Baaghi TV

Tag: عمران خان

  • عمران خان کو کہتے ہیں اب اداروں پر تنقید کرنا چھوڑ دیں،وفاقی وزیر اطلاعات

    عمران خان کو کہتے ہیں اب اداروں پر تنقید کرنا چھوڑ دیں،وفاقی وزیر اطلاعات

    عمران خان کو کہتے ہیں اب اداروں پر تنقید کرنا چھوڑ دیں،وفاقی وزیر اطلاعات

    وفاقی وزیر اطلاعات مریم اورنگزیب نے کہا ہے کہ وزیراعظم شہبازشریف آج قوم سے اہم خطاب کرینگے

    وفاقی وزیر اطلاعات مریم اورنگزیب کا کہنا تھا کہ وزیراعظم آج رات 8بجے قوم سے خطاب کرینگے، وزیراعظم ملک وقوم کو درپیش مسائل پراتحادی حکومت کے پالیسی فیصلوں کا اعلان کرینگے، عمران خان نے حیران کن اور تہلکہ خیز انکشافات کیے عمران خان نے کہا ہے کہ ہم تیاری کے ساتھ نہیں آئے تھے عمران خان کی تیاری صرف گولیاں اور بارود جمع کرنے میں تھی ان کے کارکنوں کے گھروں سے اسلحہ برآمد ہوا،ا ن کا مقصد خیبرپختونخوا اور وفاقی پولیس کو گتھم گتھا کرنا تھا چند لوگ جو گھروں سے نکلے ان کے پاس اسلحہ تھا،نوازشریف کے لانگ مارچ میں بڑی تعداد میں عوام گھروں سے نکلے،وہ کون سی رکاوٹ تھی جس نے آپ کو روکا جو پولیس اہلکار شہید ہوئے کم ازکم اس کے گھر تو آپ جاتے،آپ کی وجہ سے آج 5بجے یتیم ہوئے،سپریم کورٹ کے آرڈر آنے کے بعد رکاوٹیں ہٹا دی گئی تھیں،

    وفاقی وزیر اطلاعات مریم اورنگزیب کا کہنا تھا کہ کبھی تیاری بہانہ اور کبھی 6 دن بعد واپس آنے کا الٹی میٹم دیتے ہو، عوام نے سازش اور تخریب کی سیاست کو مسترد کر دیا ہے عوام کو وہ سیاست تسلیم کرتی ہے جو ان کے مستقبل کو محفوظ کرے،4 سال آپ نے اقتدار میں رہ کر عوام کا معاشی قتل کیا ہے،آئی ایم ایف کے معاہدے پر دستخط عمران خان نے کیے ہیں اگر پیٹرول کی قیمت آج بڑھی ہے تو اس کا فیصلہ آپ کر کے گئے تھے ابھی بھی 18 رینجرز اور پولیس اہلکار شدید زخمی ہیں آپ نے پولیس پر تشدد کرائے اور میٹرو اسٹیشن جلا دیئے آپ کی کال پر لوگ نکلے اور بلیو ایریا میں درختوں کو آگ لگا دی،عمران خان اب اپنی ناکامیوں کا بوجھ اٹھانا شروع کریں، عمران خان کا سیاسی بیانیہ دفن ہو چکا ہے،عمران خان کو کہتے ہیں اب اداروں پر تنقید کرنا چھوڑ دیں،حکومت اپنی مدت پوری کرےگی بعد میں انتخابات کا اعلان ہوگا، عمران خان اب عدالتوں کو دھمکیاں دینا بند کردیں،

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

  • کارکنوں کی قربانی سے حقیقی آزادی حاصل ہوتی ہے،عمران خان

    کارکنوں کی قربانی سے حقیقی آزادی حاصل ہوتی ہے،عمران خان

    باغی ٹی وی کی رپورٹ کے مطابق لانگ مارچ میں مرنے والے کارکن کے گھر آمد ہوئی،

    اس موقع پرتحریک انصاف کے دیگر رہنما بھی موجود تھے،ممبر صوبائی اسمبلی افتخار علی مشوانی نے عمران خان کو کارکن سیعد احمد کے حوالے سے تفصیلات بتا ئیں ،چیئرمین پی ٹی آئی عمران خان سعید احمد جان کے بچوں سے بھی ملے عمران خان نے پی ٹی آئی کے جاں بحق رکن کے اہل خانہ سے اظہار تعزیت کیا ،عمران خان کا کہنا تھا کہ سعید احمد جان آزادی مارچ میں جاں بحق ہوئے ،سعید احمد جیسے کارکنوں کی قربانی سے حقیقی آزادی حاصل ہوتی ہے سعید احمد جان کی کی قربانی کو بھولنے نہیں دیا جائے گا، پارٹی کو سید احمد کی قربانی پر فخر ہے، پارٹی سعید احمد کے اہل خانہ کو تنہا نہیں چھوڑے گی، سعید احمد کے بچوں کا ہر ممکن خیال رکھا جائے گا،

    https://twitter.com/ZahirKh00992313/status/1530121106006454272

    عمران خان کا مزید کہنا تھا کہ شہید کا سب سے بڑا رتبہ دین میں ہے، ہم اپنے شہیدوں کو نہیں بھولیں گے، وزیراعلیٰ محمود خان، میں چیئرمین پی ٹی آئی لواحقین کی پوری مدد کریں گے، ایسے لوگوں کی قریانیاں ہی رنگ لاتی ہیں لانگ مارچ کے وقت ہمارے لوگ جاں بحق ہوئے پی ٹی آئی کے شہدا کے لیے پارٹی ایک ایک کروڑ روپے اکٹھا کرے گی ،ہمارے ساتھیوں پر تشدد کیاگیا ملک کی توہین ہے 30سال سے پاکستان کو کھانے والے حکمران ہیں، یہ حکومت سازش کے تحت آئی ضمانت پر رہا شخص وزیراعظم ہیں فیصل عباس کو راوی پل سے پھینکا گیا وکلا کو پولیس نے گاڑیوں سے نکال کر تشدد کیا،چن چن کر ہمار ے لوگوں پر تشدد کیاگیا، عمر ایوب کو بےدردی سے مارا گیا،کون سی پولیس اس طرح بیٹیوں،بچوں اور رہنماوں کو مارتی ہے، پراپیگنڈا کیاگیا کہ ہم انتشار پھیلانے آرہے ہیں،لاہور لبرٹی چوک پر خواتین پرشیلنگ کی گئی شہباز شریف اوررانا ثنااللہ کو ماڈل ٹاون واقعے میں سزا ہوتی تو آج یہ نہ ہوتا،کارکن اوررہنما مایوس تھے کہ ہم وہاں جا کر کیوں واپس آئے،پنجاب پولیس میں چن چن افسران کو اوپر لایا گیا، پنجاب پولیس کو استعمال کیا گیا،ہم عدالتوں کے پاس گئے اور پھر فیصلہ آیا، ہمیں لگا عدالتی حکم کے بعد رکاوٹیں ہٹا دی جائیں گی،پولیس ہماری اور یہ لوگ ہمارے ہیں، انتشار ہوتا تو ملک کا بڑا نقصان ہوتا،

    مجھے خون خرابے کا خدشہ تھا،واپسی کو ہماری کمزوری نہ سمجھا جائے،عمران خان
    تحریک انصاف کے چیئرمین عمران خان کا مزید کہنا تھا کہ کارکن اور رہنما مایوس تھے کہ ہم وہاں جاکر کیوں واپس آئے، مجھے اسی رات خون خرابے کا خدشہ تھا،لوگ غصے میں تھے میں اگر اسی رات جا کر بیٹھ جاتا تو خون خرابہ یقینی تھا،میں نے ملک کو نقصان سے بچانے اور دشمن کو خوش نہ کرنے کے لیے واپسی کا راستہ لیا،ہماری اسلا م آباد سے واپسی کو ہماری کمزوری نہ سمجھا جائے،میں 6دن دے رہاہوں الیکشن کی تاریخ کااعلان نہ کیا گیا تو مکمل تیاری سے نکلیں گے،کوئی غلط فہمی میں نہ رہے کہ اس امپورٹڈ حکومت کو قبول کرلیں گے،جب تک زندہ ہوں ان کے سامنے کھڑا رہوں گا میری اسٹیبلشمنٹ سے کوئی ڈیل نہیں ہوئی ،ساری باتیں بےبنیاد ہیں،میں کرپٹ عناصر کے خلاف نکلنے کو جہاد سمجھتا ہوں ،جب تک زندہ ہوں ان کےخلاف رہوں گا،

    عمران خان کا مزید کہنا تھا کہ ہمارے ساتھ جو ہوا ہماری تیاری ویسے نہیں تھی،ڈی چوک سے متعلق جو اطلاعات آئیں خدشہ تھا بڑامسئلہ نہ پیدا ہو،اسلام آبا د میں بھی حالات ٹھیک نہیں تھے ،شہریوں پر شیلنگ کی اطلاعات تھیں،سپریم کورٹ نے جو حکم جاری کیا سمجھا کہ اب راستے کھل گئے ہوں گے اسلام آباد پہنچنے پر پتہ چلا کہ وہاں تو شیلنگ جاری ہے،سپریم کو رٹ کو تمام صورتحال سے متعلق خط لکھا ہے،سب کچھ نظرآ رہاہے کون کیا کررہا ہے،سید احمد جان اور فیصل عباس آزادی مارچ کے شہید ہیں جو حقیقی آزادی کی خاطر باہر نکلے انہیں جتنا خراج تحسین پیش کیا جائے کم ہے، ہم پارٹی کی سطح پر انکے لیے ایک ایک کروڑ روپیہ اکٹھا کریں گے

    عمران خان کا مزید کہنا تھا کہ کون نفرت پیدا کررہا ہے،کون پولیس اور اداروں کے خلاف زہر اگل رہا ہے قومی اسمبلی میں یہ لوگ جو کررہے ہیں یہ غیر قانونی ہے،یہ لوگ ملک کو بغاوت کی طرف دھکیل رہے ہیں لوگوں کو اگر احتجاج کا حق نہیں دیا تو لوگ کیا کریں گے اگر انتخابات کا اعلان نہیں ہوا تو پھر کال دوں گا میری رقم بیرون ملک پڑی ہوتی تو شاید مجھے ملک کی فکر نہ ہوتی،اب قوم کو پتہ چلنا چاہیے کون حق پر کھڑا ہے، آئی ایم ایف کے دباو پر 30روپے پیٹرول کی قیمت میں اضافہ کیا،ان سے آئی ایم ایف کا دباو برداشت نہ ہوا،یہ باہرکے ممالک چاہتے ہی نہیں کہ پاکستان معاشی طورپرمستحکم ہو، ہمارے اوپر بھی آئی ایم ایف کا دباو تھا مگر ہم ان کے زیراثر نہیں آئے

    عمران خان کا مزید کہنا تھا کہ ڈونلڈ لو نے ہمارے سفیر سے کہا تھا کہ عمران خان روس کیوں گیا تھا روس میں تمام اسٹیک ہولڈرز کی مشاورت کے بعد گیا تھا،روس سے ہم تیل اور دیگر اہم معاہدے کرنے گئے تھے،بھارت نے روس سے 30فیصد کم قیمت پر تیل خریدا بھارت اسلحہ بھی روس سے خرید رہا ہے،ہمارے ساتھ امریکہ کا اتنا غصہ کیوں ہے،میری جنگ موجودہ حکومت کے ساتھ ہے،مجھے غلامی قبول نہیں ہے،وزیر اعظم کہتا ہے کہ بھکاری ہیں اس لیے غلامی قبول کرنی پڑے گی،6دن کی مہلت ہے ، قوم کو پھر باہر نکالوں گا،میرا فیصلہ ہے میں ان کو قبول نہیں کروں گا سپریم کورٹ سے تحفظ مانگتے ہیں جو ہمارا حق ہے،مجرموں کی حکومت قبول نہ ہی بیرونی دباو،ہم نے مذاکرات کے لیےدروازے کھلے رکھے ہیں.سازش میں کون ملوث تھا،سب جانتے ہیں،تشدد کے احکامات دینے والے بیورکریسی اورافسران جوابدہ ہوں گے ،میرا کوئی کیمپ نہیں، محمود خان کا حق ہے وہ کسی مارچ میں شرکت کریں،ہم نے ای وی ایم کے لیے اپوزیشن کو دعوت دی تھی،ا ی وی ایم سے دھاندلی نہیں ہونی تھی،ا ی وی ایم بھارت میں کامیاب ہے تو پاکستان میں کیوں نہیں ہوسکتا،انہوں نے الیکشن ٹھیک کروایا تو نتائج مان لیں گے،

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

  • چیئرمین پاکستان تحریک انصاف عمران خان کا جاں بحق کارکنوں کےاہلخانہ کی مکمل مالی ذمہ داری اٹھانے کا اعلان

    چیئرمین پاکستان تحریک انصاف عمران خان کا جاں بحق کارکنوں کےاہلخانہ کی مکمل مالی ذمہ داری اٹھانے کا اعلان

    لاہور:سابق وزیراعظم عمران خان نے پاکستان تحریک انصاف کے لانگ مارچ کے دوران زندگی کی بازی ہارنے والے دو کارکنوں کے اہل خانہ کی مکمل مالی ذمہ داری اٹھانے کا اعلان کر دیا۔

    سماجی رابطے کی ویب سائٹ ٹویٹر پر انہوں نے لکھا کہ ہمارے پرامن آزادی مارچ کے دوران پنجاب پولیس کے تشدد کے نتیجے میں ہمارے دو کارکن جاں بحق ہوئے، لاہور سے فیصل عباس چودھری اور مردان سے سیّد احمد جان کے اہل خانہ سے میں دلی تعزیت کرتا ہوں۔انہوں نے کہا کہ پاکستان تحریک انصاف ان کے اہل خانہ کی مکمل مالی ذمہ داری اٹھائے گی۔

    چیئرمین تحریک انصاف عمران خان نے حکومت کو 6 روز کی ڈیڈ لائن دیتے ہوئے کہا کہ اسمبلیاں تحلیل حکومت 6 دن میں الیکشن کا اعلان کرے ورنہ ملک بھر سے کارکنوں کو لیکر دوبارہ اسلام آباد آؤں گا۔

    سابق وزیراعظم عمران خان نےجناح ایونیو پرکارکنوں سے خطاب میں کہا کہ میری قوم آزادی کےلیےہرقربانی دینے کے لیے تیارہے، ہماری آزادی کی تحریک کوفیل کرنےکےلیےہرقسم کی کوشش کی گئی، پاکستان کے ہرطبقہ فکر کےلوگ متحد ہیں۔ امریکی سازش کےتحت امپورٹڈحکومت کومسلط کیاگیا قوم اس امپورٹڈحکومت کوکسی صورت قبول نہیں کرےگی۔

     

     

    انہوں نے کہا کہ آدھی سے زیادہ کابینہ ضمانت پر ہے، امپورٹڈ وزیراعظم اوراس کےبیٹے کوسزا ہونی تھی، اس سے زیادہ قوم کی کیاتوہین ہوسکتی ہے کہ چوروں کواقتدارسونپ دیاگیا۔انہوں نے ازخودنوٹس لینےپرسپریم کورٹ کاشکریہ اداکیا۔عمران خان نے سوال اٹھایا کہ کیا پرامن احتجاج ہماراحق نہیں ہے؟ کیاہم نےفضل الرحمان اوربلاول بھٹو کےلانگ مارچ کوروکا؟ ہم نے کبھی ان کے جلسوں میں رکاوٹ پیدا کرنےکی کوشش کی؟ میرجعفرمیرصادق امریکی سازش کاحصہ تھے۔

    عمران خان نے کہا کہ جس طرح سازش سے ہمیں ہٹایا گیا،عوام میں شدید غصہ ہے۔ ہماری آزادی کی تحریک میں خواتین اور بچے بھی شامل ہیں،قوم کی خواتین کوسلام پیش کرتاہوں، ہمارےکارکنوں پر لاٹھی چارج اور شیلنگ کی گئی، اعلیٰ عدلیہ سےاپنےپاکستانیوں سےانصاف چاہتاہوں، اگر یہ جسٹس (ر) ناصرہ اقبال کے گھر میں گھس سکتے ہیں توعام آدمی کا کیا حال ہو گا، امپورٹڈ حکومت نےچن چن کرکرپٹ افسرو ں کوتعینات کیا، اعلیٰ عدلیہ سے اپیل کرتاہوں کہ ایف آئی اےکوشریف مافیا سےبچائیں۔

    چیئرمین تحریک انصاف نے کہا کہ فیصلہ توکیاتھا کہ الیکشن کی تاریخ تک یہاں بیٹھوں گا، 24گھنٹےمیں جوحالات دیکھے یہ ملک کوانتشارکی طرف لےجارہےہیں، حکومت عوام اور پولیس میں نفرت پیدا کرنےکی کوشش کررہی ہے۔

     

  • لانگ مارچ، عمران خان سمیت تحریک انصاف کے رہنماؤں پر مقدمہ درج

    لانگ مارچ، عمران خان سمیت تحریک انصاف کے رہنماؤں پر مقدمہ درج

    لانگ مارچ، عمران خان سمیت تحریک انصاف کے رہنماؤں پر مقدمہ درج
    اسلام آباد میں پی ٹی آئی کا لانگ مارچ عمران خان سمیت 150افراد کیخلاف 3 مقدمات درج کر لئے گئے

    مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں، مقدمہ تحریک انصاف کے چیئرمین عمران خان سمیت باقی قیادت، کارکنان پر درج کئے گئے ہیں، مقدمات میں 39 افراد کی گرفتاری بھی ظاہر کی گئی ہے ،درج مقدمات میں اسد عمر، عمران اسماعیل ، راجہ خرام نواز ،علی امین گنڈا پور اور علی نواز اعوان کے نام بھی شامل ہیں،

    پولیس کے مطابق مقدمات تحریک انصاف کے ڈی چوک پر لانگ مارچ پر تھانہ کوہسار میں درج ہوئے ہیں دونوں مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں،پولیس کا کہنا ہے کہ گرفتار افراد نے سابق وزیراعظم، تحریک انصاف کے چیئرمین عمران خان و دیگررہنماؤں کی ایما پر سرکاری املاک کو نقصان پہنچایاجناح ایونیو پر میٹرو اسٹیشن کو آگ لگائی گئی، ایکسپریس چوک پر سرکاری گاڑی کو نقصان پہنچایا گیا

    درج مقدموں میں لکھا گیا کہ مظاہرین نے پولیس پارٹی پر پتھراؤ کیا، مظاہرین نے پولیس کی گاڑیوں کے شیشے توڑے،درختوں کو آگ لگائی، ڈنڈے اٹھا کر آنے والے مظاہرین نے پولیس پر حملہ کیا، دو مقدموں میں کئی نامزد ملزمان کو گرفتار بھی کر لیا گیا ہے،

    پی ٹی آئی رہنماؤں کیخلاف مقدمات درج کر لئے

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    دوسری جانب فواد چوہدری فراز چوہدری سمیت 200 افراد کے خلاف مقدمہ درج کر لیا گیا،گزشتہ روز پی ٹی ائی ریلی پولیس پارٹی پر پتھراؤ کار سرکار مداخلت سرکاری املاک کو نقصان پہنچانے اور پولیس اہلکاروں کو جان سے مارنے کی دھمکیاں دینے پر فواد چودھری فراز چوہدری و دیگر 200 افراد کے خلاف تھانہ منگلا جہلم میں درج کیا گیا ہے ، مقدمے کے متن میں کہا گیا کہ فواد چودھری میرپور سے ریلی کی قیادت کرتے ہوئے جہلم آنا چاہتے تھے ، ریلی کے شرکاء کے پتھراؤ سے پولیس اہلکار شدید زخمی ہوئے جبکہ پولیس وین سمیت دیگر گاڑیوں کو بھی نقصان پہنچا ۔

  • عمران خان اپنی تقریر کے ساتھ ساتھ اپنے کردار کو بھی اسلامی ٹچ دیں،حافظ سعد رضوی

    عمران خان اپنی تقریر کے ساتھ ساتھ اپنے کردار کو بھی اسلامی ٹچ دیں،حافظ سعد رضوی

    عمران خان اپنی تقریر کے ساتھ ساتھ اپنے کردار کو بھی اسلامی ٹچ دیں،حافظ سعد رضوی

    عمران خان کے مصنوعی ”اسلامک ٹچ” پر مرکزی امیر تحریک لبیک پاکستان حافظ سعد حسین رضوی کا کہنا ہے کہ قاسم سوری نے عمران خان کے کان میں اسلامک ٹچ والی سرگوشی کرکے عمران خان کوایکسپوز کردیا،

    امیر ٹی ایل پی حافظ سعد حسین رضوی کا کہنا تھا کہ عمران خان اپنی تقریر کے ساتھ ساتھ اپنے کردار کو بھی اسلامی ٹچ دیں، عوام کو دھوکا دینے کے لیے تقاریر کو اسلامی ٹچ دینا منافقت ہے، ریاست مدینہ میں بھائی چارہ تھا، برداشت تھی، اخوت تھی، آئندہ انتخابات میں عوام تحریک انصاف کو اس طرح مسترد کریں گے جس طرح نام نہاد آزادی مارچ کو مسترد کیا،عمران خان کے کاسمیٹک مذہبی اقدامات محض اسلامی ٹچ تھے،عمران خان کا اسلام پسندی سے کوئی تعلق نہیں بلکہ اسلام آباد پر قابض ہونا مقصد ہے، اللہ تعالی نے عمران خان کی نام نہاد مذہب پسندی، اسلامو فوبیا وغیرہ کی حقیقت بھی بے نقاب کردی،پاکستان میں یورپی طرز کا اسلام نہیں بلکہ اللہ اور اس کے رسولﷺ کا بتایا ہوا اسلام چلے گا،عمران خان کی باقی زندگی چار سالہ اقتدار کی یاد میں ماتم کرتے ہی گزرے گی، عمران خان بتائیں اقتدار کی خاطر ملک میں انارکی پھیلانا اور لوگوں کا استعمال کونسی ملک کی خدمت ہے،

    حافظ سعد رضوی کا مزید کہنا تھا کہ قوم عمران خان کو سنجیدہ لینا چھوڑ چکی، اب یہ جتنا چاہے "اسلامی ٹچ” دے دیں، حقیقت آشکار ہوچکی،صاف نظر آرہا ہے کہ عمران خان کا اقتدارکا پجاری ہے اس کو مذہب سے کوئی دلچسپی نہیں،

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    ہرمظلوم کا ساتھ دیں گے، ہم ہر ظالم کا ہاتھ روکیں گے،حافظ سعد رضوی کا اعلان

    قیادت نا اہلوں سے نکل کر ناقابل اعتبار لوگوں کے ہاتھ آ گئی،حافظ سعد رضوی

    وزیراعظم کیخلاف تحریک عدم اعتماد،حافظ سعد رضوی نے بھی بڑا مطالبہ کر دیا

    سعد رضوی نے کہا ہے کہ چولستان پانی کی بوند بوند کو ترس گیا،

  • عمران خان کی اہلیہ کی دوست فرح گوگی کی مشکلات میں مزید اضافہ

    عمران خان کی اہلیہ کی دوست فرح گوگی کی مشکلات میں مزید اضافہ

    باغی ٹی وی کی رپورٹ کے مطابق سابق وزیراعظم عمران خان کی بیگم کی دوست فرح کی مشکلات بڑھنے لگیں

    فرح کے خلاف نیب متحرک ہو چکا ہے اور باقاعدہ تحقیقات کا آغاز کر دیا گیا ہے، فرح کے خلاف تحقیقات کے سلسلہ میں نیب نے فرح سے جڑے چار افراد کو پیش ہونے کا حکم دیا ہے، نیب نے جن چار افراد کو طلب کیا ہے ان میں فرح کا منیجر، کیشیر اور بینکرز شامل ہیں، نیب نے منیر،آصف،وقار کو نوٹس جاری کر کے پیش ہونے کا حکم دیا ہے،

    نیب کی جانب سے ان شخصیات کو جاری نوٹس میں کہا گیا ہے کہ فرح کے حوالہ سے متعلقہ تمام ریکارڈ لے کر نیب آفس حاضر ہوں، ڈی جی نیب کی جانب سے منظوری کے بعد فرح کیس میں ان افراد کو طلب کیا گیا ہے ،طلبی کے نوٹس بینش نعمان کی جانب سے جاری کئے گئے ہیں

    قبل ازیں نیب نے دونوں میاں بیوی کےخلاف ریکارڈ کی وصولی کے لیے 100 سے زائد مراسلے جاری کیے تھے، یہ مراسلے مختلف حکومتی اور نجی اداروں کو ارسال کیے گئے تھے تحقیقاتی ٹیم مختلف محکموں سے موصولہ ریکارڈ کا جائزہ لینے کے بعد اس نتیجے پر پہنچی ہےکہ فرح خان کی طلبی کے نوٹس جاری کیے جائیں فرحت شہزادی عرف فرح خان گوگی نے عمران خان کی ایمنسٹی اسکیم سے 33 کروڑ روپے جبکہ ان کے شوہر احسن جمیل گجر نے 2 کروڑ روپے بخشوانے سمیت دیگر الزامات ہیں جبکہ فرح گوگی کے شوہر حسن جمیل گجر مختلف ٹی وی پر کہ چکے ہیں کہ وہ دو تین ہفتوں میں پاکستان آ کر تحقیقات کا سامنا کریں گے

    چند روز قبل نیب نے 2018 کے بعد فرح گجر کے اثاثوں میں غیر معمولی اثاثوں کی تحقیقات کا باقاعدہ آغاز کیا

    واضح رہے کہ عمران خان کے خلاف تحریک عدم اعتماد کامیاب ہونے سے قبل ہی اپوزیشن جماعتوں نے فرح پر الزام لگانے شروع کر دیئے تھے، ن لیگ کی رہنما مریم نواز نے دو تین بار فرح کی کرپشن کا ذکر کیا، عمران خان کے خلاف تحریک عدم اعتماد کامیاب ہوئی تو علیم خان بھی کھل کر فرح کے خلاف بولے، فرح دبئی جا چکی ہے

    بنی گالہ کے کتوں سے کھیلنے والی فرح بی بی ،خاتون اول بشری بی بی کی قریبی دوست کے چرچے ہر طرف چل رہے ہیں، ہر آنے والے دن نیا انکشاف سامنے آتا ہے تا ہم اب فرح نے خاموشی توڑی ہے اور ایک بیان جاری کیا ہے،

    فرح کی طرف سے جاری بیان میں کہا گیا ہے کہ میرا سیاست سے تعلق ہے اور نہ ہی کبھی سرکاری معاملات میں مداخلت کی میرے کردار پر کیچڑا چھالنے والوں کی اپنی بھی بہن بیٹیاں ہیں بزنس کے بارے میں میرے شوہر پہلے ہی وضاحت دے چکے ہیں جن لوگوں کو میرے ساتھ منسوب کیا گیا وہ بھی اس کی تردید کر چکے ہیں میری فیملی ان الزامات کو سن کر صدمے میں ہے مجھے اور میرے خاندان کو سنی سنائی باتوں پر بدنام نہ کیا جائے

    سوشل میڈیا پر فرح خان کی چارٹرڈ طیارے میں بیٹھے تصویر وائرل ہو رہی ہے تاہم ابھی یہ تصدیق نہیں ہو سکی ہے یہ پرانی ہے یا تازہ تصو یر ہے ، اس تصویر میں دیکھا جا سکتاہے کہ فرح خان کے قدموں میں ایک ہینڈ بیگ موجود ہے جو کہ اس وقت لوگوں کی توجہ کا مرکزبناہواہے ، فرح خان نے ایک پیلے رنگ کی جوتی بھی پہنی ہوئی ہے جس نے صارفین کی توجہ اپنی جانب مبذول کروائی ہوئی ہے ۔

    سوشل میڈیا پر وائرل ہونے والی پوسٹس میں دعویٰ کیا جارہاہے کہ یہ بیگ دراصل معروف برینڈ ” ہرمز “ کا کیلی بیگ ہے اور اس کی مالیت تقریبا ڈیڑھ کروڑ سے زائد ہے جبکہ فرح خان نے جو پیلے رنگ کی چپل پہن رکھی ہے وہ بھی کچھ کم نہیں بلکہ ایک لاکھ روپے سے زائد کی ہے ۔

    ‏یہ کشمیر اور پاکستان کاترجمان بننےکی بجائےفرح گوگی کا ترجمان بن گیا

    فرح خان جہاں بھی ہوگی رانا ثنااللہ اسے واپس لائیں گے:مریم نواز 

    فرح خان کو دبئی سے پاکستان واپس لا نے کا فیصلہ

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    فرح خان کیسے کرپشن کر سکتی ؟ عمران خان بھی بول پڑے

    نیب نے فرح خان کے خلاف تحقیقات کا آغاز کر دیا

    نیب نے سابق خاتون اول کی دوست کے حوالے سے وضاحت کردی

    شہزاد اکبر بھاگ گیا، فرح بھاگ گئی،کچھ کیا نہیں تو ڈر کیسا؟ سعد رفیق

    فرح خان کیخلاف ریکارڈ کے حصول کیلئے نیب متحرک

     

    منی لانڈرنگ انکوائری، فرح کب آ رہی پاکستان؟

  • تحریک انصاف حکومت کا سیکنڈل احسن اقبال کے سامنے آ گیا

    تحریک انصاف حکومت کا سیکنڈل احسن اقبال کے سامنے آ گیا

    تحریک انصاف حکومت کا سیکنڈل احسن اقبال کے سامنے آ گیا

    وزیر منصوبہ احسن اقبال کی زیر صدارت ون پیشنٹ ون آئی ڈی ‘منصوبہ پر جائزہ اجلاس منعقد ہوا

    اجلاس میں این آئی ٹی بی ، وزارت صحت اور انفارمیشن ٹیکنالوجی کے افسران نےشرکت کی اجلاس کو بریفنگ کے دوران بتایا گیا کہ پروجیکٹ کا مقصد وفاق کے زیر نگرانی ہسپتالوں میں مریضوں کو بہترسہولیات اورمالی وسائل کو موثراندازمیں استعمال میں لانا تھا منصوبہ 24 جون 021 میں پراسرار طورروک دیا گیا این آئی ٹی بی کے پروجیکٹ پر51 ملین روپے خرچ ہو چکے تھے این آئی ٹی بی کا پروجیکٹ 75 فیصد مکمل ہو چکا تھا این آئی ٹی بی کا ایک پراجیکٹ روک کے شوکت خانم ہسپتال کا سافٹ وئیر استعمال کرنے کا حکم دے دیا گیا

    وفاقی وزیر احسن اقبال کو اجلاس کے دوران بریفنگ میں مزید بتایا گیا کہ پراجیکٹ 2020 میں شروع ہوا اور 2023 میں اس نے مکمل ہونا تھا

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    مسجد نبوی کو جلسہ گاہ بنانیوالو شرم کرو، بے حرمتی کا سازشی پکڑا گیا، مبشر لقمان پھٹ پڑے

    مسجد نبوی میں نازیبا نعرے، مولانا طارق جمیل بھی خاموش نہ رہ سکے

    مسجد نبوی واقعہ توہین رسالت کے زمرے میں‌ آتا ہے، مبشر لقمان کے فین کی قوم سے اپیل

    عمران خان اور بشری بی بی کی کونسی ویڈیوز ہیں جن سے پی ٹی آئی گھبرا رہی ہے:مبشرلقمان کا انکشاف

    وفاقی وزیراحسن اقبال نے وزارت صحت کی جانب سے سرکاری ادارے کے تیارکردہ سافٹ وئیر کو ہٹا کرغیر شفاف انداز میں شوکت خانم ہسپتال کے ایم آئی ایس سسٹم نافذ کرنے کے پلان پر تشویش کا اظہار کرتے ہوئے انکوائری کا حکم دے دیا، وفاقی وزیر احسن اقبال کا کہنا تھا کہ اس معاملہ میں غیر شفافیت اور بدنیتی نظر آتی ہے این آئی ٹی بی کے ون پیشنٹ ون آئی ڈی کو شوکت خانم کے سسٹم سے تبدیل کرنے کی کوشش مفادات کے ٹکرائو کا مظہر ہے سرکاری ہسپتال کا ڈیٹا کس طرح پرائیویٹ ادارے کو دیا جا سکتا ہے

    سماجی رابطے کی ویب سائٹ ٹویٹر پر ٹویٹ کرتے ہوئے وفاقی وزیر احسن اقبال کا کہنا تھا کہ وزارت صحت کے one patient one ID پراجیکٹ کا جائیزہ لیا-PTI حکومت نے وزارت IT کے تیارکردہ سافٹ وئیر کو جس پر Rs51m سے زائد خرچ کئے جا چکے تھے یکا یک مسترد کر کے شوکت خانم ہسپتال کا سافٹ وئیر استعمال کرنے کا حکم جاری کر دیا جس سے اسے تمام سرکاری ہسپتالوں کے ڈیٹا تک رسائی ہو سکتی تھی

    صحافی وسیم عباس نے ٹویٹ کرتے ہوئے کہا کہ اسلام آباد میں کینسر ہسپتال کی تعمیر روکنے کے بعد سابقہ حکومت کا صحت سے جڑا ایک اور سکینڈل.. کیا شوکت خانم کو اسلام آباد کے تمام ہسپتالوں کے ڈیٹا تک رسائی دینے کا پراجیکٹ بغیر ٹینڈر کرنا conflict of interest نہیں؟؟ پمز میں آئی ٹی کے ہیڈ نے اسکی مخالفت کی تو اسے کھڈے لائن لگایا؟

  • عقل کے اندھے ہیں جو عمران خان کو سپورٹ کررہے ہیں:عفت رحیم

    عقل کے اندھے ہیں جو عمران خان کو سپورٹ کررہے ہیں:عفت رحیم

    مااڈل، اداکارہ و ہوسٹ‌عفت رحیم نے کہا ہے کہ میں کسی وقت میں عمران خان کو بہت زیادہ سپورٹ‌ کرتی تھی لیکن ان کے اپنے قول و فعل کے تضاد نے مجھے ان سے دور کر دیا ہے اور میں نے انکی حمایت چھوڑ دی ہے اورمشی خان ہوں یا کوئی اور ان کو اگر میری باتیں یا میرا وہ پروگرام جس میں،میں ان کے لیڈر پر طنز کرتی ہوں برا لگتا ہے تو یہ ان کا مسئلہ ہے میرا نہیں. میں اپنے حصے کا سچ بول رہی ہوں یہ لوگ اپنے حصے کا سچ بول رہے ہیں. میں پوسٹ کرنے کے بعد کمنٹس نہیں‌پڑھتی لہذا جس کو جو بولنا ہے بولتا رہے.عمران خان کے سپورٹرز میں تو اتنا بھی حوصلہ نہیں ہے کہ وہ کسی دوسرے کی رائے کو ہی ہضم کر لیں. میں مذاق میں ایک پروگرام کرتی ہوں اور اگر اس مذاق میں سچائی ہے تو دل کو لگ رہی ہے نا اور عمران کے حامیوں کو غصہ آرہا ہے.عمران خان جب تک صرف سپورٹس مین تھے چپ رہتے تھے ہم ان کو سراہتے تھے ان کی شخصیت سے بھی متاثر تھے لیکن 2014 کے دھرنوں میں جب انہوں‌ نے بل جلانے کی بات کی،گیلی شلواروں کی بات کی، ڈی آئی جی کو گھسیٹنے کی بات کی ، بدتمیزی اور عدم برداشت کو فروغ دیا تو میری ان کے بارے میں‌ رائے بدلنا شروع ہو گئی جیسے جیسے عمران نے اپنا منہ کھولنا شروع کیا خود کو ایکسپوز کرتے گئے اب صرف عقل کے اندھے ان کو سپورٹ کررہے ہیں جن میں تھوڑی عقل ہے وہ ان کی بات نہیں سنتے.عمران خان کے زمانے میں ہم جس قدر اخلاقی پستی میں گرے ہیں شاید ہی پہلے ایسا کبھی ہوا ہو گا. مشی خان کو جو کہنا ہے کہتی رہیں مجھے نہ ان کو بلکہ کسی کو بھی جواب نہیں دینا لیکن جو ٹھیک سمجھتی ہوں وہ ضرور بولتی رہوں گی.

  • جہانگیر چیکو کی پاکستانی ہائی کمیشن میں گھس کر اہلکاروں سے بدتمیزی،گالیاں‌،

    جہانگیر چیکو کی پاکستانی ہائی کمیشن میں گھس کر اہلکاروں سے بدتمیزی،گالیاں‌،

    عمران خان کے قریبی دوست جہانگیر چیکو کی پاکستانی ہائی کمیشن میں گھس کر اہلکاروں سے بدتمیزی،گالیاں‌، کب درج ہو گا مقدمہ؟

    باغی ٹی وی کی رپورٹ کے مطابق سابق وزیراعظم عمران خان کے اوورسیز انویسٹر جہانگیر چیکو کے نئے کارنامے سامنے آئے ہیں

    عمران خان کی حکومت جا چکی، جہانگیر چیکو دور حکومت میں ایک روپیہ بھی پاکستان نہ لا سکے البتہ اب حکومت جانے کے بعد مختلف مواقع پر وہ دھمکیاں دیتے نظر آتے ہیں، سعودی عرب میں جب وزیراعظم شہباز شریف اور انکا وفد گیا تو وہاں توہین آمیز کے واقعہ کے وقت بھی جہانگیر چیکو موجود تھے، اور کہا جا رہا تھا کہ اس سارے واقعہ کا ماسٹر مائنڈ جہانگیر چیکو ہے، جو واقعہ کے فوری بعد واپس فرار ہو گیا تھا

    اب جہانگیر چیکو کی ایک نئی ویڈیو سامنے آئی ہے، باغی ٹی وی کو ملنے والی ویڈیو میں دیکھا جا سکتا ہے کہ عمران خان کے قریبی دوست جہانگیر چیکو لندن میں پاکستانی ہائی کمیشن گئے اور وہاں پاکستانی ہائی کمیشن کے اہلکار سے بدتمیزی کی، انکو دھمکیاں دیں، دھکے دیئے اور کہا کہ چاچا آپ مجھ سے مار کھاؤ گے، خاموش رہو، اس دوران بدتمیزی کی گئی، جہانگیر چیکو کے ساتھ کچھ اور افراد بھی تھے جو کھڑے ہو کر تماشا دیکھتے رہے ،جہانگیر چیکو نے ملٹری اتاشی کو گالیاں دیں، اس دوران جہانگیر چیکو ایک فون کال بھی کرتے ہیں جس کے بارے میں وہ بعد میں بتاتے ہیں کہ ڈیفنس اتاشی ہیں کرنل آصف، جہانگیر چیکو انکے ساتھ بھی بدتمیزی سے بات کرتے ہیں

    عمران خان کے قریبی دوست جہانگیر چیکو کی جانب سے پاکستانی ہائی کمیشن کے حکام کو دھمکیوں اور دھکے دینے پر انکے خلافد مقدم درج کروانا چاہئے، اور انکو گرفتار کروانا چاہئے،جس شخص کو جہانگیر چیکو نے دھمکیاں دیں وہ حکومت پاکستان کی جانب سے وہاں تعینات ہے، حکومت کو چاہئے کہ جہانگیر چیکو کے خلاف فوری ایکشن لے اور مقدمہ درج کروائے، میٹرو پولیٹن پولیس میں Section 39 Criminal justice act1988 کے تحت مقدمہ درج کروایا چاہئے، مقدمہ درج ہو گا تو پاکستانی ہائی کمیشن میں گھس کر دھمکیاں دینے، گالیاں دینے اور دھکے دینے پر دو سال کی سزا ہو سکتی ہے

    جہانگیر چیکو پر پہلے بھی مقدمات درج ہو چکے ہیں اور وہ جیل جا چکے ہیں ، سینئر صحافی و اینکر پرسن مبشر لقمان نے مبشر لقمان یو ٹیوب آفییشل چینل پر ایک ویڈیو میں انکشاف کیا تھا کہ جہانگیرچیکو مسجد نبوی واقعہ کے واقت ویڈیو بھی بنا رہے تھے اور نعرے بھی لگوا رہے تھے، آخر میں کسی نے کہا تھا کہ چیکو بھائی ، چیکو بھائی پھر پتہ چلا،صاحبزادہ جہانگیر کو شرم آنی چاہئے ان کی وجہ شہرت کیا ہے کئی لوگ جانتے ہیں، وہ پچھلے ڈھائی ،تین سال فارن انویسمنٹ لانے کے ایمبسڈر رہے ہیں اور کیا کچھ کیا ہے سب پتہ ہے، صاحبزادہ جہانگیر کو جیل ہو چکی ہے اور ان پر جرم ثابت ہو چکا ہے، میرا نام لے کر پوچھئے گا ان سے،رمضان کے بعد انکی حرکات سے پردہ اٹھاوں گا، صاحبزادہ جہانگیر نے سگی بہن کی پیٹھ میں چھرا گھونپا فوزیہ قصوری کے،جس طرح انکا حق مارا گیا ،فوزیہ قصوری نےپاکستان کے لئے امریکہ کی نیشنلٹی سرنڈر تھی ، جہانگیر نے بر طانوی نہیں کی، وہ سازش کرنے والے لیکن رہنا وہیں ہے، یہ حال ہے انکا

    مسجد نبوی واقعہ توہین رسالت کے زمرے میں‌ آتا ہے، مبشر لقمان کے فین کی قوم سے اپیل

    مسجد نبوی کو جلسہ گاہ بنانیوالو شرم کرو، بے حرمتی کا سازشی پکڑا گیا، مبشر لقمان پھٹ پڑے

    مسجد نبوی میں نازیبا نعرے، رانا ثناء اللہ نے بڑا اعلان کر دیا

    سینکڑوں پیغامات موصول ہوئے کہ حکومت ایکشن کیوں نہیں لے رہی۔ مریم نواز کا ردعمل

    سعودی عرب میں گرفتاریوں کی ویڈیو

    شیخ رشید کے بھتیجے شیخ راشد شفیق مسجد نبوی میں واقعہ کی خود نگرانی کرتے رہے

  • "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان کو مشورہ،ویڈیو وائرل

    "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان کو مشورہ،ویڈیو وائرل

    پاکستان تحریک انصاف کے لانگ مارچ میں اسلام آباد میں جلسے کے دوران قاسم سوری نے جلسے میں اسلامی ٹچ کا مشورہ دیا جس کی ویڈیو سوشل میڈیا پر وائرل ہو رہی ہے-

    باغی ٹی وی : چیئرمین تحریک انصاف عمران خان کی قیادت میں گزشتہ روز پشاور سے شروع ہونے والا آزادی مارچ کا قافلہ کئی گھنٹوں کا سفر طے کرنے کے بعد صبح سویرے جناح ایونیو اسلام آباد پہنچا جہاں عمران خان نے خطاب بھی کیا جس میں حکومت کو الیکشن کے لیے 6 دن کا الٹی میٹم دیا اور احتجاج ختم کرنے کا اعلان کر دیا ۔

    جیسے ہی مجھے وہاں سے حکم ملا۔۔عمران خان کو کس کے حکم کا انتظار؟

    اسلام آباد میں لانگ مارچ کے شرکا سے خطاب میں کہا تھا کہ ہم نے اعلان کیا تھا کہ الیکشن کے اعلان تک اسلام آباد میں بیٹھیں گے لیکن گزشتہ 24 گھنٹوں میں دیکھا کہ یہ لوگ ملک کو انتشار کی جانب لےکرجا رہے ہیں، یہ لوگ فوج اور پولیس سے ہماری لڑائی کروانا چاہتے ہیں لیکن یہ پولیس بھی ہماری ہے اور عوام بھی ہماری ہے، ہم ملک کو تقسیم کرنے نہیں آئے بلکہ قوم کو بنانے کے لیے آئے ہیں۔

    عمران خان نے کہا تھا کہ حکومت کو 6 روز دے رہا ہوں، اسمبلیاں تحلیل کی جائیں اور جون میں الیکشن کا اعلان کیا جائے ورنہ پوری قوم کو ساتھ لے کر دوبارہ اسلام آباد آؤں گا۔

    تاہم خطاب کے دوران قاسم سوری نے چیئرمین تحریک انصاف کے کان میں گفتگو کی جس کی آواز بھی تصویر کے ساتھ محفوظ ہو گئی اور ویڈیو سوشل میڈیا پر تیزی سے وائرل ہو رہی ہے-


    وائر ل ہونے والی ویڈیو میں معلوم ہوا کہ قاسم سوری ، عمران خان کے کان میں کہہ رہے ہیں کہ ” خان صاحب ! تھوڑا اسلامی ٹچ دیں “ نبی پا ک صلی اللہ علیہ وسلم کی بھی مال دے دیں کوئی”-


    https://twitter.com/IZeeshanShahid/status/1529665098628878341?s=20&t=98BtLjO8otoIQ7znzJLRkw

    بھارت سے یاسین ملک کی زندگی کی بھیک نہیں مانگیں گے اور نہ ہی ہتھیار ڈالیں گے،مشعال ملک