Tag: فائرنگ

پراگ: چیک جمہوریہ کی یونیورسٹی میں فائرنگ سے 15 افراد ہلاک ہوگئے۔

باغی ٹی وی : غیر ملکی خبر ایجنسی کے مطابق فائرنگ کا واقعہ چیک جمہوریہ کے دارالحکومت پراگ کی یونیورسٹی میں پیش آیا، فائرنگ کے واقعے میں 30 کے قریب افراد زخمی بھی ہوئے ہیں پولیس کے مطابق جوابی کارروائی میں حملہ آور بھی مارا گیا ہے تاہم پولیس نے جان پالچ اسکوائر میں دریائے ولتاوا کے قریب واقع عمارت میں حملہ آور کی شناخت یا فائرنگ کے محرکات سے متعلق کوئی معلومات فراہم نہیں کی ہیں، پولیس کا کہنا ہے کہ اس حوالے سے تحقیقات کی جارہی ہیں۔

پولیس اور شہر کی ریسکیو سروس نے بتایا کہ جمعرات کو ایک مسلح شخص نے پراگ کے مرکز میں واقع یونیورسٹی کی عمارت میں فائرنگ کر کے کم از کم 15 افراد کو ہلاک کر دیا اور چیک ریپبلک میں اپنی نوعیت کی بدترین اجتماعی فائرنگ سے بڑے پیمانے پر خوف و ہراس پھیلا دیا۔

ملک کے بیشترعلاقوں میں موسم سرد ،خشک اور سموگ چھائے رہنے کا امکان

پراگ کے میئر کے مطابق فائرنگ کا واقعہ چارلس یونیورسٹی کے شعبہ فلاسفی میں پیش آیاپراگ ایمرجنسی سروس کے مطابق زخمی ہونے والے 30 افراد میں سے بعض کی حالت تشویش ناک ہے-

پراگ کے پولیس چیف مارٹن وونڈراسیک نے بتایا کہ یہ خونریزی چارلس یونیورسٹی کے فلسفہ ڈیپارٹمنٹ کی عمارت میں ہوئی، جہاں گولی چلانے والا طالب علم تھا، اس کا عوامی طور پر نام نہیں لیا گیا ہے۔

چیک کے وزیر داخلہ وٹ راکوسان نے کہا کہ تفتیش کاروں کو کسی انتہا پسند نظریے یا گروہوں سے تعلق کا شبہ نہیں ہے۔

سندھ سیلاب متاثرین کی مدد میں لاکھوں افراد کی مبینہ جعلی رجسٹریشن کا انکشاف

کینیڈا میں یہودیوں کے 2 اسکولوں پر فائرنگ کی گئی ہے

کینیڈا کے شہر مونٹریل میں گزشتہ شب سکولوں‌پر فائرنگ کی گئی،دو الگ الگ مقامات پر تعلیمی اداروں‌کو نشانہ بنایا گیا، واقعہ کا صبح اس وقت پتہ چلا جب وہ سکول پہنچے اور دروازوں پر گولیوں کے نشان دیکھے،اطلاع پر پولیس موقع پر پہنچ گئی اور جائے وقوعہ کا جائزہ لیا، پولیس کا کہنا ہے کہ فائرنگ کے نتیجے کوئی جانی نقصان نہیں ہوا تاہم واقعے کی تحقیقات جاری ہیں

مقامی پولیس کا کہنا ہے کہ انہیں صبح آٹھ بیس پر سکول میں فائرنگ کی اطلاع ملی، جائے وقوعہ سے گولیوں کے خول بھی ملے ہیں، فائرنگ اس وقت کی گئی جب سکول میں کوئی موجود نہیں تھا اور عمارتیں خالی تھیں،پولیس حکام کے مطابق دوسرے سکول پر فائرنگ کی اطلاع آٹھ بج کر پچاس منٹ پر ملی،دونوں‌سکولوں‌کو رات کو نشانہ بنایا گیا،پولیس حکام کے مطابق ہم تحقیقات کر رہے ہیں اگر اس ضمن میں کسی کے پاس کوئی معلومات ہیں تو پولیس کو فراہم کی جائیں

فیڈریشن سی جی اے کے صدر اور چیف ایگزیکٹو آفیسر یائر سلاک نے فائرنگ کے بعد بلائی گئی ایک پریس کانفرنس میں کہا کہ آج صبح ہمیں پتہ چلا کہ ہمارے دو یہودی اسکول، ادارے جن میں ہم اپنے یہودی بچوں کو بھیجتے ہیں پر رات کو فائرنگ کی گئی، اب ہمیں ایک مختلف حقیقت سے نمٹنا ہے۔ کیوبیک میں تقریباً 300 سال کی تاریخ رکھنے والی یہودی کمیونٹی حملے کی زد میں ہے

یہ واقعات ایک ایسے وقت میں پیش آئے جب مونٹریال پولیس اسرائیل اور حماس کی جنگ کے دوران نفرت پر مبنی جرائم اور واقعات میں اضافے کی اطلاع دے رہی ہے۔پولیس حکام کے مطابق 7 اکتوبر سے 7 نومبر 2023 کے درمیان یہودی برادری کے خلاف 73 نفرت انگیز جرائم اور واقعات رپورٹ ہوئے۔ پولیس فورس کی رپورٹ کے مطابق وہ اسی عرصے کے دوران مسلم کمیونٹی کے خلاف 25 نفرت انگیز جرائم اور واقعات کی تحقیقات کر رہی ہے۔ ان مقدمات کے سلسلے میں گرفتاریاں کی گئی ہیں اور تحقیقات جاری ہیں۔

رپورٹس کے مطابق رواں ہفتے ہی شہر میں قائم ایک عبادت گاہ کو بھی آگ لگانے کا واقعہ رونما ہوچکا ہے اس کے علاوہ کنکورڈیا یونیورسٹی میں فلسطینیوں اور اسرائیل کے حامی طلبہ گروپوں کے درمیان جھڑپیں بھی دیکھنے میں آئی ہیں،اس واقعے پر کینیڈا کے وزیراعظم جسٹن ٹروڈو نے کہا کہ مجھے علم ہیں کہ اس وقت جذبات ابھرے ہوئے ہیں اور لوگ خوفزدہ ہیں لیکن ایک دوسرے پر حملے کرنے والے ہم کینیڈین میں سے نہیں ہیں

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

ہسپتال پر اسرائیلی حملہ ،جوبائیڈن کا دورہ اردن منسوخ

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

غزہ کے الشفا ہسپتال پر بھی بمباری 

اسرائیل کی حمایت میں گفتگو، امریکی وزیر خارجہ کو مہنگی پڑ گئی

اسرائیلی بمباری سے فلسطین کے صحافی محمد ابوحطب اہل خانہ سمیت شہید

 فلسطینی بچوں کو طبی امداد کی فراہمی کے لئے متحدہ عرب امارات میدان

امریکہ میں‌فائرنگ،گولیاں چل گئیں، 22 افراد کی موت، 50 سے زائد زخمی
امریکی شہر لیوسٹن میں تین مختلف مقامات پر گولیاں چل گئیں جس کے نتیجے میں 22 افراد کی موت ہو گئی جبکہ 50 سے زائد گولیاں لگنے سے زخمی ہو گئے ہیں

غیر ملکی میڈیا کے مطابق لیوسٹن میں عوامی مقامات پر فائرنگ کی گئی، حملہ آور ایک ہی تھا جس نے مختلف مقامات پر شہریوں کو نشانہ بنایا، حملہ آور نے ایک مقامی بار ، ریسٹورینٹ اور ڈسٹری بیوشن سنٹر پر فائرنگ کی، حملہ آور نے سیمی آٹو میٹک گن کا استعمال کیا جس کی وجہ سے بڑی تعداد میں ہلاکتیں ہوئیں، پولیس نے کاروائی کرتے ہوئے حملہ آور کو گرفتار کر لیا ہے جس کی شناخت 40 سالہ رابرٹ کے طور پر ہوئی

لیوسٹن میں گولیاں چلنے کے واقعات کے بعد ہسپتالوں میں ایمرجنسی نافذ کر دی گئی .لاشوں اور زخمیوں کو ہسپتا ل منتقل کر دیا گیا ، پولیس نے شہریوں سے اپیل کی ہے وہ گھروں میں رہیں، حملہ آور کے متعلق ابھی تک پولیس نے مزید آگاہ نہیں کیا.