کو ابراج گروپ سمیت 34 کمپنیوں سے فنڈنگ ملی،چیئرمین پی ٹی آئی عمران خان نے 2008 سے2013 تک مس ڈکلیئریشن کیں 16بینک اکاونٹس چھپانا آرٹیکل 17 کی خلاف ورزی ہے
الیکشن کمیشن کے فیصلے کے کے مطابق امریکہ میں مقیم انڈین شہری رومیتا شیٹھی نے بھی پی ٹی آئی کو کئی ہزار ڈالر کی غیرقانونی فنڈنگ کی ۔
پی ٹی آئی ممنوعہ فنڈنگ کیس تحریری فیصلہ کے مطابق برسٹل سروسز والی فنڈنگ بھی ممنوعہ قرار دی گئی، پی ٹی آئی امریکہ، کینیڈا سے ملنے والی فنڈنگ ممنوعہ قراردی گئی،رومیتا سیٹھی سے ملنے والی فنڈنگ بھی غیر قانونی قراردی گئی 351غیرملکی کمپنیوں سے ملنے والی فنڈنگ بھی غیر قانونی قرار دی گئی،پی ٹی آئی نے دانستہ طور پر ووٹن کرکٹ لمیٹڈ سے ممنوعہ فنڈنگ حاصل کی پی ٹی آئی نے دانستہ طور پر متحدہ عرب امارات کی کمپنی برسٹل انجینئرنگ سے ممنوعہ فنڈنگ لی ،سوئیزرلینڈ کی ای پلینٹ ٹرسٹیز کمپنی، برطانیہ کی ایس ایس مارکیٹنگ کمپنی سے ممنوعہ فنڈنگ لی گئی پی ٹی آئی یو ایس اے ایل ایل سی سے حاصل کردہ فنڈنگ بھی ممنوعہ ثابت ہوگئی،
تحریری فیصلہ کے مطابق ووٹن کرکٹ کلب سے 21 لاکھ 21 ہزار 500 ڈالرلیے گئے،ووٹن کرکٹ کلب ابراج گروپ کے مالک عارف نقوی کی ملکیت ہے برسٹل انجینئرنگ سے 49 ہزار 965 ڈالرفنڈز لیے گئے، برسٹل انجینئرنگ متحدہ عرب امارات کی کمپنی ہے سوئٹزر لینڈاوربرطانوی کمپنیوں سے 10 لاکھ ایک ہزار 741 ڈالرزلیے گئے،امریکاکی 2 ایل ایل سی کمپنیوں سے 25 لاکھ 25 ہزار 500 ڈالرمنتقل ہوئے،کینیڈا کارپوریشن سے 2 لاکھ 79 ہزار 822 ڈالرفنڈزمنتقل ہوئے،برطانیہ کی کمپنی سے 7 لاکھ 92 ہزار 265 پاؤنڈزمنتقل ہوئے،آسٹریلوی کمپنی ڈنپیک پرائیوٹ لمیٹڈ سے فنڈزلیے گئے،
فارن فنڈنگ کیس کا فیصلہ سنائے جانے سے قبل الیکشن کمیشن کے باہر سیکورٹی سخت کی گئی تھی الیکشن کمیشن عمارت کے باہر سیکورٹی کے تین سرکل تعینات کئے گئے ہیں،پہلے سرکل میں پولیس دوسرے میں رینجرز اہلکاروں نے پوزیشن سنبھال لی تیسرے سرکل میں ایف سی کے اہلکار کی بھی تعینات ہیں، الیکشن کمیشن آفس جانے والے راستے بند تھے ، قیدیوں کی وین بھی الیکشن کمیشن کے باہر موجود تھی
ممنوعہ فنڈنگ کیس سے متعلق فیصلہ الیکشن کمیشن کے تین رکنی بنچ نے سنایا، بنچ میں چیئرمین الیکشن کمیشن سکندر سلطان راجہ، نثار احمد راجہ اور شاہ محمد جتوئی شامل تھے ،فیصلہ سنائے جانے سے الیکشن کمیشن میں چیف الیکشن کمشنر کی زیر صدارت اہم اجلاس بھی ہوا،
ممنوعہ فارن فنڈنگ کیس نومبر 2014 سے الیکشن کمیشن میں زیر سماعت تھا، اسلام آباد ہائیکورٹ نے فیصلہ دیا تھا کہ ایک ماہ میں فارن فنڈنگ کیس کا فیصلہ سنایا جائے تا ہم پی ٹی آئی دوبارہ عدالت پہنچی گئی اور اس فیصلے کو چیلنج کر دیا جس پر عدالت نے اسلام آباد ہائیکورٹ کے فیصلے کو معطل کر دیا، اور پی ٹی آئی کو اسلام آباد ہائیکورٹ سے ریلیف ملا، اتحادی جماعتیں بار بار مطالبہ کر رہی تھیں کہ فارن فنڈنگ کیس کا فیصلہ سنایا جائے
الیکشن کمیشن کے فیصلے کے مطابق پی ٹی آئی نے کس کس غیرملکی کمپنی سے کتنے پیسے وصول کئے ۔ واضح رہے کہ یہ صرف 2018 سے 2003 تک سکروٹنی ہے ۔ اندازہ کریں اس کے بعد کے سالوں میں کیا ہوا ہوگا
فارن فنڈنگ کیس تحریک انصاف پر کسی اور نے نہیں بلکہ بانی رکن اکبر ایس بابر نے کیا،بقول اکبر ایس بابر انہوں نے ممنوعہ فنڈنگ بارے عمران خان کو آگاہ بھی کیا تھا ایسے فنڈز لئے گئے جنکی پاکستان کا قانون اجازت نہیں دیتا، عمران خان نے کوئی ایکشن نہ لیا جس کی بنا پر وہ الیکشن کمیشن گئے
حالیہ ضمنی الیکشن میں شفاف ترین الیکشن کے باوجود اب تحریک انصاف کے چیئرمین عمران خان کی جانب سے مسلسل چیف الیکشن کمشنر کے استعفیٰ کا مطالبہ کیا جا رہا ہے، اسکی اصل وجہ الیکشن میں دھاندلی نہیں بلکہ فارن فنڈنگ کیس کے فیصلے کو مزید تاخیر کا شکار کروانا تھا
جماعت اسلامی کے رکن مولانا عبدالاکبر چترالی کا کہنا ہے کہ ممنوعہ فارن فنڈنگ کیس کو آٹھ سال لٹکا کر عمران خان کو فائدہ دیا گیا۔ آج ممنوعہ فارن فنڈنگ کیس میں الیکشن کمیشن کا فیصلہ خواہ جو بھی آئے، اس سے بھی بالآخر عمران خان کو ہی فائدہ پہنچایا جائے گا
فارن فنڈنگ کیس کے مدعی اکبر ایس بابر نے فیصلے سے قبل الیکشن کمیشن کے باہر میڈیا سے بات کرتے ہوئے کہا کہ ا لیکشن کمیشن میں آج تاریخی فیصلہ ہوگا،دیکھنا ہوگا کہ وہ کیچ یا کلین بولڈ ہوتے ہیں،پر امید ہوں کہ فیصلہ ہمارے حق میں آئے گا،گھر سے 2 رکعت نفل پڑھ کر آیا ہوں،
اینکر سلیم صافی نے ٹویٹ کرتے ہوئے کہا کہ خبردار:واضح رہے کہ الیکشن کمیشن آج جوفیصلہ سنانےجارہی ہےوہ صرف 2009 سے 2013 کے پانچ سالہ ریکارڈ کا احاطہ کرے گی۔ پی ٹی آئی کو اصل عروج اسکےبعدحاصل ہوا۔اقتدار اسکے بعد ملا۔بشریٰ بی بی اورمانیکا خاندان اسکے بعد دخیل ہوئے۔ اصل واردات اسکے بعد کے سالوں میں ہوئیں جواس سے کئی گنا زیادہ سنگین ہیں۔
خبردار: واضح رہےکہ الیکشن کمیشن آج جوفیصلہ سنانےجارہی ہےوہ صرف 2009 سے 2013 کےپانچ سالہ ریکارڈکااحاطہ کرےگی۔ پی ٹی آئی کو اصل عروج اسکےبعدحاصل ہوا۔اقتداراسکےبعدملا۔بشریٰ بی بی اورمانیکا خاندان اسکےبعد دخیل ہوئے۔ اصل واردات اسکےبعد کےسالوں میں ہوئیں جواس سےکئی گنازیادہ سنگین ہیں۔
سابق وزیراعظم، ن لیگ کے رہنما شاہد خاقان عباسی نے احتساب عدالت کے باہر میڈیا سے گفتگو کرتے ہوئے کہا کہ فارن فنڈنگ فیصلہ سے عوام کو عمران خان کی کرپشن کا پتا لگے گا عمران خان نے 8 سال میں ایک دستاویز بھی پیش نہیں کی الیکشن کمیشن سے ایسا فیصلہ آنا چاہئے تاکہ حق اور قانون کا بول بالا ہو
ممنوعہ فنڈنگ کیس، تحریک انصاف کا ردعمل بھی آ گیا
تحریک انصاف کے رہنما فرح حبیب نے فیصلہ آنے کے بعد گفتگو کرتے ہوئے کہا کہ آپ کے علم میں ہے کہ یہ باتیں سننے آئے ہیں کہ تحریک انصاف کی غیر ملکی فنڈنگ ہے الیکشن کمیشن فارن فنڈنگ پر تحریک انصاف پر پابندی لگانے جا رہے ہیں یہ ممنوعہ فنڈنگ کا کیس ہے غیر ملکی فنڈنگ ثابت نہیں ہوئی نہ ہی پابندی لگی ہے ایک نوٹس موصول ہوا ہے اس کا جواب دیں گے، کنول شوذب کا کہنا ہے کہ ہمارے خلاف بے بنیاد پروپیگنڈہ آگے بڑھایا گیا، جانبدار الیکشن کمیشن نے فیصلہ کیا، آئینی ادارہ ایک ہی جماعت پر اس قانون کو لاگو کر رہا ہے، سکروٹنی کمیٹی کی رپورٹس کیوں منظر عام پر نہیں آئیں. الیکشن کمیشن کا آج کا فیصلہ درست نہیں ہے اسے ہم چیلنج کریں گے،
سماجی رابطے کی ویب سائٹ ٹویٹر پر ایک صارف نے فیصلہ آنے کے بعد ٹویٹ کرتے ہوئے کہا کہ سپریم کورٹ کے ڈکلئیرڈ "صادق و امین” الیکشن کمیشن میں "جھوٹے” نکل آئے۔
سپریم کورٹ کے ڈکلئیرڈ "صادق و امین" الیکشن کمیشن میں "جھوٹے" نکل آئے۔
سابق وفاقی وزیر داخلہ شیخ رشید احمد نے فیصلہ آنے کے بعد ردعمل میں کہا کہ سرمایہ دار سارے پارٹیوں کو فنڈز دیتے ہیں سرمایہ داروں سے اس لیے تعلق نہیں رکھتا،گواہی دینے کو تیار ہوں انہوں نے اسامہ بن لادن سے پیسے لیے ،انہوں نے پوری قوم کو ٹرک کی بتی کے پیچھے لگا دیا ہے،
تحریک انصاف کے رہنما اسد عمر نے ٹویٹ کرتے ہوئے کہا کہ شوق پورا کر لیا الیکشن کمیشن نے ممنوعہ فنڈنگ کیس پر فیصلہ سنا کر. اب قوم جواب مانگتی ہے کے مسلم لیگ نواز اور پیپلز پارٹی کی فنڈنگ رپورٹ کیوں نہیں جاری ہو رہی؟ سپریم کورٹ اور ہائی کورٹ کی ہدایت کو پامال کر کے الیکشن کمیشن پی ڈی ایم جماعتوں کو پناہ دے رہی ہے
شوق پورا کر لیا الیکشن کمیشن نے ممنوعہ فنڈنگ کیس پر فیصلہ سنا کر. اب قوم جواب مانگتی ہے کے مسلم لیگ نواز اور پیپلز پارٹی کی فنڈنگ رپورٹ کیوں نہیں جاری ہو رہی؟ سپریم کورٹ اور ہائی کورٹ کی ہدایت کو پامال کر کے الیکشن کمیشن پی ڈی ایم جماعتوں کو پناہ دے رہی ہے
پاکستان تحریک انصاف کے کارکن آرمی ایوی ایشن کے ہیلی کاپٹر کے لاپتہ ہونے پر بھی قومی ادارے سے اپنی نفرت کا کھل کر اظہار کرتے رہے .سماجی رابطے کی ویب سائت ٹویٹر پر پی ٹی آئی کے رہنماوں اور کارکنوں کی جانب سے طرح طرح کے ٹویٹ کرتے رہے.ایک طرف قوم غم میں مبتلا ہے آرمی کے جوان شہید ہوئے ہیں تو دوسری جانب پی ٹی آئی کے سوشل میڈیا ایکٹوسٹ اداروں پر کڑی تنقید کر رہے ہیں.ی ٹی آئی کے سوشل میڈیا ایکٹوسٹ کی جانب سے اس تنقید پر صارفین نے سخت غم و غصہ کا اظہار کیا ہے
سنیئر صحافی اور اینکر پرسن سلیم سافی کا پی ٹی آئی کی جانب سے قومی ادارے کے خلاف کئے جانے والے ٹویٹس پر کہنا ہے کہ بلوچستان کے سیلاب متاثرین کی خدمت میں مصروف چار فوجی افسران کے ساتھ پیش آنے والے حادثے کو عمران خان کے جو سپاہی سیاسی مقاصد کے لئے استعمال کررہے ہیں ‘ وہ کم ظرفی اور بے حسی کی انتہا ہے۔ لعنت ہو ایسے لوگوں پر جو انسانی المیوں کو بھی سیاست کے لئے استعمال کرنے سے باز نہیں آتے۔
بلوچستان کے سیلاب متاثرین کی خدمت میں مصروف چار فوجی افسران کے ساتھ پیش آنے والے حادثے کو عمران خان کے جو سپاہی سیاسی مقاصد کے لئے استعمال کررہے ہیں ' وہ کم ظرفی اور بے حسی کی انتہا ہے۔ لعنت ہو ایسے لوگوں پر جو انسانی المیوں کو بھی سیاست کے لئے استعمال کرنے سے باز نہیں آتے۔ pic.twitter.com/o7AAXOdIf9
سینئر صحافی انصار عباسی نے اپنے ٹویٹ میں کہا ہے کہ عمران خان اور PTI رہمناوں کی توجہ کے لیے: فوجی ہیلی کاپٹر کے لاپتا ہونے پر کیسے کیسے ٹیوٹس کیے جا رہے ہیں 👇؟ اتنی نفرت؟ ایسی سنگدلی؟ FIA کو ان اکاؤنٹس کے خلاف ایکشن لینا چاہیے۔
عمران خان اور PTI رہمناوں کی توجہ کے لیے: فوجی ہیلی کاپٹر کے لاپتا ہونے پر کیسے کیسے ٹیوٹس کیے جا رہے ہیں 👇؟ اتنی نفرت؟ ایسی سنگدلی؟ FIA کو ان اکاؤنٹس کے خلاف ایکشن لینا چاہیے۔ pic.twitter.com/uduDGDVw30
عمران خان کے بچے باہر انہیں پاکستان کی ترقی سے کوئی غرض نہیں،شازیہ مری
باغی ٹی وی کی رپورٹ کے مطابق وفاقی وزیر، پیپلز پارٹی کی رہنما شازیہ مری نے کہا ہے کہ ایک انسان نے فارن فنڈنگ کے بل بوتے پر معاشرے کو تباہ کیا
شازیہ مری نے میڈیا سے بات چیت کرتے ہوئے کہا کہ عمران خان فارن ممنوعہ فنڈنگ میں رنگے ہاتھ پکڑا گیا ہے، عمران خان دوسروں پر الزام وہ لگا رہا جو خود ہر برائی اور فراڈ میں ملوث ہے، عمران کوپاکستان کی فلاح اور ترقی سے کوئی غرض نہیں ہے کیا الیکشن کمیشن دباؤ کا شکار ہے؟ عمران خان کے بچے باہر ہیں انہیں پاکستان کی ترقی سے کوئی غرض نہیں عمران خان نے فارن فنڈنگ کے ذریعے پاکستان کے معاشرے اور معیشت کو تباہ کیا، الیکشن کمیشن کو فیصلہ سنانے سے روکنے کیلئے عمران دباؤ کا حربہ استعمال کر رہا ہے بھارتیوں کی فنڈنگ کی وجہ سے عمران خان مودی کی جارحیت پر خاموش رہا،الیکشن کمیشن ڈر اور پریشر سے باہر آکر ملک اور قوم سے انصاف کرے
ممنوعہ فارن فنڈنگ کیس نومبر 2014 سے الیکشن کمیشن میں زیر سماعت ہے، اسلام آباد ہائیکورٹ نے فیصلہ دیا تھا کہ ایک ماہ میں فارن فنڈنگ کیس کا فیصلہ سنایا جائے تا ہم پی ٹی آئی دوبارہ عدالت پہنچی گئی اور اس فیصلے کو چیلنج کر دیا جس پر عدالت نے اسلام آباد ہائیکورٹ کے فیصلے کو معطل کر دیا، اور پی ٹی آئی کو اسلام آباد ہائیکورٹ سے ریلیف ملا، الیکشن کمیشن نے کیس کا فیصلہ محفوظ کر رکھا ہے، تا ہم ابھی تک فیصلہ سنایا نہیں گیا، اتحادی جماعتیں بار بار مطالبہ کر رہی ہیں کہ فارن فنڈنگ کیس کا فیصلہ سنایا جائے
فارن فنڈنگ کیس تحریک انصاف پر کسی اور نے نہیں بلکہ بانی رکن اکبر ایس بابر نے کیا،بقول اکبر ایس بابر انہوں نے ممنوعہ فنڈنگ بارے عمران خان کو آگاہ بھی کیا تھا ایسے فنڈز لئے گئے جنکی پاکستان کا قانون اجازت نہیں دیتا، عمران خان نے کوئی ایکشن نہ لیا جس کی بنا پر وہ الیکشن کمیشن گئے
حالیہ ضمنی الیکشن میں شفاف ترین الیکشن کے باوجود اب تحریک انصاف کے چیئرمین عمران خان کی جانب سے مسلسل چیف الیکشن کمشنر کے استعفیٰ کا مطالبہ کیا جا رہا ہے، اسکی اصل وجہ الیکشن میں دھاندلی نہیں بلکہ فارن فنڈنگ کیس کے فیصلے کو مزید تاخیر کا شکار کروانا
چیئرمین تحریک انصاف عمران خان کا انسٹا گرام اکاونٹ ہیک ہوگیا تھا تا ہم اب ری کور کر لیا گیا ہے
سابق وزیراعظم عمران خان کے انسٹا گرام پر 74 لاکھ فالورز ہیں ، کرپٹو کرنسی سے متعلق پوسٹس اور ویب سائٹ لنک لگا دیا گیا تھا، تحریک انصاف کی سوشل میڈیا ٹیم کا کہنا ہے کہ عمران خان کا انسٹا گرام اکاؤنٹ ریکور کرلیا ہے، عمران خان کا اکاؤنٹ سیکیور کیا جارہا ہے،
واضح رہے کہ ہیکرز آج کل متحرک ہیں اور اہم شخصیات کے اکاؤنٹس کو ہیک کیا جا رہا ہے، عمران ریاض خان کا ٹویٹر اکاؤنٹ ہیک کیا گیا تھا جو ابھی تک ری کور نہیں ہو سکا، عمران ریاض خان کا اکاؤنٹ ہیک کرنے والوں نے اکاؤنٹ فار سیل کے لئے لگا دیا ہے اور کہا ہے کہ پانچ ہزار ڈالر مین یہ اکاؤنٹ برائے فروخت ہے، عمران ریاض خان کا کہنا ہے کہ میری ہیکرسے بات چیت جاری ہے جلد اکاؤنٹ مل جائے گا
عمران خان کا وزیراعلیٰ پنجاب کی کرسی پر بیٹھنے کا معاملہ مسلم لیگ (ن) نے عمران خان سے معافی مانگنے کے مطالبے کی قرارداد پنجاب اسمبلی میں جمع کرادی
قرارداد مسلم لیگ(ن) کی رکن سعدیہ تیمور کی جانب سے جمع کرائی گئی ،قرارداد کے متن میں کہا گیا ہے کہ یہ ایوان عمران خان کی جانب سے وزیراعلیٰ پنجاب کی کرسی پر براجمان ہونے کی مذمت کرتا ہے پارلیمنٹ سے نکالے گئے شخص کا وزیراعلیٰ کی کرسی پر بیٹھنا وزیراعلیٰ پنجاب عہدے کی توہین ہے ایک مسترد شدہ شخص نے وزیراعلیٰ پنجاب کی کرسی کی توہین کی ہے یہ پنجاب کے 12کروڑ کے عوام کی توہین کی گئی ہے عمران خان پنجاب کے عوام سے فوری معافی مانگیں ؛
قبل ازیں مسلم لیگ (ن )کے رہنماؤں نے عمران خان کو وزیر اعلیٰ پنجاب پرویز الٰہی کی کرسی پر بیٹھنے پر تنقید کا نشانہ بنایا ہے۔ مسلم لیگ (ن ) کے سینئیر رہنما اور وفاقی وزیر سعد رفیق نے سماجی رابطے کی ویب سائٹ ٹوئٹر پرعمران خان کی وزیراعلیٰ پنجاب سے ملاقات کے موقع پر ان کی کرسی پر بیٹھنے کی تصویر شیئر کی اور لکھا کہ اقتدار کی کرسی کا بھوکا-
اقتدار کی کرسی کا بھوکا :
آپ جتنے مرضی بڑے ھوں لبھی دوسروں کی کرسی پر نہیں بیٹھتے
— Khawaja Saad Rafique (@KhSaad_Rafique) July 31, 2022
انہوں نے لکھا کہ آپ جتنے مرضی بڑے ہوں کبھی دوسروں کی کرسی پر نہیں بیٹھتے آداب سے عاری بدتمیز توشہ خان فتنہ وزیر اعلٰی پنجاب کی کرسی پر براجمان-
دوسری جانب وزیر دفاع خواجہ آصف نے بھی اپنے ٹوئٹر اکاؤنٹ پر سوشل میڈیا صارف کی ایک ٹوئٹ شیئر کی جس میں عمران خان کی دو تصاویر موجود تھیں، ایک تصویر میں عمران خان کو اپنے دور حکومت میں وزیراعلیٰ پنجاب عثمان بزدار سے تو دوسری حالیہ تصویر میں انہیں وزیراعلیٰ پنجاب پرویز الٰہی سے ملاقات کرتے دیکھا جاسکتا ہے اور دونوں بار وہ وزیر اعلیٰ پنجاب کی کرسی پر برا جمان ہیں-
اس شخص کو کرسی کی کتنی ھوس ھے.. کوئ صاحب عزت self respecting dignified انسان کسی اور عہدے دار کی کرسی پہ نہیں بیٹھے گا. عمران خان کی یہ حرکت اسکی سوچ اور ذات کی پستی کی آئینہ دار ھے. https://t.co/vZElAqDfHA
اس تصویر کو ٹوئٹ کرتے ہوئے صارف نے عمران خان کو وزیراعلیٰ پنجاب کی کرسی پر بیٹھنے پر تنقید کا نشانہ بنایا صارف نے لکھا کہ پہلے تو وزیراعظم تھا سمجھ آتی تھی وزیراعلی کی کرسی پر بیٹھنے کی اب نا تو یہ وزیراعظم ہے نا ہی ق لیگ کا سربراہ ہے پھر اسکا مقصد بس پرویز الہیٰ کو اوقات بتانا ہی سمجھا جائے خیرات کی وزارت اعلی میں ایسے ہی ہوتا۔ عہدے کی بے توقیری بزدار بھی کرتا تھا یہ بھی کرے گا۔
صارف کی اس ٹوئٹ پر ردعمل دیتے ہوئے خواجہ آصف نے لکھا کہ اس شخص کو کرسی کی کتنی ہوس ہے،کوئی صاحب عزت self respecting dignified انسان کسی اور عہدے دار کی کرسی پر نہیں بیٹھے گا، عمران خان کی یہ حرکت ان کی سوچ اور ذات کی پستی کی آئینہ دار ہے‘۔
ن لیگی رہنما عظمیٰ بخاری نے ٹویٹ کرتے ہوئے کہا کہ عمران خان پرویز الہی کو اسکی اوقات بتا،کر اس میں رہنے کی ہدایت کرتے ہوئے،ویسے یہ اوقات ڈاکو والی اوقات بتانے سے بہرحال پھر بھی بہتر ہے،پنجاب میں ڈاکوں کا سربراہ اب اپنے نئے ڈاکو کمانڈر عمران خان کے زیر سایہ چلے گا،
عمران خان پرویز الہی کو اسکی اوقات بتا،کر اس میں رہنے کی ہدایت کرتے ہوئے،ویسے یہ اوقات ڈاکو والی اوقات بتانے سے بہرحال پھر بھی بہتر ہے،پنجاب میں ڈاکوں کا سربراہ اب اپنے نئے ڈاکو کمانڈر عمران خان کے زیر سایہ چلے گا،#ڈاکو_راجpic.twitter.com/EBUEZi2tkg
— Azma Zahid Bokhari (@AzmaBokhariPMLN) July 31, 2022
عمران خان کا کہنا تھا کہ ملک میں استحکام صاف وشفاف الیکشن سے ہی ممکن ہے، قوم کی توقعات اب پی ٹی آئی سے وابستہ ہیں۔
چیئرمین پی ٹی آئی کا کہنا تھا کہ لوگ سیاست میں پیسہ بنانے آتے ہیں،لیکن اب عوامی شعور بیدار ہوچکا ہے، بچوں میں ملکی مسائل کے شعور کی بیداری خوش آئند ہے۔
اس سے قبل عمران خان اور وزیراعلیٰ پنجاب چوہدری پرویز الہٰی کی ملاقات ہوئی، جس میں باہمی دلچسپی کے امور، سیاسی صورتحال اور پنجاب کے انتظامی معاملات پر تبادلہ خیال کیا گیا۔
ملاقات میں صوبے کے عوام کو ریلیف دینے کے اقدامات پر بھی بات چیت ہوئی، اور عمران خان نے پنجاب کے عوام کو ریلیف دینے کیلئے تمام تر کاوشیں بروئے کار لانے کی ہدایت دی۔
شہباز گل کا کہنا تھا کہ سیلاب متاثرین کی بحالی کیلئے ہدایات دی گئی ہیں، ریلیف سرگرمیوں پر عمران خان کو بریفنگ دی گئی ہے
رہنما پی ٹی آئی کا کہنا تھا کہ عمران خان نے ریلیف سرگرمیاں تیز کرنے کی ہدایت کی ہے، احساس پروگرام کے حوالے سے بھی میٹنگ ہوئی، عمران خان 6 ڈویژن کے ایم پی ایز سے آج مل رہے ہیں
چیرمین پی ٹی آئی عمران خان کی زیر صدارت اجلاس میں لاہور اور گوجرانوالہ ڈویژن کے ارکان اسمبلی،اقلیتی اور مخصوص نشستوں پر منتخب ارکان نے شرکت کی ، اس موقع پر عمران خان نے الیکشن میں عمدہ کارکردگی پر ارکان اسمبلی کی کاوشوں کو سراہا
اجلاس میں لاہور اور گوجرانوالہ کے ترقیاتی منصوبوں پر تبادلہ خیال بھی کیا گیا،اجلاس میں سابق وزیر شفقت محمود، شہباز گل ،حافظ فرحت عباس،ڈاکٹریاسمین راشد،مراد راس، میان اسلم اقبال ،چیف وہیپ عباس علی شاہ اور دیگر متعلقہ افسران بھی شریک ہوئے
اس کے ساتھ ساتھ ملتان اور بہاولپور ڈویژن کے ارکان اسمبلی نے عمران خان سے ملاقاتیں کیں اور اپنی اپنی تجاویز پیش کیں
اس موقع پر مخدوم شاہ محمود قریشی نے کہا کہ جنوبی پنجاب کو نظر انداز کرنے والوں کا وقت گزر چکا ، جنوبی پنجاب پی ٹی آئی کا گڑھ تھا، ہے اور رہے گا۔
چیئرمین پاکستان تحریک انصاف عمران خان وزیر اعلیٰ آفس لاہور پہنچ گئے ،وزیر اعلیٰ پنجاب چودھری پرویز الہٰی نے چیرمین پی ٹی آئی عمران خان کاخیرمقدم کیا.چیئرمین پی ٹی آئی عمران خان سے وزیر اعلی چودھری پرویز الٰہی اور سابق وفاقی وزیر مونس الٰہی نے ملاقات کی.ملاقات میں باہمی دلچسپی کے امور، سیاسی صورتحال اور پنجاب کے انتظامی معاملات پر تبادلہ خیال کیا گیا.صوبے کے عوام کو ریلیف دینے کے اقدامات پر بھی بات چیت کی گئی.
عمران خان نے پنجاب سے غیر آئینی و غیر قانونی حکومت کے مکمل خاتمے پر چودھری پرویزالٰہی اور مونس الٰہی کو مبارکباد دی ، چودھری پرویزالٰہی نے سیاسی وفاداریاں بدلنے والوں کے خلاف بھرپور موقف پر کھڑا رہنے پر عمران خان کی سیاسی بصیرت کو سراہا ،عمران خان نے پنجاب کے عوام کو ریلیف دینے کیلئے تمام تر کاوشیں بروئے کار لانے کی ہدایت کی. وزیر اعلی چودھری پرویزالٰہی نے سیلاب متاثرین کی مدد کے لیے کئے گئے حکومتی اقدامات سے آگاہ کیا
عمران خان نے متاثرہ علاقوں میں امدادی سرگرمیوں کو مزید تیز کرنے کی ہدایت کی،
عمران خان نے کہا کہ سیلاب متاثرین کی ہرممکن مدد کی جائے۔ چودھری پرویزالٰہی کا کہنا تھا کہ متاثرین سیلاب کی مدد کے لیے انتظامیہ اور متعلقہ ادارے متحرک ہیں، جاں بحق افراد کے لواحقین کو 8، 8 لاکھ روپے مالی امداد کا اعلان کیا ہے۔
زرائع کے مطابق عمران کان نے چوہدری پرویزالہی کی ملاقات میں پنجاب کابینہ کی تشکیل، صوبے کی انتظامی صورتحال اور آئندہ ترجیحات پر مشاورتکی گئی.تحریک انصاف کے چیئرمین عمران خان پنجاب کے تمام ڈویژن کے پی ٹی آئی اور ق لیگ کے ارکان اسمبلی سے بھی ملاقاتیں کریں گے۔
چیئرمین تحریک انصاف سے نو منتخب سپیکر پنجاب اسمبلی سبطین خان، نومنتخب ڈپٹی سپیکر واثق قیوم عباسی بھی ملاقات کریں گے،عمران خان مختلف انتظامی اجلاسوں کی صدارت کریں گے، پنجاب کابینہ کے لئے ناموں کو بھی حتمی شکل دی جائے گی۔
لانگ مارچ توڑ پھوڑ کیس،چیئرمین پی ٹی آئی عمران خان اسلام آباد کی مقامی عدالت میں پیش ہوئے
عمران خان کی 5، 5 ہزار روپے مچلکوں کے عوض 10مقدمات میں ستمبر کے پہلے ہفتہ تک عبوری ضمانت منظور کر لی گئی ،عدالت نے تھانہ کوہسار میں درج مقدمہ نمبر 425 میں آئندہ سماعت پر پولیس ریکارڈ سمیت طلب کر لیا، وکیل بابر اعوان نے کہا کہ عمران خان کے خلاف ایک ہی نوعیت کے 15مقدمات درج ہیں، استدعا ہے کہ عمران خان کی ضمانت منظور کی جائے،
جج نے پراسیکیوٹر سے استفسار کیا کہ کیا آپ کو کوئی اعتراض ہے؟کیا اس کیس میں کوئی ادارہ مدعی ہے؟
تحریک انصاف کے چیئرمین عمران خان نے 25 مئی کو لانگ مارچ کا اعلان کیا تھا، لاہور سے جب لانگ مارچ کے شرکا نکلے تھے تو انکا پولیس کے ساتھ تصادم ہوا تھا، ان دنوں پنجاب کی صوبائی حکومت نے دفعہ 144 نافذ کر رکھی تھی، لانگ مارچ کے شرکا اور پولیس میں کئی مقامات پر تصادم ہوا تھا، پولیس نے پی ٹی آئی کے رہنماوں و کارکنان کو گرفتار بھی کیا تھا
لانگ مارچ کے بعد تحریک انصاف کے چیئرمین عمران خان سمیت دیگر پی ٹی آئی کی مرکزی قیادت پر بھی مقدمہ درج کیا گیا تھا، اسلام آباد میں پی ٹی آئی کا لانگ مارچ عمران خان سمیت 150افراد کیخلاف 3 مقدمات درج کر لئے گئے مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں، مقدمہ تحریک انصاف کے چیئرمین عمران خان سمیت باقی قیادت، کارکنان پر درج کئے گئے ہیں، مقدمات میں 39 افراد کی گرفتاری بھی ظاہر کی گئی ہے ،درج مقدمات میں اسد عمر، عمران اسماعیل ، راجہ خرام نواز ،علی امین گنڈا پور اور علی نواز اعوان کے نام بھی شامل ہیں،وزیراعلی گلگت بلتستان پر بھی مقدمہ درج کیا گیا تھا، فواد چودھری پر جہلم میں مقدمہ درج کیا گیا تھا
